3692 Sauland Møteinnkalling for Utval for næring og teknikk Møtedato: 29.11.2011 Møtestad: Kommunehuset, Formannskapssalen Møtetid: Kl. 17:00 Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 23.11.2011 Audun Dølen utvalsleiar Orientering om lovverk: - Jordlova - Skogbrukslova - Lov/forskrift im motorferdsel i utmark Sakliste Sak nr. Saktittel 035/11 GODKJENNING AV MØTEBOK 036/11 REFERATSAKER 037/11 SØKNAD OM DELING AV EIGEDOMEN DALE/VALUFSIN, GNR 1,BNR.2,3 038/11 ØYSTEIN AASEN - SØKNAD OM FRÅDELING AV TOMT UNDER GNR. 107/1
Styre, råd, utval Møtedato Saknummer Sakshandsamar Utval for næring og teknikk 29.11.2011 035/11 IL Saksansvarleg: Ingebjørg Landsverk Arkiv: K1-033 Arkivnr.: 11/1847 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.
Styre, råd, utval Møtedato Saknummer Sakshandsamar Utval for næring og teknikk 29.11.2011 036/11 IL Saksansvarleg: Ingebjørg Landsverk Arkiv: K1-033 Arkivnr.: 11/1846 REFERATSAKER Nr Dok.ID T Dok.dato Avs./Mott. Tittel 1 11/5568 U 09.11.2011 Anne Lise Sætre PÅLEGG OM Å SØKJE KONSESJON SOM FØLGJE AV BROT PÅ BUPLIKT ETTER KONSESJONSLOVA 5, 2. LEDD VED OVERTAKING AV EIGEDOMEN GNR. 84, BNR. 14. TILRÅDING Referatsakene blir teke til etterretning slik dei ligg føre.
Styre, råd, utval Møtedato Saknummer Sakshandsamar Utval for næring og teknikk 29.11.2011 037/11 HH Saksansvarleg: Harald Helliksen Arkiv: GBNR- 1/3 Arkivnr.: 11/1167 SØKNAD OM DELING AV EIGEDOMEN DALE/VALUFSIN, GNR 1,BNR.2,3 Dokument i saka: Nr T Dok.dato Avsendar/Mottakar Tittel 1 I 08.09.2011 Inger M. D.Lewis; Kari Hjørdis Dale Fløtre GNR. 1/4 - SØKNAD OM DELING - KORRIGERING/UTVIDING AV TOMT RUNDT FRITIDSEIGEDOM Vedlagde dokument: Kart. Aktuelle lover, forskrifter, avtaler m.m.: LOV 1995-05-12 nr 23: Lov om jord (jordlova), 12 - deling av landbrukseigedom. Saksgang: Utval for næring og teknikk avgjer saka etter jordlova. Bakgrunn for saka: Kari Hjørdis Dale Fløtre søkjer om deling av eigedomen Dale/Valufsin, gnr. 1, bnr. 2, 3. Arealet som søkjast delt frå, er på ca. 2,5 dekar. Det består i følgje Skog og landskap sitt gardskart i hovudsak av innmarksbeite og er tenkt som tilleggsareal til eigedomen gnr. 1, bnr. 4. Dette er ein fritidseigedom med areal på 2,6 dekar som tidlegare er delt frå gnr. 1, bnr. 2, 3. Eksisterande tomt og tilleggsarealet vil då bli ein fritidseigedom med eit totalareal på ca. 5 dekar. Det er syster til Kari Hjørdis Dale Fløtre, Inger Marie Dale Lewis, som er eigar av fritidseigedomen. Dei skriv i brev vedlagd søknaden:
