MØTEINNKALLING SAKLISTE. Sak nr. Arkivsak nr. Tittel 22/11 11/447 FINANSREGLEMENT BALESTRAND KOMMUNE- 2. GONGS HANDSAMING

MØTEINNKALLING Utval: KOMMUNESTYRET Møtestad: Rådhuset Møtedato: 15.09.2011 Tid: 16.30 Varamedlemmer møter berre etter nærare innkalling SAKLISTE Sak nr. Arkivsak nr. Tittel 22/11 11/447 FINANSREGLEMENT BALESTRAND KOMMUNE- 2. GONGS HANDSAMING 23/11 11/628 SAMARBEIDSAVTALE OM IKT - TENESTER 24/11 09/1162 REGULERINGSPLAN FOR UTSIKTEN PÅ GAULARFJELLET - VEDTAK 25/11 11/380 REGULERINGSPLAN - HITTUNSFJØRA FRIOMRÅDE 26/11 11/503 Unntatt offentlig Ofl 13, fvl 13 SØKNAD OM LÅN TIL NÆRINGSBYGG I SENTRUM YMSE Balestrand 06.02.14 Einar Målsnes Ordførar

Sak 22/11 MØTEBOK Sak nr.: Utval Møtedato 22/11 Formannskapet 16.06.2011 14/11 Kommunestyret 22.06.2011 29/11 Formannskapet 24.08.2011 22/11 Kommunestyret 15.09.2011 Sakshandsamar: Svein Feidje Arkiv: 202 &00 Arkivsaknr.: 11/447 FINANSREGLEMENT BALESTRAND KOMMUNE- 2. GONGS HANDSAMING Vedlegg: Framlegg til finansreglement av 13.08.2011 Kommunestyresak 14/11 med vedlegg Bakgrunn: 2. gongs handsaming Lovheimel: Kommunelova 52 Forskrift om finansforvaltning i kommunar og fylkeskommunar av 9. juni 2009. SAKSOPPLYSNINGAR Kommunal- og regionaldepartementet fastsette 9. juni 2009 ny forskrift om finansforvaltning i kommuner og fylkeskommuner. Den nye forskrifta trådde i kraft 1. juli 2010 og set blant anna som krav at kommunane skal utarbeida og vedta finansreglement minimum ein gong i kvar kommunestyreperiode. I reglementet skal kommunestyret blant anna ta stilling til kva som er tilfredsstillande avkastning og kor stor finansiell risiko kommunen er villig til å ta. Reglementet skal vera vurdert av uavhengig kompetanse før det vert vedteke. Kommunestyret handsama i sak 14/11 framlegg til finansreglement med utgangspunkt i utkast av 24.05.2011. Det vart gjort slikt samrøystes vedtak: Finansreglementet vert sendt attende til administrasjonen, for endring for plassering av langsiktige finansielle aktiva. Jf. Pkt 9c. Saka vert å legge fram på nytt.

Sak 22/11 VURDERING I nytt framlegg til finansreglement av 12.8.2011, er det lagt opp til at kommunen sine aktiva skal vera plassert i bank med mogelegheit for ei forsiktig plassering i pengemarkedsfond. Omtale av plasssering i aksjemarkedet, aksjefond og obligasjonsfond er teke ut av reglementet og er såleis ikkje ei aktuell plasseringsmogelegheit før reglementet blir endra gjennom vedtak. Rådmannen si tilråding: Det vert fastsett finansreglement for Balestrand kommune som vedlagt utkast av 12.8.2011. Framlegg til finansreglement blir å sende Sogn og Fjordane revisjon, som uavhengig kompetnse, for uttale før handsaming i kommunestyret. Handsaming: Formannskapet : Formannskapet kom fram til følgjande tilråding. Tilråding: Det vert fastsett finansreglement for Balestrand kommune som vedlagt utkast av 24.05.11, med tillegg om at punkt 9 c utgår av finansreglementet for Balestrand kommune. Samrøystes Handsaming: Kommunestyret : Representanten Harald Offerdal (Ap) sette fram slikt forslag: Finansreglementet vert sendt attende til administrasjonen, for endring av reglar for plassering av langsiktige finansielle aktiva. Jf. pkt. 9c. Kommunestyret røysta over dette.

