Møteinnkalling Læringsmiljøutvalet Møtestad: Stort møterom Foss : 09.04.2014 Tidspunkt: 13:15-15:15 Aud Marie Stundal - leiar Marte Bjørnstad Andressen - nestleiar Annicken Lindseth - medlem Morten André Tryti - medlem Terje Bjelle - medlem Gunnar Yttri medlem Sissel Kvåle Ulla observatør Berit Pettersen- observatør De blir med dette kalla med inn til møte i LMU onsdag 9. april kl. 13.15. Eventuelle forfall skal meldast til sekretæren for utvalet, Tove Takvam Uglum. Sakskart Saksnr VS 14/7 VS 14/8 VS 14/9 VS 14/10 VS 14/11 OS 14/12 VS 14/13 Innhald Godkjenning av innkalling og sakliste Godkjenning av referat frå møtet 12.02.14 Oppfølging av Tett på-konferansen 2014 Kurs i studie- og eksamensmestring Plan for rusførebyggjande arbeid hjå studentane Orienteringssaker Ymse Med helsing Tove Takvam Uglum Sekretær
VS 14/7 Godkjenning av innkalling og sakliste VS 14/8 Godkjenning av referat frå førre møte (Referat sendt på e-post 14. mars.)
14/9 Læringsmiljøutvalet 09.04.2014 Oppfølging av Tett på-konferansen 2014 Saka blir lagt fram til drøfting. Saksvedlegg E-post frå student Ragna Staven Saksframstilling Tema for årets konferanse 7. mars var psykisk helse. Det var gode diskusjonar rundt temaet. Studiestart blei mykje diskutert, både innhald i faddervekene, og kva ein fagleg kan gjere for å inkludere alle i klassane. Det er ikkje laga nokon oppsummering etter gruppe- og plenumsdiskusjonane. Det var i år eit misforhold mellom studentar og tilsette på konferansen, med nær dobbelt så mange tilsette som studentar. Som ei oppfølging av konferansen, har Ragna Staven, styremedlem i Studentparlamentet, spelt inn til leiar i LMU at HiSF bør markere Verdsdagen for psykisk helse 10. oktober 2014. Årets tema er «Se hverandre - senk skuldrene». Vurdering Læringsmiljøutvalet blir invitert til å drøfte korleis innspela og diskusjonane på konferansen skal takast vidare, og kva som kan gjerast for å få fleire studentar til å delta på neste års konferanse. Utvalet blir også bedt om å diskutere innspelet om å markere Verdsdagen for psykisk helse.
14/10 Læringsmiljøutvalet 09.04.2014 Kurs i studie- og eksamensmestring Saka blir lagt fram til drøfting. Saksvedlegg Presentasjonsmateriell frå dei to kursa. Saksframstilling I vår tilbyr SISOF v/ Berit Pettersen, i samarbeid med Hege Fimreite på ALI, to kurs for studentane: Studiemestringskurs og eksamensmestringskurs. Kursa har eit omfang på 3 timar, og har stort fokus på det mentale. Studentrådgivar i SISOF, Berit Pettersen, har spelt inn at desse kursa kan blitt tilbydd studentane i etterkant av studiestart, og at timeplanlegginga tar omsyn til tidspunkt for kursa, slik at flest mogleg kan delta. Vurdering Læringsmiljøutvalet blir invitert til å drøfte innspelet.
14/11 Læringsmiljøutvalet 09.04.2014 Rusførebyggjande arbeid hjå studentane Saka blir lagt fram til drøfting. Saksvedlegg Rapport frå Universell: «Rusforebyggende arbeid blant studenter» Saksframstilling I 2013 ga Universell ut rapporten «Rusforebyggende arbeid blant studenter». Formålet med rapporten er at den skal gi Læringsmiljøutvala eit rammeverk i det rusførebyggjande arbeidet. Vurdering Læringsmiljøutvalet blir invitert til å drøfte om HiSF skal lage ein eigen plan for rusførebyggjande arbeid hjå studentane. Viss utvalet meiner at HiSF skal ha ein slik plan, blir det sett ned eit utval som skal jobbe vidare med dette fram til neste møte i LMU.
14/12 Læringsmiljøutvalet 09.04.2014 Orienteringssaker LMU tek orienteringssakene til vitande. Saker til orientering: 1. Det kjem fleire klager knytt til bygg (ventilasjon/kuldeproblematikk) enn før, gjennom Sei ifrå. Driftsleiar John Ove Berge ser det som positivt at meldesystemet blir brukt. I møte med ressursgruppa tok han opp om HiSF aktivt bør informere om status og tiltak som blir gjort i høve dette. 2. Studentorganisasjonen FO har kome med innspel til HiSF om universell utforming av Fossbygget, og peikar mellom anna på høge dørtersklar og manglande tilrettelegging for rullestolbrukar i F300. 3. Biblioteket opplever framleis at det er mykje bos i døgnopen sone. Det er plassert eit par bosbøtter i gangen, men ikkje på dei ulike romma. 4. Biblioteket og Studenttorget får mange spørsmål om plakatoppheng, og det heng stadig vekk plakatar i heis og på søyler rundt omkring i Høgskulebygget. Det er for lite plass til oppslag i 5. etg. Arbeidsgruppa for utforming av estetiske retningslinjer for Høgskulebygget arbeider med dette. 5. Det er framleis ein utfordring å få studentane til å søkje informasjon på hisf.no. Nye nettsider er under arbeid, og eitt av måla med dei er nettopp å få studentane til å nytte hisf.no i større grad enn i dag. 6. Retningslinjer mot seksuell trakassering (sjå vedlegg) 7. Forslaga til endringar i Handlingsplan for studentar med nedsett funksjonsevne er no tatt inn, og planen er lagt ut på hisf.no.