Hjartdal kommune 3692 Sauland Møteinnkalling for Utval for levekår og kultur Møtedato: 01.12.2015 Møtestad: Sauland Skule Møtetid: Kl. 18.00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Sauland, 20.11.2015 Gro-Anita Særsland leiar Sakliste Sak nr. Saktittel 036/15 GODKJENNING AV MØTEBOK 037/15 DELEGASJONSSAK 038/15 REFERATSAKER 039/15 TILSKOT FORSAMLINGSHUS 2015 040/15 VAL AV REPRESENTANTAR TIL SAMARBEIDSUTVALA FOR PERIODEN 2015-2019 041/15 SØKNAD OM ENDRING AV SKULEKRETS TEMA: Sauland skule og innføring av ipad i skulen.
Hjartdal kommune Styre, råd, utval Møtedato Saknummer Sakshandsamar Utval for levekår og kultur 01.12.2015 036/15 KLF Saksansvarleg: Kristin Løvseth Funner Arkiv: K1-033 Arkivnr.: 15/1716 GODKJENNING AV MØTEBOK RÅDMANNEN TILRÅR Møteboka frå LOK- møtet 20.10.15 blir godkjent slik ho ligg føre.
Hjartdal kommune Styre, råd, utval Møtedato Saknummer Sakshandsamar Utval for levekår og kultur 01.12.2015 037/15 KLF Saksansvarleg: Kristin Løvseth Funner DELEGASJONSSAK Arkiv: K1-033 Arkivnr.: 15/1714 FLOK-034/15 28.10.2015: VEDTAK VEDRØRANDE SØSTRENE WEIDEMANN AS - SØKNAD OM UTVIDA SKJENKETID VED ENKELTHØVE VEDTAK 1. Søknad om utvida skjenketid for enkelthøve fram til kl. 02:00 den 07.11. og 04., 05., 11., 12., 18., 19., 25., 26. og 28.12.2015 for alkohol i gruppe 3 er imøtekomen. 2. Konsum må opphøre 30 minuttar etter skjenketida slutt. 3. Elles gjeld alminnelege lover og føresegner for sal og skjenking. FLOK-035/15 10.11.2015: SØKNAD OM AMBULERANDE SKJENKELØYVE PÅ BYGDEKVELD VEDTAK I samsvar med alkohollova og vedtekne alkoholpolitiske retningsliner for Hjartdal kommune, gis Hjartdal Idrettslag v husstyret løyve til å skjenke øl og vin under fylgjande vilkår: 1. Skjenkeløyve gis laurdag 14.11.2015 frå kl 19:00 - kl 02:00 innandørs på Bergtun. 2. Konsum av alkohol må opphøre 30 minutt etter skjenketidas slutt. 3. Det er ikkje tillatt å nyte medbragt alkohol. 4. Prisliste og alternativ for alkoholfri drikke må vere godt skilta. 5. Vedtaket føreset at Olaf Særsland har hovudansvaret for sal og skjenking frå kl. 19:00 og fram til konsumet opphører. 6. Løyvet er først gyldig når Hjartdal Idrettslag v. husstyret har betalt inn eit skjenkegebyr på kr. 280,00 til Hjartdal kommune på konto 2699.07.00019. Giro fylger vedlagt. 7. Dei ansvarlege har ansvar for at regelverka og vilkåra i løyvet blir fylgt. 8. Vedtaket er gjeve under vilkår om at politiet godkjenner arrangementet.
RÅDMANNEN TILRÅR: Delegasjonssakene blir teke til orientering slik dei ligg føre.
Hjartdal kommune Unntatt - ikkje offentleg Styre, råd, utval Møtedato Saknummer Sakshandsamar Utval for levekår og kultur 01.12.2015 038/15 KLF Saksansvarleg: Kristin Løvseth Funner Arkiv: K1-033 Arkivnr.: 15/1715 REFERATSAKER Nr Dok.ID T Dok.dato Avs./Mott. Tittel 1 15/6037 I 05.11.2015 Styret i Hjartdal Idrettslag FORDELING AV TILSKOT TIL FORSAMLINGSHUS I HJARTDAL KOMMUNE RÅDMANNEN TILRÅR: Referatsakene blir teke til orientering slik dei ligg føre.