Sak 22/11 Vedtak: Finansreglementet vert sendt attende til administrasjonen, for endring av reglar for plassering av langsiktige finansielle aktiva. Jf. pkt. 9c. Saka vert å legge fram på nytt. Samrøystes Handsaming: Formannskapet : Formannskapet røysta over tilrådinga. Tilråding Det vert fastsett finansreglement for Balestrand kommune som vedlagt utkast av 12.8.2011. Framlegg til finansreglement blir å sende Sogn og Fjordane revisjon, som uavhengig kompetanse, for uttale før handsaming i kommunestyret. Samrøystes

Sak 23/11 MØTEBOK Sak nr.: Utval Møtedato 30/11 Formannskapet 24.08.2011 23/11 Kommunestyret 15.09.2011 Sakshandsamar: Åge Skrede Arkiv: 026 Arkivsaknr.: 11/628 SAMARBEIDSAVTALE OM IKT - TENESTER Vedlegg: Overordna samarbeidsavtale ver. Juni 01 Avtale GIS ver. Juni 01 Avtale kommunenett ver. Juni 01 Bakgrunn: Lovheimel: Kommunelova Lov og forskrift om offentlege anskaffingar SAKSOPPLYSNINGAR Sogn regionråd kommunane har dei siste åra hatt IKT-samarbeid med Sogn og Fjordane Fylkeskommune rundt GIS og nettverk. Desse avtalane gjekk ut i 2008 og 2009. IKT-gruppa til Sogn regionråd har hatt mandat til å utarbeide nye samarbeidsavtalar. IKT-gruppa består av følgjande personar: Geir Svendsen, IKT-ansvarleg Vik kommune (leiar) Karina Nerland, Dagleg leiar Sogn regionråd Carl-Richard Nyborg-Christensen, Regional IKT medarbeidar Sogndal kommune Petter Stenstadvold, rådgjevar IKT Sogn og Fjordane fylkeskommune I tillegg til å arbeide med sjølve samarbeidsavtalane, har IKT-gruppa vurdert organiseringa av samarbeidet og tilhøva til lov og forskrift om offentlege anskaffingar. For at eit slikt samarbeid ikkje skal vere i strid med lov og forskrift om offentlege anskaffingar, må ein organisere samarbeidet slik at tenestene blir utført som eigenregi. IKTgruppa har utgreia desse forholda ved å nytte juristane i innkjøpstenesta til Sogn og Fjordane Fylkeskommune og jurist Nina Ramstad Aatlo i KS.

Sak 23/11 Innkjøpsregelverket set strenge krav til å kunne definere slike samarbeid som eigenregi. Eit av dei viktigaste krava er at alle samarbeidspartnarane skal ha reellt høve til å vere med å styre det som skjer i samarbeidet. Konklusjonen frå juristane er klar: Samarbeidspartnarane kan definere samarbeidet som eigenregi berre dersom samarbeidet blir organisert som eit interkommunalt samarbeid etter kommunelova 27. Partane kan velje å opprette samarbeidet som eit eige retts-subjekt, men det er tilstrekkeleg å opprette eit styre for samarbeidet. I tillegg set lova krav om at samarbeidet må utarbeide vedtekter. I høve kommunelova 27 er det kommunestyret og fylkestinget som har mynde til å opprette styret for samarbeid etter kommunelova 27. Alternativet til eit interkommunalt IKT-samarbeid, er at kvar enkelt samarbeidspartner lyser ut dei tenestene dei ikkje ønskjer å utføre sjølve, eller ikkje har ressursar til å utføre sjølve, på offentleg anbod. Forslaget vart handsama i Sogn regionråd si rådmannsgruppe 10.6.2011. Rådmannsgruppa går samrøystes inn for å opprette IKT-samarbeidet med dei andre SR kommunane og Sogn og Fjordane fylkeskommune. Økonomiske konsekvensar Dei økonomiske konsekvensane er dekka innanfor gjeldande driftsbudsjett, og langsiktige økonomiske konsekvensar er innarbeidd i økonomiplanen. Sidan ein juridisk sett har 2 val når det gjeld drift av IKT-tenestene, vurderer ein her desse 2 alternativa opp mot kvarandre når det gjeld faktorane kostnad, kvalitet, effektivitet og tilhøve til eksisterande IKT-samarbeid. Dei to alternativa som blir vurdert er: 1. Inngå IKT-samarbeid etter kommunelova 27 med dei andre SR kommunane og Sogn og Fjordane fylkeskommune 2. Utføre alle IKT-tenestene sjølve eller lyse dei heilt eller delvis ut på anbod Kostnad Ei problemstilling er korleis ein kan vite om alternativ 1 er det mest kostnadseffektive for samarbeidspartnarane. For å bli viss på dette, har IKT-gruppa jobba grundig med detaljert kostnadsfordelinga i utkasta til dei 2 første delavtalane rundt GIS og Nettverk. Alle medlemmene i IKT-gruppa er samde om at dei kostnadsfordelingane ein har kome fram til, medfører lågare kostnader for kvar enkelt samarbeidspartnar enn det det er mogeleg å oppnå ved å velje alternativ 2. Ved å velje alternativ 1 oppnår ein i tillegg stordriftsfordeler som lågare kostnader, kompetansebygging internt i samarbeidet og at det er mogeleg å trekkje på kvarandre ved mangel på lokale ressursar. Kvalitet Når ein skal velje mellom dei to alternativa er det også viktig å drøfte kva alternativ som gir best kvalitet på IKT-tenestene. Her er det truleg slik at både private aktørar og IKT-tilsette hjå samarbeidspartnarane kan produsere gode tenester. Det er mest uråd å vite kva som er det beste alternativet på førehand. Likevel vil det vere slik at ein oppnår størst kontinuitet i

