Hjartdal kommune 3692 Sauland Møteinnkalling for Utval for levekår og kultur Møtedato: 22.08.2017 Møtestad: Kommunehuset Møtetid: Kl. 18.30 Heimefrontmuseet kl. 17.00 18.00 Avreise frå kommunehuset med felles transport kl. 16.30 Møtet startar kl. 18.30 med besøk av Frøydis Hagene Skoje, styreleiar i Stiftelsen Mølla Ny Bruk. Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Sauland, 11.08.2017 Nils Olav Hovde leiar Sakliste Sak nr. Saktittel 033/17 GODKJENNING AV MØTEBOK 034/17 FRAMLEGG TIL TILSKOTSORDNING FOR ORGANISASJONSEIGDE HUS 035/17 FASTSETTING AV PROSENTSATS FOR KOMPENSASJON - KOMMUNALE AVGIFTER 2017 036/17 SAULAND B ARNEGOSPEL - SØKNAD OM KULTURMIDLAR 2017 037/17 UTBETALING AV DRIFTSSTØNAD 2017- MUSEUMSDRIFT 038/17 DELEGASJONSSAK
Hjartdal kommune Styre, råd, utval Møtedato Saknummer Sakshandsamar Utval for levekår og kultur 22.08.2017 033/17 ISO Saksansvarleg: Ingrid Sletta Olsen Arkiv: K1-033 Arkivnr.: 17/1118 GODKJENNING AV MØTEBOK RÅDMANNEN TILRÅR Møteboka frå utvalgsmøte i Levekår og kultur 09.05.2017 blir godkjent slik ho ligg føre.
Hjartdal kommune Styre, råd, utval Møtedato Saknummer Sakshandsamar Utval for levekår og kultur 22.08.2017 034/17 BR Saksansvarleg: Bjørn Rugaas Arkiv: K1-223, K2-D12 Arkivnr.: 16/2112 FRAMLEGG TIL TILSKOTSORDNING FOR ORGANISASJONSEIGDE HUS Dokument i saka: Nr T Dok.dato Avsendar/Mottakar Tittel 1 I 27.10.2016 Hjartdal kommune TILSKOT FORSAMLINGSHUS VEDTAK I KOMMUNESTYRE SAK 78/88 3 I 30.05.2017 Trine Kahrs FORSLAG TIL ØKONOMISK STØTTE TIL FORSAMLINGSHUS Vedlagde dokument: Framlegg til retningsliner for økonomisk støtte til forsamlingshus Aktuelle lover, forskrifter, avtaler m.m.: K-sak 78/88 Saksgang: Utval for levekår og kultur tilrår Kommunestyret gjer vedtak Bakgrunn for saka: Utval for levekår og kultur har hatt ønskje om å gjere ei vurdering av ordninga der kommunen yter årleg tilskot til drift av dei organisasjonseigde husa i kommunen som brukast som opne forsamlingshus. Ordninga har omfatta Fossehalli og RødeKors-huset i Tuddal, Klubbhuset i Sauland og Bergtun i Hjartdal. Eit viktig punkt i saka er kommunestyrevedtak i sak 78/88, der kommunestyret i samband med flytting og gjenreising av Klubbhuset i Sauland gjorde vedtak om at kommunen skulle yte årleg driftstilskot. Som motyting skulle huset stillast til fri disposisjon for lag og organisasjonar og kommunal bruk. Ordninga har fungert i tråd med vedtaket fram til og med 2016, med einskilde justeringar undervegs. I løpet av desse åra har dei tre andre husa blitt med i ordninga i takt med at husa har blitt oppgradert til meir moderne standard. I LOK-sak 005/17 vedtok utval for levekår og kultur følgjande:
1. Det etablerast dialog med dei fire huseigarane innan 1. mai med formål om å opprette nytt styringsverktøy for kommunen sine tilskot til forsamlingshus 2. Til å utarbeide styringsverktøy etablerar utval for levekår og kultur ei arbeidsgruppe med Trine Lise Kahrs, Nils Olav Hovde og Olav Langåsdalen som medlemmer og administrasjonen som sekretariat. 3. Saken skal tilbake til utval for levekår og kultur etter at arbeidsgruppa har avslutta arbeidet 4. Etter at styringsverktøyet er godkjent bed ein kommunestyret oppheve vedtak i sak 78/88. Arbeidsgruppa har våren 2017 gjennomført møte med huseigarane, og har hatt eigne interne møter, der dei har utarbeidd framlegg til føresetnader for tildeling av økonomisk stønad til drift av forsamlingshus i Hjartdal kommune. Arbeidsgruppa har kome med følgjande innspel:: Pr dags dato omfattar ordninga Fossehalli og Raude Krosshuset i Tuddal, Klubbhuset i Sauland og Bergtun i Hjartdal. Alle tre bygdene er med. Tilskotet vert gjeve for å fremje verksemd i friviljuge lag som er viktige for samfunnet og som har avgrensa moglegheit til eiga inntekt. 