FORSLAG TIL KOMMUNEDELPLAN MED KONSEKVENSUTGREIING FOR E39 HEIANE - ÅDLAND / NORDRE TVEITA - UTLEGGING TIL OFFENTLEG ETTERSYN

Transkript

1 Arkivref: 2013/ /2015 Saksh.: Ove Kvalnes Saksnr Utval Møtedato 43/15 Formannskapet FORSLAG TIL KOMMUNEDELPLAN MED KONSEKVENSUTGREIING FOR E39 HEIANE - ÅDLAND / NORDRE TVEITA - UTLEGGING TIL OFFENTLEG ETTERSYN Framlegg til vedtak: Med heimel i Plan- og bygningslova vedtek formannskapet å leggja forslag til kommunedelplan med konsekvensutgreiing for E39 Heiane Ådland/ Nordre Tveita alternativ 1, 2, 4 og 5 ut til offentleg ettersyn. Formannskapet vil alt no signalisera at Stord kommune vanskeleg kan gå inn for alternativ 4 som vegvesenet tilrår då formannskapet meiner dette alternativet har for store konsekvensar i høve til natur, friluftsliv, miljø og helse og langt større enn det som kjem fram av vegvesenet sine vurderingar og tilråding. Formannskapet meiner alternativ 5 samla sett er det beste alternativet av dei som ligg føre. Formannskapet meiner det berre er dette alternativet som i tilstrekkeleg grad sparar det viktige natur- og friluftsområdet i Landåsen. Saksprotokoll i Formannskapet Vedtak Med heimel i Plan- og bygningslova vedtek formannskapet å leggja forslag til kommunedelplan med konsekvensutgreiing for E39 Heiane Ådland/ Nordre Tveita alternativ 1, 2, 4 og 5 ut til offentleg ettersyn. Formannskapet meiner at framføring av E-39 etter vedtekne plankriteria vil true bumiljø og sårbart landskap. Dei løysingane som er framlagt viser etter formannskapet sitt syn at dette stemmer. Primært ville formannskapet gått inn for ei løysing som reduserte hastighet og vegbredde for prosjektet. Formannskapet vil alt no signalisera at Stord kommune vanskeleg kan gå inn for alternativ 4 som vegvesenet tilrår då formannskapet meiner dette alternativet har for store konsekvensar i høve til natur, friluftsliv, miljø og helse og langt større enn det som kjem fram av vegvesenet sine vurderingar og tilråding. Formannskapet meiner alternativ 5 samla sett er det beste alternativet av dei som ligg føre. Formannskapet meiner det berre er dette alternativet som i tilstrekkeleg grad sparar det viktige natur- og friluftsområdet i Landåsen. Handsaming Vedtek med 7 mot 2 røyster (H og Frp) Mindretalet røysta for rådmannen sitt framlegg. Habilitet: Liv Kari Eskeland, H viste til notat datert i dokumentlista i saka og meinte det ikkje var grunnlag å stilla spørsmål om habilitet. Formannskapet meinte det ikkje var grunnlag å reisa spørsmål om habilitet.

