Sotra Brannvern IKS - I arbeid for eit branntrygt lokalsamfunn! Årsmelding 2007 1
Sotra Brannvern IKS I arbeid for eit branntrygt lokalsamfunn! Vårt primære føremål er å ta i vare eigarane sine behov, plikter og oppgåver slik dei er nedfelt i lov og forskrift vedk. brann og redningsberedskap, brannførebyggjande arbeid, feiing og tilsyn INNHALD Brannsjefens kommentar Side 4 Om selskapet 5 Balanse per 31.12.2007 7 Notar til rekneskapen 8 Revisjonsmelding 2007 10 Representantskap 11 Styre 11 Administrasjonsavdeling 13 Beredskapsavdeling 14 Brannførebyggjande avdeling 16 Tilsette 18 Materiell og stasjonar 19 Samandrag året 2007 20 Saker behandla av Sotra Brannstyre i 2007 21 Skjema for brukarundersøking 2007 22 Bilete på framsida er av barnehagebarn på besøk i Ågotnes brannstasjon 2
3 Alle bilete i årsmeldinga: Sotra Brannvern IKS
BRANNSJEFENS KOMMENTAR Sotra Brannvern IKS (heretter berre SBv) er ein lærande organisasjon. Dette ser vi godt i dei to åra selskapet har eksistert. Berre sjå på det arbeidet som er lagt ned i retningsliner, reglement og planverk. Likefullt veit vi at det stadig er område der vi kan bli betre. For oss er ei slik erkjenning viktig i vår søken etter ei stadig kvalitetsforbetring av våre tenester til beste for den regionen vi bur og arbeidar i. Arbeidsmiljø er viktig for SBv, slik det er for alle organisasjonar. Utan tilfredse tilsette vil det vere vanskeleg å utvikle selskapet i riktig retning. Våre interne undersøkingar viser at trivnaden er god, trass i til dels tøffe belastningar, som kjem frå tid til annan. Ei oppleving av å gjere eit arbeid som blir sett pris på, lovord, er ei god løn. Det let seg ikkje gjere å tilfredsstille alle ønskje, men motivasjon har fleire former. Vi har over ei tid prøvd å løfte lønsnivået for våre lågast løna og vil i løpet av 2008 kome opp på eit godt nivå. Slik signaler, at vi både arbeidar mot og når eit mål, håpar eg verkar motiverande for våre tilsette. Vi merkar også kor vanskeleg det er å rekruttere fagudanna personell. Dette er ikkje spesielt for SBv, men for heile Brann-Noreg. Særleg gjeld dette innanfor det brannførebyggjande arbeidet. Vi konkurrerar med rådgjevingsbransjen, som har gode tider. Då kjem ofte våre løns og arbeidsvilkår til kort. Over ei rekkje år har SBv nytta eigenutvikla system for måling av arbeidsmiljø og personaltilfredsheit. Hausten 2007 starta vi eit arbeid med vurdering av eksterne system for evaluering. Dette vil bli vidareført i 2008. Brukarundersøkingar kan vere interessant lesing. Både for dei som blir målt, men også for dei som har ansvaret for drifta og for styret. Hausten 2007 gjennomførte vi ei brukarundersøking om tilsyn med fyringsanlegg. Det blei sendt ut 300 spørjeskjema og med omlag 28 % tilbakemeldingar er grunnlaget godt til å sjå kor landet ligg! Som brannsjef er det særs gledeleg å sjå at dei tilbakemeldingane vi fekk var gode. I snitt var karakteren 5,5 (med 1 som dårlegast og 6 som best). Då blei vi målt på varsling, gjennomføring, rapport og oppfølging. Meir om undersøkinga er å finne under kapittelet om førebyggjande avdeling side 17. Det er klart at gleda med utskifting av dei gamle mannskapsbilane er stor. Gledeleg både for dei tilsette, som til dagen er brukarar av bilane, men også for leiinga som over lang tid har arbeidd med finansiering, anbod og kontrakt. I 2007 blei også småbilane skifta ut. Dette er kjøretøy til feiing, tilsyn, øving o.a., så vår bilpark er god. Dette sikrar forutsigbare driftskostnadar, eit godt arbeidsmiljø og aukar også den passive tryggleiken for våre tilsette. (nye bilar = betre tryggleik) Økonomisk sett var 2007 eit bra år med eit lite meirforbruk på omlag 0,2 % Meir om dette under kapittel om administrasjonsavdelinga side 13. Bjørn Olav Paulsen, Ågotnes, 17. mars 2008 Etter to års drift som interkommunalt selskap er mi erfaring at dette er ei høveleg organisasjonsform. Som frittståande selskap (dog kommunalt eigd) blir vår kvardag ein god del meir krevjande på enkelte område, men også meir spanande og fleksibel. Ein føresetnad er eit velfungerande styre og sjølvsagt også representantskap. Alle veit kanskje ikkje om at vi har ei heimeside, men det har vi altså; www.sotrabrannvern.no. Sida er nøktern i oppbygginga, men gjev ein god del informasjon om organisasjonen (telefonliste, avdelingar, lenker, skjema, organisering, m.m.). Vi prøver etter beste evne å halde den oppdatert og utvikle den vidare. 4
OM SELSKAPET Sotra Brannvern IKS er eigd av Fjell kommune med 78,37 % og Sund kommune med 21,63 %. Ei selskapsavtale regulerer samarbeidet mellom kommunane. Selskapet skal ivareta eigarkommunane sine plikter etter brann og eksplosjonsvernloven og relaterte forskrifter. primære føremål er å ta i vare eigarane sine behov, plikter og oppgåver slik dei er nedfelt i lov og forskrift vedk. brann og redningsberedskap, Brannførebyggjande arbeid, feiing og tilsyn. Det er tre interkommunale organ i selskapet; representantskapet, styret og dagleg leiar. Brannsjefen er dagleg leiar. Kommunestyra har delegert, til styret, det mynde som etter lova med forskrifter er lagt til kommunen. Styret har igjen delegert mynde til brannsjefen. Delegering av mynde femner ikkje om viktige saker der lova krev vedtak i kommunestyret sjølv. Plikter og arbeidsoppgåver for Sotra Brannvern IKS: Gjennomføre informasjons og motivasjonstiltak i kommunane for å redusere antallet brannar og andre akutte ulukker. Gjennomføre brannførebyggjande tilsyn, ulukkesførebyggande oppgåver, og feiing