Sak 23/11 tenestetilbodet ved å velje alternativ 1. Samla sett har kommunane og Sogn og fjordane fylkeskommune stabil arbeidskraft innan IKT. Ved val av alternativ 2, må dei tenestene ein vel å setje vekk til private, lysast ut på anbod minimum kvart fjerde år. Dette kan i verste fall resultere i meir skiftande kvalitet på tenestetilbodet. Ved val av alternativ 2, veit ein ikkje om resultatet blir ein tenesteleverandør som kan yte kvalitet eller ein som har problem med å levere gode tenester. Effektivitet IKT-teneste tilbodet til kommunane og fylkeskommunen er stort og mangfoldig. Status pr i dag er truleg at ikkje alle kommunane er gode på alle tenestene. Blant SR kommunane og Sogn og Fjordane fylkeskommune, er det likevel truleg minst ein part som er dyktig på kvar av tenestene. Dette betyr at ved å velje alternativ 1, kan alle samarbeidspartane på kort tid heve kvaliteten på dei IKT-tenestene som er dårlegast hjå dei sjølve. Tenester som kommunen ikkje alt har etablert, kan kommunen kostnadseffektivt etablere på kort tid. Tilhøve til eksisterande IKT-samarbeid Det forslaget til IKT-samarbeid som vert lagt fram er ope og fleksibelt. Kvar samarbeidspart avgjer sjølv kva tenester samarbeidsparten ønskjer å samarbeide om gjennom dette samarbeidet. Dei to første delavtalane rundt GIS og nettverk er i utgangspunktet felles for alle samarbeidspartnarane, men kvar part står fritt til å trekkje seg ut også av desse delavtalane. Framlegget er i utgangspunktet ei formalisering av det ekisterande samarbeidet rundt nettverk og GIS. Formaliseringa opnar også for utvida samarbeid for dei av partane som ønskjer det. Dette betyr at enten ein vel alternativ 1 eller alternativ 2, har valet ikkje direkte innverknad på eksisterande IKT-samarbeid. Etter ei samla vurdering, der ein spesielt har lagt vekt på kostnad, kvalitet, effektivitet og tilhøve til eksisterande IKT-samarbeid, vert alternativ 1 tilrådd. Rådmannen si tilråding: Det vert oppretta styre for interkommunalt IKT-samarbeid med dei andre Sogn regionråd kommunane og Sogn og Fjordane Fylkeskommune med heimel i kommunelova 27. Styret får mynde til å utøve IKT-samarbeidet i høve vedtektene for samarbeidet slik dei er definert i Overordna samarbeidsavtale mellom Sogn og Fjordane Fylkeskommune (SFFK) og kommunane Balestrand, Leikanger, Luster, Sogndal, Vik, Aurland og Lærdal (Sogn Regionråd) om IKT-tenester. Rådmannen får mynde til å signere denne avtalen og aktuelle delavtalar.

Sak 23/11 Handsaming: Formannskapet : Formannskapet røysta over tilrådinga. Tilråding Det vert oppretta styre for interkommunalt IKT-samarbeid med dei andre Sogn regionråd kommunane og Sogn og Fjordane Fylkeskommune med heimel i kommunelova 27. Styret får mynde til å utøve IKT-samarbeidet i høve vedtektene for samarbeidet slik dei er definert i Overordna samarbeidsavtale mellom Sogn og Fjordane Fylkeskommune (SFFK) og kommunane Balestrand, Leikanger, Luster, Sogndal, Vik, Aurland og Lærdal (Sogn Regionråd) om IKT-tenester. Rådmannen får mynde til å signere denne avtalen og aktuelle delavtalar. Samrøystes