2 ****** Nils Magne Blålid, SV kom med framlegg om eit nytt avsnitt 2, slik det ligg føre i vedtaket. ****** Liv Kari Eskeland kom følgjande framlegg på vegne av H og Frp: Med heimel i Plan- og bygningslova vedtek formannskapet å leggja forslag til kommunedelplan med konsekvensutgreiing for E39 Heiane Ådland/ Nordre Tveita alternativ 1, 2, 4 og 5 ut til offentleg ettersyn. Framlegget fekk 2 røyster ( H og Frp) PROTOKOLLTILFØRSEL: ****** Liv Kari Eskeland, H om med følgjande protokolltilførsel. Formannskapet ber Stord kommune jobba for deponi av massane, gjerne opp mot gang og sykkelvegnettet i Stord 2 av 9

3 Rådmannen, Dokumentliste S Forslag til kommunedelplan med konsekvensutgreiing for E39 Heiane - Ådland / Nordre Tveita - utlegging til offentleg ettersyn I Statens Vegvesen Region Vest Tinging av oppstartsmøte U Statens vegvesen, Region Vest Referat frå oppstartsmøte i plansak I Statens vegvesen, Region Vest E39 I Statens Vegvesen, Region Vest Forslag til planprogram I Statens Vegvesen Region Vest Oppstart av planarbeid, E39 Heiane - Ådland S Kommunedelplan for E39 Heiane - Nordre Tveita - fastsetjing av planprogram og X Særutskrift - Kommunedelplan for E39 Heiane - Nordre Tveita - fastsetjing av planprogram og I Statens vegvesen E39 Heiane - Ådland: Kunngjering forslag til planprogram og oppstart av planarbeid U Adresseliste Kommunedelplan for E39 Heiane - Ådland/Nordre Tveita - kunngjering av forslag til planprogram og melding om oppstart av planarbeid I Åge Aadland Merknad til planprogram ny E 39 I Oscar Ingebrigtsen for Per Ivar Ingebrigtsen, eigar av 28/1 E39 Heiane-Ådland Merknader til planprogrammet I Åshild Rygg Tonning Innspel til oppstart av planarbeid og forslag til planprogram I Gerda Malene Øen Kommentar til planstrategi for ny E39-Heiane- Ådland I Harald Landa Merknad innspel til oppstart av planarbeid I Bjarte Husum Merknader kommunedelplan I Hordaland Fylkeskommune Utsetjing av frist for fråsegn til planprogram og melding om oppstart I Arne Knutsen Merknad til planprogrammet k-delplan E 39, I Hordaland Fylkeskommune Fråsegn til Planprogram I Fylkesmannen i Hordaland, Kommunal og samfunnsplanavdelinga Offentleg ettersyn - Stord - E39 Heiane - Ådland / Nordre Tveita - Kommunedelplan S Kommunedelplan for E39 Heiane - Nordre Tveita - Fastsetjing av planprogram og I Statens vegvesen, Region Vest Gjennomgang av merknadar og revidert forslag til planprogram U Statens Vegvesen Region Vest v/marius Slinde Kommunedelplan for E39 Heiane - Nordre Tveita - Fastsetjing av planprogram og X Særutskrift - Kommunedelplan for E39 Heiane - Nordre Tveita - Fastsetjing av planprogram og U Fylkesmannen i Hordaland, Kommunal- og samfunnsplanavdelinga m.fl. Kommunedelplan for E39 Heiane - Ådland/ Nordre Tveita - fastsett planprogram I Statens vegvesen, Region Vest Forslag til revidert planprogram I Slinde Marius SV: E39 Heiane - Ådland/Nordre Tveita: Oppdatert forslag til revidert planprogram I Statens vegvesen E39 Heiane - Ådland/Nordre Tveita: Skriveleif i planprogrmmet S Kommunedelplan for E39 Heiane - Ådland/Nordre Tveita - Forslag til utviding av planområdet og revidert planprogram I Else Marie Bukkøy Vegtrasé E39 fra Vabakken - Heiane Sør X Særutskrift Kommunedelplan for E39 Heiane - Ådland/Nordre Tveita - Forslag til utviding av planområdet og revidert planprogram I Statens vegvesen E39 Heiane - Ådland/Nordre Tveita: Kunngjering i Sunnhordland U Adresseliste Kommunedelplan for E39 Heiane - Ådland/Nordre Tveita - kunngjering om utviding 3 av 9