og tilsyn med fyringsanlegg. Gjennomføre nærare definerte oppgåver i krise og krigssituasjonar Vere kommunane sin innsatsstyrke ved brann, innsatsstyrke ved andre akutte ulukker t.d. trafikkulukker Vere kommunane sin første innsatsstyrke ved akutt forureining og inngå i aksjonsleiinga Ta del i utforminga av eigarkommunane sine planar og arbeid med krise og beredskap Kommunane kan også leggje andre arbeidsoppgåver til selskapet så sant desse ikkje svekkjer gjennomføringa av oppgåvene nemnt ovanfor. Selskapet har det administrative ansvaret for personell knytt til Kystverket sitt oljeverndepot i Fjell kommune, som ligg på Coast Center Base på Ågotnes. Depotet er organisatorisk plassert i beredskapsavdelinga. Ihht krav i brann og eksplosjonsvernloven har Selskapet utarbeidd ny branndokumentasjon for regionen, men i skrivande stund har branndokumentasjonen ikkje vore gjennom kommunestyra i eigarkommunane. Saka kom ikkje opp til behandling i kommunestyra i 2007. Kjøp av tenester: Rekneskapsbyrå er Kemax Økonomi AS. Deloitte AS er revisor for selskapet. Bedriftshelseteneste ved Hjelp 24 Bedriftshelsetjeneste. Forhandlingsutval: Forhandlingsutvalet ved Sotra Brannvern IKS skal m.a. halde seg orientert om lønsutviklinga i kommunal sektor, og gjennomføre lokale lønstingingar innanfor dei rammer brannstyret har gjeve. Utvalet blir leia av styreleiaren og var slik samansett i 2007: Styreleiar, nestleiar av styret og brannsjef Tilsettingsutval: Sotra Brannstyre har oppretta tilsettingsutval i tråd med selskapsavtalen. Utvalet har mynde til å tilsette og seie opp personell med unntak av brannsjefen. Utvalet hadde i 2007 desse medlemene: Brannsjef, nestleiar av styret og ein tillitsvald for dei tilsette. Arbeidsmiljøutval: Sotra Brannstyre har oppretta eit arbeidsmiljøutval. Utvalet har 6 personar med 3 for arbeidsgjevar og 3 for arbeidstakarsida. I tillegg er det personleg vara for alle faste medlem. AKAN-kontakt: Sotra Brannvern IKS har også vald ein AKAN-kontakt. AKAN-kontakt er Svein Olaf Drageland. Svein Olaf Drageland er overbrannmeister ved førebyggande avdeling. Verneombod: Verneombod ved Sotra Brannvern IKS, var i 2007 Thomas Hjelme. Han er tilsett som brannformann i beredskapsstyrken 5
Sotra Brannvern IKS er organisert med ei administrasjonsavdeling, ei beredskapsavdeling og ei brannførebyggjande avdeling. Ved beredskapsavdelinga er det også ein stabsfunksjon for materialforvaltning, og Kystverket sitt oljeverndepot er underlagt denne avdelinga. Ved førebyggande avdeling er det ein seksjon for feiing og tilsyn med fyringsanlegg, og seksjon for HMS-tilsyn. Administrasjonsavdelinga har stabsfunksjon for personal og kontorfunksjonar. Leiargruppa i selskapet er slik samansett: brannsjef, avdelingsleiar beredskap, avdelingsleiar førebyggande og personal og kontorleiaren. Stillingar ved Sotra Brannvern IKS: Administrasjonavdeling: brannsjef personal og kontorleiar 2 stillingar. Beredskapsavdeling avdelingsleiar, varabrannsjef brannmeister 8 x underbrannmeister 2 x brannformann 22 x brannkonstabel tilsynsmann for oljeverndepotet leiar for oljeverndepotstyrken nestleiar for oljeverndepotstyrken 8 x mannskap ved oljeverndepotstyrken 45 stillingar Brannførebyggjande avdeling avdelingsleiar, overingeniør branningeniør overbrannmeister feiarmeister 3 x feiarsvein/feiar 2 x feiarlæring 9 stillingar. Samla for heile selskapet er det 56 stillingar. (Inkludert to læreplassar i feiarfaget) 6
BALANSE PER 31.12.2007 2007 2006 EIGENDELAR Anleggsmidlar Utstyr, maskiner og transportmidlar 4 261 628 3 431 903 Utlån 0 0 Aksjar og andelar 0 0 Sum anleggsmidlar 4 261 628 3 431 903 Omløpsmidlar Kortsiktige fordringar 2 134 522 206 274 Aksjar og andelar 0 0 Sertifikat 0 0 Obligasjonar 0 0 Kasse, postgiro, bankinnskot 1 916 218 1 630 745 Sum omløpsmidlar 4 050 740 1 837 019 SUM EIGENDELAR 8 312 368 5 268 922 EIGENKAPITAL Mindreforbruk 2007-46 638-86 312 Bundne driftsfond - 29 000-85 000 Ubundne investeringsfond 0 0 Bundne investeringsfond 0 0 Rekneskapsmessig mindreforbruk 0 0 Rekneskapsmessig meirforbruk 0 0 Udisponert i investeringsrekneskapen 0 0 Udekka i investeringsrekneskapen 0 0 Likviditetsreserve 0 0 Kapitalkonto -3 893 138-3 431 903 SUM EIGENKAPITAL -3 968 821-3 603 215 GJELD Langsiktig gjeld -1 900 000 0 Kortsiktig gjeld -2 443 547-1 665 707 SUM GJELD - 4 343 547-1 665 707 SUM EIGENKAPITAL OG GJELD - 8 312 368-5 268 922 31. desember 2007 27. mars 2008 Jenny Gudmundsen Fjell Michelle W. Hovda Kjartan Algrøy styremedlem styremedlem styremedlem Lars Oskar Lie Bjarte Søvik Ove Trellevik Bjørn Olav Paulsen nestleiar styremedlem 7 styreleiar dagleg leiar/brannsjef
NOTAR TIL REKNESKAPEN 1. Overføring mellom selskap og deltakarar Oversikt over innbetalte beløp Kommune Nr. Org. nr. Eigardel Beløp i 2007 Fjell 1246 951996777 78,37 % 3 232 999 Sund 1245 964338809 23,63 % 11 712 999 100 % 14 945 998 2. Avsetting og bruk av avsettingar I høve 22 og 23 i selskapsavtalen kan det settast av inntil kr 300 000,- av eit eventuelt overskot til driftsfond. Alt over kr 300 000,- skal overførast til investeringsfond jf 24. 3. Eksterne inntekter og utgifter Inntekter: Refusjon frå Staten kr 1 845 746,- Refusjon mva. investering kr 756 777,- Refusjon mva. drift kr 833 150,- Refusjon fylkeskommunar kr 94 964,- Sals og leigeinntekter kr 1 138 084.- Renteinntekter kr 123 605,- Refusjon sjukeløn kr 146 687,- Samla inntekter: kr 4 948 013,- Utgifter Lønsutgifter kr 9 474 876,- Sosiale utgifter kr 1 819 727,- Kjøp kr 4 531 267,- Overføringar tenesteproduksjon kr 2 744 610,- Overføringar kr 833 150,- Sum utgifter kr 19 150 801,- 4. Disposisjonsfond Ingen avsetnad 5. Ubunden kapitalfond Ikkje aktuelt 6. Bunden kapitalfond Ikkje aktuelt. 8
