Hjartdal kommune 3692 Sauland Møteinnkalling for Fondstyret Møtedato: 03.02.2016 Møtestad: Kommunehuset Møtetid: Kl.13.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Sauland, 26.01.2016 Bengt Halvard Odden Ordførar Info frå Gaustabanen AS Info om prosjektet Tuddal frå bygd til landsby Sakliste Sak nr. Saktittel 001/16 GODKJENNING AV MØTEBOK 002/16 REFERATSAKER 003/16 DISPONERING AV KONSESJONSAVGIFTSFONDETS MIDLER 2016 004/16 HJARTDAL IL/LØYPELAGET - SØKNAD OM STØTTE TIL UTBETRING AV LØYPETRASSE VED LØKJEROE 005/16 SØKNAD OM STØTTE TIL KJØP AV MJØLKEKVOTE - JON LONAR 006/16 SØKNAD OM DELFINANSIERING VEDK. TOALETT PÅ GAUSTATOPPEN OG KAPASITET UTVIDELSE AV GAUSTABANEN 007/16 DALE-BITRINGSNATTEN - SØKNAD OM MIDLAR TIL PÅBØTANDE TILTAK 008/16 HANDLINGSPLAN NÆRINGSFOND 2016
Hjartdal kommune Styre, råd, utval Møtedato Saknummer Sakshandsamar Fondstyret 03.02.2016 001/16 ISO Saksansvarleg: Ingrid Sletta Olsen Arkiv: K1-033 Arkivnr.: 16/192 GODKJENNING AV MØTEBOK RÅDMANNEN TILRÅR Møteboka frå Fondstyremøte 09.11.2015 blir godkjent slik ho ligg føre.
Hjartdal kommune Styre, råd, utval Møtedato Saknummer Sakshandsamar Fondstyret 03.02.2016 002/16 ISO Saksansvarleg: Ingrid Sletta Olsen Arkiv: K1-033 Arkivnr.: 16/191 REFERATSAKER Nr Dok.ID T Dok.dato Avs./Mott. Tittel 1 16/702 I 19.01.2016 Hjartdal kommune v/samfunnsutviklar SALDO OG BRUK - NÆRINGSUTVIKLINGSFONDET, KONSESJONSKRAFTFONDET OG KONSESJONSAVGIFTFONDET 2016 RÅDMANNEN TILRÅR: Referatsakene blir teke til orientering slik dei ligg føre.
Hjartdal kommune Styre, råd, utval Møtedato Saknummer Sakshandsamar Fondstyret 03.02.2016 003/16 SLA Saksansvarleg: Stefan Langfors Arkiv: K1-242, K2- Arkivnr.: 14/902 DISPONERING AV KONSESJONSAVGIFTSFONDETS MIDLER 2016 Aktuelle lover, forskrifter, avtaler m.m.: Vedtekter 251 000 58 Konsesjonsavgiftsfondet Saksgang: Fondsstyret vedtek Bakgrunn for saka: Konsesjonsavgiftsfondet (heretter KAF) er heimla i industrikonsesjonslova og Vassdragsreguleringslova. KAF mottek årleg eit fast beløp som avgift for konsesjonspliktig kraftproduksjon i kommunen. Beløpet blir indeksjustert, og Hjartdal kommune mottek i dag ei årleg overføring på kroner 1 366 000. Bruken av desse midlane er vidare regulert gjennom lokale vedtekter. Regelverket er tufta på departementale standardvedtekter som set ytre rammer for bruk av fondet. Desse vedtektene fastslår mellom anna at Konsesjonsavgifstfondet skal nyttast til tiltak som kan fremje næringsliv, busetjing og utvikling i Hjartdal kommune. Basis for prioritering av midlar er kommunen sine overordna planverk og målsettingar. Erfaringar syner at midlane til ein stor del blir nytta til føremål av føreseieleg karakter. Det er difor effektiviserande at det settast av midlar til desse tiltaka for å spare ressursar på å handsame dei som einskilde saker. Intensjonen med endringane i fondsvedtektene i 2012 var at KAF skulle bli eit fond for dei faste, årlege utgiftene knytt til kommunen si laupande tilrettelegging for næringsutvikling. I den grad det kjem til andre saker må desse handsamast i enkeltvedtak og innafor dei resterande rammene for fondet. Det same gjeld eventuelle endringar i føresetnadane for budsjettet som her framleggast. Det er akkumulert noko kapital på grunn av underforbruk i tidligare år, men vedtektene fastslår samstundes at Uttak av midlar skal som hovudregel ikkje overstige årleg tilvekst til fondet. Bufferkapital vil difor normalt ikkje omfattast av saksframlegget, men Rådmannen vil i år fremje forslag om eit ytterlegare forbruk knytt til ei ekstra innsats kring
busetting. For ordens skuld understrekast det likevel at dette ikkje er uttrykk for ei endring av praksis. Rådmannen meiner at denne tilnærminga både skaper betre kostnadskontroll og større føreseielegheit. Vurdering: Det er innleiingsvis utarbeidd ei liste over føreseielege tiltak som er finansiera over KAF i 2015. Desse er vidare kategorisert ut frå om dei har form av å vere bunden til tidligare vedtak som ikkje utan vidare kan omgjerast. Ein kom då fram til følgjande utlisting: Kategori 1 - Tiltak bunden til tidligare vedtak: 1. Interkommunalt Næringsfond 2. Samordna Næringsapparat i Kongsbergregionen felleskostnader 3. Drift av Næringsapparat, inkl. stilling for Samfunnsutviklar Kategori 2 - Tiltak basera på sedvane og som ikkje er lagt inn i kommunens ordinære budsjett: 4. Tilskot til løypekøyring 5. Drift av turistinformasjon 6. Marknadsføring og liknande 7. Tilskot/kjøp av tenester frå Øst-Telemark Etablerersenter 8. Kulturbasert Næringsverksemd Det er vidare gjort ei vurdering av tiltakas stabilitet i høve til kostnadens storleik, som gir oss ein indikator på kor påliteleg ein kan budsjettere på den enkelte post. Føresetnaden er at der forventa avvik frå budsjett er mindre enn 10 000,- reknast tiltaket som stabilt. Tiltak Stabilt Ustabilt Interkommunalt Næringsfond X Samordna Næringsapparat -felleskost X Drift av Næringsapparat X Tilskot til løypekøyring X Drift av turistinformasjon X Marknadsføring og liknande X Øst-Telemark Etablerersenter X Kulturbasert Næringsverksemd X Dei fleste tiltaka bærer preg av stor stabilitet. På fleire av dei er kostnaden allereie kjend. For dei som er kategorisert som ustabile, er det grunngjeve nedanfor. Tiltaket Drift av næringsapparat er objekt for endringar i tråd med generell lønsvekst og generell kostnadsutvikling. I tillegg er det vanskeleg å føreseie i kor stor grad den faktiske bruken av stillinga til Samfunnsutviklar vil være innanfor fondets virkeområde. Stillingsheimelen opnar for at andre oppgåve kan bli lagt til stillinga, og erfaringa så langt syner at det i noko utstrekning òg skjer. I dei tilfelle desse oppgåvene ikkje fell inn under tilrettelegging for næring og busetting, skal dei heller ikkje finansierast over KAF.