1. Ved søknad om tilskot skal det fylgje med årsmelding, godkjent rekneskap og oversikt over laget sin aktivitet det siste året. 2. Friviljuge lag og foreiningar i kommunen skal ha rett til gratisbruk, likevel slik at eigaren kan krevje at alle vaskar etter seg eller betalar for at det blir gjort. 3. Kommunen førutset at det er utarbeida ordensreglar for husa og at det ved inntektsgjevande leige nyttast skriftleg kontrakt. 4. Viss det er gjeve kommunalt tilskot året før eller i aktuelt år skal kommunen ha rett til på same vis å fritt kunne nytte huset ved offentleg val, møte og i krisesituasjonar. 5. Skriftleg søknad om økonomisk støtte må være kommunen i hende innan:... 6. Kommunen kan ikkje garantere noko lag eller organisasjon tilskot sjølv om søknadskrava er fylt. Kommunen oppmodar huseigarane til å take vare på eigne inntektsmoglegheiter. 7. Viss det i år, etter søknad, blir utbetala tilskot skal den løyvde sum fordelas slik: Bergtun 33% Klubbhuset 33% Fossehalli 23% Raude Krosshuset 11% I år der det er avsett midlar til formålet, men ikkje alle huseigarane sender godkjent søknad, kan midlane brukas til andre kulturelle formål i heile kommunen Vurdering: Rådmannen vurderar arbeidsgruppa sitt framlegg slik: Gruppa har kome fram til retningsliner som løyser spørsmålet om gratisbruk på ein god måte. Det er også viktig for huseigarane å kome fram til ei ordning som er trygt politisk forankra, og som er førutsigbar frå år til år. Arbeidsgruppa har også eit framlegg til prosentvis fordeling som ikkje har vesentlege skilnader frå løyvingar frå tidlegare. Likevel har arbeidsgruppa ikkje løyst spørsmål knytt til kommunale driftseiningar sin bruk av forsamlingshusa, særleg gjeld dette Klubbhuset. Rådmannen meiner at styringsverktøyet også kan bidra til å forenkle saksbehandlinga i ordninga, og vil tilrå at saksgangen gjerast ved at utvalet gjer vedtak om ei årleg rammeløyving i januar, slik det vart gjort i LOK-sak 004/17. Der vart det avsett 170.000 kroner til denne
tilskotsordninga. Deretter kan innhenting av dokumentasjon og fordeling av tilskot gjerast administrativt, på same måte som når det fordelast kompensasjon for kommunale avgifter. Dette løysast formelt gjennom delegeringsreglementet. Både helse- og ungdomsarbeid er store brukarar av forsamlingshus, særleg Klubbhuset. Rådmannen ser ein ingen alternativ til denne drifta i andre lokaler. Rådmannen sitt framlegg er difor endra når det gjeld arbeidsgruppa sitt framlegg punkt 4. Søknadsfrist bør setjast tidlegast til 1. mai, eit tidspunkt da huseigarane har ferdig årsmelding, godkjend rekneskap og aktivitetsoversyn, jamfør arbeidsgruppa sitt punkt 5. Rådmannen gjer framlegg om eit nytt punkt 9 om delegering av mynde til å forvalte ordninga RÅDMANNEN TILRÅR: 1. Framlegg til retningsliner for tildeling av økonomisk stønad til drift av forsamlingshus i Hjartdal kommune godkjennast slik dei ligg føre. 2. Kommunestyret vedtek følgjande tillegg til delegeringsreglementet: Rådmannen delegerast mynde til å fordele tilskot til drift av forsamlingshus i tråd med vedtekne retningsliner. 3. Kommunestyresak 78/88 blir oppheva.
