Drøftingssak ny strategiplan for HVO. Dette er ei drøftingssak utan framlegg til vedtak

Transkript

1 Drøftingssak ny strategiplan for HVO Dette er ei drøftingssak utan framlegg til vedtak Innleiing På styreseminaret kom det til uttrykk at i det vidare arbeidet med strategiplanen skal det m.a. leggast vekt på følgjande punkt: Struktur/HVO si rolle i det nye UH-landskapet Profil og satsingsområde BOA og FoU HVO skal lage sine eigne mål I utkast til ny strategiplan har eg prøvd å følgje opp desse signala frå styret. Eg har fått innspel frå både det administrative leiarmøtet og dekanmøtet. HVO si rolle i det nye UH-landskapet I det nye UH-landskapet er det berre nokre få høgskular att som ikkje har signalisert at dei har universitetsambisjonar. Det er Østfold, Molde og HVO. Resten av dei statlege høgskulane er frå : Høgskolen i Innlandet, Høgskolen i Oslo og Akershus, Høgskolen i Sørøst-Norge og Høgskulen på Vestlandet(HVL). Dei har alle uttalte ambisjonar om å bli universitet. Med eit slikt landskap er det ikkje urealistisk å tenkje seg at høgskulane blir avskaffa som eigen kategori. Det vil truleg gå nokre år før det skjer. Men spørsmålet er om HVO skal ta aktive skritt for å møte eit slikt scenario. Dersom vi gjer det, kva alternativ har vi då? Teoretisk sett truleg berre tre: 1) fusjon med Molde 2) fusjon med HVL 3) fusjon med UiB. Fusjon med Molde vil ikkje bringe oss nærare universitetsstatus. Det vil heller ikkje styrke oss der vi er mest sårbar, nemleg på dei nye grunnskulelærarutdanningane. Ein slik fusjon vil heller ikkje gi oss eit styrka økonomisk grunnlag. Fusjon med HVL har styret allereie takka nei til. Vi vil ikkje vere i nokon strategisk posisjon til å forhandle om gode vilkår no når dei andre har brukt mykje ressursar på å kome fram til tilfredsstillande løysingar. Vi kan likevel reise spørsmålet om dette er heilt uaktuelt i framtida. Slik landskapet ser ut no, er truleg UiB den mest attraktive partnaren. Fusjon med UiB er ikkje aktuelt dei næraste åra. Men samarbeidsavtalen med UiB må utnyttast aktivt til å lage møteplassar og bygge gode relasjonar mellom fagtilsette på UiB og HVO og vidareutvikle studietilboda og styrke forskingsverksemda. I utkast til ny strategiplan har eg førebels lagt formuleringa: HVO er ein sjølvstendig høgskule Men UH-sektoren har endra seg mykje dei seinare åra. Eg meiner difor at styret bør diskutere om det bør stå noko i strategiplanen om at HVO på sikt skal arbeide for ein fusjon med UiB. Dersom det er aktuelt med fusjon, er leiinga samstemt i at den av både faglege og økonomiske grunnar må skje sørover og ikkje nordover. Elles er det ein generell regel at vi samarbeider med andre institusjonar når det bidrar til å styrke utdannings- og/eller forskingsverksemda vår. Vi er med i UH-nett Vest. Der har vi avtale om samarbeid som gjeld fram til På siste styremøtet i UH-nett Vest (091116) vart det frå alle medlemsinstitusjonane gitt uttrykk for sterk vilje til å halde fram med dette nettverket. Det bør kanskje stå noko om dette samarbeidet i strategiplanen? Utfordringar Utfordringane til HVO må vise igjen i planen. Kva er så utfordringane våre? Nokre er vel gjengangarar: søkning til studia/rekruttering, dårleg gjennomstrøyming på master, GLU, BOA, dårleg

