Felles Landbrukskontor ÅLA

Transkript

1 Felles Landbrukskontor ÅLA Administrativt vedtak Saksnr Utval Møtedato 080/17 Formannskapet Saksansvarleg: Knut Fredrik Øi Arkivsaknr.: Arkiv Sakshandsamar Dato 17/49-45 K2 - K40 Knut Fredrik Øi, Tildeling av fellingsløyve for hjort, elg og rådyr - Lærdal kommune 2017 Kort samandrag: Bestanden av hjort er truleg framleis i vekst i Lærdal, trass i målsetjing om stabilisering på 2014-nivå. Signal om bestandsreduksjon og trong for prøvemateriale frå anna hjortevilt i kjølevatnet av CWD-problematikken, samt trafikale og landbruksmessige belastningar, gjer at det lyt fellast 700 hjort i Lærdal i For å få til dette må fleire ting på plass. Det vert nytta 50%-regelen maksimalt og med det gjeve monaleg fleire fellingsløyve frå kommunen i 2017 (i år totalt 1123 fellingsløyve mot normalt 6-700) i tillegg til at kommunen tillet at alle ubrukte fellingsløyve frå planperioden også kan nyttast i Dette utgjer 343 fellingsløyve. Denne moglegheiten gjeld dei 31 (av 47 totalt) valda som er medlem i bestandsplanområdet. Håpet er at desse løyva målretta kan formidlast til dei som vil fella fleire dyr enn det valdet sjølv disponerer. Her vil det vera trong for ei organisering på grunneigarsida for å gjera dette mogleg. Kommunen jobbar for å få på plass ein moglegheit for mottak (sal) av slakt i bygda, samt hjelp til utflyvning av slakt frå utilgjengelege plassar. Dette som insentiv til auka avskytning. Om ikkje jaktrettshavarane får til ei monaleg auka avvskyting, risikerer me i ytste konsekvens at Mattilsynet vil teke initiativ til uttak i offentleg regi. Ved behov for auka jakttid for å nå målsetjinga, vil kommunen søkja Miljødirektoratet om dette. Vedtak: Med heimel i Forskrift om forvaltning av hjortevilt, tildelar Lærdal kommune 1123 fellingsløyve på hjort i Totalt 343 ubrukte fellingsløyve frå planperioden (2015 og 2016) kan nyttast i 2017 av dei valda som er medlem i bestandsplanområdet. Lærdal kommune tildelar 26 fellingsløyve på elg og 1 fellingsløyve på rådyr. Løyva skal nyttast i tråd med avskytningsmodellen i vedteken bestandsplan, om ikkje dispensasjon til å fella fritt etter kjønn/alder vert vedteken hjå Miljødirektoratet.

2 Alt felt hjortvilt 1,5 år eller eldre skal prøvetakast for CWD, etter pålegg frå Miljødirektoratet. Tiltaket er vurdert etter Naturmangfaldlova. Vedlegg: Anbefaling til kommuner om å vurdere bestandsreduksjon av hjortevilt Skrantesjuke og reduksjon av hjorteviltbestandene Nordfjella og Selbu Pålegg om å teste hjortevilt for skrantesjuke.pdf Søknad om endra kvote for hjortejakta Lærdal bestandsplanområde for hjort Hjortevald Lærdal vald utan bestandsplan Hjortevald Lærdal vald med bestandsplan Elgvald Lærdal innfylt 2017 Rådyrvald Lærdal innfylt 2017 Aktuelle lover, forskrifter, avtalar m.m. Forskrift om forvaltning av hjortevilt rundskriv (heretter kalla Hjorteviltforskrifta) Forskrift om jakt- og fangsttider samt sanking av egg og dun for jaktsesongene fra og med 1. april 2017 til og med 31. mars 2022 (heretter kalla Forskrift om jakttider) Naturmangfaldlova Saksutgreiing Lærdal kommune godkjente i 2015 oppretting av Lærdal bestandsplanområde for hjort, og bestandsplan for dette området i perioden Målet for planperioden var å stabilisera bestanden av hjort på nivå, etter