Flora kontrollutval SEKOM-sekretariat

Flora kontrollutval SEKOM-sekretariat www.sekom.no post@sekom.no Tilleggsinnkalling Utval: Flora kontrollutval Møtested: Samfunnshuset, møterom Ytterøyane Dato: 07.12.2016 Tid: Kl. 09:30 Innkalling: Faste medlemar i utvalet Dersom du ikkje kan møte: Meld frå på e-post: o Arnar Helgheim: ah@sekom.no (mobil: 975 81 418) Sakliste tillegg til skriv og meldingar (sak 87/16) Sak nr. Sakstittel Kommunen som barnehagemyndigheit Tilsynsrapport frå Fylkesmannen Med helsing Bjørn Hollevik Leiar

TILSYNSRAPPORT Kommunen som barnehagemyndigheit 8 og korleis barnehagemyndigheita sikrar at barnehagane følgjer opplysningsplikta til barnevernstenesta 22 Flora kommune - barnehagemyndigheit Sak 2016/718

Innhald Samandrag... 3 1. Innleiing... 4 2. Om tilsynet med Flora kommune... 4 2.1 Fylkesmannen fører tilsyn med kommunen som barnehagemyndigheit... 4 2.2 Tema for tilsyn... 5 2.2.1 Rettleiing... 5 2.2.2 Tilsyn... 5 2.3 Om gjennomføringa av tilsynet... 5 3. Kommunen sitt ansvar... 7 3.1 Rettslege krav - 8 om kommunen som barnehagemyndigheit og 22 om opplysningsplikt til barnevernstenesta... 7 3.2 Fylkesmannen si undersøking... 7 3.2.1 Kontrollspørsmål... 8 3.3 Fylkesmannen sin vurdering og konklusjon... 13 4. Avslutting av tilsynet... 14 2

Samandrag Tilsynsrapporten gir ikkje ei heilskapsvurdering av barnehagemyndigheita. Rapporten omhandlar berre resultat knytt til temaet som er valt og på det tidspunktet tilsynet er gjennomført. Når det gjeld metode for tilsyn etter barnehagelova har Utdanningsdirektoratet utarbeidd eiga handbok som Fylkesmannen skal nytte. Handboka 1 ligg på Utdanningsdirektoratet sine nettsider. Tema Det er gjennomført tilsyn med kommunen som barnehagemyndigheit, jf. barnehagelova 8. Kommunen si sikring av korleis barnehagane oppfyller opplysningsplikta til barnevern tenesta i 22 er særskilt undersøkt. Formål med tilsynet Det overordna målet med tilsynet er å styrke kommunen si rolle som barnehagemyndigheit. Gjennom tilsynet ønskjer Fylkesmannen å setje søkelys på barnehagemyndigheita sitt ansvar for å sikre etterleving av krava i barnehagelova, både for kommunen som barnehagemyndigheit, og for den enkelte barnehage. Gjennom kontroll av kommunen skal eventuell lovstridig praksis avdekkjast og rettast opp. Fylkesmannen legg barnekonvensjonen til grunn ved tilsyn med kommunen som barnehagemyndigheit. Barnekonvensjonen er overordna og skal sikre at barnehagetilbodet er til beste for barnet og skal ha grunnleggande prioritet. Artikkel 3 i konvensjonen er tydeleg på at til beste for barn skal kome først, og skal vere grunnleggande i alle tiltak og vedtak som gjeld barn. Kommunen sine myndigheitsoppgåver er regulerte i barnehagelova kap. IV Barnehagemyndigheita sine generelle oppgåver. Dette inneber mellom anna at kommunen skal rettleie og kontrollere at barnehagane blir drivne etter gjeldande regelverk jf. barnehagelova 8. Gjennomføring Fylkesmannen inviterte region Sunnfjord til å delta i «lærande tilsyn», med Flora kommune som tilsynsobjekt. Tema var kommunen som barnehagemyndigheit 8 og korleis barnehagemyndigheita sikrar at barnehagane følgjer opplysningsplikta til barnevernstenesta 22. Fylkesmannen gjennomførte dagsamling med region Sunnfjord 20.05.2016 der alle 1 Metodehåndbok for tilsyn - en håndbok for tilsyn i metode for tilsyn etter barnehageloven og opplæringsloven. 3