Tiltaket Kulturbasert Næringsverksemd er eit forsøk på å møte dei tiltaka som ligg i ei gråsone mellom næringsverksemd og ordinære kulturarrangement. Ramma som blei avsett i 2015 blei ikkje nytta, men det betyr ikkje at behovet ikkje er til stades. Som følgd av stort budsjettavvik i 2015 sorterast det likevel som ustabilt. Tiltaket Tilskot til løypekøyring har i prinsippet vore relativt stabil over tid. Endringar i løypetrasear kan likevel tenkast å gje avvik større enn skildra over. Rådmannen har vidare gjort ei vurdering av dei einskilde tiltaka. Vurderinga er gjort med utgangspunkt i tidligare vedtak samt dagens behov og moglegheiter for å gjere endringar. Tiltak 1 Interkommunalt Næringsfond: Det Interkommunale Næringsfondet er et politisk vedtatt medlemsskap i eit regionalt samarbeid. Majoriteten av midlane går til finansiering av Telemarkskanalen og Telemark Reiselivsråd. Totalt bind det opp 70% av fondets tilførsel. Vidare er 30% av midlane satt av til generell næringsutvikling, kor det òg er moglegheit for søknad frå aktørar i Hjartdal, då både frå einskilde verksemder og kommunane sjølve. I ei overordna vurdering leggast det til grunn at deltakinga i fondet er politisk vedteken. Møterepresentasjon gjerast i politisk regi. Deltakinga forpliktar kommunen til å yte eit økonomisk vederlag, og kan bare opphevast gjennom utmelding frå fondssamarbeidet. Realhandsaminga av kostnaden blir difor ikkje om ein skal yte tilskot, men korleis det skal finansierast. Basert på sedvane og fondets formål, legg Rådmannen til grunn at finansiering for 2016 skal skje over KAF. Kostnaden er berekna til ca. 66 000 kroner basera på tidligare løyvingar. Tiltak 2 Næringssamarbeidet i Kongsbergregionen - driftstilskot Deltakinga i Næringssamarbeidet i Kongsbergregionen er på same vis ein del av eit større og politisk stadfesta samarbeid. Kostnadane er knytt spesifikt til drifta av næringssamarbeidet, men sidan aktiviteten planleggast og utførast utanfor administrasjonen i Hjartdal Kommune har Rådmannen sett det som ryddigast å skilje det ut frå det næringsarbeidet som skjer innafor kommunen. Det leggast opp til ei auka innsats på regional samhandling innanfor næringsutvikling, ei utvikling Rådmannen ser som spanande. Hjartdals del av denne kostnaden er frå Kongsbergregionen berekna til totalt 25 000 kroner for 2015. Tiltak 3 Drift av kommunens næringsapparat Drifta av kommunens næringsapparat er i heilskap knytt til stillinga som samfunnsutviklar, og inkluderar løn og sosiale kostnadar, reise- og kjøregodtgjering, deltaking på kurs og liknande. I tillegg kjem ei lita avsetning til andre driftskostnadar. Dette kan til dømes vere programvare, annonsering, tidsskrift og liknande ad hoc utgiftar. Kostnadane vil variere med aktivitetsnivå og politiske bestillingar, og lønskostnadar vil være objekt for ordinære lønsjusteringar. Erfaringane syner ein trend der ein variabel del av ressursane til samfunnsutviklar blir bunden opp i andre tiltak. Det var sett av 780 000 i 2015 til drift av næringsapparat. Eit førebels anslag syner at ein del av stillinga til samfunnsutviklar har vore bunden opp i andre funksjonar, mellom anna eigedomsforvaltning, landbruk (konsesjonar etc.) og prosjektarbeid. Dette medfører at det
faktiske beløpet som blir belasta konsesjonsavgiftsfondet vil bli noko lågare enn anslått. Per i dag er ikkje den nøyaktige effekten av dette på fondsbehaldninga rekna ut. Rådmannen har likevel vald å budsjettere ut frå ein føresetnad om at samfunnsutviklaren i 2016 primært skal jobbe med område som er innafor Konsesjonsavgiftsfondets føresegn. Rådmannen har satt av opp til 800 000 til formålet. Tiltak 4 Tilskot til løypekøyring Det er i budsjettbehandlinga vedteke å styrke ordninga for stønad til løypekøyring med kroner 200 000. Det har skjedd i form av løyving over det ordinære driftsbudsjettet frå 2016 (dvs ikkje fondsfinansiert). Dette er signalisert som ei auke ut over tidligare finansiering. Det vil verenaudsamt med ein prinsipiell prosess som avklarar korleis friske midlar mest bidrar til å styrke løypetilbodet, men finansieringa over KAF vil uansett ligge som grunnfinansiering. Det er satt av 200 000 til formålet. Tiltak 5 Drift av turistinformasjon Rådmannen visar til pågåande prosess kring omorganisering av tilbodet. Det er vedteken at turistinformasjonen skal lysast ut som ein tenestekonsesjon. Rådmannen har ikkje hatt kapasitet til å prioritere dette arbeidet, og samstundes har det kome til nye element i høve til vedtaket om UNESCO verdsarvstatus for Notodden/Tinn der det no sjåast på ein heilskapleg modell for kommunikasjon og marknadsføring av heile regionen, inkludert Hjartdal. I 2015 har det difor vore servicetorget som betener eventuelle førespurnadar, som er same modell som Notodden nyttar. Pågangen har vore overraskande låg, men det heng nok delvis