Møtebok for Formannskapet i Radøy

Radøy kommune Møtedato: 05.06.2014 Møtested: Kommunestyresalen Møtetid: 09:00 Møtebok for Formannskapet i Radøy Møtedeltakarar Parti Rolle Jon Askeland SP Ordførar Ann Christin Hoen AP Varaordførar Frode Hervik V Medlem Finn Frantzen KRF Medlem Silje Namtvedt SP Medlem Roy Bø FRP Medlem Kenneth Taule Murberg H Medlem Andre møtande: Rådmann Jarle Landås, plankonsulent Kjersti Flatråker i sak 050, økonomisjef Sveinung Kvamme i sak 051 og 052, kulturkonsulent Bente H. Hervik, møtesekretær Arthur Kleiveland Underskrifter: Jon Askeland Ordførar Arthur Kleiveland møtesekretær

Sakliste Saknr Tittel 038/2014 Meldingar og referatsaker 039/2014 Plansak 12602012000900 - områdeplan - Bø - møte i styringsgruppa - avklaringar og vegval 040/2014 Tertialmelding januar - april 2014 041/2014 Budsjettregulering vår 2014 042/2014 Oppstart av planarbeid - kulturminneplan 043/2014 Kommuneplan for Radøy - revisjon - framlegg til planprogram - handsaming i styringsgruppa for høyring og offentleg ettersyn 044/2014 Tilskot til tømmerkai på Eidsnes 045/2014 Overføring av gamle Haugland skule til Radøy kunst senter 046/2014 Vinmonopolet - søknad om plassering 047/2014 Ekstrasak - Sal av eigedom - Kyrkjevegen 2

Radøy kommune Saksframlegg Saknr Utval Type Dato 038/2014 Formannskapet i Radøy PS 05.06.2014 Sakshandsamar Arkivsaknr.: Dokumentnr.: Arthur Kleiveland 14/1551 14/5779 Meldingar og referatsaker Rådmannen sitt framlegg til vedtak: Meldingar og referatsaker vert tekne til orientering Saksopplysingar: 1. Mongstad - Kollsnes 300 (420) kv mastetype. Søknad frå BKK om endring av mastetype 2. Mongstad Kollsnes designmast Listveitvegen 3. Nordhordland Revisjon IKS representantskapsmøte 23.mai Formannskapet i Radøy - 038/2014 FS - handsaming: Attraktive senter: Frode Hervik (V) meiner kommunen må uttale seg i høyringa om fylkeskommunal plan for attraktive senter. Han meiner det er grunn til å vera på vakt mot ei dreiing i retning av styrka regionale senter på bekostning av mindre kommunesenter. Mellom anna peikar Hervik på at midlar til næringsutvikling (RUP) no i større grad er tenkt knytt opp mot tettstadar. SMS-varsling: For tida pågår det reingjering av det kommunale vassverket, med såkalla pluggkjøring. Rådmannen informerte om at det blir jobba for å få eit system med SMS-varsling, som blir eit godt verktøy i beredskapssamanheng. Fibernett-tilskot: Ordføraren orienterte om at Radøy kommune har søkt om to millionar kroner i tilskot til utbygging av fibernett i kommune. Tidlegare har Radøy fått ein million i statleg tilskot til fiberutbygging. Nordhordland Revisjon IKS: Rådmannen orienterte om at Nordhordland Revisjon IKS har kvotert inn mannleg styremedlem for å tilfredsstilla kravet til kjønnsmessig representasjon i styret. Formannskapet tok meldingar og referatsaker til orientering. FS - vedtak: Meldingar og referatsaker vert teke til orientering. Vedlegg: Mongstad-Kollssnes - designmast Listveitvegen Mongstad-Kollsnes 300 (420) kv - mastetype Nordhordland_Revisjon_IKS_Representskapsmøte_23_mai

Radøy kommune Saksframlegg Saknr Utval Type Dato 039/2014 Formannskapet i Radøy PS 05.06.2014 Sakshandsamar Arkivsaknr.: Dokumentnr.: Kjersti Flatråker 14/332 14/5621 Plansak 12602012000900 - områdeplan - Bø - møte i styringsgruppa - avklaringar og vegval Rådmannen sitt framlegg til vedtak: Saka vert lagt fram utan framlegg til vedtak. Saksopplysingar: Bakgrunn Formannskapet er styringsgruppe for områdeplan for Bø og i dette møtet ynskjer rådmannen innspel i prosessen. Det vert lagt opp til synfaring for å konkretisere nokre problemstillingar. Kart vert lagt fram i møtet. Vurdering Arbeidet med områdeplan for Bø er komme i ein fase der det er naudsynt med nokre politiske avklaringar før me kan gå vidare. Byggjeområde for heilårsbustader Grøne områder til friområde, friluftsområde, LNF og turdrag Kommunale område tenesteytande næringar arealbehov Fylkesvegen med tilhøyrande tilbod for mjuke trafikantar Vurdering av innkomne innspel I samband med oppstartsvarsel har det komme innspel og merknadar. Øystein Palmesen gnr 25 bnr 58 Palmesen ynskjer at tomta vert regulert til heilårsbustad. I dag er delar av eigedomen satt til arealføremål landbruk, natur og friluftsliv. Rådmannen sin vurdering: Enkelttomtar som vert nytta som heilårsbustader vil verte lagt inn med arealkode som byggjeområde

for heilårsbustad. Ragnar Floen: Floen kjem med innspel om at det vert teke inn større næringsareal ved GT-lakk sitt område. Rådmannen si vurdering: Styringsgruppa har vurdert plangrensa og rådmannen vil ikkje gå inn for å endre denne no. Til informasjon er det meldt oppstart på arbeid med ein privat detaljplan for same område med føremål å leggje til rette for næring. Bergen og omland havnevesen: BOH minner om at tiltak i sjø som kan påvirke tryggleiken skal omsøkjast. Dei ber om å få tilsendt konkret planframlegg til høyring når det ligg føre. Rådmannen sin vurdering: Bergen og omland havnevesen skal få framlegg til plan på høyring. Fiskarlaget Vest: Fiskarlaget peikar på at område som vert nytta til fiske vert pressa få mange hald t.d. oppdrett, vindmøller til sjøs, friluftsområde, flytebryggjer, ankringsområde, leidniner- og kablar. Fiskarlaget klager over dårleg kartmateriale som er lagt ved oppstartsmeldinga. I følgje eigne kart finn dei ut at det ikkje er registrert fiskeriinteresser i planområdet og har ikkje merknadar til saka. Rådmannen sin vurdering: Rådmannen tek merknaden til vitande. Fiskeridirektoratet: Direktoratet kan ikkje sjå at arbeid med områdeplan for Bø kjem i berøring med vesentlege fiskeinteresser, etablert akvakulturverksemd eller kjente registreringar av marint biologisk mangfald. Dei har ingen merknadar til oppstartsmeldinga, men ber om å få tilsendt framlegg til plan. Rådmannen sin vurdering: Fiskeridirektoratet skal få framlegg til plan på høyring. Statens vegvesen: Det må sikrast at born får trygg skuleveg og det er innafor planområdet mangel på tilbod for mjuke trafikantar. Statens vegvesen rår til at det vert etablert på både sider av fylkesvegen gjennom heile planområdet. Statens vegvesen peikar vidare på at kryss og avkjørsler er der mange mjuke trafikantar er involverte i trafikkulukker. Det er difor særs viktig at desse punkta vert regulerte og utforma på ein trafikksikker måte. Statens vegvesen vil avgrense tal på avkjørsler og oppmodar til å samle påkoplingspunkt på fylkevegen der det er mogeleg. Etter veglova er byggjegrense mot fylkesveg satt til 50 meter om ikkje anna er vist i plan med tal og symbol. Etter rammeplan vert 30 meter anbefalt for Bø. Det er eit mål at trafikksystemet skal vere universelt utforma. Statens vegvesen minner om at det bør setjast av parkering ved sjø og at det elles må sikrast nok areal til veg. Dei ber om å få planframlegget tilsendt for å sikre at deira interesser er tilstrekkeleg ivaretekne. Rådmannen sin vurdering: Rådmannen vurderer trafikkbelastinga gjennom Bø og topografien slik at det ikkje er naudsynt med tilbod for mjuke trafikantar på begge sider av fylkesvegen gjennom heile planområdet. Rådmannen

