Møteinnkalling for Utval for levekår og kultur

Hjartdal kommune 3692 Sauland Møteinnkalling for Utval for levekår og kultur Møtedato: 05.04.2016 Møtestad: Helsekontoret Møtetid: Kl. 18.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Sauland, 29.03.16 Gro-Anita Særsland Leiar Sakliste Sak nr. Saktittel 009/16 GODKJENNING AV MØTEBOK 010/16 DELEGASJONSSAK 011/16 REFERATSAKER 012/16 ALKOHOLPOLITISKE RETNINGSLINJER 2016-2020 013/16 SØKNAD OM STØTTE TIL UNGDOMSARRANGEMENT - LOCO-LAN 014/16 UTVIKLINGSPLAN 2016 - OPPVEKST 015/16 FASTSETTING AV PROSENTSATS FOR KOMPENSASJON, KOMMUNALE AVGIFTER 2016 016/16 OPPRETTING AV DIALEKTPRIS I HJARTDAL KOMMUNE

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.04.2016 009/16 KLF Saksansvarleg: Kristin Løvseth Funner Arkiv: K1-033 Arkivnr.: 16/599 GODKJENNING AV MØTEBOK RÅDMANNEN TILRÅR Møteboka frå 19.01.16 blir godkjent slik ho ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.04.2016 010/16 KLF Saksansvarleg: Kristin Løvseth Funner DELEGASJONSSAK Arkiv: K1-033 Arkivnr.: 16/597 FLOK-001/16 02.02.2016: FRITAK FOR UNDERVISNING VEDTAK 1. Eleven får fritak frå opplæringsplikta i perioden 01.01.16 21.03.16 2. Eleven får innvilga heimeundervisning i perioden 21.03.16 17.06.16. Omfang 5 timar a 45 min per veke. Eleven har egen IOP. FLOK-003/16 09.02.2016: BØEN KIOSK OG KAFE, SØKNAD OM FORLENGA SKJENKING VED ENKELTHØVE VEDTAK 1. Søknad frå Bøen Kiosk og Kafe om utvida skjenketid for enkelthøve fram til kl. 02:00 for laurdag 20.02./sundag 21.02.2016 for alkohol i gruppe 3 er imøtekomen. 2. Konsum må opphøre 30 minuttar etter skjenketida slutt. 3. Elles gjeld alminnelege lover og føresegner for sal og skjenking. FLOK-004/16 23.02.2016: KOMMUNAL TAXISKYSS GRUNNA FARLEG SKULEVEG VEDTAK Stine Flatland Høydahl får innvilga skuleskyss på bakgrunn av farleg skuleveg f.o.m. 01.03.2016 t.o.m. 17.06.2016 jf bestilling. Skyssretten er tilknytta skulens ordinære sluttid. Eleven møter opp på avtalt haldeplass/oppsamlingsplass, og vedtaket gjeld frå skulen og heim. Klagerett: Vedtak om skuleskyss er eit enkeltvedtak etter forvaltningslova. Vedtaket kan påklagast og klagefrist er tre veker frå mottak av dette brevet. Ei eventuell klage, saman med eventuelle nye opplysningar i saka, sendast Hjartdal kommune, Saulandsvegen 414, 3692 Sauland

FLOK-006/16 02.03.2016: SVAR TIL HJARTDAL IDRETTSLAG, BERGTUN STADION - SØKNAD OM UTBETALING AV TILSKOT VEDTAK Det utbetalast kr 383.000 frå konto 1.4700.210.3800 til Hjartdal Idrettslag, konto 2699.43.73748 FLOK-036/15 24.11.2015: SPESIALPEDAGOGISK TILTAK I BARNEHAGE VEDTAK 1. Inntil 330 årstimar med pedagog til spesialpedagogisk hjelp. 2. Det nyttast nødvendig ressurs til å utarbeide SPP og til samarbeid mellom pedagog og assistent. 3. Det utarbeidast årlege rapportar om arbeidet. RÅDMANNEN TILRÅR: Delegasjonssakene blir teke til orientering slik dei ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.04.2016 011/16 KLF Saksansvarleg: Kristin Løvseth Funner Arkiv: K1-033 Arkivnr.: 16/598 REFERATSAKER Nr Dok.ID T Dok.dato Avs./Mott. Tittel 1 16/1584 U 22.02.2016 FAU Hjartdal v/olav Langåsdalen ANMODNING OM UTBEDRING AV LIBØVEGEN I HJARTDAL RÅDMANNEN TILRÅR: Referatsakene blir teke til orientering slik dei ligg føre.

