HORDALAND FYLKESKOMMUNE Samferdselsavdelinga Arkivsak 200907758-35 Arkivnr. 812 Saksh. Støle, Øivind Saksgang Samferdselsutvalet Fylkesutvalet Fylkestinget Møtedato 05.10.2011 13.10.2011 18.10.2011 DRIFTS- OG VEDLIKEHALDSSTRATEGI FOR FYLKESVEGNETTET I HORDALAND (2012-2021) SAMANDRAG Fylkesrådmannen legg med dette fram utsett sak om drifts- og vedlikehaldsstrategi. Saka var opphavleg lagt fram for samferdselsutvalet i februar 2011, men vart utsett på bakgrunn av at ein ville avvente resultat av Statens vegvesen si kartlegging av forfallet på fylkesvegnettet i Hordaland. I tillegg vart det signalisert ønske om nokre justeringar av strategiforslaget. Fylkesrådmannen har forsøkt å ta omsyn til signala i denne saka, og det er derfor ein revidert drifts- og vedlikehaldsstrategi som vert lagt fram. Arbeidet med drifts- og vedlikehaldsstrategien har vore gjennomført i samarbeid med Statens vegvesen. Samferdselsutvalet har vore politisk styringsgruppe for arbeidet, og har vore orientert undervegs i prosessen. Bransjeorganisasjonar for entreprenørane og entreprenørar med kontrakt på vegnettet i Hordaland har fått høve til å uttale seg i prosessen. I vedlagte utkast til strategi er følgjande målsetjingar lagt til grunn: Mål 2021 A. Sikre drift av fylkesvegnettet med betre forhold for trafikktryggleik, framkomst og miljø, med høgare grad av kostnadseffektivitet enn i dag. B. Sikre reduksjon av forfallet på vegnettet samanlikna med 2011-nivået (3 mrd kroner). Mål 2017 A. Sikre at kontraktsgrunnlaget for driftskontraktane vert vidareutvikla, slik at dei reelle behova vert lagt til grunn og at framtidige driftskontraktar vert prissett så riktig som mogleg. B. Sikre at kunnskapsgrunnlaget om verknader av ulike kontraktstyper og -formar vert utvikla, slik at nye kontraktar vert betre og meir kostnadseffektive. C. Stoppe veksten i forfallet på vegnettet. Til grunn for dei målsetjingane som er sett opp, ligg ein omtale av status og utfordringar på vegnettet. I forlenginga av dette er det sett opp forslag til tiltak som kan bøte på dei behova som er dokumentert og bidra til å nå dei definerte målsetjingane.
Følgjande tiltak vert foreslått for å nå målet om betre drift av fylkesvegnettet i Hordaland: - Oppretthalde dagens nivå på drift av vegnettet, med utgangspunkt i krava etter handbok 111 Standard for drift og vedlikehald. Det vert sett som ein klar fordel å ha det same driftsnivået på både riks- og fylkesvegar, både ut frå eit trafikantperspektiv og eit entreprenør/byggherreperspektiv. - Arbeide for meir presis omtale av tilstanden på vegnettet i kontraktsgrunnlaget for framtidige driftskontraktar. Føresetnadene for ei slik forbetring bør vere til stades på bakgrunn av den nylig gjennomførte kartlegginga av fylkesvegnettet. Meir presis omtale vil auke sjansane for korrekt prising frå entreprenørane, utan unødvendig risikopåslag på grunn av usikkerheit om tilstanden på vegen. - Forbetre kunnskapsgrunnlaget/erfaringar med ulike formar for kontraktsstrategiar. I dette inngår å vurdere spesielt: o Forsøk med større og lengre kontraktar for å utnytte moglege synergiar på best mogleg vis. o Innføring av fleire tildelingskriteria i anbodskonkurransane i tillegg til pris - Utarbeide insentivordningar for å få hjelp frå entreprenørane til å utvikle meir miljøvenleg vinterdrift, med reduksjon i bruken av tradisjonell salting. Det vert lagt til grunn at