Sak 24/11 MØTEBOK Sak nr.: Utval Møtedato 17/11 Formannskapet 19.05.2011 32/11 Formannskapet 08.09.2011 24/11 Kommunestyret 15.09.2011 Sakshandsamar: Arne Abrahamsen Arkivsaknr.: 09/1162 Arkiv: L12 REGULERINGSPLAN FOR UTSIKTEN PÅ GAULARFJELLET - VEDTAK Vedlegg Reguleringsplan for Fv 13 Utsikten på Gaularfjellet, høyringsutkast 09.05.2011. Uttaler frå NVE, region vest, 05.07.2011 Statens vegvesen, 21.07.2011 Sogn og Fjordane fylkeskommune, kulturavdelinga, 27.07.2011 Sogn og Fjordane fylkeskommune, plan- og samfunnsavdelinga Fylkesmannen, miljøvernavdelinga og beredskapseininga, 17.08.2011 Naturvernforbundet i Sogn og Fjordane, 01.08.2011 Per Nordø, 29.07.2011 Norske landskapsarkitekters foreining, 20.08.2011 Referat frå samordningsmøte, 15.02.2010 Bakgrunn: Oppstartvarsel 17.12.2009 Brev frå Balestrand kommune, 10.12.2010 Møtebok formannskap sak 17/11, 19.05.2011. Brev til høyringsinstansar, 15.06.2011 Lovheimel: Plan og bygningsloven 12-12. SAKSOPPLYSNINGAR Spørsmål om plankrav for utbygging av rasteplassen på Utsikten på Gaularfjellet vart drøfta av formannskapet i møte 04.11.2009. Balestrand kommune gav som følgje av dette følgjande tilbakemelding: Balestrand kommune er positive til at det vert utarbeidd slik reguleringsplan for å avklare rammene for opprusting av Utsikten. Ein er vidare positive til at presentert forprosjektet til Code Arkitektur vert lagt til grunn for planarbeidet. Ein ser det også positivt ut i frå at planarbeidet vil sikre ein prosess for informasjon og medverknad, avklare av forhold til grunneigarar i området og gje rammer for konkret byggesakshandsaming. Ein ser det vidare som naturleg at:

Sak 24/11 Det vert gjennomført detaljregulering ( 12-3) Føremålet vert ikkje endra ut i frå dagens bruk. Planen vert utarbeidd av andre enn kommunen sjølv. Planprogram er ikkje naudsynt ( 4-1) Føremålet vert ikkje endra ut i frå dagens bruk, og tiltaket vil ikkje føre til vesentlege verknader for miljø og samfunn. Planbeskriving og konsekvensvurdering Det er ikkje naudsynt med eiga konsekvensvurdering, men det skal gjerast eiga vurdering av tilhøve til landskap i planbeskrivinga. Enkel ROS ( 4-3) Enkel risiko og sårbarhetsanalyse kan utarbeidast. Bør omhandle rasproblematikk og trafikksituasjonen. Statens vegvesen sette etter dette formelt i gang arbeidet med reguleringsplan for området gjennom ved kunngjering og brev om oppstarvarsel 17.12.2009. Varsel om motsegn frå Fylkesmannen si miljøvernavdeling, førte til at det vart gjennomført eit samordningsmøte mellom Statens vegvesen, Fylkesmannen si miljøvernavdeling og Balestrand kommune 15.02.2010 (vedlegg). Det vart då gjort naudsynte avklaringar og konkludert med vidareføring av planarbeidet. Planarbeidet har etter dette teke noko lengre tid enn føresett, i hovudsak på grunn av interne kapasitetsproblem i Statens vegvesen. Balestrand kommune handsama planforslaget i formannskapsmøte 19.05.2011, sak 17/11, og gjorde følgjande vedtak: Vedtak Balestrand kommune legg med heimel i Plan og bygningslova 12-10 ut Reguleringsplan for Fv 13 Utsikten på Gaularfjellet til offentleg ettersyn og sender planen til høyring til planstyremakter og grunneigarar/naboar. Planen vert lagt til offentleg ettersyn på Balestrand rådhus, Balestrand folkebibliotek, Fjordtun oppvekstsenter og på Balestrand kommune si heimeside i tidsrommet 20.05.2011 til 01.08.2011. Samrøystes. Planen vart etter dette sendt ut til høyring og lagt ut til offentleg ettersyn fram til 01.08.2011. Fylkesmannen si miljøvernavdeling og Sogn og Fjordane fylkeskommune fekk utsett frist til å komme med uttale fram til 12.08.2011 med bakgrunn i redusert kapasitet i samband med ferieavvikling. I høyringsperioden er det kome inn 8 uttaler. Det vert vist til vedlagde uttaler og planforslag. I denne saka vert planen lagt fram for godkjenning. Det er kommunestyret som gjer endeleg vedtak i saka. VURDERING Kort oppsummering og vurdering av merknader. Det vert i dette vist direkte til dei vedlagde uttalene:

