OFFENTLEG MØTEPROTOKOLL Utval Formannskapet og næringsutvalet Møtestad: Rådhuset Møtedato: 14.03.2012 Start kl.: 09.00 Slutt kl.: 16.00 Til stades på møtet Medl.: Forfall: Varamedl.: Frå adm. (evt. andre): Ivar Kvalen, Geir Arve Sandvik, Marit Aakre Tennø, Torunn Gauteplass Hønsi, Ivar Buskaker. Ernst Veum, Jon Ove Lomheim. Arne J. Hauge, Oddny Urnes. Rådmann Tore Eriksen, kommunalsjef Jarle Skartun. Sak 37/12: Økonomisjef Kjell Sverre Snøtun, seniorrådgjevar Jan Kåre Norberg, rådgjevar Inger Marie Evjestad. Sak 41-43, 45 og deler av 44: Næringssjef Olav Grov. Medlemene hadde ikkje merknad til innkalling og sakliste. Saksnr. Tittel 35/12 12/758 Godkjenning av møtebok SAKLISTE 36/12 12/393 Revisjon av Politisk delegeringsreglement 37/12 12/285 Formannskapet - innsparingar 2013-15 38/12 11/440 Årsmelding Luster eldreråd 2011. 39/12 12/817 Søknad om dispensasjon frå alkoholforbod i Jostedal samfunnsbygg i samband med slektsstemne 40/12 12/809 Kommunen sin bustadmasse; sal, bygging og retningsliner for tildeling. 41/12 12/749 Massiv Lust As - søknad om kjøp av næringstomt 42/12 12/114 Emil Heggestad. Søknad om finansiering. 43/12 12/807 Ikkje off., offl. 13, jf. fvl. 13 1. ledd nr. 2. 1
2 av 7 Næringsverksemd. Finansiering 44/12 12/826 Referat- og drøftingssaker 45/12 12/917 Ikkje off.,offl. 13, jf. fvl. 13 1. ledd nr. 2. Utviklingssak Underskrifter: Vi stadfester at det som er ført i møteboka er i samsvar med det som vart vedteke på møtet. Møteprotokoll er sendt til: Medlemene, varamedlemer, rådmann, revisor, kontrollutvalet, biblioteka i kommunen, lokalavisene, NRK-Førde og Luster radio.
3 av 7 35/12 Godkjenning av møtebok Det var ikkje merknad til møteboka. Møteboka frå møtet den 29.02.12 vert godkjent. Underskrifter: Torunn G Hønsi og Geir Arve Sandvik. 36/12 Revisjon av Politisk delegeringsreglement Framlegg i møtet vart samrøystes vedteke. Saka vert utsett. Formannskapet ser positivt på at administrasjonen utarbeider eit tillegg som gjeld delegert mynde med heimel i ulike kommunestyrevedtak, avtalar m.v, samt at det vert lista opp viktige lover for kommunen som ikkje gjev grunnlag for delegering. 37/12 Formannskapet - innsparingar 2013-15 Drøftingar frå møtet 29.02.12 vart vidareført med grunnlag i ordføraren sitt opplegg for møtet og det tilhøyrande materialet administrasjonen hadde utlagt på førehand. Framlegg i møtet om den vidare prosessen vart samrøystes vedteke. 1. Formannskapet ber administrasjonen vise korleis føresette innsparingar pga manglande priskompensasjon 1,7 mill kr i 2014 og 2,9 mill kr i 2015 bør takast ut. 2. I høve tilskotspostane administrasjonen legg fram eit opplegg basert på utgiftskutt i storleiksorden 5-10% på aktuelle tilskotspostar. 3. I høve driftspostane administrasjonen legg fram eit oversyn som viser korleis ein kan spare eit høveleg nivå på aktuelle driftspostar. 4. Administrasjonen vurderer om det kan vere grunnlag for innsparingar i høve interne støttefunksjonar og melder tilbake til formannskapet, som vil vurdere ev. prosessar. 5. Administrasjonen vurderer om nokre betalingssatsar bør justerast i lys av kva som er gjengs nivå for tilsvarande tenester i regionen, ev. tilsvarande dekningsgrad/nivå for VAR-tenester i regionen. 6. Administrasjonen legg etter avslutta tildelingsrunde for einskildvedtak i skuleverket for 2012/13 fram eit notat som viser utviklinga dei siste åra, status i dag og korleis det vil bli arbeidd på området vidare framover. 7. Administrasjonen legg fram ein meir spesifisert oversikt over kommunen sine fond, jf. presentasjonen 29.02.12.