er samd i at det må sikrast nok areal til teknisk gode løysingar for trafikkavvikling i området. Statens vegvesen skal få framlegg til plan på høyring. Fylkesmannen i Hordaland: Fylkesmannen minner om at konsekvensane av planen må vurderast etter naturmangfaldslova. Det er og krav om ROS-analyse av nye byggjeområde og denne må følgje byggteknisk forskrift TEK 10. Rådmannen sin vurdering: Rådmannen tek merknaden til vitande. Hordaland fylkeskommune: Fylkeskommunen er positiv til at tettstaden Bøvågen vert utvikla gjennom ein områdeplan og peiker på kva plantema dei vil leggje vekt på i det vidare planarbeidet: areal- og transport, arkitektur og estetikk, barn og unge sine interesser, folkehelse, friluftsliv, klima og energi, kulturminne, landskap, næringsutvikling, samferdsle, senterutvikling, strandsone og universell utforming. Dei trekkjer fram landskap, strandsone, friluftsliv og kulturminne som særs viktige. Rådmannen sin vurdering: Rådmannen tek merknaden til vitande. I tillegg har det vore møte med fleire grunneigarar om utnytting av deira eigedomar. Kyrkja har uttrykt behov for meir parkering. På bygdemøte kom det innspel om idrettsparken, GT-lakk og næringsareal, bustadstruktur, ballbinge og turveg rundt Bøtjønna. Konklusjon Saka vert sendt ut utan framlegg til plandokument eller kart. Grunngjeving for det er at rådmannen vil presentere det ennå uferdige materialet for styringsgruppa på synfaring og ved aktiv deltaking i møtet. Saka vert lagt fram for diskusjon i styringsgruppa og difor utan framlegg til vedtak. Formannskapet i Radøy - 039/2014 FS - handsaming: Formannskapet som styringsgruppe var på synfaring på Bø i samband med drøfting av områdeplanen for Bø. Mellom anna vart det sett på vegtilkomst og parkeringsproblematikk knytt til skuleområde, barnehage og gamle Hordabøheimen. Kommunen eig det gamle huset mellom barnehage og skulen. Dette huset og løa bør rivast, og arealet kan inngå som innkjørsel til framtidig ny barnehage, parkering og uteareal for skule. Gamle Hordabøheimen vert no nytta som hybelhus. Den kan bli omregulert til kombinert føremål næring/bustad, og då kan det vera behov for meir areal til parkering. Veg ut til Nordbø må ha tilbod til mjuke trafikantar. Her ligg det til rette for utbygging av fine vestvendte tomtar, og ei mogeleg fortetting av mindre heilårsbustader. Fylkesvegen går gjennom heile planområdet. Statens vegvesen ynskjer full breidde med 2 felt og gang- og sykkelveg på begge sider. Skal me planleggje med gang- og sykkelveg på vestsida? Busstopp i vegen kan spare areal som no er nytta til busshaldeplass. Rett utanfor kyrkja kan denne

nyttast til parkering? Det er også mogleg med parkering til kyrkja sør for kyrkjebygget. Einebustaden sør for kyrkja må få tilkomst utanfor kyrkja sitt areal, frå sør, og blir kopla til nytt bustadareal i vest. Byggjeområde sørvest for kyrkja med tett utnytting og tilkomstveg frå sør, må få gangforbindelse mot skule, barnehage og butikk m.m. Det vert lagt inn eit grønt område rundt kyrkja på høgda i terrenget. Det er mogleg å bytta grøne og gule areal i det gamle byggjefeltet. Gul tomt mellom skulen og barnehagen går ut. Tenesteytande næring kjem inn kommunen eig areal som kan verte nyttig seinare på begge sider av fylkesvegen. Behald grøn haug med klatrevegg, akebakke og 100-metersskog. Dette er fint uteareal som og kan nyttast av skule og barnehage. Det er stor semje om å få etablert eit grønt drag ned til Bøtjønna over kommunale leidningar, og leggja sti/turveg rundt vatnet inn i føresegnene og etablera grøne soner langs vatn og vassdrag. Det kan også vera aktuelt med ei fortetting av bustadfeltet. Etter synfaringa drøfta styringsgruppa aktuelle problemstillingar rundt kart over planområdet. Formannskapet gir administrasjonen i oppdrag å jobba vidare med områdeplanen utfrå dei signal som kom fram i styringsgruppa. FS - vedtak: Administrasjonen får i oppdrag å jobba vidare med områdeplanen ut frå dei signal som kom fram i styringsgruppa.

Radøy kommune Saksframlegg Saknr Utval Type Dato 040/2014 Formannskapet i Radøy PS 05.06.2014 017/2014 Kommunestyret i Radøy PS 12.06.2014 Sakshandsamar Arkivsaknr.: Dokumentnr.: Sveinung Kvamme 14/1475 14/5419 Tertialmelding januar - april 2014 Rådmannen sitt framlegg til vedtak: Tertialmelding for perioden januar april 2014 vert godkjent slik den ligg føre. Saksopplysingar: Tertialmelding for perioden januar april 2014 vert med dette lagt fram for formannskap og kommunestyre for godkjenning. Drift Budsjettet for 2014 var i utgangspunktet svært stramt, med svakt negativt netto driftsresultat, men bruk av fondsmidlar på VA-området gjer at ein unngår rekneskapsmessig meirforbruk i budsjettet. Dette betyr at ei kvar overskriding av budsjettrammene fører til udekka meirforbruk. Hovudoversikt drift syner at både netto og brutto driftsresultat er monaleg svakare enn på same tid i 2013. Bortfall av mva-komp utgjer ca 1,7 mill, og redusert sjukelønsrefusjon utgjer ca 3 mill. Sjukelønsrefusjonen vert i år bokført når vi faktisk får den, medan den i fjor vart bokført samstundes med at fråvær vart registrert. Omlegginga er nødvendig grunna systemskifte frå 1.7.2014. Vi har såleis bokført noko mindre sjukelønsrefusjon enn det vi har krav på. Ein del andre inntekter har auke noko. Samla sett er inntektene ca 2,4 mill mindre enn i 2013. Samstundes ser ein at driftskostnadene til dels ligg lågare enn i fjor. Brutto driftsresultat er negativt med 8,1 mill, mot 6,2 mill i fjor, altså ei svekking på 1,9 mill. Tek ein omsyn til at sjukelønsrefusjonen skulle vore noko høgare enn bokført, er det faktiske resultatet betre enn tala skulle tilseia. Rekneskapsskjema 1A syner at vi har fått noko meir frie inntekter enn på same tid i fjor. Dette skuldast dels auka skatteinngang, ca 1,9%, men mest auka rammetilskot, ca 3,6%. Samla skatt, rammetilskot og inntektsutjamning vil truleg bli ca 650.000 lågare enn pårekna, jf melding frå fylkesmannen og eiga sak om budsjettregulering. Renteinntektene er litt lågare enn i fjor, medan både rente- og avdragskostnader har auka noko. Det er teke omsyn til auka rente- og avdragskostnad i budsjettet, og rådmannen legg til grunn at budsjettet er tilstrekkeleg, gitt at rentenivået ikkje endrar seg i løpet av året. Rekneskapsskjema 1B syner utviklinga på dei einskilde tenesteområda. Rådmannen viser til eiga sak til kommunestyret, med framlegg til endring i skjema 1B som følgje av omorganisering. Skjema 1B vert lagt fram i samsvar med ny organisering frå 2014. Omorganiseringa fører til at nokre tidlegare einingar er innlemma i andre tenesteområde, medan andre er omgjort til sjølvstendige