Hjartdal kommune Styre, råd, utval Møtedato Saknummer Sakshandsamar Råd for eldre og menneskje med nedsett BR funksjonsevne Kommunestyret 16.03.2016 026/16 BR Utval for levekår og kultur 05.04.2016 012/16 BR Saksansvarleg: Bjørn Rugaas Arkiv: K2-U60 Arkivnr.: 16/406 ALKOHOLPOLITISKE RETNINGSLINJER 2016-2020 Dokument i saka: Nr T Dok.dato Avsendar/Mottakar Tittel 1 I 24.02.2016 Hjartdal kommune FRAMLEGG TIL ALKOHOLPOLITISKE RETNINGSLINJER HJARTDAL KOMMUNE 2016-2020 Vedlagde dokument: Dokument nr. 1 Aktuelle lover, forskrifter, avtaler m.m.: Alkohollova med forskrifter Saksgang: Utval for Levekår og kultur tilrår Kommunestyret vedtek Bakgrunn for saka: Alkoholpolitiske retningsliner vart sist rullert i Kommunestyresak 020/12, og skal rullerast kvar nye kommunestyreperiode. Gjeldande retningsliner utgår 30.06.2016. Heilhetleg rusmiddelpolitisk handlingsplan vart vedteken i Kommunestyresak 042/14, og gjev føringar for dei alkoholpolitiske retningslinene. I perioden 2012 2016 har det vore ei utvikling innan omsetnaden av alkoholhaldige drikkevarer. Når det gjeld utsalsstader er det framleis tre utsal innan daglegvarebransjen, slik situasjonen var ved siste rullering. Av verksemder med skjenkeløyve har talet auka frå to til fem. Trass i auka skjenkestader er likevel tal på omsetnad på relativt stabilt nivå i tidsrommet 2012 2015 med ein omsetnad på mellom 55.000 og 60.000 liter.

Utsalsstader for alkohol i gruppe 1: Joker Hjartdal Spar Saulandtunet Joker Tuddal Verksemder med skjenkeløyve for alkohol gruppe 1, 2 og 3: Nordbø Pensjonat, Hjartdal Løvheim Gjestegård, Sauland Søstrene Weidemann, Tuddal Bøen Kiosk og Gatekjøkken, Tuddal Tuddal Høyfjellshotell Kontroll av at sal og skjenking av alkoholhaldige drikkevarer er i tråd med alkohollova sine krav utførast av kontrollørar frå Securitas. Det utførast kontrollar med alle sals- og skjenkestader i gjennomsnitt seks gongar årleg. I tillegg er det kontrollar med enkeltskjenkeløyve av typen ambulerande/enkelthøve. Kontrollordninga har i perioden 2013 2015 rapportert nokre få avvik på bakgrunn av manglande dokumentasjon. Det er ikkje rapportert om brot på lov- og regelverk som ville medført åtvaring eller inndragning av løyve, eller prikkbelastning etter nytt regelverk gjeldande frå 01.01.16. Det er i samarbeid med Notodden kommune gjennomført kurs i Ansvarleg Vertskap med deltakarar frå Hjartdal kommune. Innhaldet i kurset er retta mot å auke serveringsstader sin kunnskap om alkohollova og sentrale skjenkeføresegner og å kunne identifisere og løyse problemsituasjonar i vertskapsrolla ut frå ei ansvarleg alkoholhandtering. Vurdering: Framlegg til Alkoholpolitiske retningsliner har ei rekkje endringar samanlikna med dei gjeldande. I framlegget er endringar merka med gul markering, og gamal tekst er overstryken. I framlegg til nye retningsliner føreslår rådmannen følgjande endringar: Gjeldande sals-og skjenkeløyve vidareførast automatisk i ny kommunestyreperiode, utan ny søknadsbehandling. Rådmannen ser det som viktig for dei næringsdrivande at kommunen sin alkoholpolitikk er førutsigbar. Tilsyn og kontroll syner at næringsdrivande driv alkoholomsetnad på ein ansvarleg måte. Ny søknadshandsaming fjerde kvart år vurderast av rådmannen som unødig ressursbruk både for søkjar og for kommunen så lenge rammefaktorar er uendra. Ved eigarskifte, eller løyveendringar skal det søkjast på vanleg måte. Rådmannen tilrår at det opnast for sal av alkoholhaldige drikkevarer andre stader enn i daglegvarebutikkar, til dømes i gardsutsal. Det innførast søknadsskjema for ambulerande skjenkeløyve/enkeltarrangement. Bakgrunnen for dette er at erfaringar syner at det er behov for å sikre at arrangørar har god kunnskap om ansvarleg alkoholhandtering. Rådmannen foreslår å tillate sal av alkohol på valdagar. Dette er i tråd med endring i alkohollova.

