Arkivref: 2013/2055-46/2015 Saksh.: Ove Kvalnes Saksnr Utval Møtedato 1/15 Formannskapet 26.01.2015 1/15 Kommunestyret 12.02.2015 KOMMUNEDELPLAN FOR E39 HEIANE - ÅDLAND/ NORDRE TVEITA - FASTSETJING AV REVIDERT PLANPROGRAM OG UTGREIINGSPROGRAM FOR KONSEKVENSUTGREIING Framlegg til innstilling: 1. Den delen av alternativ 2 og alternativ 5 som viser ny veg gjennom Heiane Sør-området skal ikkje utgreiast vidare og skal takast ut av planprogrammet. 2. Alternativ 4 som viser kortast mogleg E39 i dagline gjennom Landåsen skal ikkje utgreiast vidare og skal takast ut av planprogrammet. Kommunestyret vil alt ved oppstart av planarbeidet presisera at ein i det vidare arbeidet må leggja vinn på å finna fram til trace/vegløysingar som i størst mogleg grad skjermar Landåsen. Saksprotokoll i Formannskapet - 26.01.2015 Innstilling: Den delen av alternativ 2 og alternativ 5 som viser ny veg gjennom Heiane Sør-området skal ikkje utgreiast vidare og skal takast ut av planprogrammet. «Kommunestyret går inn for at planprogrammet skal omfatta alternativ 4, men vil i det vidare planarbeidet leggja vekt på å koma fram til ei løysing som i størst mogeleg grad skjermar Landåsen.» Handsaming Tilrådd med 7 mot 1 røyst (Frp) Mindretalet røysta for statleg plan Liv Kari Eskeland, H sette fram følgjande framlegg: Pkt 2 og siste avsnitt i innstillinga går ut. Nytt siste avsnitt skal lyda slik:
«Kommunestyret går inn for at planprogrammet skal omfatta alternativ 4, men vil i det vidare planarbeidet leggja vekt på å koma fram til ei løysing som i størst mogeleg grad skjermar Landåsen.» Krf og Frp kom med følgjande framlegg: Nytt pkt 3 : Føreslår å utgreia eit nytt alternativ 6 : Trasé med tilnærma rett line frå Digernes /Heiane og fram til Agdestein. Lengst mogeleg mot nord. Planområdet vert tilsvarande utvida. Framlegget fekk 2 røyster (Krf og Frp) Frp kom med framlegg om å gjera om planen til ein statleg reguleringsplan. Framlegget fekk 1 røyst (Frp) Rådmannen sitt framlegg som fall: 1. Den delen av alternativ 2 og alternativ 5 som viser ny veg gjennom Heiane Sør-området skal ikkje utgreiast vidare og skal takast ut av planprogrammet. 2. Alternativ 4 som viser kortast mogleg E39 i dagline gjennom Landåsen skal ikkje utgreiast vidare og skal takast ut av planprogrammet. Kommunestyret vil alt ved oppstart av planarbeidet presisera at ein i det vidare arbeidet må leggja vinn på å finna fram til trace/vegløysingar som i størst mogleg grad skjermar Landåsen. Saksprotokoll i Kommunestyret - 12.02.2015 Vedtak: Den delen av alternativ 2 og alternativ 5 som viser ny veg gjennom Heiane Sør-området skal ikkje utgreiast vidare og skal takast ut av planprogrammet. Kommunestyret går inn for at planprogrammet skal omfatta alternativ 4. Kommunestyret vil alt ved oppstart av planarbeidet presisera at det må vera ei fortsetning å taka omsyn til Landåsen som særs viktig rekreasjonsområde. Også for dette alternativet (alt. 4) skal ny veg gjennom Heiane Sør-området ikkje utgreiast vidare og skal takast ut av planprogrammet Handsaming Vedteke med 30 mot 5 røyster(frp og Margareth Mjønes uavh) Mindretalet røysta for statleg plan 2 av 7