7. Bunden driftsfond Det var sett av kr 85 000, - til feie og tilsynstenesta i 2006. Det er brukt kr 56 000,- av fondet i 2007, slik at saldo nå er kr 29 000,- 8. Kapitalkonto Eigenkapital 01.01.2007 kr - 3 431 903,- Kapitalkonto 31.12.2007 kr - 3 893 183,- Transaksjonane mot kapitalkontoen i 2007 består i kjøp av to nye brannbilar, innbyte av to gamle brannbilar, opptak av lån, samt avskrivingar av brannbilane. 9. Likviditetsreserve Ikkje aktuelt 10. Oversikt endring i arbeidskapital Rekneskap 2007 Rekneskap 2006 Omløpsmidlar Endring i betalingsmidlar 285 473 1 630 745 Endring i ihendehavarobligasjonar og sertifikatar 0 0 Endring i kortsiktige fordringar 1 982 248 206 274 Endring i aksjar og andelar 0 0 Endring i omløpsmidlar (A) 2 213 721 1 837 019 Kortsiktig gjeld Endring i kortsiktig gjeld (B) 777 840 1 665 707 Endring i arbeidskapital (A-B) 1 435 881 171 312 Ordinært driftsresultat 718 214 171 312 11. Fjell kommunale pensjonskasse Sotra Brannvern IKS har pensjonsordning gjennom Fjell kommunale pensjonskasse. Aktuarberekning er tilgjengeleg 9
REVISJONSMELDING 10
REPRESENTANTSKAP STYRE Representantskapet er det øvste organet i Sotra Brannvern IKS og har m.a. følgjande oppgåver: Velje medlemmer til brannstyret. Behandle budsjett, økonomiplan, årsmelding om rekneskap. Representantskapet vel også revisor. Representantskapet: Leiar Lars Lie Vara Georg Indrevik Medlem Albrigt Sangolt Vara Harald Nordstrand Representantskapet har hatt tre møte og behandla følgjande saker: 01 2007 Innkalling til møte 01/2007. 02 2007 Saksliste for møte 01/2007 03 2007 Møtebok for møte 02/2006 04 2007 Årsmelding 2006 for Sotra Brannvern IKS 05 2007 Rekneskap 2006 for Sotra Brannvern IKS 06 2007 Innkalling til møte 02/2007 07 2007 Saksliste for møte 02/2007 08 2007 Møtebok for møte 01/2007 09 2007 Driftsbudsjett 2008 for Sotra Brannvern IKS 10 2007 Økonomiplan 2008 2001 for Sotra Brannvern IKS 11 2007 Oppretting av investeringsfond for Sotra Brannvern IKS Sotra Brannstyre er vald av representantskapet. Oppgåver for styret går fram av selskapsavtalen, men vi nemner kort nokre punkt: Skal utarbeide årsmelding og rekneskap som blir lagt fram for representantskapet Skal gi innstilling i saker der representantskapet er avgjerdsinstans Gi innstilling i saker der kommunestyra er avgjerdsinstans Fastsetje løns og arbeidstilhøve for alt personell og skjøtte arbeidsgjevaransvaret ved å tilsetje gjennom eige tilsetjingsutval, seie opp og vedta instruksar Ei liste over sakene som styret har behandla er å finne på side 21 i årsmeldinga. Styret i 2007 har vore samansett slik: Styreleiar Per Asle Sandal Vara Nancy Georgia Buckner Sæle Nestleiar Jorunn Småbrekke Gjersvik Vara Kjell Rune Garlid Medlem Kurt Rune Andreassen Vara Leiv Prestegård Medlem Michelle Williams Hovda Vara Ove Bernt Trellevik Medlem Edith Sønnervig Vara Else Marie Johnsen Aase Medlem Bjarte Søvik (for dei tilsette) Vara Terje Hagen Mjelva I tillegg var Børre Brekkvassmo fast observatør for dei tilsette. Vara var Frode Skjerping 12 2007 Val av ny revisor for Sotra Brannvern IKS 13 2007 Val av ny leiar for representantskapet for Sotra Brannvern IKS 14 2007 Innkalling til møte 03/2007 15 2007 Saksliste for møte 03/2007 16 2007 Møtebok for møte 02/2007 17 2007 Revisjon av selskapsavtalen for Sotra Brannvern IKS 18 2007 Val av styre for Sotra Brannvern IKS for 2008 2009 19 2007 Møteplan for 2008 11
Innlegg til selskapets årsmelding for 2007, frå avtroppande styret i Sotra Brannvern IKS. Etter to år som eige selskap med same styresamansetning har Sotra Brannvern IKS fått nytt styre. Eigarkommunane har gjennomført val, og i det høve fått nye kommunestyre. I den samanhengen var det naturleg at selskapet fekk eit nytt styre, med utgangspunkt i dei nye kommunestyra til eigarkommunane. Det gamle styret vil nytta høve til å takka for seg med å oppsummera året 2007. Året 2007 var eit år med fokus på drifta i selskapet. Året før, som var det første året som sjølvstendig selskap, brukte styret og administrasjonen mykje tid på å få på plass alle praktiske ting, samt avtaler som måtte til for at selskapet skulle stå på eigne bein. Styret kan berre arbeida for å leggja til rette forholda slik at dei tilsette får eit best mogeleg utgangspunkt for dette arbeidet. Styret vil takka for to svært givande år i selskapet. Me vil ynskja det nye styret og selskapet lukke til vidare. Takk for oss. For avtroppande styre i Sotra Brannvern IKS Per Asle Sandal avtroppande styreleiar Styret og administrasjonen arbeidde i 2007 vidare med dei store sakene som sto på handlingsplanen frå 2006. Innkjøp av nye mannskapsbilar samt arbeidde med planar om ny brannstasjon på Straume og med tida ny stasjon i Skogsvågskiftet var sentrale saker. Ny mannskapsbil er på plass i Skogsvågskiftet brannstasjon, og bilen på Ågotnes er like om hjørnet. Styreleiar var så heldig å få vera med å prøva den nye bilen. Bilen og utstyret var svært imponerande sett i forhold til det materiellet som blei skifta ut. Saka om etablering av ny brannstasjon på Straume er me ikkje i mål med, men me vonar at det nye styret arbeider vidare med denne viktige saka. Me vonar også at det nye styret arbeider vidare med etablering av ny stasjon i Skogsvågskiftet med tida. Styret vil takka for seg med å gje honnør til alle tilsette, både heiltids og deltids for særdeles godt utført arbeid i dei to første åra som sjølvstendig selskap. Det er dei tilsette som er bærebjelken i selskapet. Dei tilsette er den viktigaste årsaka til at Sotra Brannvern IKS står fram som eit særdeles godt selskap, med dei rette føresetnadane for å arbeida vidare for eit branntrygt lokal samfunn. Takk til avtroppande styre Eg vil takke det avtroppande styret for god og engasjert deltaking i dei to første åra i Sotra Brannvern IKS si historie. Arbeidet har vore prega av mange og omfattande saker der dei aller fleste har fått si avklaring. Eg håpar, og trur, at medlema også har funne det lærerikt og gjevande å vere medlem av styret for Sotra Brannvern IKS. Bjørn Olav Paulsen brannsjef 12
