Utval : KOMMUNESTYRET Møtestad : Rådhuset Møtedato : 29.09.09 Tid : 17.00 MØTEINNKALLING SAKLISTE: Utvalsaknr. Arkivsaknr. Tittel PS 43/09 09/896 REFERAT, SKRIV OG MELDINGAR PS 44/09 09/1007 FORVALTINGSREVISJONSRAPPORT - PLEIE- OG OMSORGSTENESTENE I TYSNES KOMMUNE PS 45/09 09/760 PLANVEDTAK - REGULERINGSPLAN FOR NY TILKOMSTVEG TIL VÅGSMARKA
MØTEBOK Utval Møtedato KOMMUNESTYRET 29.09.09 Arkivsak : Arkivkode: 09/896 022 - Sakshandsamar: Steinar Dalland Handsamingar: Utval Møtedato Saksnummer KOMMUNESTYRET 29.09.09 PS 43/09 REFERAT, SKRIV OG MELDINGAR Møtet var kalla inn ved skriv frå ordføraren 21. september 2009. Møtet hadde óg vore kunngjort i bladet Tysnes og ved oppslag, samt på heimesida til kommunen. Det var ingen merknader til innkallinga, sakslista eller møteboka frå førre møte. I samsvar med K 35/92 var det i innkallinga informert om at det vart spørjetime frå kl 18:00. Spørjetimen er ikkje del av det formelle møtet, som følgje av dette vart kommunestyremøte heva etter handsaming av PS 44/09 kl 18:00 og sett igjen før handsaming av sak PS 45/09 kl 18:20. Når møtet vart sett igjen hadde representantane Synnøve Vines og Aud Kaldefoss forlete forsamlinga i samsvar med avtale. Følgjande spørsmål vart tekne opp i spørjetimen: Det første spørsmålet frå Alf Terje Myklebust vart avvist då dette var knytt til revisjonsrapport frå KPMG. Kommunestyre hadde rapporten til handsaming på same møte og spørsmålet vart avvist, jamfør retningsliner for spørjetimen punkt 6. Alf Terje Myklebust hadde eit spørsmål til Frp om korleis dei som etterfølgjarar av Anders Langes parti kunne forsvara å innføra eigedomsskatt og samstundes nytta så mykje ressursar på dette at det fører til lang ventetid på byggjesak og oppmåling, for så å vera med å auke gebyra på byggjesak og oppmåling for å ta unna køen. Eirik Helgesen ønskte ikkje å svara på spørsmålet i møtet. Jon Martin Dale stilte spørsmål om rådmannen i sitt saksframlegg hadde åtvara mot at innføring av eigedomsskatt kunne koma til å leggja press på andre oppgåver. Rådmannen svara at dette var eit arbeid me hadde lita eller inga røynsle med i forkant og at det vart henta inn ekstern hjelp i den grad det var mogleg. Det var viktig å koma i mål med eigedomsskatten og som ein følgje av dette måtte det gjerast noko omprioriteringar. Det vart vel ikkje spesifikt åtvara om dette i saksframlegget, men det har ikkje vore lagt skjul på at det ville verta eit omfattande arbeid å innføra eigedomsskatten.
Alf Terje Myklebust hadde spørsmål knytt til branntryggleik ved Hovland bu- og omsorgssenter og kommunen si oppfølging av vedtak i landbruk og teknisk utval gjort 28.03.06. I vedtaket er det tre vilkår knytt til bruk av huset: 1. Bebuarane må vera i stand til å takla eit vanleg branntilfelle. 2. Det vert iverksett opplæring av pleiepersonalet. 3. Brannanlegget vert knytt direkte til 110. Myklebust stiller spørsmål om i kva grad kommunen har innfridd desse vilkåra. Rådmannen ville ikkje svara på spørsmåla utan nærare undersøkingar og ba om å få koma tilbake med svar. Steinar Frugård stilte spørsmål om korleis kommunen vil stilla seg til motsegn frå fylkesmannen i samband med småbåthamn på Gjerstad. Ordføraren svara på spørsmålet og meinte at kommunen må gå inn for mekling i denne saka. Annemor Aase Flygansvær og Alf Inge Kleppe vart valde til å skriva under møteboka saman med ordføraren.