Først vart det røysta over dei ulike framlegga som følgjer: Liv Kari Eskeland, H kom med framlegg til siste setning i siste avsnitt, slik det ligg føre i vedtaket: «Også for dette alternativet (alt. 4) skal ny veg gjennom Heiane Sør-området ikkje utgreiast vidare og skal takast ut av planprogrammet» Samrøystes vedteke Svein Halleraker, H kom med følgjande framlegg om endring i siste avsnitt, slik det ligg føre i vedtaket. «Kommunestyret vil alt ved oppstart av planarbeidet presisera at det må vera ei fortsetning å taka omsyn til Landåsen som særs viktig rekreasjonområde» Samrøystes vedteke Sigbjørn Framnes, Frp kom med følgjande framlegg: Føreslår å utgreia eit nytt alternativ 6 : Trasé med tilnærma rett line frå Digernes /Heiane og fram til Agdestein. Lengst mogeleg mot nord. Planområdet vert tilsvarande utvida. Framlegget fekk 6 røyster (Frp, Margareth Mjønes uavh og Oskar Emil Langeland, Krf) Frp kom med framlegg om å gjera om planen til ein statleg reguleringsplan. Framlegget fekk 5 røyster (Frp og Margareth Mjønes uavh) Geir Angeltveit, V kom med framlegg om følgjande framlegg: Alternativ 4 som viser kortast mogleg E39 i dagline gjennom Landåsen skal ikkje utgreiast vidare og skal takast ut av planprogrammet. Framlegget fekk 10 røyster (V, Sp, Frp og Margareth Mjønes, uavh) 3 av 7
Rådmannen, 15.01.2015 Dokumentliste S 15.01.2015 Kommunedelplan for E39 Heiane - Ådland/ Nordre Tveita - fastsetjing av revidert planprogram og utgreiingsprogram for konsekvensutgreiing I 25.04.2013 Statens Vegvesen Region Vest Tinging av oppstartsmøte U 07.06.2013 Statens vegvesen, Region Vest Referat frå oppstartsmøte i plansak I 07.05.2013 Statens vegvesen, Region Vest E39 I 06.02.2014 Statens Vegvesen, Region Vest Forslag til planprogram I 06.02.2014 Statens Vegvesen Region Vest Oppstart av planarbeid, E39 Heiane - Ådland S 18.02.2014 Kommunedelplan for E39 Heiane - Nordre Tveita - fastsetjing av planprogram og X 06.03.2014 Særutskrift - Kommunedelplan for E39 Heiane - Nordre Tveita - fastsetjing av planprogram og I 11.03.2014 Statens vegvesen E39 Heiane - Ådland: Kunngjering forslag til planprogram og oppstart av planarbeid U 10.03.2014 Adresseliste Kommunedelplan for E39 Heiane - Ådland/Nordre Tveita - kunngjering av forslag til planprogram og melding om oppstart av planarbeid I 19.03.2014 Åge Aadland Merknad til planprogram ny E 39 I 20.04.2014 Oscar Ingebrigtsen for Per Ivar Ingebrigtsen, eigar av 28/1 E39 Heiane-Ådland Merknader til planprogrammet I 04.05.2014 Åshild Rygg Tonning Innspel til oppstart av planarbeid og forslag til planprogram I 07.05.2014 Gerda Malene Øen Kommentar til planstrategi for ny E39-Heiane- Ådland I 08.05.2014 Harald Landa Merknad innspel til oppstart av planarbeid I 08.05.2014 Bjarte Husum Merknader kommunedelplan I 09.05.2014 Hordaland Fylkeskommune Utsetjing av frist for fråsegn til planprogram og melding om oppstart I 09.05.2014 Arne Knutsen Merknad til planprogrammet k-delplan E 39, I 15.05.2014 Hordaland Fylkeskommune Fråsegn til Planprogram I 27.05.2014 Fylkesmannen i Hordaland, Kommunal og samfunnsplanavdelinga Offentleg ettersyn - Stord - E39 Heiane - Ådland / Nordre Tveita - Kommunedelplan S 02.06.2014 Kommunedelplan for E39 Heiane - Nordre Tveita - Fastsetjing av planprogram og I 02.06.2014 Statens vegvesen, Region Vest Gjennomgang av merknadar og revidert forslag til planprogram U 24.06.2014 Statens Vegvesen Region Vest v/marius Slinde Kommunedelplan for E39 Heiane - Nordre Tveita - Fastsetjing av planprogram og X 24.06.2014 Særutskrift - Kommunedelplan for E39 Heiane - Nordre Tveita - Fastsetjing av planprogram og U 30.06.2014 Fylkesmannen i Hordaland, Kommunal- og samfunnsplanavdelinga m.fl. Kommunedelplan for E39 Heiane - Ådland/ Nordre Tveita - fastsett planprogram I 17.10.2014 Statens vegvesen, Region Vest Forslag til revidert planprogram I 30.10.2014 Slinde Marius SV: E39 Heiane - Ådland/Nordre Tveita: Oppdatert forslag til revidert planprogram I 13.11.2014 Statens vegvesen E39 Heiane - Ådland/Nordre Tveita: Skrivefeil i planprogrammet S 14.11.2014 Kommunedelplan for E39 Heiane - Ådland/Nordre Tveita - Forslag til utviding av planområdet og revidert planprogram I 28.11.2014 Else Marie Bukkøy Vegtrasé E39 fra Vabakken - Heiane Sør X 05.12.2014 Særutskrift Kommunedelplan for E39 Heiane - Ådland/Nordre Tveita - Forslag til utviding av planområdet og revidert planprogram I 05.12.2014 Statens vegvesen E39 Heiane - Ådland/Nordre Tveita: Kunngjering i Sunnhordland U 09.12.2014 Adresseliste Kommunedelplan for E39 Heiane - 4 av 7