tilgjengeleg kunnskap. Planen beskrev ønska tal fellingar og fordeling av desse på kjønn og alder. Relevante måleparametre (vårteljing, fellingstal, sett-hjort (utmark) og påkøyrsle-statistikk) tydar alle på at bestanden framleis er i vekst. Fellingstala frå dei to fyrste åra i planperioden syner at målet om fellingar so langt ikkje er nådd. Målet har vore ei felling på 500 dyr årleg, og i desse to fyrste åra er uttaket om lag 250 dyr på etterskot. Etter at bestandsplanen for hjort i Lærdal vart vedteken, har forutsetjingane for bestandsstorleik endra seg i kjølevatnet av påvisninga av skrantesjuke på villrein i Nordfjella. I vedlagte brev frå Miljødirektoratet og Mattilsynet, vert det oppmoda om at kommunane kring Nordfjella legg til rette for ein bestandsreduksjon av hjorteviltet. I saneringsplanen for villrein i Nordfjella er bestandsreduksjon i randsona skissert til å vera 20-30%. Styret i Lærdal bestandsplanområde og administrasjonen i Lærdal kommune har våren 2017 hatt fleire møte for å diskutera situasjonen og koma fram til ein plan for auka uttak basert på det kunnskapsgrunnlaget me har på aktuelt tidspunkt. Dette har munna ut i vedlagte søknad frå Lærdal bestandsplanområde. Hovedmålet er å auka fellinga frå i , til 700 felte hjort i Det vert søkt om følgjande: 1. Auka kvote med 50% 2. Fellingsløyva tildelt som frie dyr 3. Auka jakttid for hjort ved manglande måloppnåing i regulær jakttid 4. Høve til å nytta alle «ubrukte» fellingsløyve frå planperioden 5. Hjelp til tilrettelegging for auka felling (mottak for kjøt, helikoptertransport av slakt, kapasitet frå ettersøksringen)

3 Vurdering Situasjonen viltforvaltninga står ovanfor i ljos av skrantesjuka er ekstraordinær. Kommunen som offentleg organ skal etter beste evne søkja å etterleva dei tilrådingar som kjem frå kompetente statlege organa. Signal frå Mattilsynet/Miljødirektoratet er at bestandane av hjortevilt kring Nordfjella skal reduserast med 20-30%. Dette gjer at kommunen lyt strekkja seg langt for å leggja til rette for at jaktrettshavarane skal klara å felle monaleg meir hjort enn ved «normalsituasjonen». Det er lagt opp til ein dialog med Mattilsynet og aktuelle kommunar etter endt jakt 2017 for å laga ein plan for nå ønska bestandsreduksjon. All felt hjort/elg/rådyr over 1,5 år skal prøvetakast for CWD, jamfør pålegg frå Miljødirektoratet. Eit auka uttak vil såleis også bidra til eit auka tal prøvar. Dette er sentralt for å vurdera eventuell førekomst av CWD hjå andre hjorteviltartar enn villrein, og vil difor vera premissleverandør for den videre forvaltninga av både villrein og anna hjortevilt. Kommunen har som nevnt vore i tett dialog med grunneigarsida for å søkja kvantifisera eit høveleg uttak i 2017 og å identifisera flaskehalsar for å få til ei slik felling. Ei målsetjing om å fella 700 hjort i 2017 meinar også kommunen vil vera adekvat, med bakgrunn i dei signala henholdsvis Miljødirektoratet og Mattilsynet fram til no har gjeve. Det er grunn til å framheva at målsatt felling i 2017 også vil vera i tråd med allereie vedtekne mål om hjortebestanden i Lærdal, grunna status for trafikale og landbruksrelaterte belastningar forårsaka av hjort. Me legg også til grunn at ny bestandsplan i Lærdal for neste planperiode vil ta inn over seg problemstillinga