MØTEBOK Utval Møtedato KOMMUNESTYRET 29.09.09 Arkivsak : Arkivkode: 09/1007 031 - Sakshandsamar: Audun Hovland Handsamingar: Utval Møtedato Saksnummer KOMMUNESTYRET 29.09.09 PS 44/09 FORVALTINGSREVISJONSRAPPORT - PLEIE- OG OMSORGSTENESTENE I TYSNES KOMMUNE Vedlegg: 1. Forvaltingsrevisjon - "Kvalitet og bemanning i pleie- og omsorgstenestene i 2. Saksframlegg - sak 23/09 i kontrollutvalet 3. Særutskrift sak 23/09 i kontrollutvalet HANDSAMING I KOMMUNESTYRET 29.09.09: Anne Cecilie Lunde var ugild og deltok ikkje i kommunestyret si handsaming av forvaltningsrapporten. Seniorrevisor, Kari Hesjedal, skildra- og informerte kommunestyret om grunnlaget for og innhaldet i rapporten. Ingrid Sunde uttrykte glede over at det vart lagt fram ein slik rapport, men meiner at rapporten er for tynn og at for få brukarar og pårørande er kontakta. Ho viser vidare til at svarprosenten er veldig låg mellom tilsette og stiller spørsmål om kvifor det er slik. Ho understrekar at det er viktig at avvikssystemet vert nytta i kvalitetsarbeidet. Ho meiner elles at det er pussig at det ikkje står at bemanninga er svært låg og etter hennar syn er det oppsiktsvekkjande at ein i rapporten ikkje rår til å auka grunnbemanninga. Oppsummert meiner ho at rapporten ikkje er god nok. Eirik Helgesen meiner at det i realiteten ikkje eksisterer eit avvikssystem når dette ikkje vert fylgt opp. Han meiner at eit fungerande kvalitetssystem inneber at ein kan tene pengar ved at feil og manglar kontinuerleg vert utbetra. Han stiller elles spørsmål ved kvalitet i rapporten og viser til at respondentgrunnlaget er for lite. Avslutningsvis viser han til notat om mogleg klage til helsetilsynet. Lorentz Lunde meiner at kan vera nøgd med at det ikkje er funne meir enn det som er peika på i rapporten. Sjølv om grunnlaget for rapporten synest noko tynt samsvarar
resultata med tidlegare undersøkingar. Det bør gjerast vedtak om å følgja opp rutinar og svikt i kvalitetssystemet. Annemor Flygansvær viser til at resultatet er jamt bra, men at dei ulike punkta som er peika på må følgjast opp. Helge Hauge meiner at ein forvaltningsrevisjon har fleire føremål, på den eine sida er det ein kontrollfunksjon og på den andre sida skal den avdekkje områder til forbetring. Det sentrale spørsmålet frametter er korleis me kan nytta rapporten i arbeidet med forbetring. Kvalitetssystema finst, men rutinane for etterleving av systemet må følgjast opp. Han viser til at deler av kvalitetsforskrifta for heimebuande er vanskeleg å leve opp til. Lorentz Lunde er ikkje kjent med notat om mogleg klage til helsetilsynet som det vert vist til under drøfting av saka. Tore Atle Humlevik meiner at det på mange måtar er ein grei rapport, men at det er ei utfordring at det manglar samsvar mellom syna til tilsette og syna til leiinga. Torstein Hatlevik understrekar behovet for ei felles referanseramme og stadig strengare krav til kompetanse og dokumentasjon. VEDTAK I KOMMUNESTYRET 29.09.09: Rapporten som er lagt fram etter forvaltingsrevisjon om "Kvalitet og bemanning i pleie- og omsorgstenestene i " bør vera eit positivt verktøy for å utvikla og forbetra tenesteområdet ytterlegare. Kommunetyret ber rådmannen syta for: 1. At pleie- og omsorgstenesta, skaffar eit oversyn over kva prosedyrar ein har, og om desse er tilfredstillande for bruk i det daglege virke. 2. At det vert utarbeida prosedyrar om manglar i høve til krav i kvalitetsforskrifa. 3. At pleie- og omsorgstenesta kommuniserer prosedyrar, rutinar og internkontrollsystem i heile organisasjonen, og sikra at det føreligg ei felles forståing av sytem og rutinar, og at desse vert etterlevd.
