1 REGULERINGSPLAN FOR ESPELANDSDALEN CAMPING - PlanID 1234 2014002 Granvin Herad 826-004- Planskildring- Espelandsdalen -- 20.04.15. Arkivsaknr: 14/160 Sakstittel: Detaljreguleringsplan for Espelandsdalen camping. Planid: 1234 2014002 Utarbeidd av: Anda & Hirth ANS Datert: 20.04.15 Retta: PLANSKILDRING Innhald: 1. Bakgrunn og føremål. 2. Planprosess 3. Planstatus 4. Skildring av planområdet 4.1 Området sin historie. 4.2 Eksisterande og framtidig arealbruk. 4.3 Landskap og topografi. 4.4 Barn og unge sine interesser. 4.5 Naturmangfald. 4.6 Estetikk, nær og fjernverknad. 4.7 Vatn og vassdrag. 4.8 Kulturminne. 4.9 Kulturlandskap, landbruk. 4.10 Vegar, trafikk, 4.11. Energiløysingar og straumforsyning. 4.12 VA anlegg. 4.13 Renovasjon. 4.14 Universell utforming.
2 5. Skildring av planforslaget Planlagt arealbruk. 5.1 Bebyggelse og anlegg 5.2. Samferdsel-vegar, trafikk, parkering. 5.3 VA, renovasjon og energiløysingar 5.4 Friluftsformål. 5.5 Soner. 5.1 Rekkjefyljekrav. 6. Konsekvensar av planforslaget 6.1 Landskap/estetikk 6.2. Kulturminner og kulturmiljø. 6.3 Naturmangfald- naturverdiar. 6.4. Risiko og sårbarheit. 7. Innkomne merknader og kommentarar 7.1 Fylkesmannen i Hordaland 7.2 Hardanger Energi AS 7.3 Statens Vegvesen 7.4 Hordaland Fylkeskommune 8. Avsluttande kommentarar 9. Vedlegg. Vedl. 1 Innspel merknader. Vedl. 2 ROS - analyse. Vedl. 3 Skredrapport. Vedl. 4 Hardanger Energi AS 1. Bakgrunn og føremål.
3 Grunneigar av Gnr. 99 Bnr. 3 og 8 og forslagstillar Randi og Ørjan Kalsaas ynskjer å utarbeida ein reguleringsplan som tek sikte på utviding og vidareutvikling av eksisterande campingplassen ved Espelandsvatnet. Campingplassen skal gi plass for heilårs oppstillingsplassar med spikartelt for campingvogner og å betra tilbodet for sommargjester. Det vert lagt til rette for at ålmenta skal kunna nytta Espelandsvatnet til bading og fisking. Planområdet er på ca. 23 da. Plankonsulent er Siv.Ark Anda & Hirth Ans. Kart over deler av Granvin Herad/ Ulvik Herad som syner plassering av planområdet. 2.Planprosess
4 Oppstartmøtet vart halde 24.02.14. Oppstart av reguleringsarbeidet er varsla i Hordaland og ved brev med kartvedlegg til offentlege instansar og naboar. 3. Planstatus Campingplassen ligg inne som næringsføremål i Kommuneplanen for Granvin Herad Arealdel 2009-2019. Sjå punkt 3 side 4 i føresegnene. Det er ikkje krav om planprogram og konsekvensutgreiing. 4. Skildring av planområdet 4.1 Området sin historie. Garden Espeland ligg ved Espelandsvatnet, øvst i Espelandsdalen som fører over frå Granvin til Ulvik. Bygningane på dei fire bruka låg samla i eit klyngetun med 18 hus i alt. Tunet vart freda i 1924, men oppløyst ved utskiftinga rett etter. Sju gamle hus, til dels heilt ombygde, ligg att i tunet no, saman med enkelte nyare hus. Bilete 1- Det gamle tunet i bakgrunnen. Ca plangrense mot vest er vist. 4.2 Eksisterande og framtidig arealbruk. I dag er deler av arealet nytta til campingplass. Campingplassen skal utvidast slik at det vert større kapasitet og betre sanitætilhøve. 4.3 Landskap og topografi.