framtidige driftskontraktar skal opp til politisk handsaming i fylkespolitiske organ. Dette skal gjerast så tidleg som mogleg i anskaffingsprosessen, før konkurransegrunnlag er ferdig utarbeidd. Gjennom ein slik rutine skal fylkespolitikarane kunne ta konkret standpunkt til driftsnivå, kontraktsstrategi/form, etc. i den enkelte driftskontrakt, med utgangspunkt i vedtatt drifts- og vedlikehaldsstrategi. Med omsyn til behov for vedlikehald, har Statens vegvesen nyleg gjennomført eit kartleggingsarbeid for å vurdere omfanget av forfallet. I arbeidet er forfall definert som tiltak som må gjennomførast for å få vegnettet i same standard som då det var nytt. Med dette som utgangspunkt er forfallet summert til om lag 3 milliardar kroner. I tillegg har ein vurdert kva som skal til for å oppgradere bruer, ferjekaier og tunnelar til dagens krav til standard. Å realisere ei slik standardheving vert anslått til å koste ytterlegare 2 milliardar kroner. Følgjande tiltak vert foreslått for å nå målet om å redusere/stoppe veksten i forfallet på fylkesvegnettet - Prioritere vedlikehald sterkare enn i dag i dei årlege budsjetta - Leggje inn ein fast post på investeringsbudsjettet til reinvesteringar/tyngre vedlikehald. - Skilje ut vedlikehald som eigen budsjettpost frå og med fylkesbudsjettet i 2013. - Leggje Statens vegvesen si kartlegging av forfall på vegnettet frå 2011 til grunn for framtidige prioriteringar innanfor vedlikehald. Dette inneber eit tydeleg fokus på tunnelar, bruer og grundigare utbetring av veggrunnen i samband med eventuell dekkelegging. Fylkesrådmannen peiker på at sterkare prioritering av vedlikehald i åra framover er avgjerande for å kunne nærme seg måla som er sett opp for strategien. Berre for å stoppe veksten i forfallet, jf. delmål C i 2017, må dei årlege løyvingane til drift og vedlikehald i 2017 vere om lag 40 % høgare enn i 2011. For å kunne nå målet om reduksjon av forfallet i 2021, må dei årlege løyvingane vakse ytterlegare etter 2017. Det er og viktig å understreke at ei styrking av vedlikehaldet og vil leggje til rette for ei betre drift av vegnettet. Mangelfullt vedlikehald gir vanskelege forhold for drifta. Slik vil ei sterkare prioritering av vedlikehaldstiltak og bidra til ein meir kostnadseffektiv bruk av tilgjengelege midlar til drifta. 2
FORSLAG TIL INNSTILLING: 1. Fylkestinget vedtek Drifts- og vedlikehaldsstrategi for fylkesvegnettet i Hordaland (2012-2021). 2. Fylkestinget ber om at arbeid med oppfølging av strategien vert rapportert årleg til fylkesutvalet, mellom anna som grunnlag for budsjettprosessen. Paul M. Nilsen fylkesrådmann Anne Iren Fagerbakke samferdselssjef 3 vedlegg: - Forslag til drifts- og vedlikehaldsstrategi for fylkesvegnettet i Hordaland (2012-2021) - Oversikt over gjeldande driftskontraktar i Hordaland - Brev frå Statens vegvesen av 22. juni 2011 om forfallet på fylkesvegnettet i Hordaland, med vedlegg 3