Sak 24/11 NVE, region vest Ber kommunen markere skredutsette områder som omsynssoner i plankartet i samsvar med ROS-analysen. Det vert innarbeidd i plankartet med heimel i Plan og bygningslova 12-6. Statens vegvesen Påpeiker situasjonen med parkering på begge sider av vegen, samt at skiltplan og sikring av sjølve anlegget mot påkøyring må bli teke med i vidare byggeplanlegging. Av dette finn ein det naturleg at det vert teke inn ei føresegn som ivaretek krav til sikring av anlegget mot påkjøring og utforming av denne. Sogn og Fjordane fylkeskommune, kulturavdelinga Har ikkje kjennskap til kulturminne i området. Har ikkje avgjerande merknader til planen. Ingen særskilde moment. Fylkesmannen i Sogn og Fjordane, miljøvernavdelinga og beredskapeininga Meiner konsekvensar for landskap ikkje er godt nok synleggjort i planomtalen. Har difor også nytta fotomontasjar i forprosjektet som grunnlag for sin uttale. Vil klart rå i frå den valde løysinga, med ein stor trekanta betongkonstruksjon, som etter deira syn vil bli eit stort og dominerande anlegg i dette opne og karakteristiske fjellandskapet. Ber alternativt om reglar om dempa farge på anlegget. Vurderer at tiltaket ikkje har innverknader på verneområde, verna vassdrag eller andre naturfaglege verdiar. Har ikkje avgjerande merknader til planen ut i frå beredskapsomsyn. Ved oppstart av planen var det ikkje stilt krav til eiga konsekvensutgreiing, men at det skulle gjerast ei eiga vurdering av tilhøve til landskap i planbeskrivinga. Ein er ikkje samd i at dette er ein vesentleg mangel, men ser at sjølvsagt at dette kunne vore meir omfattande i planbeskrivinga, t.d. ved at større delar av forprosjektrapporten, som har mange gode illustrasjonar, vart teke inn. Samstundes er forprosjektrapporten som fylkesmannen viser til utgangspunkt for reguleringsplanen. Denne er allment kjent, og også nytta som grunnlag for deira uttale. Samla sett finn ein difor at både kommune og høyringsinstansar har kunne sette seg godt inn i korleis anlegget vil framstå i landskapet. Fylkesmannen si miljøvernavdeling signaliserte også ved starten av reguleringsplanen standpunktet om at ein burde velje ein meir naturtilpassa utbygging av området, og at ein ikkje burde opne for eit utrykk som reguleringsplanen legg opp til. Det var som nemnt i

Sak 24/11 tidlegare på bakgrunn av dette helde eit møte mellom kommune, Statens vegvesen og Fylkesmannen si miljøvernavdeling 15.02.2010. Fylkesmannen nedtona då dette synspunktet, og ein vart samde om at planprosessen kunne gå vidare med det utgangspunktet planutkastet har i dag. Balestrand kommune har gjennom tidlegare sakshandsaming og gjennom vedtak om å legge ut planen på høyring vore positiv til å tillate ei utbygging som vist i planen. Synspunktet frå Fylkesmannen, miljøvernavdeling var kjent då planen var lagt ut og er slikt sett ikkje eit nytt moment. Ved planlegging av eit slikt tiltak som reguleringsplanen opnar for på Utsikten er det ikkje uventa at det er ulike oppfatningar, - noko uttalene til planen også viser. Administrasjonen vurderer framleis at tiltaket ikkje vil ha vesentlege negative verknader for landskapet. Dette betyr ikkje at eit anlegg ikkje vil vere synleg og påverke omgjevnadene. Ein finn likevel at anlegget er relativt lite og i liten grad vil påverke landskapet på avstand, dvs. i det store landskapsbiletet. Dette også om anlegget får ein relativt lys farge. Ein annan del av ei slik vurdering er korleis anlegget framstår på nærare hald i høve omgjevnadene eit mindre landskapsbilete. Her er moment er formspråk, farge og materialbruk viktige. Administrasjonen vurderer her at tiltaket vil ligge nær riksvegen som i seg sjølv er eit teknisk inngrep, og at ein her må kunne akseptere eit formspråk som ikkje berre underordnar seg omgjevnadene og vert «kamuflert» inn i landskapet. Ein finn tvert i mot arkitektur og funksjonalitet i anlegget til å vere spennande i høve til området dette er plassert i og ein er rimeleg sikker på at dette anlegget vil gje dei reisande ei spesiell og spektakulær oppleving av den naturen og det landskapet det er plassert i. Ein vil på bakgrunn av dette ikkje tilrå endring i planen på dette punktet. Sogn og Fjordane fylkeskommune, plan og samfunnsavdelinga Påpeiker at omriss av planlagt bygg/anlegg på plankartet må visast i teiknforklaringa. Meiner tiltaket er som planen opnar for heilt klårt vil styrke «Utsikten». Meiner bygget ut i frå tiltenkt funksjon har ei god utforming tilpassa situasjonen, og ei utforming som vil gje «Utsikten» ein styrka identitet. Teiknforklaring vert retta opp. Er samd i konklusjonen frå plan og samfunnsavdelinga i Fylkeskommunen med omsyn på å tillate eit anlegg som reguleringsplanen opnar for. Det vert vist til vurderinga av uttalen til Fylkesmannen, miljøvernavdelinga. Naturvernforbundet i Sogn og Fjordane Tilrår at kommunen ikkje tillater eit anlegg vil framstå som ein konkurrent til naturen og ikkje ein medspelar. Naturvernforbundet meiner at bygget vert eit framandelement som også vert for stort og vil stå i vegen for landskapet. Dei meiner også at bygget ikkje er i samsvar med Geoturisme charteret og overordna visjon for Nasjonale turistvegar. Det vert vist til vurderinga av uttalen til Fylkesmannen, miljøvernavdelinga.

