Fellestenester Politisk sekretariat «MOTTAKERNAVN» «ADRESSE» Rosendalsvegen 10 5470 ROSENDAL Tel: 53483100 Fax: 53483130 Org. nr: 964 967 636 Bankgiro: 3460.07.00083 post@kvinnherad.kommune.no www. kvinnherad.kommune.no facebook.com/kvinnherad «POSTNR» «POSTSTED» Saksbehandlar Torill Slåke Tlf. direkte innval Vår ref. 2015/3280-3 Dykkar ref. «REFDATO» Dato 18.03.2016 Særutskrift - Dispensasjon - 140/6 - Fritidsbustader - Raudstein - Nils Gunnar Røssland Kvinnherad forvaltningskomité hadde saka føre i møte 16.03.2016 som sak 2016/41. Vi legg ved utskrift av møteboka og syner til vedtaket. Dersom du vurderer å klaga på vedtaket, viser vi til reglane i forvaltningslova samt eventuelt bestemmelsar i særlov om klage. Klagefristen er 3 veker frå du har motteke denne meldinga om vedtaket. Med helsing Bente Høyland Møtesekretær Brevet er godkjent elektronisk og har derfor inga underskrift. Kopi til: Torill Slåke Mottakarar: Byggkonsulenten AS Eikelandsberget 26 5451 VALEN Nils Gunnar Røssland Rausteinsvegen 23 5460 HUSNES
Side 2 Saksframlegg Saksmappe Saksbehandlar 2015/3280-2 Torill Slåke Saksgang Saksnr Utval Møtedato 2016/41 Forvaltningskomiteen 16.03.2016 Behandling dispensasjon - 140/6 - Fritidsbustader - Raudstein - Nils Gunnar Røssland Innstilling frå rådmannen: Kvinnherad forvaltningskomite gjev ikkje dispensasjon frå arealføremålet LNF i arealdelen til kommuneplanen, og Pbl 1-8 om forbod mot tiltak langs sjø og vassdrag til oppføring av to fritidshus på 140/6. Omsøkte tiltak kan difor ikkje handsamast i samsvar med pbl kap 20 og tilhøyrande bestemmelsar. Avslaget er heimla i pbl 19-2 då omsyna bak reglane det vert dispensert frå, eller omsyna i føremåla til lova, vert vesentleg sette til side. I tillegg er ikkje fordelane ved å gi dispensasjon klart større enn ulempene etter ei samla vurdering. Dette er eit område som ikkje er avsett til byggjeområde i kommuneplanen, ei eventuell utbygging må skje i samsvar med godkjent plan. Behandling i Forvaltningskomiteen den 16.03.2016 NYTT FRAMSETT FORSLAG TIL TILLEGGSPUNKT FRÅ KARI F BLOKHUS(Frp): Forvaltningskomiteen kjem med ei sterk oppmoding til å ta dette området inn i den nye arealdelen til kommuneplanen med omsøkte formål. Røysting: Rådmannen si innstilling vart samrøystes vedteken. Kari F Blokhus sitt forslag til tilleggspunkt vart vedteke med 8 mot 1 røyst (Otto Benjaminson, Krf). Vedtak frå Forvaltningskomiteen den 16.03.2016 Kvinnherad forvaltningskomité gjev ikkje dispensasjon frå arealføremålet LNF i arealdelen til kommuneplanen, og Pbl 1-8 om forbod mot tiltak langs sjø og vassdrag til oppføring av to fritidshus på 140/6. Omsøkte tiltak kan difor ikkje handsamast i samsvar med pbl kap 20 og tilhøyrande bestemmelsar. Avslaget er heimla i pbl 19-2 då omsyna bak reglane det vert dispensert frå, eller omsyna i føremåla til lova, vert vesentleg sette til side. I tillegg er ikkje fordelane ved å gi dispensasjon klart større enn ulempene etter ei samla vurdering. Dette er eit område som ikkje er avsett til byggjeområde i kommuneplanen, ei eventuell utbygging må skje i samsvar med godkjent plan.
