Nordfjella og Fjellheimen Villreinnemnd MØTEBOK Styre, råd, utval Møtestad Møtedato Frå til Nordfjella og Fjellheimen Vossestølen hotell, Oppheim 08.11.2016 kl 11.00-17.00 villreinnemnd Til stades på møtet Medlemmer, Nordfjella villreinnemnd: Lars Nesse (Lærdal), Per Aksel Knudsen (Hol), Olav Bøtun (Vik), Randi Engelsen Eide (Voss), Kjell Røkenes (Ulvik), Torbjørn Aas (Modalen), Trygve Skjerdal (Aurland), Olav Dale (Ål), Siri Wølneberg Bøthun (sekretær) Nordfjella villreinutval: Sigmund Tveitehagen Fjellheimen villreinutval: Arne Nesheim Fråfall Petter Owesen (Hemsedal), Frode Mørkesvik (Høyanger), Unn Evelyn Gullbrå (Vaksdal), Hermund Mjelstad (Fylkesmannen i Sogn og Fjordane) Handsama saker Sak H-16 1 til sak H 16 14, i sak 14 vart det sett opp 2 ymsesaker Underskrift Vi bekrefter med våre underskrifter at sidene i møteboka som vi har signert, er ført i samsvar med det som ble bestemt på møtet. Godkjend elektronisk av medlemmene: Siri Wølneberg Bøthun Sekretær Vedlegg Oversyn 4 vedlegg: over saker handsama mellom vårmøte og haustm Oversikt over saker handsama i nemnda mellom vårmøtet og haustmøtet 2016 Til sak H-16-7: Økonomistatus pr. 1. nov. 16 Til sak H-16-10: Vedteken høyringsuttale, ref.23-n/16swb Til sak H-16-13: Tidlegare innsend uttale, ref. 18-N/16pak Utskrifter Utskrift sendt til: Nemndmedlemmar i Nordfjella og Fjellheimen villreinnemnd, Fylkesmannen i Sogn og Fjordane, Fylkesmannen i Buskerud, Fylkesmannen i Hordaland, Nordfjella Villreinutval, Fjellheimen villreinutval, Austfjelli Vik villreinvald, Norsk Villreinsenter sør, Verneområdestyret for Nærøyfjordområdet, Verneområdestyret for Stølsheimen, Verneområdestyret for Hallingskarvet, Miljødirektoratet
Sak H-16-1 Val av møteleiar Som møteleiar vart vald leiar Lars Nesse. Sak H-16-2 Godkjenning av innkalling og dagsorden Innkallinga og møteplan vart godkjend. Rekkefylgja i sakene vart endra slik at sak H-16-5 vart flytt framom sak H-16-4. Det kom til 2 ymsesaker og eit forslag til ymse som vart ført som orientering. Det kom ein kommentar i høve utskriving av møtepapir. Dei som vel å skrive ut sakspapira sjølve når dei førebur seg til møtet vert oppmoda om å varsle dette, slik at me kan spare utskrifter til møtet. Sak H-16-3 Signering av møtebok frå kvotemøte 18.04.2016 Møteboka frå møte i villreinnemnda 18.04.2016 er tidlegare godkjend elektronisk. Møteboka vart signert. Villreinnemnda ynskjer å halde på ordninga med elektronisk godkjenning ved utsending av referat og fysisk underskrift i påfølgande møte. Orienteringssaker Sak H-16-4 Om CWD Tema vart dekka under posten status for Nordfjella, sjå sak H-16-6. Sak H-16-5 Status for Fjellheimen Arne Nesheim orienterte om stamma i Fjellheimen pr. dato, inkl. anteke struktur i vestre delar. Det er ikkje gjennomført formell strukturteljing, men foto av tilnærma heile hovudflokken i Volaområdet var gode nok til å bestemme kjønn og alder. Her er det etter jakt anslege 55,4% simle, 14,5 % kalv og 30,1 % bukk herav 21,7 % bukk 3. Den nye bestandsplanen for Fjellheimen (godkjend i vårmøtet 2016) har mål om å auke stamma noko. Det er gjort forsøk på å registrere dyra som gjekk i ras vinteren 2015, kadavera er no smelta fram. Dette synte seg ikkje mogleg då restane etter dyra er spreidde for mykje utover av fugl og dyr. Stølsheimen hadde ei fredingssone under jakta for å lette kryssing av Rv 13. Ein fekk ikkje nokon god testing av verknaden av dette i år, då været ikkje sto slik at kryssing var aktuelt. Det var avgrensa oppsynsaktivitet i høve til tidlegare år. Med få løyver var det vanskelegare å kome på jaktsituasjonar for oppsynet. SNO har og reduserte ressursar. Villreinutvalet har gjeve høyringsuttale til revisjonskrav for Vikjavassdraget. Sak H-16-6 Status for Nordfjella Sigmund Tveitehagen orienterte om stamma i Nordfjella pr. dato. Det vart gjennomført ei god teljing i februar, der ein fann i alt 2093 dyr, fordelt på omtrent 400 i delområde sør for Fv 50 (sone 2) og 1700 i delområde nord for Rv 50 (sone 1), med mykje bukk i nordområdet. Kalveteljinga var god, og synte 57,6 kalv pr s/u