EID KOMMUNE Finansutvalet HOVUDUTSKRIFT Møtedato: 22.01.2015 Møtetid: Kl. 13:00 14:15 Møtestad: Kommuenstyresalen Saksnr.: 001/15-005/15 Forfall meldt frå følgjande medl. Parti Følgjande varamedl. møtte Parti Ann Magritt Hopland Eikås Sp Torbjørn Nes Hjelle Sp Ugilde Sak Følgjande varamedl. møtte Møteleiar: Frå adm. møtte: Utlevert i møtet: Orientering: Sp.mål/interpell.: Synfaring: Diverse: Ordførar Alfred Bjørlo Rådmann Åslaug Krogsæter, Økonomisjef Ole Starheim Underskrifter: Sissel Ommedal Alfred Bjørlo Sigurd Reksnes
Sakliste Sak nr. Saktittel 001/15 Godkjenning av innkalling og saksliste 002/15 Godkjenning av møteprotokoll 003/15 Referatsaker 004/15 Rapport over kommunens finansforvaltning pr 31.12.2014 005/15 Kommunal finansforvaltning - krav til plassering av overskotslikviditet
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 22.01.2015 001/15 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 15/92 GODKJENNING AV INNKALLING OG SAKSLISTE RÅDMANNEN SI TILRÅDING: Innkalling og sakliste 22.01.2015 vert godkjent. 22.01.2015 FINANSUTVALET FSU-001/15 VEDTAK: Innkalling og sakliste 22.01.2015 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 22.01.2015 002/15 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 15/93 GODKJENNING AV MØTEPROTOKOLL RÅDMANNEN SI TILRÅDING: Møteprotokollen frå møte 27.11.2014 vert godkjent. 22.01.2015 FINANSUTVALET FSU-002/15 VEDTAK: Møteprotokollen frå møte 27.11.2014 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Finansutvalet 22.01.2015 003/15 JEA Avgjerd av: Saksansv.: Janne Endal Andersson REFERATSAKER Arkiv: Namn-, Namn- Objekt: Arkivsaknr 15/91 RÅDMANNEN SI TILRÅDING: Refererte saker vert tekne til etterretning slik dei ligg føre. 22.01.2015 FINANSUTVALET FSU-003/15 VEDTAK: Refererte saker vert tekne til etterretning slik dei ligg føre.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 22.01.2015 009/15 OST Finansutvalet 22.01.2015 004/15 OST Kommunestyret 29.01.2015 OST Avgjerd av: Kommunestyret Saksbehandler: Ole Starheim Arkiv: 250 Objekt: Arkivsaknr 15/77 Rapport over kommunens finansforvaltning pr 31.12.2014 Prenta vedlegg: Rapport over kommunens finansforvaltning pr. 31.12.2014 Aktuelle lover, forskrifter, avtalar m.m.: Kommunelova 52 Forskrift om kommuners finansforvaltning Kommunens finansreglement, sist vedteke 24.06.10 Saksutgreiing: Kommunelova 50 og 52, og forskrift om kommuners finansforvaltning stiller krav til kommunane både vedkomande finansforvaltninga og rapportering av dette til kommunestyret. Kommunens finansreglement, sist vedteke 24.06.10 K-sak 53/10, stiller krav til rapportering i kapitla 6.5, 7.7 og 8.9: Rådmannen skal ved tertialrapporteringar pr. 30. april og 31. august leggje fram rapport for kommunestyret som syner status for finansforvaltninga. I tillegg skal rådmannen så snart råd etter årets utgang leggje fram ein rapport for kommunestyret som syner utviklinga gjennom året og status ved utgangen av året. Rapporten som følgjer denne saka er utarbeidd etter forskrift og kommunens eige reglement.