Side 3 Forvaltningskomiteen kjem med ei sterk oppmoding til å ta dette området inn i den nye arealdelen til kommuneplanen med omsøkte formål. Ansvarleg søkjar: Byggkonsulenten AS, Eikelandsberget 26, 5451 Valen Tiltakshavar: Nils Gunnar Røssland, Rausteinsvegen 23, 5460 Husnes Søknad dagsett: 10.11.2015 Om søknaden og eigedommen: Historikk: 08.12.2004 Forvaltningskomiteen gav løyve til naust med loft (naustomr. i kommuneplanen) 23.06.2010 dispensasjon for molo 29.08.2011 byggeløyve for molo 14.06.2013 endringsløyve molo trebrygge på innsida, 1,5 x 20 m og 5 stk båtutleggjarar, betongdekke på molo Det vert søkt om oppføring av to fritidshus og parkeringsplass for 6 bilar på eit areal mellom riksvegen og sjøen, som i kommuneplanen er avsett til LNF-område. På eigedommen er det tidlegare bygd naust (i naustområde) og molo. På oppsida av vegen har eigedommen bustadhus. Eigedommen er totalt 41,2 da. Arealstatus og strandsone Dei omsøkte tiltaka ligg i LNF-område i kommuneplanen. Rådmannen vurderer den omsøkte eigedommen til å liggja innanfor funksjonell strandsone. Nabovarsel Naboar/gjenbuarar er varsla, det er ikkje kome merknader. Uttale frå regionale og statlege styresmakter Saka har vore ikkje vore sendt på høyring då saka vert lagt fram med negativ innstilling. Dersom vedtaket vert positivt må saka sendast til følgjande: Fylkesmannen i Hordaland Merknad: Hordaland fylkeskommune Merknad: Statens vegvesen Naturmangfaldlova
Side 4 Ingen registreringar i området om spesielle naturtypar eller biotopar. Kulturminne Ingen registreringar. Støy Tiltaka må evt. støyvurderast i høve til F-48 Klimatilpassing Ein må ta omsyn til stormflo/havnivåstiging ved eventuelle tiltak på staden. Veg, vatn og avløp Ikkje omsøkt, må avklarast ved ei eventuell byggesak. Aktuelle lovheimlar Dei planlagte tiltaka krev dispensasjon etter pbl 19-2 frå formålet LNF i kommuneplanen for Husnes-området vedtatt 20.02.2003 og PBL 1-8 om forbod mot tiltak langs sjø og vassdrag. Dersom det skal gjevast dispensasjon må omsyna bak reglane det vert dispensert frå, eller omsyna i føremåla til lova, ikkje verta vesentleg sette til side. I tillegg må fordelane ved å gi dispensasjon vere klart større enn ulempene etter ei samla vurdering. Vurdering Det vert søkt om dispensasjon for oppføring av to fritidshus på eit område som er avsett til LNF i kommuneplanen. Søknaden er utan grunngjeving, anna enn at sjøtomten i dag er tilrettelagt med molo og kai. På eigedommen har det tidlegare blitt bygd naust og ein større molo med plass til 6 båtar på innsida. Med ein større parkeringsplass samt veg/planering vil eigedommen framstå som nedbygd. Ei så omfattande utbygging, sjølv om det skjer over tid er svært uheldig utan at det vert gjort gjennom ei planbehandling. Sidan dei tidlegare tiltaka og er delvis gitt med dispensasjon, er det ingen automatikk i at utbygginga kan forsetja. Her er ingen signal i eksisterande plan, eller i ny kommuneplan som er under arbeid, til at fritidshus i strandsona kan godkjennast som einskild tiltak gjennom dispensasjon. Ved ei slik utbygging vert strandsona kraftig privatisert, og dei kvalitetane planen og lova skal ivareta sett til side. Det er heller ingen samfunnsmessige grunnar til at fritidshus i strandsona skal tillatast. Dette vil gjera strandsona mindre tilgjengeleg for ålmenn ferdsle, og tiltaka kan skapa presedens for likande saker i kommunen. Rådmannen ynskjer ikkje å gje signal om at det skal vera lettare å byggja ned strandsona bit for bit, enn gjennom ein gjennomarbeidd reguleringsplan der alle omsyn er ivaretekne. Grunngjeving Etter ei samla vurdering og i samsvar med utgreiinga ovanfor finn rådmannen at dei omsøkte fritidshusa kjem i vesentleg strid med føremåla i lova og intensjonane i planen. Ulempene er vesentleg større enn fordelane, og vilkåra for å gje dispensasjon er difor ikkje til stades.
Side 5 Kopi: Partane Vedlegg: 1. Søknad om dispensasjon 2. Kart For info: ephorte web sak 2015/3280