4 av 7 8. Administrasjonen vurderer nivået på framtidig eigedomsskatt i lys av nye kraftutbyggingar der det er gitt konsesjon. Ein kan ev. og ta omsyn til venta endringar knytt opp mot føreståande retaksering. Formannskapet vil vidareføre drøftinga i sitt møte 18.04.12, jf. kommunestyret sitt oppdrag på området. Til møtet 18.04 klargjer rådmannen dei av punkta over som det er mogleg å få ferdigstilt på kort sikt. 38/12 Årsmelding Luster eldreråd 2011. Luster kommunestyre tek den framlagde årsmeldinga for Eldrerådet for 2011 til orientering. 39/12 Søknad om dispensasjon frå alkoholforbod i Jostedal samfunnsbygg i samband med slektsstemne Formannskapet viser til ruspolitisk handlingsplan pkt. 6.2.6. og gjev dispensasjon frå alkoholforbodet i Jostedal samfunnshus i pinsehelga d.å. Dette i samband med at det skal arrangerast slektsstemne. 40/12 Kommunen sin bustadmasse; sal, bygging og retningsliner for tildeling. Rådmannen si tilråding vart samrøystes vedteken, med følgjande tilleggspunkt: Rådmannen vert beden om å fremje ei ny sak som bygging av utleigebustader gjennom stiftinga Luster Utleigebustader i Fortun og Indre Hafslo, jf. tidlegare vedtak i kommunestyret. Rådmannen vert også beden om å vurdere behovet i andre bygdelag. Kommunen vil vere innstilt på å gjere naudsynte husleigereguleringar ved bygging av nye utleigebustader. 1. Luster kommunestyre har ikkje merknader til at kommunen sine 4 bustader i tidlegare Skåråkeren burettslag vert selde. Rådmannen får fullmakt å gjennomføre salet. 2. Kommunestyret vedtek at området som er skissert på vedlagde kartskisse, jf vedlegg 1 (tidlegare Gaupne barnehage og tilgrensande bustadeigedom) vert omregulert og planlagt nytta til konsentrert utbygging av bustader. Formannskapet får, når planarbeidet er ferdig, fullmakt til å godkjenne vilkåra for overføring/sal av nemnde areal til Stiftinga Luster utleigebustader (SLU)
5 av 7 3. Kommunestyret godkjenner nye reglar for tildeling av kommunale bustader i samsvar med vedlagde framlegg, jf. vedlegg 2. 4. Rådmannen vert beden om å fremje ei ny sak som bygging av utleigebustader gjennom stiftinga Luster Utleigebustader i Fortun og Indre Hafslo, jf. tidlegare vedtak i kommunestyret. Rådmannen vert også beden om å vurdere behovet i andre bygdelag. Kommunen vil vere innstilt på å gjere naudsynte husleigereguleringar ved bygging av nye utleigebustader. 41/12 Massiv Lust As - søknad om kjøp av næringstomt Torunn Gauteplass Hønsi gjekk frå som ugild, som styremedlem i Digital Etikett AS. Rådmannen si tilråding vart samrøystes vedteken med følgjande tillegg til punkt 3: og det vert reservert tomt til trinn 2 til produksjonslokale.. 1. Massiv Lust AS får kjøpe næringstomt på Gaupnegrandane, omlag 2000m2. Tomtegrensa mot kommunen sin slamavskiljar i området og Engjadalselva må tilpassast. 2. Tomta vert tildelt på slike vilkår: a. Tilbodet gjeld i eitt år frå vedtaksdato. b. Kjøpar betaler alle omkostningar ved realisering av eigedomsoverdraginga. c. Kjøpesummen er fastsett til kr.150,- pr. m2, inklusiv refusjon for opparbeiding av veg, vatn og avløp. d. Kjøpar overtek arealet slik det er pr. dato. e. Kjøpar pliktar å halde området ryddig og halde gjerde kring eigedommen om dette vert naudsynt av omsyn til verksemda, eller vert pålagd av Luster kommune. f. Kjøpar må tilpasse seg gjeldande reguleringsplan for området. 3. Massiv Lust AS får forkjøpsrett til framtidig utviding og det vert reservert tomt til trinn 2 til produksjonslokale for Digital Etikett AS på tilgrensande areal. 4. Søkjar får forkjøpsrett til dei nemnde områda i 3 år, dvs til og med 31.03.2015. Ev forlenging, inntil 2 år, kan gjevast om det ikkje er andre interessentar til tomteområdet. 5. Tomtegrensene og storleiken på desse areala må tilpassast noko i høve søknaden. Grensene må leggast slik at tomtene får ein naturleg avgrensing mot framtidig bruk av industriområdet. 42/12 Emil Heggestad. Søknad om finansiering.