2 tilslag på FoU-søknader, kompetanseutvikling, rekruttering av fagfolk på nokre område, få kvinner i toppstillingar. Andre er nye: Strammare økonomiske rammer/ny statleg finansieringsordning, det nye UHlandskapet/HVO er blitt ein liten aktør, Media-by Bergen. Er der fleire? Har vi greidd å fange opp utfordringane godt nok i utkastet? Kjem det internasjonale perspektivet godt nok fram? Innafor FoU er dei største utfordringane fram mot 2020 å utvikle og styrke forskinga knytt til tre strategisk viktige område: Dei nye grunnskulelærarutdanningane (alternativt: lærarutdanningane), den nye masterutdanninga i mediefag og PhD- utdanninga. I utkastet er det gjort framlegg om at desse tre områda skal ha prioritet når det gjeld kompetanseutvikling og tildeling av interne FoUmidlar. Profil og satsingsområde Når det gjeld profil har vi tatt utgangspunkt i fagområda våre. I avsnittet under har vi diskutert med utgangspunkt i om det finst ein Merkevare HVO og kva som i så fall er kjenneteikna. Satsingsområde: Her gjer eg framlegg om at det skal vere praktiske mediefag og nynorsk i forsking og utdanning. HVO skal framleis prioritere fleksible vidareutdanningstilbod, men dette skal ikkje lengre vere eit nasjonalt satsingsområde. Mål Det blei vanskeleg å få til eit oversiktleg dokument innafor ramma av dei gjeldande sektormåla. Difor har eg heller nytta inndelinga Utdanning og studiemiljø, Forsking og utvikling, Samfunnsoppdrag og kunnskapsdeling og Organisasjon og menneskelege ressursar. Vi har også diskutert eigne mål fram mot Til slutt i utkastet har vi diskutert korleis vi kan kome oss dit vi vil (handlingsplan).

3 Utkast til Strategiplan for HVO Visjon Kompetanse for framtida Identitet og verdiar Vi vil halde høgt verdiar som tillit, respekt, openheit, fellesskap, demokrati og ærleg framferd. HVO skal vere inkluderande, relevant og uavhengig. HVO forventar at all verksemd skal ha høg kvalitet. Dette tyder at undervisning, forsking og formidling held eit høgt nivå og at støtteapparatet har høg kompetanse. HVO skal vere ei kunnskapsbasert og kritisk røyst i samfunns- og utdanningsdebatten. Struktur - HVO si rolle i det nye UH-landskapet HVO er ein sjølvstendig høgskule som samarbeider med andre universitet og høgskular nasjonalt og internasjonalt når det styrkar utdannings- og forskingsverksemda vår (evt. når det bidreg til å styrke dei strategiske måla våre). I planperioden skal HVO utvikle eit særleg nært samarbeid med UiB i tråd med det samarbeidsavtalen legg opp til. HVO skal halde fram med samarbeidet i UH-nett Vest Profil HVO er høgskulen for humaniora og samfunnsvitskap i Møre og Romsdal. HVO er i hovudsak ein profesjonshøgskule som også tilbyr fagstudium. HVO gir profesjonsutdanningar på BA-, MA- og phdnivå for skule og barnehage, og innanfor media, kultur, samfunn og velferd (der lærarutdanningane er bærebjelkar i studieporteføljen). HVO er kjenneteikna av solid forskingstradisjon med fleire sterke fagmiljø, praksisretta medieutdanning, lang lærarutdanningstradisjon, godt regionalt forankra profesjons- og vidareutdanningar, internasjonalisering, ein kompakt campus med nærleik mellom student(ar) og fagmiljø. HVO har desse nasjonale satsingsområda: Praktiske mediefag og nynorsk i forsking og utdanning Praktiske mediefag HVO skal framleis vere den leiande yrkesretta medieutdanninga i Norge Nynorsk i forsking, utdanning og formidling HVO skal fremje nynorsk språk og kultur i samverke med mellom andre Universitetet i Bergen, Nynorsk kultursentrum og Nasjonalt senter for nynorsk i opplæringa Utdanning og studiemiljø Overordna mål HVO skal vere tufta på profesjonsretta grunnutdanningar av høg kvalitet som blir utvikla i samspel mellom regionalt arbeidsliv, nasjonale krav og internasjonale impulsar Gjennom utdanningane ved HVO skal studentane få hjelp til å utvikle kunnskap, kulturforståing, utøvande ferdigheiter (dugleik), evne til kritisk refleksjon og bli kvalifiserte til arbeid i eit fleirkulturelt samfunn HVO skal ha eit levande, attraktivt og godt studiemiljø med tett kontakt mellom lærar og student og mellom ulike studentgrupper HVO skal ha studentaktive læringsformer og inkludere studentar i aktuelle forskingsprosjekt