saman med marknadsføringa av tilbodet, samt at etterspurnaden er størst i helger der tilbodet ikkje er tilgjengeleg. Uavhengig av prosessar er det viktig at Hjartdal Kommune har økonomisk kapasitet til å sette i verk tiltak, og konklusjonen om tenestekonsesjon står foreløpig uendra. Rådmannen tilrår på det grunnlaget at det settast av midlar for drift i 2016 som i føregåande år. I 2015 blei det avsett 165 000 til formålet. Desse midlane står unytta. Rådmannen ber Fondsstyret vurdere om desse midla kan nyttast til å utarbeide ein digital plattform for heile kommunen. Dette vil vere eit behov uavhengig av kva løysing ein ender opp med for ein informasjonsverksemd. Sonderingar hos både Visit Telemark og Visit Rjukan syner at det er mogleg for Hjartdal å kjøpe seg inn i deira løysingar. I tillegg kjem kostnadar til fotografi, design og liknande. Rådmannen meiner det bør vere rom for å få på plass ei fullgod løysing godt innanfor dei rammene som er frigjort gjennom underforbruk i 2015. Rådmannen tilrår at det settast av 165 000 som overordna ramme til drift av turistinformasjonen. Rådmannen tilrår at unytta ramme frå 2015 nyttast til å etablere ei felles destinasjonsside for reisliv og opplevingar i kommunen i samarbeid med ein av dei regionale aktørane. Eventuell unytta ramme vil førast tilbake til fondet. Tiltak 6 Marknadsføring og busettingstiltak Det kjem frå tid til anna tilbod og førespurnader frå andre aktørar kor sakshandsaming og politiske vedtak kan vere til hinder for å agere raskt nok. Det kan til dømes gjelde felles marknadsføringstiltak i regi av Innovasjon Norge, einskilde arrangement eller tiltak som Hjartdalsbilaget i Telen.
I tillegg ønskjer Rådmannen i 2016 å legge eit ekstra trykk på busetting. Dette mellom anna med utgangspunkt i at vi no har eit nytt bustadfelt som blir lagt ut i marknaden, men og som svar bestillingar i tiltakskatalogen frå Kommuneplana sin handlingsdel og ØP 2016-2019 der Rådmannen mellom anna bes arbeide med ulike tiltak knytt til auka busetting ( ) eller tiltak som kan fremme auka bustadbygging blant unge. Utarbeiding av informasjons- og marknadsmateriell vil vere eit naturleg tiltak i ein slik samanheng. Rådmannen tilrår at det settast av 225 000 til formålet, kor av 200 000 utgjer ei ekstraordinær løyving retta mot busettingstiltak i 2016. Tiltak 7 Øst-Telemark Etablerersenter Hjartdal Kommune har i fleire år vore med på å finansiere dette tilbodet, og har god erfaring med ordninga. Samstundes er det no ein gjennomgåande prosess på gong i ØTE for så sjå på korleis tenesta skal organiserast i framtida, på initiativ frå Telemark Fylkeskommune. ØTE har i 2015 utvida tilbodet til å gjelde heile Kongsbergregionen. Dette som del av ei ordinær anbodsprosess, der ØTE fekk tilslaget. Det gjer at dei har utvida staben samt etablera eit ekstra kontor i Kongsberg, noko som kjem alle deltakande kommunar til gode. Hjartdal har delteke aktivt i utviklinga, og er representert i stiftelsesstyret v/samfunnsutviklar. Rapportering til kommunen viser stor variasjon i bruken frå Hjartdals side dei seinare åra, og ein må rekne med ein viss variasjon i tala. Vi ser samstundes at mange av dei nyetableringane som har kome seinare år har nytta tenesta og opplevd det som nyttig. I tillegg organiserer ØTE deltaking på yrkesmessa, kor kommunen deltek. Dei er og involvera i Ungt Entreprenørskap og tilbyr noko kursaktivitet som kommunens næringsliv kan nytte seg av. Rådmannen har vidare vurdert tilbodet opp mot den auka ressursbruken som må forventast om ein ikkje vel å nytte seg av tenesta. Tilbodet må då forventast overteken av kommunens eige apparat. Deltaking i 2015 inneber ein kostnad på knappe 70 000 kroner, som tilsvarer knappe 10% av tidsressursane hos samfunnsutviklar. Det vil då måtte forventast redusera tidsbruk på andre føremål utan at Rådmannen har teke stilling til slike prioriteringar her. Nytten av tilbodet er i stor grad avhengig av aktiviteten i næringslivet. I tillegg er det opparbeidd kompetanse i ØTE som i liten grad kan overførast til eigen organisasjon. Det er vanskeleg å talfeste effekten, men det er naturleg å anta at det gjevast ei meir effektiv rådgjeving i ein organisasjon som har det som sitt daglege virke. Ein anna effekt som ein heller ikkje bør oversjå er at ein viktig del av tenesta er å skilje dei dårlege initiativa frå dei gode. Det krev for det fyste erfaring, men det kan òg vere omdømestyrkande for Hjartdal kommune at slike vurderingar gjerast med ein viss avstand, og at kommunen kan fokusere si verksemd på dei tiltaka som allereie er vurdert som positive og realistiske. Dette er ikkje tillagt stor vekt, men er ein del av heilskapen som følgjer med dagens organisering. Ut frå overståande vurdering er det Rådmannens tilråding at ordninga vidareførast. Rådmannen tilrår at det settast av 65 000 til formålet.
