Plan- og utbyggingssjefen BO DESIGN VEST AS Melding om vedtak Delegert plan- og utbyggingssjefen - saknr.16/469 Angeltveitvegen 65 5363 ÅGOTNES Dykkar ref. Vår ref. Saksh.- tlf. Dato 2016/1491-21158/2016 Elise Bølgen - 55097363 05.09.2016 Dispensasjon og rammeløyve til oppføring av parkeringsbygg på gnr. 33/394 - Kolltveit Tiltakshavar: Kolltveit Kai AS Delegert vedtak: 1. Plan og utbyggingssjefen gjev dispensasjon frå plan- og bygningslova 29-4 andre ledd for oppføring av parkeringsbygg på gnr. 33, bnr. 394. Plan og utbyggingssjefen finn at det er grunnlag for dispensasjon i samsvar med 19-2 i plan- og bygningslova. Det vert vurdert at omsynet bak føresegna i lova det vert dispensert frå, ikkje vert sett vesentleg til side, og at fordelane ved å gje dispensasjon er klart større enn ulempene. 2. I medhald av plan- og bygningslova 20-3, jf. 20-1 og 21-4 vert oppføring av parkeringsbygg på eigedomen gnr. 33, bnr. 394 godkjent slik det går fram av søknad, vedlagt situasjonskart og teikningar Den ansvarlege for tiltaket skal sjå til at arbeida blir gjennomført i samsvar med gjeldande lov og regelverk. Det må ikkje utførast arbeid utover det som er omfatta av løyve. Dette løyvet saman med gjennomføringsplan skal alltid vera tilstade på byggeplassen. Tiltaket skal utførast i samsvar med dokumentasjonen ovanfor og elles på dei vilkår som går fram av saka.
3. Det vert med dette gjeve rammeløyve. Tiltaket kan ikkje setjast i verk før det er gjeve igangsettingsløyve. Søknaden Saka gjeld søknad om rammeløyve til oppføring av parkeringsbygg på gnr. 33, bnr. 394. Søknad er motteken : 31.05.2016, komplett 14.06.2016 Ansvarleg søkjar : Bo Design Vest AS Tiltak : Parkeringsbygg BYA : 482,4 m 2 BRA : 930,3 m 2 Eigedom : Gnr. 33, bnr. 394 Planstatus : Kolltveit småbåthamn næringsområde (33-14 mfl) Nabovarsling : Utført med merknad Saka vert handsama i medhald av delegert fullmakt frå kommunestyret. Naboforhold og andre sine kommentarar Det er nabovarsla i samsvar med føresegna i plan- og bygningslova (pbl) 21-3, og det er registrert merknad frå eigar av gnr. 33, bnr. 85, 179, 452, Inger Alice og Dagfinn Loftesnes. Dei skriv mellom anna: «Siden dette bygget kommer så nært som 0,9 m fra vår grense, er det ønskelig fra vår side at det blir satt opp en støyvegg i tre som følger vår grense. Dette fordi vi ønsker å beholde litt privatliv. Vi er også bekymret for utvikling av vår eiendom for fremtiden. Skjønner behovet for et garasjeanlegg for Kolltveit Kai AS, som gjelder både bygningen på land og hele marinaen. Parkeringsbehovet er ikke dekket pr i dag.» Ansvarleg søkjar har kommentert merknaden. Han skriv: «[nabo] er bekymret for at tiltaket vil medføre støy og innsyn på deres eiendom. At tiltaket vil medføre mere støy enn dagens parkeringssituasjon er lite sannsynlig, da tiltaket har massiv betongkonstruksjon mot påklagers eiendommer. Vi kan derimot se at det kan være mulighet for innsyn på omtalte eiendommer. Påklager ønsker å sette opp en skjermvegg i felles grense, for å hindre innsyn. Et slikt tiltak vil være søknadspliktig. Tiltakshaver på 33/394 har sagt seg villig til å underskrive en avstandserklæring, om det skulle foreligge en søknad om skjermvegg i felles grense fra 33/85, 179, 452. Ut over dette tolker vi det slik at eier av 33/85, 179, 452 ikke har noen innvendinger mot selve parkeringsbygget.» Uttale frå andre styresmakter Saka har ikkje vore sendt til uttale. Plangrunnlag Eigedommen omfattast av reguleringsplan for Kolltveit småbåthamn næringsområde (33-14 mfl), vedteken 26.10.2006.