4 av planområdet U Marit og Andreas Hjartårker m.fl. Kommunedelplan for E39 Heiane - Ådland/ Nordre Tveita - invitasjon til møte i samband med høyring av forslag til utviding av planområdet og revidering av planprogrammet I Bjelland Rådgjeving Innspel til planprogram for E39 Heiane - Ådland/Nordre Tveita S Kommunedelplan for E39 Heiane - Ådland/ Nordre Tveita - fastsetjing av revidert planprogram og utgreiingsprogram for konsekvensutgreiing I Marta Tveita og Jens Litlabø Uttale til planprogram for E39 Heiane - Ådland/Nordre Tveita I Stord Næringsråd Høyringsuttale Kommunedelplan for E39 Heiane - Ådland/Nordre Tveita - kunngjering om utviding av planområdet I Borgen Advokatar AS Merknadar til kommunedelplan for E39 Heiane - Åland / Nordre Tveita I Hordaland fylkeskommune, Planseksjonen Fråsegn -Kommunedelplan for E39 Heiane - Ådland/Nordre Tveita - kunngjering om utviding av planområdet I Borgen advokatar AS Merknader til kommundelplan for E39 I Statens vegvesen, Region Vest Gjennomgang av merknader til forslag til revidert planprogram N Liv Kari Eskeland Oppsummering og kommentarar av innkomne merknader I Odd Winge Skrinlegg alternativ 3 straks X Særutskrift Kommunedelplan for E39 Heiane - Ådland/ Nordre Tveita - fastsetjing av revidert planprogram og utgreiingsprogram for konsekvensutgreiing I Statens vegvesen E39 Heiane - Ådland/Nordre Tveita: Fastsett planprogram U Statens vegvesen m.fl. Kommunedelplan for E39 Heiane - Ådland / Nordre Tveita - fastsetjing av revidert planprogram I Magne Tøsse Høring av ny planlagt vei I Siren Eldøy Hinderaker Uttale E 39 avkjørsel Ådland og Vestlivegen U Oppsitjarane, Sageneset SV: Merk: E39 Stord-Os I Trude Aadland Fwd: SV: Merk: E39 Stord-Os I Gunnar Helge Hageberg Turveg Ådlandsvatnet - merknader til plan [E39] frå eigar av 37/22 (kopi av brev til Gøtz AS) I Statens vegvesen E39 Heiane - Ådland/Nordre Tveita: Overleveringsmøte I Statens vegvesen, Region Vest E39 Heiane - Ådland/Nordre Tveita Planforslag kommunedelplan E 39 Heiane - Ådland/Nordre Tveita I Statens vegvesen, Region Vest VS: E39 Heiane - Ådland/Nordre Tveita: Presentasjon Vedlegg E39 Heiane - Ådland/Nordre Tveita Planforslag kommunedelplan E 39 Heiane - Ådland/Nordre Tveita Planomtale Kommunedelplankart Føresegner Teikningshefte KU - Samfunnsøk. analyse - prissette konsekvensar KU - Samføk. analyse - ikkje prissette tema - samlerapport KU - Lokal utvikling KU - Risiko- og sårbarheitsanalyse Innleiing (bakgrunn for saka) 4 av 9

5 Ved brev av har Statens vegvesen sendt inn forslag til kommunedelplan med konsekvensutgreiing for E39 Heiane Ådland/ Nordre Tveita. Statens vegvesen er forslagsstillar og har stått ansvarleg for utarbeiding av planforslaget med planomtale, plankart, føresegner, konsekvensutgreiingar og risiko- og sårbarheitsanalyse. Stord kommune er planmynde og ansvarleg for sakshandsaminga frå høyring og offentleg ettersyn og fram til endeleg vedtak i kommunestyret. Dersom kommunestyret vedtek planen og det er fremja motsegn som ikkje er rydda av vegen etter mekling, går planen vidare til Kommunal- og Moderniseringsdepartementet for endeleg vedtak. Planforslaget er utarbeidd av Statens vegvesen og deira konsulentar og i samarbeid med kommunen. Til grunn for planforslaget ligg planprogram fastsett av kommunestyret i møte , sak KST 1/15. Det fastsette planprogrammet gjer greie for føremålet med planarbeidet, kva problemstillingar planarbeidet skal omfatta, kva alternativ som skal utgreiast, kva tema som skal konsekvensutgreiast og opplegget for medverknad og vidare sakshandsaming. Planforslaget med dei fire alternativa som ligg til grunn i det fastsette planprogrammet vert no lagt fram