Tiltak 8 Kulturbasert Næringsverksemd Rådmannen har over tid identifisert ei type verksemd som har hatt ein tendens til å falle mellom dei etablera tilskotsordningane som er rådande. Dette gjeld det ein kan definere som kulturbasert næringsverksemd. Med det meinast verksemd som har eit kasseapparat og gjerast til inntekts erverv av einskilde aktørar eller organisasjonar, men som i større grad enn anna verksemd er avhengig av offentleg finansiering og kvalitative vurderingar for å realiserast. Tilfanget av slike tiltak er moderat, men dei tiltaka som kjem plasserar seg gjerne i gråsona mellom kulturmidlar og ordinære næringstilskot. Eksempel på slike tiltak er til dømes plateinnspelingar, kunstprosjekt eller arrangement. Det kan ha verdi både i høve til omdømmebygging og styrking av lokal kultur å stø slike tiltak, men det er ofte vanskeleg å plassere dei i dagens tilskotsregime. Tilsvarande ramme var avsett for 2015. Fleire tiltak blei vurdera innanfor ramma, men ingen av dei blei innvilga midlar (herifrå). Det betyr ikkje at behovet ikkje er til stades, og Rådmannen tilrår difor foreløpig at ordninga vidareførast, men med eit mindre beløp. Søknadar som skal prøvast mot desse midlane skal handsamast politisk. Rådmannen tilrår at det settast av 15 000 til formålet. Tiltak 8 Midlertidig løypefond I økonomiplanen 2015-18 er det avsett midlar til eit løypefond med 500 000 per år i 2016-2017. Avsettingar betyr reint formelt ei disponering av overskotet i dei omtala åra. Opphvaleg låg dei og inne i plana for 2014-2017, men blei saldera i budsjettforhandlingane. Den praktiske følgda av vedtaket er at midlar tidligast vil vere tilgjengeleg og open for søknadar når eit eventuelt overskot for 2016 er klart, normalt medio 2017. Det er rådmannens klare oppfatning at det ute i kommunen er ei forventing om at desse midlane er tilgjengeleg frå og med 2016. Det har mellom anna kome til uttrykk ved at ein allereie har motteke ein søknad innretta mot desse midlane. Det kan tenkast å vere nyttig å avsette litt midlar i påvente av dei endeleg fondsavsettingane. Rådmannen foreslår difor at det gjerast ei mindre avsetting frå KAF for å handtere eksisterande og eventuelle nye søknadar som kjem inn. Inntil midlane er på plass vil det uansett vere nærliggande å prøve slike søknadar mot KAFs midlar, og ei avsetting allereie no kan redusere ressursbruk og handsamingstid. Rådmannen tilrår at det settast av ei ekstraordinær pott på 50 000 til formålet. RÅDMANNEN TILRÅR: 1. Tiltak Ramme for tiltaket a) Interkommunalt Næringsfond 66 000 b) Kongsbergregionen felleskost 25 000 c) Drift av Næringsapparat 800 000 d) Tilskot til løypekøyring 200 000 e) Drift av turistinformasjon 165 000 f) Marknadsføring og liknande 25 000 g) Øst-Telemark Etablerersenter 70 000
h) Kulturbasert Næringsverksemd 15 000 SUM: 1 366 000 Ekstraordinære tiltak 2016: i) Tiltak innretta mot auka busetting 200 000 j) Felles destinasjonsside for 150 000 kommunen k) Midlertidig løypefond 50 000 SUM: 400 000 2. Vidare disponering av punkta h) og k) blir vedteke av Fondsstyret som enkeltsakar etter søknad. 3. Finansieringa skal skje over 251 000 58 Konsesjonsavgiftsfondet 4. Andre tiltak som søkast finansiert over Konsesjonsavgiftsfondet skal framleggast som einskilde saker for Fondsstyret.
Hjartdal kommune Styre, råd, utval Møtedato Saknummer Sakshandsamar Fondstyret 03.02.2016 004/16 SLA Saksansvarleg: Stefan Langfors Arkiv: K1-223, K2-C22 Arkivnr.: 15/1375 HJARTDAL IL/LØYPELAGET - SØKNAD OM STØTTE TIL UTBETRING AV LØYPETRASSE VED LØKJEROE Dokument i saka: Nr T Dok.dato Avsendar/Mottakar Tittel 1 I 23.09.2015 Hjartdal I.L./Løypelaget SØKNAD OM STØTTE TIL UTBETRING AV LØYPETRASSE VED LØKJEROE Vedlagde dokument: Dokument nr. 1 Aktuelle lover, forskrifter, avtaler m.m.: Vedtekter, 251 000 58 Konsesjonsavgiftsfondet Saksgang: Fondsstyret vedtek Bakgrunn for saka: Innkomen søknad frå Hjartdal IL om stønad til utviding av bru ved Løkjeroe. Vurdering: Søknaden skildrar eit investeringstiltak som skal sikre framførsel av løyper med løypemaskin i eit område kor dette har vore problematisk. Tiltaket er iflg søkjar avklara med grunneigar. Det er ikkje tvil om at tiltaket er tufta på eit reelt behov, så saksframstillinga tek fyst og fremst stilling til kva rolle kommunen skal ha i finansieringa. Det er i samband med eigedomsskatten gjort avsetningar til eit løypefond som skal nyttast til infrastrukturtiltak i kommunens løypenett. Det omsøkte tiltaket vil naturleg falle inn under desse midlane, men desse er fyst aktivert i budsjett frå 2016. Sidan det er avsett som disposisjonsfond vil det i praksis ikkje være klart før i 2017 om midlane faktisk er disponible. Det er nok riktig å seie at prosessen har skapt forventingar og virkelyst ute hos publikum som no konkretiserast i fysiske tiltak. Rådmannen har lagt fram et forslag til førebels løysing i Fondsstyresak 003/16.