Veg og tilkomst Tilkomst til eigedomen frå privat veg via kommunal veg. Det ligge føre dokumentasjon på vegrett. Visuell utforming Tiltaket innehar etter plan- og bygningsmyndigheitas skjønn gode visuelle kvalitetar både i seg sjølv og i høve til tiltaket sin funksjon, bygde og naturlige omgjevnader og plassering, jf. pbl 29-2. Tryggleik mot fare Tiltaket skal ikkje plasserast i område med fare for flaum, skred og anna miljø og naturtilhøve, jf. opplysningar gjeve om tiltaket sine ytre rammer. Forholdet til utvalde naturtypar I alle saker som råker naturmangfald vert det stilt krav etter naturmangfaldslova 7 om at prinsippa i 8-12 vert lagt til grunn som retningslinjer ved utøving av offentleg myndigheit. Opplysningar frå naturdatabasen og artsdatabanken viser at det ikkje ligg føre kunnskap som tilseier at det er lokalt viktig eller verdifull naturmangfald i dette området. Det ligg heller ikkje føre andre opplysningar som tilseier at det kan vere trua eller verdifulle arter eller naturtypar i området. Ut frå desse opplysningane tilseier kunnskapsgrunnlaget i saka at naturmangfald vil i liten grad bli råka av tiltaket. Kravet i naturmangfaldslova 8 om at saka skal basere seg på eksisterande og tilgjengeleg kunnskap er dermed oppfylt. I og med at tiltaket ikkje vil kome i konflikt med naturmangfald i området, vurderer ein det slik at det ikkje er naudsynt å foreta vurderingar etter naturmangfaldslova 9-12. Grunngjeving av søknad om dispensasjon Som grunngjeving for dispensasjon vert det opplyst følgjande: «Det er i reguleringsplan ikke vist byggelinjer, og for å utnytte arealet best mulig velger vi å søke om plassering som vist på vedlagte tegninger.» Vurdering: Det er søkt om rammeløyve til oppføring av parkeringsbygg. Hovudregelen etter pbl 29-4, andre ledd, er at byggverk skal plasserast med ei minsteavstand på 4 meter til nabogrense. Kommunen kan godkjenne ei nærare plassering dersom naboeigedomen har gjeve samtykke til plasseringa, jf. pbl. 29-4, tredje ledd. Parkeringsbygget vil kome 1 meter i frå gnr. 33, bnr. 411, og det ligg føre samtykke frå eigar. Vidare vil parkeringsbygget kome nærmare nabogrensa til eigarane av gnr. 33, bnr. 85, 179, 452 og 487. Det ligg ikkje føre erklæring om avstand i frå dei nemnde eigedomane. Tiltaket er difor avhengig av dispensasjon i frå avstandskravet i pbl 29-4, andre ledd. I medhald av pbl 19-2 vert det opna for at ein kan dispensere frå lova og planar vedteken i medhald av lova. Det kan ikkje gjevast dispensasjon etter 19-2 dersom omsynet bak
føremålet i lova eller planane det vert dispensert frå vert vesentleg sett til side. I tillegg må fordelane ved å gje dispensasjon vere klart større enn ulempene, etter ei samla vurdering. Ved vurderinga av om det skal gjevast dispensasjon skal statlege og regionale planar, rammer og mål leggjast særleg vekt på. Kommunen bør heller ikkje dispensere frå planar, lova sine vedtekter om planar og forbodet i 1-8 når direkte rørt statleg eller regionalt mynde har uttalt seg negativt om dispensasjonssøknaden. Det går fram av forarbeida til lova at det må vere ei klar overvekt av omsyn som talar for dispensasjon. Ordvalet inneber at det normalt ikkje vil vere anledning til å gje dispensasjon når omsyna bak regelen/planen det vert søkt dispensasjon frå framleis gjer seg gjeldande med styrke, jf. Ot.prp. nr. 32 (2007-2008) s. 242. Vurdering av dispensasjon frå avstandskravet i pbl 29-4 Omsyna bak avstandsregelen i 29-4 er i all hovudsak omsyna til lysforhold, utsikt