6 av 7 Emil Heggestad får eit oppstartingstilskot stort kr 30.000, for å starte kafe på Veitastrond. Tilskotet vert finansiert av post 14703.402.32503. 43/12 Ikkje off.,offl. 13, jf. fvl. 13 1. ledd nr. 2. Næringsverksemd. Finansiering Ikkje offentleg. 44/12 Referat- og drøftingssaker Framlagt: Notat dat. 6.3.12 med vedlagt prosjektsøknad. Saman om ein betre kommune, endringar i prosjektorganisasjonen. Skriv dat. 21.02.12 frå Sogn og Fj. Fylkeskommune. Informasjon om regional transportplan for Sogn og Fjordane 2014-2023. Rapport nr. 9 Gjennomføring av Luster Bad Skriv dat. 9. mars 2012 frå styret i Luster Bad KF. Søknad om namneendring på Luster Bad KF Rapport delegerte vedtak. Kl. 12.00 12.45 orienterte BlueFjords v/arne Myklebust om selskapet sine planar i høve datalagring. Ordføraren minna om USS-landsmøte 19.-20. april. Eventuell påmelding via ordførar, seinast 23. mars 2012. Ordføraren tok opp spørsmål om ev. studietur knytt til prosjektet Naturarven. Ordføraren føl opp saka. Rådmannen opplyste at folketalet i Luster auka frå 5.023 til 5.026 i 2011. Fødselstala er framleis relativt låge (53). Folkeauken skuldast nettoinnflytting, særleg frå utlandet. Nettoinnflyttinga frå utlandet var på pluss 36 personar, medan nettoinnflyttinga frå eige land var på minus 31 personar. Dette viser at det kan vere teneleg å gje den store tilflyttinga frå utlandet merksemd i det føreståande kommuneplanarbeidet jf tidlegare drøfting. Ingen merknader. Rådmannen orienterte om status for investeringane i aksjefonds. Ingen merknader. Rådmannen orienterte om mellombelse tilsettingar i lys av rådmannstilsetjinga. Ingen merknader. Rådmannen opplyste at vi i 2012 har budsjettert med 0,5 mill kr til utskrivingsklåre pasientar ved sjukehusa. Dette gjev dekning for 125 sjukehusdøgn, altså om lag 10 pasientar pr månad. Mottekne tal frå Helse Førde (HF) viser at Luster vil bli fakturert for
7 av 7 to slike pasientar for årets 2 første månader. Rådmannen meiner det korrekte talet er ingen (0) og har bedt HF korrigere talet, ev. leggje fram dokumentasjon. Ingen merknader. Rådmannen opplyste at kommunen har fått 260.000 kr frå fylkeskommunen til følgjande trafikktryggingstiltak (2012). Heva gangfelt og fortau ved ungdomshuset i Øyagata, heva gangfelt ved Gaupne omsorgssenter, heva gangfelt ved Pyramiden/Bruvoll og gangfelt ved rådhuset/engjadalsvegen. Altså; godt i samsvar med søknaden. Ingen merknader Rådmannen viste til framlagt notat; «Saman om ein betre kommune». Formannskapet hadde ikkje merknader til ny administrativ forankring og den rolla ADU er tiltenkt. Rådmannen stadfesta at Rapport nr 9 i høve Luster bad viste at ny prognose kan tyde på at det ikkje vil vere naudsynt med ekstra låneopptak, jf. auka mva-kompensasjon og lægre byggjelånsrente. Det var semje i formannskapet om at søknad om namneendring for Luster bad KF skal handsamast som vanleg politisk sak. Jf. vedtektene for badet, 1. Rådmannen la fram utkast til justerte vedtekter for barnehagane. Formannskapet uttrykte at framlegg til justerte vedtekter skal leggjast ut på heimesida for ev. merknader dette med tanke på endeleg avgjerd 18.04.12, jf. delegeringsreglementet, som gjev formannskapet mynde til å vedta slike endringar. Det vart ikkje gjort vedtak i saka. 45/12 Ikkje off.,offl. 13, jf. fvl. 13 1. ledd nr. 2. Utviklingssak Framlegg i møtet vart samrøystes vedteke. Ikkje offentleg.