kommunane i regionen deltok. Tilsynet med Flora kommune vart opna i varslebrev 25.05.2016. Alle dei andre kommunane i region Sunnfjord vart inviterte til å gjennomføre eigenkontroll i same periode som Fylkesmannen gjennomfører tilsyn med Flora kommune. Flora kommune har til saman 12 kommunale og tre private barnehagar. Kommunen har system for to-pedagog ordning i alle barnehagane. Flora kommune er ein to- nivå kommune. I tillegg til kommunalsjef har kommunen barnehagefagleg kompetanse i stab for utvikling og kvalitet. Tilsynet er utført ved gjennomgang av innhenta dokumentasjon og intervju. Det er gjennomført intervju med kommunalsjef, barnehagefagleg rådgivar, styrar, pedagogiske leiararar, fagarbeidarar og assistentar i to kommunale og ein privat barnehage. Status på rapporten og vegen vidare Fylkesmannen avdekka ingen brot på regelverket og rapporten er endeleg. Tilsynet blir med rapporten sett på som avslutta. 1. Innleiing Fylkesmannen har i perioden frå 25.05.2016 til dags dato gjennomført tilsyn med Flora kommune som barnehagemyndigheit. Tilsynet avdekka ingen brot på regelverket. Rapporten er endeleg og tilsynet blir med dette sett på som avslutta. Konklusjonen bygger på kjeldemateriale i innsendt dokumentasjon, og tek berre utgangspunkt i status på det tidspunktet som tilsynet er gjennomført. 2. Om tilsynet med Flora kommune 2.1 Fylkesmannen fører tilsyn med kommunen som barnehagemyndigheit Fylkesmannen fører tilsyn med kommunen som barnehagemyndigheit, jf. barnehagelova 9 andre ledd. Fylkesmannen sitt tilsyn med kommunen som barnehagemyndigheit er tilsyn med dei lovpålagde oppgåvene til kommunen, jf. kommunelova 60 b. Fylkesmannen sitt tilsyn med kommunen som barnehagemyndigheit er utøving av myndigheit og skjer i samsvar med reglane i forvaltningsretten. Tilsynet skal vere prega av openheit, likebehandling, skal kunne etterprøvast og skal gjennomførast på ein effektiv måte. I dei tilfella der Fylkesmannen konkluderer med at eit rettsleg krav ikkje er oppfylt, blir dette sett på som brot på regelverket, uavhengig av om det er barnehagelova eller forskrift til barnehagelova som er broten. 4

