SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE.

COWI AS Fosshaugane Campus Trolladalen 30 6856 Sogndal Telefon 02694 www.cowi.no SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. RAPPORT APRIL 2014 OPPDRAGSNR. A052680 DATO 14.04.14 UTARBEIDD KONTROLLERT GODKJENT STEINAR NES HELGE HENRIKSEN STEINAR NES

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 1 INNHALD 1 Samandrag 2 2 Innleiing 3 3 Grunnlag 4 4 Generell vurdering av skredfare 5 5 Undersøkingar av skredfare 6 5.1 Grunntilhøve 6 5.2 Topografi 7 5.3 Vegetasjon 8 5.4 Drenering 8 5.5 Tidlegare skredhendingar 9 6 Vurdering av skredfare 10 7 Faresone og omsynssonekart 18 8 Konklusjon 20 9 Referansar 21 VEDLEGG 1 TEK 10 7.1-7.3 VEDLEGG 2 Simulering med Rocfall

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 2 1 Samandrag Det skal detaljregulerast for omlegging og utbetring av Fv 566 Vesetgjelet på Osterøy. I samband med dette arbeidet vil det verte lagt ut eit mindre område som LNFR-spreidd bustad. Området ligg innafor aktsemdsgrensene for snøskred og delvis innafor aktsemdsgrensene for steinsprang på www.skrednett.no. Då må det utførast ei nærare undersøking av skredfare. COWI AS vurderer at heile planområdet tilfredstiller tryggleikskrava for bustader i tryggleiksklasse 2 i TEK 10 7.3 i høve skredfare, dersom ein ikkje avskogar lia aust for planområdet.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 3 2 Innleiing Det skal detaljregulerast for omlegging og utbetring av Fv. 566 i Vesetgjelet på Osterøy. I samband med dette arbeidet skal det leggjast ut eit mindre område som LNFR-spreidd bustad (Fig. 1). Området ligg delvis innafor aktsemdsgrensene for steinsprang og heilt innafor aktsemdsgrensene for snøskred på www.skrednett.no. Tiltakshavar må då få undersøkt om skredfaren er reell ved å innhente geologisk rapport frå føretak med sentral godkjenning, ansvarsrett og erfaring frå skredfarevurdering. COWI AS er engasjert til å utføre denne vurderinga. Fig. 1 Kartet viser avgrensinga av ca. planområde merkt med svartstipla omriss.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 4 3 Grunnlag Planområdet ligg innanfor aktsemdsområda for snøskred og delvis for steinsprang på www.skrednett.no. Regelverket krev då at det skal gjennomførast ei nærare vurdering av skredfare og at eventuelle omsynssoner skal innarbeidast i plankart. Skredfare går inn under Byggteknisk forskrift (TEK 10; 7.1 og 7.3). Her vert byggverk plasserte i tryggleiksklassar etter konsekvens og største årlege nominelle sannsyn for skred. Bustader inngår i tryggleiksklasse S2 der tryggleikskravet er høgst ei skredhending per 1000 år. Følgjande dokument og kjelder nytta i vurderingsarbeidet: - www.skrednett.no - digitale kartdata Skredfaren er vurdert etter retningslinene i NVE sin rettleiar 2/2011 "Flaum og skredfare i arealplanar". Området blei synfart av geolog Steinar Nes den 18.03.14.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 5 4 Generell vurdering av skredfare Skred omfattar steinsprang/steinskred/fjellskred, jordskred, flaumskred, snøskred og snøsørpeskred. I nasjonalt dekkande aktsemdskart for steinsprang og snøskred er det synt område der ein skal vise aktsemd i arealdisponeringa. Aktsemdskarta (www.skrednett.no) for steinsprang vert framstilt på grunnlag av ein digital høgdemodell der område med terrenghelling > 45 grader automatisk vert klassifisert som løysneområde for steinsprang. I aktsemdskarta for snøskred er område med brattare terrenghelling enn 30 grader klassifisert som løysneområde. Påfølgjande datamodelleringar gir utløpsdistansar (rekkevidde) frå løysneområda. Utløpsområda vert berekna automatisk utan omsyn til