for 1. gongs handsaming i formannskapet. Statens vegvesen rår til at alternativ 4 med tilnærma dagline gjennom heile Landåsenområdet vert vedteke. Vegvesenet varslar i oversendingsbrevet at dei vil retta motsegn mot alternativ 1 og 5. Alternativ 1 er basert på dagens veg og fartsgrense 80 km/t og alternativ 5 er alternativet med lang tunnel under store deler av Landåsenområdet. Saksutgreiing (fakta, saksopplysningar) Planforslaget er utarbeidd med grunnlag i og i samsvar med det fastsette planprogrammet. Planforslaget ligg føre som plankart for dei fire alternativa, føresegner, planomtale som m.a. omtalar dei fire alternativa, konsekvensutgreiing for prissette og ikkje prissette konsekvensar og risiko- og sårbarheitsanalyse. Kort omtale av dei fire alternativa: Alternativ 1 er i hovudsak utviding av eksisterande tofeltsveg til firefeltsveg bortsett frå på strekninga frå Heiane til Studalen der det er ny firefeltsveg parallelt med dagens tofeltsveg. Dimensjonerande fartsgrense er 80 km/t. Alternativ 1 har 3 toplankryss på strekninga, eit like sørvest for Heiane Vest, eit i Studalen og eit ved kryss med Vestlivegen Alternativ 2,4 og 5 er ny firefeltsveg på heile strekninga dimensjonert for fartsgrense 110 km/t. Alle alternativa er like på strekninga frå Heiane Vest til Meatjørnområdet og på strekninga frå Ådland Bru til Ådland/ Nordre Tveita. På strekninga frå like sørvest for Heiane Vest til like nordaust for Meatjørn ligg den nye firefeltsvegen i området mellom Heiane Vest og Valvatnafeltet. På strekninga frå Ådland Bru til Ådland/ Nordre Tveita ligg den nye vegen på fylling på innsida av noverande bru og vidare nordover hovudsakleg som utviding av eksisterande veg. Alle alternativa har 2 toplankryss som tilknyting mellom den nye E39 og lokalvegnettet; eit i Meatjørnområdet og eit i krysset med Vestlivegen. Alternativ 2,4 og 5 er og like ved at eksisterande E39 vert oppretthalden som lokalveg på heile strekninga bortsett frå på strekninga frå Ådland bru til Vestlivegen der det er vist ny parallell lokalveg på sørsida mellom Vestlivegen og Leirvik. Alle desse alternativa har og ny gang-/ sykkelveg langs eksisterande E39 på heile strekninga. Alternativ 2 er alternativet med ny firefeltsveg lagt nærast mogleg dagens E39. Frå Meatjørnområdet har alternativet veg i dagen langs Heianeområdet, forbi sørenden av Skiphaugsvatnet, vidare på bru forbi nordenden av Tveitavatnet og veg i dagen fram til tunnellinnslag like før dagens E39 ved Studalen. Herifrå er det ca. 1,4 km lang tunnel under Lønningsåsen fram til området ved Ådland Bru. Alternativ 4 er eit alternativ med kortast mogleg veglinje. Mellom Meatjørnområdet og Ådland bru er det veg i dagen forbi nordenden av Skiphaugsvatnet, vidare gjennom ein ca. 250 m lang tunnel under Kollane, på bru i området mellom Tveitavatnet og Landåsvatnet og vidare veg i dagen fram til tunnelinnslag like før E39 ved Hadlabrekkoområdet. Herifrå er det ein ca. 1,2 km lang tunnel under Lønningsåsen fram til området ved Ådland Bru. Alternativ 5 er og eit alternativ med kortast mogleg veg, men med lang tunnel under store deler av Landåsenområdet. Mellom Meatjørnområdet og Ådland bru er det veg i dagen fram til nordenden av Skiphaugsvatnet. Herifrå går vegen i ein ca. 2,6 km lang tunnel under Landåsenområdet og Lønningsåsen fram til området ved Ådland bru. 5 av 9