Som det kjem fram av søknaden er det frå lagets side viktig å få dette gjennomførd før komande sesong, og kommunen må difor ta stilling til korleis ein skal handsame tiltak som kjem før midlane er disponible. Total kostnad for tiltaket er skildra til kroner 36 870,- Det er då nytta ein låg sats på dugnadsarbeidet (150 kr/t). Realverdi av arbeidet er nok noko høgare, noko som igjen betyr at den kommunale finansieringa i realiteten nok er ein mindre del av totalen enn det som kjem fram av søknaden. Rådmannen opererer normalt med ein sats på kroner 300,- per time. Om det skal ytast stønad til tiltaket har Rådmannen lagt til grunn at det bør finansierast over konsesjonsavgiftsfondet. Det er grunngjeven i tidligare handsama sak 003/16. Løypenettet er viktig for opplevinga av kvalitet for kommunens besøkande. Det har kome tydelege signal frå politisk hald om at kommunen skal ha ei rolle i å syte for at løypenettet vedlikehaldas og vidareutviklast. Rådmannen har difor vald å innstille positivt. Stønadens storleik må til ein stor grad bli skjønnsbasert i slike høve. Ut frå budsjettet i søknaden vil tilskotet utgjere 68% av totalkostnaden, noko som synast høgt. Om ein justerer for sats bruk på å berekne verdi av dugnadsinnsats, aukar tiltakets kostnad til kr 48 870,-, og stønadens omfagn reduserast til 51% av totalkostnad. Det er naturleg at kommunen delar kostnadene høveleg jamt med frivilligheita. Rådmannen har difor vald å innstille på det beløp som er omsøkt. RÅDMANNEN TILRÅR: 1. Søknad frå Hjartdal IL om kroner 25 000,- til forbetring av løypetrase ved Løkjeroe blir innvilga 2. Stønad kan utbetalast etter framlagd dokumentasjon på kostnadar i høve til budsjett 3. Tilskotet skal finansierast over 251 000 58 Konsesjonsavgiftsfondet
Hjartdal kommune Styre, råd, utval Møtedato Saknummer Sakshandsamar Fondstyret 03.02.2016 005/16 SLA Saksansvarleg: Stefan Langfors Arkiv: K2-V11 Arkivnr.: 16/104 SØKNAD OM STØTTE TIL KJØP AV MJØLKEKVOTE - JON LONAR Dokument i saka: Nr T Dok.dato Avsendar/Mottakar Tittel 1 I 12.01.2016 Jon Lonar SØKNAD OM STØTTE TIL KJØP AV MJØLKEKVOTE Vedlagde dokument: Dokument nr. 1 Aktuelle lover, forskrifter, avtaler m.m.: Vedtekter og gjeldande handlingsplan, 251 001 12 Næringsutviklingsfondet Saksgang: Fondsstyret vedtek Bakgrunn for saka: Innkomen søknad frå Jon Lonar om stønad til kjøp av mjølkekvote på 43 440 liter Vurdering: Behovsvurdering og grunngjeving av stønad samt prinsipp for prissetting av stønadens storleik er allereie grundig behandla gjennom vedtaket i fondsstyrets sak nr. 031/13 samt vedteken handlingsplan for næringsutviklingsfondet. Det er difor ikkje gjort noko ny vurdering får Rådmannens side på desse områda. Rådmannen står dermed fast på at dette er løyvingar som har ei positiv innverknad på næringas lønnsemd og konkurransekraft som kan dokumenterast grundig. Signala frå næringa som heilskap er òg udelt positive til at ordninga er lagt inn som ei føreseieleg ordning. Kostnaden knytt til erverv er styrt av marknaden. Det har lenge vore mangel på mjølkekvoter, som leder til problem med å skalere opp drifta i den takta ein ønskjer. Fondsstyret har tidligare løyva tilskot til ei betydeleg utbygging av fjøset frå same søkar (Fondsstyrets sak 006/15), og søkar fekk der eit avslag på eit samla tilskot for framtidige kvotekjøp grunna tilgang på fondsmidlar. I same sak ble søker oppmoda om å skulle levere søknadar fortløpande etter kvart som kvotekjøp blei realisert.
Etter ein reduksjon i kvoteprisane i 2012 har prisen vore stabil på 2,50 per liter i den offentlege marknaden, mens kvoter i den private marknaden har auka. Kjøpar har her kjøpt store delar av kvota i den private marknaden, og kostnaden er derfor høgare enn i tidlegare saker. I og med at det er underdekning i den offentlege marknaden, ser ikkje Rådmannen nokre prinsipielle årsaker for at kommunen skal vere negativ til at kvoter kjøpast privat. Med ein etablera stønadssats på 28,5% av kostnad endrar ikkje risikofordelinga mellom kommune og søkjar seg, men stønadsbeløpet blir naturleg nok høgare. I denne saka vil total løyving etter avrunding vere på kroner 58 300,- av ei total investering på kroner 204 520,- eks. mva. Ei utfordring med søknaden er at fondsbehaldninga per i dag er nede på kroner 21 625,- Dette skuldast politiske prosessar i det fylkeskommunale systemet. Reint formelt blir tilførsel av friske fondsmidlar vedteken i næringsutvalet i Telemark Fylkeskommune etter framlagd rapport for 2015, samt vedteken handlingsplan for inneverande år. Normalt betyr det at tilførsel av fondskapital vil skje rundt mai/juni. Fondsstyret hadde ei liknande sak i januar 2015. Der valde dei å løyve tilskot, med atterhald om finansiering på den delen som det ikkje var dekning for i fondet. Rådmannen tilrår at tilsvarande prinsipp leggast til grunn her. Å sette saka på hald i nærare eit halvt år vil både vere ugunstig for søkjar, samt medføre ei forvaltningsmessig utfordring om det kjem inn mange nye søknadar i mellomtida. Rådmannen meiner at når ein først har laupande handsaming av søknadar som prinsipp må ein velje den løysinga som er mest trufast mot ein slik praksis. Søkjar er informert om at fondet har kapitalutfordringar. RÅDMANNEN TILRÅR: 1. Søknad frå Helge Hovdejord om stønad til kjøp av mjølkekvote på 43 440 liter blir innvilga, men med atterhald om tilførsel av fondsmidlar frå Telemark Fylkeskommune. 2. Stønaden settast til 28,5% av innkjøpspris, tilsvarande kroner 58 300,-. Av desse utbetalast kroner 21 300,- no. Dei resterande 37 000,- utbetalast kun dersom fondet får tilførd friske midlar. 3. Løyvinga skal dekkast over 251 001 12 Næringsutviklingsfondet.