Hjartdal kommune Styre, råd, utval Møtedato Saknummer Sakshandsamar Utval for levekår og kultur 01.12.2015 039/15 BR Saksansvarleg: Bjørn Rugaas Arkiv: K1-223, K2-D12 Arkivnr.: 15/1231 TILSKOT FORSAMLINGSHUS 2015 Dokument i saka: Nr T Dok.dato Avsendar/Mottakar Tittel 1 U 31.08.2015 Reidun Hagen; Mailen Pedersen; REGISTRERINGSSKJEMA - TILSKOT FORSAMLINGSHUS 2015 Øyvind Brukås; Ole Tonny J Larsen 2 I 08.09.2015 Sauland IL MOTATT SKJEMA - TILSKOT FORSAMLINGSHUS 2015 MOTTATT SKJEMA - TILSKOT TIL FORSAMLINGSHUS 2015 4 I 01.10.2015 Hjartdal Røde Kors Hjelpekorps 5 I 01.10.2015 Bergtun Hjartdal MOTTATT SKJEMA - TILSKOT TIL FORSAMLINGSHUS 2015 6 I 01.10.2015 U.L. Fram MOTTATT SKJEMA - TILSKOT TIL FORSAMLINGSHUS 2015 8 I 05.11.2015 Styret i Hjartdal Idrettslag FORDELING AV TILSKOT TIL FORSAMLINGSHUS I HJARTDAL KOMMUNE Vedlagde dokument: Dokument nr. 2, 4, 5, 6, 8 Aktuelle lover, forskrifter, avtaler m.m.: Ingen Saksgang: Utval for Levekår og Kultur vedtek Bakgrunn for saka: I samsvar med budsjettvedtak skal det ytast tilskot til drift av forsamlingslokala Bergtun, Klubbhuset, Fossehalli og Hjartdal Røde Kors sitt hus i Tuddal
Total budsjettramme for 2012 var 130.000, for 2013 kr 150.000. Frå 2014 er tilskotsposten i budsjettet slått saman med generelle tilskotsmidlar til bruk på kulturområdet, tidlegare såkalla "kulturmidlar". Total budsjettramme for konto 1.4700.210.3850, Generelt tilskot/støtte, er for 2015 kr. 665.000. Forbruk pr 01.10.2015: Mindre einskildsaker/løyvingar 3.170 LOK-sak 007/15 ( Komp. for kommunale gebyr, S.Ungdomslag) 11.275 Refusjon, kommunale avgifter, forsamlingshus 78.880 Kulturmidlar 2015 119.000 Driftstilskot, Frivilligsentralen 2015 100.000 Ikkje utbetalt, tilskot drift av idrettsanlegg 180.000 Ikkje utbetalt, kunstutstilling Elvestien, LOK-sak 23/15 (avlyst) 10.000 Til disposisjon uten LOK-sak 23/15: 162.675 Til disposisjon inkludert attendeført løyving LOK-sak 23/15 172.675 Det vart i 2012 utarbeidd eit enkelt registreringsskjema for innhenting av informasjon til bruk i den administrative og politiske sakshandsaminga. Hensikten med skjemaet var å bidra til at dei ulike anlegga vart handsama tilnærma likt når det gjeld fordelinga av den totale tilskotsramma. Å gå inn i dei einskilde laga sine rekneskap for å finne denne informasjonen er ikkje tilstrekkeleg. Erfaring frå den administrative og politiske handsaminga i perioden 2012-2014 er at registreringsskjemaet fyller den funksjonen ein ønskjer å oppnå. Registreringsskjema for 2015 vart sendt ut til dei fem laga i slutten av juni med returfrist 01.10. Innan fristen har kommunen motteke svar frå alle. Vurdering: Utval for Levekår og Kultur si rolle er å vurdere ei tilnærma rettmessig fordeling av det samla budsjetterte tilskotet, på bakgrunn av laga sin innsendte informasjon om økonomi og bruksmønster for 2014. Kommunale avgifter til vatn, renovasjon, avløp, feiing er kompensert for tidlegare. Bergtun Klubbhuset Fossehalli Rødekorshuset Energi 41.998 31.749 30.300 28.327 Forsikring 27.276 31.542 16.500 12.375 Andre faste utg. 23.614 23.836 9.300 *30.000 Vedlikehald 6.887 12.933 13.000 0 Dr. utg. brto 99.775 100.060 69.100 70.702 Inntekter (utleige) 57.406 **3.600 **0 26.849 Netto dr.utgifter 42.369 96.460 69.100 43.853 Prosentvis andel av totalt 18 % 38 % 25 % 19 % samla nto. driftsutg. Komm.tilskot 2012 (130.000) 45.500 65.000 19.500 50.000 Komm