Rådmannen forslår å auke skjenketidene til kl. 02.00 for alle alkoholgrupper. Kommunen har i perioden 2013 2016 motteke og behandla mange enkeltsøknader om utvida skjenketid. Alle søknadane har hatt postiv tilråding frå politi og NAV, og har blitt imøtekomne. Det er som nemnd ikkje rapportert om brot på skjenkeføresegnene i perioden. Rådmannen sitt forslag er i samsvar med gjeldande praksis i nabokommunane Seljord, Tinn og Notodden. Gjennom lovpålegg innførast det nytt regelverk om prikkbelastning som reaksjonsform ved brot på alkohollova, forskrift og lokale føresegner. Rådmannen foreslår mindre endringar og presiseringar av korleis gebyr for prøveavlegging skal handterast, og det innførast frist for innbetaling av årleg omsetnadsgebyr. RÅDMANNEN TILRÅR: Alkoholpolitiske retningsliner 2016 2020 vedtakast slik dei ligg føre. Saksordførar: 16.03.2016 Kommunestyret HANDSAMING: Bengt Halvard Odden fremma følgjande forslag: Saka utsetjast til etter handsaming i utval for levekår og kultur. VOTERING: Utsettingsforslaget blei samrøystes vedteken. KOM-026/16 VEDTAK: Saka utsetjast til etter handsaming i utval for levekår og kultur.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.04.2016 013/16 BR Saksansvarleg: Bjørn Rugaas Arkiv: K2-C11, K1-223 Arkivnr.: 16/343 SØKNAD OM STØTTE TIL UNGDOMSARRANGEMENT - LOCO-LAN Dokument i saka: Nr T Dok.dato Avsendar/Mottakar Tittel 1 I 09.02.2016 Bård Skeie SØKNAD OM STØTTE TIL UNGDDOMSARRANGEMENT - LOCO-LAN 2 U 29.02.2016 Bård Skeie FØREBELS SVAR, SØKNAD OM STØTTE TIL UNGDDOMSARRANGEMENT - LOCO-LAN Vedlagde dokument: Dokument nr. 1 Aktuelle lover, forskrifter, avtaler m.m.: Ingen Saksgang: Utval for Levekår og kultur vedtek Bakgrunn for saka: Hjartdal kommune har motteke søknad frå Bård Skeie, Vakåsveien 18c, 1395 Hvalstad om kr 10.000 i støtte til arrangementet Loco-LAN. Midlane er tenkt brukt til innkjøp av prosjektor og lerret som skal brukast på arrangementet. Arrangementet haldast på Gvammen skule 18. 20. mars 2016, og dette er nr 14 i rekka sidan 2003. Loco-LAN er eit data-arrangement retta mot ungdom frå 8. klasse og oppover, og har i alle år hatt fullteikna deltakarliste med både lokale deltakarar og ungdom som har reist langt for å bli med. Deltakartal er ca 50, der fleirtalet opplysast å vere frå kommunen. Kommunen har motteke rekneskap for 2015 og budsjett for 2016. Det går fram av dette at arrangementet balanserar med ein utgift/inntekt på ca kr 10.000, og er sjølvfinansierande med ein beskjeden deltakaravgift på ca kr 150. Dei største utgiftspostane er premiar og trykksaker. Økonomien i arrangementet gjev difor ikkje rom for innkjøp av det ønska utstyret.