Inger Marie med familie har rydda og slått i området kring husa, også vidare utover enn tomta deira, da dette området er merka blomstermark. Dei aktuelle eigedomane ligg i landbruks-, natur- og friluftsområde (LNF-område) i arealdelen til kommuneplanen. Dei ligg og innafor kulturlandskapet i Nordbygda i Hjartdal som er registrert som eit kulturlandskap av nasjonal verdi. Gnr. 1, bnr. 2,3 har i følgje jordregisteret eit totalareal på 187 dekar. Jordbruksarealet er på 14,2 dekar fordelt på 0,7 dekar fulldyrka jord, 4,9 dekar overflatedyrka jord og 7 dekar innmarksbeite. Det er 123 dekar produktiv skog og 49 dekar anna areal. Vurdering: Reglane om deling av landbrukseigedom går fram av 12 i jordlova der det mellom anna går fram: Eigedom som er nytta eller kan nyttast til jordbruk eller skogbruk kan ikkje delast utan samtykke frå kommunen. Kommunen kan gje samtykke dersom samfunnsinteresser av stor vekt talar for det, eller deling er forsvarleg ut frå omsynet til den avkastning eigedomen kan gje. Ved avgjerd skal det mellom anna takast omsyn til om deling kan føre til drifts- eller miljømessige ulemper for landbruket i området. Det skal og takast omsyn til godkjende planar som ligg føre for arealbruken etter planog bygningslova og omsynet til kulturlandskapet. Tiltak som har stor verdi for ålmenta eller ei større gruppe personar kan representere ei samfunnsinteresse av stor vekt. Dette kan for. eks. vera etablering av idrettsanlegg, industritiltak og tiltak for å taka vare på verneverdige bygningar. Det er ingen samfunnsinteresser i denne saka. Alle produktive landbruksareal har i større eller mindre grad ein verdi som produksjonsareal. Det aktuelle arealet er relativt lite, området brattlendt og vanskeleg tilgjengeleg. Det kan likevel ha ein verdi som beitemark. Arealressursane som høyrer til denne eigedomen, er relativt små i utgangspunktet, og dei bør etter rådmannen sitt syn ikkje reduserast. Eventuelle driftsmessige ulemper for landbruket kan og bli større dersom storleiken på fritidseigedomen aukast. Ulemper kan til dømes oppstå ved uttak av ved eller tømmer i nærleiken av fritidseigedomen. Når det gjeld kulturlandskapet, er det positivt at eigar av fritidseigedomen har rydda og slått rundt husa og utover eiga tomt. Det er med på å bevare kvalitetane i dette landskapet, mellom anna blomstermarka. Dersom denne aktiviteten held fram, kan det ikkje sjåast bort ifrå at kulturlandskapet på den måten vil bli betre ivareteke enn om arealet høyrer til landbrukseigedomen. Det at eigedomane i følgje gjeldande kommuneplan ligg midt inne i eit LNF-område, taler mot å utvide fritidseigedomen. Det skal takast omsyn til godkjende planar etter plan- og bygningslova. I følgje kommuneplanen kan tiltak som ikkje har direkte tilknyting til landbruksnæringa, ikkje setjast i verk i LNF-område. At det ligg føre ein plan for arealbruken, er i seg sjølv eit moment av stor vekt som taler mot at arealet blir nytta til andre formål, i dette tilfellet som tomt for fritidsbustad. Rådmannen vil leggje avgjerande vekt på dette momentet og kan difor ikkje tilrå at søknaden blir imøtekomen.