tilskot i 2013 42.000 67.500 24.000 16.500 (150.000) Komm tilskot i 2014 32.000 59.200 33.600 35.200 (160.000) Evt. kommunalt tilskot 2015 (tilråding 150.000) 27.000 57.000 37.500 28.500 *Hjartdal Røde Kors oppgjev totalt 82.472 på denne posten, der beløpet er definera som inventar, rekvisita, reinhald, reparasjon, brøyting. Det er uklart om delar av beløpet kan definerast som driftsutgifter til bygget, slik at rådmannen estimerar med ei romsleg vurdering utgifter knytt til byggets sin generelle funksjonalitet til 30.000. Spørsmålet må eventuelt avklarast nærare. ** Bruk av Klubbhuset er stort sett lag/org frå kommunen, som er gratis. Fossehalli har ikkje hatt utleige i -14 pga arbeid med nytt golv.
Ut frå den informasjonen kommunen har bede om, har dei fire anlegga ein samla netto driftsutgift for 2014 på kr 251.782. Med det same grunnlaget er det rekna ut prosentvis fordeling av netto driftsutgifter for kvart av dei fire anlegga, på lik måte som tidlegare år. Rådmannen tilrår at dette vert nytta som grunnlag for fordeling av driftstilskot for 2015. Eventuell total utbetaling til drift av Fossehalli, Røde Kors-huset, Klubbhuset og Bergtun blir etter tilråding kr 150.000. Eventuell restsum til disposisjon for 2015 inkludert attendeført løyving i sak 23/15: Kr 22.675. Om nemnte løyving blir overført til 2016 er disponibelt beløp 12.675. RÅDMANNEN TILRÅR: Det utbetalast frå konto 14700.210.3850 totalt kr 150.000 i driftstilskot til forsamlingshus etter slik fordeling: Hjartdal IL, Bergtun: 27.000 Sauland IL, Klubbhuset: 57.000 UL Fram, Fossehalli: 37.500 Hjartdal Røde Kors Hjelpekorps: 28.500 20.10.2015 Utval for levekår og kultur Handsaming: Forslag Joar Lofthus (SP): Saka utsettast til neste møte slik at utvalet kan få meir informasjon om detaljer rundt forsamlingshusa. Votering: Forslaget til Joar Lofthus, SP blei samrøystes vedteke. LOK-030/15 VEDTAK: Saka utsetjast. RÅDMANNEN TILRÅR: Det utbetalast frå konto 14700.210.3850 totalt kr 150.000 i driftstilskot til forsamlingshus etter slik fordeling: Hjartdal IL, Bergtun: 27.000 Sauland IL, Klubbhuset: 57.000 UL Fram, Fossehalli: 37.500 Hjartdal Røde Kors Hjelpekorps: 28.500
Hjartdal kommune Styre, råd, utval Møtedato Saknummer Sakshandsamar Utval for levekår og kultur 01.12.2015 040/15 BR Saksansvarleg: Bjørn Rugaas Arkiv: K1-033 Arkivnr.: 15/1465 VAL AV REPRESENTANTAR TIL SAMARBEIDSUTVALA FOR PERIODEN 2015-2019 Aktuelle lover, forskrifter, avtaler m.m.: Lov om Barnehagar 4 og 5 Opplæringslova 11-1 og 11-1a Saksgang: Utval for Levekår og kultur vedtek Bakgrunn for saka: Heimel for oppnemning av kommunale representantar er å finne i lovverka som regulerar dette for hhv barnehage- og grunnskulesektoren. Det skal oppnemnast ein representant for kvar av desse einingane. For kommunal barnehage og grunnskule kan kommunen avgjere om at det skal vere felles utval for barnehage og grunnskule. For oppvekstsentra i Hjartdal og Tuddal er det i alle høve naturleg å sjå det slik, i Sauland er det naturleg med kvar sine. I forrige valperiode vart det valt tre kommunale representantar frå utvalet, ein til kvar bygd. Til Samarbeidsutval (SU) i barnehage og skule og Skulemiljøutval (SMU) ved skulane kan same kommunalt oppnemnde representant fylle båe funksjonane. Ein siterar frå lovteksten: Barnehagelova: 4.Foreldreråd og samarbeidsutvalg For å sikre samarbeidet med barnas hjem, skal