Hjartdal kommune Styre, råd, utval Møtedato Saknummer Sakshandsamar Kommunestyret SLA Fondstyret 03.02.2016 006/16 SLA Saksansvarleg: Stefan Langfors Arkiv: K1-223 Arkivnr.: 15/1918 SØKNAD OM DELFINANSIERING VEDK. TOALETT PÅ GAUSTATOPPEN OG KAPASITET UTVIDELSE AV GAUSTABANEN Dokument i saka: Nr T Dok.dato Avsendar/Mottakar Tittel 1 I 18.12.2015 Gaustabanen SØKNAD OM DELFINANSIERING VEDK. TOALETT PÅ GAUSTATOPPEN OG KAPASITET UTVIDELSE AV GAUSTABANEN Vedlagde dokument: Dokument nr. 1 Aktuelle lover, forskrifter, avtaler m.m.: Vedtekter, 256 00 068 Konsesjonskraftfondet Saksgang: Fondsstyret tilrår Kommunestyret vedtek Bakgrunn for saka: Innkomen søknad frå Gaustabanen AS om delfinansiering av toalett på Gaustatoppen og kapasitetsutviding på Gaustabanen. Vurdering: Veksten i brukarar på Gaustatoppen ser berre ut til å fortsette. Rådmannen vil innleiingsvis seie at dette er ei spanande utvikling som byr på mange muligheiter for kommunens næringsliv og regionen som destinasjon og tilbydar av opplevingar. Opninga av Gaustabanen for publikum har vore ein sterk drivar i denne utviklinga, og har gjort toppen langt meir tilgjengeleg for det breie lag av befolkninga. Det er samtidig kjend for dei fleste at den raske veksten i seinare år har utløyst ei rekke kapasitetsutfordringar. Denne søknaden heng direkte saman med dette.
Rådmannen har vald å prøve søknaden mot Konsesjonskraftfondet. Dette er dels fordi det berre er her det er nok midlar til å dekke søknadsbeløpet. Dernest fordi det kan argumenterast for at tiltaket er infrastruktur for utvikling av området, og difor best høyrer heime under Konsesjonskraftfondet. I saksutgreiinga vil ein i noko grad måtte ta stilling til kva rolle Hjartdal Kommune skal ha i utviklinga av Gaustaområdet. Det er ingen tvil om at utviklinga har følgder for kommunen. Både i form av auka trafikk inn i kommunen, med potensiale for positive ringverknader for næringslivet, kanskje spesielt i Tuddal. I tillegg har det påverknad på kommunens omdøme. Det gjeld både dei storslagne naturopplevingane som leverast, men òg korleis området og næringslivet er innretta for å handtere dei besøkande. Samstundes er ein del av tilbodet organisera gjennom verksemder som heilt eller delvis er privat eigd og driven. Det kan vere utfordrande for kommunen å manøvrere i eit slikt landskap, der ein både skal ha ei rolle som pådrivar og tilretteleggar for vekst og utvikling, men òg ivareta og kontrollere at utviklinga skjer med omsyn til miljø, grunneigarar og andre interesser. Der søknadar kjem frå private aktørar, må det vurderast grundig om eventuell stønad vil kome heile brukarmassen og næringslivet til gode. I vedtektene for konsesjonskraftfondet 2 finn ein følgjande formulering: Det skal ikkje gjevast tilskot til einskildverksemder frå Konsesjonskraftfondet. Dette er ei formulering som i yttarste konsekvens utelukkar tilskotsmidlar til nær sagt alle typar søkjarar, forutan bruk i kommunal regi. Tidligare praksis syner at det har vore meir fokus på tiltakets formål, virkeområde og omfang enn på organisasjonsform. Slik rådmannen samla tolkar vedtektene, er målet med denne formuleringa å sikre at midlane nyttast til tiltak som kjem allmennheita til gode i brei forstand framfor ordinære næringstilskot. Gaustabanen er reint formelt organisert som eit aksjeselskap. Tinn Kommune er klart største eigar med 41,29% av aksjane, noko som gjer signal om at selskapets virkeområde frå Tinn Kommune er oppfatta som allmennyttig. Majoriteten av aksjane er likevel fordelt på ei rekke private aktørar, men då i hovudsak verksemder som er avhengig av ei heilskapleg utvikling av området for å sjølv utvikle seg positivt. Rådmannen er vidare orientert om dei investeringsplanane som er vedteken for Gaustabanen AS. Her kjem det fram at planen er å investere nærare 90 millionar kroner i anlegget over ei tiårsperiode frå 2010-2020. Rådmannen tolkar det som eit sterkt signal om at eventuell avkastning i selskapet vil reinvesterast i å ytterlegare styrke Gaustabanens kapasitet og kvalitet. Noko som utvilsamt vil kome heile området til gode. Til no er det investert godt og vel 20 millionar i anlegget, som med dette tiltaket nærmar seg 30 millionar. Spørsmålet fondsstyret må ta stilling til er om søkar primært er å rekne som ei infrastrukturverksemd som primært underbygger anna aktivitet i Gaustaområdet, eller om det bør vurderast som ei ordinær kommersiell verksemd. Selskapets vedtekter er svært standardiserte, og opnar mellom anna for utbytte. Basert på dei utviklingsplanar som ligg føre, er det nok lite sannsynleg at det vil skje, men det bør likevel vere ein del av totalvurderinga. På lang sikt ser ikkje rådmannen noko motsetning i at ei bedrift tener pengar og betalar ut utbytte som følgd av tidligare innvilga stønad. Dette er difor tillagt mindre vekt i den samla vurderinga. Søknaden er på kroner 750 000,- av ei total investeringsramme på 8 740 000,- på dette tiltaket. Det tilsvarar 8,5% av totalkostnaden. Beløpet utgjer nær 23% av den totale kapitalen på konsesjonskraftfondet, som i dag er på ca. kroner 3 270 000.