effekten av lokale faktorar, som for eksempel skog. Aktsemdskarta er basert på ein landsdekkande terrengmodell (Statens kartverk) med oppløysing 25*25 meter, der datagrunnlaget hovudsakleg er basert på 20 meters koter. Det er ikkje gjort feltbefaringar i arbeidet med aktsemdskarta. Aktsemdskarta syner at planlagd bustadområde ligg delvis innanfor utløpsområdet for steinsprang og heilt innafor utløpsområdet for snøskred (Fig. 9; Fig. 14). For steinskred/fjellskred, jordskred, flaumskred og snøsørpeskred er det ikkje laga landsdekkande aktsemdskart. Her må skredfaren vurderast særskilt. Jordskred kan generelt løysast ut der terrenghellinga er større enn 27 grader. Flaumskred oppstår vanlegvis i samband med ekstreme nedbørssituasjonar som følgje av aktiv erosjon og materialtransport langs bratte vassdrag og bekkeløp med mykje lausmassar. Snøsørpeskred er skredmassar av sterkt vassmetta snø. Dei rører seg i stor fart, og kan også føre med seg noko jord- og steinmateriale. Snøsørpeskred vert løyste frå ei rekke område der vatn blir tilført og akkumulert i snødekket.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 6 5 Undersøkingar av skredfare Til grunnlag for skredfarevurderinga er ei synfaring av terrenget der vi ser på topografi, grunn- og vegetasjonstilhøve og drenering. I tillegg kjem kartanalysar ved hjelp av IT-verktøy, datasimuleringar av steinsprang og vurdering av tidlegare skredhendingar. 5.1 Grunntilhøve Bergarten i området er diorittisk til granittisk gneis. Ifølgje NGU sitt lausmassekart er det bart fjell med stadvis tynt lausmassedekke og litt tynn morene i nedre del av planområdet (Fig. 2; Fig. 3). Dette stemmer godt i høve synfaring, men det var også noko skredmateriale under brattkantane i området. Fig. 2 Lausmassekart (www.ngu.no) som syner at planområdet har tynn morene. Over planområdet er det bart fjell med stadvis tynt lausmassedekke. Ca. plassering av planområdet er merkt med raudt omriss.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 7 Fig. 3 Bilete som viser dei typiske grunntilhøva i skråninga bak planområdet. Synleg fast fjell med noko lausmasse oppå. 5.2 Topografi Planområdet ligg på eit flatt område med nokre bustadhus og beitemark imellom desse (Fig. 4). Aust for bustadhusa er ein skråning på 60-65 meter høg skråning med terrenghelling på mellom 27 og 45 grader. Nokre stader er det mindre brattkantar (maks 3 meter) som er nær vertikale og der bart fjell er synleg. Over skråninga er eit flatt område og terrengnedsenking som skjermar planområdet for steinsprang frå ei brattare og større fjellsidene lenger aust (Fig.4). Fig. 4 Terrenghellings- og topografisk kart med ekvidistanse 1m. Fargekodar indikerer terrenghelling. Grøn mindre enn 27 grader, gul 27-45 grader, raud 45-90 grader. Ca. plassering av planområdet er merkt med svart omriss.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 8 5.3 Vegetasjon Planområdet er for det meste utbygd med hus og tilhøyrande infrastruktur i aust og vest. Midt i planområdet er det eit flatt område med beitemark. I skråninga aust for planområdet er det beitemark saman med noko granskog og ein del tett lauvskog som dominerer (Fig. 5). Fig. 5 Bilete som viser dei typiske grunntilhøva innafor planområdet og i skråninga bak. 5.4 Drenering Det renn ein bekk på grensa sør i planområdet (Fig.4; Fig. 6). Bekken samlar overflatevatn frå delar av skråninga bak planområdet. Sidan det er tynt lausmassedekke i skråninga vil bekken vere tørr i nedbørsfattige periodar og ha vassføring berre i nedbørsrike periodar. Eit søkk over skråninga bak planområdet samlar vatnet frå fjellsider lenger oppe og fører det bort frå planområdet i nordleg retning (Fig. 4; Fig. 7). Fig. 6 Bilete som viser bekken som ligg heilt sør i planområdet.