Sak 24/11 Per Nordø Har ein klår meining om at kommunen ikkje må det planlagde anlegget og med dette ikkje vedta reguleringsplanen slik den ligg føre. Bruker i hovudsak same argumentasjon som Naturvernforbundet og Fylkesmannen si miljøvernavdeling Det vert vist til vurderinga av uttalen til Fylkesmannen, miljøvernavdelinga. Norske landskapsarkitekters foreining Er positiv til reguleringsplanen og tiltaket planen opnar for. Meiner dette er ein punktarkitektur som framhever landskapet og at anlegget vil bli eit av dei mest spennande og kjende langs norske turistvegar. Meiner at anna veggrunn grøntareal er for lite presis avgrensing med omsyn på riggområde m.v og at «skånsomt» er for upresist omgrep i høve til oppynting etter terrenginngrep. Ein er samd i vurderinga av å tillate planen. Det vert elles vist til vurderinga av uttalen til Fylkesmannen, miljøvernavdelinga. Ein finn reglane i planen tilstrekkelege med omsyn på riggområde m.m. då dette er midlertidige anlegg som vert avklart i samband med byggesak. Ein finn også at «skånsom» er tilstrekkeleg formulering i plansamanheng då også terrenginngrep vil vere del av konkret byggesak/byggeløyve. Samla sett vil ein på bakgrunn av dette tilrå at reguleringsplanen vert godkjent med nokre mindre endringar. Rådmannen si tilråding: Balestrand kommune gjer med heimel i Plan og bygningsloven 12-12 vedtak om godkjenning av Reguleringsplan for Fv 13 Utsikten på Gaularfjellet, i samsvar med høyringsutkast 09.05.2011. med følgjande tillegg/endring: Plankart. Skredutsette områder vert markert som omsynssoner i plankartet i samsvar med ROS-analysen. (Pbl 12-6) Plankart Omriss av bygg/anlegg vert teke inn i teiknforklaringa. Føresegn (nytt punkt) - Sikring av anlegget mot påkøyring (Pbl 12-7 pkt 1 og 4) Det er eit vilkår at anlegget vert sikra mot påkøyring. Utforming og løysing av dette skal ivareta tryggleiken for dei kjørande og vere tilpassa utforming av anlegget.

Sak 25/11 MØTEBOK Sak nr.: Utval Møtedato 26/11 Formannskapet 16.06.2011 33/11 Formannskapet 08.09.2011 25/11 Kommunestyret 15.09.2011 Sakshandsamar: Arne Abrahamsen Arkivsaknr.: 11/380 Arkiv: L12 REGULERINGSPLAN - HITTUNSFJØRA FRIOMRÅDE Vedlegg: Utkast til Reguleringsplan for Hittunsfjøra, 08.06.2011 Med uttaler frå: Sogn og Fjordane Fylkeskommune, kulturavdelinga 25.07.2011 Fylkesmannen, miljøvernavdelinga, 12.08.2011 Marta Kvikne, Oscar Carrasco, Atle Ytrefjord, Sigrunn Ytrefjord, 08.08.2011 Brev om tinging av kulturminneregistrering, 16.06.2011 Bakgrunn: Formannskapssak 26/11, 16.06.2011 Med uttaler til oppstartvarsel frå: Sogn og Fjordane Fylkeskommune, kulturavdelinga 27.05.2011 Fylkesmannen, miljøvernavdelinga, 03.06.2011 Marta Kvikne, Oscar Carrasco, Atle Ytrefjord, Sigrunn Ytrefjord, 01.06.2011 Kunngjering av oppstart av planarbeid, 03.05.2011 Oppstartvarsel med tilhøyrande dokument, 28.04.2011 Forprosjekt for Hittunsfjøra friområde, Reguleringsplan for Bala og Hittunsfjøra, 07.12.1994 Kommuneplan, arealdelen, 25.03.2010 Lovheimel: Plan og bygningslova 12-12 SAKSOPPLYSNINGAR Bakgrunnen for å utarbeide ny reguleringsplan er eit ynskje om å opne for ei noko meir omfattande tilrettelegging av sjøområdet enn gjeldande reguleringsplan opnar for. Konkret er det planar om bygging av molo med badelagune og tilrettelegging for småbåtplassar. Det er inngått ein intensjonsavtale med grunneigar og gjennomført grunnundersøkingar av sjøbotnen i området. Planstatus for reguleringsområdet er i all hovudsak friområde i Reguleringsplan for Bala og Hittunsfjøra, 07.12.1994, samt i gjeldande kommuneplan. For sjøområdet lengst frå land, ca.