6 Alternativ 1 Alternativ 2 Alternativ 4 Alternativ 5 Utbyggingskostnad mill.kr mill. kr mill.kr mill.kr Netto nytte pr. budsjettkrone Rangering ikkje prissette konsekvensar -1,23-0,79-0,76-0, Samla rangering Vegvesenet si tilråding: Vegvesenet vurderer alternativ 4 som samla sett det beste alternativet og rår til at det vert valt. Vegvesenet varslar motsegn mot alternativ 1 og alternativ 5. Grunngjevinga går fram av oversendingsbrevet datert og av Statens vegvesen si tilråding i planomtalen. Av oversendingsbrevet går det fram at dei varslar motsegn mot alternativ 1 fordi standarden ikkje samsvarar med dei rutevise utgreiingane som legg til grunn at E39 mellom Aksdal og Bergen skal vera dimensjonert for fartsgrense 110 km/t. Dei varslar motsegn mot alternativ 5 på grunn av skilnaden i utbyggingskostnader og i framtidige drifts- og vedlikehaldskostnader. Vegvesenet skriv at etter deira vurdering har alternativ 4 fått ei løysing som gjer at dette alternativet også gir ei god løysing gjennom Landåsen. Vidare saksgang: Det vert lagt opp til slik framdrift og sakshandsaming: Formannskapet gjer vedtak om utlegging til offentleg ettersyn Høyring og offentleg ettersyn Folkemøte/ ope møte Mars gongs handsaming i formannskapet April Kommunestyret vedtek planen Dersom det vert fremja motsegn mot det alternativet kommunen som planmynde ønskjer å vedta må det gjennomførast mekling før kommunestyret gjer sitt endelege vedtak. Fylkesmannen er meklingsmann og det er ein frist på 3 veker for å gjennomføra meklinga. Dersom meklinga ikkje fører fram og kommunen likevel vedtek alternativet det er fremja motsegn mot går planen til Kommunal- og moderniseringsdepartementet for endeleg vedtak. For nærare omtale av planforslaget, dei fire alternativa, konsekvensutgreiingane og vegvesenet si tilråding vert det vist til vedlagde plandokument. Konsekvensutgreiingane ligg føre som temarapportar for kvart deltema i tillegg til samlerapport for alle dei ikkje prissette konsekvensane. Temarapportane kan sjåast på vegvesenet si nettside og på kommunen si nettside etter at planforslaget er lagt ut til offentleg ettersyn. Vurdering Rådmannen er ikkje samd i vegvesenet si tilråding om at alternativ 4 samla sett er det beste. Rådmannen meiner verdien av Landåsenområdet vert sterkt forringa med ein veg i dagen midt gjennom dette viktige natur-, frilufts- og rekreasjonsområde og er ueinig med vegvesenet når dei skriv at etter deira vurdering har alternativ 4 fått ei god løysing gjennom Landåsen. Sidan rådmannen meiner alternativ 5 er det klart beste alternativet av dei som ligg føre, finn han det nødvendig å få fram kvifor han meiner forskjellen mellom alternativa er større enn det konsekvensutgreiinga konkluderer med og kvifor han meiner vegvesenet av den grunn bør vurdera å ikkje følgja opp med å fremja motsegn mot dette alternativet. 6 av 9

7 Rådmannen vil peika på at når samanstillinga av tema og konsekvensar i konsekvensutgreiinga går på samla vurdering for heile strekninga, så får ein ikkje fram den store forskjellen det er mellom alternativa på delstrekninga gjennom Landåsen. Av konsekvensutgreiinga under temaet landskapsbilete går det fram at delområdet Skiphaugsvatnet, Tveitavatnet og Landåsvatnet har fått konsekvensen middels negativ (--) for både alternativ 4 og alternativ 5. I alternativ 5 er ikkje Tveitavatnet eller Landåsvatnet berørt i det heile og skulle etter rådmannen si vurdering hatt liten negativ konsekvens (-) m.a. for å få fram den klare forskjellen mellom alternativa for dette temaet på denne strekninga. Når det gjeld Landåsenområdet som i temaet landskapsbilete er definert som heile området frå Meatjørn til Lønningsåsen, så har alternativ 4 fått vurderinga middels negativ (--) mens alternativ 5 har fått vurderinga liten/ middels negativ (-/--). Her meiner rådmannen det og