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 9 Fig. 7 Biletet va flata/søkket over skråninga bak planområdet som fører overflatevatnet frå fjellsidene bort frå planområdet. 5.5 Tidlegare skredhendingar I den nasjonale skreddatabasen (www.skrednett.no) er det ingen opplysningar om tidlegare skredhendingar innafor planområdet. På synfaringa vart det observert nokre potensielle løysneområde for steinsprang i mindre brattkantar i skråninga aust for planområdet. Det ligg ein del steinsprangblokker under delar av desse brattkantane, også nokre ferske steinsprangblokker (Fig. 8), men ikkje innafor planområdet. Fig. 8 Bilete som viser eit fersk løysnepunkt med ferske steinsprangblokker like under. Lengste utløp frå løysnepunktet var i dette tilfellet ca. 10-15 meter.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 10 6 Vurdering av skredfare Fjellskred/steinskred Vi har ikkje sett strukturar i berggrunnen som indikerer fare for utgliding av fjellmassar i storleiksorden steinskred eller fjellskred. Steinsprang I aktsemdskartet for steinsprang (www.skrednett.no) ligg planområdet delvis innafor utløpsområde (Fig. 9). Grunna oppløysinga i terrengmodellen syner aktsemdskartet ikkje løysneområde med mindre høgdeskilnad enn 20 meter. I enkelte tilfelle kan også skråningar med høgdeskilnad på 20-50 meter falle utanfor. Feltarbeidet og terrenghellingskartet (Fig. 4) avdekka nokre mindre brattkantar i skråninga rett bak planområdet. Fig. 9 Utsnitt frå aktsemdskart for steinsprang (www.skrednett.no) som viser potensielle løysneområde (svart skravur) og utløpsområde (grå skravur). Planområdet er ca. merkt med raudstipla omriss. Under synfaringa såg vi ikkje steinsprangblokker i planområdet. Men sidan den austre delen av planområdet, som ligg nærast skråninga, er utbygd kan vi ikkje utelukke at steinsprangblokker er rydda ved utbygging. Difor er potensielle løysnepunkt grundig synfara for å kartlegge sannsyn for utglidingar. Vi har også sett på utløpslengder til blokker som er løyste frå dei aktuelle områda og utført datasimuleringar av steinsprang for å finne utløpslengder.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 11 Lengst nord i planområdet er det eit løysnepunkt ca. midt i skråninga som har potensiale for mindre utfall (Fig. 13, Profil 1). Ut frå synfaringa vurderer vi at den store blokka, merkt med svart pil (Fig. 10), ligg stabilt. Det er elles oppsprukke fast fjell attmed den store blokka. Vi vurderer sannsynet for at det kan løysne blokker frå denne delen av brattkanten som større enn 1/1000, men at desse vil vere under 1 m 3 grunna stor oppsprekkingsgrad. Under brattkanten er det observert fleire blokker ved foten av skråninga. Som eit supplement i vurderinga av rekkevidda for steinsprang frå denne brattkanten har vi gjort steinsprangsimuleringar med dataprogrammet Rocfall frå Rocscience (Fig. 13). Fig. 10 Bileta viser dei sørlegaste potensielle løysnepunkta for steinsprang i skråninga. Biletet viser brattkanten (raudt omriss) og utløpslengda til blokken løyst derifrå (svart omriss). Biletet til høgre viser same brattkant frå ein anna vinkel. Lenger sør i skråninga er det ei lita skrent med blottlagt fast fjell som er bratt nok til å løysne steinsprangblokker (Fig. 13, Profil 2). Synfaringa avdekka oppsprukke fjell og ferske utløyste blokker, noko som gjer at vi vurderer sannsynet for utløysing av steinsprang til større enn 1/1000 per år (Fig. 11). Under skrenten ligg ei ur med blokker opp mot 1m 3. Vi observerte ikkje blokker som har nådd inn i planområdet frå desse brattkantane. Som eit supplement i vurderinga har vi også her nytta simuleringar i Rocfall for å sjå kor langt blokker kan nå (Fig. 13). Fig. 11 Bilete som viser oppsprukke fjell i beltet med brattkantar i skråninga ca. midt over planområdet. Dette ligg ca. midt i skråninga.