i nord og 42,7 i sør. Det er vanlig med litt minder kalv i sone 1. Strukturteljing syner 15% vaksen bukk (B3), 6,3% B2 og 9,5 % halvanna år bukk (B1), 46,5% simle og 22,7% kalv. Det vart utført oppsyn kvar dag. I sone 2 vart det berre jakta dei første 10 dagane, dette som tiltak for å bygge opp att stamma. Samjakt ga grei fellingsprosent, 37,2%, dyra sto for det meste i vest. Etter jakta trakk mykje dyr austover til Hol og Ål. Om CWD; Skrantesjuke Nemnda er kjent med påvisinga av CWD i Nordfjella i mars. Det vart gjennomført prøveinnsamling med innlevering av hovud frå felte dyr. Jegeroppslutninga var svært god, med 99% innlevering. Det vart påvist to nye sjukdomstilfelle i sone1, på hhv vaksen bukk og vaksen simle, begge i god kondisjon. Statistisk har i underkant av 1% av dei felte dyra i sone 1 smitte. Sjukdommen vil få fylgjer for forvaltinga av villreinstammen framover. Første mål vert å auke kunnskapen om spreiing av smitten, samstundes som ein må freiste å halde delstamma med kjend smitte isolert frå tamrein nord for Rv 52 og anna villrein sør for Fv 50. Det vert og søkt å halde på
skiljet ved Rv 7. Det finst risiko for smitte i sona mellom Fv 50 og Rv 7. Dersom det ikkje er smitte her vert dette området ein buffer mot hovudstamma på Hardangervidda. Viktige tiltak i høve kunnskapsheving er innsamling av alt fallvilt av hjortedyr. Det lyt spreiast ei oppmoding om å varsle fallvilt av rein, og det vert auka innsats på overvaking. Det vil verte auke i tal radiomerka dyr for å betre overvake grensestrekningane inn/ut av delområdet, inkl. merking av bukk. Styringsgruppa for merkeprosjektet kan nyttast som ein ressurs og eit forum for oppfølging av tiltak. Det vil verte teke prøver under tamreinslaktinga (mrk. det vart ikkje funne positive prøver her). Vitenskapskomiteen for mattrygghet arbeidar med ein rapport med nye tilrådingar i høve CWD, den er venta ferdig i mars 2017. Det er viktig at villreinutvalet får økonomisk hjelp oppfylging framover. Sak H-16-7 Økonomien i villreinnemnda Villreinnemnda ventar eit vesentleg undersot for 2016. Det er løyvd tilleggsmidlar til Fylkesmannen for å dekke kostnadar med gjennomføring av haustmøter i villreinnemndene. Det er gjort ein avtale med Fylkesmannen ved sekretariat og leiar, om prioriteringar av arbeidet ut året. I dette ligg at nemnda skal minimere sakshandsaminga og berre fylgje opp særleg viktige saker. Dette skal avklarast med Fylkesmannen for kvar sak. Det vart stilt spørsmålsteikn ved denne praksisen frå nemnda. Det er eit demokratisk problem dersom villreinnemnda skal få godkjent frå Fylkesmannen kva dei skal kunne arbeide med. Nemnda tok oversikta over økonomistatus til etterretning (vedlagt). Sak H-16-8 Generelle orienteringar Utdelt til orientering: Møtebok frå villreinutvalet for Nordfjella 13.10.2016, særleg aktuelt: sak 27/16, gjennomgang av arbeidet med CWD. Rapportar og statistikkar frå villreinområda: minimumsteljing i Fjellheimen, flokkobservasjonar i Fjellheimen frå slutten av jakta frå SNO og frå villreinutvalet, fellingsresultat Fjellheimen, minimumsteljing i Nordfjella, kalveteljing i Nordfjella, fellingsresultat i Nordfjella Referat frå fagleg rådgjevande utval for Stølsheimen landskapsvernområde, der særleg sak 5, forvaltningsplan er aktuell. Kopi av høyringsuttale til krav om vilkårsrevisjon for Vik og Arnafjordvassdraga frå Fjellheimen villreinutval. Det vart elles orientert kring desse sakene: Plan- og inngrepssaker Overordna plan for damrehabilitering i Aurlandsvassdraget er godkjend. Det er kome framlegg til forvaltningsplan for Rallarvegen. Planen omhandlar i hovudsak vegen som kulturminne. Nemnda har ikkje gjeve merknadar. Forvaltningsplan for Stølsheimen nærmar seg endeleg, nemnda har gjeve uttale. Prosjekt der nemnda er involvert GPS merkeprosjekt: Det er sett i gong nytt merkeprosjekt med framhald av dataseriar frå førre prosjekt. Ei arbeidsgruppe med fokus på kraftanlegg og anleggsarbeid i fjellet er nedsett, der nemnda er representert, gruppa har hatt eit møte og ei synfaring. Råd og utval Nordfjellarådet vart konstituert i august. Nemnda sin representant i rådet er Lars Nesse. Nordfjellarådet vil invitere NVE og Miljødirektoratet til møte om vilkårsrevisjonar for kraftkonsesjonar i Nordfjella. Rallarvegrådet: Det vart ikkje send inn merknadar på jernbaneverket sitt framlegg til forvaltningsplan for vegen frå Nordfjellarådet, då ingen av rådsmedlemmane hadde særlege merknadar. Rådgjevande utval for Stølsheimen landskapsvernområde har hatt møte med siste handsaming av forvaltningsplanen. Torbjørn Aas representerte nemnda. Møte i rådgjevande utval for Nærøyfjordområdet er utsett til vårhalvåret. Ymse