4 HVO skal vidareutvikle fleksible og distanseovergripande studietilbod av høg kvalitet (Eigne) Mål fram mot 2020 HVO skal styrke leiinga av utdanningsprogramma HVO skal vere blant dei beste på gjennomstrøyming HVO skal ha minst 1,5 (eller meir ambisiøst) søkjarar per studieplass (i SO) HVO skal vere blant dei fremste på e-læring HVO skal vere blant dei beste på studentutveksling HVO skal utvikle minst tre nye erfaringsbaserte masterutdanningar Forsking og utvikling Overordna mål Høgskulen i Volda skal ha tilsette med høg kompetanse i undervisning, forsking og utviklingsarbeid HVO skal utvikle eigne tilsette og ha attraktive fagmiljø for eksterne søkjarar og samarbeidspartar Utdanningane ved HVO skal vere tufta på forsking og utviklingsarbeid HVO skal stimulere til tverrfagleg forskings- og utviklingsarbeid HVO skal gje studentar innsikt i og erfaring med FoU-arbeid ved å involvere dei i aktuelle prosjekt HVO skal auke summen av bidrags- og oppdragsinntekter (eksterne forskingsinntekter) (Eigne) Mål fram mot 2020 Prioritere FoU-ressursar til tre strategisk viktige område: Dei nye grunnskulelærarutdanningane (alternativt: lærarutdanningane), den nye masterutdanninga i mediefag og PhD- utdanninga Auke talet søknadar til nasjonale og internasjonale finansieringskjelder frå forskarar og forskingsmiljø ved HVO Tal publiseringspoeng (på HVO) skal auke med 15% HVO skal ha minst to (tre) forskingsprosjekt i samarbeid med UiB Samfunnsoppdrag og kunnskapsdeling Overordna mål HVO skal sikre god tilgang til utdanning og forsking gjennom regionalt engasjement og bruk av ny teknologi i formidling av utdanning og forsking HVO skal utdanne framtidige generasjonar innanfor humaniora og samfunnsvitskap og skape kunnskap og ferdigheiter som trengst for å bidra til ei rettferdig og berekraftig verd HVO skal tilby livslang læring og fleksibilitet i utdanningane våre HVO skal samarbeide aktivt med offentlege verksemder og næringsliv regionalt og nasjonalt HVO skal stimulere til kunnskapsdeling og dialog knytt til høgskulen si utdannings-, formidlings- og forskingsverksemd (Eigne) Mål fram mot 2020 HVO skal gjere utdanning tilgjengeleg for dei som ikkje har høve til å studere på heiltid HVO skal vere blant dei fremste i å tilby fleksible vidareutdanningstilbod