2.2 Tema for tilsyn Det er gjennomført tilsyn med tema kommunen som barnehagemyndigheit, jf. barnehagelova 8. Fylkesmannen har sett særskilt på korleis barnehagemyndigheita sikrar at barnehagane følgjer barnehagelova 22 om opplysningsplikt til barnevernstenesta. Kommunen som barnehagemyndigheit har fått som oppgåve å sjå til at alle barnehagane i kommunen, både kommunale og private, blir drivne i samsvar med gjeldande regelverk, jf. barnehagelova 8. Kommunen skal sjå til at barnehagetilbodet og drifta er i samsvar med barnehagelova, ved hjelp av verkemidla godkjenning, rettleiing og tilsyn. 2.2.1 Rettleiing Kommunen som barnehagemyndigheit skal gjennom bruk av rettleiing gi ei oversikt over kva barnehagelova med forskrifter krev, og kva som må gjerast for å få drifta i samsvar med denne. Dei samfunnskrava og forventningane til verdigrunnlag, rammevilkår, arbeidsmåtar og innhald som ligg i regleverket. Målet med rettleiing er at barnehageeigar endrar på tilhøve som kan føre til pålegg om retting av uforsvarlege eller ulovlege forhold. 2.2.2 Tilsyn Kommunen sitt ansvar for å føre tilsyn er nærare regulert i barnehagelova 16. Barnehagelova gir ingen reglar for korleis og kor ofte tilsyn skal gjennomførast. Tilsyn er likevel ein viktig del av kommunen sitt ansvar for å sjå til at barnehagane blir drivne i samsvar med gjeldande regelverk. Kommunen skal sjølv vurdere behov for tilsyn ut frå lokale tilhøve og risikovurderingar. Dersom kommunen nyttar tilsyn skal det skrivast ein rapport, og tilsynsobjektet skal orienterast om innhaldet i rapporten. 2.3 Om gjennomføringa av tilsynet Tilsyn med Flora kommune vart opna med varselbrev 25.05.2016. Kommunen vart pålagd å leggje fram dokumentasjon for Fylkesmannen med heimel i kommunelova 60 c. Fylkesmannen sine vurderingar og konklusjonar er basert på skriftleg dokumentasjon og opplysningar frå intervju. Fylkesmannen har motteke dokumentasjon frå Flora kommune i samband med tilsynet. Fylkesmannen har lagt til grunn eit utval av desse dokumenta som inngår i dokumentasjonsgrunnlaget for tilsynet: Eigenvurderingsskjema Flora kommune som barnehagemyndigheit årshjul for oppgåver og ansvar 5

Kommunen si årsmelding Politisk og administrativ organisering i Flora kommune i 2016 Møte- og delegasjonsreglement 2012 Administrativ prosedyre Melding til barnevernet Bekymring for barn og melding til barnevernet prosedyre Meldeskjema til barnevernet i Flora kommune Deltakarar fagnettverk Barn i risiko Invitasjon og referat frå nettverksmøte Dei sårbare barna Handlingsplan mot Vald i nære relasjonar Handlingsplan - Ressurs sårbare barn Kompetanseplan Florabarnehagen 2016 Ressursgruppa for barnehagane 2015 2016 Prosjektet Fleirfagleg blikk Plan for tilsyn 2012 Tilsynsmynda sitt skjema ved varsla og uvarsla tilsyn 2012 Tilsynsmynda sin rapport etter tilsyn i barnehage 2012 Besøksrunde barnehagar 2014 Varsel om tilsyn i alle barnehagane 2015 Rapport etter tilsyn 2016 Det vart gjennomført tilsyn på staden 06. og 07.09.2015. Følgjande personar vart intervjua: Styrar i Storevatn barnehage, Siv Årdal Ped.leiarar i gruppe i Storevatn barnehage, Benjamin Eggen og Mona Erstad Fagarbeidar og assistent i gruppe i Storevatn barnehage, Reidun Book Bjerck, Aud Rasmussen og Marit Pedersen Styrar i Brandsøy barnehage, Tor Solheim-Olsen Ped.leiar og fagarbeidar/assistent i Brandsøy barnehage, Ingunn Sætren Melvær og Astrid Trengereid Styrar i Sørstrand barnehage, Anita Sunde Ped.leiar i gruppe i Sørstrand barnehage, Mona Hopen, Leni Notø og Karin Løkkebø Fagarbeidar og assistent i gruppe i Sørstrand barnehage, Dina Stub, Vibeke Steinhovden og Kathinka Nyttingnes Barnehagefagleg rådgjevar, Runa Nybakk Kommunalsjef, Anders Moen 6