Ådland/Nordre Tveita - kunngjering om utviding av planområdet U 09.12.2014 Marit og Andreas Hjartårker m.fl. Kommunedelplan for E39 Heiane - Ådland/ Nordre Tveita - invitasjon til møte i samband med høyring av forslag til utviding av planområdet og revidering av planprogrammet I 14.01.2015 Bjelland Rådgjeving Innspel til planprogram for E39 Heiane - Ådland/Nordre Tveita. Vedlegg E39 Heiane - Ådland/Nordre Tveita: Revidert planprogram Særutskrift - Kommunedelplan for E39 Heiane - Nordre Tveita - Fastsetjing av planprogram og utgreiingsprogram for konsekvensutgreiing Innspel planprogram E39 Heiane - Ådland /Nordre Tveita Innleiing (bakgrunn for saka) Med bakgrunn i tidlegare vedtak i sak om forstudie om oppgradering av E39 mellom Heiane og Ådland som vart vedteke i kommunestyret 16.12.2010 har Statens vegvesen og Stord kommune starta arbeid med kommunedelplan for E39 mellom Heiane og Ådland/Nordre Tveita. Kommunedelplanen skal fastsetja framtidig trase for E39 på strekninga, og avklara framtidig tilknyting og løysing for lokalvegnettet, busstrafikken, gang-/sykkeltrafikken og tilgjenge til friluftsområda i Landåsen og langs Ådlandsvatnet på strekninga Heiane Leirvik- Ådland/Nordre Tveita. I arbeidet med kommunedelplanen skal fleire alternative trasear utgreiast og vurderast. Planprogrammet som viser kva alternativ som skal utgreiast og vurderast låg ute til offentleg ettersyn i tida 10.03. 09.05.2014. Planprogrammet vart fastsett av kommunestyret i møte 19.06.2014 med slikt vedtak: «1. Kommunestyret fastset i medhald av Plan- og bygningslova 4-1, 11-13 og 14-2 planprogram datert 02.06.2014 for kommunedelplan for E 39 Heiane Ådland/ Nordre Tveita. Planprogrammet skal liggja til grunn for utarbeiding av kommunedelplanen og konsekvensutgreiinga. 2. Kommunestyret vil allereie ved oppstart av dette planarbeidet presisere at ein i det vidare arbeid må leggje vinn på å finne fram til trace/vegløysingar som i størst mogleg grad skjermar Landåsen. 3. Kommunestyret ser det som ein føresetnad at det vil bli mulig å ferdast på interne parallelle veier mellom krysset på E39 Vestlivegen og Heiane.» I arbeidet med kommunedelplanen etter at planprogrammet vart fastsett har vegvesenet kome til at dei ynskjer å utvida planområdet til og å omfatta framtidig vegføring for E39 forbi næringsområdet på Heiane. Noverande trase for E39 gjennom Heianeområdet kan ikkje nyttast dersom dimensjonerande fart 110 km/t skal leggjast til grunn på heile strekninga. På bakgrunn av det vedtok formannskapet i møte 03.12.2014 å leggja forslag til revidert planprogram med utviding av planområdet ut til nytt offentleg ettersyn. Formannskapet gjorde slikt vedtak: «Formannskapet vedtek i medhald av Plan- og bygningslova 4-1, 11-13 og 14-2 å senda revidert planprogram med utgreiingsprogram for kommunedelplan for E 39 Heiane Ådland/ Nordre Tveita datert 30.10.2014 på høyring og leggja det ut til offentleg ettersyn. Kommunestyret vil allereie ved oppstart av dette planarbeidet presisere at ein i det vidare arbeidet må leggje vinn på å finne fram til trace/vegløysingar som i størst mogleg grad skjermar Landåsen» Forslag til revidert planprogram med utviding av planområdet har vore sendt på høyring og utlagt til ettersyn i tida 09.12.2014 16.01.2015. Statens vegvesen er forslagsstillar og ansvarleg for å utarbeida planen. Stord kommune er planmynde og ansvarleg for sakshandsaminga og for å vedta planen. Rådmannen legg no forslag til utviding av planområdet og revidert planprogram fram for formannskapet og kommunestyret for fastsetjing av det reviderte planprogrammet. 5 av 7