Totalt er det omsøkt over 4 millionar får offentlege finansieringskjelder til tiltaket. Rådmannen gjer merksam på at ESA gjennom EØS-avtala har satt ei øvre grense på 200 000 Euro over tre år for kva som kvalifiserar som bagatellmessig støtte. Stønad over dette beløpet skal som hovudregel godkjennast på førehand av EFTA. Det er den totale offentlege stønaden, og ikkje berre Hjartdals bidrag, som skal leggast til grunn. Det er ei rekke unnatak frå ordninga, og nokre av dei kan vere aktuelle for tiltaket. Det kan vere krevjande å kartlegge dette, og rådmannen har ikkje hatt ressursar til å gjere ei meir inngåande vurdering. Det er vidare hensiktsmessig å sjå på ei samkøyring mellom de offentlege instansane som har motteke søknaden for å gjere ei felles samla vurdering. Eventuell stønad må difor gjevast med atterhald om at det kan ytast som bagatellmessig stønad, subsidiært at det gjevast løyva frå EFTA. Rådmannen vurderar Gaustaområdet som eit av dei viktigaste satsingane i kommunen i dag. Det er basera på innspel frå lokalt næringsliv og politikarar, samt det store regionale trykket som er på å utvikle Gaustatoppen som regional og nasjonal spydspiss i reiselivet. Så framt Gaustabanen blir vurdert primært som ein underliggande infrastruktur, er rådmannen positiv til at det ytast stønad. Samstundes er det betydelege midlar som skal investerast i området, og det er viktig at kommunens avgrensa midlar nyttast der det gjer størst effekt. Rådmannens vurdering er at Gaustabanen er ein nøkkelaktør i så måte, og at Hjartdal Kommune difor bør vise seg som ein medspillar i å få ei positiv utvikling. Spesielt på dei områda som betrar opplevinga for dei som besøker området. Toalettfasilitetar og mindre ventetid på banen opplevast som relevante i denne samanhengen. RÅDMANNEN TILRÅR: 1. Søknad frå Gaustabanen AS om stønad på 750 000,- til utbetring av toalettfasilitetar og passasjerkapasitet blir innvilga. 2. Løyvinga gjerast med atterhald om at det kan vere naudsamt med godkjenning frå EFTA knytt til forordning om bagatellmessig stønad. Rådmannen jobbar vidare med å avklare dette ovanfor dei andre offentlege bidragsytarane. 3. Løyvinga skal finansierast over 256 00 068 Konsesjonskraftfondet
Hjartdal kommune Styre, råd, utval Møtedato Saknummer Sakshandsamar Kommunestyret SLA Fondstyret 03.02.2016 007/16 SLA Saksansvarleg: Stefan Langfors Arkiv: K1-223, K2-U00 Arkivnr.: 16/125 DALE-BITRINGSNATTEN - SØKNAD OM MIDLAR TIL PÅBØTANDE TILTAK Dokument i saka: Nr T Dok.dato Avsendar/Mottakar Tittel 1 I 14.01.2016 Dale-Bitringsnatten prosjektet DALE-BITRINGSNATTEN - SØKNAD OM MIDLAR TIL DEKNING AV PROSJEKTET 2 I 15.01.2016 Dale-Bitringsnatten prosjektet REVIDERT SØKNAD OM MIDLAR TIL DALE- BITRINGSNATTEN PROSJEKTET Vedlagde dokument: Dokument nr. 2 Aktuelle lover, forskrifter, avtaler m.m.: Vedtekter, 256 000 68 Konsesjonskraftfondet Saksgang: Fondsstyret tilrår Kommunestyret vedtek Bakgrunn for saka: Innkomen søknad frå prosjektet Dale-Bitringsnatten ved Rjukan Næringsutvikling om stønad til påbøtande tiltak i påvente av permanent løysing på parkeringsproblematikken i området. Vurdering: Gaustatoppen opplever ei valdsam utvikling i talet på besøkande. Førebels tal for 2015-sesongen viser ein stad mellom 80-90 000 besøkande. I haustferien passerte talet på parkerte bilar i området kring Stavsro 1000. Det er minst fem gonger dagens kapasitet. Den største delen av tilreisande kjem så langt det er kartlagd over Tuddal, men det er ikkje talfesta nøyaktig.
Rådmannen deltok i orienteringsmøte med prosjektleiinga og SVV den 21. januar 2016. Der blei det gjort greie for dei planane som no settast i verk av SVV, og korleis det påverkar prosjektet. Bestillinga frå Telemark Fylkeskommune som vegeigar er at det skal utredast parkering for opp til 600 bilar. Det er ikkje dermed sagt at det byggast så mange plassar. Endeleg konklusjon vil måtte ta omsyn til ei rekke faktorar som inkluderar miljøomsyn, grunneigarinnspel, kostnadar samt andre relevante faktorar. Ei vanleg grovkalkyle er at ein parkeringsplass binder opp om lag 30 kvm areal, når på- og avkøyring, rom for manøvrering og andre faktorar er tatt med. Det betyr at dagens bestilling i yttarste konsekvens kan binde opp 18 mål. Og det vil framleis ikkje vere i nærleiken av å dekke kapasitetsbehovet slik det har teikna seg på dei dagane med mest utfart. SVV reknar med at planprosessen vil ta minst 2-3 år rekna frå januar 2016, og at sjølve entreprisen tidligast kan reknast påbegynt i 2018. Det skuldast mellom anna plan- og høyringsprosessar, samt atterhald om fullfinansiering av tiltaket frå vegeigar og eventuelle andre partar. Med det som bakteppe er det viktig at prosjektet parallelt ser på andre løysingar som kan redusere parkeringsbehovet permanent. I tillegg vil dagens situasjon fortsette å vere svært utfordrande inntil nye parkeringsløysingar er på plass. Desse problemstillingane bør sjåast samla, noko prosjektet har tatt initiativ til i søknaden. Påbøtande tiltak mens SVV prosjekterer ei ny løysing er heilt naudsamt både for trafikksikkerheit og brukaropplevinga. Ein anna viktig faktor er at det vil gje ein moglegheit til å teste ut effekten av mellom anna skyttelbussa for å redusere talet som søkjer parkering nær toppen. Det tenkast ha mest effekt på dei som har hytte i området samt reisande som bur på overnattingsstader på båe sider av toppen. Tilrettelegging for alternative ruter er òg eit viktig tiltak. Rådmannen meiner at skyttelbussar som òg har koplingar ned mot Tuddalsbygda og Rjukan opnar for næringsutvikling på ein måte som ikkje finst i særleg grad i dag. Det er relativt vanskeleg å utvikle næringsverksemd nær sjølve toppen, så å knytte saman utfarta med områda der det er meir næringsverksemd er spanande og kan tenkast å ha svært positive verknader. Det opnar mellom anna for at verksemder lengre nede kan marknadsføyre og utvikle produkt som er knytt til toppen i større grad enn i dag. Søkjar har retta ein likelydande søknad til Tinn kommune, Hjartdal Kommune og Telemark fylkeskommune. I tillegg er ein del tiltak tenkt heilt eller delvis finansiera av brukarar/næringsinteressentar. Det er vidare lagt opp til at prosjekteigarane sjølve skal finne fram til ei fordeling av eventuelt tilskot. Rådmannen har vore i kontakt med båe dei andre partane, og har konkludert med at det enklaste er ei tredeling. Grunngjevinga er at utviklinga av området er å sjå som eit skjebnefellesskap der det er vanskeleg å kome fram til eit fordelingsprinsipp som sikrar ei rettferdig fordeling. Det er brukaropplevinga som er viktig her, og alle partar er tent med Rådmannen har tatt til orde for at det tiltaket som gjeld vinterbrøyting anten burde haldast utanfor eller at tilsvarande tiltak på Bitringsnatten burde vurderast, men dei andre partane argumenterte for at det på sikt vil jamne seg ut etter kvart som tiltak settast i verk. Det er heller ikkje innanfor Rådmannens mandat å drive utstrakt forhandling, så konklusjonen er å leggje fram saka med ei likefordeling som prinsipp i tråd med dei andre prosjekteigaranes ønskje.