tenesteområde. Leiarane for tenestområda har sendt rapport til rådmannen, og gjort kort greie for den økonomiske stoda pr 30.4.2014. Budsjettala er ikkje periodefordelt i 2014, og styringstala er difor pårekna forbruk pr 30.4.2014. For løn skal pårekna forbruk vera ca 36,8%, medan andre driftskostnader skal syna ca 33,3%. Grunna overgang til Visma økonomisystem frå 1.7.2014 er avskrivingar haldne utanom tala i denne rapporteringa. I det følgjande vil rådmannen gjera ei kort oppsummering av dei ulike områda. Stab og politisk Politisk syner eit forbruk på ca 40%, altså noko høgare enn pårekna. Dette skuldast først og fremst at kostnadene til medlemskap i Regionrådet Nordhordland er bokført med summen for heile året. Dette gir høgare forbruk no, men det vil jamna seg ut over året. I rådmannsstaben er det eit samla forbruk på ca 42,5%, altså noko høgare enn pårekna. Lønskostnadene ligg så langt like under pårekna forbruk, ca 35,5%. I budsjettvedtaket for 2014 var det lagt inn ei innsparing på kr 340.000 i det som då var «Sentraladministrasjonen», som omfatta noko meir enn noverande «rådmannsstab». Den samla budsjettramma for sentraladministrasjonen» var på 19,4 mill, mot 10,5 mill for rådmannsstaben. Innsparinga er førebels ikkje realisert, men rådmannen følgjer løpande med på kvar og korleis dette skal gjerast. Kostnader til forsikringspremiar, festeavgifter m.v. er bokført med kostnaden for heile året, noko som aukar forbruksprosenten pr 30.04. Her er det er også bokført kostnader på ca kr 121.000 knytt til arkeologisk kartlegging i samband med områdeplan Austmarka/Kalnes. Det vil også koma tilsvarande kostnader i samband med reguleringsendring Olsvollstranda. Det vert vurdert om desse kostnadene kan inngå i grunnkostnader som kan førast i investeringsrekneskapen, men det er så langt ikkje konkludert. Nh DIGI, eller Nordhordland digitalt syner overforbruk. Dette skuldast først og fremst at ein del lisenskostnader som gjeld alle deltakarkommunane er ført som kostnad i første tertial, medan refusjonskrav først vart sendt ut i mai. Refusjonskrav for løpande driftskostnader er førebels ikkje sendt, men dette vert gjort i løpet av først halvår. Frivilligsentralen syner «overskot», noko som skuldast at statstilskot for drifta i 2014 er motteken med summen for heile året. Drifta ved felles landbrukskontor ligg rimeleg i rute. Oppvekst Oppvekst fellestenester omfattar ungdomskoordinator, vaksenopplæring og kostnader til særlege tiltak i grunnskule og barnehage, medrekna kostnader til born som får tilbod i andre kommunar. Førebels er det ikkje registrert krav frå andre kommunar, men desse vil koma. Rådmannen legg til grunn at ein vil halda seg innafor dei totale rammene, men understrekar at det er uvisse knytt til fleire av postane her, særleg kostnader til barnehageborn som går i andre kommunar. Austebygd skule ligg rimeleg i rute, men det er bokført ein kostnad på kr 110.000 knytt til nytt ventilasjonsanlegg for barnehage/gymsal. Hordabø skule og Manger skule ser ut til å liggja rimeleg i rute, men rektor ved Manger skule kommenterer at skysskostnadene ligg noko over budsjett så langt i år. Sæbø skule ligg marginalt over budsjett, først og fremst fordi driftskostnadene ved bygget ser ut til å liggja høgare enn ein har rekna med i budsjettet. Ved Radøy ungdomsskule ser lønskostnadene ut til å liggja noko høgare enn budsjett. Dette skuldast at lønsbudsjettet for 2014 har vorte sett for lågt. Den faktiske situasjonen knytt til fast løn i september 2013, som var grunnlaget for budsjett 2014, har synt seg å ikkje vera reell i høve til løna som faktisk går i 2014. Dette skuldast bruk av vikarar i fleire stillingar hausten 2013, ma rektorstillinga. Meirforbruket kan her bli ca kr 400.000. Austebygd barnehage har noko overforbruk, dette har samanheng med eit i utgangspunktet svært stramt driftsbudsjett.