Saksutgreiing (fakta, saksopplysningar) I det reviderte planprogrammet er planområdet utvida til å omfatta heile Heiane Vest- og Djupadalenområdet og deler av Heiane Sør-området på sørsida av dagens E39. I det reviderte planprogrammet er planområdet og utvida noko i nord for å ta høgde for at nytt toplankryss i dette området vert ein del av denne kommunedelplanen og ikkje del av den statlege kommunedelplanen for strekningen vidare nordover. Den statlege planen skal samordnast med den kommunale planen. I det reviderte planprogrammet er og det som tidlegare var alternativ 2, ny veg basert på dagens veg, og det som var alternativ 3, kort E39 med avgrensa inngrep i Landåsen, slått saman til eit alternativ då alternativa var forholdsvis like. Det reviderte planprogrammet skisserer 4 alternativ for ny E39 der alle alternativa no startar vest for Heianeområdet: - Alternativ 1 er kalla utbetring av dagens E39. Alternativet inneber at ein nyttar dagens veg mest mogleg på heile strekninga og legg til grunn 80 km/t som dimensjonerande fart og to eller fire felt avhengig av berekna trafikkmengde. - Alternativ 2 er kalla ny veg basert på dagens E39. Dimensjonerande fart 100 km/t og fire felt. Alternativet viser ny veg i Landåsen langs noverande E39 mellom Tveita og Studalen fram til tunnel under Lønningsåsen, og ny veg forbi Heiane-området, enten i ny veg på nordsida av Heiane Vest eller ny veg basert på noverande E39 på sørsida av Heiane Vest og inn i deler av Heiane Sør-området. - Alternativ 4 er kalla kortast mogleg E39. Dimensjonerande fart 100 km/t og fire felt. Alternativet er det same som alternativ 2 forbi Heiane Vest og Heiane Sør men vidare nordover viser dette alternativet ny veg i dagen i tilnærma rett line fram til tunnel under Lønningsåsen. - Alternativ 5 er kalla lang tunnelløysing. Dimensjonerande fart 100 km/t og fire felt. Alternativet viser lang tunnel på heile strekninga frå Heiane Vest-området eller Skiphaugen-området avhengig av kva alternativ som vert valt forbi Heiane-området. På dei grove kartskissene som illustrerer dei ulike alternativa er det no vist fleire traseval innanfor same alternativ slik at det i realiteten vert utgreidd og vurdert fleire kombinasjonar av alternativ enn desse 4 hovudalternativa. Planprogrammet legg til grunn at alle alternativa skal konsekvensutgreiast og gje grunnlag for endeleg val av framtidig trase og løysing. Planarbeidet og konsekvensutgreiinga vert gjennomført i tråd med Planog bygningslova sine reglar og Statens vegvesen sine vegnormalar og handbok 140. Nærare omtale av saka så langt med m.a. resymé og kommentarar av høyringsuttalane til planprogrammet som var på høyring og utlagt til offentleg ettersyn første gong og krav og mål for planarbeidet, dei ulike trasévala, planinnhald, kva som skal konsekvensutgreiast, organisering, framdrift og medverknad går fram av sak KST 32/14 og revidert planprogram som ligg vedlagt. Innkomne merknader etter ny høyring og utlegging til offentleg ettersyn 1. Fronta AS, brev datert 14.01.2015 ser positivt på at planprogrammet er utvida i vest for å få gjennomført ei heilskapleg vurdering som omfattar heile Heianeområdet. Men dei skriv at då må konsekvensane for alt gjennomført utbygging i Heiane Vest og godkjente planar for Heiane Sør vega tungt. Dei peikar på at i desse områda ligg dei største og mest attraktive næringsområda i