RÅDMANNEN SI TILRÅDING: Kommunestyret tek rapporten om kommunens finansforvaltning pr 31.12.2014 til orientering. 22.01.2015 FINANSUTVALET FSU-004/15 VEDTAK: Finansutvalet tek saka til orientering. Åslaug Krogsæter -rådmann-
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 22.01.2015 010/15 OST Finansutvalet 22.01.2015 005/15 OST Kommunestyret 29.01.2015 OST Avgjerd av: Kommunestyret Saksbehandler: Ole Starheim Arkiv: 250 Objekt: Arkivsaknr 15/17 Kommunal finansforvaltning - krav til plassering av overskotslikviditet Prenta vedlegg: Eid kommune sitt reglement for finansforvaltning Samandraget frå KLP sin karbonutredning Aktuelle lover, forskrifter, avtalar m.m.: Kommunelova 52 Forskrift om kommunar og fylkeskommunar sin finansforvaltning Eid kommune sitt reglement for finansforvaltning Bakgrunn for saka: Den 14.03.2013 gjorde kommunestyret i Eid vedtak om å bli klimapilotkommune og medlem i Zero sitt kommunenettverk. Bakgrunnen for dette var at fjordvarmeprosjektet i Eid kommune hausten 2012 blei nominert til prisen «Årets lokale klimatiltak». Prisen blir delt ut av KS og miljøstiftinga Zero. I etterkant fekk Eid kommune invitasjon til å delta i Zero sitt kommunenettverk, noko kommunen har takka ja til i kommunestyret sitt vedtak, KS 011/13. I same sak blei det i pkt 2 gjort følgjande vedtak: «Eid kommune startar ein prosess for å vurdere muligheitene av å sikre ein grøn, miljøvennlig profil på kommunen sine fondsinvesteringar, utan at dette svekker dagens krav
til avkastning og risiko. Ei eventuell avgjerd om å innføre krav til grøn finansforvaltning blir å kome tilbake til som eiga sak». Saksutgreiing: KLP presenterte i november 2014 ei utredning med tittel «Karbonutredning: Investering i fossil energi». I kapittel 2 i innleiinga i denne utredninga står følgjande: «Ordføreren i Eid kommune, som er kunde av KLP, sendte den 04.03.2014 et brev til KLP, der han ber om at KLP utreder å trekke kommunale pensjonsmidler bort frå kull, olje og gasselskaper, utan at dette svekker kravene til avkastning og risiko på investeringene». I KLP sin utredning peikar selskapet på at uttrekk av alle fossile energiselskap vil auke KLP sin risiko betydeleg, og då spesielt for plassering i norske aksjar. Derimot vil eit uttrekk av berre kullselskap ikkje utgjere ein betydeleg risiko. KLP sin utredning førte til at selskapet, med bakgrunn i klimaomsyn, har vedteke å trekke seg frå investeringar i kullselskap. KLP sin definisjon på slike selskap er kullgruveselskap og kullkraftproduksjonselskap som har 50% eller meir av inntektene sine frå kull. Ekskluderinga gjeld ikkje for selskap som driv olje- og gassproduksjon. KLP vedtok å investere meir i selskap innafor fornybar energiproduksjon, og halde fram med investeringar i grøne obligasjonar. Samandraget i karbonutredningen følgjer vedlagt denne saka. Heile utredningen finn ein på denne internettlinken: https://www.klp.no/polopoly_fs/1.28993.1416385527!/menu/standard/file/karbonutredning% 20norsk%20hovedversjon_ENDELIG_181114.pdf Også Storebrand har gjort liknande vedtak på sine plasseringar av kundane sine midlar, der dei opplyser at dei har ekskludert 40 selskap innafor kull-, oljesand og palmeoljeproduksjon. Både KLP og Storebrand har mange årsverk tilsett som dagleg gjer jobben med selskapa sin finansforvaltning. KLP har åleine plassert over 100 milliard kroner for sine kundar. Eid kommune har med sine 100 millionar kroner plassert, ikkje mulegheit til å nytte dagleg tid og inneha tilstrekkeleg kompetanse til å gjere vurderingar og målingar av korleis midlane blir plassert med tanke på etikk, miljø, risiko og avkastning. Difor har kommunen plassert midlane gjennom eksterne forvaltarar, som delvis har gjort dette arbeidet for kommunen. Grøn forvaltning: Eid kommune har hatt presentasjon frå fleire selskap som meiner dei kan plassere kommunen sine midlar innafor visse krav til grøn forvaltning, utan at det er dokumentert at dette skal gå ut over avkastninga på plasseringane. Det er likevel vanskeleg å sjå ut frå dei presentasjonane vi har fått frå disse plasseringsselskapa, at dei er ute av olje- og gassproduksjon og industri knytt til dette. Som tidlegare nemnt, så har Storebrand vedteke ekskludering av selskap innafor dei mest miljøforureinande sektorane innafor fossile brensel, men ikkje ekskludering av heile olje- og gassnæringa. KLP meiner i sin utredning at det vil vere for stor risiko å trekke seg heilt ut av olje- og gassektoren. Vi finn aksjefond som enten dekkjer etiske plasseringar, minimal plassering innafor energisektoren (fossile brensel) eller reine fond mot t.d. medisin og helsesektoren. Men det er vanskeleg å finne fond som 100% har grøn forvaltning, med samtidige krav til plasseringar innafor fornybar energiproduksjon. Disse er då gjerne retta mot ein spesiell sektor, og har dermed større risiko. Slike fond er heller typiske med tanke på å «krydre» porteføljen, men ikkje at ein er overvekta i slike.