3. Kommunen sitt ansvar 3.1 Rettslege krav - 8 om kommunen som barnehagemyndigheit og 22 om opplysningsplikt til barnevernstenesta 8 Kommunen sitt ansvar, første ledd: «Kommunen er lokal barnehagemyndighet. Kommunen skal gi veiledning og påse at barnehagene drives i samsvar med gjeldende regelverk.» Kommunen er lokal barnehagemyndigheit. Kommunen skal sikre eit heilskapleg barnehagetilbod med god kvalitet tilpassa lokale forhold og behov. Kommunen skal gje rettleiing og sjå til at barnehagane blir drivne i samsvar med gjeldande regelverk. Barnehagemyndigheita har eit overordna ansvar for å sikre at barna får eit godt og forsvarleg barnehagetilbod, jf. barnehagelova 8 første ledd. Barnehagetilbodet må samsvare med lokale forhold og prioriteringar, samtidig som nasjonale føringar skal takast omsyn til, jf. barnehagelova 8 andre ledd. 22.Opplysningsplikt til barnevernstenesta «Barnehagepersonalet skal i sitt arbeid være oppmerksom på forhold som kan føre til tiltak fra barnevernstjenestens side. Uten hinder av taushetsplikt skal barnehagepersonalet av eget tiltak gi opplysninger til barnevernstjenesten, når det er grunn til å tro at et barn blir mishandlet i hjemmet eller det foreligger andre former for alvorlig omsorgssvikt, jf. lov om barnevernstjenester 4-10, 4-11, 4-12, eller når et barn har vist vedvarende alvorlige adferdsvansker, jf. samme lov 4-24. Også etter pålegg fra de organer som er ansvarlige for gjennomføringen av lov om barnevernstjenester, plikter barnehagepersonalet å gi slike opplysninger. Opplysninger skal normalt gis av styrer». Styrar er den som normalt gir slike opplysningar, men alle tilsette har ei personleg plikt til å melde. Det er viktig at alle tilsette i barnehagen har kunnskap om at opplysningsplikta gjeld alle og at barnehagetilsette pliktar å gi opplysningar av eige tiltak og etter pålegg frå barnevernstenesta. Barnehagetilsette skal vere merksame på tilhøve som kan føre til tiltak frå barnevernet. Lova gir barnehagetilsett pålegg om å gi opplysningar, utan hinder av teieplikta, i dei tilfelle der det er grunn til å tru at eit barn blir mishandla eller utsett for andre former for alvorleg omsorgssvikt. 3.2 Fylkesmannen si undersøking Fylkesmannen har undersøkt om kommunen som barnehagemyndigheit, gjennom aktiv rettleiing og/eller tilsyn, ser til at barnehagane blir drivne i samsvar med gjeldande regelverk 7

jf. barnehagelova 8. Vi har i tillegg sett på korleis barnehagemyndigheita sikrar at barnehagane følgjer barnehagelova 22 om opplysningsplikt til barnevernstenesta. Fylkesmannen har undersøkt om det er samsvar mellom innlevert dokumentasjon og praksis i kommunen. Fylkesmannen har vurdert om kommunen sin dokumentasjon og opplysningar gitt i intervju syner lovforståing av barnehagelova 8 og 22. Det er henta inn opplysningar om kva verkemiddel barnehagemyndigheita brukar for å sjå til at barnehagane følgjer barnehagelova. Vurderingar og konklusjonar i rapporten bygger på kontrollspørsmåla som er utarbeida av Utdanningsdirektoratet. 3.2.1 Kontrollspørsmål Fylkesmannen har vurdert om barnehagemyndigheita gjennom bruk av verkemidla rettleiing og tilsyn, ser til at barnehagane blir drivne i samsvar med gjeldande regelverk. 1. Har kommunen oversikt over barnehagar dei skal gi rettleiing og føre tilsyn med? For å oppfylle sitt ansvar som barnehagemyndigheit om å sjå til regelverketterleving i barnehagane, er eit av minstekrava at barnehagemyndigheita har kjennskap til kva barnehagar som er i kommunen. Utan kjennskap til barnehagane, kan ikkje kommunen som barnehagemyndigheit oppfylle si plikt etter føresegna. Flora kommune er organisert som to nivå kommune. I tillegg til kommunalsjef har kommunen ein stab for kvalitet og utvikling der ein person med barnehagefagleg utdanning er barnehagefagleg rådgivar. Kommunen har gjennom administrative system god oversikt over bemanning, barnegrupper og barnetal i den enkelte barnehage. I intervju med tilsette i kommunale og private barnehagar kjem det fram at barnehagemyndigheita har god kontakt med alle barnehagane. Dei private barnehagane er på lik line med dei kommunale barnehagane deltakarar i ulike fagnettverk på styrar og pedagogisk leiar nivå. Konklusjon: Barnehagemyndigheita har god oversikt over barnehagane dei skal gi rettleiing og/eller føre tilsyn med. 2. Har kommunen oversikt over kva lovkrav kommunen fører tilsyn med? For å oppfylle sitt ansvar som barnehagemyndigheit, om å sjå til regeletterleving i barnehagane, må kommunen ha oversikt over kva lovkrav den rettleier om og fører tilsyn med. Dersom det er deler av lovverket barnehagemyndigheita ikkje kjenner til, vil kommunen 8