med skrantesjuka. Vedteken bestandsplan for hjort i Lærdal er vurdert etter Naturmangfoldlova, videre er også anbefalingane frå statlege organ vurdert etter denne. Kommunen ser grunn til å leggja ekstra vekt på føre-var-prinsippet i lova ( 9) i tematikken kring skrantesjuka. Det vil vera sentralt å auka avskytninga av hjort i Lærdal frå og med Auka kvote med 50% Hjorteviltforskrifta 7 regulerer avvik frå minstearealet ved tildeling av fellingsløyve. Hensikten med ein bestandsplan er å nå vedtekne målsetjingar. Om det i løpet av planperioden syner seg at det er trong for fleir fellingsløyve for å nå måla, kan ikkje rådmannen sjå at det er problematisk å nytta 7 for å tildela meir fellingsløyve. Det er likevel på sin plass å seia at det er rikeleg med fellingsløyve i omløp i Lærdal. Det er såleis i utgangspunktet nok løyve til at ein teknisk sett skal kunna fella målsett tal hjort. Flyten av fellingsløyve internt i valda og no også mellom vald (som er medlemmar i bestandsplanområde) er diverre ikkje fullgod. Dette er eit tema som det lyt jobbast mykje med i tida framover. Rådmannen meinar at det ikkje er tida for å kverulera kring temaet no, men at det er fornuftig å etterleva ønskje om omsøkt tal løyve. På den måten vil alle valda få tildelt fleir fellingsløyve, noko som er peika på som naudsynt i møteserien med styret i bestandsplanområdet. Dei valda (som er medlem) som vil fella fleir hjort enn tildelt, kan ordna dette frå andre vald som er medlemmar. Meir informasjon om moglegheiten er naudsynt for at metoden vert skikkeleg etablert. Her vil rådmannen bidra, men også styret bør vera aktive. I søknaden skisserer også styret eit opplegg for aktivt å ta ei rolle i omfordeling av fellingsløyve, noko forskrifta opnar for ved samjaktsavtalar. Hjorteviltforskrifta 7 opnar for at kommunen kan avvika forskriftsfesta minsteareal med inntil 50%. Dette minstearealet er i dag 800 daa frå Husum og austover, og 600 daa frå Husum og vestover. I vedteken bestandsplan er minstearealet allereie avvika. Eit avvik på 50% må etter forskrifta gjelda frå det forskriftsfesta minstearealet. Gjeldane areal per fellingsløyve vil såleis for 2017 vera 400 daa frå Husum og austover og 300 daa frå Husum og vestover. 2. Fellingsløyva tildelt som frie dyr

4 Hjorteviltforskrifta 18 regulerer korleis kommunen skal tildela fellingsløyve. Det er i utgangspunktet to alternativer, anten som tildelt på alder og kategori (retta tildeling) eller som frie dyr. Valda som er med i eit bestandsplanområde får løyva sine frå kommunen som frie dyr, men det er ei forskriftsfesta forutsetjing at fellinga skal samsvara med godkjent bestandsplan. Dei valda som ikkje er med i eit bestandsplanområde skal tildelast etter alder og kjønn. Det er ikkje heimel for å tildela «frie dyr» i den forstand at valdet kan fella fritt utan omsyn til ein vedteken bestandsplan. Hjorteviltforskrifta 37 gir Miljødirektoratet høve til å dispensera frå forskrifta i særlege tilfelle. Rådmannen er i dialog med Miljødirektoratet om dispensasjon frå Hjorteviltforskrifta i høve situasjonen med skrantesjuke. Dette vil eventuelt koma på eit seinare tidspunkt, men i god tid før jaktstart. Rådmannen ser grunn til å presisera at måloppnåinga i bestandsplanen er knytt til bestandsplanområdet i sin heilhet (Lærdal kommune) og ikkje knytt til det einskilde valdet. 