Det er kome inn opplysningar om nokre tamrein i innhegning i Sisseldalen i Nordfjella. Det er truleg snakk om mellombels plassering i påvente av slakting, det skal ha vore innhenta tillating frå Mattilsynet. Nemnda oppmoda Knudsen til å finne ut omfanget. Saker for handsaming Sak H-16-9 Drøfting av valdavgrensingar i Nordfjella Saken vart presentert slik i innkallinga: «Ein har no fleire spørsmål som angår vald og teljande areal i Nordfjella. Desse gjer at villreinnemnda bør vurdere trongen for ein gjennomgang av valda. Hovudspørsmåla er knytt til omdisponering av areal, oppdelinga av området v. Fv 50 som gjev to delstammar, samanhengen mellom Nordfjella sør og Hardangervidda nord og sjukdomen CWD, som pr. dato er påvist i den nordlege delstammen.» Grunna trong økonomi er det ikkje lagt ned arbeid i å finne normer for å definere areal som omdisponert jfr. vedtak i haustmøtet 2015, sak H-15-11. Handsaming Tema vart diskutert, m.a. kom desse momenta tydeleg fram: Villreinnemnda ser ikkje samanheng mellom sjukdomstilfellet og spørsmålet om valdavgrensing. Valdinndeling kan ikkje nyttast som del av hindring av samanblanding, dyra ser ikkje til slike administrative grenser. Utvalsleiar varslar stor intern usemje i spørsmålet kring ei evt. ny inndeling av vald (m utgangspunkt i spørsmålet om å dele vald som ligg på begge sider av Fv 50). Vedtak: Villreinnemnda ynskjer ikkje å gjere konkrete vedtak ang. valdspørsmål på noverande tidspunkt. Villreinnemnda vil orientere grunneigarnivået om at nemnda har byrja å sjå på tema arealbruk i høve til valdgrenser og forvalting av stammen, der ein fokuserer både på delstammer og felles arealbruk med Hardangervidda. Sak H-16-10 Revisjon av Holsvassdraget Villreinnemnda har revisjon av Holsvassdraget som høyringssak. Villrein er ikkje tema i revisjonen, noko nemnda ynskjer å få inn. Det vart orientert om saka og synt dei viktigaste problemstillingane i høve rein på eit oversiktskart. Framlegg til høyringsuttale var send ut som sakspapir. Det er forslag om å sende inn uttalen saman med villreinutvalet, der begge organ signerer. Vedtak: Villreinnemnda godkjenner framlegget til innspel (vedlagt). Nemnda er positive til å gje felles uttale. Framlegget skal sendast villreinutvalet for godkjenning før innsending. Sak H-16-11 Fagtema til vårmøte Nordfjellarådet er planlagt lagt til våren slik at villreinnemnda kan kombinere dette med sitt vårmøte. Det er ynskje om fagforedrag i samband med vårmøtet, dette vil nemnda spele inn til Nordfjellarådet som ynskje om fagtema for rådsmøtet. For å kunne kombinere som fellesmøte med utvalet bør det leggast til Mars. I så høve kom det forslag om å la nemnda handsame fellingskvotene i eit eige, kort kvotemøte i april, og legge vårmøtet elles som eit dagsmøte i samband med Nordfjellarådet. Vedtak: Villreinnemnda vil gje fylgjande innspel til Nordfjellarådet ang. ynskje om tema for open del av rådsmøte: a) Sjukdom på villrein. b) CWD tilrådingar i høve prøvetaking. Sak H-16-12 Interne reglar for delegering av saker Jfr. referat frå vårmøtet ynskjer Villreinnemnda ein gjennomgang av reglane for sakshandsaming og delegering, der den nye nemnda gjer sine eigne bestemmingar for praksis i fireårsperioden 2016-2019. Det vart delt ut eit saksdokument i møtet som oppsummerer nemnda sine tidlegare vedtak i høve sakshandsaming. Det er tidlegare gjort vedtak i sak 4 frå vårmøtet 2012 og i sak 6 i haustmøte 2013. Saka vart lagt fram utan framlegg til vedtak.