er større forskjell på alternativa. Rådmannen meiner alternativ 5 skulle hatt samla konsekvens liten negativ (-) og ikkje liten/ middles negativ konsekvens for å få fram at det er større forskjell mellom alternativ 4 og alternativ 5 enn det som kjem fram av konsekvensutgreiinga. Under temaet naturmiljø meiner rådmannen det og skulle vore større forskjell mellom alternativ 4 og alternativ 5 enn det som kjem fram av konsekvensutgreiinga. Her har delområdet C som her er området frå litt sør for Landåsvatnet til Kattatveit fått konsekvensen stor negativ for alternativ 4 (---) og middels til stor negativ konsekvens for alternativ 5 (--/---). Alternativ 5 har fått denne konsekvensen sjølv om alternativ 5 går i tunnel på heile denne strekninga. Grunnen til denne vurderinga er konsekvensen for ei hol eik som står langs eksisterande E39 rett sør for Kattatveit og som kan verta berørt ved bygging av gang- sykkelveg på strekninga. Dersom ein hadde sett bort frå konsekvensen for den hole eika skulle alternativ 5 hatt ingen konsekvens (0) på denne delstrekninga, og samla konsekvens for temaet naturmiljø liten negativ/ middel negativ (-/--). For temaet kulturmiljø er det og vanskeleg å forstå at alternativ 4 og alternativ 5 skal ha same negative konsekvens samla sett, liten til middels negativ konsekvens (-/--). Alternativ 4 vil m.a. få ei dominerande bru tett inntil kulturlandskapet på Tveita og gjennom kulturlandskapet mellom Tveitavatnet og Landåsvatnet noko rådmannen meiner skulle kome fram i den samla konsekvensvurderinga. Etter rådmannen si vurdering skulle alternativ 4 hatt samla konsekvens middels negativ (--) og ikkje liten til middels negativ (-/--). For temaet naturressursar syner konsekvensutgreiinga heller ikkje nokon forskjell mellom alternativ 4 og alternativ 5. Begge har fått samla konsekvens liten negativ (-). Rådmannen er og usamd i dette då alternativ 4 legg beslag på eit langt større skogsområde og viltområde enn det alternativ 5 gjer. Rådmannen meiner alternativ 4 skulle hatt samla konsekvens liten til middels negativ konsekvens (-/--) og ikkje berre liten negativ konsekvens (-). Dersom dei samla konsekvensvurderingane vert endra slik rådmannen meiner er rett og ein summerer plussar og minusar vil alternativ 4 få fleire minusar men framleis oppsummert til middels negativ (--). Alternativ 5 vil få færre minusar og oppsummert til liten negativ konsekvens (-) og ikkje liten til middels negativ konsekvens (-/--) slik det er konkludert med i konsekvensutgreiinga. Rådmannen vil peika på vegvesenet sine vurderingar og tilråding står i sterk kontrast til tilsvarande vurdering og tilråding for kommunedelplan for E18/E39 forbi Kristiansand. Her vart forslag til kommunedelplan lagt ut til offentleg ettersyn i mai i år. I parsellen forbi Kristiansand er det snakk om ein ca.14 km lang strekning der ca. 10 km tunnel går i tunnel. Kostnaden er ca. 8,2 milliard kroner. På Stord er det ca 7,5 km lang strekning der alternativet med lang tunnel er ein tunnel på ca. 2,6 km. Kostnaden er ca. 2,5 milliard kroner. Netto nytte pr. budsjettkrone er for parsellen i Kristiansand rekna til -0,80 mens den for alternativet med lang tunnel på Stord er rekna til -0,83. Av saka i Kristiansand går det fram at 70% av strekninga (av ein samla strekning på 14 km) er lagt i tunnel for å spara viktige natur- og friluftsområde. Det står vidare at for dette prosjektet har Statens vegvesen i samråd med planmynde (Kristiansand kommune og Songdalen kommune) alt i planprogrammet lagt stor vekt på dei ikkje-prissette konsekvensane og at dette har resultert i