og branntryggleik mellom bygningar. I tillegg må plassering av tiltaket ikkje medføre betydeleg ulempe for nabo og omkringliggjande miljø, som til dømes innsyn. Nabo og eigar av gnr. 33, bnr. 85,179, 452, har kome med merknad til søknaden. Nabo er eigar av to tilgrensande tomter. Den eine tomta har to bruksnummer, bnr.85 og 179, og ligg nordvest for tiltaket. Parkeringsbygget vil kome om lag 3,2 meter i frå grensa mot denne. Den andre tomta har bnr. 452, og her vil parkeringsbygget kome 0,9 meter i frå grensa. I merknad frå nabo går det fram at dei ønskjer ei støyvegg i grensa mellom eigedomane. Dei skriv også at dei er bekymra for den framtidige utviklinga av eigedomen, men at dei forstår behovet for eit garasjeanlegg for Kolltveit Kai AS. Plan- og utbyggingssjefen legg til grunn at det i hovudsak er tomta med bnr. 452 nabo er bekymra for, då det er denne parkeringsbygget vil kome nærmast. Det er per i dag ingen bygningar på denne eigedomen, og det vil difor ikkje vere tale om at ein sett til side omsynet til brannvern. Vidare vert heller ikkje omsynet til lys og luft mellom byggverk påverka. Dette vil også gjelde i forhold til den andre tomta ettersom eksisterande bygning på eigedomen ligg om lag 14 meter i frå parkeringsbygget. Plan- og utbyggingssjefen meiner difor at tiltaket ikkje vil medføre betydeleg ulempe for nabo og omkringliggjande miljø. Vidare ligg det føre ei vedteken reguleringsplan for området, og det er såleis pårekneleg at det vil kome eit garasjeanlegg på eigedomen. Tiltaket er i samsvar med maksimal tillat mønehøgde og grad av utnytting som følgjer av plan, og ut i frå innsendte teikningar av tiltaket finn ikkje plan- og utbyggingssjefen at det er tale om eit dominerande parkeringsbygg. Med bakgrunn i det ovannemnde, kan ikkje plan- og utbyggingssjefen sjå at omsynet bak avstandsregelen i pbl 29-4 vert vesentleg sett til side ved å gje dispensasjon i dette tilfellet. Vidare må fordelane vere "klart større" enn ulempene etter ei samla vurdering. Det vil heilt klart vere eit føremon for tiltakshavar å få godkjent omsøkt plassering, ettersom det vil gje best mogeleg utnytting av eigedomen. Plan- og utbyggingssjefen har også vurdert at tiltaket ikkje vil føre til vesentlege ulemper for kringliggjande eigedomar. Tiltakshavar sitt
ønske skal imøtekommast der ikkje avgjerande grunnar taler i mot, jf. rundskriv H-18/90 frå kommunal- og regionaldepartementet. Med bakgrunn i det ovannemnte, finn plan- og utbyggingssjefen at fordelane er "klart større" enn ulempene. Plan- og utbyggingssjefen har vurdert saka og finn grunnlag for å gje dispensasjon slik som søkt, jf. plan- og bygningslova 19-2. Plan- og utbyggingssjefen har ikkje merknadar til tiltaket. Ansvar og kontroll: Følgjande føretak har erklært ansvar i medhald av plan- og bygningslova 21-4, 23-3, 23-8: OVERSIKT OVER ANSVARLEGE FØRETAK FAGOMRÅDE TKL. FIRMANAMN SENTRAL GODKJENNING SØK Ansvarleg søkjar 1 Bo Design Vest AS Ja PRO Teikningsarbeid / Arkitektur Betong / grunnmur Grunn og terreng Røyrarbeid / sanitær inne/ ute Tømrararbeid 1 Bo Design Vest AS Ja UTF Grunn og terreng Plassering Betong / grunnmur Tømrararbeid inne / ute Røyrarbeid / sanitær inne / ute Membran / flis / våtrom / muring pipe KTR Lufttettleik Fuktsikring i våtrom Bygningsfysikk Konstruksjonssikkerhet Geoteknikk Branntryggleik Plassering: Dette tiltaket skal plasserast i terrenget av godkjent føretak. Dokumentasjon for plassering skal sendast inn til kommunen for ajourføring av kart.
