Rammeavtale Om levering av entreprenørtenester mellom Lindås kommune og 1. Partane sine representantar Oppdragsgjevar: Leverandør: Lindås kommune [Lindås kommune sin representant] [Namn på leverandør] [Leverandørens representant] 2. Rammeavtaledokumenta Følgjande dokument inngår i rammeavtalen: Dokument Ja Nei Bilag 1 Kravspesifikasjon Bilag 2 Leverandørens løysingsforslag Bilag 3 Administrative vilkår Bilag 4 Pris- og betalingsvilkår Bilag 4a Prisskjema Bilag 5 Endringar i rammeavtaleteksten Bilag 6 Endringar etter avtaleinngåinga Dersom det oppstår motstrid mellom denne generelle rammeavtaleteksten og den enkelte tildelte kontrakt med bilag innanfor rammeavtalen, går den enkelte tildelingskontrakt med bilag framfor den generelle rammeavtaleteksten med bilag, med mindre noko anna er uttrykkeleg presisert i den enkelte tildelingskontrakt. Ved motstrid mellom rammeavtaleteksten og bilaga til denne, skal følgjande tolkingsprinsipp leggast til grunn: 1. Bilag 1 går føre rammeavtalen med bilag 2. Bilag 5 går føre den generelle avtaleteksten og bilag 1 til 4a 3. Bilag 6 går føre den generelle avtaleteksten og bilag 1 til 5 Elles gjeld prinsippet om at spesielle kontraktsvilkår går føre generelle og nyare kontraktsvilkår går føre eldre.
3. Tildeling av oppdrag på rammeavtalen 3.1 Generelle kontraktvilkår Som generelle kontraktvilkår på enkeltoppdrag gjeld NS 8406 Forenklet norsk bygge- og anleggskontrakt, med dei tillegg og presiseringar som går fram i denne kontrakten. 3.2 Tildeling av oppdrag a) Der oppdragsgivar ber om kostnadsoverslag basert på rammeavtalen skal entreprenøren forplikte seg til å gi skriftlig pristilbod. b) Dersom Leverandørens ikkje responderer innan kravet som er satt til responstid har Oppdragsgivar rett til å kontakte og nytte andre leverandørar for det aktuelle oppdraget, dette gjeld i særlig grad ved akutte behov. Entreprenøren skal alltid varslast i slike tilfelle. c) Dersom Leverandøren ved førespurnad om enkeltoppdrag ikkje kan oppfylle særskilte krav/behov, vil Oppdragsgivar ta atterhald om retten til å kunne inngå avtalar om enkeltoppdrag med andre leverandørar. d) Leverandøren er bunden til å nytte einingsprisane som går fram av prisskjemaet gjennom heile avtaleperioden. Prisane kan ikkje endrast ut over avtalt indeksjustering. 4. Leveranse 4.1 Leveringsstad Rammeavtalen gjeld levering av entreprenørtenester i Lindås kommune. 4.2 Utstyr og godkjenningar Leverandøren held sjølv alt naudsynt utstyr. Ved arbeid på offentleg veg må Leverandør ha personell som har gjennomført arbeidsvarslingskurs nivå 2 (kurs for ansvarshavande). Maskingodkjenning førarkort etc. skal føreligge ved rammeavtaleinngåing. 5. Andre plikter for leverandøren 5.1 Lover og forskrifter. Leveransen skal vere i samsvar med krav stilt i dei til ei kvar tid gjeldande lover og forskrifter. 5.2 Kvalitetskontroll. Oppdragsgjevar har rett til å foreta kvalitetskontroll. Leverandør pliktar å hjelpe til med slik kontroll utan kostnadar for oppdragsgjevar. 5.3 Beredskap Leverandøren er forplikta til å vere tilgjengeleg på vakttelefon for Oppdragsgjevar heile døgnet. Bestilling av oppdrag utanom vanleg arbeidstid er berre aktuelt i samband med akutte hendingar.
