NÆRØYFJORDEN VERNEOMRÅDESTYRE Nærøyfjorden landskapsverneområde Bleia - Storebotnen landskapsvernområde Bleia naturreservat Nordheimsdalen naturreservat Grånosmyrane naturreservat Stigen Gard og Turer SAKSBEHANDLAR: ANBJØRG NORNES ARKIVKODE: 2014/914-432.2 DATO: 28.03.2014 NÆRØYFJORDEN LANDSKAPSVERNOMRÅDE - OPPSETTING AV GJERDE PÅ STIGEN Sender vedlagt saksprotokoll med saksframlegg for Nærøyfjorden verneområdestyre sak 16/14. Klage Vedtaket kan klagast inn for Miljøverndepartementet av partar i saka eller andre som har rettsleg klageinteresse med ein frist på 3 veker jf. forvaltningslova 28. Klagen skal sendast verneområdestyret v/sekretariatet, som kan gje nærare opplysningar om klagerett og rett til og sjå saksdokument. Med helsing Noralv Distad Leiar Nærøyfjorden verneområdestyre Anbjørg Nornes sekretær verneområdestyret Dokumentet er elektronisk signert. Kopi pr. e-post til: Fylkesmannen i Sogn og Fjordane Njøsavegen 2 Aurland kommune Vangen 1 Miljødirektoratet Pb 5672 Sluppen SNO, Aurland POSTADRESSE: NJØSAVEGEN 2, 6863 LEIKANGER BESØKSADRESSE: FJORDSENTERET, 5745 AURLAND TELEFON: DIREKTE:57643129/99499753 SENTRALBORD:57 64 30 00 SOGN OG FJORDANE: FMSFPOST@FYLKESMANNEN.NO ORG.NR: SOGN OG FJORDANE: 974 763 907
NÆRØYFJORDEN VERNEOMRÅDESTYRE Saksframlegg Arkivsaksnr: 2014/914-0 Saksbehandlar: Anbjørg Nornes Dato: 27.02.2014 Utval Utvalssak Møtedato Nærøyfjorden verneområdestyre 16/14 24.03.2014 Nærøyfjorden landskapsvernområde - Oppsetting av gjerde på Stigen Innstilling frå forvaltar Nærøyfjorden verneområdestyre gjev Stigen Gard og Turer v/hege Strømme og Dee Cunningham løyve til å sette opp fastgjerde på Stigen til oppdeling av innmarksbeite. Løyve er gjeve med heimel i verneforskrift for Nærøyfjorden landskapsvernområde 3 pkt. 1.3 f). Løyvet gjeld med fylgjande vilkår: Gjerdet skal setjast opp i samsvar med plan vedlagt søknaden. Gjerdet skal fjernast når det ikkje lenger er i bruk. Der gjerde kryssar stiar i området, skal det setjast opp grind/gjerdeklyv. Tiltaksmidlar til gjerding Verneområdestyret løyver kr. 10 000 av tiltaksmidlane til Stigen Gard og Turer v/hege Strømme og Dee Cunningham til gjerdemateriell. Midlane kan utbetalast når arbeidet er kome i gang. Frist for utbetaling er 31.10.14. Rekneskap for prosjektet skal leggjast fram for sekretariatet når arbeidet er ferdigstilt. Saksprotokoll i Nærøyfjorden verneområdestyre - 24.03.2014 Handsaming i møte Til møtet var det kome endringar i planane for oppsetting av gjerde rundt tunet og stien ved Øvste Stigen. Framlegg til vedtak: NÆRØYFJORDEN VERNEOMRÅDESTYRE SIDE 2
Vedtak i samsvar med innstilling frå forvaltar, men med endring i vilkår om at gjerdet skal setjast opp i samsvar med plan vedlagt søknaden, og etter avtale med involverte grunneigarar. Framlegget vart samrøystes vedteke. Vedtak Nærøyfjorden verneområdestyre gjev Stigen Gard og Turer v/hege Strømme og Dee Cunningham løyve til å sette opp fastgjerde på Stigen til oppdeling av innmarksbeite. Løyve er gjeve med heimel i verneforskrift for Nærøyfjorden landskapsvernområde 3 pkt. 1.3 f). Løyvet gjeld med fylgjande vilkår: Gjerdet skal setjast opp i samsvar med plan vedlagt søknaden, og etter avtale med involverte grunneigarar. Gjerdet skal fjernast når det ikkje lenger er i bruk. Der gjerde kryssar stiar i området, skal det setjast opp grind/gjerdeklyv. Tiltaksmidlar til gjerding Verneområdestyret løyver kr. 10 000 av tiltaksmidlane til Stigen Gard og Turer v/hege Strømme og Dee Cunningham til gjerdemateriell. Midlane kan utbetalast når arbeidet er kome i gang. Frist for utbetaling er 31.10.14. Rekneskap for prosjektet skal leggjast fram for sekretariatet når arbeidet er ferdigstilt. Saksopplysningar Dokument som bakgrunn for saka: Søknad om løyve til oppdeling av innmarksbeite på Stigen, Stigen Gard og Turer, 26.02.2014 Søknad om tiltaksmidlar til gjerdeprosjektet, Stigen Gard og Turar, 26.02.2014 Kart med innteikna plan for gjerde, 26.02.2014 Søknaden vert vurdert etter: Forskrift om vern av Nærøyfjorden landskapsvernområde av 08.11.2002 Naturmangfaldlova av 19.06.2009 Forvaltningsplan for Vestnorsk fjordlandskap delområde Nærøyfjorden 2007 Skjøtsel av kulturlandskap og tilrettelegging for friluftsliv, høgdegarden Stigen i Aurlandsfjorden, rapport nr. 3-2008, Aurland Naturverkstad Hege Strømme og Dee Cunningham er eigar og drivar av Nedste