5 Auke BOA-inntektene med 50% (evt doble BOA-inntektene) HVO skal samarbeide med regionale aktørar om å etablere ein kunnskapspark i Volda Organisasjon og menneskelege ressursar Overordna mål Sikre god ressursutnytting HVO skal vere prega av høg kompetanse, effektive arbeidsprosessar og evne til omstilling HVO skal gjennom eigen personalpolitikk medverke til eit godt arbeidsmiljø prega av inkludering, mangfald og likestilling HVO skal satse sterkt på aktiv rekruttering og kompetanseheving av medarbeidarane HVO sin infrastruktur skal ha ein standard som byggjer opp under ambisjonane våre (Eigne) Mål fram mot 2020 HVO skal vere blant dei mest kostnadseffektive institusjonane HVO skal vere blant dei mest effektive institusjonane når det gjeld tal studiepoeng per fagleg tilsett Utarbeide og implementere ein rekrutterings- og kompetansehevingsplan 60% av fagstaben skal ha førstekompetanse Tal kvinner i toppstillingar skal doblast Tiltak/handlingsplan/korleis kome dit vi vil Tiltak nasjonale satsingsområde: Fullføre arbeidet med nytt mediebygg Samle medieutdanningane til eitt fagmiljø Gjere mediefagleg kompetanse relevant for andre samfunnsområde (Kunnskap om praktiske mediefag/formidling skal vise igjen i heile studieporteføljen.) Samarbeide med UiB om språksamlingane Vidareutvikle mastergraden i nynorsk skriftkultur Etablere forskingsgruppe innafor nynorskfeltet Arbeide for å få Norsk Ordbok til HVO? Vidareutvikle samarbeidet i nynorskklynga i Volda/Ørsta Tiltak resten (må finne anna formulering) Utdanning: FoU: Lage betre rutinar for strategisk utvikling av studieporteføljen Arbeide aktivt med studentrekruttering Styrkje teknisk infrastruktur og heve fagleg-pedagogisk kompetanse for vidare satsing på digitalisering og fleksible studietilbod Vere aktiv i samarbeidet med UiB dette går på tvers av måla HVO skal organisere forskingsgrupper som støtte for forskarane Auke forskingsinnsatsen gjennom meir målretta styring av FoU-ressursane Prioritere ressursar til å utvikle gode FoU-prosjekt

6 Stimulere til aktivitet i forskargruppene og sørgje for at alle som driv med forsking er medlem av ei forskargruppe internt eller eksternt Ha fokus på å få forsking ut i nivå 2 tidsskrift gjennom t.d. jamlege skriveseminar der det er fokus på å skrive og kva krav som må følgjast for å få godkjent artiklar der Leggje til rette for at det blir skrive søknadar om eksterne midlar frå regionale, nasjonale og europeiske finansieringskjelder Samfunnsoppdrag og kunnskapsdeling: Auke dei eksterne inntektene gjennom fornya satsing på bidrags- og oppdragsaktivitet (Setje i verk tiltak for å) Auke søknads- og prosjektleiingskompetansen Utvikle vidareutdanningar i samarbeid med det regionale arbeidslivet Delta aktivt i prosjektet med å utvikle ein kunnskapspark i Volda Organisasjon og menneskelege ressursar: Evaluere den interne budsjettfordelingsmodellen i lys av ny statleg finansieringsmodell Sterkare styring når det gjeld utnyttinga av undervisningsroma Evaluere/vurdere avdelingsstrukturen Utarbeide og implementere ein kompetansehevingsplan Prioritere ressursar til kompetanseutvikling mot strategisk viktige område (GLU (lærarutdanningane), mediefaga, PhD) HVO skal arbeide vidare med ein campusutviklingsplan som sikrar god utnytting av høgskulen sitt areal - både med omsyn til tenleg bygningsmasse og gode uteområde Sikre tenelege undervisningsrom for studentgrupper av ulik storleik

7 Strategiplan for Høgskulen i Volda Vedteken av høgskulestyret VISJON Kompetanse for framtida. IDENTITET OG VERDIAR Høgskulen i Volda (HVO) er tufta på ein lang folkeopplysningstradisjon frå 1700-talet med lærarutdanning frå 1860-åra og distriktshøgskule frå Vi vil halde høgt verdiar som tillit, respekt, openheit, demokrati og ærleg framferd. HVO skal vere inkluderande, relevant og uavhengig. PROFIL HVO er høgskulen for human- og samfunnsvitskapane i Møre og Romsdal, og dei nasjonale satsingsområda våre er: - Yrkesretta medieutdanning - Nynorsk i utdanning, forsking og formidling - Fleksible vidareutdanningstilbod UTDANNING OG STUDIEMILJØ HVO skal vere tufta på profesjonsretta grunnutdanningar av høg kvalitet HVO skal vidareutvikle fleksible og distanseovergripande studietilbod av høg kvalitet Utdanningane ved HVO skal utviklast i samspel mellom regionalt arbeidsliv, nasjonale krav og internasjonale impulsar HVO skal ha eit levande, attraktivt og godt studiemiljø med tett kontakt mellom lærar og student og mellom ulike studentgrupper Utdanningane ved HVO skal utvikle kunnskap, kulturforståing, evne til kritisk refleksjon og kvalifisere til arbeid i eit fleirkulturelt samfunn HVO skal utvikle fleksible femårige utdanningsløp med utgangspunkt i BA-utdanningane HVO skal satse vidare på kunstnarlege kvalitetstilbod for born og unge HVO skal leggje til rette for og stimulere til livslang læring i nært samspel mellom utdanning og arbeidsliv, forsking og utviklingsarbeid HVO skal styrkje kvaliteten i og auke omfanget av internasjonale tilbod 1

