Politisk og administrativt sekretariat Borgen Advokatar Postboks 84 5480 HUSNES Saksbehandlar Tlf. direkte innval Vår ref. Dykkar ref. Dato Karin Thauland 2016/3626-6 13.11.2017 Særutskrift - 194/6 - ny grunneigedom - Sæbøvik - Fredrik Johan Øvrevik Kvinnherad forvaltningskomite hadde saka føre i møte 08.11.2017 med vedtak nr 2017/117. Vi legg ved utskrift av møteboka og syner til vedtaket. Dersom du vurderer å klaga på vedtaket, viser vi til reglane i forvaltningslova samt eventuelt bestemmelsar i særlov om klage. Klagefristen er 3 veker frå du har motteke dette vedtaket. Med helsing Bente Høyland Møtesekretær Brevet er godkjent elektronisk og har derfor inga underskrift. Kopi til: Karin Thauland Rosendalsvegen 10 5470 Rosendal Tlf: 534 83 100 Fax: 534 83 130 Org. nr: 964 967 636 Bankgiro: 3460.07.00083 post@kvinnherad.kommune.no www.kvinnherad.kommune.no
Saksframlegg Kvinnherad kommune Saksmappe Saksbehandlar 2016/3626-2 Karin Thauland Saksgang Saksnr Utval Møtedato 2017/117 Forvaltningskomiteen 08.11.2017 Behandling - Søknad om deling etter jordlova - 194/6 - Sæbøvik - Fredrik Johan Øvrevik Innstilling frå rådmannen: Innstilling frå rådmannen: Omdisponering og deling etter jordlova 9 og 12: Forvaltningskomiteen i Kvinnherad syner til saksframstillinga og gir ikkje løyve til å dele i frå våningshuset frå gnr/bnr 194/6 Vedtaket er gjort med heimel i jordlova. Behandling i Forvaltningskomiteen den 08.11.2017 Rådmannen si innstilling vart samrøystes vedteken. Vedtak frå Forvaltningskomiteen den 08.11.2017 Omdisponering og deling etter jordlova 9 og 12: Forvaltningskomiteen i Kvinnherad syner til saksframstillinga og gir ikkje løyve til å dele i frå våningshuset frå gnr/bnr 194/6 Vedtaket er gjort med heimel i jordlova. Saksutgreiing: Om søknaden; Opprinneleg søknad dagsett 23.9.2016. Søkjar bad om at saken skulle vente. Endeleg søknad motteke 25.10.2017. Det blir søkt om løyve til å dele i frå det eksisterande våningshuset på gnr/bnr 194/6 med ei tomt på ca. 1,8 dekar i samband med generasjonsskifte. Bruket har 19,5 dekar fulldyrka jord,1,3 dekar beite og 108 dekar produktiv skog - til saman inkludert anna areal 163,7 dekar i følgje Skog og landskap sine gardskart. Det er eit våningshus, driftsbygning, garasje og naust på bruket. 2
Gjeldane kommunedelplan for Halsnøyområdet Omsøkt frådeling. 3
I samband med søknad om frådeling av våningshuset, er det planlagt at gnr/bnr 194/26 skal erstatte det eksisterande våningshuset. Eigedomen ligg om lag 200 m frå tunet på bruket og var i si tid skild ut frå bruket. Dette huset ligg innafor areal avsett til fritidsbustader i kommuneplan. Arealet: I gjeldane kommunedelplan ligg tomta innafor området avsett til LNF. Det er godkjend eit stort areal til fritidsbustader på naboeigedomen og delvis på gnr/bnr 194/6. Tunet på bruket ligg nær eit bustadfelt, men grensar ikkje til. Aktuelle lovheimlar Den omsøkte frådelinga krev handsaming etter jordlova sine 9 og 12. Vidare krev den dispensasjon etter pbl 19-2 frå føremålet LNF i kommuneplan. Dersom det skal gjevast dispensasjon må omsyna bak reglane det vert dispensert frå, eller omsyn i føremåla i lova, ikkje vert sette til side. I tillegg må fordelane ved å gje dispensasjon vere klart større enn ulmepene etter ei samla vurdering. Jordlovsbehandling: Saka er vurdert etter 9 og 12 i jordlova og rundskriv M 1/2013 frå landbruksdepartementet. 9 : Dyrka jord må ikkje brukast til føremål som ikkje tek sikte på jordbruksproduksjon. Dyrkbar jord må ikkje disponerast slik at ho ikkje vert egna til jordbruksproduksjon i framtida. Departementet kan i særlege høve gi dispensasjon dersom det etter ei samla vurdering av tilhøva finn at jordbruksinteressene bør vika. Ved avgjerd skal det mellom anna takast omsyn til godkjende planar etter plan- og bygningslova, drifts- eller miljømessige ulemper for landbruket i området, kulturlandskapet og det samfunnsgagnet ei omdisponering vil gi. Det skal òg takast omsyn til om arealet kan førast attende til jordbruksproduksjon. Det kan krevjast lagt fram alternative løysingar. 12 Deling Deling av eigedom som er nytta eller kan nyttast til jordbruk eller skogbruk må godkjennast av departementet. Dersom det er dyrka eller dyrkbar jord som skal delast i frå, må det først gis samtykke til omdisponering etter jordl. 9 før det kan gis samtykke til deling, jf. 12 andre ledd. I vurderinga av om samtykke til frådeling kan givast må ein leggje vekt på om delinga legg til rette for en tenleg og variert bruksstruktur i landbruket. Det er ei samla vurdering som her skal gjerast der en vurderer omsyn til vern av arealressursar, om deling fører til ein driftsmessig god løysing, og om delinga kan føre til drifts- eller miljømessige ulemper. Dersom denne vurderinga talar for avslag på søknad om deling, opnar likevel fjerde ledd opp for at samtykke kan givast dersom deling vil ivareta omsyn til busetting. Høyring: Rådmannen har negativ innstilling etter jordlova. Saka har difor ikkje vore send på høyring. Naboar: Naboar (7) er varsla. Vurdering etter jordlova: Det er berre eit bustadhus på bruket. Det ligg nær driftsbygninga. Det er eksisterande bustader og godkjend areal til fritidsbustader i nærleiken av tunet. Omsøkt fråskild bustadtomt grensar ikkje til bustadfeltet den ligg i eit samanhengande LNF-området Delinga vil kunne føre til drifts- eller miljømeissige ulemper for landbruket i området. Løysinga med å erstatte eksisterande våningshus med ein fritidsbustad 200 m frå tunet med tilkomst via areal avsett til fritidsbustader, gir ingen god driftsmessig løysing for bruket. 4
Det finnast bustader og bustadtomter i nærleiken. Det er difor i dette høve ikkje grunnlag for å gje løyve til deling av omsyn til busettinga. Etter ei samla vurdering, vil rådmannen rå i frå omdisponering og frådeling av våningshuset etter jordlova. Vedlegg: Søknad, Skriv frå Borgen Advokatar dagsett 24.10.2017, Gardskart 5