ikkje kunne oppfylle si plikt til å sjå til regelverketterleving av dei aktuelle føresegnene på barnehagenivå. Barnehagemyndigheita har utarbeidd plan for tilsyn med barnehagane og mal for rapport. Barnehagemyndigheita har utarbeida sjekkliste som blir brukt i gjennomføringa av tilsynet. Sjekklista viser til fleire av paragrafane i barnehagelova, også 22. Konklusjon: Fylkesmannen finn det godtgjort at barnehagemyndigheita har oversikt over lovkrava dei fører tilsyn med. 3. Har kommunen tilstrekkeleg kunnskap om barnehagane til å vurdere behovet for rettleiing og tilsyn? Plikta i å sjå til regeletterleving på barnehagenivå, inneber både aktivitet til å vurdere risiko for lovbrot, og plikt til å bruke verkemidla sine slik at barnehagemyndigheita ser til regeletterleving. Kontrollspørsmålet omhandlar plikta til å vurdere risiko for lovbrot. For å gjere dette, må barnehagemyndigheita ha ein viss kjennskap til regeletterleving på barnehagenivå. Utan informasjon om regeletterleving på barnehagenivå, kan heller ikkje kommunen som barnehagemyndigheit vurdere risiko for lovbrot, og kva behov barnehagane har for rettleiing eller tilsyn. Alle barnehagane leverer årsplanar til barnehagemyndigheita. Kommunale barnehagar skal gjennom månadlege og årlege rapporteringar kommentere på økonomi, sjukefråvær og pedagogisk arbeid. Årshjulet for oppgåver og ansvar for barnehagemyndigheita viser at gjennomgang av barnehagelova, lovendringar og rettleiing er tema på nettverksmøte for styrarane i kommunale og private barnehagar. Nettverksmøte for styrarane blir gjennomført to til tre gonger per semester. Ein av styrarane har ansvar for planlegging og gjennomføring. Barnehagefagleg rådgjevar deltek og får referat. Flora kommune har i tilsynet lagt fram dokumentasjon som viser mal for kartleggingsskjema knytt til aktuelle paragrafar i barnehagelova. Det går fram av intervju at kartleggingsskjema bli brukt som sjekkliste for informasjon rettleiing og tilsyn. Flora kommune har ei kvalitetsgruppe som jobbar med kompetanseutvikling. Styrarar frå nokre barnehagar deltek i denne gruppa saman med barnehagefagleg rådgjevar. Kompetanseplanen, som går over fire år, dannar grunnlag for felles pedagogisk utvikling i alle barnehagane. Kommunen har to ulike nettverk for informasjon, rettleiing og kompetansebygging retta mot barn som ein er bekymra for. 9

