MØTEBOK Læringsmiljøutvalet Møtestad: Møterom 2020, Høgskulebygget : 26.11.2014 Tidspunkt: 12:30-14:30 Til stades: Thomas Nybø, Annicken Lindseth, Heidi Sofie Gommerud, Aud Marie Stundal, Wenche Fjørtoft, Sissel Kvåle Ulla, Berit Pettersen, Terje Bjelle, Tove Takvam Uglum (sekretær) Sakskart Godkjenning av innkalling og sakliste Saksnr Innhald VS 17/14 Godkjenning av møtebok frå LMU-møte 24.09 VS 18/14 Gjennomgang av handlingsplan for styrking av læringsmiljøet ved HiSF VS 19/14 Gjennomgang av SHoT-undersøkinga 2014 VS 20/14 Tett på-konferansen 2015 OS 21/14 Orienteringssaker VS 22/14 Ymse
VS 17/14 Godkjenning av møtebok frå møte 24.9.2014 : LMU godkjenner møtebok frå møte 24.9.2014. : Møteprotokollen vart godkjend utan merknader.
18/14 Læringsmiljøutvalet 26.11.14 Gjennomgang av handlingsplan for styrking av læringsmiljøet ved HiSF Saka blir lagt fram til drøfting. Saksvedlegg Handlingsplan for styrking av læringsmiljøet ved HiSF Saksframstilling Handlingsplanen vart vedtatt i 2013. Som det går fram av planen, skal LMU på kvart møte drøfte, prioritere og følgje opp arbeidet med tiltaka. Det blei foreslått å ha fokus på psykososialt læringsmiljø og internasjonalisering. Psykososialt læringsmiljø var eit tema på årets Tett på-konferanse, og også i årets SHoT-undersøking. Naturleg å følgje opp dette. Internasjonalisering er noko høgskulen skal ha fokus på framover, og som vart påpeika av NOKUT-tilsynet no i haust som eit område HiSF må jobbe meir med. Handlingsplanen bør justerast i forhold til ny strategiplan. Sekretæren ordnar med dette. Vedtak LMU skal ha særleg fokus på to punkt i handlingsplanen dette studieåret: Psykososialt læringsmiljø og internasjonalisering.
19/14 Læringsmiljøutvalet 26.11.2014 Gjennomgang av SHoT-undersøkinga 2014 Saka blir lagt fram til drøfting. Saksvedlegg SHoT 2014 rapport SHoT 2014 HiSF, grafikkrapport SHoT 2014, presentasjon SISOF Saksframstilling SHoT 2014 er ei helse og trivselskartlegging blant studentar i Noreg. Det er 10 samskipnader som har deltake i undersøkinga. 603 HiSF-studentar deltok i undersøkinga. Utvalet hadde ein god gjennomgang av undersøkinga. Noko av det som blei diskutert undervegs: Studentane ved HiSF slit meir med psykisk helse enn landsgjennomsnittet. HiSF er den institusjonen i landet som har flest unge studentar, noko som kan vere forklaringa på dette. 61% av dei nye studentane våre i år var under 21 år. Dette kan ein vere obs på i oppstarten. Mange kjem rett frå vidaregåande og bur aleine for første gang, og då blir overgangen stor. Fadderordninga: Utvalet snakka om kor viktig rolla som fadder er. Dette må fadrane bli gjort endå meir medvitne på. Det dei seier, blir tillagt stor vekt. Det er derfor viktig at dei har stort fokus på det faglege, og at dei ikkje «snakkar ned» studiet sitt. Her har institutta også eit ansvar for å bevisstgjere sine fadrar. Fadderopplæringa hadde i år større fokus på det faglege, og slik bør det bli også framover. Utvalet var også opptatt av å fortsette å halde fokus på alkoholfrie arrangement i faddervekene. Alkoholforbruk. SHoT-undersøkinga viser at HiSF-studentar drikk meir enn landsgjennomsnittet. Også her blei det trekt fram at fokus på alkoholfrie arrangement under faddervekene er viktig, for å sette ein «standard». Utvalet var tydelege på at høgskulen ikkje skal tilpasse undervisning og eksamen under faddervekene og Studentveka, ved t.d. å unngå tidlege forelesingar eller eksamenar under Veka. Ein skal ikkje gi eit signal om at sosiale aktivitetar er viktigare enn det faglege. Våre studentar jobbar mindre med studia enn landsgjennomsnittet. Dette viser også Studiebarometeret. Det vart diskutert om faglærarane stiller for låge krav til studentane. Studentrepresentantane i utvalet var tydelege på at dersom faglærarane stiller krav heilt frå starten, har det god effekt! Utvalet ønskjer at både fadrar og fagtilsette skal ha fokus på kor viktig det er å jobbe godt heilt frå starten av studieåret. Det kom forslag om at det ved neste fadderopplæring skal brukast dyktige studentar til å snakke med fadrane om viktigheten av å snakke godt om studiet sitt, og ikkje vere for subjektive i uttalelsane sine. Skape stolthet!
