Nord-Fron kommune Politisk sak Detaljreguleringsplan for Storågapet - endeleg behandling Utval Saksnr Møtedato Saksbehandlar Planutval 108/16 18.10.2016 Reidun Inger Tøfte Kommunestyret 112/16 15.11.2016 Reidun Inger Tøfte Saksansvarleg Arkiv Arkivsaknr. 13/730 Reidun Inger Tøfte L13 Journalpost 16/9226 Vedlegg: 1 Plankart Storågapet - offentleg ettersyn 2 Reguleringsbestemmelser_Storågapet_20160418_B 3 Planomtale_Storågapet_20160429 4 ROS-analyse_Storågapet_20160504 5 Samandrag og vurdering av merknader ved offentleg ettersyn 6 Sluttrapport - Skredfarekartlegging Kvam Nord-Fron kommune. Dok.kode 418097-RIGberg-NOT-001- (L)(327775) 7 Reguleringsplan for Storågapet - avklaring av innsigelse 8 NVEs vurdering - Grunnlag for innsigelse bortfaller - Detaljreguleringsplan for Storågapet i Kvam Oppsummering av saka: Forslag til detaljreguleringsplan for Storågapet har vore ute til offentleg ettersyn. Hovudformålet med planen er å regulere areal for å etablere vegkro / servering ved det nye E6-krysset i Kvam. Planen har fått motsegn og denne er imøtekome. Planen blir nå lagt fram for sluttbehandling i kommunestyret. Bakgrunn for saka: Nord-Fron kommune har fremja forslag til detaljreguleringsplan for Storågapet. Det er Norconsult AS som har utarbeida planen på vegne av kommunen. Planområdet er omfatta av reguleringsplan for E6 Kvam Sel grense, endring av 18.6.2013. I samband med planarbeidet ved utbygging av ny E6, gav Statens vegvesen aksept for at det gjennom ein eigen planprosess, kan leggjast til rette for etablering av serveringsverksemd i planområdet. Regulering av vegkro inneber at areal regulert som annan veggrunn i E6-planen blir regulert til byggeformål for serveringsverksemd og parkering. Vegvesenet kravde opphavleg at bortfallet av areal for anleggs- og riggområde måtte bli erstatta med anna areal gjennom den nye reguleringsplanen, og eit areal på austsida av Storåa var tenkt som erstatningsareal og teke inn i planområdet ved planstart. Etter at ein slik bruk av område møtte motstand frå Fylkesmannen i Oppland og Norges vassdrags- og energidirektorat, trakk vegvesenet kravet om erstatning for anleggsog riggområde. Området aust for Storåa vart derfor teke ut av planforslaget. Innhald i planforslaget:
Planforslaget og bakgrunn for dette kjem fram av vedlegg 1-4. Planområdet som er om lag 14,5 daa stort, grenser mot jernbanen i nord, nytt E6-kryss med av- og påkøyringsramper i vest og mot austre breidda av Storåa mot aust. I sør omfattar planen krysset vest for den nye vegbrua over Storåa og brua. Byggeområdet for vegkro med tilhøyrande parkeringsareal blir føreslege lagt til området på vestsida av noverande trasè av fylkesveg 417. Krysset vest for den nye vegbrua over Storåa blir føreslege regulert likt som i den reviderte reguleringsplanen for E6. Det same gjeld første del av noverande fylkesveg 417/Brubakken ut av dette krysset. Areal regulert som køyreveg her skal tene som vegtilkomst til vegkro og tilhøyrande parkeringsareal, samt som tilkomst til ein bustadeigedom som ligg innanfor planområdet. Den øvre del av noverande fv. 417 fram til jernbaneundergangen blir føreslege omregulert til gang- og sykkelveg, i tillegg blir delar av vegen flytta lenger mot aust, dvs. til området mellom dagens fv. 417 og elveforbygging mot Storåa. Planforslaget legg med dette opp til at eksisterande jernbaneundergang blir oppretthalde som trasè for gang- og sykkeltrafikk. Gang- og sykkelveg langs regulert påkøyringsrampe fram til regulert busshaldeplass for reisande nordover, blir også føreslege regulert likt som i