Bø barnehage har svakt overforbruk iht budsjett, men har også litt høgare inntekter enn pårekna. Prestmarka barnehage har noko høgare forbruk enn normalen, både på løn og drift. Prestmarka driv på tre ulike lokasjonar, og dette gir høgare driftskostnader enn om alle avdelingane hadde vore samla på ein stad. Budsjettet har ikkje i tilstrekkeleg grad teke omsyn til dette, og det trengst ca 500.000 for å dekka lønskostnadene som faktisk går med. Sæbø barnehage har også forbruk over det som er føresett, men det ser ut til å vera under kontroll. M.a. er det ført kostnader til vedlikehald på uteområdet i barnehagen. Dette vert langt på veg dekka av sentralt avsette vedlikehaldsmidlar. Musikk- og kulturskulen ser ut til å halda seg innafor budsjettramma i 2014. Ved PPT-kontoret kan det sjå ut som det er trong for å tilføra ca kr 100.000 i høve til dei faktiske stillingane som er i PPT. Lønskostnaden ved PPT har vore underbudsjettert i fleire år, men så lenge PPT var ein del av barne- og familietenesta, var dette ikkje «synleg» på same måte. Helse og omsorg NAV Radøy har ein krevjande driftssituasjon. Samanlikna med dei fleste andre kommunar er bemanninga låg, og i praksis vert det for lite tid til oppfølging av brukarane. Det meste av ressursane går med til kortsiktige tiltak. Sosialutbetalingane har auka med ca 20% i høve til 2013. Samanlikna med utbetalingane i januar april 2012 er auken på 60,5%. Med tilnærma same bemanning som i 2012, seier det seg sjølv at presset på dei tilsette er høgt. NAV har også ei viktig rolle iht flyktningar, og rådmannen vurderer det slik at ein stor del av fondsmidlane som er avsett til flyktningar, bør gå til NAV for å stryka tilbodet. Mogeleg tilskot frå IMDI ut over det som er budsjettert, bør gå inn på det same fondet. Barnevernet ser ut til å kunna halda seg innafor vedteke budsjett, så lenge det ikkje oppstår uføresette tilhøve. Drifta ved helsehuset ser samla sett ut til å vera nokolunde i rute. Nokre refusjonar frå staten, t.d. fastlønstilskot fysioterapi og tilskot til turnuslege, kjem ein eller to gonger for året, og er førebels ikkje bokført. Psykisk helsevern ser ut til å liggja rimeleg innafor budsjetterte rammer. Radøy matsørvis ser også ut til å halda seg innafor rammene. Cateringinntektene syner god utvikling, halvparten av budsjettert omsetning er alt på plass. På Velferdssenteret merkar ein verknadene av samhandlingsreforma stadig tydelegare. Reforma krev auka administrativ og fagleg innsats kring vurdering av pasientar frå spesialisthelsetenesta. Dette medfører endring av interne rutinar og auka ressursbruk for å sikre gode prosessar og fagleg forsvarleg drift. Eigenbetalinga til institusjonen har auka litt samanlikna med i fjor, og i 2013 vart samla eigenbetaling noko høgare enn budsjett. Det kan såleis sjå ut til at det blir ei meirinntekt her også i 2014. Heimetenesta er også ein viktig medspelar i samhandlingsreforma, og melder om at dei truleg vil drifta innafor rammene i 2014. OMSUT, som tidlegare vart kalla BF-tenesta, melder også at dei ser ut til å kunna drifta innafor gitte rammer i 2014, med unnatak av det nye tilbodet i Grønålen. Formannskapet er tidlegare orientert om dette tilbodet, og leiar for Omsut melder at ein no har tilsett personale ut frå ei pårekna minstebemanning. Heilårskostnad vert ca 4,4 mill, men refusjon ressurskrevjande tenester knytt til dette tilbodet vil dekka ca 2 mill av kostnaden. Samstundes vil Omsut få noko høgare tilskot til dei andre ressurskrevjande tilboda, og dette kan også nyttast til å dekka ein del av meirkostnaden. Rådmannen vil koma attende med eiga sak kring finansiering av dette tilbodet Ved Radøy interkommunale busenter (RIB) ser driftskostnadene ut til å liggja litt høgare enn «normalen», og det må følgjast nøye med på drifta i året. Det vert arbeidd for å få inn fleire brukarar, og det er signal som tyder på at dette kan lata seg realisera i løpet av året. Det vert også arbeidd med fornying av samarbeidsavtalen med dei andre kommunane. Helse og omsorg fellestenester gjeld primært overføringar til staten i samband med samhandlingsreforma, men også ein del kostnader knytt til lærlingar blir ført her. Gitt at á konto beløpet ikkje blir auka i løpet av året, vil overføring til helseforetaka halda seg innafor budsjett.

Drift og forvaltning Løn- og rekneskapssenteret er det som tidlegare var økonomikontoret pluss mykje av løn og personal. Økonomisjef og personalsjef inngår no i rådmannsstaben. Overgang til VISMA frå 1.7.2014 krev mykje ekstra arbeid. Ein del av ekstrakostnadene vil måtta belastast investeringsprosjekt 1908020, og rådmannen vil koma attende med framlegg til budsjettregulering på dette prosjektet. Kultur- og sørvistorget ser ut til å ha noko høgare forbruk enn budsjett. Ein del av dette skuldast kostnader som har kome på for heile året, og refusjonar som førebels ikkje er ført. Lønskostnadene ser ut til å kunna bli noko høgare enn budsjettert, og rådmannen vil sjå nærare på korleis ein kan unngå overskridingar her. Overføringane til kyrkja er i samsvar med budsjett, men kyrkja har søkt om auka overføring for å dekka lønsveksten frå 2013. Men faktisk lønsvekst er ca 70.000 høgare enn «normal» lønsvekst. Rådmannen meiner at vekst ut over det normale er noko kyrkja må finna dekning for innafor eige budsjett, på same måte som kommunen må gjera det i høve til statlege overføringar. Biblioteket driftar rimeleg greitt innafor rammene, og det same gjeld teknisk forvaltning. Teknisk drift omfattar trygdebustader, vatn og avlaup, kommunale vegar, rådhuset, helsehuset, reinhald mv. Det samla netto forbruket ser ut til å liggja monaleg høgare enn det skal, men årsakene til dette er samansette. Bruken av dei kommunale bustadene har endra seg over tid, m.a. vert ein del tidlegare trygdebustader no i praksis nytta av Omsut, og leigeinntektene vert ført der. I samband med sal av Hordabøheimen har ein god del bustader gått ut av kommunal eige. Det kan sjå ut til at ein ikkje i tilstrekkeleg grad har greidd å fanga opp endringa i leigeinntekter i budsjettet for 2014. Det tok lengre tid enn føresett å gjennomføra salet av Hordabøheimen. Dermed har det kome på ca 80.000 i kostnader som ikkje er budsjetterte. Noko av dette gjeld forsikring, som vi vil få tilbakeført. Kostnadene til veglys trekkjer også opp forbruket, fordi refusjonar frå Statens vegvesen først kjem i juni 2014, medan kostnadene har kome på for fire månader. Frå mai 2014 vert den felles reinhaldstenesta utvida til å omfatta dei fleste kommunale tenesteeiningane. Dei samla kostnadene er føreset uendra, men det må flyttast budsjettmidlar. Rådmannen legg fram eiga sak på dette. Kostnadene i Brannvernet ligg noko over pårekna budsjett, både når det gjeld løn og driftskostnader. Brannvernet i Radøy er tilknytt 110-sentralen i Bergen, og her har vi fått faktura på summen for heile 2014, ca 195.000. Det brannførebyggjande samarbeidet i Nordhordland vil kosta Radøy kommune ca kr 55.000 meir enn budsjett, og vi er fakturert for 50% av kostnaden i første tertial 2014. Kostnaden til kjøp av brannsjeftenester frå Austrheim er enno ikkje bokført. Rådmannen vil sjå nærare på ressursbruken i brannvernet. Ei rekkje interkommunale tiltak vil få høgare kostnader i 2014 enn budsjettert, medan nokre få vil få lågare kostnad. Ved budsjetthandsaminga for 2014 vart det ikkje sett av midlar til prisvekst, og meirkostnadene vil dermed føra til meirforbruk. Størst kostnadsvekst får ein på brannførebyggjande samarbeid, interkommunalt krisesenter og interkommunalt arkiv. På dei andre tiltaka er veksten stort sett i samsvar med prisindikator. Samla kostnadsauke ser ut til å bli ca kr 280.000. Dersom ein ser bort frå redusert rammetilskot og skatt, vil meirkostnadene i høve til budsjett bli ca 3 mill, gitt at det ikkje skjer endringar i føresetnadene, eller det vert avdekka vesentlege feil eller manglar i rekneskapen. Rådmannen ser det som urealistisk å leggja fram utkast til regulert budsjett i balanse før sommarferien, med mindre ein dekkar meirforbruket gjennom bruk av fondsmidlar. Haustopplegget for skular og barnehagar er i all hovudsak lagt, der føresett innsparing på 1,6 mill innan oppvekst er teke med. Inndekking av meirkostnader i 2014 må også sjåast i samanheng med budsjett 2015 og økonomiplan 2016-18. Økonomistyring og budsjettoppfølging har difor høgaste prioritet i tida som kjem.