5 Planområdet ligg ved Espelandsvatnet ca 335 m over havet. Espelandsdalen går i retning sørvest mot nordaust med fjellrekkjer på opp til ca 1000 m på sørsida og ein god del høgare på nordsida. Den vestlege delen av dalen ber preg av å ha vore ein hengedal som munnar ut i hovedrommet ved Granvinsvatnet gjennom eit trongt gjel. Sjå Landskapsanalyse frå Granvin Herad - rapport nr 12-2007 Bilete 2. Campingplassen ligg lågt i terrenget og vil ikkje verka domminerande i landskapet. Ca plangrense er vist. 4.4 Barn og unge sine interesser. Planområdet ligg med tilknytning til turterreng og utmark. I tillegg ligg campingplassen like ved Espelandsvatnet slik at det er fint for aktivitetar som fisking og og bading langs stranda. 4.5 Naturmangfald. Naturmangfaldlova har som føremål at naturen sitt biologiske, landskapsmessige og geologiske mangfald og økologiske prosesser vert teke vare på ved bærekraftig bruk og vern, slik at den gir grunnlag for folkets verksomheit, kultur, helse og trivsel, no og i framtida. I 8 står det at beslutningar som berører naturmangfaldet skal så langt det er rimeleg byggja på vitenskapeleg kunnskap om arters bestandssituasjonnaturtypers utbreiding og økologisk tilstand og i tillegg effekten av påverknader. Kravet til kunnskapsgrunnlaget skal stå i rimeleg forhold til sakens karakter og risiko for skade på naturmangfaldet. Ein stor del av planområdet er i dag teke i bruk til campingplass. Resten av planområdet er tidlegare dyrka mark som ikkje vert dreve som jordbruksareal. Ved å utvida campinplassen på deler av dette arealet vil ein utnytta areal som allereie er bearbeida tidlegare. 4.6 Estetikk, nær og fjernverknad.
6 Espelandsdalen campingplass ligg ved Espelandsvatnet i ei lita lomme i terrenget slik at den er relativt skjerma frå områda rundt. Terrenget nord for campingplassen er lite tilgjengeleg så her er det liten negativ verknad. Frå sørsida av vatnet er det meir utsett og særleg nå ein kjem høgare opp i terrenget vil campingplassen vert godt synleg. Sjå kart under. Kart over Espelandsvatnet med områda ikring. 4.7 Vatn og vassdrag. Espelandsvatnet og Stokkavatnet som ligg på austsida er til saman ca 4 km langt og gjer dette
7 til eit fint og attraktivt område for friluftsliv. Utløpet frå vatnet går mot aust via Stokkavatnet. 4.8 Kulturminne. Det er ikkje registrert kulturminne innanfor planområdet slik me kjenner til. 4.10 Vegar og trafikk. Fylkesveg 572 går gjennom Espelandsdalen forbi campingplassen. Hovedtrafikken til Ulvik går no gjennom Vallaviktunnellen og det har redusert trafikken mykje på Fv. 572. Det er 2 avkøyringar til campingplassen. Avkøyringa mot sør tilfredstiller ikkje krava til sikt så her må det gjerast ein del tiltak. Sjå bilete 2 der begge avkøyringane viser. 4.11 Energiløysingar. Viser til skriv frå Hardanger Energi med kart over høg og lågspentlinjer i planområdet. Merk at det ligg ein høgspentkabel 20 KV frå linjemast til nettstasjon nede aust for kiosken. Vidare går det ei lågspentlinje frå gardstuna gjennom planområdet mot aust. 4.12 VA anlegg Det er eit godkjent VA anlegg for campingplassen slik den fungerar i dag. 4.13 Renovasjon. Pr i dag er det sett ut bosdunkar på egna stader i heile campingområdet. Ved henting vert dunkane samla ved avkøyringa på nordsida av vegen 4.14 Universell utforming. Området er relativt flatt og ein kan oppnå universell utforming ved ei evt. vidare utbygging av området. 4.15 Risiko og sårbarheitsanalyse - ROS- analyse. Her er trafikktryggleik i samband med avkøyringane og skredfare tema som må avklarast. Viser til vedlegg 2 ROS-analyse. 5.Skildring av planforslaget Planlagt arealbruk. Planforslaget legg opp til ei utviding av campingarealet slik at ein kan få ei høgare utnytting med fleire campinvogner, hytter etc. Det vert ikkje lagt fram detaljerte planar for dette no, men vil koma på eit seinare tidspunkt. 5.1 Bebyggelse og anlegg Utnyttinga av campingplassen skal planleggjast ut frå dei gjeldande reglane for campinplassar. Ein har vurdert det slik at det kan byggjast intil 60 einingar totalt. Sanitæranlegg etc må og utvidast tilsvarande. 5.2 Estetikk, nær og fjernverknad.