Villreinnemnda er samde i tidlegare praksis, noko som og er godkjend som gjeldande i sak 16-2 på oppstartsmøte i villreinnemnda 10.02.2016. Grunnleggande er sakshandsaming med saksutgreiing og som hovudregel vedtaksframlegg av sekretær, og vedtak i møte eller elektronisk gjennom e- postkorrespondanse. Arbeidsgruppe består som tidlegare praktisert, av leiar, sekretær og representanten frå aktuell(e) kommune(/ar). Det kom forslag om ei spesifisert delegering med større rom for vedtak i arbeidsgruppe og direktesvar frå sekretariat. Det vart gjort framlegg frå sekretariatet om 3 nivå for handsaming: 1 Saker der heile nemnda gjer vedtaket 2 Saker der arbeidsutvalet gjer vedtaket 3 Saker delegert til sekretariatet Vedtak: Nemnda vil nytte 3 nivå for handsaming av saker. Prinsippa bak nivåinndelinga er at nivå 1 skal nyttast i prinsippsaker, i plansaker og i større inngrepssaker og i saker som gjeld bestandsforvaltning. Nivå 2 og 3 nyttast i mindre alvorlege saker. Saker som kan få betydning for villreinens områdebruk eller bidra til forstyrring skal handsamast av arbeidsgruppe. Enkle og openberre saker kan svarast på av sekretær der det vert opplyst at svaret er gjort administrativt. Leiar avgjer om ei sak handsamast på nivå 1 eller 2, i samråd med sekretær. Leiar avgjer om mindre saker skal gå til arbeidsgruppe for vedtak eller om ho delegerast til sekretariatet. Sak H-16-13 Høyringssak: Konseptutval utgreiing Rv7 / Rv52 Saksutgreiing med framlegg til vedtak vart lagt fram. Villreinnemnda har tidlegare send inn eit brev til Statens vegvesen Region sør, for å gje våre innspel i skriftleg form. Her peikar nemnda på at eit alternativ med tunell under Hemsedalsfjellet vil fjerne Rv52 sin barriereeffekt mellom Nordfjella villreinområde og beiteområda til Filefjell tamreinlag. Tiltaket vil føre til trong for eigne tiltak for å hindre samanblanding. Framlegg til vedtak: Villreinnemnda skriv eit enkelt brev der det vert synt til vårt brev av 29.08.2016 med ref. 18- N/16pak. Vedtak: Villreinnemnda skriv eit enkelt brev der det vert synt til vårt brev av 29.08.2016 med ref. 18-N/16pak. (vedlagt) Sak H-16-14 Ymse I Villreinnemnda er orientert om at DNT Oslo og omegn har send ut eit varsel til grunneigarar om revidering og merking av ruter i fjellet, inklusive innanfor Nordfjella villreinområde. Villreinnemnda ser det som viktig at rutene innanfor villreinområdet vert sett på som ein heilskap, og det finst ruter der alternativ som kan ta betre omsyn til villrein bør vurderast. Vedtak: Villreinnemnda vil sende eit brev til DNT Oslo og omegn som ein oppfylging med ynskje om dialog. Per Aksel Knudsen former eit slikt skriv. II. Ny høyringssak: Krav om vilkårsrevisjon i Arnafjord- og Viksvassdraget. Voss kommune har bede om innspel i arbeidet med å fremje revisjonskrav for Arnafjord- og Viksvassdraget. Det er Vik kommune som fører kravet i penn. Villreinutvalet har svart på høyring i Vik kommune, som vart send ut til valda, men ikkje øvrige organ i villreinforvaltinga. Vedtak: Nemnda skal gje ei høyringsuttale der dei understrekar at villrein er viktig tema i revisjonen. Møteslutt kl. 17.00 04.01.2017 Siri Wølneberg Bøthun (referent)