FØRESEGNER TIL REGULERINGSPLAN FOR E134 STORDALEN PLAN R-121 1 Føremål Føremålet med planen er å betre trafikktryggleiken med færre ulukker og nestenulukker, betre støytilhøva i nærmiljøet, og betre omsynet til vassdrag, landskap, kulturminne-/miljø og dyrka mark. Området regulerast etter plan- og bygningslova 12-5 til fylgjande føremål: 1. Bygningar og anlegg Bustader frittliggande småhus (Nytt føremål) Forsamlingslokale 2. Samferdselsanlegg og teknisk infrastruktur Kjøreveg Fortau Gang- og sykkelveg Annan veggrunn teknisk anlegg (Nytt formål) Annan veggrunn grøntareal (Endring) Leskur/plattformtak (Endring) Kollektivhaldeplass (Endring) Parkering 3. Grønstruktur Turveg 5. Landbruks, natur og friluftsområde LNFR areal for naudsynte tiltak for landbruk og gardstilknytta næringsverksemd basert på garden sitt ressursgrunnlag. (Endring) 6. Bruk og vern av sjø og vassdrag Naturområde i sjø og vassdrag I samsvar med plan- og bygningslova 12-6 vert det etablert følgjande omsynssoner: Frisiktsone med veg Faresone høgspenningsanlegg Restriksjonssoner med tunnelar (Nye soner) I samsvar med plan- og bygningslova 12-7 vert det avsett nokre område langs vegtraseen som: Mellombels Anleggs- og riggområde Side 1 av 5
2 Fellesføresegner 2.1 Område som er avgrensa av utbygginga, men som ikkje blir ein del av veganlegget, skal i størst mogeleg grad tilbakeførast til sin opphavlege stand. 2.2 Bruk av gjerde skal avgrensast til dei områda som er naudsynt, med omsyn til sikring av farlege terrengformasjonar, beitedyr og liknande. 2.3 Ved utbygging skal ein forsøke og halde ved lag eksisterande vassvegar med bruk av stikkrenner. 2.4 Dersom det vert oppdaga gjenstandar, eller andre spor frå eldre tid når arbeidet er sett i gang, skal arbeidet stansast og melding straks sendast til Hordaland fylkeskommune v/kulturminnevernseksjonen jf. Lov av 9. juni 1978 nr. 50 om kulturminne (kulturminneloven) 8 andre ledd. Kulturminnevernseksjonen legg til grunn at dette pålegget vert formidla vidare til dei som utfører arbeidet i marka. 2.5 Miljøoppfølgingsprogram i samband med reguleringsplanen skal føreligge før anleggsarbeid tar til. Eventuelle ytterlegare tiltak som betrar tilhøve i høve miljø og samfunn, som avdekkast gjennom dette arbeidet, skal takast med i byggjeplanar og konkurransegrunnlag. 2.6 Tiltak mot støy for bustadar, fritidsbustader med uteområde, skal vere detaljplanlagt og realisert før arbeid med masseflytting tar til, jf T-1442. Lokale tiltak for skjerming av uteplassar, skal byggjemeldast og godkjennast før arbeidet tek til. 2.7 Området skal sikrast universell utforming minimum på følgjande område: Det skal ikkje plantast busker eller tre som kan gi allergiske reaksjonar. Busslommer og leskur skal vere tilgjengelege for rullestolbrukarar. Stigninga på vegar fram til busslommer skal vere i samsvar med gjeldande krav dersom det ikkje gjennom fråviksøknad er godkjent andre løysingar. (Endring) 3 Bygningar og anlegg Bustadar frittliggande småhus (Ny føresegn) Eksisterande bustad skal oppretthaldast og kunne nyttast som i dag. Forsamlingslokale Eksisterande forsamlingslokale vert oppretthalde. Det skal lagast ein utomhusplan som syner ny parkeringssituasjon. (Endring) Side 2 av 5
4 Samferdselsanlegg og teknisk infrastruktur Alle område som ikkje er særskilt omtala i desse føresegnene skal være offentlege. Areala skal få ei estetisk tiltalande utforming. Gjerde, forstøtningsmurar, skilt, lamper og lysmaster o.l. skal samordnast. Kjøreveg KV4 Ny avkjørsel til forsamlingslokale på Håland. Kjøreveg KV5, KV6 og KV8 Områda er felles for dei eigedommane som vegen tener: KV 5 er felles driftsveg/jordbruksveg for 50/4 og 50/5,6 KV 6 er felles driftsveg/jordbruksveg for 50/1 og 50/2,7,8 KV 8 er feles driftsveg/jordbruksveg for 49/1 og 49/2 (Endring) Gang- og sykkelveg GS1 Gang- og sykkelvegen GS1 skal opparbeidast som kjørbar gangveg. Det vert berre tillate ferdsel med