hver barnehage ha et foreldreråd og et samarbeidsutvalg. Foreldrerådet består av foreldrene/de foresatte til alle barna og skal fremme deres fellesinteresser og bidra til at samarbeidet mellom barnehagen og foreldregruppen skaper et godt barnehagemiljø. Er det i forskrift etter 15 satt maksimalgrense for foreldrebetaling, kan bare foreldrerådet samtykke i foreldrebetaling ut over dette. Samarbeidsutvalget skal være et rådgivende, kontaktskapende og samordnende organ. Samarbeidsutvalget består av foreldre/foresatte og ansatte i barnehagen, slik at hver
gruppe er likt representert. Barnehagens eier kan delta etter eget ønske, men ikke med flere representanter enn hver av de andre gruppene. Barnehageeieren skal sørge for at saker av viktighet forelegges foreldrerådet og samarbeidsutvalget. 5.Felles samarbeidsutvalg for barnehage og skole Kommunen kan bestemme at det skal være felles samarbeidsutvalg for kommunal barnehage og grunnskole. Der begge parter ønsker det, kan det etableres tilsvarende ordning for privat barnehage og kommunal eller privat skole. Samarbeidsutvalget settes også i slike tilfeller sammen etter 4 tredje ledd, men slik at foreldre/foresatte og ansatte fra både barnehagen og skolen skal være representert, jf. lov om grunnskolen og den vidaregåande opplæringa (opplæringslova) 11-1 fjerde ledd. Opplæringslova: 11-1. Samarbeidsutval ved grunnskolar Ved kvar grunnskole skal det vere eit samarbeidsutval med to representantar for undervisningspersonalet, ein for andre tilsette, to for foreldrerådet, to for elevane og to for kommunen. Den eine av representantane for kommunen skal vere rektor ved skolen. Elevrepresentantane skal ikkje vere til stades når saker som er omfatta av teieplikt etter lover eller forskrifter, blir behandla i samarbeidsutvalet. Samarbeidsutvalet har rett til å uttale seg i alle saker som gjeld skolen. Dersom samarbeidsutvalet får delegert styringsoppgåver frå kommunen, kan kommunen nemne opp fleire representantar til utvalet. Kommunen kan nemne opp samarbeidsutvalet som styre for skolen etter 11 og 20 nr. 4 i kommunelova. Dersom kommunen nemner opp eit anna styre for skolen enn samarbeidsutvalet, skal minst to representantar for foreldrerådet vere med i styret. Inga av gruppene elevar, tilsette eller foreldre kan ha fleirtal i styret aleine. Rektor har rett til å møte, tale og komme med framlegg. Kommunen kan skipe eit felles samarbeidsutval for grunnskole og kommunal barnehage. Etter avtale kan ei tilsvarande ordning etablerast mellom privat barnehage og kommunal skole. Utvalet skal ha to representantar for elevane, ein representant for undervisningspersonalet, ein representant for andre tilsette i skolen, to representantar for dei tilsette i barnehagen, to representantar for foreldrerådet i skolen og to representantar for foreldrerådet i barnehagen. I tillegg til dei representantane for kommunen som følgjer av første og tredje leddet, kan eigaren av barnehagen nemne opp inntil to medlemmer. 0 Endra med lov 16 apr 1999 nr. 18 (ikr. 1 juli 1999, etter res. 16 apr 1999 nr. 388). 11-1a.Skolemiljøutval ved grunnskolar Ved kvar grunnskole skal det vere eit skolemiljøutval. I skolemiljøutvalet skal elevane, foreldrerådet, dei tilsette, skoleleiinga og kommunen vere representerte. Skolemiljøutvalet skal vere sett saman slik at representantane for elevane og foreldra til saman er i fleirtal.