Nettverket Tverrfagleg ressursgruppe er samansett av helsesøster, familierettleiar, logoped og barnevernspedagog. Her kan barnehagane drøfte si bekymring og få råd og rettleiing. Saker vert melde inn anonymt eller med samtykke frå foreldre. Nettverk Dei sårbare barna er samansett av pedagogar frå alle barnehagane og vert leia av ein styrar. Tema i nettverket er forankra i barnehagelova 22. Nettverksmøta gir deltakarane fagleg påfyll og det blir gjort mellomliggande arbeid mellom samlingane. Det blir skrive sakliste med referat som blir sendt alle styrarane og barnehagefagleg rådgjevar. Barnehagefagleg rådgjevar deltek av og til på dei pedagogiske nettverksmøta. Alle barnehagane har ein kriseperm som inneheld rutinar og skildrar kva ein skal gjere om dei er bekymra for enkelt barn. Permen inneheld også meldeskjema til barnevernet. I intervju med barnehagane stadfestar alle at dei er kjende med innhaldet i permen. Barnehagemyndigheita gjennomførte tilsyn med barnehagane i 2015 der tema var planlegging, dokumentasjon og vurdering. Kommunen har skrive tilsynsrapportar som er sende barnehagane. Konklusjon: Fylkesmannen finn det godtgjort at kommunen har tilstrekkeleg kunnskap om barnehagane til å vurdere behovet for rettleiing og tilsyn. 4. Brukar kommunen denne kunnskapen til å vurdere behovet for rettleiing og tilsyn? På bakgrunn av informasjon om regeletterleving på barnehagenivå, må barnehagemyndigheita vurdere behovet for rettleiing og tilsyn. Dette inneber at barnehagemyndigheita må kartlegge risiko for regelverksbrot ved bruk av kjelder som seier noko om regeletterlevinga (jf. spørsmål 3). Vidare må det også vurderast kva verkemiddel som er eigna for å sjå til regeletterleving. Dersom barnehagemyndigheita ikkje brukar den informasjonen om regeletterleving på barnehagenivå, vil heller ikkje dei tema som blir valde for tilsyn og retteleiing, vere i tråd med dei faktiske behova. Dette vil igjen føre til at kommunen ikkje sikrar regelverketterleving ved gjennomføring av tilsyn og rettleiing, jf. 8. Barnehagemyndigheita kontrollerer barnehagane sine årsrapportar. Kommunen har eit administrativt system der dei får god oversikt over bemanning, barn og barnegrupper. Barnehagemyndigheita utformer kompetanseplan for felles satsingsområde saman med ei eiga kvalitetsgruppe. Satsingsområde vert bestemt ut frå kva barnehagemyndigheita ser er behov og innmeldt behov frå barnehagane. I intervju med barnehagefagleg rådgjevar kjem det fram at alle nettverka jobbar etter same mal, sakliste, og referat. 10

Nettverka gjennomfører dagskurs og inviterer i tillegg alle tilsette i barnehagane på kveldskurs. Det blir skrive deltakarliste for alle som har delteke på kveldskurs. Dei ulike nettverksgruppene har mellomliggande arbeid som skal gjerast i den enkelte barnehage. Barnehagemyndigheit har tilgang til alle referata frå nettverka som vert lagra på kommunen sitt felles område. Referata vert i tillegg sendt alle styrarane. Flora kommune har utarbeidd plan for tilsyn med mål om gjennomføring annakvart år. Intervju med styrarane stadfestar at det blir gjennomført tilsyn etter fastsett plan. Det vert skrive rapport etter tilsyn som inneheld vurdering og konklusjon. Gjennom kartleggingsskjema skal kommunen skaffe seg ei oversikt over den enkelte barnehage. Konklusjon: Flora kommune har god oversikt over barnehagetilbodet. Tema for rettleiing og tilsyn er gjort på bakgrunn av felles satsingsområde og tema i kompetanseplanen. Barnehagemyndigheita gjennomfører tilsyn med alle barnehagane, og val av tema er knytt til satsingsområde som er felles for kommunale og private barnehagar i kommunen. På denne måten skaffar barnehagemyndigheita seg kunnskap til å vurdere behovet for rettleiing og/eller tilsyn. 5. Gjennomfører kommunen rettleiing og tilsyn som svarer til behovet? Behovet for rettleiing og tilsyn er omtala i kontrollspørsmål 3 og 4. Desse spørsmåla handlar om at kommunen som barnehagemyndigheit skaffar seg tilstrekkeleg kunnskap om barnehagane og på bakgrunn av dette vurderer behovet. Dersom desse to trinna blir gjennomført, vil kommunen ha eit bilete av kvar regelverketterlevinga eventuelt er mangelfull (risikovurdering). På bakgrunn av denne informasjonen, må barnehagemyndigheita bruke verkemidla sine (rettleiing og tilsyn). Dersom ikkje verkemidla blir brukt i tråd med det behovet som er kartlagt, oppfyller ikkje kommunen som barnehagemyndigheit plikta si til å sjå til regelverketterleving, jf. 8. Barnehage fagleg rådgjevar deltek fast på nettverksmøte med styrarane, og melder inn aktuelle saker til møta knytt til lovendringar, presiseringar og satsingsområde til kommunen. Barnehagemyndigheita tilbyr kurs og kompetanseheving for alle tilsette i kommunale og private barnehagar. Intervju med tilsette i barnehagane bekrefta at Flora kommune har tilbydd kurs og seminar med aktuelle tema knytt til barnehagelova 22. Alle som deltek på kurs blir registrerte ved oppmøte. 11