1.0 Bakgrunn Med bakgrunn i forvaltningsreforma som vart gjort gjeldande frå 1. januar 2010, har fylkeskommunen fått eit langt større ansvar for vegnettet i Hordaland. Med reforma overtok fylkeskommunen ansvaret for meir enn 1 100 km av det tidlegare øvrige riksvegnettet, inkludert 15 ferjesamband. Med bakgrunn i intensjonane med forvaltningsreforma, er det naturleg at fylkeskommunane og tek eit større ansvar for utviklinga innanfor drift og vedlikehald av fylkesvegnettet. Samtidig inneber forvaltningsreforma ingen endringar i forholdet mellom fylkeskommunane og Statens vegvesen som gjennomføringsinstans for tiltak på fylkesvegnettet. Prinsippet om sams vegadministrasjon gjeld framleis. 2.0. Mål På bakgrunn av omtalen av føremåla med å utarbeide ein drifts- og vedlikehaldsstrategi, vert det sett opp følgjande mål for drift og vedlikehald av fylkesvegnettet i Hordaland dei nærmaste åra (2017 og 2021 er siste år i første fireårsperiode i dei to komande NTP-rulleringane). Mål 2021 A. Sikre drift av fylkesvegnettet med betre forhold for trafikktryggleik, framkomst og miljø, med høgare grad av kostnadseffektivitet enn i dag. B. Sikre reduksjon av forfallet på vegnettet samanlikna med 2011-nivået (3 mrd kroner). Mål 2017 A. Sikre at kontraktsgrunnlaget for driftskontraktane vert vidareutvikla, slik at dei reelle behova vert lagt til grunn og at framtidige driftskontraktar vert prissett så riktig som mogleg. B. Sikre at kunnskapsgrunnlaget om verknader av ulike kontraktstyper og -formar vert utvikla, slik at nye kontraktar vert betre og meir kostnadseffektive. C. Stoppe veksten i forfallet på vegnettet. For å kunne realisere desse målsetjingane er det nødvendig å dokumentere status og behov på vegnettet i Hordaland, samt å definere tilfredsstillande tiltak/strategiar som kan bøte på dei behova som er dokumentert og bidra til å nå definerte målsetjingar. 3.0 Status og utfordringar Drift Det er i dag åtte driftskontraktar som inkluderar oppgåver på fylkesvegnettet i Hordaland. Kontraktane gjeld normalt for fem år med opsjon på ytterlegare eitt år. Det vert lyst ut ein til to kontraktar kvart år. I 2010 vart det inngått to nye kontraktar, ein med Risa AS (m.a. i Etne og Odda) og ein med Mesta Drift AS (Stor-Bergen) med verknad frå september 2010. I september 2011 vart det inngått kontrakt med Mesta Drift AS for Hardanger. Hausten 2012 skal ein inngå nye kontraktar i områda Vest (primært Sotra og Askøy) og Midthordland. Det vert vist til vedlegg 1 for oversyn over gjeldande driftskontraktar i Hordaland. Driftskontraktane inkluderar hovuddelen av driftsoppgåvene på vegnettet. I tillegg kjem eigne fagkontraktar for tunnelar, elektro, ferjekaier og straum på vegane (inkludert veglys). Viktige kostnadsdrivarar Kontraktane som regulerer drifta av vegnettet i Noreg er store, komplekse og har utvikla seg over tid. Den sterke prisauken dei seinaste åra kan langt på veg forklarast med aukande omfang og kompleksitet. Når ein skal vurdere ulike måtar å avgrense kostnadene knytt til driftskontraktar i åra framover, må ein sjå både på kvalitet/nivå på drifta, ulike kontraktsstrategiar og sjølve kvaliteten på kontraktsgrunnlaget. Kvalitet/nivå på tenesta som vert bestilt Den viktigaste faktoren for å bestemme prisnivået på drift av vegnettet, er kva kvalitet eller driftsnivå som vert lagt til grunn i kontraktane. Krav til driftsnivå tek utgangspunkt i Statens vegvesen si handbok 111 om 4