den reviderte reguleringsplanen for ny E6, men er føreslege forlenga. Planforslaget vart 1. gongs behandla i planutvalet 26.4.2016, sak 53/16. Planen har vore ute til offentleg ettersyn i perioden 6.5.2016-17.6.2016. Barnetalspersonen si vurdering: Barnetalspersonen si uttale var lagt ved saka da saka var ute til offentleg ettersyn. Ettersom uttale ikkje tidlegare har vore lagt fram for planutvalet blir ho teke med her: «Tilrettelegging og bygging av serveringssted inntil nytt E6-kryss forutsetter at det ikke blir konflikt med gang/sykkelveg i form av inn/utkjøring på denne eiendommen. Gangvegen må skjermes. Utbygger må også legge vekt på å opprettholde et barnevennlig lekeområde, gjerne både ute og inne. Dette må ligge skjermet for støy og trafikk, gjerne være inngjerdet og dermed være et trygt areal også for små barn. I planen ligger det et ønske om at FV 417 som i dag er en smal undergang under jernbana blir gjort om til gang- og sykkelveg. Dette støttes.» Planfagleg vurdering: Ved offentleg ettersyn har det kome inn 8 merknader. Samandrag og vurdering av desse kjem fram i vedlegg 5. På bakgrunn av merknadene er det tilrådd å gjere enkelte mindre justeringar i plankart og føresegner. Som ein del av plandokumenta er det utarbeida risiko- og sårbarheitsanalyse (ROS), jf. pbl. 4-3 (vedlegg 4). Fylkesmannen i Oppland (FMO) og Norges vassdrags- og energidirektorat (NVE) har motsegn til planen fordi tilstrekkeleg sikkerheit mot skred ikkje er dokumentert ivareteke gjennom fagleg etterprøvbar dokumentasjon. Med bakgrunn i motsegna er det laga ei supplerande bestilling til den bestillinga som kommunen allereie har gjort for delar av Kvam - skredfarekartlegging (Multiconsult).
Planfagleg blir det tilrådd å imøtekome motsegna ved at risiko- og sårbarheitsanalyse (ROS) blir oppdatert på bakgrunn av Multiconsult sin rapport: Konklusjonen frå rapporten blir teken inn: «De 8 ulike boligtomtene tilfredsstiller kravene i plan- og bygningsloven 7-3 Sikkerhet mot skred innenfor sikkerhetsklasse S2. Storågapet tilfredsstiller de kravene innenfor sikkerhetsklasse S3. Det er utarbeida et faresonekart for skred i området ut i frå dagens situasjon. Med dette menes at det er tatt utgangspunkt i vegetasjon og menneskelige inngrep slik det ser ut i dag. Det frarådes å utføre flatehogst i fjellsiden ovenfor de 8 tomtene og Storågapet. Dette fordi skogen og vegetasjonen binder snøen, nedbør og reduserer sannsynligheten for snøskred. I tillegg vil den ha en dempende effekt på eventuelle steinsprang. Ved hogst av skogen bør det lages en plan for hogsten og unngå å fjerne all skog samtidig og sørge for ny beplanting.» Aktsemdskart blir bytta mot faresonekart. FMO og NVE har ved brev av hhv. 27.9.2016 og 3.10.2016 trekt motsegnene. Det er ein føresetnad at dei ovannemnde momenta blir vedteke, jf. brev frå FMO. Ved ny farevurdering av skredfara i området kan ein dokumentere at Storågapet tilfredsstiller sikkerheitskravet gitt i TEK10 7-3. Ein reknar med at dagens fv. 417 nedanfor (sør for) jernbaneundergangen vil bli oppretthalde som kjøreveg fram til det blir ei utbygging av området, slik detaljreguleringsplanen for Storågapet legg opp til. Gang- og sykkelveg SGS2 fram mot ei busslomme ved nordgåande påkøyringsrampe på E6 er flytta om lag 8 m nordover på strekninga mellom det nye krysset ved Storåa og rundkøyringa i forhold til vedteken revidert reguleringsplan. Gang- og sykkelvegen som allereie er bygd, kjem da inn på areal som er føreslege regulert til parkering i dette planforslaget. Frå planfagleg side meiner ein at det er