MELAND KOMMUNE SAKSPAPIR Styre, komite, utval Møtedato Sbh. Saknr Planutvalet 26.03.03 KJC 029/03 Delegasjonsvedtak kommunalteknikk, miljø, landbruk 08.04.03 KJC 121/03 Avgjerd av: Planutvalet Saksbeh.: Kjetil Christensen Ansv. JHB Arkiv: 511 Objekt: 42-27mfl. Arkivsaknr 2003000253 SØKNAD OM BYGGING AV VEG OG PARKERINGSPLASS - GNR 42 BNR 27 MFL. - BEITINGEN HYTTEOMRÅDE Dokumentliste: Nr T Dok.dato Avsendar/Mottakar Tittel 7 I 03.11.02 Trine og Idar Bruvik m fl. ERKLÆRING - VEDK. LØYVE TIL BYGGING AV VEG 5 I 22.01.03 Leif Harald Olsvoll KONTROLLPLAN FOR UTFØRING. 6 I 22.01.03 Leif Harald Olsvoll KONTROLLERKLÆRING. 1 I 22.01.03 Leif Harald Olsvoll BYGGING AV PARKERINGSPLASS- SØKNAD OM DISPENSASJON FRÅ REGULERINGSPLAN - BEITINGEN HYTTEOMRÅDE GNR 2 I 22.01.03 Leif Harald Olsvoll 42 BNR 27 MFL. SØKNAD OM ANSVARSRETT - PROSJEKTERING OG KONTROLL - TERRENGINNGREP. 4 I 22.01.03 Leif Harald Olsvoll KONTROLLPLAN FOR PROSJEKTERING. 3 I 28.01.03 Leif Harald Olsvoll SØKNAD OM LOKAL GODKJENNING. 9 U 01.04.03 Børre Liland SØKNAD OM BYGGING AV VEG OG PARKERINGSPLASS - GNR 42 BNR 27 MFL. - BEITINGEN HYTTEOMRÅDE Vedlegg. Saksutgreiing: Det vert søkt om dispensasjon frå gjeldande reguleringsplan for bygging av veg i Beitingen hytteområde.
Vegen skal gå frå noverande parkeringsplass nord i hytteområdet, og over gnr. 42 bnr. 4, 78, 24, 27, 79, 83 og 84. Lengda på omsøkt veg vil vere ca. 80 m. Vegen skal liggje innanfor same grenser som for vedteken disposisjonsplan for hytteområdet, og vegen skal gå i same trasé som sti/gangveg (vist i planen). Søkjer opplyser som grunngjeving for søknaden at vegen vil dekke trongen for køyretilkomst til eigedomen. I dag går stien over bratt/ulendt terreng fram til fritidsbustaden. Tilgrensande fritidseigedomar vil også ha nytte av opparbeidd veg fram til sine eigedomar og fram til sjø. Det er lagt vekt på å tilpasse vegen til terrenget og å involvere alle partar i prosessen. Vegen skal leggjast lågast mogeleg i terrenget, noko som avgrensar trongen for sprenging. Det har ikkje kome inn naboprotestar til saka. Vurdering: Omsøkt veg er planlagt i same trasé som innregulert sti/gangveg i vedteken reguleringsplan frå 1995. Søkjar opplyser som grunngjeving for søknaden at vegen skal lette tilkomsten til eigedomen. Vegen skal også nyttast av andre tilgrensande eigedomar og hyttefolk i området. Vegen er planlagt i bakkant av ei markert kolle, og vil difor liggja godt i terrenget. Ettersom dette er ei endring i høve til vedteken reguleringsplan, bør saka handsamast som mindre vesentleg reguleringsendring etter plan- og bygningslova 28-1, pkt. 2, og ikkje som ein dispensasjon frå plan. Løyve til mindre vesentleg endring av gjeldande reguleringsplan kan fattast av planutvalet. Søkjer har underretta naboar om saka, gjennom ordinært nabovarsel, og naboane har difor hatt høve til å uttale seg. Ingen naboar har hatt negative merknader til saka. Etter administrasjonen si vurdering er grunnlaget for å gjera vedtak om mindre vesentleg reguleringsendring til stades. Vegen vil betre tilkomsten til eigedomane i området og tilkomsten til sjø. Tiltaket vil ikkje føre til negative landskapsinngrep, eller vere i strid med føremålet med planen. ADMINISTRASJONEN - FRAMLEGG TIL VEDTAK: "Planutvalet syner til saksvurderinga og til søknad dagsett 28.01.03, og gjer løyve til mindre vesentleg reguleringsendring av reguleringsplan for Beitingen hytteområde, for framføring av veg og parkeringsplass. Vedtaket er fatta med heimel i plan- og bygningslova 28-1, pkt. 2. Grunngjevinga for vedtaket går fram av saksvurderinga." 26.03.2003 PLANUTVALET PLU-029/03 SAMRØYSTES VEDTAK:
"Planutvalet syner til saksvurderinga og til søknad dagsett 28.01.03, og gjer løyve til mindre vesentleg reguleringsendring av reguleringsplan for Beitingen hytteområde, for framføring av veg og parkeringsplass. Vedtaket er fatta med heimel i plan- og bygningslova 28-1, pkt. 2. Grunngjevinga for vedtaket går fram av saksvurderinga." Delegasjonsvedtak kommunalteknikk, miljø, landbruk Saksutgreiing: Det vert synt til saksvurderinga ovanfor. Planutvalet ga i sak nr. 029/03 løyve til meindre vesentleg reguleringsendring for det omsøkte tiltaket. Naboar har og gjeve skriftleg samtykke til tiltaket. Vurdering: Det er gjeve løyve til miundre vesentleg endring av gjeldande reguleringsplan, for framføring av omsøkt veg. Omsøkt veg er planlagt i same trasé som innregulert sti/gangveg i vedteken reguleringsplan frå 1995. Vegen er planlagt i bakkant av ei markert kolle, og vil difor liggja godt i terrenget. Vedlagt søknaden ligg situasjonskart, med snitt og profilar. VEDTAK: I medhald av plan- og bygningslova (PBL) 93 vert det gjeve løyve til bygging av omsøkt veg i samsvar med søknad dagsett 28.01.03. Det vert vist til vedlagt plan- og teikningar, og til plassering stempla motteke same dato Tiltaket skal utførast i samsvar med vilkår gjeve i eller i medhald av plan- og bygningslova og krav i veglova, samt etter dei normene Vegnormalen set for gjennomføring av slike tiltak. Innbetaling av kommunale gebyr må gjerast før tiltaket vert påbyrja. Saka er handsama og godkjent administrativt etter delegert mynde. Ved all kontakt med kommunen ver vennleg å referere til arkivsaknummer; 2003001371 Rett utskrift
Dato: Kopi til: Børre Liland Leif Harald Olsvoll