Hjartdal kommune Styre, råd, utval Møtedato Saknummer Sakshandsamar Utval for levekår og kultur 22.08.2017 035/17 BR Saksansvarleg: Bjørn Rugaas Arkiv: K2-C85 Arkivnr.: 17/1098 FASTSETTING AV PROSENTSATS FOR KOMPENSASJON - KOMMUNALE AVGIFTER 2017 Aktuelle lover, forskrifter, avtaler m.m.: Kommunestyresak 81/13 Retningsliner, Kompensasjon Saksgang: Utval for Levekår og kultur vedtek Bakgrunn for saka: Kommunestyret vedtok i sak 081/13 at gebyrregulativet skal ligge til grunn for fakturering av kommunale avgifter for alle abonnentar. Dette har mellom anna bakgrunn i prinsipp for sjølvkostberekning av tenester levert av kommunen - vatn, avløp, feiing og renovasjon. Vedtaket fører frå 2014 av til at organisasjonseigde hus, som tidlegare har vore friteke frå desse gebyra, blir fakturert dei tenestene dei mottek frå kommunen. Vidareføring av fritak ville vore brot med sjølvkostprinsippet, og ville i praksis tyde at den einskilde tenestebrukar hadde subsidiert dei tenestene. Vedtaket i saka hadde i tillegg ei formulering om at "Eventuelt tilskot til dekning av kommunale avgifter må vurderast som ein del av handsaminga av økonomiplan og budsjett." I arbeidet med økonomiplan/budsjett vedtok kommunestyret å styrke budsjettpost 1.4700.210.3850, Generelt tilskot/støtte (kulturmidlar) med 50.000, av desse er 30.000 øyremerka kompensasjon for kommunale avgifter. Utval for Levekår og kultur vedtok i sak 018/14 (møte 03.06.2014) retningsliner for ordning med kompensasjon for kommunale avgifter - organisasjonseigde hus. Vedtekne retningsliner seier følgjande: 1. Det kan søkjast om tilskot til kompensasjon for utgifter til kommunale gebyr/avgifter knytt til vatn, renovasjon, avløp og feiing 2. Eigarar av organisasjonseigde hus i Hjartdal kommune som er tilgjengelege for alle 3. Søknadsfrist er 01. 03. kvart år. 4. Det skal nyttast eige søknadsskjema 5. Utval for Levekår og kultur fastset årleg tilskotsramme for ordninga
Ordninga vart sett i verk fyrste gong i 2014, og utvalet vedtok for 2014 ein kompensasjonsgrad på 100 %. For 2015 og 2016 vedtok utvalet også 100 % kompensasjon inklusive mva. I 2017 er det ikkje sendt ut søknadsskjema til dei som vart innlemma i ordninga i 2014 og som har motteke kompensasjon til og med 2016. Kommunen sitt økonomisystem gjev fullt oversyn over utgiftene til alle huseigarane, og rådmannen ønskjer å forenkle saksgangen ved at søknadsskjemaet forenklast og reduserast til ein kortfatta søknad med kontakt- og kontoinformasjon. Søknadsfrist vert sett til 15.09.2017, og kompensasjonen vil bli utbetalt i tråd med vedteken prosentsats som i dei tidlegare åra. Vurdering: Følgjande oppstilling syner fordeling av kompensasjon for kommunale gebyr for organisasjonseigde hus i kommunen for 2016. Oppgjevne beløp i tabellen er inklusive MVA, som er 25 %. Det er høve til å søkje MVAkompensasjon for frivillige lag og organisasjonar, og det er Lotteritilsynet som forvaltar ordninga. Dette er det gjeve melding om til søkjarane, men det er ei ordning som ikkje er lett tilgjengeleg for alle og er kostbar å bruke