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 12 Lengst i sør er fjellskrenten glatt synleg fast fjell som er noko mindre oppsprukke (Fig. 12). Vi vurderer likevel at sannsynet for at blokker skal løysna er større enn 1/1000 per år. På grunnlag av oppsprekkingsgrad og tidlegare løyste blokker vurderer vi at blokker vil vere mindre enn 1 m 3. Det er noke usikkert om steinsprang frå løysneområdet lengst sør i skråninga kan ha utløp mot planområdet (Fig. 13, Profil 3). Nokre blokkar kan finne veg mot planområdet, men ikkje alle. Som eit supplement i vurderinga på utløpslengd har vi nytta simuleringar i Rocfall (Fig. 13). Fig. 12 Bilete som viser den sørlegaste brattkanten i skråninga som kan ha potensiale til å nå planområdet. Simuleringane i Rocfall er utførte for terrengprofil konstruerte på grunnlag av digitale kart med 1 meters høgdekurver. Lokalisering av profila er vist på figur 13. Sjølve profila er viste i VEDLEGG 2. Grunntilhøva langs profila er bestemte ut frå feltsynfaringa, digitale foto og ortofoto. Vi har skilt mellom bergskrentar, ur med skog og jord med vegetasjon. Avhengig av underlaget legg ein til kvar seksjon av eit profil bestemte materialeigenskapar (Tabell 1). Dette er restitusjonskoeffisientar som er forholdet mellom hastigheita eller energien til blokka etter og før samanstøyten med underlaget. Koeffisientane skildrar bremsinga ei steinblokk i rørsle får på underlaget. Tabell 1 under syner verdiane for dempingskoeffisientane og friksjonsvinkel som er brukte i simuleringane. Det er nytta standardverdiar (frå Rocfall) for dempingskoeffisientar normalt på underlaget (R N ) og tangentielt på underlaget (R T ). Desse vert rekna som relativt konservative. Simuleringane er gjort med steinblokker på 1 m 3. Storleikane ser me på som realistiske, men konservative på grunnlag av synfaringa. Større blokker, som kan nå lenger, vurderer vi til å ha mindre sannsyn enn 1/1000 per år. Kvar simulering gir ein statistisk fordeling av utløpslengda til 50 steinsprang, der skredbanene for kvar blokk blir oppteikna langs profila. Simuleringane er i utgangspunktet konservative og tek blant anna lite omsyn til bremseeffekten av skog, og at steinblokker vert fragmenterte på veg nedover. Fleire simuleringar gir inntrykk av steinspranget sin sprett og utløpsdistanse.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 13 Detaljerte dokumentasjonsfiler frå simuleringane er tilgjengelege og kan skaffast ved å kontakte COWI AS. Grunnforhold R N (σ) R T (σ) Friksjonsvinkel Bart fjell 0.53 (0.04) 0.99 (0.04) 30 (2) Bergskrenter 0.35 (0.04) 0.85 (0 04) 30 (2) Ur med skog 0.32 (0.04) 0.80 (0.04) 30 (2) Jord med vegetasjon 0.30 (0.04) 0.80 (0.04) 30 (2) Tabell. 1 Verdiar med standardavvik for dempingskoeffisientar og friksjonsvinklar brukt i simuleringane. Vi har utført 20 simuleringar for kvart løysneområde. Maksimal utløpslengde for simuleringane med til saman over 1000 enkelthendingar er synt på Figur 13. Desse viser at blokker ikkje vil nå fram til planområdet. Profil 1 Profil 2 Profil 3 Fig. 13 Terrenghellingskartet syner lokaliseringa av profila der det er utført simuleringar av steinsprang med Rocfall. Svarte linjer viser profila simuleringane er baserte på. Kvite prikkar syner løysnepunkt for blokker. Kvite stjerner viser maksimal utløpsdistanse for simuleringane. Ca. planområder er merkt med svart omriss. På grunnlag av observerte blokker i terrenget, simuleringane utført i Rocfall, og fagkunnig skjønn vurderer vi heile planområdet som trygt i høve steinsprang med sannsyn 1/1000 per år.