Stigen, gnr. 53, bnr. 2, og har avtale om drift på Øvste Stigen, gnr. 53, bnr. 1. Gardane på Stigen vert drifta saman med garden i Fresvik, som er driftssenteret. I 2012 hadde dei omlag 70 sauer og lam på beite på Stigen. I 2012 fekk dei løyve av verneområdestyret til å setja opp fastgjerde rundt innmarka på begge bruka på Stigen (ref. 2012/892). Beitedyra er viktige for å halda ope kulturlandskapet på Stigen. For å kunne auka beitepresset meir, og sirkulera betre på beitinga, søkjer dei om å få setja opp gjerde for å dela opp innmarka i 3 beite. Ved å sirkulera på beita, kan beiteområda slåast og deretter kvila. Dette vil gje betre beitehygiene. Dei har hatt NÆRØYFJORDEN VERNEOMRÅDESTYRE SIDE 3
problem med mykje trakk i stien av både sauer og turgåarar mellom Øvste og Nedste Stigen. Ved å dela opp beita, kan dei stenge sauene ute frå stien i deler av beitetida. Gjerdeprosjektet er delt inn i fleire steg. Fyrste steg er beite på Nedste Stigen. Stien mellom gardane må utbetrast før dei kan setja opp gjerde på Øvste Stigen. Eigar på Øvste Stigen er positiv til tiltaket. Utbetring av stien håpar dei verneområdeforvaltninga og SNO kan gjennomføra i år. Gjerdeprosjektet er planlagt avslutta i 2015. Kostnaden med gjerdemateriell er budsjettert til kr. 49 860. I tillegg kjem kostnad med oppsett av gjerdet. Dei har søkt om SMIL-midlar til tiltaket frå Aurland kommune. I tillegg vert det utbetalt tiltaksmidlar i samsvar med skjøtselsavtale med Stigen Gard og Turar. Deler av gjerdeprosjektet kan finansierast av desse midlane. Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med ein mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter» jf. verneforskrifta 2. Nærøyfjorden landskapsvernområde er «..verna mot alle inngrep eller tiltak som vesentleg kan endre eller verke inn på landskapets art eller karakter» jf. verneforskrifta 3, pkt.1.1. Verneområdestyret kan gje løve til «Oppsetting av nye gjerde (som ikkje gjeld stenging av skorfeste og oppsetting av kve)» jf. 3, pkt.1.3 f). Vurdering I forvaltningsplanen for Nærøyfjorden er Stigen eit av område som er trekt fram som eit av dei viktigaste områda i verneområdet for skjøtsel av kulturlandskap. Mange av tiltaka som er føreslegne i skjøtselsplanen er gjennomført. Skjøtselsplanen har framlegg om inngjerding på Nedste Stigen for styrt beiting. Då planen var skriven, var det ikkje beitedyr på Stigen, men det var planar om oppstart med geiter. Tiltaksplanen er tilpassa forholda på plantidspunktet. No er landbruksdrifta villsau, og talet på dyr har auka monaleg. Dette er svært positivt for skjøtsel av kulturlandskapet. Forvaltar vurderer at tiltaket er med å fremjar verneformålet om å ta vare på kulturlandskapet, og er i tråd med det som det kan gjevast løyve til etter verneforskrifta 3 pkt. 1.3 f). Kunnskapen om området er godt kjent gjennom arbeid med forvaltningsplan, skjøtselsplan og grunneigarane sin skjøtsel av området. Det er ikkje registert raudliste-artar eller utvalde naturtypar i området (Artskart og Natubase 27.02.14). Kunnskapsgrunnlaget jf. naturmangfaldlova 8 er vurdert som godt for å behandla denne saka. Føre-var-prinsippet jf. 9 er ikkje vektlagt i denne saka då det er god kunnskap om området og tiltaket. Skjøtsel av kulturlandskapet med slått og styrt beiting er med og fremjar det biologiske mangfaldet på innmarka og beite. Ved å gjerde sauene ute frå deler av stien, vil den verta betre ivareteken. Stien er mykje brukt av turgåarar på veg frå Stigen til Beitelen, Hovdungo eller mot Grindaflethytta. Gjerdeprosjektet vil vera positivt for skjøtsel av området, og vil lite truleg føra til belastning på økosystemet jf. 10. Det må vera vilkår om å fjerna gjerdet og gjerdestolpane når det ikkje lenger er i bruk. Driftsmetode med fastgjerde er vurdert som miljøvennleg til dette føremålet jf. 12. Straumgjerde er eit anna alternativ, men det krev meir tilsyn, og er meir eigna til flytting innafor det enkelte beiteområdet. Tiltaket vil lite truleg føre til skade på naturmangfaldet, og 11 er difor ikkje vurdert i denne saka. NÆRØYFJORDEN VERNEOMRÅDESTYRE SIDE 4
Konklusjon På bakgrunn av vurderinga etter naturmangfaldlova 8 12 meiner forvaltar det kan gjevast løyve til oppsett av fastgjerde på Stigen med heimel i verneforskrifta 3 pkt. 1.3. f), og at det kan nyttast tiltaksmidlar til prosjektet. NÆRØYFJORDEN VERNEOMRÅDESTYRE SIDE 5