Samarbeidsutvalet kan sjølv vere skolemiljøutval. Når samarbeidsutvalet fungerer som skolemiljøutval, må det oppnemnast tilleggsrepresentantar for elevane og foreldra, slik at dei samla får fleirtal. Elevrepresentantane skal ikkje vere til stades når saker som er omfatta av lovfesta teieplikt blir behandla i skolemiljøutvalet. Når elevane ikkje er til stades, skal foreldrerepresentantane ha dobbeltstemme tilsvarande bortfallet av elevrepresentantane sine stemmer, eller talet på foreldrerepresentantar aukast tilsvarande. Skolemiljøutvalet skal medverke til at skolen, dei tilsette, elevane og foreldra tek aktivt del i arbeidet for å skape eit godt skolemiljø. Skolemiljøutvalet har rett til å uttale seg i alle saker som gjeld skolemiljøet, jf. kapittel 9a. 0 Føyd til med lov 17 juni 2005 nr. 105 (ikr. 17 juni 2005, etter res. 17 juni 2005 nr. 660). Vurdering: Administrasjonen tilrår ikkje i denne saka. Kommunalt oppnemnde medlemmer til Samarbeidsutval og Skulemiljøutval veljast i møtet. Avgjerd om samanslåing av SU i barnehage og skule gjerast administrativt i den aktuelle eininga. Det veljast vararepresentantar. RÅDMANNEN TILRÅR: Utval for Levekår og kultur veljer følgjande representantar til Samarbeidsutvala og Skulemiljøutvala for valperioden 2015-2019: Hjartdal Oppvekstsenter... Vara:. Sauland Barnehage... Vara:. Sauland Skule... Vara:. Tuddal Oppvekstsenter... Vara:. 20.10.2015 Utval for levekår og kultur Handsaming: Olav Langåsdalen (SP): Foreslår at saka utsettes da han ikkje har mottatt sakspapirer for saken. Votering: Forslaget til Olav Langåsdalen, SP blir samrøystes vedteke. LOK-035/15 VEDTAK: Saka utsetjast.
RÅDMANNEN TILRÅR: Utval for Levekår og kultur veljer følgjande representantar til Samarbeidsutvala og Skulemiljøutvala for valperioden 2015-2019: Hjartdal Oppvekstsenter... Vara:. Sauland Barnehage... Vara:. Sauland Skule... Vara:. Tuddal Oppvekstsenter... Vara:.
Hjartdal kommune Styre, råd, utval Møtedato Saknummer Sakshandsamar Utval for levekår og kultur 01.12.2015 041/15 BR Saksansvarleg: Bjørn Rugaas Arkiv: FD- 020910, K2-B40 Arkivnr.: 15/1494 SØKNAD OM ENDRING AV SKULEKRETS Dokument i saka: Nr T Dok.dato Avsendar/Mottakar Tittel 1 I 18.10.2015 Gina Haugen SØKNAD OM ENDRING AV SKULEKRETS 2 U 28.10.2015 Gina Haugen FØREBELS SVAR VEDR. SØKNAD OM ENDRING AV SKULEKRETS Vedlagde dokument: Dokument nr. 1 Aktuelle lover, forskrifter, avtaler m.m.: Opplæringslova 8-1 LoK-sak 036/13, Retningsliner for sakshandsaming i høve nærskuleprinsippet. Saksgang: Utval for Levekår og kultur vedtek Bakgrunn for saka: Kommunen har motteke søknad frå Gina Haugen, Løngdalsvegen 47, 3697 Tuddal om endring av skulekrets for dotter Angelica Øverland f. 02.09.2010. Barnet skal starte i første klasse hausten 2016, og bustadadressa høyrer til Tuddal skulekrets. Søknaden er grunngjeven med følgjande: Barnet går i barnehage i Sauland sidan hausten 2015, på bakgrunn av at mor arbeider turnus i Notodden kommune. Barnehageplass i Tuddal ville gjort levering og henting vanskelegare i denne situasjonen grunna reiseveg og opningstider i barnehagen.. Far er vekependlar, og det er mor som har alt omsorgsarbeidet i vekene. Ved mors kveldsvakter har barnet tilsyn hos tante og onkel i Sauland, som også har elev ved skulen i Sauland. I søknaden peikast det på at det vil bli vanskeleg for barnet å bytte omgangskrets og sosialt miljø etter å ha etablert bekjentskap og fått nye venner i barnehagen. Det opplysast at barnet har funne seg til rette i barnehagen, men at det har tatt tid å skape tryggleik. Opplæringslova 8-1 seier mellom anna: Etter søknad kan eleven takast inn på annan skole enn den eleven soknar til.