standard for drift og vedlikehald. Med omsyn til innhaldet i dei tenestene som vert bestilt gjennom driftskontraktane, er det vinterdrifta som er den største og viktigaste enkeltfaktoren. Vinterdrifta stiller store krav til utstyr, potensielt hyppige og omfattande aktivitetar og stor grad av usikkerheit/risiko for entreprenørane. Vinterdrifta utgjer om lag 60 % av kostnadene i ein driftskontrakt. Kontraktsform/strategi Ei rekkje ulike faktorar kan ha betydning for pris og kvalitet på tenesta som vert levert gjennom val av kontraktsstrategi. Nokre av dei viktigaste som er trekt fram i evalueringane som er gjennomført og av bransjeorganisasjonane, er: - tildelingskriteria - funksjonsprinsipp eller mengdeprinsipp - kontrakten sitt omfang/geografisk utstrekning - lengde på kontrakten Etter gjeldande praksis for tildeling av driftskontraktar vert anbodet gitt til den tilbydaren som har lågast pris, gitt at ein tilfredsstillar spesifiserte kvalifikasjonskrav (krav til kvalitetssystem, etc.). Kvalitative faktorar som til dømes organisering/bruk av personell og forslag til løysing av oppdraget er ikkje del av evalueringa av tilboda. Både evalueringane som har vore gjennomført og bransjeorganisasjonane sjølv peiker på at dette kan være ein veikskap ved anbodsregimet. Dovre Group AS framhevar at eit regime der ein vektlegg andre kriteria enn pris vil kunne vere fordelaktig, men at marknaden kanskje ikkje er moden for dette enno. Erfaringane med funksjons- og driftskontraktane sidan 2003 viser at ein har gått vekk frå ein kontraktsstrategi med reindyrking av funksjonsprinsippet og gått meir over til mengdeprinsipp, spesielt for oppgåver med stor risiko/usikkerheit knytt til seg. Medan hovudtyngda av risiko i dei første kontraktane var lagt på entreprenørane, har dei seinare kontraktane med meir spesifiserte oppgåver ført til ei meir balansert risikofordeling. Samtidig peiker mellom anna Dovre-rapporten på at det er ein risiko for at denne utviklinga kan gje unødvendig komplekse og omfattande kontraktar. Det vert peikt på at det er stort behov for tettare samarbeid mellom Statens vegvesen og bransjeorganisasjonane for å finne fram til den riktige balansen mellom funksjons- og mengdeprinsipp for ulike typar oppgåver i driftskontraktane. Geografisk omfang av driftskontraktane er eit anna moment som kan ha betydning for prisnivå og kvalitet. Ein vanleg innvending mot større kontraktar er at dei stengar mindre, lokale entreprenørar ute av konkurransen. I Dovre sin rapport vert det konkludert med at mindre omfattande kontraktar ikkje synast å gje vesentlege fordelar, og at ein derimot bør undersøke effektiviseringspotensialet ved å leggje ut større kontraktar. Normal lengde for ein driftskontrakt er 5 år. I hovudsak vert dette sett på som ein hensiktsmessig kontraktsperiode av både Statens vegvesen og bransjeaktørane. Det er likevel peikt på i mellom anna Dovrerapporten at fleire moment tilseier at lengre kontraktstid kan vere fordelaktig, både med omsyn til vilkår for tyngre investeringar frå entreprenørane og ut frå eit læringsperspektiv. Kontraktsinnhald/kvalitet på kontraktsgrunnlag Både evalueringar frå Dovre Group og Riksrevisjonen peiker på at sjølve grunnlaget for driftskontraktane burde vore betre. Dette gjelder særleg omtalen av innhald og tilstand på vegnettet. Mangelfull omtale er ei utfordring i høve til å gje føreseieleg kunnskap om arbeidsomfanget og gir dermed entreprenørar med funksjonsansvar ei unødvendig og kostnadsdrivande risikobelastning. Også bransjeorganisasjonane sjølv peiker på dette som ei stor utfordring i høve til å kunne gje riktig pris. Vedlikehald Innleiing Vedlikehald av vegnettet gjeld som nemnt tiltak for å oppretthalde standarden på vegkapitalen. Viktige vedlikehaldsoppgåver er mellom anna rehabilitering av bruer, utbetring av tunnelar, rehabilitering og nylegging av dekke, oppmerking og rekkverk, samt krattrydding, reinsking av grøfter, kummer og røyr. Større vedlikehaldsoppgåver vert lyst ut på anbod, til dømes bruvedlikehald. Mindre omfattande oppgåver vert følgt opp del gjennom driftskontraktane, og dels gjennom fagkontraktane. Fagkontraktane definerer oppgåver som entreprenørane skal gjennomføre/ettersjå med jamlege mellomrom. Dersom ein finn at installasjonar ikkje 5