20/14 Læringsmiljøutvalet 26.11.2014 Tett på-konferansen 2015 Saka blir lagt fram til drøfting. Saksframstilling Vedtak frå Læringsmiljøutvalet 09.04.2014: «LMU ønskjer å halde fram med Tett på-konferansen. Utvalet ber Studentparlamentet om å hente inn informasjon om kva som skal til for å engasjere fleire studentar til å delta på konferansen.» I skrivande stund har ikkje Parlamentet meldt tilbake noko til LMU. Det vart spelt inn at dersom vi ønskjer god deltaking frå studentane på konferansen, må temaet engasjere breitt. Det kom forslag om at tema kunne vere «studieinnsats», med gode innlegg som utfordrar både dei tilsette og studentane. Leiar i LMU sit i arbeidsgruppa for neste års konferanse, og han orienterte om at det skulle vere møte i arbeidsgruppa dagen etter LMU-møtet. Vedtak LMU drøfta saka.
21/14 Læringsmiljøutvalet 26.11.2014 Orienteringssaker LMU tek orienteringssakene til vitande. Saker til orientering: 1. Leiar i LMU fortel frå årets LMU-forum i Trondheim. 2. AMU ønskjer å ha fokus på snus. Både når det er greitt å snuse, og forsøpling. Etter kvart øskjer dei å invitere studentar for å diskutere temaet. 3. Faddervekene 2014. Det er veldig ulike meiningar om det var drikkepress eller ikkje. Nokre uttrykker ønskje om ei faddergruppe for dei som vil delta på alkoholfrie arrangement. Dette er blitt gjort ved andre institusjonar. Nokre er kritiske til måten det blir rekruttert fadrar på. Både at det er Meieriet som står for dette, og at mange av fadrane sin motivasjon for å vere fadder er gratis festar og konsertar. 4. Det er gjennomført to prøveeksamenar i digital eksamen. Sissel Kvåle Ulla orienterer i møtet. 5. John Ove Berge har hatt møte med lokallaget til Natur og ungdom i Sogndal. Dei ønskjer betre bossorteringssystem for studentane. Det vil som ei prøveordning bli sett ut eit sorteringssystem for bos i 4. og 5. etasje i Høgskulebygget. 6. Karrieresenteret jobbar med eit prosjekt for å utvikle studentrådgivarar. Dette er i samarbeid med ALI-tilsett Anders Stavnsbo, som tidlegare har jobba med eit slikt prosjekt ved eit universitet i Danmark. Målet med prosjektet er å hindre fråfall og få nye studentar raskt i gang. Gjennom opplæring skal studentrådgivarane, som skal vere 3. årsstudentar og peika ut av institutta, vere tilgjengeleg for førsteårsstudentane i første semester. Dei skal kunne hjelpe studentane i gang både fagleg og sosialt, ut frå sine eigne erfaringar. I første omgang vil ein prøve ut ordninga på nokre studium. Studentrådgivarane vil bli lønna. I saka om snus var det delte meiningar om ein kan forby snus. Utvalet var enige om at det kan vere bra å ha nokre retningslinjer for bruk, til dømes for studentar som skal i praksis.
I saka om studentrådgivarar var utvalet tydelege på at studentane må ha ein annan tittel enn studentrådgivar. Det vil elles bli forvirring om kva rolle studentane har, i forhold til rolla som studierådgivarar ved HiSF og studentrådgivar ved SISOF har. Vedtak Utvalet tok orienteringssakene til vitande.