RÅDMANNEN TILRÅR: Hjartdal kommune viser til vurderingane over og avslår, med heimel i 12 i jordlova, søknad frå Hjørdis Dale Fløtre om deling av eigedomen Dale/Valufsin, gnr. 1, bnr. 2 og 3. Rett utskrift Dato: Kopi til: Inger M. D.Lewis Mælandsgt. 26 3660
Styre, råd, utval Møtedato Saknummer Sakshandsamar Utval for næring og teknikk 29.11.2011 038/11 HH Saksansvarleg: Harald Helliksen Arkiv: GBNR- 107/1 Arkivnr.: 11/936 ØYSTEIN AASEN - SØKNAD OM FRÅDELING AV TOMT UNDER GNR. 107/1 Dokument i saka: Nr T Dok.dato Avsendar/Mottakar Tittel 1 I 19.06.2011 Øystein Aasen ØYSTEIN AASEN - SØKNAD OM FRÅDELING AV TOMT UNDER GNR. 107/1 2 I 05.11.2011 Bård Kjetil Venhaug FØRESPURNAD OM BEHANDLIING AV TOMTESAK Vedlagde dokument: Kart. Aktuelle lover, forskrifter, avtaler m.m.: Jordlova 12, deling av landbrukseigedom. Saksgang: Utval for næring og teknikk avgjer saka etter jordlova. Bakgrunn for saka: Øystein Aasen søkjer om deling av eigedomen Nord-Åsen, gnr. 107, bnr. 1. Delinga gjeld ei bustadtomt med areal ca. 2 dekar. Det går fram av kart vedlagd søknaden kor tomta skal liggje. I følgje søknaden er arealet skog som delvis er rydda og som tidlegare er nytta som beite. Gnr. 107, bnr. 1 har i følgje jordregisteret eit totalareal på 1.677 dekar med eit jordbruksareal på 41 dekar. Det er 1.162 dekar produktiv skog og 450 dekar uproduktivt areal. Del i fjellsameige kjem i tillegg. Det blir opplyst i søknaden at kjøpar av tomta er Bård Kjetil Venhaug. Han har leigd hus i grenda i 8 år og ynskjer sterkt å busetja seg fast gjennom å bygge eige hus. Han er lærar ved Tuddal skule.
Tomta ligg i landbruks-, natur- og friluftsområde i arealdelen til kommuneplanen. Vurdering: Kommunen kan gje samtykke til deling av ein landbrukseigedom dersom samfunnsinteresser av stor vekt taler for det, eller deling er forsvarleg ut frå omsynet til den avkasting eigedomen kan gje. Det skal takast omsyn til om deling kan medføre drifts- eller miljømessige ulemper for landbruket i området. Det skal og takast omsyn til godkjende planar som ligg føre for arealbruken etter plan- og bygningslova. Det er viktig å halde oppe, eller helst auke, folketalet i Tuddal. Dette må reknast som ei lokal samfunnsinteresse av stor vekt og taler for å gje løyve til deling. Alle produktive landbruksareal har i større eller mindre grad ein verdi som produksjonsareal. Arealet har ein grei tilkomst i forhold til landbrukseigedomen. Frådelinga det er søkt om her, vil innebere ein viss reduksjon i avkastinga eigedomen kan gje. Nord-Åsen er ein eigedom med relativt gode ressursar i utgangspunktet. På denne bakgrunnen vurderast det som forvarleg å godkjenne søknaden. Den aktuelle tomta vil bli liggjande i eit hjørne av eigedomen, men ikkje inntil jordbruksareal på naboeigedomen i aust. Rådmannen vil ikkje seie at deling vil medføre drifts- eller miljømessige ulemper for landbruket i området. Alle inngrep i kulturlandskapet vil påverke eit slikt landskap på ein eller annan måte, men det er ikkje registrert spesielle kvalitetar i forhold til naturmangfald eller kulturlandskap i dette området. Steingjerdet langs Bondalsvegen er likevel eit element i kulturlandskapet som det bør takast vare på. Etablering av bustadtomter i område som er avsett til landbruks-, natur og friluftsområde i kommuneplanen, skal i utgangspunktet ikkje skje, men det kan gjevast dispensasjon frå denne regelen. Utval for plan- og byggesaker har i denne saka gjeve dispensasjon til frådeling etter 19-2 i plan- og bygningslova. Rådmannen vil i forhold til jordlova leggje avgjerande vekt på dei lokale samfunnsinteressene etablering av ein heilårsbustad vil innebere for busetjinga i Tuddal og difor tilrå at søknaden blir imøtekomen. RÅDMANNEN TILRÅR: 1. Med heimel i 12 i jordlova gjev Hjartdal kommune Øystein Aasen løyve til å dele frå ei bustadtomt med areal inntil 2 dekar av eigedomen Nord-Åsen, gnr. 107, bnr. 1. Tomta skal liggje som vist på kart vedlagd søknaden. 2. Løyve blir gjeve på vilkår av at steingjerdet langs fylkesvegen blir bevart, og at tilkomstvegen til tomta ikkje blir lagd tett inntil dette.