Vurdering: Arrangementet er gjennomførbart grunna den frivillige innsatsen som gjerast av arrangørane, som er unge vaksne med sterk tilknytning til Hjartdal. Dette gjer det mogleg å skape ei god aktivitetsramme for ei prioritert målgruppe samtidig med at ei låg deltakaravgift gjer at alle kan delta. For arrangørane er det ei hovudsak at dei ikkje treng bruke tid og ressursar på å låne inn materiell dei treng til arrangementet. For å ha kontroll med dette ønskjer dei difor å kjøpe inn eige utstyr. Ved nærare undersøkjing er det behov for prosjektor ved Hjartdal Oppvekstsenter, og det er ein organisatorisk bagatell å syte for at denne står klar til bruk når Loco-LAN kjem for å rigge seg til. Ressursmessig er dette ei betre løysing enn å kjøpe inn utstyr som berre brukast ein gong årleg. Løysinga er avklart med leiinga for Hjartdal Oppvekstsenter og K-IKT sin representant i Hjartdal. Når det gjeld lerret ønskjer Loco-LAN å kjøpe inn i tråd med sine behov og spesifikasjonar, det er da snakk om eit mindre beløp. Rådmannen tilrår difor at det kjøpast inn ein prosjektor frå kommunen si side som kan brukast ved arrangementet, og at det løyvast kr 1.500 til Loco-LAN til innkjøp av lerret. RÅDMANNEN TILRÅR: Søknad frå Bård Skeie om kr 10.000 i støtte til innkjøp av prosjektor og lerret i samband med Loco-LAN 2016 imøtekomast med kr 1.500 til innkjøp av lerret. Konto 1.4700.210.3850 nyttast.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.04.2016 014/16 BR Saksansvarleg: Bjørn Rugaas Arkiv: K2-A00, K2-A10 Arkivnr.: 16/399 UTVIKLINGSPLAN 2016 - OPPVEKST Dokument i saka: Nr T Dok.dato Avsendar/Mottakar Tittel 1 I 23.02.2016 Hjartdal kommune UTVIKLINGSPLAN 2016 - OPPVEKST Vedlagde dokument: Dokument nr. 1 Aktuelle lover, forskrifter, avtaler m.m.: Ingen Saksgang: Utval for Levekår og kultur vedtek Bakgrunn for saka: Administrasjonen legg med dette fram Utviklingsplan for oppvekstsektoren. Primært er planen eit internt arbeidsdokument som har som mål å ordne og prioritere tiltak i oppvekstsektoren sitt pedagogiske utviklingsarbeid. Med omgrepet ordne meiner vi at viktige faglege, pedagogiske og sosiale utviklingsbehov i barnehage og skule som det peikast på frå sentralt hald eller som vi sjølv registrerar gjennom ulike kartleggingar setjast inn i ein organisatorisk samanheng. Med å prioritere meiner vi å setje dei ulike tiltaka inn i ei hensiktsmessig rekkefølgje. I plandokumentet står det: Hjartdal kommune vil med denne planen gje retning og synleggjere kva satsing- og fokusområde som vil gjelde for barnehage og skule framover. Desse vala er gjort i samarbeid mellom barnehage, skule og administrasjon. I tillegg er desse valt med bakgrunn i planar og dokument i nasjonale, regionale, fylkeskommunale og kommunale satsingar.

Den primære målgruppa for dokumentet er leiing og personale i kommunen sin barnehage, oppvekstsenter og skule. Planen må sjåast i samanheng med den årlege Tilstandsrapporten, der resultat av ulike kartleggjingar, nasjonale prøver og eksamensprøver blir samla og kommentert. Det er også naturleg at sentrale punkt i utviklingsplanen kjem til uttrykk i dei målsettingane sektoren set i det årlege økonomiplanarbeidet. Ei viktig målgruppe for plandokumentet er også den politiske leiinga for sektoren, Utval for Levekår og kultur. Det er viktig at utvalet kjenner til korleis utviklingsarbeidet i barnehage og skule fungerar, og gje høve til å kommentere dette og eventuelt kome med innspel. Vurdering: Plandokumentet byggjer på dei valde satsingsområda i sektoren, og er todelt i ein barnehagedel og ein skuledel. Det er likevel ein klar samanheng og progresjon frå barnehage til skule. Dei overordna satsingsområda i innleiingane er i tråd med sentralt utpeika behov for å auke kvaliteten i barnehage og skule. Fleire av satsingsområda representerar også tiltak der sektoren er aktive i høve til prosjekt kommunen er deltakar i til dømes Ungdomsstegssatsinga på lesing og seinast deltaking i det pågåande pilotprosjektet Språkløyper. Anna satsing går ut på å setje i verk prinsipp som er opparbeidd gjennom prosjektdeltaking som er avslutta. Døme på dette er Vurdering for Læring, der arbeidet nå går ut på å ta i bruk prinsippa i dagleg drift. Innan opplæringssektoren går det føre seg kontinuerleg utviklingsarbeid både når det gjeld lovarbeidet og reint faglege styringssignal. Tidlegare utviklingsplan hadde eit fireårig perspektiv. For at plandokumentet skal kunne drøfte eller ta opp i seg nye lovpålegg og sentrale, regionale eller lokale føringar ønskjer sektoren at planen skal rullerast årleg i administrasjonsmøte innan 1. april, første gong 2017. RÅDMANNEN TILRÅR: Utval for Levekår og kultur tek Utviklingsplan for oppvekst 2016 til etterretning slik den ligg føre.