8 FORSKING OG UTVIKLINGSARBEID HVO skal stimulere til tverrfagleg forskings- og utviklingsarbeid HVO skal auke internasjonaliseringa av FoU-arbeidet HVO skal gje studentar innsikt i og erfaring med FoU-arbeid ved å involvere dei i aktuelle prosjekt HVO skal organisere forskingsgrupper som støtte for forskarane SAMFUNNSOPPDRAG OG KUNNSKAPSDELING HVO skal vere ei kunnskapsbasert og kritisk røyst i samfunns- og utdanningsdebatten HVO skal samarbeide aktivt med offentlege verksemder og næringsliv regionalt og nasjonalt HVO skal stimulere til kunnskapsdeling og dialog knytt til høgskulen si utdannings-, formidlings- og forskingsverksemd HVO skal fremje nynorsk språk og kultur i samverke med mellom andre Nynorsk kultursentrum og Nasjonalt senter for nynorsk i opplæringa HVO skal samarbeide med leiande fagmiljø regionalt, nasjonalt og internasjonalt for å fremje kvalitet i undervisning, forsking og utviklingsarbeid HVO skal samarbeide med andre utdanningsinstitusjonar med sikte på arbeidsdeling og auka kvalitet for å tryggje studiestaden Volda og regionen sitt framtidige kompetansebehov ORGANISERING, PERSONALPOLITIKK OG ADMINISTRASJON HVO skal gjennom eigen personalpolitikk medverke til eit godt arbeidsmiljø prega av inkludering, mangfald og likestilling HVO skal satse sterkt på aktiv rekruttering, lønspolitikk og kompetanseheving av medarbeidarane HVO skal til ei kvar tid ha ein oppdatert og godt fungerande infrastruktur HVO skal ha organisering og system for å styrke både kvalitet og effektivitet i bruken av ressursane TILTAK I PERIODEN 2015 TIL 2018: Fullføre campusutviklingsprosjektet og planlegge eit nytt bygg for moderne formidling Utvikle ny femårig lærarutdanning med høg kvalitet Vidareutvikle Forskingssenter for skriftkultur som ein integrert del av Ivar Aasen-instituttet for språk og litteratur Etablere ny yrkesfaglærarutdanning på Nord-Vestlandet Utvikle mastertilbod på fleire fagområde og samordne dei eksisterande Starte opp PhD i helse- og sosialfag saman med Høgskolen i Molde Vidareutvikle Seanse senter for kunstproduksjon Styrkje teknisk infrastruktur og heve fagleg-pedagogisk kompetanse for vidare satsing på digitalisering og fleksible studietilbod Auke talet på digitale eksamensavviklingar Betre tilhøva for samlingsbaserte studiar både fysisk og organisatorisk Utarbeide og implementere ein rekrutterings- og kompetansehevingsplan 2

9 Auke dei eksterne inntektene gjennom fornya satsing på bidrags- og oppdragsaktivitet Auke forskingsinnsatsen gjennom både individuelle FoU-ressursar og større prosjekt med nasjonale og internasjonale nettverk Styrkje det internasjonale tilbodet i utdanningane ved å tilby undervisning og pensum på engelsk i utvalde program/emne Vidareutvikle det faglege og organisatoriske samarbeidet mellom utdannings- og forskingsmiljøa i Møre og Romsdal og resten av Vestlandet 3