Plan ID 20140005 Nordtunbakkan Detaljreguleringsplan- føresegner Plankontoret Hallvard Homme AS
1 Føresegner I medhald av plan- og bygningslova av 27. juni 2008, 12-3, er det utarbeidd detaljreguleringsplan for Nordtunbakkan i Vinje kommune, Telemark. Reguleringsføresegnene gjeld for området synt med plangrense på plankartet «Detaljreguleringsplan for Nordtunbakkan», PlanID 20140005», Vinje kommune, Målestokk 1:1000, datert 27.03.2015. Innanfor reguleringsgrensa skal areala nyttast som vist på planen. Vedteken plan er bindande for arealbruk, frådeling og byggje og anleggsverksemd innan planområdet. 1.1 Arealføremål og omsynssoner Busetnad og anlegg Bustader - frittliggjande småhus Bbf 1-3 Anna uteopphaldsareal - Bau Samferdsleanlegg og teknisk infrastruktur Køyreveg Skv1-3 Fortau - Sf Annan veggrunn - grøntareal - Sav Grønstruktur Friområde - Gf Landbruks-, natur- og friluftsformål samt reindrift Naturformål - LNFR-n Friluftsformål - LNFR-f 1 Omsynssoner Sikringssone Frisikt H140_ 1.2 Generelle føresegner a) Byggjesøknad skal innehalde detaljerte teikningar i plan, snitt, oppriss og perspektiv av det omsøkte tiltaket, inkludert plan for utandørs tiltak. Eksisterande bygg og anlegg innanfor planområdet skal synast i plan og perspektiv eller snitt. Vedlegg til byggjesøknaden skal innehalde digitale data av plasserte tiltak i samsvar med sosi-standard. b) Det er høve til å leggje underjordiske anlegg som kablar og røyr i føremåla under busetnad og anlegg og samferdsleanlegg og teknisk infrastruktur i planområdet. Desse skal følgje ein teknisk plan. c) Det skal utarbeidast teknisk plan for heile planområdet under eitt. Planen skal innehalde underjordiske anlegg, overvasshandtering og planeringshøgder for byggjeområde og infrastruktur. Teknisk plan skal oppdaterast i takt med søknader om tiltak for teigane handsamast av kommunen. d) Utandørs anlegg i planområdet skal ikkje ha større stigning/fall enn 8%. Over strekningar inntil 100 m kan 10% aksepterast på køyrevegar. e) Alle bygg skal vere universelt tilgjengelege. Tilkomsten frå biloppstillingsplass til hovud inngangsdør skal utformast universelt. Hovudetasjen i alle bygg skal utformast universelt.
f) Om det viser seg først medan arbeidet er i gang at det kan virke inn på eit automatisk freda kulturminne, skal Telemarkfylkeskommune kontaktast og arbeidet stansast i den utstrekkinga det kan røre kulturminnet. Kulturminnemyndigheitene avgjer snarast mogleg - og seinst innan 3 veker - om arbeidet kan fortsetje og vilkåra for det. Fristen kan forlengast når særlege grunnar tilseier det (jf kulturminneloven 8 andre ledd). 1.3 Rekkefølgjeføresegner a) Føre rammeløyve for tiltak innanfor Bbf2 og Bbf2 kan gjevast, skal mellombels bruksløyve for køyreveg Skv1 vere utstedt i tråd med planen. b) Føre rammeløyve for Skv3 kan gjevast, skal mellombels bruksløyve for Skv1 vere utstedt. c) Føre mellombels bruksløyve eller ferdigattest for busetnad innan Bbf kan gjevast, skal kommunaltekniske anlegg vere etablert i den gjeldande brukseininga. d) Føre mellombels bruksløyve eller ferdigattest for busetnad innan Bbf1 kan gjevast, skal stikkrenne under eksisterande veg ved gnr/bnr 137/6 vere dimensjonert til å tåle vasstilsig i ekstremvêrsituasjon tilsvarande 200 års flaum. e) Føre mellombels bruksløyve eller ferdigattest for busetnad innan Bbf3 kan gjevast, skal universelt utforma sti mellom alle teigar Bbf gjennom Bau vere etablert. f) Fortaug Sf skal opparbeidast før ein startar utbygging av hyttefelt YF6 med tilkomst via Skv1. 1.4 Busetnad og anlegg 1.4.1 Generelle føresegner for alle teigar innanfor busetnad og anlegg a) Busetnad med bueiningar og garasjar skal ikkje etablerast utanfor regulerte byggjegrenser. Uthus og bodar kan etablerast utanfor byggjegrensene. b) Planeringshøgder for tomter oppgjevast som o.k. golv for hovudetasjen og kan ha ein toleranse på +/- 0,5 m. Sokkeletasje kan etablerast under alle bueiningar dersom minst 40% av sokkelfasaden fyllast att. c) Bygningshøgder skal bereknast få O.K. grunnmur. Grunnmur skal ikkje vere synleg meir enn 80 cm over planert terreng. d) Tak kan tekkast med naturstein, teglstein, betongstein, metallplater, takbord, sedum, eller torv. Det