Også den delen av porteføljen som må vere i rentemarknaden (obligasjonar), må vurderast med tanke på delvis grøn forvaltning. Obligasjonsporteføljen utgjer normalt 65 70 % av totalporteføljen. Foreløpig er utvalet i «grøne obligasjonar» noko begrensa, med det vil truleg etter kvart kome fleire alternativ for plassering i slike. KLP viser i sin utredning til at grøne obligasjonar er ein naturleg del av investeringsuniverset. Slik sett vil det truleg la seg gjere for kommunen å finne slike alternativ. Vurdering: Ut frå det som er nemnt ovanfor, vil ikkje rådmann tilrå at det blir sett 100% krav til grøn forvaltning. Vi ser at fleire aksjefond med god risikospredning, har spreidd plasseringane på mange sektorar, og har dermed med seg plassering også i energisektoren. Det kan likevel vere mykje «grøn forvaltning» i å setje ein maks %-del av den samla porteføljen som kan vere plassert mot selskap som driv utvinning av fossile brensel. Vi har ikkje erfaring for korleis dette vil kunne slå ut på risiko og avkastning. Men vi har sett at Oslo børs i periodar har store svingingar, der nettopp olje- og gassektoren er sterkt medvirkande. Plassering i Carnegie sitt norske aksjefond gav i 2014 ei avkastning på 11,0%. Dette er dobbelt av Oslo børs sin eigen indeks! Carnegie hadde mellom 20 og 25% i energisektoren. Tilsvarande gav plassering på Oslo børs gjennom BCM ei negativ avkastning på -6,29%. Her var andelen i energisektoren kring 50%. Overvekt i olje- og gassektoren var ei medvirkande årsak til den negative avkastninga til BCM, men ikkje den einaste årsaken. Ved sterkt stigande oljepris, ville truleg denne effekten blitt positiv. Administrasjonen har i løpet av november og desember trekt inn alle midlane som har vore plassert gjennom BCM. Dette selskapet hadde heile aksjeporteføljen plassert mot Oslo børs. Ei maks grense for plassering i olje- og gassektoren bør uansett ikkje vere så låg at kommunen blir utestengt frå å plassere i fond med god risikospredning. Vidare bør kommunen følgje KLP sitt vedtak om å ekskludere selskap som driv kullproduksjon. Når det gjeld renteporteføljen, som utgjer om lag 67 % av totalporteføljen, så er det nok muleg å setje krav til at ein viss %-del av denne skal vere plassert i «grøne obligasjonar». Det er likevel her ein risiko for at eit bestemt krav kan føre til at kommunen må investere i obligasjonar som ikkje gir den avkastninga som ein elles ville kunne få i obligasjonsmarknaden. Vidare har vi lite erfaring med slike obligasjonar, og vil anbefale at ein kjem tilbake til slike krav når ein har fått opparbeidd meir kjennskap og erfaring til slike produkt. Det vil uansett bli jobba med å finne slike obligasjonar, og at ein kan gjere slik plassering på ein mindre del av porteføljen. Rådmann meiner at Eid kommune skal jobbe for ei grøn forvaltning av kommunen sine midlar. Men vi er no i ein prøvefase, og bør ikkje setje for strenge krav i starten. Administrasjonen vil gjere seg meir kjent i marknaden framover, og vil i tertialrapportane for finansforvaltninga også rapportere på dei krava kommunestyret set til grøn forvaltning. Ved årsrapporteringa for finansforvaltning for 2015 kan det leggast fram eiga sak med vurderingar om korleis krava til grøn forvaltning har påvirka risiko og avkastning i porteføljen, og om krava kan utvidast til å omfatte meir grøn forvaltning. RÅDMANNEN SI TILRÅDING: 1. Eid kommune skal ikkje ha midlar plassert i kullselskap. Definisjonen av slike selskap og ekskludering blir tilsvarande som KLP sine vedtak på dette.
2. Eid kommune skal ha minimalt av midlar plassert mot selskap som direkte driv utvinning og produksjon av andre fossile brensel enn kull. Dette skal uansett ikkje overstige 7% av kommunen sin totale forvaltningsportefølje. 3. Krava i punkta ovanfor gjeld i tillegg til eksisterande reglement for kommunens finansforvaltning. 4. Administrasjonen skal ved årsrapportering for finansforvaltninga for 2015 legge fram sak med vurderingar om korleis dei nye krava til grøn forvaltning har påvirka risiko og avkastning i porteføljen, og om krava kan utvidast til å omfatte meir grøn forvaltning. 22.01.2015 FINANSUTVALET FSU-005/15 VEDTAK: Saka vert teken til orientering. Åslaug Krogsæter rådmann