ADMINISTRASJONSAVDELING Administrasjonsavdelinga ved Sotra Brannvern IKS (heretter berre SBv) har ansvaret for all kontordrift, og personalforvaltning. Innunder dette ligg drift av kontormaskiner, rekvisita, utleige av undervisningslokalet Eldstaden, arkiv, post, lønsoppgjer, forsikring, pensjon, opplæringsplanar, tilsettingssaker m.m. Omsettinga var ein god del høgare enn budsjettert. Årsaka til dette er store kostnader til løn o.l., i samband med oppreinskingsaksjonen då MS Server forliste i januar 2007. Sotra Brannvern IKS tok store utskiftingskostnader i 2007 med røykdykkarsett, el.vinsj til ein bil, røykvifte til ein annan, termografikamera, opptakar til termografikamera m.m. I tillegg blei også ein større sum overført frå driftsbudsjettet til investeringsbudsjettet for å saldere dette, og for å minimere kostnaden for eigarane våre ved kjøp av to nye mannskapsbilar. Eit rekneskapsmessig meirforbruk på kr 39 674 utgjer dog berre omlag 0,2% av omsetnaden vår og vi må seie oss nøgd med resultatet. Meirforbruket er føreslege dekt ved å ta frå driftsfondet som då blir redusert frå kr 86 312 til kr 46 638. Arbeidsmiljøutvalet har behandla 21 saker i 2007. Forhandlingsutvalet har gjennomført lokale lønsjusteringar for alle heiltidsstillingar i 2007. For deltidsstillingar i beredskapstyrken er avløning regulert gjennom eigen særavtale SFS 2404 med lokal tilpassing. For stillingane ved oljeverdepotet er avløning regulert gjennom nok ein særavtale ASA 4110. Nytt telefonsystem er teke i bruk. Selskapet er blitt såkalla trådlaus -bedrift. I dette ligg eit elektronisk sentralbord med fleire direkte val. Opplæringsplan for 2007 blei utarbeidd i regi av administrasjonsavdelinga. Dette blei gjort ved at avdelingane melde inn behov, planen blei sett opp med prioriteringar og kostnader, for deretter å bli lagt fram for styret for avgjerd. SBv legg store ressursar inn i opplæringsplanen. Ressursar som vi ser på som ei god investering både i auka kompetanse innad i korpset og for den einskilde kva gjeld kompetanse og trivnad. Administrasjonsavdelinga har ansvaret for samordning av kurs/opplæring i ein felles opplæringsplan, mens den einskilde avdeling har ansvaret for oppfølging. Leiargruppa ved selskapet har også gjennomført eit opplæringsprogram i regi av Administrativt Forskningsfond (AFF). Alle vedtekne retningsliner, reglement, stillingsbeskrivingar o.a. er også blitt tilgjengeleg for våre tilsette via vårt intranett I ein organisasjon av vår storleik er det alltid noko turnover i løpet av eit år. Vårt ønskje er å halde på gode medarbeidarar, men frå tid til annan er det naturleg at nokon søkjer seg til nye utfordringar. Det har vore synleg at konkurranse om gode fagpersonar er særs stor. Den private sektor går godt, og då er det merkbart vanskelegare å rekruttere til stillingar i det offentlege. Dette sjølv om SBv er eit interkommunalt selskap, som kanskje kan virke attraktivt på fleire. Arbeidet med ei strategisk kompetanseplan er starta opp og vil venteleg bli sluttført i 2008. HMS-systemet vårt er grundig gjennomgått og revidert. Fullføring av denne grundige revisjonen blir i 2008. Selskapet har starta arbeidet med både ein strategisk plan og ein kriseplan for selskapet. Begge viktige dokument. Den strategiske planen venter på avklaring av branndokumentasjonen. Kriseplanen er i utgangspunktet ikkje avhengig av ei slik avklaring for å kunne sluttførast. Gjennomføring av røykesluttkurs har vore ein suksess. Alle tilsette som starta på kurset har gjennomført og bestått. Dette er både ei miljøgevinst, med bortfall av røykelukt, men også ei klar helsegevinst for den einskilde og dermed også for selskapet. Til sist er dette sjølvsagt ein gevinst for heile samfunnet. I samband med val av nytt styre er også vår firmaattest oppdatert. Avdelinga har gjennomført arbeidsmiljøundersøking (Temperaturmålar), målt personaltilfredsheit, (PERTIL-test) og vakthavande brannsjef og utrykkingsleiarar har alle blitt evaluert. Ny informasjons og kommunikasjonsplan er også utarbeidd. 13