Hjartdal kommune Styre, råd, utval Møtedato Saknummer Sakshandsamar Utval for levekår og kultur 05.04.2016 015/16 BR Saksansvarleg: Bjørn Rugaas Arkiv: K2-C85 Arkivnr.: 16/457 FASTSETTING AV PROSENTSATS FOR KOMPENSASJON, KOMMUNALE AVGIFTER 2016 Dokument i saka: Nr T Dok.dato Avsendar/Mottakar Tittel 1 I 01.03.2016 Hjartdal kommune KOMPENSASJON, KOMMUNALE AVGIFTER GOT LAG OG ORGANISASJONAR 2016, RETNINGSLINER OG SØKNADSSKJEMA 4 I 10.03.2016 Misjonshuset i Hjartdal SØKNADSSKJEMA OM KOMPENSASJON FOR KOMMUNALE GEBYR OG AVGIFTER. 3 I 12.03.2016 Sion Sauland SØKNAD OM KOMPENSASJON FOR KOMMUNALE GEBYR OG AVGIFTER 2016 Vedlagde dokument: Ingen Aktuelle lover, forskrifter, avtaler m.m.: Kommunestyresak 81/13 Retningsliner, Kompensasjon Saksgang: Utval for Levekår og kultur vedtek Bakgrunn for saka: Kommunestyret vedtok i sak 081/13 at gebyrregulativet skal ligge til grunn for fakturering av kommunale avgifter for alle abonnentar. Dette har mellom anna bakgrunn i prinsipp for sjølvkostberekning av tenester levert av kommunen - vatn, avløp, feiing og renovasjon. Vedtaket fører frå 2014 av til at organisasjonseigde hus, som tidlegare har vore friteke frå desse gebyra, blir fakturert dei tenestene dei mottek frå kommunen. Vidareføring av fritak ville vore brot med sjølvkostprinsippet, og ville i praksis tyde at den einskilde tenestebrukar hadde subsidiert dei tenestene.

Vedtaket i saka hadde i tillegg ei formulering om at "Eventuelt tilskot til dekning av kommunale avgifter må vurderast som ein del av handsaminga av økonomiplan og budsjett." I arbeidet med økonomiplan/budsjett vedtok kommunestyret å styrke budsjettpost 1.4700.210.3850, Generelt tilskot/støtte (kulturmidlar) med 50.000, av desse er 30.000 øyremerka kompensasjon for kommunale avgifter. Utval for Levekår og kultur vedtok i sak 018/14 (møte 03.06.2014) retningsliner for ordning med kompensasjon for kommunale avgifter - organisasjonseigde hus. Vedtekne retningsliner seier følgjande: 1. Det kan søkjast om tilskot til kompensasjon for utgifter til kommunale gebyr/avgifter knytt til vatn, renovasjon, avløp og feiing 2. Eigarar av organisasjonseigde hus i Hjartdal kommune som er tilgjengelege for alle 3. Søknadsfrist er 01. 03. kvart år. 4. Det skal nyttast eige søknadsskjema 5. Utval for Levekår og kultur fastset årleg tilskotsramme for ordninga Ordninga vart sett i verk fyrste gong i 2014, og utvalet vedtok for 2014 ein kompensasjonsgrad på 100 %. For 2015 vedtok utvalet også 100 % kompensasjon inklusive mva. I 2016 er det sendt ut søknadsskjema til alle som vart innlemma i ordninga i 2014 og som mottok kompensasjon i 2015. Søknadsfrist er sett til 01.04.16, og kompensasjonen vil bli utbetalt i tråd med vedteken prosentsats som i dei to tidlegare åra. Vurdering: Tabellen under syner kven som mottok kompensasjon i 2015 og på kva grunnlag. Totalramme for aktuell budsjettpost for 2016 er som i 2015 kr 665.000. Av dette er 180.000 øyremerka drift av idrettsanlegg, så frie midlar til utvalet sin disposisjon er 485.000. Anlegg Vatn Renov. Avløp Feiing Årleg samla utgift Tuddal Menighetshus 1.736 7.531 649 9.916 Fossehalli 1.736 1.736 Røde-Kors, Tuddal 2.812 845 3.657 Misjonshuset, Hjartdal 2.646 1.190 3.836 Betel, Hjartdal 1.323 1.190 494 3.007 Bergtun, Hjartdal 5.308 Klubbhuset, Sauland 6.693 3.540 7.531 17.764 Sion, Sauland 6.693 1.736 7.531 15.960 Menighetshuset, Sauland 6.693 1.736 7.531 15.960 Hjartdal sk.lag (ikkje søkt) 0 Sauland sk. lag 1.736 1.736 Kommunale avgifter, total 2015 78.880 RÅDMANNEN TILRÅR: Tilskotsramme for kompensasjon for kommunale avgifter setjast for 2016 til % av totale kommunale avgifter for dei omsøkte objekta.