Finansreglementet seier at det skal rapporterast til kommunestyret iht plasseringar og gjeld. Det er teke opp nytt lån i Kommunalbanken stort kr 13.759.000 til investeringar, medan startlån i Husbanken ikkje var utbetalt pr 30.4.2014. Det har ikkje skjedd endringar i rentevilkåra på lån i perioden. Styringsrenta i Noregs Bank er uendra, medan NIBOR har auka med 0,1 prosentpoeng i løpet av tertialet. Innskotsrenta heng saman med utviklinga av NIBOR. Likviditeten er framleis tilfredsstillande i praksis, grunna unytta lånemidar. Investering Rådmannen vil i det følgjande gå gjennom status på dei ulike investeringsprosjekta som er vedtekne i 2014.

Det er sett av 1.300.000 kr i investeringsbudsjettet til diverse kostnader knytt til industriområdet på Olsvollstranda, m.a. til BKK (trafostasjon) og div. kostnader knytt til tilrettelegging av industriareal. Pr mai 2014 er det ikkje nytta særleg med midlar frå denne posten. Vegen i Storsandvik er ferdigstilt innafor forventa tidsramme, og kommunen vil overta vegen i nær framtid. Det er byggenemnda for veg, vatn og avløp som eig prosjektet, og rådmannen har ikkje fått melding om at avvik. Arbeidet med siste bandet av bygdeboka held fram etter planen, og rådmannen legg til grunn at kostnadene held seg innafor rammene, både tidsmessig og økonomisk. I budsjettet for 2014 er det sett av kr 200.000 til avfuktingsanlegg og varmepumpe i Radøyhallen. Det pågår i desse dagar arbeid med å reparere og oppgradera varmepumpa. I tillegg er det er henta inn tilbod på reparasjon og oppgradering av avfuktingsanlegget. Innkjøp og arbeid på avfuktingsanlegget er ikkje påbegynt, då det ikkje er løyvd tilstrekkeleg midlar i budsjettet. Rådmannen kjem attende med ei eiga sak. Terapibassenget er snart ferdigflisa. Kostnadene med å reparera terapibassenget ligg innanfor budsjettramma på kr 500.000, og det er forventa at denne ramma vil halda. På Austebygd skule er arbeidet med å rehabilitera taket ferdig, og sluttfaktura er gjort opp. Kostnadene for 2014 er innanfor regulert budsjett på kr 600.000. På prosjekt Manger skule utbygging er det bokført kostnader på kr 885.060,- i 2014, utan at det er løyvd midlar til dette. Det aller meste av kostnaden er sluttfakturering frå J.H. Nævdal Yrkesbygg, der tilleggsarbeid og inneståande i prosjektperioden er medrekna. Sluttfaktura er datert 1.3.2014, og summen var såleis ikkje kjent då budsjettet vart vedteke for 2014, og heller ikkje i samband med rekneskapsavslutninga. Likevel burde det vore opplyst at sluttfakturering ikkje var gjennomført, og det burde vore gitt anslag på omfang. Rådmannen er ikkje nøgd med at denne informasjonen ikkje har kome fram til formannskap og kommunestyre i rett tid, og vil sjå nærare på rutinar og kommunikasjon mellom byggenemnd og administrasjon. Parkeringsplassen på Austebygd skule skal etter planen stå ferdig innan utgangen av juni, og arbeidet er i rute. Kontrakt på oppdraget ligg innanfor budsjettramme på kr 400.000. Velferdssenteret utvendig oppgradering: her går det føre seg arbeid med å skifta vindauge, måling av fasade mv. Pr i dag ligg arbeidet godt innanfor budsjettramma på kr 1.500.000, og arbeidet vil halda fram utover året. Heimetenesta utviding av lokale: prosjekteringa er i sluttfasen, og det er venta at oppdraget vert lagt ut på Doffin før ferien. Oppgradering av Rådhuset er ferdigstilt med godt resultat, og prosjektet er sluttfakturert. Kostnadene i 2014 ligg innafor regulert budsjettramme på kr 1.100.000,- Det er sett av kr 150.000 til universell utforming i budsjettet. Det pågår arbeid for å prioritere tiltak, og i den samanheng har tema vore på sakslista hos eldrerådet, råd for menneske med nedsett funksjonsevne og Frivilligsentralen. Det er sett av kr 1.000.000 til branntekniske investeringar i 2014. Helsehuset har vore prioritert, og det er m.a. montert nytt brannvarslingsanlegg samt branndørar, som eit ledd i å lukka pålegg frå NGIB. Det er også bestilt risikoanalyse og brannprosjektering av Radøyhallen, og det er ei prioritert oppgåve å fjerna brannfarleg isoleringsmateriale på «loftet» ved Radøy ungdomsskule. Arbeidet med stigeleidning Halland-Lifjell er godt i gong, og er planlagt ferdigstilt før sommarferien. Kontraktsummen på arbeidet ligg innanfor vedteken budsjettramme på kr 2.100.000. Når det gjeld hovudleidning Lifjell-Manger er konsulentoppdrag lyst ut og tildelt, og det pågår arbeid med anbodsgrunnlag for utlysning i Doffin. Reinseanlegg/sanering Manger: Vurdering av ulike alternativ knytt til plassering av reinseanlegget gjer at prosessen tek lengre tid enn planlagt. Prosjektet vert difor forseinka, og deler av prosjektet vil måtta overførast til neste år. Det er tilsett fire nye brannmannskap, og gjort innkjøp av ein del brannvernutstyr til desse innafor budsjettramma på kr 220.000. Det er i budsjettet sett av kr 3.400.000 til kjøp av brannbil, og anbodet ligg på Doffin med tilbodsfrist 22. juli. Teknisk drift har laga ei prioriteringsliste for asfaltering av kommunale vegar. Det er i 2014

budsjettert med kr 1.500.000 til asfaltering av vegar, og oppdraget ligg på Doffin med frist 16.06.14. Det er sett av kr 1.500.000 til oppgradering av kommunale bruer: Myking, Nordangervågen og Storelva. Prosjektet har vore ute på Doffin, og det er etter tilbodsevaluering klart for å tildele oppdraget. Tilbod ligg innafor vedteken budsjettramme. Det er sett av kr 200.000 til ny trafikksikringsplan. Arbeidet er no ferdigstilt av plangruppa, og trafikksikringsplanen har vore på høyring.

Formannskapet i Radøy - 040/2014 FS - handsaming: Økonomisjefen orienterte om den økonomiske situasjonen. Kommunen ser ut til å gå mot eit meirforbruk på ca 3,7 millionar kroner, sjølv om skatteinngangen viser ei positiv utvikling, med ein auke på 3,1 prosent i forhold til same tid i fjor. Skatteinngangen i mai i år er den beste mai månad nokon gong. Økonomisjefen peika på at bortfall av momskompensasjon i år slår betydeleg ut i rekneskapet i forhold til i 2013. Han viste til at det er behov for å tilføra midlar på ein del tenesteområde. Kommunen vil få tilskot til mottak av flyktningar i år, men det er uavklart kor stor summen blir. Formannskapet vedtok samrøystes rådmannen si tilråding. FS - vedtak: Tertialmelding for perioden januar april 2014 vert godkjent slik den ligg føre.