at dei viktige friluftsområda Bymarka og Jegersberg, ikkje vert påverka av den nye vegen. Rådmannen meiner det må leggjast stor vekt på at Landåsen er like viktig som bymark for folka på Stord som bymarka i Kristiansand er for folka i Kristiansand. Det er difor vanskeleg for rådmannen å forstå at vegvesenet rår til eit alternativ som har så store konsekvensar for natur, friluftsliv og rekreasjon og folkehelse generelt sett når det finst eit alternativ som i langt større grad ivaretek desse omsyna. Det er vanskeleg å forstå at omsynet til å ta vare på Landåsenområdet best mogleg skal vega så mykje mindre på Stord enn i Kristiansand slik det går fram av vegvesenet si vurdering, og at det i tillegg er vektlagt så 7 av 9

8 lågt at det på grunn av ein forskjell i utbyggingskostnad på ca. 375 mill.kr. er varsla motsegn mot det alternativet som skånar store deler av Landåsenområdet. I denne omgang varslar vegvesenet om at dei vil koma til å fremja motsegn mot alternativ 1 og alternativ 5. Vegvesenet må i så fall følgja opp med å fremja motsegn i løpet av høyringsperioden og etter at ei mogleg motsegn frå vegvesenet er koordinert gjennom fylkesmannen. Rådmannen meiner vegvesenet si tilråding og varsel om motsegn byggjer på ei anna vurdering av Landåsen sin verdi for friluftsliv, rekreasjon og folkehelse samla sett enn det som vert vektlagd i gjennomgangen over. Rådmannen har og vore oppteken av at den nye E39 skal ha best mogleg lokal og regional nytte for lokalsamfunnet elles. I høve til dette står plassering av dei nye toplankryssa sentralt. Med to toplankryss på strekninga, eit i sør og eit i nord, meiner rådmannen dei foreslåtte kryssplasseringane ved Ådland og Meatjørn/ Heiane er dei beste. Eit tredje kryss måtte ha kome i Langeland-/ Tveitaområdet og vore kombinert med alternativ 2 og med at krysset lengst sør vart flytta til sørenden av Heiane Vest/ Heiane Sør. Dette alternativet ville fått omtrent same kostnad som alternativ 5 (på grunn av eit ekstra toplankryss) og ville fått endå større negative ikkje prissette konsekvensar enn det alternativ 2 allereie har. Eit slikt alternativ ville gjeve Eldøyaneområdet, Vabakkjen og Leirvik sentrum kortare tilknyting til E39, men rådmannen meiner likevel kryssplassering i Meatjørnområdet samla sett er det beste og mest framtidsretta i høve til ei samla sentrums og næringsutvikling i området Leirvik Vabakkjen Heiane. Når det gjeld alternativ 1 som vegvesenet og varslar motsegn mot, er rådmannen samd med vegvesenet i at dette er eit dårleg og lite framtidsretta alternativ. Alternativet medfører langt på veg ein ny firefelts veg dels basert på dagens E39 og dels ein ny firefelts veg like inntil dagens E39. Rådmannen meiner dette gir uheldig barriereverknad og binding for framtidig utvikling langs aksen Vabakkjen Heiane. Eit nytt toplankryss i Studalen vil leggja beslag på heile det framtidige byggeområdet mellom Yrkesskulen og Kiwi i Studalen, noko rådmannen meiner er uheldig. Vidare nordover er det føresett å utvida dagens E39 til fire felt. Dette medfører m.a. at det berre vert av- og påkøyringsfelt for tilkomst frå eller til Litlabøvegen. Mellom anna må bilar som kjem frå sør og skal inn på Litlabøvegen då køyra via det nye toplankrysset på Ådland for å koma inn på avkøyringsfeltet for avkøyring til Litlabøvegen. Tilsvarande må bilar som skal nordover frå Litlabøvegen køyra via det nye toplankrysset i Studalen. Rådmannen meiner elles konsekvensane for lokaltrafikken og kryssande gang-/ sykkelvegar, turvegar og turstiar ikkje er synleggjort fullt ut. Slik alternativa no er vist medfører