Alminnelege innkjøpsvilkår for. Voss kommune

Transkript

1 Voss kommune Vedlegg A Vedlegg A Alminnelege innkjøpsvilkår for Voss kommune Desse alminnelege innkjøpsvilkåra utgjer ein del av rammeavtalen. Eventuelle avvikande leveringsvilkår er utan verknad for leveransen om ikkje Kunden skriftleg har godteke dei. Revisjon / KØ

2 1. DOKUMENTRANG Dersom bestillingsdokumenta inneheld føresegner som strir mot einannan, skal dokumenta gjelda i denne rekkjefølgja: Bestillingsblankett, rekvisisjon eller liknande Spesielle kontraktvilkår Alminnelege innkjøpsvilkår Tekniske spesifikasjonar og kravformuleringar Teikningar Den vidare dokumentrangen er: Tilbodsinnbydinga / førespurnaden med tilhøyrande tilbodsgrunnlag Tilbodet 2. LEVERING 2.1 Mottak Levering skal reknast for å ha skjedd når materiellet er motteke til avtalt tid og stad, mottakskontroll er utført og faktura motteken og godkjent. Saman med levering av materiellet skal det følgja naudsynte instruksjonar for drift og vedlikehald og annan dokumentasjon som måtte vera avtalt i bestillinga. Dokumentasjonen skal vera på norsk dersom ikkje anna er avtalt. Kunden er forplikta til utan ugrunna opphald etter mottaket å kontrollera at leveransen er i samsvar med bestillinga. Levering skal ikkje skje tidlegare enn avtalt med mindre Kunden skriftleg gjer løyve til det. 2.2 Avvising Dersom ein finn at leveransen eller delar av den har ein vesentleg mangel, har kjøparen rett til å avvisa den eller dei mangelfulle delane ved straks å gje Leverandøren skriftleg melding om dette. Den avviste delen av leveransen vert å sjå på som om levering ikkje har skjedd. Dersom leveransen ikkje vert avvist får reglane i pkt. 7.5 verknad overfor den mangelfulle delen av leveransen. 2.3 Forseinka levering Leverandøren har plikt til å gjere det som kan gjerast for å levera i rett tid. Dersom leverandøren forstår eller har grunn til å forstå at levering at leveringa vil bli forseinka, skal han straks gje skriftleg melding til kjøparen om når han trur leveransen kan skje samt ei 2

3 grunngjeving for forseinking. 2.4 Manglande levering Manglande levering frå underleverandør fritek ikkje Leverandøren frå ansvar med mindre den manglande leveringa skuldast force majeure hjå underleverandøren. 2.5 Leveringsklausul Leveringsklausular skal tolkast i samsvar med føresegnene i kjøpslova og elles i samsvar med Incoterms 2000 utgitt av International Chamber of Commerce. Når ikkje anna er avtalt, gjeld leveringsvilkåret DDP på spesifisert leveringsstad. I denne leveransen skal leverandøren stå ansvarleg for installasjon av utstyret og har dermed ansvaret fullt ut til det er installert. 3. PARTANE SINE PLIKTER 3.1 Møter Dersom ein part finn naudsynt, kan parten med minst 3 (tre) verkedagars varsel innkalle til møte med den annan part for å drøfte avtaleforholdet og måten avtaleforholdet vert gjennomført på. 3.2 Ansvar for underleverandørar Dersom ein av partane engasjerar tredjepart eller underleverandør, er parten fullt ansvarleg for utføringa av oppgåvene som om parten sjølv stod for utføringa. 3.3 Risiko og ansvar for kommunikasjon og dokumentasjon Begge partar skal sørgje for forsvarleg kommunikasjon, oppbevaring og sikkerhetskopiering av dokumenter og anna materiale av betyding for avtalen uansett, herunder e-post og anna elektronisk lagra materiale. Leverandøren har risikoen og ansvaret for alt materiale uansett form, som vert skada eller øydelagt mens det er under Leverandøren sin kontroll. 3.4 Teieplikt Teiepliktføresegnene i lov om behandlingsmåten i forvaltningssakar 10. februar 1967 (forvaltningslova) kjem til bruk for partane og eventuelle underleverandørar. Eigenfråsegn om teieplikt skal underteiknast dersom det er naudsynt. Det skal her framkome kva opplysningar som vert omfatta av teieplikta og korleis denne vert ivareteken. Tilsette eller andre som trer ut av teneste hos ein av partane, skal påleggjast teieplikt etter opphøyrt arbeidsforhold. Teieplikt gjeld og etter opphør av avtalen. 3