BEREDSKAPSAVDELING Året 2007 har for beredskapsavdelinga vore eit år utan dei store og spektakulære hendingane. Det einaste som kan tendere opp mot noko slikt er MS Server-forliset, og at framskipet vart liggjande på Ågotnes ein periode, med dei konsekvensar det fekk, sjå eige avsnitt. Elles har det vore eit godt år med omsyn på materiell, bilutskifting og utstyrsinnkjøp. Bemanning: Avdelinga har ansvar for beredskapspersonellet i Skogsskiftet stasjon og Ågotnes Stasjon, og ansvar for depotstyrken til Kystverket som er lokalisert på CCB-basen. Etter å ha slitt med rekruttering i Skogsskiftet ei tid, er bemanninga der no på plass. For Ågotnes stasjon sitt vedkommande har me i hausten -07 vore inne i ein rekrutteringsperiode. Me har brukt tid på å finne eigna kandidatar, og dei er no på vei inn i systemet. Depotmannskap er me à jour med, tilsetting etter ein som slutta i 2007 er i gang. Utstyr/materiell: Me har fortsett modernisering av utrykkingskle etter kvart som utstyr har vorte utrangert. Egenes Brannteknikk AS har levert ein av to mannskapsbilar (som vart bestilt i 2006) i november 2007. Etter planen skulle begge bilane leverast i november, men produksjonskapasitet hos Egenes vart overført til annan bestillar (AVINOR) etter avtale med oss, og den siste bilen blei levert oss medio mars 2008. Dei nye bilane er utstyrt med det som trengst av funksjonar, sterk motor, automatgir, sikkerhetsbelter i alle seter, ryggekamera, begge har innreia røykdykkarkabin, begge har siste nytt når det gjeld pumper, det er levert ein vinsj og ei røykvifte med bilane, begge er klar for montasje av neste generasjons sløkkjemateriell (Cobra skjærslokkar) osv. Erfaringane med den bilen som er levert er udelt positiv. Mannskapa trivst i bilen, og alt fungerer som det skal. Spesielt dette at det er mannskapskabin med røykdykkarstolar er blitt godt motteke. (RD = røykdykkar) Vidare vart det samstundes med at me fekk mannskapsbilen bestemt at me skulle investere i nytt rd-utstyr. Utstyret vart levert i desember og mannskapa er kjempefornøgde. Vekta på det nye utstyret er ca 1/3 av det gamle, og driftsutgiftene er marginale i forhold til det som no er utrangert. RD-tenesta er no organisert slik at alt mannskapa treng for RD-innsats, pusteluft, hjelm, kommunikasjon er plassert i mannskapsbilen og vert tatt på under utrykking. Ved framkomst er dermed mannskap klare til innsats, og me sparar påkledningstida som før gjerne var opp mot 3 min. etter at bilen var parkert på brannstaden. I tillegg må me nemna at Utrykningspersonellets Fellesutvalg-Sotra har dekt kjøp av RD-kamera, som er plassert på Ågotnes. Dette er eit varmesøkjande kamera som mellom anna skal nyttast ved RD-innsats, men som også kan nyttast ved søk etter sakna personar, sjekk av varmgang i sikringsskap osv. Utstyret er utstyrt med opptaksmuligheit for film, slik at opptak kan nyttast i etterkant, for eksempel ved brannårsaksetterforsking. Kamera skal kunne nyttast av politi-, helse- og brannetatane i distriktet, inkludert og i Øygarden brannvesen. Det er SBv som har ansvar for den daglege drifta av kamera. Andre oppdrag: Gjennom året har me fleire oppdrag som ikkje kjem inn under omgrepet utrykkingar, og som heller ikkje fullt ut viser på statistikkane våre. I hovudsak dreier dette seg om to typar oppdrag; vasslevering og utrykkingar til unødige alarmar (utrykkingar til unødige alarmar er med i statistikken) som vert formidla frå vaktselskap (privatbustader). SBv har også vore ute og assistert industribedrifter med vatn i samband med trykktesting, og hatt diverse lenseoppdrag. MS Server: Etter forliset til MS Server hadde SBv lite folk med i første fase av aksjonen. Noko av våre mannskap deltok i Øygarden første veka etter forliset, elles var innsatsen rekognosering i eige distrikt i første fase. Etter at forskipet vart slept til Ågotnes (CCB) hadde me inne 6 eksterne mannskap under vår leiing til opprensking i Vindenes området spesielt. Totalt hadde SBv. utgifter på 580.000,- + mva. Desse utgiftene er refundert via IUA. Bilete er frå Vindenes 14
Statistikk: Tabellen syner alle utrykkingar som er registrert i regionen vår, inkludert dei utrykkingar Bergen brannvesen har hatt til Litlesotra m.m.. Fordelinga er slik at Bergen brannvesen står for om lag 25 % av totalt antal utrykkingar Sjølv om me i 2007 hadde eit heilt anna nivå (og mykje lågare nivå) på lyng- og skogbrannar som i 2006, 17 mot 67, så er vi likevel nesten opp i same totaltall for 2007 som for 2005. Kategoriane Trafikkulykker og Annan assistanse har den største variasjonen (auken). Totalt er antal utrykkingar gått ned med 20, medan antal lyng og skogbrannar er gått ned med 50, dvs at me har hatt ein auke på øvrige kategoriar på 30. Utrykningar og oppdrag i Sund og Fjell kommunar for 2007 Pipebrann 1 Trafikkulykke 45 Vannskade/oversv. 1 Brann i bygning 14 Bran n h in d ren d e tiltak 2 Annen brann 15 Brann i campingvogn 0 Akutt forurensning 5 Annen assistanse 24 Båtbrann 2 Bilb ran n 4 Lyng- og grasbrann 17 Falsk alarm 1 Un ød ig Alarm 59 0 10 20 30 40 50 60 70 Opplæring: Nytilsette skal gjennom ei intern opplæring og ekstern opplæring via Norges Brannskole (NBSK) og RD-kurs (kjøpt eksternt). Prosessen tar bort mot to år å få gjennomført. Opplegget vert kvalitetssikra ved at den tilsette fyller ut ei opplæringsbok frå NBSK på den opplæringa som vert gitt. Etter dette er det grunnkurs utdanning som er neste trinn. I 2007 har me fortsett det gode arbeidet med grunnkursutdanning innafor Hordalandsmodellen. Me har 6 konstablar med for skuleåret 2007/2008. Erfaringane frå denne utdanningsmodellen er svært god. Personellet blir utdanna i eit tempo som gjer at vår region er à jour før kravet til kompetanse slår inn i 2012. Det er og knytt band på tvers av kommune/brannverngrenser. Instruktørane kjem frå eigne rekkjer, samt at me faktisk får utdanna personellet til om lag halve kostnaden i forhold til det NBSK opererer med som ein referansekostnad. M.a. er det i 2007 kjøpt eit nytt edbverktøy som er berekna for planlegging og gjennomføring av øvingar gjennom året. Systemet skal nyttast til dokumentering av internopplæring fram mot grunnkurs, og den daglege øvinga me gjer heile tida. Øvingsplanen vår er under revisjon mellom anna som fylgje av det nye verktøyet. Me må til ei kvar tid vera opne for å endra øvingsopplegget, nytt utstyr og nye teknikkar, samt endra krav til oss gjer at dette er naudsynt. 15