Tiltaket skal plasserast i samsvar med situasjonskart vedlagt. Høgd for topp møne vert ut i frå teikningane fastsett til kote +13 moh.ferdigstilling Når tiltaket er ferdig skal ansvarleg søkjar sjå til at det er gjeve mellombels bruksløyve eller ferdigattest før tiltaket vert teke i bruk. Krav om ferdigattest eller mellombels bruksløyve skal vera vedlagt naudsynt dokumentasjon (jf. SAK 2010 kap. 8): Koordinatar for plassering av tiltaket. Koordinatar skal leverast i koordinatsystem Euref89 med temakoder i SOSI-format 4.0 Sluttrapport som dokumenterer faktisk disponering av avfall Oppdatert gjennomføringsplan Endring av løyvet: Dersom tiltaket ikkje er sett i gang seinast 3 år etter dispensasjonen/løyvet er gjeve, fell dispensasjonen/løyvet bort, jf. pbl. 21-9, 1. ledd, første punktum. Løyvet fell også vekk dersom arbeidet stoppar i lengre tid enn 2 år, jf. pbl. 21-9, 1. ledd, andre punktum. Fristane kan ikkje forlengast. Dersom ein ønskjer å endra tiltaket i høve til denne godkjenninga må det søkjast særskilt om dette. Dersom det vert skifte av tiltakshavar eller ansvarleg søkjar før tiltaket er fullført, skal det straks meldast til kommunen. Det same gjeld ved skifte av eigar, jf. pbl. 23-2. Saka vert no sendt over til partane og Fylkesmannen i Hordaland. Gebyr Behandlingsgebyr er rekna ut frå lokal forskrift om kommunale gebyr for 2016. Tiltaket fell under følgjande punkt i forskrifta: 4.2.3 Lager, uthus, naust mv. Pr. påbegynt 100 m2 BRA: kr. 8.557 x 9: kr. 77.013,- + 4.6. Dispensasjon frå gjeldande planar, lovverk og forskrifter, jf. pbl kap 19: kr. 15.995,- = Totalt gebyr: kr. 93.008,- Faktura vert ettersendt tiltakshavar. Klage De kan klage på vedtaket. Klagefristen er 3 veker rekna frå den dagen melding om vedtaket kom fram til vedkomande part. Det er tilstrekkeleg at klagen er postlagt innan fristen, jf. forvaltningslova 29 og 30. Klagen skal stilast til fylkesmannen, men skal sendast til kommunen, jf. forvaltningslova 32. Vis til vedtaket De klagar over, den eller dei endringar De ønskjer, og dei grunnane De vil vise til i klagen. I den grad De er usikker på om klagefristen er overskriden, bør De orientere om kva dato meldinga kom fram.
De har etter forvaltningslova 18 rett til å gjere deg kjent med dokumenta i saka dersom ikkje anna følgjer av føresegnene i 18 til 19. Det vert gjort merksam på at søksmål etter tvistemålslova ikkje kan reisast utan at retten til klage er nytta og klagen er avgjort av klageinstansen, jf. forvaltningslova 27 b. Søksmål kan likevel reisast når det er gått 6 månader frå klagen er sett fram, og det ikkje skuldast forsømming frå klagar si side at klageinstansen si avgjerd ikkje ligg føre. Vi ber om at De ved all kontakt med oss gjev opp saka sitt referansenr: 2016/1491. Med helsing Berit Karin Rystad Plan- og utbyggingssjef Elise Bølgen Avdelingsingeniør Brevet er godkjent elektronisk og har difor ingen underskrift. Kopi til: Inger A Larsen Møllestykket 28 5360 Kolltveit Loftesnes KOLLTVEIT KAI AS Møllestykket 21 5360 KOLLTVEIT