Hjartdal kommune Styre, råd, utval Møtedato Saknummer Sakshandsamar Råd for eldre og menneskje med nedsett BR funksjonsevne Utval for levekår og kultur 05.04.2016 016/16 BR Saksansvarleg: Bjørn Rugaas Arkiv: K2-C58 Arkivnr.: 16/377 OPPRETTING AV DIALEKTPRIS I HJARTDAL KOMMUNE Dokument i saka: Nr T Dok.dato Avsendar/Mottakar Tittel 1 I 18.02.2016 Hjartdal Mållag OPPRETTING AV DIALEKTPRIS I HJARTDAL KOMMUNE Vedlagde dokument: Dokument nr. 1 Aktuelle lover, forskrifter, avtaler m.m.: Ingen Saksgang: Utval for Levekår og kultur vedtek Bakgrunn for saka: Hjartdal kommune har motteke oppmoding frå Hjartdal mållag v. leiar Olav Tho om å opprette dialektpris i Hjartdal kommune. Oppmodinga er grunngjeven med at dialekten er å sjå på som eit levande kulturminne som styrkar vår identitet, særpreg og sjølvtillit. Mållaget peikar også på kommunen si rolle som reisemål for mange besøkjande, og at det i ein slik samanheng er viktig å kunne syne fram ein levande dialektbruk. Mållaget meiner ein dialektpris vil auke fokuset på dialekten, gjera folk meir språkleg bevisste og stimulere til bruk av dialekt i ulike samanhengar. I oppmodinga foreslår mållaget at ein slik pris kan delast ut annankvart år til enkeltpersonar, grupper, lag eller verksemder som er gode språklege føredøme i munnleg eller skriftleg form. Vurdering: Avgjerd om oppretting av ein dialektpris er ei politisk sak. Dersom konklusjon av den politiske vurderinga av kostnadane ved ein slik pris ligg innanfor rammene til Utval for Levekår og kultur, har også utvalet mynde til å vedta denne saka og eventuelle retningsliner. Sett frå administrasjonen sin ståstad meiner rådmannen dette er ei sak som gjerne kan sjåast i ein større samanheng. Det bør difor nemnast at det er teke initiativ frå rådmannen om å søke om prosjektstøtte til delta i KS si språksatsing Klart Språk.

Målet med prosjektet er å bidra til at kommunar og fylkeskommunar styrkar sin eigen språkpraksis. Også i barnehagane og skulane i kommunen er det i gang systematisk arbeid for å styrke språkleg kompetanse. Ein dialektpris vil difor etter rådmannen si vurdering kunne tilføre det samla språkstyrkingsarbeidet som gjerast i kommunen meirverdi. Det er fleire kommunar som har oppretta dialektpris i seinare tid, til dømes Tinn, som mållaget også nemner, og det vil vere god tilgang på døme på korleis ein kan lage eit regelverk. Rådmannen vil likevel tilrå at gjerast ei prinsipiell vurdering av om det skal opprettast ein dialektpris som eit første steg. Framlegg til regelverk og praktisk tilrettelegging kan vere det neste steget. RÅDMANNEN TILRÅR: 1. Utval for Levekår og kultur vedtek å opprette ein dialektpris i Hjartdal kommune. 2. Rådmannen blir beden om å kome tilbake med forslag til statuttar/retningsliner.