5.4 Ansvar for skadar og plikt til å holde ansvarsforsikring Leverandør/underleverandør har sjølv ansvar for eventuelle skadar som han påfører seg sjølv, maskiner eller innleidd mannskap under utføring av oppdrag på rammeavtalen Leverandøren er ansvarleg overfor skadar som vert påført tredjemann. Leverandøren pliktar å halde ansvarsforsikring. Forsikringsbevis skal leggast fram seinast 14 dagar etter avtalesignering. 6. Tidslengd 6.1 Avtaleperiode Kontrakten skal ha ei lengd på 2 år, med opsjon for Oppdragsgjevar til å forlenge kontrakten ein eller fleire gonger i inntil ytterlegare 2 år, totalt maksimalt 4 år. 7 Pris og betaling 7.2 Fakturering Faktura sendast ved behov og etter at enkeltprosjekta er ferdig. Fakturainformasjon går fram av rammeavtalens Bilag 4 Pris og betalingsvilkår 8 Kven som skal gjennomføre oppdrag under rammeavtalen 8.1 Overdraging av plikter Leverandøren kan ikkje overdra forpliktinga i forhold til denne rammeavtalen til andre. 8.2 Endringar i leverandøren si verksemd Alle endringar som kan ha noko å seie for rammeavtalen, for eksempel leverandørens organisasjonsform, overdraging av verksemda og liknande, skal på førehand meldast Oppdragsgjevar. Dersom endringane ikkje er meldt, eller Oppdragsgjevar etter melding kommer til at endringa ikkje kan godkjennast, vil forholdet kunne danne grunnlag for oppseiing av avtalen. 8.3 Bruk av underleverandørar Oppstår det ein situasjon som gjer at leverandøren må leige andre til å utføre Oppdrag, er det leverandøren sitt ansvar at arbeidet vert utført i samsvar med vilkåra i rammeavtalen. Det kan berre nyttast underleverandørar som på førehand er godkjent av Oppdragsgjevar. 9 Særlege vilkår ved kommunesamanslåing 9.1 Hevingsrett Oppdragsgjevar tek atterhald om retten til å heve Rammeavtalen dersom det i løpet av avtaleperioden blir gjennomført ei kommunesamanslåing med ein eller fleire kommunar. 9.2 Overdraging av rammeavtalen Oppdragsgjevar vil ved ein eventuell kommunesamanslåing ta atterhald om retten til å overdra rettar og plikter etter Rammeavtalen til nyoppretta kommune, så lenge dette ikkje medfører ei vesentleg endring av avtalen.
10 Kontroll og sanksjon knytt til lønns- og arbeidsvilkår Leverandøren skal sørgje for at tilsette i eigen organisasjon og tilsette hos eventuelle underleverandørar ikkje har dårlegare lønns- og arbeidsforhold enn det som følgjer av tariffavtalar, regulativ eller det som er normalt for vedkommande stad og yrke. Dette gjeld berre for tilsette som direkte medverkar til oppfyllinga av rammeavtalen. Leiaren av verksemda er ansvarleg for at regelen blir overhalden. Alle avtalar leverandøren inngår som inneber utføring av arbeid under denne rammeavtalen skal innehalde tilsvarande føresegner. Leverandøren skal etter oppmoding leggje fram dokumentasjon for dei lønns- og arbeidsvilkår som blir nytta. Dokumentasjonsplikta omfattar også underleverandørar. Dersom leverandøren ikkje overheld klausulen, eller dersom leverandøren let vere å etterkomme Oppdragsgjevars krav på dokumentasjon for at klausulen er overhalden, har Oppdragsgjevaren rett til å halde tilbake deler av kontraktsummen til det er dokumentert at forholdet er i orden. 11 Misleghald og kontroll 11.1 Forseinking Det føreligg forseinking dersom Oppdrag ikkje er utført til avtalt tid. Gjentekne forseinkingar i tildelte oppdrag av ikkje ubetydelig omfang vil reknast som eit vesentleg misleghald av rammeavtalen. 11.2 Manglar Det føreligg mangel dersom den avtalte utført Oppdrag ikkje er i samsvar med avtalt krav til yting. Dersom Leverandør ikkje innan rimeleg tid rettar mangelen kan dette reknast som eit vesentleg misleghald av kontrakten. Dette føreset at mangelen ikkje er av utbetydelig omfang. 11.3 Oppdragsgjevars undersøkingsplikt Oppdragsgjevar har tilgang til å foreta kontroll/stikkprøver for å kontrollere om det føreligg forseinkingar eller manglar. 11.4 Plikt til å foreta retting Ved mangelfull utført Oppdrag plikter leverandøren å utbetre arbeidet slik at resultatet er i samsvar med krava i rammeavtalen. 11.5 Konkurs Dersom leverandøren går konkurs fell rammeavtalen automatisk bort. Leverandøren sitt konkursbu kan såleis ikkje tre inn i rammeavtalen. 11.6 Heving Kvar av partane har rett til å heve avtalen dersom den andre part vesentleg mislegheld sine plikter etter rammeavtalen. Før heving skjer, skal det gjevast ein rimeleg frist til å rette på forholdet. Den part som rettmessig hever kontrakten kan krevje erstatning for tap han vert påført som følgje av at avtalen vert heva. 12 Tvistar, lovval og verneting
Kontraktforholdet vert regulert av norsk rett. Eventuelle tvistar kan bringast inn for dei ordinære domstolar, med Nordhordland tingrett som verneting. Sjølv om det har oppstått tvist, fritek dette ikkje partane frå å oppfylle kontrakten. 13 Avslutning Avtalen vert utsteda i to eksemplar. Kvar av partane beheld eit eksemplar. Knarvik, den Lindås kommune Leverandør
Bilag 5 Endringar i den generelle rammeavtaleteksten med bilag Utfylling av bilag 5 vert gjort i samband med ferdiggjering av kontrakt etter at Leverandøren har blitt tildelt rammeavtale.
Bilag 6 Endringar i den generelle rammeavtaleteksten med bilag etter rammeavtaleinngåing Vert nytta ved seinare endringar til rammeavtalen