fungerer, vil oppretting anten bli gjennomført via driftskontraktane (dersom oppgåva er driftsrelatert) eller gjennom fagkontrakten (dersom oppgåven har meir karakter av vedlikehald). Status på vegnettet Statens vegvesen har nyleg gjennomført eit kartleggingsarbeid for å vurdere kvaliteten på vegnettet og omfanget av forfallet. I arbeidet har ein berekna forfallet, definert som tiltak som må gjennomførast for å få vegnettet i same standard som då det var nytt. I tillegg har ein vurdert kva som skal til for å oppgradere bruer, ferjekaier og tunnelar til dagens krav til standard. Hovudresultat frå denne kartlegginga kan oppsummerast slik: Vegelement/strekning Kostnad ved å fjerne forfall Kostnad til oppgradering Sum forfall og oppgradering Bru 278,0 52,0 330,0 Ferjekai 24,5 80,0 104,5 Tunnel 498,0 1465,0 1963,0 Vegutstyr, drens og 1305,0 1305,0 avløp Mindre bruer, sum rute 500,0 300,0 800,0 Vegdekke 253,0 253,0 Vegfundament utanom 138,0 138,0 dekke Sum 2996,5 1897,0 4893,5 Det ligg ved detaljerte listar som viser grunnlaget for berekningane innanfor dei ulike hovudpostane. Dette er ikkje lister som viser forslag til prioritering av konkrete tiltak, men dei gir ei samla oversikt over kva enkeltelement som krev vedlikehaldstiltak. Som det går fram av oversikta, er det tre postar som skil seg ut der det er spesielt store behov for ei oppgradering av vedlikehaldsinnsatsen. Dette gjeld tunnelar, vegustyr, drens og avlaup og bruer. Det vert vist til nærmare omtale av prioriteringar under punkt 4 forslag til tiltak/verkemidlar. Økonomiske rammer og prioritering vedlikehald som salderingspost Det er dei økonomiske rammene som til ei kvar tid avgjer standarden på drift og vedlikehald av vegnettet. Innanfor dei økonomiske rammene er det driftsoppgåvene som ivaretek trafikktryggleiken som har høgast prioritet. Dette inneber at vedlikehaldsoppgåvene per definisjon vert ein salderingspost i fylkesbudsjettet, der nivået vert tilpassa kva midlar som er tilgjengelege når omsynet til driftsoppgåver er ivareteke. Med den kostnadsutviklinga som har vore på driftskontraktar dei seinare åra, medverkar dette til at etterslepet på vedlikehald av vegnettet aukar ytterlegare frå år til år. 4.0 Forslag til tiltak/verkemidlar Hordaland fylkeskommune overtok 1. januar 2010 ansvaret for meir enn 1 100 km av det tidlegare riksvegnettet frå staten i den tilstanden desse vegane var på overtakingstidspunktet. Kartlegginga ved Statens vegvesen som er gjennomført i 2011 dokumenterar eit forfall på 3 milliardar kroner for fylkesvegnettet i Hordaland. For å kunne nå målsetjinga om å redusere og etter kvart stoppe forfallet på fylkesvegnettet, er det ein føresetnad at statlege styresmakter bidrar gjennom auka årlege rammeoverføringar. Forslaga under gjeld forslag til spesifikke tiltak for å betre situasjonen innanfor drift og vedlikehald. Forslag til tiltak for å sikre betre drift - Oppretthalde dagens nivå på drift av vegnettet, med utgangspunkt i krava etter handbok 111 Standard for drift og vedlikehald. Det vert sett som ein klar fordel å ha det same driftsnivået på både riks- og fylkesvegar, både ut frå eit trafikantperspektiv og eit entreprenør/byggherreperspektiv. - Arbeide for meir presis omtale av tilstanden på vegnettet i kontraktsgrunnlaget for framtidige driftskontraktar. Føresetnadene for ei slik forbetring bør vere til stades på bakgrunn av den nylig 6