BRANNFØREBYGGJANDE AVDELING Brannførebyggjande avdeling har ansvaret for all førebyggjande aktivitet knytt til; feiing, tilsyn med fyringsanlegg, hms-tilsyn, opplæring og saksbehandling for brann og eksplosiv vare. 2007 har vore eit år med stor aktivitet på avdelinga. Vi er så og sei ferdig med omlegging av HMS-tilsyna der ansvarleggjering og oppfølging har hatt hovudfokus. Tilsyna med fyringsanlegg er også justert etter føringar frå Direktoratet for samfunnssikkerhet og beredskap (DSB). HMS-tilsyn og opplæring Prosessen med omlegging av tilsyn i særskilte brann objekter no gjennomført. Tilsynet er i dag delt inn i tilsyn og eigenmeldingar og vi skil mellom eigar og brukar (verksemd). Alle tilsyna er følgd opp. Generelt sett er tilstanden i objekta blitt bra og det er mindre behov for bruk av tvangsmidlar. Ver merksam på at SBv praktiserer delt tilsyn: både tilsyn med eigar og med brukar av objektet. 2007 Antall objekt Antall tilsyn A-objekt 80 151 B-objekt 7 7 C-objekt 2 2 Forskrift om brannforebyggende tiltak og tilsyn deler inn særskilte brannobjekter i følgjande kategoriar: A bygninger og områder hvor brann kan medføre tap av mange liv (sykehus, skoler, barnehager m.m.) B bygninger, anlegg, opplag, tunneler og lignende som ved sin beskaffenhet eller den virksomhet som foregår i dem, antas å medføre særlig brannfare eller fare for stor brann, eller hvor brann kan medføre store samfunnsmessige konsekvenser (viktige bedrifter, kraftstasjoner, vannverk m.m.) C viktige kulturhistoriske bygninger og anlegg (museer, samlinger m.m.) Kurs og opplæring har vore eit satsingsområde for avdelinga og responsen frå både kommunale og private verksemder har også for 2007 vore god. 2 146 personar har fått opplæring i brannvern og førstehjelp. Kampanjar. Førebyggjande avdeling ved Sotra Brannvern IKS var saman med klasse 3b frå Foldnes skole på Sartor Storsenter fredag 30. november. Dette var i samband med årets "Aksjon boligbrann" som pågår i desember. Barna, som var uniformert som små brannfolk, gjekk saman med tilsette frå Sotra Brannvern IKS og lærarar og delte ut batteri og kalendarar til folk på senteret. Dei blei delt ut med stor entusiasme og blei godt mottekne. På bilete ser vi frå venstre: Maren, Anine, Ilona, Ken Robin og Lars frå klasse 3b ved Foldnes skule Fyrverkeri I 2005 blei det sett i gang eit prøveprosjekt i Hordaland og Rogaland med avgrensing i antall salsdagar for fyrverkeri. I 2007 var det lov å selje den 29. og 31. desember. Målet var å avgrense bruk av fyrverkeri i perioden før nyttårsaftan. Sotra Brannvern IKS fører tilsyn med alle godkjente utsalsstader for fyrverkeri. Tilsynet i 2007 avdekka ingen avvik som tilsa mellombels eller permanent stenging. Tal på utsalsstader i 2007 var 12. Nyttårsaftan er også for dei yngste og i Bergens distriktet er det vanleg at barn går julebukk denne kvelden. For å gjere denne opplevinga tryggast mogleg blei tidsrommet for lovleg oppskyting av fyrverkeri redusert til kl. 22.00 02.00 mot tidlegare 18.00 02.00. Signal frå sentralt hald tyder på at det frå 2008 vil bli forbod mot oppskyting av rakettar for privatpersonar. Desse signala gjorde likevel ikkje overgongen til det nye året meir travel enn normal i vårt distrikt. 16
Feiing og tilsyn Det har vore høg aktivitet i feie og tilsynstenesta og måla våre blei nådd i 2007. Tal på registrerte avvik i 2007 er 1316 (Fjell 1162, Sund 154). Avvika er fordelt på eldstader, tilkomst, skorstein m.m. Figuren under viser kva vi har utført av feiing og tilsyn i forhold til plan, fordelt på kvar av kommunane. Feiing & Tilsyn 2007 Fjell Sund Tilsyn Feiing Tilsyn Feiing 230 325 700 862 1425 1575 1762 1845 0 200 400 600 800 1000 1200 1400 1600 1800 2000 Resultat Plan Antall objekter Brukarundersøking. Det blei gjennomførte ei brukarundersøking etter tilsyn med fyringsanlegg i 2007. Svarprosenten var ca. 28 % Vi er svært nøgd med at tilbakemeldingane på tenesta var så gode, men vi er vel så godt nøgd med at vi har fått ein del konstruktive innspel på kva vi kan bli enda betre på. Lågast score var tidsrommet frå varsel om tilsyn til sjølve tilsynet. Her fekk vi karakteren 5. Gledeleg er det at vi skåra heile 5,7 av 6 mogelege poeng på spørsmålet om vi viser deg respekt og er høfleg. Vi vil nytte høvet til å takke dei som har tatt seg bryet med å delta. Dataprogram. Vi skal delta i ei nyoppretta faggruppe for vidareutvikling av programvare for feiing og tilsyn, saman med representantar frå tre andre brannvern. Vi håpar at vi gjennom vår medverknad skal få vere med å styre utviklinga av programvara, slik at den dekkjer våre ønskjer og behov best mogleg. På sikt vil det gje betre kvalitet og effektivitet på tenestene våre. Vi hadde forventning om å få betre taldata frå Sund kommune etter at dei fekk Kommune-GAB i 2007. Diverre har ikkje Sund kommune klart å levere dette til oss ennå. Resultatet er at vi ikkje har den kvaliteten på adresseringa i Sund kommune som vi ønskjer. Dette medfører ein del ekstraarbeid for oss.. Alt i alt eit godt produktivt år for feie og tilsynstenesta der hovudmåla blei nådd. Nr. Spørsmål Snitt 2007 1 Gjev nok informasjon før tilsynet 5,3 2 Gav nok tid frå varsel om tilsyn til sjølve tilsynet 5,0 3 Held avtaler 5,6 4 Gav nok informasjon under tilsynet 5,7 5 At vi tek oss tid til å svare på dine spørsmål 5,7 6 Kommunikasjonen mellom deg og vår representant under sjølve tilsynet 5,7 7 At vi viser deg respekt og er høflege 5,8 8 At vi er tilgjengeleg for deg i etterkant av tilsynet 5,4 9 At vi gjer klare og forståelege svar 5,7 10 At vi har nødvendig kunnskap og dugleik 5,7 11 Kvaliteten på tilsynsrapporten 5,5 12 At vi følgjer opp på ein ordentleg måte 5,5 Snitt 5,6 Tabellforklaring: Tabellen viser snittscore for dei respektive spørsmåla. Svarprosent var omlag 28 % som er å rekne som eit godt tal. 1 var lågaste karakter og 6 den høgst. På side 22-23 er heile skjemaet, som blei nytta ved brukarundersøkinga, lagt ved. 17