mellom anna fordi det er krav om autorisert revisorattest. Fleire av søkjarane vil ikkje kunne tilfredsstille formelle krav som setjast i ordninga. Rådmannen vil difor utbetale tilskotet inkludert mva. For menighetshusa i Tuddal og Sauland utbetalast kompensasjon utan MVA, fordi dei er inne i ordning med MVAkompensasjon. I sak 004/17 avsette utval for levekår og kultur ei ramme på 70.000 kroner til kompensasjonsordninga for 2017. Tabellen under syner fordeling i 2016 og 2017. For menighetshusa i Tuddal og Sauland er det rekna utan mva. Tal for 2017 er det som opplysast blir fakturert frå Hjartdal kommune, økonomiavdelinga og tilsvarar kompensasjonsgrad på 100%.. Anlegg Årleg samla utgift 2016 Årleg samla utgift 2017 Tuddal Menighetshus 8.322,50 8.870,00 Fossehalli 1.736 2.093,76 Røde-Kors, Tuddal 3.775 862,50 Misjonshuset, Hjartdal 1.984 2.956,30 Betel, Hjartdal 2.503 3.644,00 Bergtun, Hjartdal 4.760 862,52 Klubbhuset, Sauland 18.661 15.687,52 Sion, Sauland 16.760 17.781,30 Menighetshuset, Sauland 13.410 14.225,00 Hjartdal sk.lag 0 0 Sauland sk. lag 915 2.093,76 Kommunale avgifter, total 2016 72.826,50 69.076,66 Kommunal avgifter, total 2015 78.880 RÅDMANNEN TILRÅR: 1. Prosentsats for kompensasjon for kommunale avgifter setjast for 2017 til % 2. Det betalast ut kompensasjon for kommunale avgifter og gebyr med totalt inntil 70.000 kroner frå budsjettpost 1.4700.210.3850
Hjartdal kommune Styre, råd, utval Møtedato Saknummer Sakshandsamar Utval for levekår og kultur 22.08.2017 036/17 BR Saksansvarleg: Bjørn Rugaas Arkiv: K1-223 Arkivnr.: 17/386 SAULAND B ARNEGOSPEL - SØKNAD OM KULTURMIDLAR 2017 Dokument i saka: Nr T Dok.dato Avsendar/Mottakar Tittel 1 I 23.02.2017 Hjartdal Musikkorps SØKNAD PÅ KULTURMIDLAR 2017 - HJARTDAL MUSIKKORPS 2 I 15.03.2017 Hjartdal Historielag SØKNAD PÅ KULTURMIDLAR 2017 - HJARTDAL HISTORIELAG 3 I 21.03.2017 Hjartdalskoret SØKNAD PÅ KULTURMIDLAR 2017 - HJARTDALSKORET 4 I 21.03.2017 Sauland Skyttarlag SØKNAD PÅ KULTURMIDLAR 2017 - SAULAND SKYTTARLAG 5 I 28.03.2017 Sauland Bygdelag SØKNAD OM KULTURMIDLAR 2017 6 I 29.03.2017 Bondal bygdetun SØKNAD OM KULTURMIDLAR 2017. 7 I 30.03.2017 Sauland Ungdomslag SØKNAD PÅ KULTURMIDLAR 2017 8 I 30.03.2017 Refleksklubben i SØKNAD OM KULTURMIDLAR 2017 Hjartdal 10 I 07.05.2017 Sauland Barnegospel SØKNAD PÅ KULTURMIDLAR 2017 13 I 15.05.2017 Sakshandsamar RETIUR SJEKKLISTE - KULTURMIDLAR 2017 11 U 16.05.2017 Søkjarane MELDING OM VEDTAK - KULTURMIDLAR 2017 12 U 16.05.2017 Sauland Barnegospel SØKNAD PÅ KULTURMIDLAR 2017 Vedlagde dokument: Dokument nr. 10, 11, 12 Aktuelle lover, forskrifter, avtaler m.m.: Ingen Saksgang: Utval for levekår og kultur vedtek Bakgrunn for saka: Årleg hovudtildeling av kulturmidlar vart utlyst våren 2017 med søknadsfrist 1. april. Sauland Barnegospel sendte inn søknad, men fyrst 7. mai. Dette var også for seint til at utval for levekår og kultur, om dei ønskte det, kunne ha vurdert søknaden i møtet som var 9. mai. Administrasjonen sendte difor tilbakemelding til Sauland Barnegospel om at søknaden ville bli behandla seinare på året.