Barnehagemyndigheita har gjennomført tilsyn med kommunale og private barnehagar og det er skive rapport som er sendt barnehagane. Konklusjon: Barnehagemyndigheita rettleier om aktuelle tema i nettverksmøte med styrarane og tilbyr kurs og kompetanseheving for alle tilsette. Barnehagemyndigheita gjennomfører tilsyn med alle barnehagane med tema knytt til felles satsingsområde. Fylkesmannen finn det godtgjort at kommunen gjennomfører rettleiing og tilsyn som svarer til behovet. 6. Er kommunen si rettleiing og tilsyn basert på rett lovforståing av lovgrunnlaget For at kommunen som barnehagemyndigheit skal oppfylle si plikt i å sjå til regelverketterleving, må kommunen syte for å ha rett forståing av regelverket. Det gjeld også når det blir gitt pålegg om retting av ulovlege forhold, jf. 16. Flora kommune har utarbeida årshjul for oppgåver og ansvar for barnehagemyndigheita. I årshjulet viser dei til fleire av paragrafane i barnehagelova. Kartleggingsskjema er forankra i aktuelle lovkrav i barnehagelova og blir nytta på kvar enkelt barnehage, inkludert dei private. Kontrollskjema nytta i tilsyn er forankra i aktuelle lovkrav i barnehagelova. Konklusjon: Fylkesmannen finn det godtgjort at rettleiing og/eller tilsyn er basert på rett lovforståing av lovgrunnlaget. 7. Vurderer og konkluderer kommunen på lovleg / ikkje lovleg i tilsynet? For å sjå til regelverketterleving med tilsyn som verkemiddel, må barnehagemyndigheita vurdere forholda i barehagen opp mot aktuelle lovkrav og konkludere på om tilhøva i barnehagen er i tråd med barnehagelova. Flora kommune har utarbeida mal for tilsynsrapport. Tilsynsrapporten inneheld vurdering og konklusjon etter gjennomført tilsyn. I rapporten er det informert om retten til å klage ved avdekka brot på regelverket. Konklusjon: Flora kommune vurderer og konkluderer på lovleg / ikkje lovleg i tilsynet. 8. Formidlar kommunen vurderingar og konklusjonar i tilsynet skriftleg til tilsynsobjektet? 12