TILSETTE PER 31.12.2007 Sotra Brannvern IKS har både heiltidsstillingar, deltidsstillingar og lærlingeplassar. Alle stillingar med 80 % eller meir blir å rekne som heiltidsstillingar. I tillegg legg vi inn lærlingestillingane. Lærlingestillingar er ikkje faste stillingar, og personar med lærekontrakt har berre eit tilsettings/opplærlingsforhold med Sotra Brannvern IKS den tida som lærekontrakten regulerer. Med i oversikta er også personell som var i permisjon pre 31.12.2007 Følgjande personar har slutta i 2007: brannformann Stig Hagenes brannkonstabel Willy Monsen brannkonstabel Christian Lie depotmannskap Reidar Hammersdal Følgjande personar har begynt i 2007: branningeniør Vibeke Gunsteinsen brannkonstabel Kim Anders Viksøy Administrasjonsavdeling: brannsjef Bjørn Olav Paulsen personal og kontorleiar Therese Berntsen Beredskapsavdeling: avdelingsleiar, varabrannsjef Nils Anders Mæland materialforvaltar, brannmeister Børre Brekkvassmo underbrannmeister Glenn Kenneth Lauvik underbrannmeister Kenth Trygve Haukeland underbrannmeister Leif Ole Reithaug underbrannmeister Bjarte Søvik underbrannmeister Terje Hagen Mjelva underbrannmeister John Morthen Telle underbrannmeister Lars Frode Grevle brannformann Roger Ekren brannformann Thomas Hjelme brannkonstabel Ronny Gilborne brannkonstabel Raymond Johannessen brannkonstabel Frode Skjerping brannkonstabel Howard Hestad brannkonstabel Willy Monsen brannkonstabel Øyvind Sangolt brannkonstabel Hege Rødbotten brannkonstabel Roger Skyttermoen brannkonstabel Eivind Sangolt brannkonstabel Kjell Havneraas brannkonstabel Jørgen Kausland brannkonstabel Ingunn Renolen brannkonstabel Dag Are Sangolt brannkonstabel Vidar Nøttveit tilsynsmann Per Ellingsen leiar for depotstyrken Per Sørensen nestleiar for depotstyrken Kurt Vika mannskap Frode Skjerping mannskap Hans Norvald Lie mannskap Arild Skaatun mannskap Frode Jacobsen mannskap Terje Mellingen mannskap Ove Geir Stussdal mannskap Atle Wickman Brannførebyggjande avdeling: avdelingsleiar, overingeniør Bjørn Næs (permisjon) branningeniør Vibeke Gunsteinsen overbrannmeister Svein Olaf Drageland feiarmeister Leif Ole Reithaug feiarsvein John-Erik Mæland feiarsvein Ronny Gilborne (permisjon) feiarsvein Camilla Dahlberg feiarsvein Jeanett Dahlberg feiar Torbjørn Borgen feiarlærling Daniel Lynn Castell feiarlærling Frank Øyvind Eriksen Grønhaug Tal på tilsette per 31.12.2007 : 48* *Ver merksam på at nokre tilsette har både ein heiltidsstilling, og ein deltidsstilling. Dei blir berre registrert ein gong. brannkonstabel Stian Torsvik brannkonstabel Ingvald Strømme jr. brannkonstabel Hans Norvald Lie brannkonstabel Olav Lygre brannkonstabel Torbjørn Borgen 18
MATERIELL OG STASJONAR Ågotnes brannstasjon. Hovudbrannstasjon ligg på Ågotnes i Fjell kommune. Her held også administrasjonen til. Totalareal er omlag 1 320 m 2, der CCB sin portvakt har omlag 70 m 2 og Sivilforsvaret omlag 90 m 2. Det er eige undervisningslokale, slangevaskeri, verkstader, vaskehall, kontorfløy, garderobar m.m. Sotra Brannvern IKS leiger areala av Sambygg AS. Kort om beredskap Begge stasjonar er sett opp med fire lag a fire personar. Kvart lag blir leia av ein utrykkingsleiar (underbrannmeister). I tillegg er det alltid ein vakthavande brannsjef på vakt. Bilpark: Bil 1 Mercedes Benz 1120, 1991. Bil 2 Mercedes Benz 1226, 2007. Bil 3 Ford Transit Connect, 2007. Bil 4 Ford Transit Connect, 2007. Bil 5 Volvo FM, 2001. Bil 6 Land Rover Discovery 3, 2008. Bil 7 Volvo FM, 2002. Bil 8 VW Golf, 2007. Bil 9 VW Touran, 2007. Bil 10 Toyota Hiace, 2004. Bil 11 VW Golf, 2007. Tysse øvingshengjar, 2006 Ågotnes brannstasjon, Fjell kommune. Hovudstasjon der administrasjonen held til. Skogsskiftet brannstasjon. Det er ein bistasjon i Skogsskiftet i Sund kommune. Stasjon held enkel standard med plass til to brannbilar, eit mindre opphaldsrom og særs enkle garderobeløysingar. Totalt areal er 200 m 2. Sotra Brannvern IKS leiger bygget av B. Telle Eigedom AS. Ny mannskapsbil til Skogsskiftet brannstasjon. Levert november 2007. Skogsskiftet brannstasjon, Sund kommune. Nytt røykdykkarutstyr. Her montert i røykdykkarstolane i den nye bil 2 i Skogsskiftet brannstasjon. 19
