ULSTEIN KOMMUNE SAKSFRAMLEGG Sakshandsamar: Cecilie Roppen Arkivsak: 2011/900 : Utvalsaksnr. Utval Møtedato 15/112 Teknisk utval 14.10.2015 Saka gjeld: DETALJREGULERING FOR KLEIVA - 1. GONGS OFFENTLEG ETTERSYN Vedtak i Teknisk utval, 14.10.2015: 1. Teknisk utval viser til synfaring og innspel frå Kleven Verft AS den 14.10.15 og ønsker å få dette innarbeidd i planframlegget på vilkår av at området omfatta av byggningshøgde kote +55 skal avgrensast til 85 % av BYA. 2. Teknisk utval vil peike på at gang- og sykkelvegtrasé rundt Dimna bør liggje parallelt med fylkesveg 26 som langsiktig løysing for overordna gang- og sykkelveg. Utvalet vil presisere at realisering av gang- og sykkelveg frå krysset ved Straumane til krysset mot Kleven må gjevast høg prioritet på kort sikt. 3. Føresegner 3-2 skal ha følgande tillegg: «For store bygningsvolum skal fargeval og- samansetjing medverke til å dempe fjernog nærverknaden og la bygningsmassen harmonere med omgivnadene». 4. Teknisk utval gjev administrasjonen fullmakt til å leggje revidert planframlegg ut til offentleg ettersyn etter å ha fått framlagt oppdaterte plandokument og illustrasjonar frå plankonsulent i samsvar med punkt 1. Handsaming: Teknisk utval var på synfaring i saka i møtet. Alf Johan Antonsen og Magne Gurskevik sa seg ugild i saka og fekk tre i frå møtet. Det vart lagt fram nye opplysningar i møtet, jf. e-post frå Kleven Verft as datert 14.10.15 som danna grunnlag for fellesframlegget. Tilråding frå kommunalsjef teknisk: Teknisk utval vedtek å leggje framlegg til detaljregulering for Kleiva, med føresegner, PlanID 20130003, ut til offentleg ettersyn i medhald av plan- og bygningslova 12-10. Følgjande endringar må rettast opp før utlegging: I føresegnene må det formulerast at det for framtida kan verte mogleg med parkeringsanlegg i 2 plan for område I_N2.
Fellesframlegg frå Teknisk utval: 1. Teknisk utval viser til synfaring og innspel frå Kleven Verft AS den 14.10.15 og ønsker å få dette innarbeidd i planframlegget på vilkår av at området omfatta av byggningshøgde kote +55 skal avgrensast til 85 % av BYA. 2. Teknisk utval vil peike på at gang- og sykkelvegtrasé rundt Dimna bør liggje parallelt med fylkesveg 26 som langsiktig løysing for overordna gang- og sykkelveg. Utvalet vil presisere at realisering av gang- og sykkelveg frå krysset ved Straumane til krysset mot Kleven må gjevast høg prioritet på kort sikt. 3. Føresegner 3-2 skal ha følgande tillegg: «For store bygningsvolum skal fargeval og- samansetjing medverke til å dempe fjernog nærverknaden og la bygningsmassen harmonere med omgivnadene». 4. Teknisk utval gjev administrasjonen fullmakt til å leggje revidert planframlegg ut til offentleg ettersyn etter å ha fått framlagt oppdaterte plandokument og illustrasjonar frå plankonsulent i samsvar med punkt 1. Røysting: 1. Fellesframlegget vart vedteke med 5 mot 0 røyster 2. Tilrådinga frå kommunalsjef teknisk fekk 0 røyster og fall. Tilråding frå kommunalsjef teknisk: Teknisk utval vedtek å leggje framlegg til detaljregulering for Kleiva, med føresegner, PlanID 20130003, ut til offentleg ettersyn i medhald av plan- og bygningslova 12-10. Følgjande endringar må rettast opp før utlegging: I føresegnene må det formulerast at det for framtida kan verte mogleg med parkeringsanlegg i 2 plan for område I_N2. i arkivsak 2011/900 Side 2 av 5
