FLORA KOMMUNE Saksgang Møtedato Saksnr Bystyret 02.10.2012 Sakshandsamar: Terje Heggheim Arkiv: K1-614, K3-&50 Objekt: Arkivsaknr 09/1411 KJØP AV FLORØ SJUKEHUS Kva saka gjeld: Flora kommune må ta stilling til kjøp av Florø sjukehus. Bystyre har bede rådmannen svare på ei bestilling som gruppeleiarane har vore styringsgruppe i arbeidet med. I saksutgreiinga og vedlegget vil det bli svara på dei fleste av desse spørsmåla. FRAMLEGG TIL VEDTAK: Alternativ 1 1. Flora kommune kjøper Florø sjukehus i samsvar med bystyrevedtak 104/12 2. I samband med budsjett og handlingsprogram for 2013 skal rådmannen ta inn dei økonomiske konsekvensane slik dei kjem fram av alternativ 1a. 3. Rådmannen får fullmakt til å forhandle og forplikte kommunen i forhandlingar med Helse Førde innanfor dei rammene som følgjer av alternativ 1a. Det må takast atterhald om Fylkesmannen si godkjenning av låneopptak 4. Rådmannen startar umiddelbart arbeidet med å sjå om eigedomen kan seljast til, eller realiserast i samarbeid med andre aktørar 5. Formannskapet får fullmakt til å avgjere sal av eigedomen som følgje av rådmannen si utgreiing etter punkt 4. 6. Sak om eventuelt samarbeid med andre aktørar etter punkt 4 vert å legge fram for bystyret.. Alternativ 2 Flora kommune kjøper ikkje Florø sjukehus Terje Heggheim rådmann
Vurdering: I sak 104/12 vedtok bystyret: 1. Flora kommune sin intensjon er å kjøpe Helse Førde sin sjukehuseigedom med påståande bygningsmasse i Florø for kr. 5mill. 2. Rådmannen set ned ei tverrfagleg gruppe for å utgreie moglege bruksområder for eigedomen. Gruppeleiarane er styringsgruppe. 3. Rådmannen utgreier driftsmessige og økonomiske konsekvensar ved kjøp av eigedomen. 4. Saka vert å legge fram for endeleg vedtak om kjøp i fyrste bystyremøte hausten 2012. 5. Med bakgrunn i Flora kommune og Helse Førde sitt sams ynskje om å møte og innfri sentrale intensjonar i Samhandlingsreforma sluttar Flora kommune seg til planar om utvikling av nye tenester i Florø slik det går fram av intensjonsavtale av 31.05.12. Rådmannen har saman med gruppeleiarane utarbeidd eit notat som svarar på dei fleste av punkta ovanfor. Nokre av dei faktorane rådmannen og gruppeleiarane har lagt mest vekt på er: Kjøp av eigedomen og deretter sal eller samarbeid med private aktørar Ut frå kommunen sine avgrensa økonomiske føresetnader har det vore viktig å finne ut om kommunen kan gå i allianse med andre aktørar i ei realisering av eigedomen. I utgangspunktet kan private stå for all investering, bygging, risiko og utleie. Det er føremålet for kva dei leigar ut til, som er viktig å høve til gjeldande føremål i sentrumsplanen. Denne seier at det skal vere offentleg tenesteyting på området. Dette kan vera kommunal eller statleg skule, offentlege kontorar, omsorgstenester, omsorgsbustader osv. Det vil også vere å selje omsorgsbustader, slik at brukarane eig sine eigne bustader. Det som ikkje vil vere i trå med gjeldande plan vil vere eit reint bustad, eller næringsprosjekt. Dette vil krevje ein regulering som ikkje er i trå med trå med overordna plan, og vil difor vere ein relativt omfattande prosess, sjå merknad knytt til spørsmål 6. Alternative modellar og økonomiske konsekvensar Arbeidsgruppa har sett på tre ulike modellar. Alternativ 1, a Økonomiske investerings- og driftsmessige konsekvensar ved å kjøpe bygget til 5 millionar kroner og vedlikehald som er naudsynt for å halde bygget på kort sikt Kjøp kr 5,0 mill lån Årlege FDV kostnader kr 4,5 mill drift Naudsynt og minimal oppgradering kr 5,0 mill lån Sum kr 14,5 mill Driftsmessige konsekvensar: 5,5 mill kr Kapitalutgifter anslått til 10 % av investering 10 mill kr gir ei årlege utgift på 1 mill kr Årlege FDV kostnader lik 4,5 mill kr Søke Fylkesmannen om låneopptak: 10 mill kr Investeringsmessige konsekvensar: 10 mill kr
Alternativ 1, b Økonomiske investerings- og driftsmessige konsekvensar ved å kjøpe bygget til 5 millionar kroner og vedlikehald som er naudsynt for å halde bygget på kort sikt vedlikehald etter taksten Kjøp kr 5,0 mill lån Årlege FDV kostnader kr 4,5 mill drift Rehabilitering yttertak og veggar: kr 9.1 mill lån Innerveggar, ventilasjon og el-anlegg: kr 9.1 mill lån Sum kr 27,7 mill Driftsmessige konsekvensar: 6,82 mill kr Kapitalutgifter anslått til 10 % av investering 23,2 mill kr gir ei årlege utgift på 2,32 mill kr Årlege FDV kostnader lik 4,5 mill kr Søke Fylkesmannen om låneopptak: 23,2 mill kr Investeringsmessige konsekvensar: 23,2 mill kr Alternativ 2 Økonomiske investerings- og