SAMANDRAG ÅRET 2007 Sotra Brannvern IKS (heretter berre SBv) er organisert etter lov om interkommunale selskap. Representantskapet er øvste organ, det er eit styre og ein dagleg leiar. Dette er dei tre organa som er regulert av lova. Året starta med nok ein oljeoppreinskinsaksjon etter forlis. Denne gongen var det etter MS Server som forliste ved Fedje. Også SBv fekk områder i vår region der det måtte gjennomførast oppreinsking. Omfanget var likevel mindre enn i 2004 då MS Rocknes gjekk rundt i Vatlestraumen. Sidan SBv også har det administrative ansvaret for Kystverket sitt oljeverndepot på CCB, blei det store utbetalingar i løn til depotmannskapet. Dette skapte naturlegvis ei viss likviditetsutfordring fordi vi forskotterer utbetalingane og deretter får refusjon frå staten. I tillegg var det kostnadar med materiell. SBv klarte seg likevel utan å ta opp likviditetslån, men den utfordrande økonomiske situasjonen sette søkjelys på denne problemstillinga. Representantskapet avklarte då at selskapet kunne ta opp eit mindre likviditetslån hos eigarane om behovet skulle melde seg Det er utarbeidd etiske retningsliner og ein informasjons og kommunikasjonsplan. Begge er viktige dokument og i arbeidet med dei etiske retningslinene blei det nytta ei arbeidsform som inkluderte dei tilsette og styret. Gjennom dagssamling for heiltidstilsette og samling for styret og leiinga. Selskapet blei med i Fjell kommune sin anbodsrunde på ny revisor og representantskapet valde å inngå avtale med Deloitte AS som ny revisor for selskapet. Deloitte tok over i november 2007. Etter ei tids vurdering valde SBv å seie opp avtalen med Kemax Økonomi AS med verknad frå 01.01.2008. Ny leverandør av økonomitenester (føring av rekneskap, fakturering, løn o.a.) er Fjell kommune. I november fekk selskapet den første av to nye mannskapsbilar. Desse nye bilane erstattar to mannskapsbilar frå 1991, som har gjort si teneste. Bilane vil gjere kvardagen for vårt beredskapspersonell vesentleg betre. Bilar med stor nok mannskapskabin til røykdykkarstolar sparar oss for viktige minuttar ved ein utrykking til brann. I tillegg er tryggleiken for personellet betra ved nye og meir moderne kjøretøy. Førebyggjande avdeling gjennomførte opplæring av 2 146 personar i 2007. Ei brukarundersøking for tenesta tilsyn med fyringsanlegg, blei gjennomført hausten 2007. Gode tilbakemeldingar der snittscoren var 5,6. (Skala frå 1 til 6, der 1 er lågast og 6 er høgast) SBv har utarbeidd forslag til ny branndokumentasjon for Fjell og Sund kommunar. Saka har vore behandla av styret fleire gonger og etter godkjenning i representantskapet blei saka primo juni 2007 oversendt Fjell kommune for vidare behandling. Det er nå to år sidan selskapet blei etablert og på tide at ny branndokumentasjon blir vedteken. Dette dokumentet er særs viktig i det strategiske arbeide med å utvikle selskapet vidare. Ein viktig konklusjon i branndokumentasjonen er oppretting av ny brannstasjon på Straume. Grunngjeving og arbeid knytt til denne vurderinga er grundig, og det har heile tida vore eit samrøystes styre bak tilrådinga om etablering av ny stasjon i denne delen av vårt distrikt. Kommunestyrevalet førde til ny samansetting av representantskapet. Ny leiar er Lars Lie (ordførar i Fjell). Med seg har han Albrigt Sangolt (ordførar i Sund). Representantskapet valde også nytt styre med både faste medlemmar og personlege varamedlemmar. Det nye styret er valt for 2008-2009, og ny styreleiar er Ove Bernt Trellevik. Representantskapet har i 2007 revidert selskapsavtalen for Sotra Brannvern IKS. Blant dei meir viktige endringane er oppretting av driftsfond og investeringsfond. Brannsjefen støttar avgjerda og meiner dette vil gjere drifta meir fleksibel og selskapet meir sjølvstendig når behov for utskifting av mindre kostnadskrevjande materiell meldar seg. Økonomisk sett var også 2007 eit utfordrande år, med stort press på likviditeten i periodar. Inntektsinngang har vore klart betre enn venta, og det er særleg gledeleg å sjå at våre kurs (brannkurs og førstehjelpskurs) no går godt. Mange unødige alarmar gjer også sitt til at refusjonane frå slike aksjonar er høgare enn venta. Grunna ein planlagt overføring frå drift til investering blei det totale resultatet eit meirforbruk på kr 39 674, dvs, omlag 0,2 % av det totale forbruket. Meirforbruket er føreslege dekt inn frå driftsfondet. 20
SAKER BEHANDLA AV SOTRA BRANNSTYRE I 2007 01 2007 Innkalling og saksliste for møte 01/2007. 02 2007 Møtebok frå møte 05/2006. 03 2007 Melding om brannvernet for 2007. 04 2007 Presisering av økonomisk fullmakt for dagleg leiar. 05 2007 Leasingløysing for nye småbilar for Sotra Brannvern IKS 06 2007 Endring av helsekrav for tilsette ved Sotra Brannvern IKS 07 2007 Rekneskap 2006 for Sotra Brannvern IKS 08 2007 Årsmelding 2006 for Sotra Brannvern IKS 09 2007 Revisjonssituasjonen for Sotra Brannvern IKS 10 2007 Årsplan for HMS-arbeidet ved Sotra Brannvern IKS 11 2007 Innkalling og saksliste for møte 02/2007 12 2007 Møtebok frå møte 01/2007 13 2007 Bruk av fondsmidlar. 14 2007 Branndokumentasjon for Fjell og Sund kommunar Sotra Brannvern IKS 15 2007 Tertialrapportering av drifta ved Sotra Brannvern IKS 16 2007 Oversikt over eigendelar ved Sotra Brannvern IKS 17 2007 Evaluering av økonomitenester for Sotra Brannvern IKS 18 2007 Innkalling og saksliste for møte 03/2007 19 2007 Møtebok frå møte 02/2007 20 2007 Opplæringsplan for 2008 21 2007 Driftsbudsjett for 2008 for Sotra Brannvern IKS 22 2007 Økonomiplan for 2008 2011 for Sotra Brannvern IKS 23 2007 Sløkkjeavtale mellom Bergen Brannvesen og Sotra Brannvern IKS 24 2007 Oppretting av investeringsfond for Sotra Brannvern IKS 25 2007 Innkalling og saksliste for møte 04/2007 26 2007 Møtebok frå møte 03/2007 27 2007 Status hovudplan for Sotra Brannvern IKS for 2007 28 2007 Hovudplan for Sotra Brannvern IKS for 2008 29 2007 Etiske retningslinjer for Sotra Brannvern IKS 30 2007 Informasjons og kommunikasjonsplan for Sotra Brannvern IKS 31 2007 Revisjon av selskapsavtalen for Sotra Brannvern IKS 32 2007 Plan for arbeidsmiljøarbeidet 2008 for Sotra Brannvern IKS 21
22
23
24 www.sotrabrannvern.no