Vurdering: Ordninga med ei hovudtildeling med søknadsfrist er laga slik for å samle opp søknader som elles ville blitt enkeltsaker gjennom året og slik sett bidra til mindre omfattande saksbehandling. Det er også nyttig med ei slik samlesak for å kunne vurdere få eit samla bilete av aktivitetsnivået og ressursbehovet i kulturlivet i kommunen. Rådmannen ønskjer difor å rå til å halde fram med ei hovudtildeling kvar vår. Derimot ønskjer ikkje rådmannen å tolke ordninga på ein slik måte at enkeltsøknader som kjem for seint skal medføre negative sanksjonar, til dømes ved at eventuelt tilskot blir redusert. Difor meiner rådmannen at søknaden frå Sauland Barnegospel blir vurdert som ein ordinær søknad. Sauland Barnegospel søkjer om 20.000 kroner i kulturmidlar for 2017. Søkjaren er vurdert som prioritet 1, fordi aktiviteten er retta mot barn og unge. Barnegospelen opplyser om at dei har 44 medlemmer og 3 mannlege og 5 kvinnelege leiarar. Rekneskapstala syner positivt driftresultat siste år. Ved hovudtildelinga i mai, LOK-sak 23/17, vart alle søkjarane tildelt 10.000 kroner, med unntak av Hjartdal Musikkorps ( 15.000) og Hjartdalskoret (5.000). Det vart samla sett tildelt 80.000 kroner i tråd med LOK-sak 004/17. Posten til disposisjon for enkeltsøknader, der det i sak 004/17 vart avsett 55.000 kroner er pr dd på 41.000 kroner. RÅDMANNEN TILRÅR: På bakgrunn av tildelte midlar i hovudtildelinga i sak 23/17 tilrår rådmannen at søknad frå Sauland Barnegospel imøtekomast med 10.000 kroner.
Hjartdal kommune Styre, råd, utval Møtedato Saknummer Sakshandsamar Utval for levekår og kultur 22.08.2017 037/17 BR Utval for levekår og kultur 09.05.2017 025/17 BR Saksansvarleg: Bjørn Rugaas Arkiv: K1-223 Arkivnr.: 17/489 UTBETALING AV DRIFTSSTØNAD 2017- MUSEUMSDRIFT Dokument i saka: Nr T Dok.dato Avsendar/Mottakar Tittel 1 I 03.04.2017 Stiftelsen Mølla- ny DRIFTSTILSKOT 2017 bruk v/ styreleiar Frøydis Hagene Skoje 2 I 19.04.2017 Tuddal Museumslag DRIFTSTILSKOT 2017 4 U 15.05.2017 Tuddal Museumslag MELDING OM VEDTAK - UTBETALING AV v. Håvard Kaasa 5 U 15.05.2017 Stiftelsen Mølla - ny bruk v. Frøydis Hagene Skoje 6 U 15.05.2017 Not. og omegn Heimefrontmuseum v. Svein Vetle Trae DRIFTSSTØNAD 2017 MELDING OM VEDTAK - UTBETALING AV DRIFTSSTØNAD 2017 MELDING OM VEDTAK - UTBETALING AV DRIFTSSTØNAD 2017 7 I 15.05.2017 Sakshandsamar RETUR SJEKKLISTE - UTBETALING AV DRIFTSSTØNAD 2017 Vedlagde dokument: Dokument nr. 1 og 2 Saksgang: Utval for levekår og kultur vedtek Bakgrunn for saka: Tuddal Museumslag v. kasserar Håvar Kaasa bed i brev av 18.04.2017 om utbetaling av årleg tilskot til drift av laget/tuddal Bygdetun. Tilskot til Tuddal Bygdetun er ei årleg kommunal tilskotsordning sidan ordninga med halvoffentlege museer vart avslutta på 1990-talet. Årleg tilskot har fram til no vore kr 80.000. Tilskotet er budsjettert under post 14702.210.3750 Museer. For 2017 er posten budsjettert med 110.000. Stiftelsen Mølla Ny Bruk v. styreleiar Frøydis Hagene Skoje søkjer i brev av 03.04.2017 kommunen om 30.000 i driftstilskot for 2017. Kommunestyret vedtok i 2015 å auke budsjettpost for tilskot til museer med 30 000 kroner på bakgrunn av søknad frå Stiftelsen Mølla Ny bruk.
