MÅNADSBREV FOR OKTOBER AVD GLIMMER Så er september over og vi er godt i gang med oktober. Det har gått veldig fint med oppstart av nytt barnehageår, barna viser trivsel og vi har det kjekt i lag. Vi har lagt vekt på å bli godt kjende med kvarandre og å skape omsorgsfulle relasjonar. Og vi vil gi oss god tid i dei kvardagslege situasjonane for at alle barna skal oppleve å bli sett, forstått og respektert. Vi er mange vaksne som barna på Glimmer skal forhalde seg til og det har vore inne vikar i denne perioden, men det har gått veldig bra. Barna er tillitsfulle og trygge. Heldigvis fekk vi oppleve mange fine haustdagar i september og vi var masse ute, lettkledde og i joggesko! Og vi har vore på tur både til Klatreparken, fotballbana og til Myklebustfjæra i september. Det blir berre ein liten tur før lunsj. Vi er så vidt komt i gang med samling, det vil vi ha oftare no framover når det vert vått og mørkt ute. Inne er vi på golvet i lag med barna og les bøker, leikar med barna og trenar dei på sosial kompetanse. klipt og lim. Vi har hatt litt aktiviteter, måla og laga «hausttrykk» med hender og
Tema for september har vore Brannvern. Vi har hatt om det i samling og vi har hatt besøk av brannbilen. Stor stas. Og vi har gjennomført varsla brannøving med evakuering. Det gjekk veldig fint. I oktober jobbar vi litt med Forut Barneaksjonen. Målet er å gjere barn i Noreg kjent med andre kulturar og med dagleglivet til barn i andre land. Vi har plansjar som vi henger opp og som vi kan sjå på og snakke om, og vi har cd med musikk og videoar som vi kan bruke i samling. I år er det historia til 4 år gamle Sivatas frå Sri Lanka vi skal høyre om. Tema vert avslutta med Forut-kafe i barnehagen tysdag 24.oktober kl 14-15.30 Håpar mange har høve til å komme!
Hyllestad barnehage har satsingsområde Språk og språkstimulering og i år er fokus på høgtlesing og lesegrupper. Dette hadde vi tenkt å snakke om på foreldremøtet, men då var det ikkje foreldre frå Glimmer etter fellesøkta. Det er 3 punkt vi har under «Beste praksis» på vår avdeling: 1. Vaksne syner leseglede og lar barna komme med innspel. (Eg skal fordjupe meg i boka saman med barna og ta lesepausar for å stille opne spørsmål) 2. Vaksne syter for eit mangfald av gode bøker tilpassa alder, morsmål og språknivå. (Eg skal bytte bøkene i bokhylla jamleg og ha bøker som fenger alle barn sine interesser) 3. Vaksne skapar tid og rom for gode lesestunder og samtalar rundt boka. (vi deler barna i mindre lesegrupper og setter av tid til dette kvar veke) Vi har så langt fått på plass mange nye og fine biletbøker med enkel tekst, og ser at dette fenger barna. Dei kjem med bøker som vi «les» og vi ser at barn set seg til med bøker åleine og studerar bileta. Det å bruke innleving og entusiasme er ein naturleg måte å «lese» bøker i lag med små barn. Vi har delt barna inn i 3 lesegrupper etter alder og utvikling og vaksne som har ansvar for kvar si gruppe. For å få ro og konsentrasjon vil vi lage til ein lesekrok på soverommet, med gode puter å sitte på, pledd og leselampe, og bøker som vi trur fenger barna. Paralellt jobbar vi i barnehagen med prosjekt: «Språkløyper» og det går mykje over i kvarandre. Her og handlar det om leseglede, leseteknikkar osv. Her har vi på Glimmer valt oss bok «Den lille muldvarpen» og vil bruke den i samling på ulike måtar fram mot desember.
Det er fint om de kan lese den boka heime og. Det er veldig bra for barna å få gjentaking. Andre ting: Vi Kunne ønske oss at barna hadde kvar si drikkeflaske med namnet sitt på, det gjer det lettare å sikre at barna får ofte nok vatn når vi er inne og det er praktisk når vi går på tur. Heimen har ansvar for reinhald. (kvar dag eller ein gong i veka?) Foreldresamtalar vert mest truleg i månadsskifte oktober/november. Men er det noko de ynskjer å ta opp med oss er det berre å ta kontakt. No vert det kaldare ute og det er fint om de ser over at det er nok ekstrakle og varme ull/fleece kle til å ha under regngkleda. Veke 41 er det haustferie på skulen, det er fint viss vi får vite om nokon av barna våre tek fri. 06.10.2017 Helsing personalet på Glimmer Mobilnr til Glimmer: 918 75 865