8 Det skal stillast krav til arkitektur, fargeval og terrengtilpasning av bygningar og vegar som skal innarbeidast i reguleringsføresegnene. Det er viktig at estetiske vurderingar av tiltak vert gjort i høve til seg sjølv, næraste omgjevnader og fjernverknaden. 5.3 Naturmangfald. I ROS-analysen er trekt fram ein del moment frå rapportar som er utarbeidde for Granvin Herad i samarbeid med Fylkesmannen i Hordaland. MVA-rapport 10/2005 tek for seg viltet i Granvin og MVA-rapport 6/2005 tek for seg naturtypar i Granvin. Det er og laga ein supplerande raport MVA-rapport 2/2010. Ut i frå desse rapportane kan ein ikkje sjå at det er noko som direkte har konsekvensar for planområdet for campingplassen. 5.4. Samferdsel-vegar, trafikk, parkering. Fylkesvegen KV1 som går gjennom planområdet har fått siktlinjer i avkøyringane ut frå dei gjeldande krava til vegvesenet. Avkøyrsla frå sør må hevast noko og utvidast. Den felles private vegen KV2 med avkøyring mot nord frå fylkesvegen vert liggjande som før og kan brukast av dei same brukarane. KV3 er veg fram til trafo og vidare til ei evt utviding av campingplassen. Den eksisterande nettstasjonen vert regulert inn i planen, men ellers er det ikkje nødvendig å gjera noko tiltak før ei evt. utbygging av campinplassen kjem. 5.5 VA, renovasjon Ved utviding av campingplassen med fleire vegar, hytter og campingvogner må anlegget utvidast tilsvarande og godkjennast etter dei gjeldande krava. Den eksisterande ordninga med renovasjon må forsetja som no ved ei evt utviding av campingplassen i samråd med IHM. 5.6 Friluftsformål. Området mot nord er eit bratt område som ikkje er naturleg å bruka til camping. Mot vest er det eit område som markerar avstand mellom gardstuna og campingplassen. Området mot sør ved vatnet er eit område som kan nyttast av ålmenta til bading, fisking og andre fritidsaktivtetar. 5.7 Universell utforming. På dei nye områda som skal byggjast ut skal ein leggja til rette for universell utforming. Sjå punkt 2 Fellesføresegner side 3 i føresegnene. 5.8 Soner. Det er tegna inn frisiktsonar ved avkøyringane frå fylkesvegen. Det er og laga ein større faresone mot nord i planområdet. her må det gjerast tiltak dersom desse områda skal brukast til campingplass i framtida. Tiltak må bereknast og dimensjonerast og godkjennast av Granvin Herad. Frå fylkesvegen ned til friluftsområdet ved Espelandsvatnet er det markert ein sone med omsyn friluftsliv for å sikra tilkomst for ålmenta til vatnet. 5.8 Rekkjefyljekrav. Her er det stilt krav i samband avkøyringane frå fylkesvegen og krav til utredning av tiltak
9 når det gjeld skred ras og skredfare dersom det vert aktuelt med ei utviding av campingplassen. 6. Konsekvensar av planforslaget 6.1 Landskap/estetikk Området ligg langs Espelandsvatnet og er relativt lite synleg i terrenget frå sjølve dalen. Frå sørsida av vatnet og områda oppover i fjellet vil ein kunna sjå campingplassen godt. Campingvogner med lyse fargar vil visa godt i terrenget. Det er viktig at det vert teke omsyn til dette ved krav til fargeval, plassering av vogner, spikartelt, murar etc. slik at det vert ei bra heilheit i området. I føresegnene under punkt 3 Byggeområde på side 4 er det skissert korleis ein skal ta omsyn til god estetikk og tilpassning av landskapet i kring. Terassane som kan vera opptil 25 m2 er viktig å tilpassa