landbrukskjøretøy til eigedommane 50/1 og 50/2,7 Gang- og sykkelveg GS2 (Ny føresegn) Gang- og sykkelvegen GS2 skal opparbeidast som kjørbar gangveg med planeringsbreidde 6,5 m. Vegen skal vere omkjøringsveg når tunnelen mellom Lauareid og Håland er stengt, og skal berre nyttast som kjøreveg i samband med vedlikehald i tunnelen, ulykker, eller andre situasjonar som medfører at tunnelen må stengjast. Vegen skal også kunne nyttast for traktor i samband med jordbruksdrift frå undergangen på Lauareid og mot Håland. Annan veggrunn teknisk infrastruktur FTA (Ny føresegn) Området gjeld sikringssoner knytt til tunnel vertikalnivå 1. Området skal nyttast til bergsikring og andre tekniske tiltak knytt til vegtunnelen. Annan veggrunn grøntareal VG Omfattar areal sett av til fyllingar, skjeringar og grøfter med meir. Områda ved tunnelopningane, langs fyllingar og skjeringar som i planen er sett av som anna Side 3 av 5
veggrunn, men som ikkje vert nytta til dette etter at anleggsperioden er over, skal i ettertid ha status som landbruks-, natur- og friluftsområde. Teknisk bygg Tekniske bygg for tunnelane og nettstasjonar for straum kan plasserast innanfor område for anna veggrunn. Desse tiltaka skal byggjemeldast. Byggegrense Byggegrense langs E 134 vert fastsett til 50 meter frå midtlina. Føresegner for anleggsperioden Sprenging i dag-sona, samt anleggstrafikk nær bustader og fritidsbustader, kan normalt skje på kvardagar mellom kl. 0700 og 2200, og mellom kl. 0900 og 1800 på laurdagar. Utkøyring av massar frå tunnelane utanom desse tidene må skje til mellomlager nær tunnelopningane. Bruk av anolitt som sprengstoff er forbode. Det må liggje føre særskilt godkjenning for utslepp av prosessvatn frå tunnelane. Eventuelle nødvendige reinsetiltak skal setjast i verk før vidare utslepp til vatn og vassdrag. Det må liggje føre særskilde planar for sikring av overvatn og avrenning i anleggsperioden. 5 Omsynssoner (Endring) Frisikt I området synt som frisiktsone, skal det vere fri sikt i ei høgde av 0,5 m over andre vegar sitt nivå. Faresone høgspenningsanlegg (inkl. høgspentkablar) Det skal takast omsyn til høgspentkablar, eventuelle omleggingar/endringar skal klarleggjast med netteigar. Det vert ikkje tillate bygningar, eller andre tiltak for varig opphald innanfor faresonene. Sikring tunnel (Ny føresegn) Side 4 av 5
Av omsyn til tunnelen og trafikkavviklinga, er det fastsett følgjande soner; Sikringssone 1, i avstand 0-30 meter frå tunnel. Ingen tiltak tillatast. Sikringssone 2, i avstand 30 50 meter frå tunnel. Masseuttak og andre tiltak skal planleggast og dokumenterast særskilt. Statens vegvesen skal ha innsyn i sprengingsplaner i god tid før sprenging. Det skal utførast måling av ristingar i tunnel. Måling utførast i samsvar med NS 8141-1:2012. Masseuttak, eller andre tiltak, skal ikkje medføre ristingar større enn 25-35 mm/s, målt ved tunnelveggen. Endelig grenseverdi fastsetjast etter at tunnelen er ferdig bygd. Under sikringssonene rundt tunnelløpet og i ei bredde på 50 m til kvar side for tunnelen, tillatast ikkje tiltak utan særskilt løyve frå Statens vegvesen. 6 Mellombels anlegg- og riggområde Områder vist til mellombels anlegg- og riggområde skal tilbakeførast til sin opphavlege stand etter bruk. Føremålet opphøyrer når vegen vert opna for allmenn ferdsel, og vert fjerna frå planregisteret. 7 Rekkjefølgje Alle eigedomar skal sikrast ny avkjørsel. Før siste avkjørsel til ein eigedom kan stengjast, skal ny avkjørsel være laga. Før det kan setjast i verk tiltak som kjem i konflikt med dei automatisk freda kulturminna Askeladden id 140553, 140552, 140563, 140559, 140573 og 140601 skal det føreligge riksantikvarens vedtak om løyve til inngrep. Vilkår som riksantikvaren set skal følgjast. Det skal takast kontakt med Hordaland fylkeskommune i god tid før tiltaket skal gjennomførast, slik at omfanget av den eventuelle arkeologiske utgravinga kan fastsetjast. Side 5 av 5