Radøy kommune Saksframlegg Saknr Utval Type Dato 041/2014 Formannskapet i Radøy PS 05.06.2014 018/2014 Kommunestyret i Radøy PS 12.06.2014 Sakshandsamar Arkivsaknr.: Dokumentnr.: Sveinung Kvamme 14/298 14/5414 Budsjettregulering vår 2014 Rådmannen sitt framlegg til vedtak: Skjema 1A for 2014 vert endra slik: Skatteinngang vert redusert med kr 4.305.000 Rammetilskot vert auka med kr 3.647.000 Bruk av disposisjonsfond vert auka med kr 658.000 Samla endring kr 0,- Skjema 1B vert endra slik: Austebygd skule -205 000 Hordabø skule -338 000 Manger skule -19 000 Sæbø skule -508 000 Radøy ungdomsskule -32 000 PP-Teneste -1 000 Austebygd barnehage -125 000 Bø barnehage -182 000 Prestmarka barnehage -23 000 Sæbø barnehage -153 000 Barnevern -1 000 Psykisk helse -1 000 Radøy interkommunale busenter -9 000 Velferdsenteret -27 000 Radøy matsørvis -13 000 Heimetenesta -6 000 Omsut -13 000 Teknisk drift 1.656.000 Sum ending 0 Saksopplysingar: Det er trong for å justera dei pårekna frie inntektene i budsjettet for 2014. Dei siste inntektsprognosane syner at departementet legg til grunn eit rammetilskot, medrekna inntektsutjamning, på kr 149.033.000, som er kr 3.647.000 større enn budsjettert. Skatteinngangen er rekna med å verta ca kr 108.574.000, som er kr 4.305.000 lågare enn budsjettert. Samla gir dette reduserte frie inntekter

på ca kr 660.000. Det er justeringar i inntektsopplegget for kommunane som fører til denne reduksjonen. I inntektsmodellen kjem endringane fram slik: Endring skatt og deflator 334.000 Endring barnehage -643.000 Endring grunnskule -190.000 Endring barnevern 34.000 Utlemming rustilskot -217.000 Dobbeltrom sjukeheimar 17.000 Sum endring 664.000 Detaljane i dette går fram av det salderte statsbudsjettet for 2014, og reflekterer sentrale politiske prioriteringar. Den einskilde kommune står likevel «fritt» til å prioritera bruken av midlane eller innsparingane som må gjerast. Skatteinngangen er alltid usikker, difor er dei samla tala ikkje presise. Det finst også fleire modeller for utrekning av pårekna skatteinngang, og desse gir ulikt utslag. Uansett fører auka skatteinngang til redusert inntektsutjamning og omvendt. Fylkesmannen i Hordaland har i brev av 5. mai 2014 stilt krav om at dei reduserte inntektene må dekkast i ved budsjettregulering snarast råd. Rådmannen vil difor rå til at mindreinntekta vert dekka av disposisjonsfondet. Dette er ikkje den beste løysinga, men rådmannen ser førebels ikkje noko betre alternativ. Rådmannen kjem attende med ein meir grundig gjennomgang av budsjettsituasjonen snarast råd. Rådmannen ønskjer samstundes å gjera budsjettendring knytt til overføring av ressursar til reinhald frå nokre tenesteområde til felles reinhald, ansvar 6120. Tenesteområda som er omfatta endringa er Austbygd skule og barnehage, Hordabø skule, Bø barnehage, Sæbø skule og Sæbø barnehage. Endringa fører ikkje til noka endring av netto budsjettramme, men fører til endring i rammene på dei aktuelle tenesteområda. Overføringa får verknad frå 1.4.2014. Budsjettverknad i skjema 1B 2014 vert slik: Austebygd skule -205 000 Hordabø skule -338 000 Manger skule -19 000 Sæbø skule -508 000 Radøy ungdomsskule -32 000 PPT -1 000 Austebygd barnehage -125 000 Bø barnehage -182 000 Prestmarka barnehage -23 000 Sæbø barnehage -153 000 Barnevern -1 000 Psykisk helse -1 000 Radøy interkommunale busenter -9 000 Velferdsenteret -27 000 Radøy matsørvis -13 000 Heimetenesta -6 000 Omsut -13 000 Teknisk drift 1.656.000

Sum ending 0 Formannskapet i Radøy - 041/2014 FS - handsaming: Justeringar i inntektsopplegget for kommunaneharført til ein reduksjon på ca 660.000 kroner i frie inntekter til Radøy kommune. Fylkesmannen i Hordaland har i brev av 5. mai 2014 stilt krav om at dei reduserte inntektene må dekkast i ved budsjettregulering snarast råd. Økonomisjefen orienterte om at kommunen kan dekka inn mindreinntekta på 660.000 kroner frå disposisjonsfondet. Det øvrige meirforbruket må sjåast i ein større samanheng og i ein meir grundig gjennomgang av budsjettsituasjonen. Rådmannen signaliserte at han vil koma tilbake til formannskapet med moglege løysingar for å betra den økonomiske situasjonen. Formannskapet er uroleg over den økonomiske situasjonen, og administrasjonen fekk i oppdrag å snu alle steinar. Ordførar Jon Askeland meiner det er riktig å bruka KOSTRA-tal for å få fram eit godt talgrunnlag for å samanlikna dei kommunale tenesteområda med andre kommunar. Økonomisjefen svara at kommunen samarbeidarmed fylkesmannen om relevante kommunar å samanlikna seg med på dette området. Roy Bø (FrP) meiner kommunen må begynna å stramma inn på enkelte område, t.d. ved innkjøps- og stillingsstopp. Formannskapet vedtok samrøystes rådmannen si tilråding. FS - vedtak: Skjema 1A for 2014 vert endra slik: Skatteinngang vert redusert med kr 4.305.000 Rammetilskot vert auka med kr 3.647.000 Bruk av disposisjonsfond vert auka med kr 658.000 Samla endring kr 0,- Skjema 1B vert endra slik: Austebygd skule -205 000 Hordabø skule -338 000 Manger skule -19 000 Sæbø skule -508 000 Radøy ungdomsskule -32 000 PP-Teneste -1 000 Austebygd barnehage -125 000 Bø barnehage -182 000 Prestmarka barnehage -23 000 Sæbø barnehage -153 000 Barnevern -1 000 Psykisk helse -1 000 Radøy interkommunale busenter -9 000 Velferdsenteret -27 000 Radøy matsørvis -13 000