MØTEBOK Utval Møtedato KOMMUNESTYRET 29.09.09 Arkivsak : Arkivkode: 09/760 504 - Sakshandsamar: Asle Bernt Rekve Handsamingar: Utval Møtedato Saksnummer FORMANNSKAPET 08.09.09 PS 76/09 KOMMUNESTYRET 29.09.09 PS 45/09 PLANVEDTAK - REGULERINGSPLAN FOR NY TILKOMSTVEG TIL VÅGSMARKA Vedlegg: 1. Møtebok - formannskapet sak 46/09 05.05.09. 2. Fråseg - Statens vegvesen, datert 30.06.09. 3. Fråsegn - Hordaland fylkeskommune, datert 08.06.09. 4. Reguleringsplankart. Sist rev. 27.08.09. 5. Reguleringsføresegner. Sist rev.27.08.09 6. Planomtale. Sist rev. 27.08.09 SAKSUTGREIING: Formannskapet vedtok 5. mai d.å. å leggja overnemnde plan ut til offentleg ettersyn, og å senda den på høyring. Planen vart kunngjort i blada Tysnes" og "Sunnhordland. Det er komme inn fråsegn frå Hordaland fylkeskommune og Statens vegvesen. Fylkesmannen har ikkje gjeve fråsegn, men jordbrukssjefen i Tysnes har i eige skriv til fylkesmannen gjeve ei positiv tilråding i forhold til jordbruk. Statens vegvesen si fråsegn er meir av teknisk karakter som går på kurvatur, siktlinjer og utforming av busslommer. Merknadane til vegvesenet er teke omsyn til. I den reviderte versjonen av planen er det gjort desse endringar: På plankartet: siktline 66 m i lengderetning og 6 m inn på avkjørslane busslomme får måla 20m 20m 15 m og ikkje 15m-20m-15m som opphavleg var skissert vegkurvatur på avkjørsel til Vågsmarka vert på R=9 m merke for stenging av eksisterande avkjørsel til Vågsmarka er teikna inn.
Endringar i føresegna: 5.4.1 busslommekrav 6.1.2 siktkrav Plandokument: Punkt 4.1, 3.avsnitt. Freista gjort teksten tydelegare. Hordaland fylkeskommune har berre uttalt seg i forhold til kulturminne. Fråsegna går på at tiltakshavar har plikt til å vise aktsemd, og til straks melde frå til fylkeskommunen dersom ein i samband med tiltaket støyter på automatisk freda kulturminne. Dei peikar også på at ein under arbeidet søkjer å unngå inngrep eller skade på eventuelle kulturlandskapstrekk som steingardar, eldre vegar/stiar, bakkemurar, tufter m.m.. Kommunen er tiltakshavar og vil ta omsyn til fylkeskommunen sine merknader i den grad det let seg gjera. Det er i dag ikkje synleg nokon av dei verdiar fylkeskommunen peikar på. Etter rådmannen si vurdering er det teke bra omsyn til alle dei innspel som har komme inn i planprosessen. Planen vert med dette lagt fram for formannskapet og kommunestyret for endeleg godkjenning. INNSTILLING FRÅ RÅDMANNEN: Med heimel i plan og bygningslova 27-1 og 27-2 vert reguleringsplan for ny tilkomstveg til Vågsmarka godkjent. I den grad det let seg gjera vert merknadane til Hordaland fylkeskommune teke omsyn til. FRAMLEGG TIL VEDTAK FRÅ FORMANNSKAPET 08.09.09: I samsvar med innstilling. VEDTAK I KOMMUNESTYRET 29.09.09: I samsvar med framlegget frå formannskapet.