driftsmessige konsekvensar ved å kjøpe bygget til 5 millionar kroner og rive blokk 1 (gamal del) Kjøp kr 5,0 mill lån Årlege FDV kostnader kr 3,0 mill drift Riving blokk 1 kr 12,5 mill lån Nytt kommunalt kjøkken kr 10,0 mill lån Sum kr 30,5 mill Driftsmessige konsekvensar: 5,75 mill kr Kapitalutgifter anslått til 10 % av investering 27,5 mill kr gir ei årlege utgift på 2,75 mill kr Årlege FDV kostnader lik 3 mill kr Søke Fylkesmannen om låneopptak: 27,5 mill kr Investeringsmessige konsekvensar: 27,5 mill kr Styringsgruppa er samde om at alternativ 1 a er det mest aktuelle. Bruk av sjukehusbygget til kommunale føremål Rådmannen vart vidare beden om å svare på kva tenester og aktivitetar som kan flyttast til eksisterande lokale med minimal ombygging. Rådmannen ser det vanskeleg å svare på spørsmålet på no. For det første må vi vite kva areal som eventuelt vert frigjort av Helse Førde ved ei eventuell flytting av deira tenester. Kva vil istandsetting til vårt føremål koste? Dersom vi tar kommunale tenester ut av leigeobjekt vi har i dag og flytter desse inn i sjukehuset kva blir totaløkonomien når vi i ein periode må betale husleige begge plassar? Det viktigaste spørsmålet vil likevel vere kva binding ein slik kommunal bruk representerer dersom vi skal selje eigedomen vidare, eller samarbeide med andre om framtidig bruk.
Det er kun ei utgreiing etter kjøp og avklaring av spørsmåla ovanfor som kan gi oss svar på dette. Rådmannen ser det som uforsvarleg ovanfor organisasjonen å legge flytting av kommunale tenester inn som ein føresetnad for kjøp. Kan vi rive delar av bygningsmassen? Dersom det blir aktuelt å rive heile eller delar av sjukehuset vil det være viktig å vurdere dei kulturhistoriske verdiane av den eldste delen av bygget. Dette har i snart 100 år vore eit sentralt område og bygg i byen. Det vil uansett ikkje vere snakk om at store delar av bygget må vurderast, å bli tatt vare på, og det vil bere vere fasadane som er viktige. Bygget er ikkje vurdert som særskilt verneverdig eller som verneverdig miljøobjekt i sentrumsplanen. Bygget ligg heller ikkje innanfor NB: registret til Riksantikvaren. Begge desse høva tilseier at Fylkeskommunen v/fylkesdirektør for kultur, som er mynde, på vegne av Riksantikvaren, ikkje bør leggje seg opp i saka. Med andre ord er dette ein lokal sak. Kommunen har gjennom mange år vore restriktive til å gje rivingsløyve i sentrum, før det ligg føre godkjende planar for kva som skal kome på tomta etterpå. Dette inneberer at ein ved ei riving av bygget bør ha ein plan for kva ein skal gjere med området/tomta på kort og lang sikt, før ein kan gje løve til riving. Kommunen kan velje å gi dispensasjon frå kravet om plan for kva ein skal nytte området til etter riving, med heimel i at dette er ein heilt spesielt område i byen, og vil såleis ikkje gje verknad for andre prosjekt i høve til kravet til likebehandling. Sjukehuseigedomen sin tekniske stand Rådmannen viser til vedlagte arbeidsdokument og kan legge fram takstgrunnlaget for 2006 om bystyret ønskjer det. Styringsgruppa fekk ei orientering frå kommunen si eigedomsavdeling om taksten og behovet for vedlikehald av anlegget. Rådmannen vil vere klar på at det er stor usikkerheit knytt til dette og at framtidig vedlikehald såleis representerer ein risiko i prosjektet. Organisasjonsform, kven skal eventuelt kjøpe Stifting av kommunalt selskap til føremålet Styringsgruppa drøfta ulike former for gjennomføring av sjølve kjøpet. Kan kjøpet gjennomførast av kommunen sjølv, eller kan eit av kommunen sine selskap stå for sjølve transaksjonen. Å stifte eit nytt selskap (AS) til føremålet kan vere ein muleg måte å gjere dette på. Å vurdere ulike organisasjonsformer heng saman med eit motiv som handlar om å la eit slikt kjøp ha minst muleg økonomisk konsekvens for den kommunale drifta. Kjernen i reglane som regulerer oss på dette området slår kategorisk fast at det ikkje er høve til å nytte lånemidlar til å kjøpe aksjar. Det same gjeld eventuelt å nytte lånemidlar til å gje tilskot til andre. Dersom vi skulle vurdere å gi et lån på 10 mill kr til et 100 % kommunalt eigd aksjeselskap for å kjøpe Florø Sjukehus samt å dekke selskapet sine driftsutgifter i ein periode, vil Kommunelova 50 nr. 6 kome til bruk Kommuner og fylkeskommuner kan ta opp lån for videre utlån. Det kan tas opp lån til forskuttering når det er gjort avtale om full refusjon. Vilkåret er at mottakere ikke driver næringsvirksomhet og at midlene skal nyttes til investeringer."