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 14 Snøskred I aktsemdskartet for snøskred (www.skrednett.no) ligg planområdet innafor teoretisk utløpsområde (Fig. 14). Fig. 14 Utsnitt frå aktsemdskart for snøskred (www.skrednett.no) som viser potensielle løysneområde (raud skravur) og utløpsområde (lys raud skravur). Ca. planområde er merkt med svartstipla omriss. Det er det potensielle løysneområdet rett aust for planområdet, markert med gult omriss, vi vurderer til å ha utløp inn i planområdet. Resterande løysneområde vurderer vi etter synfaringa til å ha for lang avstand eller feil utløpsretning. Store delar av skråninga er dekka med skog (Fig. 7), noko som verkar stabiliserande på snøen. Planområdet ligg i område med mildt fjordklima. Dei næraste målte temperaturane til planområdet er i Lonevåg og dei syner at gjennomsnittstemperaturen i januar er over 0 C (Fig. 15). Klimaprognosane frå Klima i Norge 2100 (Hanssen-Bauer o.a. 2009) seier 2-3 C varmare temperatur på Vestlandet mot år 2100. Fjellsida vender mot vest. Den dominerande nedbørsførande vindretninga i området er frå vest. Dette er gunstig då det vil samlast opp lite vindtransportert snø/skavlar på i skråninga over planområdet. Dette gjer at det er lite sannsyn for at det skal leggja seg mykje snø i lia over planområdet. Fig. 15 Månadsnormalar (www.eklima.no) frå 1961-1990 for Lonevåg syner at døgnmiddeltemperaturen ligg like over 0 grader celsius, sjølv i vintermånadane.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 15 Vi har ikkje observert spor av snøskredaktivitet i skråninga og det er heller ingen naturlege snøskredbaner ned mot planområdet. Vi kan ikkje sjå bort ifrå mindre utglidingar av snø oppe i lia, men vi vurderer at desse på grunn av storleik, topografi og avstand ikkje vil nå området. Totalt sett vurderer vi planområdet som trygt mot snøskred med sannsyn 1/1000 per år. Jordskred Skråninga over planområdet har tynt lausmassedekke/feit matjord og knausar med fast fjell kan sjåast opp igjennom lia (Fig. 3; Fig. 10). Det er eit avgrensa dreneringsområde ned til planområdet sidan det ligg eit søkk bak skråninga over området som fører vatnet bort. Lite nedbørsfelt ned mot planområdet gjer at det blir mindre vatn i grunnen, noko som minkar sannsynet for auka poretrykk i massane. Dette er den viktigaste grunnen til utløysing av jordskred. Ut frå synfaringa kan det virke som det er dyr som trakkar i skråninga. Dyretrakka kan bidra til at lausmassedekket får mindre styrke. Mindre og grunne utglidingar kan skje ved at dyretrakk lokalt kan destabilisere lausmasseparti. Men dei hydrologiske tilhøva, det tynne lausmassedekket og vegetasjonen i fjellsida gjer at sannsynet for større lausmasseskred som kan nå og gjere skade på bygningar vurderast til mindre enn 1/1000 per år. Ein føresetnad for denne vurderinga er at ein unngår avskoging av skråninga sidan dette kan auke sannsynet for jordskred. For å finne lengste sannsynlege utløp for jordskred ved avskoging av skråninga brukar vi profil 2. Profil 2 er frå området vi vurderer som mest utsett (Fig. 13, Profil 2; Fig. 16). Det er brukt ein siktevinkel på 30 grader frå anteke løysnepunkt til maksimal utløpslengd på profilet. Fig. 16 Modellering av teoretisk lengste utløp for jordskred i profil 2 (Fig. 13) med løysnepunkt i øvste del. Utløpslengd ligg innafor planområdet. På grunnlag av moglegheita for avskoging av lia over planområdet vurderer vi ikkje heile planområdet som trygt i høve jordskred med sannsyn 1/1000 per år. Jordskred med sannsyn 1/100 per år vurderer vi til å ikkje kunne nå inn i planområdet. Innafor planområdet er terrenghellinga under 27 grader eller er utbygd noko som eliminerer jordskredfaren. Skredfaregrense er vist i Kapittel 7.