Heimetenesta -6 000 Omsut -13 000 Teknisk drift 1.656.000 Sum ending 0

Radøy kommune Saksframlegg Saknr Utval Type Dato 042/2014 Formannskapet i Radøy PS 05.06.2014 Sakshandsamar Arkivsaknr.: Dokumentnr.: Bente Kopperdal Hervik 14/1513 14/5568 Oppstart av planarbeid - kulturminneplan Rådmannen sitt framlegg til vedtak: Radøy kommune startar opp arbeidet med ein kulturminneplan i tråd med prioriteringa i planstrategien. Planen skal ha status som temaplan, Formannskapet er styringsgruppe for planen. Rådmannen set ned ei administrativ arbeidsgruppe som skal utarbeida planen. Gruppa skal knyta til seg eksterne referansar ved behov. Saksopplysingar: Bakgrunn Planstrategien for Radøy kommune slår fast at det skal opprettast ein kulturminneplan for kommunen, noko som òg er varsla i kulturplanen. Kulturminneplanen skal i følgje planstrategien ha status som temaplan. Både Riksantikvaren og Hordaland fylkeskommune oppfordrar kommunane til å utarbeida kulturminneplanar, og har også lyst ut tilskot til utarbeiding av planar og registrering av kulturminne. Hordaland fylkeskommune har vedtatt ei målsetjing om at alle kommunane i fylket skal ha vedtatt ein kulturminneplan innan utgangen av 2016. For å nå målsetjinga har fylkeskommunen utarbeida prosjektet Kulturminneplan i kommunane 2013-2016 som skal følgja opp kulturminneplanarbeidet i kommunane. Kommunane som vert med i dette prosjektet får såleis støtte til utarbeiding av planen og tett oppfølging. Vurdering Radøy kommune er rik på kulturminne. I kulturminnedatabasen Askeladden finn me 207 arkeologiske, og dermed automatisk freda kulturminne, i kommunen. Det er registrert 1129 bygningar og ruiner eldre enn 1900 (SEFRAK-registreringar). Av desse er 812 ståande bygg per i dag. Talet på bygg eldre enn 1900 er i realiteten ein god del høgare enn dette, då kulturminne i store delar av kommunen enno ikkje er registrerte. I tillegg kjem kulturminne nyare enn 1900, som berre unntaksvis er registrerte. Kulturminne er ikkje-fornybare ressursar og kan ikkje erstattast om dei vert øydelagde. Det er likevel ikkje mogleg og heller ikkje eit mål å ta vare på alt. I staden bør ein sikra eit representativt utval av kulturminne som viser det typiske og særmerkte for kommunen frå ulike epokar, sosiale lag, næringar og etter ulik byggjeskikk og arkitektur. Ein bør også ta vare på ein del av dei heilt spesielle kulturminna som kanskje berre fanst eitt eller nokon få av. Fokus bør vera på det som er særmerkt

for vår kommune eller vårt område. For å sikra at ein gjer det rette utvalet, er ein kulturminneplan med oversikt og prioritering av kva for kulturminne ein ynskjer å ta vare på eit naudsynt verkty. I arbeidet med ein slik plan vil det også vera naturleg å sjå utover kommunegrensene til dei andre nordhordlandskommunane i val og prioriteringar av kulturminne og slik få ei meir heilskapleg regional kulturminneforvaltning. Utover å vera eit reiskap for forvaltning av kulturminne, er formåla med kulturminneplanen å setja kulturminne på dagsordenen, auka kunnskapen og kjennskapen til kulturminna i kommunen, skapa føreseielege tilhøve for eigarar av kulturminne og synleggjera potensiale for bruk av kulturminna i kommunen. Det er svært viktig å involvera flest mogleg i planprosessen, ikkje minst fordi dette er ein plan som også gjeld kulturminne i privat eige. For å sikra kulturminne og -miljø etter plan- og bygningslova vil vurderingane i kulturminneplanen seinare følgjast opp i reguleringsplanar, i arealdelen i kommuneplanen og takast omsyn til i alt planarbeid og byggesakshandsaming. Rådmannen meiner difor at trass i at planen skal vera ein temaplan, bør ein i hovudsak følgja prosesskrava til kommunedelplanar i plan- og bygningslova. Rådmannen ser for seg at planen skal ha tematiske kapittel med historie, utvikling og tilstanden og utfordringar i dag innan ulike felt. Det er naturleg at kystkultur vert trekt særskilt fram i planen, men rådmannen ynskjer ein plan med breidde i tema. Aktuelle tema i planen er fornminne, kulturminne knytt til landbruk, kystkultur, samferdsle og kommunikasjon, krigsminne, kyrkjer og anlegg knytt til kyrkjeleg verksemd, forsamlingshus, offentlege bygg, og kulturminne knytt til næringsverksemd. I tillegg vil tettstaden Manger få særleg omtale. Ein vil også vurdera kva for nyare tids kulturminne ein vil sikra for framtida. Det er vanskeleg å sjå kulturminna åtskilt frå landskapet i kring. Rådmannen meiner difor at kulturlandskap også skal takast med i planen der det er avgjerande for ei god forvaltning av viktige kulturminne eller der kulturlandskapet i seg sjølv har svært stor verdi som kulturminne. I tillegg til temadelen ynskjer rådmannen at kulturminneplanen også inneheld ei liste over alle dei viktigaste kulturminna i kommunen og ein handlingsplan, som ein rullerer. Rådmannen foreslår følgjande organisering av planarbeidet: Formannskapet vert styringsgruppe for kulturminneplanen. Ei administrativ, tverrfagleg arbeidsgruppe koordinerer og gjennomfører planprosessen. Denne gruppa består av prosjektleiar (kultur- og sørvistorget), kommunalsjef for drift og forvaltning, plankonsulent og fagkonsulent for byggesak. Landbruksavdelinga vil verta trekt inn ved behov. Som ekstern referansegruppe vil ein nytta fagpersonar frå Kulturverntenesta i Nordhordland og Hordaland fylkeskommune, lokale lag og organisasjonar som Radøy sogelag, Keipane kystlag, Gamle smiers venner, bygdelag og grendalag, og privatpersonar med kunnskap og interesse om emnet. Hordaland fylkeskommune og Kulturverntenesta i Nordhordland vil vera fagleg støtte i planprosessen, og vil også gjennomføra ein del kartleggingar av viktige kulturminne og lokalitetar. Utover dette vil ein forsøkja å få lag og organisasjonar og andre frivillige til å bidra med