Rådmannen har vurdert det som at dette er ei sak som er svært egna for Konsesjonskraftfondet, med utgangspunkt i 2, der formuleringa er at midlane skal nyttast til viktige fellestiltak som felles utviklingsprosjekt, investeringar knytt til næring, stadsutvikling og fellestiltak for næringslivet/lokalsamfunnet Finansieringa er søkt for dei tre komande sesongane ( 2016 til og med 2018). Det inneber ei totalramme på kroner 760 000,- for søknaden. Tiltaket er naturleg nok ikkje prissett nøyaktig, så løyvinga er ei ytre ramme for tilskotet. Beløpet utgjer rett over 23% av kapitalen i fondet per dags dato. Beløpet er betydeleg, men kan vise seg å vere ei god investering med tanke på å få ei heilskapleg utvikling som legger til rette for næringsutvikling kring den attraksjonen Gaustatoppen er i ferd med å bli. Rådmannen tilrår at det førast eige prosjektrekneskap for å halde oversikt over dei reelle kostnadane knytt til tiltaka skildra i søknaden. Rådmannens største bekymring er at mykje midlar no kanaliserast inn i eit einskild prosjekt. Men samstundes er dette kanskje saman med verdsarva det største utviklingsprosjektet vi har hatt i kommunen på mange år. Vi ser i media at det er klar forventing om at kommunen skal ta ei aktiv rolle i utviklinga, og som ein av prosjekteigarane er det vanskeleg for rådmannen å tilrå at ein skal stille seg utanfor sjølv om kostnadane er betydelege. RÅDMANNEN TILRÅR: 1. Søknad frå prosjektet Dale-Bitringsnatten ved Rjukan Næringsutvikling om stønad til påbøtande tiltak i perioden 2016-2018 ved Gaustatoppen blir innvilga med kroner 760 000,- 2. Stønaden utbetalast i tre omgangar, i forkant av kvar sesong. 3. Løyvinga føreset at tiltaka blir fullfinansiert. 4. Det skal førast eige prosjektrekneskap for tiltaka som skal inngå i prosjektrapporten. 5. Løyvinga blir finansiera over 256 000 68 Konsesjonskraftfondet
Hjartdal kommune Styre, råd, utval Møtedato Saknummer Sakshandsamar Fondstyret 03.02.2016 008/16 SLA Saksansvarleg: Stefan Langfors Arkiv: K1-242 Arkivnr.: 16/195 HANDLINGSPLAN NÆRINGSFOND 2016 Vedlagde dokument: Utkast handlingsplan 2016 Aktuelle lover, forskrifter, avtaler m.m.: Retningslinjer for kommunale næringsfond kap. 551.60 og Kompensasjon for økt arbeidsgiveravgift kap 551.61 Vedtekter, 251 001 12 Næringsutviklingsfondet Saksgang: Fondsstyret vedtek Bakgrunn for saka: Som det framkjem av retningslinjer for kommunale næringsfond er det naudsamt med ein politisk vedteken handlingsplan for bruken av midlane. Dette er òg innarbeida i lokale vedtekter, jf. 2. Næringsutvalet i Telemark Fylkeskommune skal ha plana til godkjenning i sitt møte i slutten av februar. Dette er ein føresetnad for å få tilførd midlar. Vurdering: Plana er ei harmonisering av lokale, regionale og statlege føringar. I fjor blei både samfunnsdelen av kommuneplana rullerast, i tillegg til at fylkeskommunen starta ei prosess med å rullere si næringsplan. Desse prosessane er framleis pågåande. Det er difor lite som talar for ei større omprioritering innafor planas formål før desse prosessane er sluttførde. Plana er likevel stramma opp ytterlegare i forma, og det er gjort mindre endringar innafor prioriteringane, mellom anna med tanke på at plana ikkje skal bli for generell og famne for bredt. Rådmannen opplyser òg om at det framleis synast å hefte noko usikkerheit kring vidareføringa av denne ordninga, noko som må tilleggast vekt i vurderinga av kor mykje ressursar ein bør leggje i langsiktig planlegging kring ordninga. Kommunen har gjeve signal tilbake til fylkeskommunen om at desse midlane er viktige for å sikre knoppskyting og vilje til satsing innafor næringslivet. Risiko og ulempe blir vurdert som liten og veg ikkje opp for dei openbare fordelane. Det har
ikkje vore strukturelle, marknadsmessige eller politiske hendingar som tilseier at eksisterande plan er utdatera. Hjartdal kommune har etablera ei praksis med å la aktuelle næringsforeiningar og lag uttale seg og kome med innspel til plana. Grunna nye signal frå Fylkeskommunen på når dei ville ha det til handsaming er det i denne runden avgrensa til Tuddal Utvikling. Utkast til planen er framlagd for Tuddal utvikling, som har som mål å handsame den i sitt årsmøte den 28. januar. Dette er etter utsending av sakspapira, så eventuelle innspel derifrå vil bli presentert for fondsstyret i møtet. RÅDMANNEN TILRÅR: Handlingsplan for næringsfond 2016 blir vedteken som framlagd.