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 16 Flaum- og snøsørpeskred På grunnlag av lite nedbør som snø og ingen dreneringsveg frå større nedbørsfelt ned mot området vurderer vi planområdet som trygt i høve flaum- og snøsørpeskred med sannsyn 1/1000 per år. Kvikkleireskred Området ligg over marin grense og dermed er det ikkje marine avsetningar i området. Med dette vurderer vi planområdet som trygt i høve kvikkleireskred med sannsyn 1/1000 per år. Flaum-overvatn Det er ein liten bekk/dreneringsløp/grøft heilt sør i planområdet (Fig. 4). Bekken er delvis kanalisert og samlar overflatevatnet frå den sørlege delen av skråninga over planområdet. Langs traktorvegen nedst i skråninga renn vatnet ned til lågaste punkt i terrenget før det renn over vegen og ned til bekkeløpet (Fig. 17). Denne delen av bekken er dårleg definert og i store nedbørsperiodar kan vatnet renne over bekkeløpet og følgje naturleg dreneringsveg inn mot planområdet (Fig. 18; Fig. 19). Dette er ikkje snakk om skredfare, men vi vurderer det som relevant i høve oppføring av nye bustader i området at ein ikkje har fare for overfløyming.ved betre kanalisering av elveløpet vurderer vi sannsynet for flaum/overvatn inn i planområdet til mindre enn 1/200 per år, noko som er tilstrekkeleg i høve krava i TEK 10. Fig. 17 Bilete som viser korleis vatnet renn langs traktorvegen, over denne, og ned mot bekkeløpet.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 17 Fig. 18 Biletet til venstre viser kvar bekkeløpet bør definerast betre (grøn strek). Dette må gjerast frå traktorveg og ned til der elveløpet er betre definert for å unngå at vatnet renn inn mot planområdet (raude piler). Fig. 19 Kart som vise ca. stad der elveløpet bør definerast betre. Dette er merkt med grøn strek. Ca. planområde er merkt med svartstipla omriss. Godt definert elveløp er merkt i med blå strek.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 18 7 Faresone og omsynssonekart Ut frå vurderinga vår i Kapittel 6 er jordskred dimensjonerande skredhending for planområdet. Faresonegrenser for skredhendingar med sannsyn 1/1000 per år dersom fjellsida blir avskoga eller skogen blir skjøtta på feil måte er vist i Fig. 20, og er teikna på grunnlag av: 1)Modellering av lengste potensielle utløp for jordskred 2) Terreng- og kartanalysar 3) Fagleg skjønn Fig. 20 Faresonekart for skred (jordskred) med sannsyn 1/1000 år er vist med grøn strek. Planområdet er vist med svart omriss.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 19 Fornuftig skjøtting av skogen er: - å unngå total avskoging av fjellsida - å unngå hogst som skapar potensielle jordskredløp - nyplanting ved uttak av hogstmoden skog Området som ikkje må bli avskoga, men heller skjøttast på ein fornuftig måte er vist på kartet i Fig. 21. Dersom dette området inngår som omsynssone i planen, reknar vi planområdet som skredsikkert i høve jordskred med årleg sannsyn 1/1000. Fig. 21 Omsynssonekart som viser område i skråninga aust for planområdet som må skjøttast på ein fornuftig måte(rosa skravur). Planområdet er merkt med svart omriss.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 20 8 Konklusjon Planområdet har tilfredstillande tryggleik mot skredfare i høve til TEK 10 7.3 for bygningar i tryggleiksklasse S2, dersom ein unngår avskoging av skråninga aust for planområdet, men heller skjøttar skogen på ein fornuftig måte (Kapittel 7). Dreneringsløpet frå traktorvegen og ned til utgravd bekkeløp må kanaliserast betre for å unngå sjansen for overfløyming.