terrenget slik at dei ikkje vert for dominerande. Ein ser og at campingplassen sett frå sør ( Kjerringafjellet og Kvasshovden) vil visa godt i terrenget og at det er viktig at ein tek omsyn til dei krav som er sett. 6.2. Kulturminner og kulturmiljø. Som nevnt under pkt. 4 bestod garden Espeland av fire bruk som låg samla i eit klyngetun med 18 hus i alt. Tunet vart freda i 1924, men oppløyst ved utskiftinga rett etter. Sju gamle hus, til dels heilt ombygde, ligg att i tunet no, saman med enkelte nyare hus. Ingen av dei eksisterande bygningane vert berørte av denne reguleringa. 6.3 Naturmangfald- naturverdiar. Ein kan heller ikkje sjå at naturmangfaldet vert særleg råka av evt. utviding av campingplassen. Sjå ROS-analyse. 6.4. Risiko og sårbarheit. Sjå og ROS-analysen. Skredfare. Store delar av området ligg innanfor aktsemdområdet for flaum og jordskred. Sjå fig 14 i skredrapport. Vurderinga er at det er liten fare for jordskred men betydeleg fare for flaumskred i den austlege delen av planområdet. Skrednett sitt aktsomheitskart viser at heile planområdet ligg innanfor utløpsområde for snøskred. Sjå figur 13 i skredrapport utarbeidd av Asplan Viak - vedlegg 3. Vurderinga er likevel at sansynlegheita for snøskred og sørpeskred inn i området er forhaldsvis liten. Skrednett sitt aktsomheitskart viser at heile planområdet ligg innanfor potensialt utløpsområde for steinsprang. Sjå figur 9 og 10 i skredrapport. Delar av planområdet tilfredstiller ikkje lovverket sitt krav til sikkerheit mot skred i sikkerheitsklasse S2. Dimmensjonerande skredtype er steinsprang og flaumskred. I skredrapporten vert det føreslått å planleggja rundt faresonane. Dersom ein likevel ynskjer å utnytta ein større del av planområdet kan dette gjerast med forholdsvis enkle tiltak i samband med andre terrenginngrep. Ein kombinasjon av vollar og grøfter ( sjå figur 16 i skredrapport) kan nyttast. Dette må designast og dimmensjonerast før utføring. Trafikktryggleik. Eina uka bruk av campingplassen vil krevja utbetring av avkøyringane og krav om siktlinjer
10 med avstand 6 m frå veggrense og 110 m i lengderetningen i begg retningar. Energiløysingar. HS kabelen som går frå nettstasjone til HS linja nord for planområdet treng ikkje noko egen omsysone. Kabelen går gjennom gjennom faresonen for ras og skred og må takast omsyn til ved inngrep i terrenget. Dette er teke opp med Hardander Energi As. Sjå vedlegg 4. Arealbruk. Ein del av det nye arealet som vert teke i bruk er tidlegare dyrka mark. Arealet er lite og består av delvis lett skrånande terreng til noko brattare terreng lengre mot nord. Ein ser det som lite realistisk å nytta dette til jordbruk i framtida. Bilete 3- av tidlegare dyrka mark på nordsida av fylkesvegen. Området viser og på bilete 2. -Friluftsliv. Det er allereie etablert eit aktivt friluftsliv i området med campingplassen og ein god del hytter i Espelandsdalen. Vidare utbygging av campingplassen vil berre forsterka bruken av området. Dalen med vatnet og fjella ikring gjev rike mogelegheiter til friluftsliv i mange former og vil tola ein god del auke framover. -Tilgang til strandsonen. Langs heile strandsonen er det lagt inn eit belte med friluftsområde som ålmenta kan nytta til bading og fisking merka FR. Det er og lagt inn ein omsynsone friluftsliv som skal sikra ålmenta tilgang til strandområdet.