Sak 25/11 15 meter inn frå austleg plangrense er planstatus Område for friluftsliv i sjø og vassdrag i gjeldande kommuneplan, arealdelen, 25.03.2010. I gjeldande kommuneplan er det sett krav om reguleringsplan for alle nye tiltak i strandsone i sentrumsområdet (s 15); Plankrav i sentrumsområdet Det er krav om reguleringsplan (detaljregulering) for alle nye tiltak i strandsone i sentrumsområdet slik det er merkt på plankartet. For alle byggeområde i sentrum kan det føresett at området inngår i reguleringsplan etablerast murar, kaier og mindre moloar for å få ein god terrengmessig avslutning mot sjø, samt sikre tilkomst til sjø og at det vert teke omsyn til eksisterande kulturmiljø og kulturminne i sjø. I gjeldande kommuneplan er vidare følgjande avsnitt teke inn i retningslinene til tilgrensande bustadområde (s. 20): Området skal sjåast i samanheng med friområde på nedsida av Kong Beles veg der det kan bli lagt opp til leike- og opphaldsareal. Friområde nedom vegen skal sjåast i samanheng med bustadområdet og skal kunne tilretteleggast som friområde i kombinasjon med småbåtanlegg m/molo. Reguleringsplan skal vise detaljert utforming Balestrand kommune varsla oppstart av arbeid med reguleringsplan for Hittunsfjøra i brev 28.04.2011, samt kunngjering i Sogn Avis. Planforslag er utarbeidd av Nordplan AS. Som bakgrunn for planforslaget er utarbeidd eit forprosjekt/skisseprosjekt av Nordplan AS for korleis området kan utbyggast. Det er her nytta landskapsarkitekt kompetanse med målsetjing om å kombinere og optimalisere funksjonell og estetisk utforming. Det er i tillegg utarbeidd ei ROS-analyse som følgje av krav i plan og bygningslova 4-3. Det vert vist til vedlagte dokument. Formannskapet handsama sak om utlegging av planforslag til offentleg ettersyn/utsending på høyring i sak 26/11 i møte 16.06.2011, og gjorde følgjande vedtak: Balestrand kommune gjer med heimel i Plan og bygningslova 12-10 vedtak om å sende til høyring/legge ut til offentleg ettersyn Reguleringsplan for Hittunsfjøra, 08.06.2011. I løpet av høyringsprosessen skal kulturminneregistreringar bli gjennomført i tråd med krav frå Sogn og Fjordane fylkeskommune, kulturavdelinga. Planen skal vere på høyring/ligge ute til offentleg ettersyn i tidsrommet 17.06.2011 12.08.2011. Planutkast og tilhøyrande dokumentasjon skal ligge til offentleg ettersyn på Balestrand rådhus, Balestrand folkebibliotek og kommunen si heimeside. Planutkast og tilhøyrande dokumentasjon skal sendast på høyring til aktuelle planstyremakter, grunneigar og naboar. Samrøystes. Planen vart etter dette sendt ut til høyring og lagt ut til offentleg ettersyn fram til 12.08.2011. I høyringsperioden er kulturminneregistrering gjennomført og det er kome det kome inn 2 uttaler. Det vert vist til vedlagde uttaler og planforslag. I denne saka vert planen lagt fram for godkjenning. Det er kommunestyret som gjer endeleg vedtak i saka.