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 21 9 Referansar Hanssen-Bauer I., Drange H., Førland E.J., Roald L.A., Børsheim K.Y., Hisdal H., Lawrence D., Nesje A., Sandven S., Sorteberg A., Sundby S., Vasskog K. & Ådlandsvik B. 2009: Klima i Norge 2100. Bakgrunnsmateriale til NOU Klimatilplassing, Norsk klimasenter, september 2009, Oslo NVE 2011:Kartlegging og vurdering av skredfare i arealplanar. Vegleiar/Vedlegg 2 til NVE retningslinjer 2/2011, Flaum og skredfare i arealplanar.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 22 Vedlegg 1 TEK 10 Kapittel 7. Sikkerhet mot naturpåkjenninger 7-1. Generelle krav om sikkerhet mot naturpåkjenninger (1) Byggverk skal plasseres, prosjekteres og utføres slik at det oppnås tilfredsstillende sikkerhet mot skade eller vesentlig ulempe fra naturpåkjenninger. (2) Tiltak skal prosjekteres og utføres slik at byggverk, byggegrunn og tilstøtende terreng ikke utsettes for fare for skade eller vesentlig ulempe som følge av tiltaket 7-2. Sikkerhet mot flom og stormflo (1) Byggverk hvor konsekvensen av en flom er særlig stor, skal ikke plasseres i flomutsatt område. (2) For byggverk i flomutsatt område skal sikkerhetsklasse for flom fastsettes. Byggverk skal plasseres, dimensjoneres eller sikres mot flom slik at største nominelle årlige sannsynlighet i tabellen nedenfor ikke overskrides. I de tilfeller hvor det er fare for liv fastsettes sikkerhetsklasse som for skred, jf. 7-3. Sikkerhetsklasse for flom Konsekvens Største nominelle årlige sannsynlighet F1 liten 1/20 F2 middels 1/200 F3 stor 1/1000 Tabell: Sikkerhetsklasser for byggverk i flomutsatt område (3) Første og annet ledd gjelder tilsvarende for stormflo. (4) Byggverk skal plasseres eller sikres slik at det ikke oppstår skade ved erosjon. 7-3. Sikkerhet mot skred (1) Byggverk hvor konsekvensen av et skred, herunder sekundærvirkninger av skred, er særlig stor, skal ikke plasseres i skredfarlig område. (2) For byggverk i skredfareområde skal sikkerhetsklasse for skred fastsettes. Byggverk og tilhørende uteareal skal plasseres, dimensjoneres eller sikres mot skred, herunder sekundærvirkninger av skred, slik at største nominelle årlige sannsynlighet i tabellen nedenfor ikke overskrides. Sikkerhetsklasse for skred Konsekvens Største nominelle årlige sannsynlighet S1 liten 1/100 S2 middels 1/1000 S3 stor 1/5000 Tabell: Sikkerhetsklasser ved plassering av byggverk i skredfareområde

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 23 VEDLEGG 2 Simuleringar med Rocfall Løysnepunkt Utløpslengd Profil 1 Histogrammet syner fordeling av utløpsrekkevidda for blokkene (1m 3 ) langs profilet. Piler syner løysnepunkt og maksimal utløpsdistanse etter 1000 enkelthendingar basert på 20simuleringar kvar på 50 enkelthendingar. Øvre grense til planområdet er vist med blå strek.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 24 Løysnepunkt Utløpslengd Profil 2 Histogrammet syner fordeling av utløpsrekkevidda for blokkene (1m 3 ) langs profilet. Piler syner løysnepunkt og maksimal utløpsdistanse etter 1000 enkelthendingar basert på 20simuleringar kvar på 50 enkelthendingar. Øvre grense til planområdet er vist med blå strek.

SKREDFAREVURDERING FOR REGULERINGSPLAN FOR BUSTADER PÅ GBNR 52/9, VED VESETGJELET I OSTERØY KOMMUNE. 25 Løysnepunkt Utløpslengd Profil 3 Histogrammet syner fordeling av utløpsrekkevidda for blokkene (1m 3 ) langs profilet. Piler syner løysnepunkt og maksimal utløpsdistanse etter 1000 enkelthendingar basert på 20simuleringar kvar på 50 enkelthendingar. Blå strek markerer grensa til planområdet.