skal vere likskap i materiale i kvar teig. e) Tak skal utformast som saltak med takvinkel på mellom 10 og 30. f) Ikkje utbygde delar av byggjeområda skal utformast som uteopphaldsareal med vegetasjon og område med fast dekke. g) Det er høve til å etablere gjerde mot trafikkområde. h) Universelt utforma sti gjennom Bau skal ende i køyreveg innanfor Bbf2 og 3 og inntil ein gangsti i Bbf1. i) All busetnad skal utformast til å tåle ekstreme vindstyrker. j) Det skal etablerast 2 biloppstillingsplassar per bueining på tomtene. Desse skal synast i situasjonsplanen til byggjesøknad. Biloppstillingsplassar reknast ikkje med i BYA, med mindre dei er overbygde. Minst 1 biloppstillingsplass skal liggje under tak i garasje eller carport. k) Renovasjonsordning skal etablerast slik at ein forsøker å samle fleire renovasjonsdunkar, samstundes som det ikkje skal vere langt å gange til kvar einskild bustadeining. Det skal vere universelt utforma gangsamband mellom hovudinngangen til bustaden og arealet for 2
renovasjonsordninga. Det skal vere køyretilkomst og areal for manøvrering for stor lastebil inn til arealet for renovasjon dersom ein har samlepunkt for meir enn fire husstandar. 1.4.2 Bustader - frittliggjande småhus, Bbf 1 a) Samla BYA=380 m². Innanfor kvar byggjegrense kan det etablerast inntil BYA=170 m². b) Det skal etablerast inntil 2 bueiningar. c) Planeringshøgde (o.k. golv) = 747,5 m.o.h. d) Maksimal mønehøgde over o.k. golv hovudetasje skal ikkje overstige 4,5 m. e) Avkøyring i tråd med punktsymbol for regulert avkøyring skal utformast som snuplass for liten lastebil. 1.4.3 Bustader - frittliggjande småhus, Bbf 2 a) Føremålet skal brukast til 3 bueiningar og eitt felleshus. Felleshuset skal innehalde inntil 2 bueiningar til utleige. b) Busetnaden skal lokaliserast som eit rekkjeton, med felles veg på oppsida av busetnaden. Berre felleshuset skal liggje på oppsida av felles veg. Utforming og fargesetjing av bygg skal ha slektskap med volum og formspråk på Haddland. c) Det skal lagast ein samla situasjonsplan for heile føremåls-teigen, som syner tomtegrenser til frådeling, maksimal utbygging i alle byggjesteg, intern veg, utandørs fellesanlegg, gangstiar, renovasjon og biloppstillingsplassar. Situasjonsplanen skal sendast til Renovest til uttale. d) Samla BYA=670 m². e) Hovudbygg for bustader skal ikkje vere større enn maksimalt BYA=125 m². Det er høve til å byggje garasje på inntil BYA=50 m². Felleshuset skal ikkje vere større enn BYA=130 m². f) Planeringshøgde (o.k. golv) = 739-740 m.o.h. Planeringshøgde for felleshuset ligg i o.k. golv sokkeletasje. g) Maksimal mønehøgde over o.k. golv hovudetasje skal ikkje overstige 5,5 m. h) Det skal vere minst 6 parkeringsplassar inntil felleshuset, med universelt utforma tilkomst til hovudinngangen til bygget. Avkøyring frå Skv1 til felles parkeringsanlegg skal lokaliserast i samsvar med punktsymbol for regulert avkøyring. 3 1.4.4 Bustader - frittliggjande småhus, Bbf 3 a) Føremålet skal brukast til 4 bueiningar. b) Busetnaden skal lokaliserast som eit rekkjeton, med felles veg på oppsida av busetnaden. Utforming og fargesetjing av bygg skal ha slektskap med volum og formspråk på Haddland. c) Det skal lagast ein samla situasjonsplan for heile føremåls-teigen, som syner tomtegrenser til frådeling, maksimal utbygging i alle byggjesteg, intern veg, utandørs fellesanlegg, gangstiar, renovasjon og biloppstillingsplassar. Situasjonsplanen skal sendast til Renovest til uttale. d) Tilkomstvegen skal ha avkøyring frå Skv1 i tråd med punktsymbol for regulert avkøyring. Enden av tilkomstvegen skal koplast til universelt utforma gangsti gjennom Bau og utformast som snuplass for liten lastebil. e) Samla BYA=670 m². f) Hovudbygg for bustader skal ikkje vere større enn maksimalt BYA=125 m². Det er høve til å byggje garasje på inntil BYA=50 m². Felleshuset skal ikkje vere større enn BYA=130 m². g) Planeringshøgde (o.k. golv) = 734-735 m.o.h. h) Maksimal mønehøgde over o.k. golv hovudetasje skal ikkje overstige 5,5 m. 1.4.5 Anna uteopphaldsareal - Bau a) Føremålet skal brukast til felles utandørs nærrekreasjonsområde for brukarar i alle aldersgrupper. Det er høve til å gjennomføre terrengtiltak.