Vurdering: Utval for Levekår og kultur behandla og vedtok i møte 03.12.2013, sak 036/13, Retningsliner for sakshandsaming i høve nærskuleprinsippet. Retningslinene tek føre seg ulike kategoriar avvik frå nærskuleprinsippet, mellom andre kategorien Ønskje om skulegang på annan skule i kommunen, som denne søknaden høyrer inn under. Når det gjeld denne sakskategorien skal det takast omsyn til desse momenta: - individuelle sosiale og faglege argument for den eleven søknaden gjeld - barnet sitt beste, både i skuletida og fritid/nærmiljø - vurdering av konsekvensar for nærskulen, fagleg og sosialt - økonomiske omsyn, til dømes skuleskyss, klassedelingstal o.l Individuelle sosiale og faglege argument: I søknaden peikast det på sosiale argument som bør vurderast som positive sett ut frå søkjaren sin ståstad. At barnet har eit sosialt nettverk som er etablert i barnehagen er viktig i høve til ein trygg skulestart. I nærmiljøet er det ikkje barn, næraste stad med barn i tilsvarande aldersgruppe er i Øystulgrenda, 3 4 km unna. Barnet har familie, onkel og tante, og syskenbarn i Sauland. Nærskulen: Ved Tuddal oppvekstsenter er det pr dd 5 gutar og 1 jente som skal starte i første klasse komande haust. Sett ut frå ønskje om kjønnsmessig likevektig fordeling ville det vere fordelaktig om barnet har skulegangen der. I Sauland er det pr dd 10 nye førsteklassingar hausten 2016, med 50 % på båe kjønn. Økonomi: Ved skulegang i Tuddal må det etablerast skyssordning med minibuss. Ved skulegang i Sauland vil barnet delvis bli kjørt av mor, som til barnehagen i dag, men vil også bruke ordinær skuleskyss med buss Tuddal - Sauland. Foreldra har ikkje vurdert om barnet skal bruke SFO. Barn i SFO har ikkje rett på skuleskyss. Om ein vurderar skyssmessige konsekvensar vil skulegang i Tuddal eller Sauland ikkje ha store skilnader økonomisk sett, men sidan avstanden til skulen i Tuddal er noko mindre vil skuleskyssutgiften bli noko mindre. På den andre sida vil skulegang i Sauland medføre eigentransport av foreldra. Rådmannen ser difor ingen tungtvegande årsaker til å vektlegge argument knytt til skyssutgifter. I kva grad heimen forpliktar seg til å dekke eventuelle framtidige skyssutgifter må avtalast år for år, men det vil vere naturleg å stille krav om at foreldra er villige til å dekke eventuelle ekstrautgifter som vil kunne oppstå ved eit skulekretsskifte. I høve til klassedelingstal mm vil det ikkje utløyse utgifter om søknaden imøtekomast. Avslag vil heller ikkje utløyse utgifter. Rådmannen har vurdert søknaden ut frå dei ulike argumenta. Prinsipielt bør omsyn til barnet sitt beste sett ut frå sosiale og pedagogisk-faglege argument ha stor vekt. Dei øvrige argumenta når det gjeld omsynet til nærskulen og økonomiske vurderingar peikar ikkje i stor grad i nokon særskild retning. Rådmannen vil difor etter ei samla vurdering tilrå at søknaden imøtekomast. Rådmannen legg mest vekt på at det er foreldra som best kan vurdere kva som er til barnets beste. RÅDMANNEN TILRÅR: Søknad om endring av skulekrets for Angelica Øverland frå Tuddal til Sauland imøtekomast. Det førutsetjast at heimen forpliktar seg til å dekke eventuelle ekstraordinære skyssutgifter.