4 4. VEDERLAG OG BETALINGSVILKÅR 4.1 Fast pris Dersom ikkje anna er avtalt er prisen fast og eksklusiv meirverdiavgift, men inkluderar emballasje, toll, skattar og andre avgifter. Vert skatte- og avgiftsføresegnene endra på ein måte som verkar inn på prisen, skal denne endrast tilsvarande. Leverandøren skal ikkje ha noko form for gebyr i tillegg til prisen, anna enn offentlege avgifter. 4.2 Andre ytingar Kunden betalar ikkje for ytingar og kvanta utover det bestillinga omfattar utan at desse og prisen for dei er skriftleg godkjend av Kunden. 4.3 Prisjustering Prisen skal vere fast i eitt (1) år med mindre anna er avtalt. Deretter har Leverandøren høve til å rette førespurnad til Kunden om prisjustering. Alle prisendringar skal godkjennast av Kunden. 4.4 Fakturering og betaling Betalingsfrist skal vere 30 dagar, etter at både leveranse og faktura med avtalte bilag er mottekne, dersom ikkje andre betalingsvilkår er avtalt. Betaling inneber ingen godkjenning av leveransen. Betaling er å sjå på som gjennomført den dagen Kunden har innlevert betalingsoppfordring til bank/post. Leverandøren sine faktura skal spesifiserast og dokumenterast slik at Kunden enkelt kan kontrollere at avtalt vederlag vert overhaldt. 4.5 Forseinkingsrente Viss Kunden ikkje betalar til avtalt tid, har Leverandøren krav på rente av det beløp som er fortalt til betaling, jf. Lov om renter ved forsinket betaling m.m. av 17. desember 1979 nr Betalingsmishald Viss forfalle vederlag med tillegg av forseinkingsrente ikkje er betalt innan 30 (tretti) kalenderdagar frå forfall, kan Leverandøren sende skriftleg varsel til Kunden om at avtalen vil bli heva dersom oppgjer ikkje er skjedd innan 60 (seksti) kalenderdagar etter at varselet er motteke. Heving kan ikkje skje viss Kunden gjer opp forfalle vederlag med tillegg av forseinkingsrenter innan utløp av fristen. 4

5 5. SANKSJONAR VED MISLEGHALD 5.1 Tilbakehald av betaling Ved misleghald kan Kunden halde betaling tilbake, men ikkje meir enn det som misleghaldet utgjer av det samla vederlaget. 5.2 Dagbot ved forseinking Ved forseinka levering som ikkje skuldast Kunden eller som ikkje kjem inn under force majeure, kan Kunden krevja inn dagsmulkt (konvensjonalbot) utan dokumentasjon av tap ver forseinkinga. Dagsmulkta skal, med mindre anna er avtalt, utgjere 0,5 % pr. kvardag etter avtalt leveringstid, rekna av den avtalte prisen som knytt seg til den delen av leveransen som på grunn av forseinkinga ikkje kan takast i bruk som føresett. Med pris forstår ein i denne samanheng grunnpris med alle avtalte tillegg og frådrag. Dagsmulkta skal. med mindre anna er avtalt, avgrensast til 15 % av den del av prisen som dekkjer den delen av leveransen som ikkje kan takast i bruk som føresett. Avgrensa nedover til kr 500,- pr. døgn. 5.3 Prisavslag Dersom det ikkje har lukkast Leverandøren å avhjelpe ein mangel, kan Kunden krevje forholdsmessig avslag i kontraktsummen. Prisavslag er kompensasjon for redusert verdi av levert vare og kjem i tillegg til ein eventuell erstatning. 5.4 Heving Ved vesentleg misleghald av kontrakten frå leverandøren si side, kan kjøpar heve kontrakten med omgåande verknad. Kunden kan heve heile eller delar av avtalen dersom levering er vesentleg forseinka. Vesentleg forseinking føreligg når levering ikkje er skjedd når maksimal dagbot er nådd, eller innan utløp av ein eventuell tilleggsfrist. 5.6 Erstatning Kunden kan krevje erstatta eitkvart sannsynleggjort tap som rimelegvis kan tilbakeførast til forseinking, mangel eller anna misleghald frå Leverandøren si side. Erstatninga skal omfatta Kunden sitt direkte tap. Tap som skuldast meirarbeid og andre kostnadar eller utlegg Kunden er påført ved misleghaldet vert rekna som direkte tap. Dagbøter kjem til frådrag i erstatninga. 5.7 Erstatningsavgrensing Erstatning for indirekte tap kan ikkje krevjast. Tap forteneste, tapt omsetning og tapt forventa besparing vert rekna som indirekte tap. 5