3. Auka jakttid for hjort ved manglande måloppnåing i regulær jakttid Endra jakttid vil krevja dispensasjon frå Forskrift om jakttider. Etter forskriftas 7 er det Miljødirektoratet som har mynde til å dispensera frå jakttidene. Kommunen vil søkja om dispensasjon ved behov. Dette krev eit samarbeid med jaktrettshavarane for å gjera opp status på eit høveleg tidspunkt, slik at dispensasjon kan føreliggja før ordinær jaktslutt. 4. Høve til å nytta alle «ubrukte» fellingsløyve frå planperioden Hjortviltforskrifta 16 gir vald med godkjent bestandsplan høve til å overføra fellingsløyve mellom åra i bestandsplanen. I kommentarene (rundskrivet) til forskrifta er dette utdypa. I utgangspunktet skal kommunen kunna godta ei flytting av fellingsløyve frå år til år på inntil 10%. Kommunen skal likevel nytta skjønn ved fastsetting av dette. Situasjonen med skrantesjuke i området er ekstraordinær. Styret i bestandsplanområdet i Lærdal meinar at det er sentralt å kunna flytta alle ubrukte fellingsløyva (totalt 343) frå 2015 og 2016 til 2017 for å nå målet om 700 felte dyr i Rådmannen ser at moglegheiten til å flytta løyve frå år til år og mellom vald i Lærdal ikkje har vore utnytta godt so langt i planperioden. Rådmannen er positiv til at grunneigarsida ønskjer å utnytta denne moglegheiten meir 5. Hjelp til tilrettelegging for auka felling (mottak for kjøt, helikopter, kapasitet frå ettersøksringen) Rådmannen jobbar med tilrettelegging for mottak av slakt for jegerar som ønskjer å selja kjøt. Rådmannen jobbar også for at det skal verta enklare å få løyve/tilgang til helikopter for utflyvning av slakt. Dette er prosessar som det vil verta informert om når me har konkrete resultat/løysingar. Kommunen vil ta kontakt med ettersøksringen for å diskutera moglegheiter for å auka kapasiteten som er naudsynt for å handsama auka jakt. Konklusjon: 1. Rådmannen tilrår, med heimel i hjorteviltforskrifta 7, å auka tal fellingsløyve for 2017 med 50% av forskriftsfesta minsteareal. Det vert tildelt totalt 1123 fellingsløyve for hjort i Lærdal kommune (sjå vedlegg for fordeling). 2. Kommunen har ikkje heimel til å gje frie løyve i den forstand at kvart vald kan fella fritt på kjønn og alder. Det er dialog med Miljødirektoratet om dispensasjon frå dette kravet. Rådmannen minner om at det er bestandsplanområdet i sin helhet som skal fella etter planen kva angår kjønn og alder. 3. Rådmannen tilrår at kommunen søkjer Miljødirektoratet om utvida jakttid ved trong for dette. 4. Rådmannen tilrår at alle ubrukte fellingsløyve frå planperioden skal kunna nyttast i Dette vil kun gjelda vald som har signert avtala om medlemskap i

5 bestandsplanområdet. Det er 343 fellingsløyve frå , tilhøyrande vald som er medlem, som vil kunna nyttast i jakta Etter endt jakt denne hausten, er planperioden over og løyvene vil ikkje lenger vera gyldige. 5. Kommunen jobbar med tilrettelegging for mottak av kjøt i bygda, samt tilrettelegging for bruk av helikopter til utflyging av slakt. Info om dette kjem på eit seinare tidspunkt. 6. Elg og rådyr. Tildelingane av fellingsløyve for elg og rådyr følgjer same tildeling som i Det vert tildelt totalt 1 fellingsløyve for rådyr og 26 fellingsløyve for elg (sjå vedlegg for fordeling).