Barnehagen har gjennom forvaltningsrettens ulovfest prinsipp om god forvaltningsskikk krav på å få vite kva vurderingar som er gjort i tilsynet, og kva konklusjon barnehagemyndigheita har fatta. Dette må gjerast skriftleg. Vidare har kommunen som barnehagemyndigheit plikt om å sjå til regleverketterleving. Der kommunen fattar vedtak om pålegg må vurderingar og konklusjonar om eventuelle lovbrot bli formidla skriftleg til barnehagane. Dette for å sikre at lovbrot blir retta. For at tilsyn som verkemiddel skal ha det resultat at kommunen ser til regelverketterleving, må barnehagane korrigere aktuelle lovbrot. Barnehagelova legg opp til at kommunen som barnehagemyndigheit har ein valfridom knytt til bruk av pålegg ved ulovlege tilhøve i barnehagar, jf. 16 anna ledd. Barnehagemyndigheita har ikkje valfridom i at barnehagen må rette det ulovlege tilhøvet, sjølv om kommunen ikkje ønskjer å bruke pålegg. Då må barnehagemyndigheita bruke sitt andre verkemiddel, som er rettleiing, for å få til retting. Dersom lovbrot får stå ukorrigert, ser ikkje kommunen som barnehagemyndigheit til at barnehagen har regeletterleving jf. 8. Fylkesmannen har motteke dokumentasjon på tilsynsrapportane til Sørstrand FUS barnehage, Storevatn barnehage og Brandsøy barnehage. Tilsynsrapportane inneheld vurdering og konklusjon. Ingen av tilsyna avdekka brot på regelverket. Tilsynsrapportane blir sende den enkelte barnehage. Konklusjon: Fylkesmannen finn det godtgjort at kommunen formidlar vurdering og konklusjon skriftleg til tilsynsobjektet i eigen tilsynsrapport. 3.3 Fylkesmannen sin vurdering og konklusjon Flora kommune som barnehagemyndigheit har eit likeverdig barnehagetilbod der private barnehagar får tilbod om å delta på nettverksarbeid og kompetansesatsing på lik line med dei kommunale barnehagane. Barnehagemyndigheita har eit årshjul som viser myndigheita sine oppgåver og eit eige system for kartlegging av alle barnehagane som tek utgangspunkt i lovkrava i barnehagelova. Flora kommune har ein kompetanseplan for alle tilsette i kommunale og private barnehagar. Ei eiga gruppe samansett av nokre styrarar og personar på oppvekst- og utviklingstavdelinga utformar kompetanseplan og planlegg detaljar for innhald og gjennomføring. Barnehagemyndigheita legg til rette for kompetanseheving og tilbyr kurs for alle barnehagetilsette med aktuelle tema som er felles satsingsområde. Eit av satsingane er nettverket Sårbare barn. Nettverksgruppa er samansett av pedagogiske leiarar. Ein styrar leier nettveket. Det vert skrive sakliste og referat frå møta som vert lagra på kommunen sitt felles område, i tillegg får alle styrarane det sendt på e-post. Deltakarane i nettverka skal i 13

etterkant av møta dele tema og problemstillingar i sin barnehage. Dei har og høve til å ta med seg erfaringar og problemstillingar tilbake til nettverksgruppa. Deltakarane i nettveket har fått tilbod om kurs og kompetanseheving på dagtid. Alle tilsette i barnehagane får tilbod om deler av kurset på kveldstid. Dokumentasjonen viser at tema har vore knytt til barnehagelova 22. Flora kommune har ei ressursgruppe som tilsette i barnehagane kan kontakte ved bekymring for enkelt barn. Dei kan ta opp konkrete problemstillingar med gruppa og få råd og rettleiing for vidare arbeid. Flora kommune har utarbeida system for tilsyn. Kontrollskjema i tilsyn er forankra i lovkrava i barnehagelova, også 22. Det er utarbeida mal for tilsynsrapport som viser at barnehagemyndigheita skal vurdere og konkludere på tilsyna. Barnehagemyndigheita gjennomfører tilsyn etter oppsett tilsynsplan. Fylkesmannen konkluderer ut frå dokumentasjon og intervju at Flora kommune som barnehagemyndigheit har oppfylt den plikta dei har til å «gi veiledning og påse at barnehagene drives i samsvar med gjeldende regelverk», jf. barnehagelova 8. Flora kommune ser til at barnehagane etterlever regelverket om opplysningsplikt til barnevernstenesta jf. barnehagelova 8 og 22. 4. Avslutting av tilsynet Fylkesmannen avdekka ingen brot på regelverket. Rapporten er endeleg og tilsynet blir med dette sett på som avslutta. Leikanger 07.10.2016. Bodhild Therese Cirotzki Rådgjevar Fylkesmannen i Sogn og Fjordane 14