6 Erstatninga er avgrensa til eit beløp som tilsvarar avtalt vederlag ekskl. meirverdiavgift eller eit avtalt øvre estimat. Har Leverandøren eller nokon denne svarar for, utvist grov aktløyse eller forsett, gjeld ikkje dei nemnde erstatningsavgrensingane. 6. MISLEGHALD FRÅ KUNDEN SI SIDE 6.1 Kva er misleghald Det føreligg misleghald frå Kunden si side viss Kunden ikkje oppfyller sine plikter etter avtalen. Det føreligg likevel ikkje misleghald viss situasjonen skuldast forhold på Leverandøren si side, eller forhold som går under force majeure. Leverandøren skal reklamere skriftleg utan ugrunna opphald etter at misleghaldet er oppdaga eller burde vert oppdaga. 6.2 Varslingsplikt Dersom Kunden ikkje kan ta imot den bestilte vara til avtalt tid, skal Kunden straks gje Leverandøren varsel om dette. Varselet skal innehalde årsak til problemet og så vidt mogleg oppgje når Kunden igjen kan overhalde avtalt plikt. 6.3 Avgrensing av Leverandøren sin tilbakehaldsrett Leverandøren kan ikkje halde tilbake levering som følgje av Kunden sitt misleghald. 6.4 Erstatning Leverandøren kan krevje erstatta eitkvart sannsynleggjort tap som rimelegvis kan tilbakeførast til forseinking, mangel eller anna misleghald frå Kunden si side. Erstatningsavgrensinga i punkt 5.7 gjeld tilsvarande. Betalte forseinkingsrenter kjem til frådrag i erstatninga. 7. LEVERANDØREN SINE PLIKTER 7.1 Bruk av underleverandør Leverandøren skal oppgje underleverandørar i tilbodet. Eventuell ny underleverandør skal godkjennast av Kunden. Samtykke til skifte av underleverandør eller engasjement av ny underleverandør kan ikkje nektast utan sakleg grunn. Som underleveransar etter 6

7 dette punktet vert ikkje rekna innkjøp av handelsvarer og merkevarer, samt standard delar eller komponentar. 7.2 Bruk av tredjepart Leverandøren kan ikkje overføra nokon del av sine rettar eller plikter under denne kontrakten til tredjepart utan skriftleg godkjenning frå den andre parten. Her vil vi spesielt presisera factoringavtalar. 7.3 Kvalitet Leverandøren er ansvarleg for at dei varer og tenester som vert levert er i samsvar med bestillinga, og Kunden har for eigen rekning og etter rimeleg varsel høve til å inspisera og kontrollera at dette er tilfelle. Dersom ein leveranse eller del av ein leveranse ikkje tilfredsstiller dei krav og vilkår som er fastsett i bestillinga, kan Kunden tilbakevisa eller vraka leveransen eller delar av den. Kvalitetskontroll og godkjenning frå Kunden si side fritek ikkje Leverandøren for dei plikter Leverandøren har påteke seg med tilvising til bestillinga. Manglande kvalitetskontroll frå Kunden si side medfører ingen reduksjon av rettane hans. 7.4 Reklame Leverandøren må innhenta godkjenning på førehand frå Kunden dersom leverandøren for reklameformål eller på annan måte ønskjer å gje offentleg informasjon om bestillinga ut over å oppgje leveransen som generell referanse. 7.5 Ansvar for feil og manglar Dersom ikkje anna er avtalt i bestillinga tek Leverandøren på seg, i dei første 12 månadene etter at leveransen er motteken, ansvar for feil og manglar som måtte verta påvist ved det materiellet som leveransen omfattar. Leverandøren vil i denne garantitida snarast mogleg og for eigen rekning byta ut defekte delar eller reparera materiellet slik at det som er levert er utan feil og manglar av noko slag. Garantitida som nemnt skal likevel ikkje vera kortare enn den som er vanlig for produktet ved løpande tilverking for alminneleg sal. Denne garantien omfattar berre feil som oppstår ved riktig lagring og bruk av materiellet om som ikkje skuldast normal slitasje. For delar som er skifta ut eller reparert med tilvising til dette punktet tek Leverandøren på seg dei same pliktane som for det opphavlege materiellet rekna frå det tidspunktet reparasjonen eller utskiftinga er føreteken. Leverandøren sitt ansvar skal likevel ikkje vare ut over 24 månader etter at det første garantiarbeidet er avslutta på vedkommande del. Dersom Leverandøren ikkje innan rimeleg tid gjer det som er naudsynt for å avhjelpa mangelen har Kunden rett til å heva kjøpet dersom mangelen har mykje å seia for oppfylling av avtalen. Dersom avtalen ikkje vert heva eller dersom manglane ikkje er 7