gjennomførte kartlegginga av fylkesvegnettet. Meir presis omtale vil auke sjansane for korrekt prising frå entreprenørane, utan unødvendig risikopåslag på grunn av usikkerheit om tilstanden på vegen. - Forbetre kunnskapsgrunnlaget/erfaringar med ulike formar for kontraktsstrategiar. I dette inngår å vurdere spesielt: o Forsøk med større og lengre kontraktar for å utnytte moglege synergiar på best mogleg vis. o Innføring av fleire tildelingskriteria i anbodskonkurransane i tillegg til pris - Utarbeide insentivordningar for å få hjelp frå entreprenørane til å utvikle meir miljøvenleg vinterdrift, med reduksjon i bruken av tradisjonell salting. Det vert lagt til grunn at framtidige driftskontraktar skal opp til politisk handsaming i fylkespolitiske organ. Dette skal gjerast så tidleg som mogleg i anskaffingsprosessen, før konkurransegrunnlag er ferdig utarbeidd. Gjennom ein slik rutine skal fylkespolitikarane kunne ta konkret standpunkt til driftsnivå, kontraktsstrategi/form, etc. i den enkelte driftskontrakt, med utgangspunkt i vedtatt drifts- og vedlikehaldsstrategi. Forslag til tiltak for å sikre betre vedlikehald - Prioritere vedlikehald sterkare enn i dag i dei årlege budsjetta - Leggje inn ein fast post på investeringsbudsjettet til reinvesteringar/tyngre vedlikehald. - Skilje ut vedlikehald som eigen budsjettpost frå og med fylkesbudsjettet i 2013. - Leggje Statens vegvesen si kartlegging av forfall på vegnettet frå 2011 til grunn for framtidige prioriteringar innanfor vedlikehald. Dette inneber eit tydeleg fokus på tunnelar, bruer og grundigare utbetring av veggrunnen i samband med eventuell dekkelegging. I den grad ein blir nøydd til å prioritere innanfor gjeldande totalrammer til fylkesvegnettet, vert det foreslått å bruke ein del av investeringsbudsjettet til sokalla reinvesteringar eller tyngre vedlikehald. Ved å ha ein fast post på investeringsbudsjettet til denne typen oppgåve, vil ein samtidig kunne utnytte koplinga til drifta av vegnettet på ein betre måte. Ulike entreprenørar har peika på lite føreseielege tilhøve for bestilling av ekstraarbeid i form av vedlikehald. Ved å ha ein fast sum til ekstraarbeid kvart år vil ein kunne skape betre føresetnader for å nytte gjeldande driftskontraktar til å gjennomføre vedlikehald i noko større og meir systematisk omfang enn i dag. I fylkesbudsjettet er det gjeldande praksis at drift og vedlikehald utgjer ein samla budsjettpost. På bakgrunn av vurderinga over om at midlar til vedlikehald vert skadelidande når kostnadene til driftstiltak går opp, vert det foreslått å dele budsjettposten. På denne måten får ein tydeleggjort kor mykje midlar som faktisk vert løyvd til vedlikehald det enkelte år, utan at dette vert gøymd innanfor ein større budsjettpost. Kartlegginga til Statens vegvesen dokumenterar forhold som ein i stor grad var kjent med frå før tunnelar og bruer manglar mykje på å kome opp i akseptabel standard. I tillegg vert det dokumentert at tilstanden til sjølve veggrunnen