Lovreferansen slåt fast at tre vilkår skal vere innfridd samstundes; 1) forskottering med full refusjon, 2) mottakar skal ikkje drive næringsverksemd og 3) midlane skal nyttast til investering. Med andre ord vil vi vere avhengig av at eit selskap skal betale til kommunen fullt ut det dei har mottatt frå oss. At kommunen sitt eige selskap har som føremål å realisere eigedomen ovanfor eller i saman med andre/private kjem i direkte konflikt med vilkår 2. For det tredje vil selskapet ikkje ha grunnlag for drift dersom heile overføringssummen skulle gå til sjølve investeringa. Vi vil vere avskorne frå å gi selskapet midlar til å vedlikehalde eiegedomen då dette blir sett på som driftsmidlar som kjem i konflikt med vilkår 3 ovanfor. Flora kommune har ikkje i dag oppsparte fondsmidlar som eventuelt kan nyttast som eigenkapital i eit slikt selskap. Då måtte vi nytta lånemidlar som eigenkapital i eit eige aksjeselskap. Det går ikkje, jamfør kommunelova 50 ovanfor. Rådmannen ser ikkje at det er muleg med transaksjon mellom kommunen og eit AS utan at driftsrekneskapen vert utfordra. Flora kommune kjøper sjølv eigedomen Denne modellen er utgreidd ovanfor og avhengig av tre alternativ (1a, 1b og 2) vil eit slikt kjøp påverke den kommunale driftsrekneskapen med mellom 5,5 millionar til 6,82 millionar kroner. Investeringa vil påverke det kommunale investeringskapitelet med mellom 10 og 27,5 millionar kroner, avhengig av alternativ. I Flora kommune sin situasjon må difor eit kjøp av Florø sjukehus finansierast over drifta. Det er ei politisk prioritering som avjger om det skal skje. Avsluttande vurdering I bystyre sitt vedtak 104/12 punkt 1 vart det slått fast at Flora kommune sin intensjon er å kjøpe Helse Førde sin sjukehuseigedom med påståande bygningsmasse i Florø for kr. 5mill. Vidare bestilte bystyre ei klargjering frå rådmannen kva tenester som kan gå inn i bygget. Eg har forklart kvifor det ikkje blir svart på dette der eg blant anna peikar på at det blir uforsvarleg å legge flytting av kommunale tenester inn som ein føresetnad. Dei økonomiske modellane er utgreidd og utgjer grunnlag for politisk prioritering. I arbeidet etter forrige bystyrevedtak har rådmannen blitt spurt om å sjekke ut korleis Fylkesmannen vil stille seg til kommunal bruk av lånemidlar til kjøp av eigedomen. Med grunnlag i erfaring frå tidlegare tar ikkje Fylkesmannen stilling til enkeltprosjekt som blir tatt ut av ein budsjettmessig samanheng. Det er prosjekt og investeringstiltak som del av budsjett og økponomiplan som blir vurdert godkjend eller ikkje av Fylkesmannen. Rådmannen hadde telefonkontakt med Fylkesmannen om dette og eg har ikkje grunnlag for å tolke dette annleis no. Med bakgrunn i at bystyret har vedtatt ein intensjon om kjøp og ut frå det faktum at rådmannen er bedt om å vise økonomiske følgjer av dette, vil rådmannen sitt framlegg til vedtak vere todelt. Eitt som følgjer opp med kjøp av eigedomen og eitt som legg opp til at kommunen ikkje kjøper. Dette meiner eg er forsvarleg sakshandsaming ut frå den økonomiske stoda til kommunen. Prenta vedlegg: Arbeidsdokument frå styringsgruppa