kommunen. Dersom utviding av planområdet fører til byggje- og deleforbod og omarbeiding av planar kan dette føra til utsetjing av nyetableringar på opparbeidde tomtar og utsetjing av tilrettelegging av nye næringsområde og såleis gje store negative konsekvensar for stordsamfunnet når det gjeld tilgang på næringsareal og nyetableringar dei næraste åra. Dei skriv vidare at etter ei samla vurdering meiner dei at alt 2, ny veg basert på dagens veg, framstår som det beste alternativet. Når det gjeld konsekvensane for Heiane Vest og Heiane Sør, så meiner dei at alternativet nord for Heiane Vest synest å ha minst konsekvensar for utbyggingsområda, mens alternativet sør for dagens E39 vil føra til behov for omregulering av store deler av området, store økonomiske konsekvensar og store erstatningskrav. I uttalen vert det elles peika på at det parallelt med trasevalet må sjåast på innpassing av toplankryss i Heianeområdet, ved Vabakken og Ådland bru/ Vestlivegen, tilknytingspunkt for nabokommunane, at det er viktig å leggja til rette for ein framtidsretta standard på E39 med 4 6 av 7
Vurdering køyrefelt, samanhangande gangveg frå Leirvik til Ådland bru og vidare langs Vestlivegen til Vestlivegen og tilliggjande bustadfelt, innpassing av tilkomst til hestesportsanlegget på Tyse m.v. Kommentar: Noverande E39 gjennom Heianeområdet og vidare vestover mellom Heiane Vest og Heiane Sør kan ikkje nyttast som framtidig firefeltsveg dersom dimensjonerande fart skal vera 110 km/t og heller ikkje dersom dimensjonerande fart skal vera 100 km/t slik det var lagt til grunn ved starten av planarbeidet. Rådmannen ser at ny firefeltsveg med dimensjonerande fart 100 eller 110 km/t vil få store konsekvensar for framtidig utvikling av Heiane Sør-området og at det i realiteten vil vera eit byggje- og deleforbod i Heiane Sør-området dersom dette alternativet skal vera med i planprogrammet. Rådmannen ser alternativet som lite aktuelt og rår difor til å ta det ut av planprogrammet. Merknadane og innspela som går på kryssplasseringar, gangvegar, undergangar m.v. vert teke med i det vidare planarbeidet. Rådmannen har ikkje merknader til at ein utvider planområdet og får utgreidd og vurdert nye traséar for E39 gjennom Heiane-området som tilfredsstiller krava til dimensjonerande fart 110 km/t og fire felt. Rådmannen ser imidlertid at alternativa som vil gå gjennom Heiane Sør området og alternativa som viser kortast mogleg E39 i dagline gjennom Landåsen vil ha så store miljø- og samfunnsmessige konsekvensar at det ikkje vil vera aktuelt å rå til desse alternativa som endeleg traseval for ny E39. Rådmannen har difor kome til at ein ikkje treng å utgreia desse alternativa vidare og rår til at dei vert tekne ut av planprogrammet. Rådmannen går ikkje no inn på kva konsekvensar dei andre alternativa kan ha for områda, men legg til grunn at alle dei andre alternativa i planprogrammet vert konsekvensutgreidd for i neste omgang å gje best mogleg grunnlag for val av endeleg trasé og løysing. Rådmannen meiner forslaget til planprogram er utarbeidd i samsvar med reglane i Plan- og bygningslova og gjer greie for formålet med planarbeidet, planprosessen og viktige problemstillingar som skal utgreiast i det vidare planarbeidet. Konklusjon Rådmannen rår til at planprogrammet med utgreingsprogram for konsekvensutgreiinga vert fastsett med følgjande endring: 1. Den delen av alternativ 2 og alternativ 5 som viser ny veg gjennom Heiane Sør-området skal ikkje utgreiast vidare og skal takast ut av planprogrammet. 2. Alternativ 4 som viser kortast mogleg E39 i dagline gjennom Landåsen skal ikkje utgreiast vidare og skal takast ut av planprogrammet. 7 av 7