er ein sentral del av forfallet. Manglande drenering, grøftar, rekkverk og murar er ei stor utfordring og det er ikkje nokon god løysing å leggje nytt dekke på sviktande grunnlag. Denne dokumentasjonen bør leggjast til grunn for framtidige prioriteringar det bør ikkje vere noko mål i seg sjølv å leggje flest mogleg kilometer med nytt dekke. Snarare bør ein leggje lang større vekt på å gjere nødvendig grunnarbeid der ein skal leggje nytt dekke, slik at tiltaket gir langvarig verdi for trafikantar og dei som skal drifte vegen. Generelt er omsyn til trafikksikring og framkomst styrande prioriteringskriterium også innanfor vedlikehald. Blant alle vedlikehaldstiltaka er vedlikehald av tunnelar, bruer og kaier høgast prioritert slik at ein får avdekka skjulte skader som kan gi raske og uføreseielege konsekvensar. Sterkare prioritering av vedlikehald i åra framover er avgjerande for å kunne nærme seg måla som er sett opp for strategien. Målsettinga fram til 2017 knytt til vedlikehald er avgrensa til å stoppe veksten i etterslepet, ikkje å redusere eksisterande etterslep. På bakgrunn av dei tal som går fram av Motiv-modellen, inneber målsetjinga like fullt store utfordringar i høve til framtidige budsjettprosessar. Det samla nivået til drift og vedlikehald utgjer i dag om lag 400 mill kroner, medan det reelle behovet som går fram av modellen er sett til om lag 550 mill kroner per år. Dersom denne berekninga vert lagt til grunn, må dei årlege løyvingane til drift og 7
vedlikehald i 2017 vere om lag 40 % høgare enn i 2011. For å kunne nå målet om reduksjon av forfallet i 2021, må dei årlege løyvingane vakse ytterlegare etter 2017. Det er og viktig å understreke at ei styrking av vedlikehaldet vil leggje til rette for ei betre drift av vegnettet, jf. omtale i kapittel 4. Dårleg dekke med djupe hjulspor gir vanskelege forhold for vinterdrift, med behov for meir brøyting og unødvendig saltbruk. Slik vil ei sterkare prioritering av vedlikehaldstiltak og bidra til ein meir kostnadseffektiv bruk av tilgjengelege midlar til drifta. 5.0 Oppfølging Oppfølging av drifts- og vedlikehaldsstrategien er nødvendig av fleire årsaker: - Forbetre faktagrunnlag/revidere strategien undervegs - Syte for oppdatert grunnlag til fylkespolitiske organ for dei årlege budsjettprosessane - Vurdere grad av måloppnåing Etter kvart som ein får nye erfaringar og meir kunnskap om ulike formar for kontraktsstrategiar og kontraktsmodellar innanfor drifta av vegnettet, kan det bli aktuelt å spisse dei strategiske vala for å oppnå ei best mogleg utnytting av ressursane, jf. målsetting. Det er og behov for å vurdere undervegs i kva grad ein er på rett veg i høve til dei oppsette måla i strategien, eller om det er nødvendig å vurdere andre verkemidlar og tiltak. Det vert foreslått å leggje til grunn årleg rapportering på drifts- og vedlikehaldsstrategien til fylkespolitiske organ, mellom anna som grunnlag for budsjettprosessen. Vidare vert det foreslått at drifts- og vedlikehaldsstrategien vert rullert/revidert kvart fjerde år, første gong i 2015. Det vert foreslått å opprette ei arbeidsgruppe som følgjer opp arbeidet. Arbeidsgruppa bør inkludere deltaking frå Statens vegvesen, entreprenørbransjen og fylkesadministrasjonen. 7.0 Fylkesrådmannen si tilråding Fylkesrådmannen tilrår at fylkestinget sluttar seg til forslaget til drifts- og vedlikehaldsstrategi slik han ligg føre. 8