Saksfakta: 1. Framlegg til plankart, datert 02.10.2015 2. Framlegg til føresegner, datert 24.06.2015 3. Planomtale, datert 24.06.2015 4. Merknadsskjema, datert 18.06.2015 5. Grunnlag illustrasjon gravrøyser, datert 23.01.2015 6. Illustrasjon gravrøyser, datert 03.02.2015 7. Illustrasjon naboar, datert 08.05.2015 8. Solstudie, datert 03.03.2015 9. Illustrasjon modell, datert 23.06.2015 10. Høgde- og lengdeprofil veg, datert 23.06.2015 11. ROS-analyse eller fylkesmannen si sjekkliste, datert 18.06.2015 Uprenta vedlegg: Saksdokumenta elles Det vart i TU-sak PS 13/67, den 05.06.2015 vedtatt varsel om oppstart av detaljregulering for Kleiva. I tilknytinga til førevarslinga kom det inn 8 innspel, der 6 var frå høyringsinstansar og 2 frå naboar/grunneigarar. Under følgjer eit samandrag av innkomne merknadar. Fylkesmannen i Møre og Romsdal skriv at forholdet til støy og luftkvalitet må avklarast i planen. Dersom reguleringsplanen føreset utfylling i sjø, må verknadar og eventuelle tiltak for å betre forureiningssituasjonen omhandlast i planomtalen. Møre og Romsdal fylkeskommune skriv at planen vert å falle under kriteria for konsekvensutgreiing. Kulturminneproblematikken må viast særskilt merksemd. Planen går ut over grensene for arealføremålet N13 og denne utvidinga medfører at også dei austlegaste røysene får aktiviteten tettare inn på. Kan ikkje akseptere bebyggelse som stengjer røysene inne og fjernar utsikta utover. Eit industriområde som Kleven må ha ei skikkeleg buffersone av ikkje nedbygd areal kring seg. Varslar motsegn til planframlegg som reduserer verdien av Dimnasundrøysene sør av planområdet. Statens vegvesen skriv at for å sikre ein framtidig gang- og sykkelveg på denne strekninga, må det avsettast nok areal langs fylkesvegen til dette føremålet. 15 m høgdeforskjell mellom fylkesvegen og tilkomstvegen ved gnr. 27, bnr. 32. Ber om utarbeiding av lengdeprofil og tverrprofil. Noregs vassdrags- og energidirektorat ser ikkje grunn for å krevje nærare utgreiing av skredfaren. Fiskeridirektoratet skriv at det bør nyttast siltskjørt eller tilsvarande ved utfylling av masse i sjø for å redusere spreiing av partiklar. Utfylling av masser bør primært skje på hausten eller tidleg vinter. Søre Sunnmøre Landbrukskontor har ingen merknadar til reguleringsendringa. Stiftelsen Bergens Sjøfartsmuseum har ingen merknader til det planlagde arealinngrepet. Bjørnar Sundgot har følgjande innspel: Ber om å ta omsyn til innsyn og utsikt for naboar og at storleiken og estetikken reduserer inngrepet mest mogleg. Bør vurdere behov for ein hall av slik storleik. Ber om å ta omsyn til støy, innsyn, sjenanse og skjerming ved val av utforming, høgde, materialval og plassering av opningar. På-begynt sikringsvoll mot søraust er svært i arkivsak 2011/900 Side 3 av 5
ruvande i si noverande form. Ber om å vurdere verknadar av ytterlegare bebyggelse oppover noverande høgde. Inge Bergseth er i mot utfylling mot søraust ved Kleivaneset. Utsikt, lys frå båtar og radarsignal vil får større innverknad på eigedomen. Høgde på bygg nærast Kleivaneset bør ikkje overskride rammer/høgder i gjeldande plan. Høgd på høgehallen er likevel OK. Ønskje om at det vert tilført rekkjefølgjeføresegn for vegetasjonsskjerm med føresegn for utføring og planting. Vurderingar og konklusjon: Bakgrunnen for planforslaget er å leggje til rette for framtidig drift og utvikling av Kleven Verft AS si veksemd i Ulstein kommune. Det er i planen lagt opp til å endre kommunal veg frå fylkesveg 26, samt å etablere gang- og sykkelveg langs med denne. Tilkomstveg frå kommunal veg og