8 vesentlege, kan Kunden enten utbetra mangelen for leverandøren si rekning og risiko eller krevja prisavslag. 8. OPPSEIING Dersom det skulle bli naudsynt, kan Kunden skriftleg seie opp kontrakten heilt eller delvis. Slik oppseiing skal grunngjevast, og skal setje opphøyrsdato og korleis Leverandøren skal stille seg i samband med oppseiinga. Dersom oppseiinga ikkje skuldast misleghald frå Leverandøren si side, som gir Kunden rett til å heve kjøpet, skal Kunden innan rimeleg tid betale ein høvesvis del av avtalt kjøpesum, til dømes for alt utført arbeid, materiale, administrasjon, og vinst på den del av leveransen som er utført. Kunden skal og dekkje påviselege kostnader og tap som Leverandøren er påført som følgje av oppseiinga. Den del av leveransen som inngår i oppgjeret, men ikkje er levert, skal overleverast til Kunden etter kontrakten sine andre vilkår, når endeleg oppgjer er fastsett. Vederlag, eventuelt à konto oppgjer til Leverandøren under dette vilkåret, skal søkjast fastsett ved forhandling, men det skal ikkje overstige den prisen som er avtalt i kontrakten. Dersom Leverandøren ikkje treff rimelege tiltak for å avgrense kostnadene ved oppseiinga, skal det endelege vederlaget reduserast tilsvarande. 9. ANDRE FØRESEGNER 9.1 Forsikring Leverandøren pliktar å teikne forsikringar som er tilstrekkeleg til å dekkje eitkvart krav frå Kunden som følgjer av Leverandøren sin risiko eller ansvar etter denne avtalen innanfor ramma av alminnelege forsikringsvilkår. Denne forpliktinga er oppfylt dersom Leverandøren teiknar ansvars- og risikoforsikring på vilkår som er ordinære innanfor norsk forsikringsverksemd. 9.2 Konkurs, akkord eller liknande Viss det i samband med Leverandøren si verksemd vert opna gjeldsforhandlingar, akkord eller konkurs eller annan form for kredittstyring gjer seg gjeldande, har Kunden rett til å heve avtalen med omgåande verknad. 9.3 Overdraging av rettar og plikter Leverandøren kan overdra sine rettar og plikter etter avtalen med skriftleg samtykke frå Kunden. Dette gjeld og viss Leverandøren vert slått saman med eit anna selskap, delt i fleire selskap eller viss overdraginga skjer til eit dotterselskap. Viss Kunden ikkje 8

9 samtykker til overdraginga, kan avtalen seiast opp med minimum tretti kalenderdagars skriftleg varsel. 9.4 Force majeure Skulle det inntreffe ein ekstraordinær situasjon som ligg utanfor partane sin kontroll som gjer det umogleg å oppfylle plikter etter denne avtalen og som etter norsk rett må reknast som force majeure, skal motparten varslast om dette så raskt som mogleg. Den ramma part sine forpliktingar vert suspendert så lenge den ekstraordinære situasjonen varar. Den andre part sine motytingar vert suspendert i same tidsrom. Motparten kan i force majeure-situasjonar berre heve avtalen med den ramma part sitt samtykke, eller viss situasjonen varer eller vert vurdert til vare lenge enn 90 (nitti) kalenderdagar rekna frå det tidspunkt situasjonen trer inn, og då berre med 15 (femten) kalenderdagars varsel. 10. TVISTAR 10.1 Rettsval Partane sine retter og plikter etter denne avtalen vert bestemt av norsk rett Forhandlingar Dersom det oppstår tvist mellom partane om tolking eller rettsverknad av avtalen, skal tvisten først søkjast løyst gjennom forhandlingar Mekling Dersom det oppstår ein tvist i denne avtalen som ikkje vært løyst etter forhandlingar, kan partane forsøke å løyse tvisten ved mekling. Partane kan velje å leggje til grunn Den Norske Advokatforening sine reglar for mekling ved advokat, eventuelt modifisert slik partane ønskjer. Det vert føresett at partane er einige om ein meklar med den kompetanse partane meinar passer best med i forhold til tvisten. Nærare framgangsmåte for mekling vert bestemt av meklaren, i samråd med partane Domstol- eller skilsdom Dersom tvisten ikkje vert løyst ved forhandlingar eller mekling, kan kvar av partane forlange tvisten avgjort med endeleg verknad ved norske domstolar eller ved skilsdom (voldgift). At ein tvist vert lagt til avgjerd for domstol eller ved skilsdom, fritek i seg sjølv ikkje partane frå å oppfylle pliktane sine etter kontrakten. Nordhordland tingrett er verneting dersom partane ikkje vert samde om annan stad. 9

10 Partane kan alternativt avtale at tvisten vert avgjort med endeleg verknad ved skilsdom i Noreg. Kvar av partane skal oppnemne ein skilsdommar. Dei partoppnemnte skilsdommarane skal innan 1 (ein) månad deretter oppnemne skilsretten sitt tredje medlem, som er skilsretten sin leiar. For øvrig skal reglane i lov om skilsdom av 14. mai 2004 nr. 25 (Voldgiftsloven) følgjast. *** 10