reguleringsplanen som bør gjelde her, og at gang- og sykkelvegen (SGS2) blir teikna på plankartet i samsvar med den vedtekne reviderte reguleringsplanen for ny E6. Det blir elles innarbeida rekkjefølgjekrav om at gangvegsystem og tilkomst til busshaldeplass ved E6-rampe skal byggast samstundes med tilkomstveg SKV2 og parkeringsplassar i området. Samla sett er dei tilrådde endringane vurdert å vere av mindre omfang og planen kan vedtakast utan nytt offentleg ettersyn. Ved endeleg vedtak av planforslaget vil del av reguleringsplan for E6 Kvam Sel grense, endring av 18.6.2013, som er omfatta av plan for Storågapet, bli oppheva, jf. plan- og bygningslova 12-14. Rådmannsleiinga si vurdering: Rådmannsleiinga viser til den planfaglege vurderinga. Det blir vurdert som positivt at det blir tilrettelagt for etablering av serveringsverksemd i tilknyting til det nye E6- krysset i Kvam. Plansaka er ei oppfølging av KOM-sak 56/13, Reguleringsplan E6 Kvam Sel grense, endring. Administrasjonssjefen legg saka fram for planutvalet med slik
Innstilling: Planutvalet rår kommunestyret til å gjere slikt vedtak: 1.1 I medhald av plan- og bygningslova 12-12 blir detaljreguleringsplan for Storågapet vedteke slik den har vore lagt ut til offentleg ettersyn, med slike endringar: 1.2 Plankartet blir endra slik: Annan veggrunn grøntareal i plankartet for liten del av eigedomen til Jernbaneverkets gnr. 350 bnr. 15 vest for jernbaneundergangen, blir vist som jernbaneformål (SOSI-kode 2021). 1.3 Planføresegnene får slike nye formuleringar i punkt 3.2 C: «Parkeringsplassar for forflytningshemmede (4,5 x 6) anlegges primært nær bygning på areal regulert for Samferdselsanlegg». 1.4 Planføresegnene får slike nye formuleringar i punkt 4.6: «Unntaket frå byggesaksbehandlinga gjeld ikkje for potensielle rigg- og anleggsområde innanfor 20 m sona frå jernbana». 1.5 Planføresegnene får slikt nytt punkt 6.2: «Det skal avsetjast eit tilstrekkeleg breitt grøntbelte langs vassdraget, dvs. Storåa for bevaring av vegetasjonsdekke. Minstekrav til breidde på vegetasjonsbeltet skal i hovudsak vere minimum 6 meter breitt frå toppen av sikringsanlegget der det er mogleg med tanke på transport etc., og det må vere kjørbart og framkommeleg pga. at sikringsanlegget skal vere tilgjengeleg. Det kan ikkje vere vegetasjon som hindrar framkommelegheit innanfor denne breidda». 1.6 Planføresegnene får slike nye formuleringar i punkt 8.1: «Før utbygging skal det setjast opp gjerde med høgde minst 1,8 m langs jernbana». 1.7 Planføresegnene får slike nye formuleringar i punkt 8.2: «Det skal også liggje føre godkjent plan for overvasshandtering». 1.8 Planføresegnene får slikt nytt punkt 8.3: «Gangvegsystem og tilkomst til haldeplassen i E6-rampa blir opparbeida samstundes med tilkomstveg SKV2 og parkeringsplassar i området, og dette må vere på plass før det kan gjevast brukstillatelse for næringsbygg i området BNB1». 1.9 Det blir gjort slike endringar i risiko- og sårbarheitsanalysa (ROS), jf. Sluttrapporten for skredfarekartlegging Kvam:
Konklusjonen frå skredrapporten blir teke inn i ROS-analysa. Aktsemdskart blir bytta med faresonekart. 2. I medhald av plan- og bygningslova 12-14 blir dei delane av reguleringsplan for E6 Kvam Sel grense, endring av 18.6.2013, som er omfatta av detaljreguleringsplan for Storågapet, oppheva. 3. Administrasjonen får fullmakt til å gjere redaksjonelle endringar i plandokumenta. Administrasjonssjefen i Nord-Fron Arne Sandbu PU-108/16 18.10.2016 Vedtak: Samrøystes som innstillinga. KOM-112/16 15.11.2016 Vedtak: Samrøystes som innstillinga.