Sak 25/11 VURDERING Kort oppsummering og vurdering av merknader. Det vert i dette vist direkte til dei vedlagde uttalene: Sogn og Fjordane fylkeskommune, kulturavdelinga Har gjennomført kulturminneregistrering, og det er ikkje gjort funn i området. Har ikkje kome med andre merknader. Ingen særskilde moment. Fylkesmannen i Sogn og Fjordane, miljøvernavdelinga og beredskapseininga Har ingen vesentlege merknader til planen. Ingen særskilde moment. Marta Kvikne, Oscar Alberto Romo Carrasco, Sigrunn Ytrefjord, Atle Ytrefjord Meiner planlagt utnytting med molo og badelagune vil ver framandelement i høve den historiske bruken og den landskapsmessige utsjånaden. Har følgjande konkrete merknader: Byggegrenser (føresegn pkt. 3.4) Ynskjer presisering at Plan og bygningslova gjeld. Følgjer Plan- og bygningsloven der dei ikkje er vist byggegrenser på plankart. Ingen endring. Skråningsutslag/fylling i sjø (føresegn pkt. 3.6 og 3.7) Er i mot forlenging av molo mot nord. Presisering av setning «For avslutning mot naboeigedom skal fylling planleggast i samråd med naboeigedom» Det er opna for molo/flytebrygger heilt mot nord i område Småbåtanlegg i sjø og vassdrag med tilhøyrande strandline (SAL). Viktig for potensiell utnytting av området. Ingen endring. Setninga som er trekt fram er teke inn med tanke på strandline og ev fylling/ muring i samband med naustområdet for å få ein best mogeleg tilpassa avslutning mot tillaga mur på naboeigedom. Ingen endring. Badeplass (føresegn pkt. 6) Ynskjer ikkje at grillplass vert tillate. Ynskjer at svartor mot sør vert teken vare på. Grillplass er ein naturleg del av eit friområde, som vil samle denne aktiviteten til eit tilrettelagt område. Ingen endring. Svartora mot sør er planlagt å ta vare på framover, jf vedlagt illutrasjonsplan (retningsgjevande). Ingen endring. Småbåtanlegg i sjø og vassdrag med tilhøyrande strandline (føresegn pkt. 7.1)

Sak 25/11 Meiner det bør reglar om støysvak utforming av småbåtanlegget og fortøying og vere krav om oppsamlingssystem for avrenning frå båtane ved slipp. Finn det fornuftig at det vet utforming av småbåtanlegg vert vald støysvake løysingar, men slik at dette ikkje reduserer småbåthamna sin soliditet og sikkerheit. Meiner dette bør vere ei retningsline for vidare sakshandsaming. Slippen er i utgangspunktet tenkt å vere ein enkel utkjøringsrampe. Er på samd i at det bør lagast oppsamlingssystem for avrenning frå båtane dersom det vert lagt til rette for vask og vedlikehald av båtar. Ferdsle.. (føresegn pkt. 7.5) Meiner det bør vere fartsgrense i sjøområdet kring anlegget. Vert ikkje regulert av plan og bygningslova. Bør i så fall vurderast for eit større område enn for sjøområdet i reguleringsplanen. Skjerming mot naboar Meiner det bør vere lagt opp til skjerming mot naboar. Er ikkje lagt inn i reguleringsplanen, men kan etablerast i dei planområda som er avsett i planen om ein ynskjer det. Ingen endring. For område ferdsle (føresegn 7.5) er det lagt opp til at det ikkje er tillatt med ankring og andre faste anlegg. Dersom det vert lagt til rette med flyteelement i staden for molo i område Småbåtanlegg i sjø og vassdrag med tilhøyrande strandline (SAL) skal ikkje dette hindre båtar å legge til på utsida av slik flytekai. Dette bør presiserast i denne føresegna. Ut i frå høyringsrunde og innkome merknader finn ein ut i frå ei samla sett finn ein å kunne tilrå at reguleringsplanen vert vedteken. Rådmannen si tilråding: Balestrand kommune gjer med heimel i Plan og bygningsloven 12-12 vedtak om godkjenning av Reguleringsplan for Hittunsfjøra, i samsvar med høyringsutkast 08.06.2011. med følgjande tillegg/endring: Føresegn Tillegg til pkt. 7.1 Småbåtanlegg i sjø og vassdrag med tilhøyrande anlegg (SAL). Dersom det vert lagt opp til vask av vedlikehald av båtar i samband med slipp, skal det lagast oppsamlingssystem for avrenning frå båtane. Føresegn Tillegg til pkt. 7.5 Ferdsle (o_fe) Dersom molo vert erstatta av flytebrygge i område SAL skal det vere høve til å legg båtar inntil denne i område o_fe. Retningsline Tillegg til pkt. 5.10 Småbåthamn Ved utforming av flyteelement m.m i småbåthamna, skal det søkjast å etablere støysvake løysingar.

Sak 26/11 MØTEBOK Sak nr.: Utval Møtedato 31/11 Formannskapet 24.08.2011 26/11 Kommunestyret 15.09.2011 Sakshandsamar: Johannes Sjøtun Arkiv: 252 U04 Arkivsaknr.: 11/503 Unntatt offentlig Ofl 13, fvl 13 SØKNAD OM LÅN TIL NÆRINGSBYGG I SENTRUM