det m.a. at all kryssing av den nye E39 i området mellom Heiane Vest og Meatjørn skal skje via det nye toplankrysset og då i lange sløyfer over E39. Her meiner rådmannen ein i reguleringsplanarbeidet må sjå på om det er mogleg å føra gang-/ sykkelvegen frå Valvatnafeltet og Sagvåg under den nye E39 utan at den må gå i lang sløyfe over E39 via det nye toplankrysset. Rådmannen meiner og det bør koma bru for gåande og syklande mellom Valvatnafeltet og Heiane Vest og gangbru for å knyta saman friluftsområda i området mellom Meatjørnområdet og Skiphaugen. Økonomiske konsekvensar Ny E39 på strekninga vert ein del av den ferjefrie kyststamvegen og skal finansierast som del av den. Strekninga skal ikkje finansierast som del av ein Stordpakke eller på annan måte medføra økonomiske konsekvensar for kommunen. Miljømessig konsekvens Alle alternativa har store miljømessige konsekvensar særleg i høve til Landåsenområdet og området ved utløpet av Ådlandsvatnet. Det vil verta bygd støyskjermar, støyvollar, gjort terrengmessige arronderingar m.v. for å avbøta konsekvensane best mogleg. Det vil m.a. verta gjort støyskjermingstiltak som gjer at ingen bustader vil få støy over fastsette støygrenser. Endeleg fastsetjing og detaljering av dei avbøtande tiltaka vert gjort i reguleringsplanen for det alternativet som vert vedteke. Folkehelse Bygging av ny firefelts motorveg med fartsgrense 110 km/t som går gjennom område som er mykje nytta til rekreasjon og friluftsliv og forbi eksisterande bustadområde m.v. påverkar faktorar som har betydning for folkehelsa. Det vert meir trafikkstøy og luftforureining som følgje av meir trafikk og større fart og den nye vegen vil redusera bruks- og rekreasjonsverdien av svært viktige rekreasjons- og friluftsområde. Bygging av ny veg vil på den andre sida gje betre trafikkavvikling og redusera risikoen for trafikkulykker. Universell utforming I alle alternativa med kryssløysingar, over- og undergangar for gåande og syklande m.v. vert det lagt til grunn at krav til universell utforming skal oppfyllast. 8 av 9

9 Beredskap Det er utarbeidd eigen risiko- og sårbarheitsanalyse. Konklusjonen her er at alle alternativa er omtrent like i høve risiko og sårbarheit og at moderne løysingar og høg vegstandard legg til rette for eit høgt sikkerheitsnivå på den nye E39. Konklusjon Rådmannen rår til at formannskapet vedtek å leggja forslaget til kommunedelplan med konsekvensutgreiing med alle dei utgreidde alternativa 1,2,4 og 5 ut til offentleg ettersyn. Rådmannen meiner formannskapet alt no bør signalisera at Stord kommune vanskeleg kan gå inn for alternativ 4 som vegvesenet rår til og vidare signalisera at kommunen meiner alternativ 5 samla sett er det klart beste alternativet. Plan for gjennomføring Dersom formannskapet vedtek å leggja planforslaget ut til offentleg ettersyn slik rådmannen rår til vert planforslaget deretter sendt på høyring og lagt ut til ettersyn. Høyringsfristen skal vera min. 6 veker og vil verta sett til medio februar. Planforslaget skal deretter leggjast fram for 2. gongshandsaming i formannskapet før det vert lagt fram for vedtak i kommunestyret. Sjølv om det skulle vera motsegn mot det alternativet som vert vedteke, meiner rådmannen planforslaget kan leggjast fram for vedtak i kommunestyret i møte i april. Dersom det etter gjennomført mekling framleis er knytt motsegn til det alternativet som vert vedteke går planen vidare til Kommunal- og Moderniseringsdepartementet for endeleg vedtak. Tidleg i høyringsperioden i første halvdel av januar vil det verta invitert til folkemøte/ ope møte. 9 av 9