b) Det skal etablerast ein gangsti med minst 1,8 m breidde og maksimalt 8% stigning, som knyt saman Bbf1, 2 og 3. Stien skal dekkast med universelt utforma belegg med høg friksjon. Det skal vere rekkverk langs stien i stigningar på meir enn 5%. c) Det er høve til å etablere leikeanlegg for born. d) Det er høve til å etablere felles grillplass, utsiktsplass, møteplass. e) Areal utan ferdsle-, leik- eller opphaldsfunksjon skal ha eit vegetert preg med eit innslag av treeller buskvegetasjon. 1.5 Samferdsleanlegg og teknisk infrastruktur 1.5.1 Køyreveg Skv a) Det er høve til å leggje asfalt eller anna type fast dekke på teigane Skv1 og Skv2. Skv3 skal ha grusdekke. b) Det er høve til å etablere vegljos inntil vegane Skv1 og Skv2. c) Føremålet har annan eigarform. 1.5.2 Fortau Sf a) Føremålet har offentleg formål. b) Fortauet skal ha fast dekke. 1.5.3 Annan veggrunn - grøntareal Sav a) Føremålet skal ha eit vegetert preg. b) Føremålet har annan eigarform. c) Grøfter skal utformast til å tåle flaumvatn frå bekken sør i planområdet. I krysset mellom Skv1 og Sk3 skal det byggjast eit sedimenteringsbasseng, der flaumvatn kan redusere fart og leggje frå seg medført materiale. 4 1.6 Grønstruktur 1.6.1 Friområde Gf a) Føremålet skal ha eit vegetert preg, med eit innslag av trevegetasjon. b) Det er høve til å etablere stiar og sitjeplassar i føremålet. Desse funksjonane skal ikkje ha breidde på meir enn 1,2 m. Ut over dette er det ikkje høve til å gjennomføre inngrep i terrenget. c) Føremålet har annan eigarform 1.7 Landbruks-, natur- og friluftsformål samt reindrift 1.7.1 Naturformål - LNFR-n a) Det er ikkje høve til å gjennomføre terrenginngrep eller fjerne vegetasjonen ut over lett skjøtsel. 1.7.2 Friluftsformål - LNFR-f a) Det er ikkje høve til å gjennomføre terrenginngrep.
1.8 Omsynssoner 1.8.1 Faresone - Høgspenningsanlegg (inkl. høgspentkablar) H370_1 Ingen føresegner 1.8.2 Sikringssone Frisikt H140_ a) Innanfor frisiktområdet skal det ikkje vere sikthindarar på meir enn 0,5 m over tilstøytande vegbane. Vinje, den 27. mars 2015 For Plankontoret Hallvard Homme AS Alexander Stettin Landskapsarkitekt M.N.L.A. Revisjon A - Etter førstegongs handsaming i plan- og miljøutvalet 22.04.2015 Revisjon B - Etter vedtak i kommunestyret 23.09.2015 Varsel om oppstart av planarbeid: 19.03.2014 5 1. handsaming i det faste utvalet for plansaker: 22.04.2015 Utlagt til offentleg ettersyn i tidsromet: 26.04-15.06.2015 2. handsaming i det faste utvalet for plansaker: 09.09.2015 Eigengodkjent i kommunestyret den: 10.09.2015 Stad, Dato Sign. Stempel