Kommune Styre, råd, utval Møtestad Møtedato Frå kl Til kl Aurland Fjellstyret Marianne Bakeri og kafè

Transkript

1 Kommune Styre, råd, utval Møtestad Møtedato Frå kl Til kl Aurland Fjellstyret Marianne Bakeri og kafè TIL STADES PÅ MØTET Medlemar Erling Nesbø, May Britt Martinsen, John Håland, Bente Steine, Bjørn Ebne. Varamedlemar Andre Håkon Øydvin, Knut Fredrik Øi, Harald Skjerdal HANDSAMA SAKER Sak nr./år 16/15, 17/15, 18/15, 19/15, 20/15, 21/15. UNDERSKRIFTER Vi stadfestar med våre underskrifter at blada i møteboka som vi har signert for er førde i samsvar med det som blei fastsett på møtet. UTSKRIFTER Hovudutskrift er sendt til Fjellstyremedlemane og varamedlemane,.

2 Sak 16/15. Referat og meldingar 1) Møtebok fjellstyremøte 12. mars 2) Verneområdestyret for Nærøyfjordområde: Avslag på søknad om persontransport i samband med planlagd synfaring i Storebotn, Aurland nordre statsallmenning Merknad: Aurland fjellstyre vil klaga på vedtaket i verneområdestyret om avslag på søknaden om transportløyve. 3) Aurland kommune: Brev i samband med søknad om løyve til persontransport under planlagd synfaring i Storebotn, Aurland nordre statsallmenning 4) E-co Energi AS: Anleggskonsesjon Aurland 3 kraftstasjon 5) E-co Energi AS: Melding om tiltak på damanlegg Vestredalen og Langavatn Merknad: Det vart informert om at villreinnemnda har sendt eit brev til E-co og NVE, der det vert etterlyst tilsyns- og varslingsrutinar når villrein er i nærleiken av anleggsområda, slik det er skissert i landskaps- og miljøplanen som E-co har fått utarbeidd for desse tiltaka. 6) Årsmøte i villreinutvalet den 14. april. Erling og Harald orienterte om sakene som vart handsama på årsmøtet.

3 Sak 17/15. Framlegg til oppretting av bestandsplanområde for hjort, med utkast til bestandsplan og vedtekter Saksutgreiing låg føre, vedlagt utkast til bestandsplan og vedtekter. Handsaming i møtet: Håkon Øydvin, som er sekretær i hjorteutvalet, orienterte om korleis utvalet legg opp arbeidet med bestandsplanen. Fjellstyret har til no ikkje teke ut heile hjortekvoten i allmenningen, men vil i samband med innføringa av bestandsplan ta sikte på å ta ut kvoten (26 løyve med 1000 daa som bakgrunnsareal per løyve). M.a. at det no vert mogleg å oppretta avtale om overføring av fellingsløyve til andre vald gjer dette meir aktuelt. Aurland fjellstyre melder valdet Nordheimsdalen (Aurland nordre statsallmenning) inn i bestandsplanområdet for hjort i Aurland. Fjellstyret har ingen merknader til utkastet til bestandsplan, men har følgjande merknad til utkastet til vedtekter: 2 bør få følgjande tillegg: Første året, i 2015, vert siste innmeldingsfrist sett til 30. april, for at valdet skal vera medlem frå og med dette jaktåret. Sak 18/15. Grensa mellom hjortevalda Horten og Aurland nordre statsallmenning Saksutgreiing, vedlagt ulike kart, låg føre. Fjellstyret godtek den grensa mellom hjortevalda Horten og Nordheimsdalen (Aurland nordre statsallmenning) som er innteikna på kart datert Fjellstyret tek likevel atterhald om at det seinare kan krevjast ny innteikning av grensa dersom det kjem fram opplysningar som tilseier det (meir nøyaktig skildring av grensepunkt med UTMkoordinatar, betre kartgrunnlag e.l.).

4 Sak 19/15. Jakttid for rype og hare hausten 2015 Saksutgreiing låg føre. Fjellstyret vidarefører ordninga med innsnevra jakttid for rype og hare for endå eit år, d.v.s. at jaktstart for desse artane vert 1. oktober og siste jaktdag 23. desember. Grunngjevinga er at bestandane, særleg av rype, framleis treng å styrka seg, og at ein difor ynskjer å halda jakttrykket nede. Det er framleis restriksjonar/innsnevra jakttid i fleire av naboområda, noko som vil kunna føra til auka jegerpågang dersom fjellstyret lempar på jakttidsrestriksjonane no. Sak 20/15. Fjellstyresambandet sitt fiskeprosjekt - oppretting av lokal ressursgruppe og vidare framdrift Saksutgreiing låg føre. Handsaming i møtet: Fjellstyret ynskjer å ha med nokre personar i den lokale ressursgruppa som ikkje er tilknytt fjellstyret. Fleire namn vart trekte fram. Desse må då spørjast om dei er viljuge til å vera medlemar i gruppa. Det vert sett saman ei lokal ressursgruppe med følgjande 5 personar, som skal syta for framdrift i fiskeprosjektet, som er eit samarbeidsprosjekt mellom fjellstyret og Norges fjellstyresamband: - Erling Nesbø (fjellstyret) - Harald Skjerdal (fjelloppsynet) - Jørgen Hallanger (Aurland fiskeadministrasjon) - Arne Veum (AJF) - Sandra Johannsen (eller Kristine Grønner Ohnstad) (John Håland stiller som vara, dersom det er trong for supplering av medlemar til gruppa). Ein tek sikte på eit oppstartmøte med deltaking frå NFS i veke 21.

5 Sak 21/15. Aurland sikringsradiolag - søknad om tilskot Søknad frå Aurland sikringsradiolag låg føre. Fjellstyret løyver eit tilskot på kr til Aurland sikringsradiolag.