kulturminneregistreringar. Rådmannen ynskjer å oppdatera dei eksisterande kulturminneregistreringane, registrera alle bygg eldre enn 1900 som ikkje er registrerte frå før og samt dei viktigaste kulturminna frå perioden etter 1900. Rådmannen meiner at det ikkje er behov for å nytta eksterne konsulentar i prosessen. Økonomi: I 2013 fekk Radøy kommune 100.000 kroner frå Riksantikvaren til registrering av kulturminne. I 2014 er det søkt om 100.000 kroner til utarbeiding av planen. Administrasjonen i Hordaland fylkeskommune har innstilt på at Radøy får 100.000 kroner. Saka skal opp til politisk handsaming 3. juni. Erfaringar frå andre kommunar viser at prosjektleiar treng mellom 20 og 40 % stilling i kring 1,5 år til å utarbeida planen, alt etter kvar ein er i planprosessen. Rådmannen ser for seg at dette skal gjerast som ein del av arbeidet på kultur- og sørvistorget, og det vil ikkje verta henta inn ekstra ressursar. Til registreringar av kulturminner vil ein bruka lag og organisasjonar og frivillige privatpersonar. Det kan også vera aktuelt å nytta personar som er inn under ulike NAV-tiltak. Dei 100.000 som kommunen i 2013 fekk i tilskot frå Riksantikvaren meiner rådmannen bør nyttast til godtgjersle til personar eller lag som deltek i kulturminneregistreringa. I kulturminnefondet er det pr 23.05.2014 ein grunnkapital på kr. 1.669.372. I statuttane for fondet står det at grunnkapitalen på fondet skal vera minst 1.600.000. Rådmannen ynskjer difor at ein om naudsynt kan nytta det beløpet som overstig 1.600.000 til dekking av utgifter i samband med planen. Dette vil eventuelt koma opp som ei eiga sak til formannskapet. Framdriftsplan: Våren 2014 Oppstart av planprosess Formannskapet Sommaren 2014 Utarbeiding av planprogram Arbeidsgruppa Hausten 2014 Melding om oppstart og Formannskapet planprogram på høyring Høyring seks veker Vedtak om planprogram Formannskapet Kurs om registrering av Arbeidsgruppa / Hordaland kulturminne fylkeskommune Hausten 2014 og våren 2015 Registrering av kulturminne, Arbeidsgruppa, frivillige kvalitetssikring av eksisterande register Våren 2015-våren 2016 Utarbeiding av plan Arbeidsgruppa Hausten 2016 Kulturminneplan til høyring Formannskapet og godkjenning Høyring November/desember 2016 Vedtak av kulturminneplan Formannskapet/kommunestyret

Formannskapet i Radøy - 042/2014 FS - handsaming: Bente K. Hervik orienterte om formålet med kulturminneplanen, og informerte om at fylkeskommunen har gitt kommunen eit tilskot på 100 000 kroner til utarbeiding av plan. I tillegg fekk Radøy eit tilskot på 100 000 kroner til kulturminne-registrering i fjor. Planen vil vera eit godt verktøy og vil gje eit samla bilete over alle kulturminne i Radøy. Formannskapet - som styringsgruppe, vil tidleg i haust invitera administrasjonen til eit drøftingsmøte om planarbeidet. FS - vedtak: Radøy kommune startar opp arbeidet med ein kulturminneplan i tråd med prioriteringa i planstrategien. Planen skal ha status som temaplan. Formannskapet er styringsgruppe for planen. Rådmannen set ned ei administrativ arbeidsgruppe som skal utarbeida planen. Gruppa skal knyta til seg eksterne referansar ved behov.

Radøy kommune Saksframlegg Saknr Utval Type Dato 043/2014 Formannskapet i Radøy PS 05.06.2014 027/2014 Kommunestyret i Radøy PS 12.06.2014 Sakshandsamar Arkivsaknr.: Dokumentnr.: Kjersti Flatråker 14/276 14/5479 Kommuneplan for Radøy - revisjon - framlegg til planprogram - handsaming i styringsgruppa for høyring og offentleg ettersyn Rådmannen sitt framlegg til vedtak: Det vert med dette varsla om oppstart av planarbeid for delrevisjon av kommuneplan for Radøy. Samtidig vert framlegg til planprogram sendt ut på høyring og lagt ut til offentleg ettersyn. Vedtaket er i tråd med planstrategi for Radøy kommune 2012-2016. Vedtaket har heimel i plan- og bygningslova 4-1 jf 11-13. Saksopplysingar: Bakgrunn Oppstart av planarbeid for delrevisjon av kommuneplan for Radøy med framlegg til planprogramm vart diskutert i møte i styringsgruppa 15. mai 2014. På vegne av Venstre, Høgre og FrP kom Frode Hervik (V) med følgjande framlegg til vedtak: Det vert opna opp for å revidere eksisterande bustadareal som lenge har stått urørt, samt opne for å ta inn nye bustadområde og næringsområde i revideringa av kommuneplanen. Det er ynskjeleg å få lagt inn 1-2 nye bustadområder på Manger, 1 på Sletta og 1 i Sæbø. Nye bustadområde på Bø vert handsama i områdeplanen for Bø. Ein må kvalitetssikre at nye prosjekt vert gjennomført. Rådmannen gav klart uttrykk for at framlegget inneber ei betydeleg utviding av planrevisjonen enn administrasjonen har lagt opp til. Han ba om utsetjing av saka for å få utgreidd tidsplan, framdrift og ressursbruk ut frå dei signal som kom fram i møtet. Formannskapet vedtok å utsetja saka om planprogram for delrevisjon av kommuneplanen, og at rådmannen kjem tilbake med ei vidare utgreiing utfrå signal i formannskapet. FS - vedtak: Saka vert utsett. Rådmannen kjem tilbake til formannskapet med ei vidare utgreiing utfrå dei signal som kom fram i formannskapet. Vurdering

Saka vert lagt fram igjen med same framlegg til vedtak og planprogram som sist, 15. mai 2014. Grunngjeving for dette vert det gjort greie for i det følgjande. Delrevisjon av kommuneplanen sin arealdel er bestemt av kommunestyret i vedtak om kommunal planstrategi for Radøy 2012-2016 i sak 079/12 i møte 1. november 2012. Planstrategien legg føringar for kva tema som skal reviderast. Revisjonen er fyrst og framst meint som ein justering av gjeldande plan for å løyse konkrete problemstillingar knytt til bruk av planen i forvaltning av kommunen sine areal. Styringsgruppa sitt ynskje om å vurdere eksisterande og nye byggjeområde i kommuneplanen vil krevje ein større prosess då ein må kartleggje utfordringar og leggje strategiar for arealbruk før sjølve planarbeidet kan starte opp. Ein må med andre ord ta eit skritt attende før ein kan starte sjølve planarbeidet. Vedtak om oppstart av førre revisjon av kommuneplan vart vedteke i kommunestyret 29.05.2008. Ny kommuneplan fekk sin godkjenning i møte 29.09.2011. Då var både samfunnsdelen og arealdelen revidert. Kommunestyret var med å leggje føringar for arbeidet og styringsgruppa utarbeidde eit utfordringsdokument som la grunnlag for val av utviklingsstrategiar. I ein full revisjon av arealdelen til kommuneplanen er det krav om å konsekvensvurdere alle nye byggjeområde. Det er krav om å vurdere og beskrive planen sin verkna for miljø og samfunn. Planprogrammet skal avklare kva tilhøve som skal utgreiast der relevante miljø- og samfunnstema er: Forureining Transport og energibehov Kulturminne Naturmangfald Landskap Jordvern Folkehelse Universell utforming og tilgjenge Førebygging av kriminalitet Beredskap og ulykkesrisiko (ROS-analyse) Born og unge sine interesser Støy Friluftsliv M.m. I arbeidet med kommuneplanen sin arealdel skal ein i planprogrammet omtale alternative strategier for kommunen sin arealbruk og korleis ein vil handsame alternativer til konkrete utbyggingsframlegg. Ein skal me andre ord leggje strategier for langsiktig arealbruk og desse skal nyttast som styringsverkty ved vurdering av framlegg til nye utbyggingsområde i planprosessen. Til dømes vart det i førre revisjon mellom anna lagt vekt på fortetting i eksisterande knutepunkt. Kommunestyret kan vedta å forlengje arealbruksstrategiane i frå sist revisjon. Planprogrammet skal innehalde informasjon om kva kommunen vil leggje vekt på ved vurdering av utbyggingsframlegg.