I samband med sak om søknad frå Notodden og Omegn Heimefrontmuseum om tilskot til bokutgjeving er det aktuelt å vurdere årleg tilskot til drifta av dette museet. Vurdering: Rådmannen ser på utbetaling av årleg driftstilskot til Tuddal Museumslag som ein fast årleg prosedyre. Det er ikkje gjeve administrativ fullmakt til utbetalinga, som må gjerast av Utval for Levekår og kultur. Når det gjeld Stiftelsen Mølla Ny Bruk ser rådmannen det slik at vurdering av saka er gjort i samband med at kommunestyret har føreteke budsjettauke under handsaming av budsjett for 2017. Rådmannen reknar difor utbetaling av tilskot for 2017 som ei kurant sak. Det ligg ikkje føre administrativ fullmakt til utbetaling, så vedtak om dette må gjerast av Utval for Levekår og Kultur. I høve til Notodden og Omegn Heimefrontmuseum syner rådmannen til eiga sak om søknad om støtte til bokutgjeving og påfølgjande klage på vedtak i LOK-sak 14/17. Museet har ikkje motteke driftsstøtte frå Hjartdal kommune sidan det vart etablert. Det føreligg heller ikkje formell søknad om dette, men kommunen har motteke søknad om tilskot til bokutgjeving ved to høve. Ved båe høva kan slik støtte eventuelt sjåast på som indirekte støtte til drift av Notodden og Omegn Heimefrontmuseum. For kommunen er museet ein viktig institusjon når det gjeld å dokumentere den frivillige krigsinnsatsen lokalt, og å bidra til å sikre drifta vil etter rådmannen si vurdering vere rett. Rådmannen vil difor be utval for levekår og kultur vurdere om at det for 2017 blir løyvd 5 000 kroner frå posten for kulturmidlar til Notodden og Omegn Heimefrontmuseum. Frå 2018 meiner rådmannen at det må vere ein føresetnad at Notodden og Omegn Heimefrontmuseum leverer søknad, budsjett og rekneskap på lik line med dei andre musea. Samtidig vil administrasjonen syte for at skulane i kommunen systematisk nyttar besøk på Notodden og Omegn Heimefrontmuseum som del av opplæringstilbodet. RÅDMANNEN TILRÅR: Anmodning om utbetaling av årleg driftstilskot til Tuddal Museumslag og Stiftelsen Mølla Ny Bruk imøtekomast med hhv. 80 000 kroner og 30 000 kroner frå post 1.4702.210.3750 Det utbetalast 5 000 kroner i driftsstøtte til Notodden og Omegn Heimefrontmuseum frå post 1.4700.210.3850. 09.05.2017 Utval for levekår og kultur HANDSAMING: Følgjande omforeina forslag blei fremma: 1. Anmodning om utbetaling av årleg driftstilskot til Tuddal Museumslag imøtekomast med 80 000 kroner 2. Anmodning om utbetaling av årleg driftstilskot til Stiftelsen Mølla - Ny bruk med 30 000 kroner utsetjast. Styreleiar blir beden om å komme å gje utvalet for levekår og kultur ei orientering om regnskap og fremdritsplan, særskilt om finansiering for vidare drift. Ny behandling gjerast etter at ei slik orientering er gitt. 3. Det utbetalast 5 000 kroner i driftsstøtte til Notodden og Omegn Heimefrontmuseum frå post 1.4700.210.3850.