11 Kart som syner strandsonen og sone for friluftsliv H530_1 Bilete 4- Strandområdet med ei lita badestrand. Bilete 5 Strandområdet mot vest.
12 Bilete 6 Strandområdet mot aust. Sjå og bilete 2. 7. Innkomne merknader og kommentarar
13 Det er kome fylgjande innspel til denne kunngjeringa: Vedlegg nr. 1. Fylkesmannen i Hordaland, brev av 20.05.14. Merknader: Dei føreset at planen vert utarbeidd i samsvar med føresegnene for campingplassar i kommuneplanen. Vidare ber dei om at det i størst mogeleg grad vert søkt å unngå å byggja ned dyrka mark. Minner om at konsekvensane reguleringsplanen har for endra arealbruk skal vurderast i høve til naturmangfaldet. Må koma fram i planarbeidet, jf. Naturmangfaldlova 7-12. ROS-analysen må nytta akseptkriteria som er i tråd med byggteknisk forskrift (TEK 10). Analysen må sjå på risiko både innanfor og utanfor planområdet som kan påvirka tiltaket, og evt. endra risiko som fylgje av tiltaket. Kommentar: Planen skal utarbeidast og dokumenterast og det vil då vera mogeleg å ta stilling til om planen er i strid med nasjonale eller vesentlege regionale interesser. Statens Vegvesen, brev av 06.06.14. Merknader: Har ingen merknader no, men kjem eventuelt tilbake under det offentleg ettersynet. Kommentar: Det vil verta teke kontakt i planleggingsperioden. Hordaland Fylkeskommune, breva av 19.05.14. Merknader: Det vert bede om å ta omsyn til ein del punkt i planarbeidet med særleg vekt på landskap, estetikk, friluftsliv og kulturminne. Vidare vert det presisert at det ikkje er kjend informasjon om automatiske freda kulturminne i området. Kommentar: Desse nemde punkta samsvarar i stor grad med viktige tema som er lista opp i referatet frå oppstartsmøtet av 13.03.13. og vert såleis teke opp under planprosessen. 8. Avsluttande kommentarar Planområdet er i dag ein eksisterande campingplass i vanleg drift og i tillegg eit område som tidlegare har vore dyrka mark. Tanken no er å rusta opp campingplassen og kunna utvida den med ein del ekstra oppstillingsplassar for campinvogner med spikartelt. Sjølve utforminga må koma seinare og må då søkjast om når det gjeld detaljar som antall vogner, avstandar, fargar. estetikk etc. Det må takast omsyn til krava når det gjeld skredfare og det må lagast vollar og grøfter som beskreve i skredvurderinga. Tiltaka må utarbeidast av kvalifiserte planleggjarar. Likeeins må krava til siktlinjer i begge avkøyringane utformast som beskreve i planen. Når det gjeld energiløysingar så må ein ta utgangspunkt i skriv frå Hardanger Energi AS og samarbeida med dei i ei utbygging av campingplassen. Sjå vedlegg 5. Ut frå dei MVA-rapportar som er utarbeidde når det gjeld naturmangfald så vil ikkje ei vidare utbygging av campingplassen få nokon særlege negative konsekvensar.
14 Me meiner ein kan konkludera med at dersom desse omsyna vert tekne så kan ein utvikla campingplassen vidare innanfor dei beskrevne rammene. 9. Vedlegg. Vedl. 1 Innspel merknader. Vedl. 2 ROS - analyse. Vedl. 3 Skredrapport Asplan Viak. Vedl. 4 Hardanger Energi AS. Voss, 20.04.15 Anda & Hirth ANS