til Kleven Verft vil verte endra. Vegetasjonskjerm mot nord og sør skal etablerast. Det skal byggjast fleire bustadbrakker og nokre skal flyttast. Det skal fyllast ut i sjø for ei ny kai og tørrdokk med tilhøyrande høgehall. Det vert også ny produksjonshall, eit nytt administrasjonsbygg og meir parkering. Tilkomsten frå fylkesvegen vert flytta om lag 170 m mot sør og den kommunale vegen vert liggjande delvis parallell med fylkesvegen mot nord. Innkøyringa til industriområdet vert og flytta. Ved å etablere fortau/gang- og sykkelveg vil spesielt skulevegen for born og unge betrast, men og for andre gåande og syklande langs denne strekninga. Det er på plankartet lagt inn fortau langs den kommunale vegen. For born og unge kan det kjennast utrygt ut å gå på fortau når det er mykje tungtrafikk på strekninga. Ved vidare arbeid med planen vil det difor bli vurdert om det skal regulerast inn fortau eller separat gang- og sykkelveg. Planlagt bebyggelse vil få desse høgdene: - Områda I_1 og I_2 vil få ei maksimal byggehøgd på kotehøgd + 21. - Høgehallen på område I_H1 får ei maksimal byggehøg på kotehøgd +55 m. - Produksjonshallen innanfor I_H3 får ei maksimal byggehøgd på kotehøgd +31 m. - Brakkeriggane i I_B2 har gesims- på maks 9 m og 10 m mønehøgd. - Administrasjonsbygget innanfor I_N1 får ei maksimal byggehøgd på kotehøgd + 36 m (Terrenget ligg her på om lag +20 m). Det er i planen lagt inn planlagt bebyggelse på I_N2. For framtida ønskjer tiltakshavar å her halde moglegheita open for å etablere eit parkeringsanlegg i to plan. Det er allereie delvis etablert. Ettersom dette ikkje er godt synleg i planen må det i føresegnene leggjast inn bestemming som synleggjer dette før planframlegget vert lagt ut på offentleg høyring. Både mot nordvest og sørvest er det tenkt vegetasjonsskjermar rundt området. Desse vil gje ei buffersone frå industriområdet til områda rundt og dei vil hindre innsyn og støy. Det vart gjennomført arkeologisk registrering i perioden 03.-10.07.2013. Det vart gjort eit funn som det vart gitt løyve til inngrep i gjennom vedtak om dispensasjon frå kulturminnelova 8 1. Det har også blitt utført ei analyse av utsikta frå kringliggjande freda kulturminner. For å hindre forureining er det i føresegnene beskrive at fyllingsfront på kaier skal oppbyggjast med siltduk som hindrar partikkelspreiing og nedslamming av sjønære områder. i arkivsak 2011/900 Side 4 av 5
Vaskevatn vert samla opp og oljepartiklar vert skilt ut og lagra før dei vert frakta til avfallsmottak. Planen skal i følgje Forskrift om konsekvensutgreiing 3 b) Vedlegg II vurderast etter forskrifta 4. Det vart fastslått i møte i teknisk utval den 05.06.2013 at planforslaget ikkje løyser ut krav om konsekvensutgreiing. I planomtalen er det vurdert verknadar og konsekvensar på natur, miljø, samfunn ved gjennomføring av planen. Omlegginga av kommunal veg og etablering av gang- og sykkelveg vil lette investeringskostnadane for trafikktryggleik i området, men medføre noko vedlikehaldskostnadar for kommunen. Det kan bli aktuelt med utbyggingsavtale for omlegging av ny kommunal veg. I samråd med plankonsulent er det gjort mindre endringar på plankartet, sist. rev. 02.10.2015. Med bakgrunn i vurderingane ovanfor, vedtek teknisk utval å sende detaljregulering for Kleiva ut på 1. gongs offentleg ettersyn i 6 veker. 01.10.2015 Arne Runar Vik Kommunalsjef teknisk Dokumentet er elektronisk godkjent og har ingen signatur. i arkivsak 2011/900 Side 5 av 5