Utval for levekår og kultur ynskjer å bli invitert til ei orientering på museet. VOTERING: Rådmannen si tilråing blei sett opp mott nytt omforeina forslag. Det omforeina forslaget ble samrøystes vedteke. LOK-025/17 VEDTAK: 1. Anmodning om utbetaling av årleg driftstilskot til Tuddal Museumslag imøtekomast med 80 000 kroner 2. Anmodning om utbetaling av årleg driftstilskot til Stiftelsen Mølla - Ny bruk med 30 000 kroner utsetjast. Styreleiar blir beden om å komme å gje utvalet for levekår og kultur ei orientering om regnskap og fremdritsplan, særskilt om finansiering for vidare drift. Ny behandling gjerast etter at ei slik orientering er gitt. 3. Det utbetalast 5 000 kroner i driftsstøtte til Notodden og Omegn Heimefrontmuseum frå post 1.4700.210.3850. Utval for levekår og kultur ynskjer å bli invitert til ei orientering på museet. RÅDMANNEN TILRÅR: Anmodning om utbetaling av årleg driftstilskot til Stiftelsen Mølla Ny Bruk imøtekomast med 30 000 kroner frå post 1.4702.210.3750
Hjartdal kommune Styre, råd, utval Møtedato Saknummer Sakshandsamar Utval for levekår og kultur 22.08.2017 038/17 ISO Saksansvarleg: Ingrid Sletta Olsen Arkiv: K1-033 Arkivnr.: 17/1117 DELEGASJONSSAK FLOK-002/17 09.03.2017: SØKNAD OM REDUSERT FORELDREBETALING FOR BARNEHAGEPLASS 2016-2017 VEDTAK Søknad frå..om redusert foreldrebetaling imøtekomast. Nye fulltids månadleg sats for barnehageåret 2016 2017 er: 1 406 kroner. FLOK-006/17 24.05.2017: ENKELTARRANGEMENT - SØKNAD OM SKJENKELØYVE, SLÅTTEFESTIVALEN 2017 VEDTAK I samsvar med alkohollova og vedtekne alkoholpolitiske retningsliner for Hjartdal kommune, gis Slåttefestivalen i Hjartdal v/styret løyve til å skjenke alkohol gruppe 1 ( 2,5 4,7 % alkoholinnhald) og 2 ( 4,7 22 % alkoholinnhald) under fylgjande vilkår: 1. Skjenkeløyve gis frå fredag 09.06.2017 frå kl 18:00 - kl 01:00 innandørs på Bergtun og ute på trapp/terrasse og på det kartfesta området, og på laurdag 10.07.2017 frå kl 20:00-02:00 innandørs på Bergtun og på det kartfesta området i det avgrensa festivalområdet bak Bergtun. 2. Konsum av alkohol må opphøre 30 minutt etter skjenketidas slutt. 3. Det er ikkje tillate å nyte medbragt alkohol. 4. Prisliste og alternativ for alkoholfri drikke må vere godt skilta. 5. Vedtaket føreset at Gro Anita Særsland f. 090186 har ansvaret for sal og skjenking på fredag 09.06.2017 frå kl. 18:00 og fram til konsumet opphøyrer og at Marianne Dølen Haugan f. 010462 har ansvaret for sal og skjenkinga på laurdag 10.06.2017 frå kl. 20:00 og fram til konsumet opphøyrer. 6. Løyvet er først gyldig når Slåttefestivalen i Hjartdal ved Styret har betalt inn eit skjenkegebyr på kr. 350,00 til Hjartdal kommune på konto 2699.07.00019. Giro følgjer vedlagt. 7. Dei ansvarlege har ansvar for at regelverka og vilkåra i løyvet blir følgt. RÅDMANNEN TILRÅR: Delegasjonssakene blir teke til orientering slik dei ligg føre.