MØTEINNKALLING Tysnes kommune

Transkript

1 Utval : FORMANNSKAPET Møtestad : Rådhuset Møtedato : Tid : MØTEINNKALLING Tysnes kommune SAKLISTE: Utvalsaknr. Arkivsaknr. Tittel PS 1/12 12/97 PROSESSAR OG STRUKTURAR FOR OMLEGGING AV DRIFTA I TYSNES KOMMUNE PS 2/12 12/89 KOLLEKTIVTRANSPORT I DISTRIKTA

2 2 MØTEBOK Tysnes kommune Utval Møtedato FORMANNSKAPET Arkivsak : Arkivkode: 12/97 130/031 - Sakshandsamar: Audun Hovland Handsamingar: Utval Møtedato Saksnummer FORMANNSKAPET PS 1/12 PROSESSAR OG STRUKTURAR FOR OMLEGGING AV DRIFTA I TYSNES KOMMUNE Vedlegg: 1. Strategi-/drøftngsnotat frå rådmannen HANDSAMING I FORMANNSKAPET : Med tilvising til vedlagde notat frå rådmannen hadde formannskapet i møte ei relativt inngåande drøfting av rikets tilstand. Ordføraren innleia med å visa til punkt 4 under II i kommunestyret sitt vedtak : Det vert føresett at det ved inngangen til 2012 vert sett i gang politiske prosessar for å finna omleggingar av drifta som gjev varige innsparingar i økonomiplanperioden. Innsparingane skal i den grad det er mogleg setjast i verk allereie for budsjettåret Ordføraren oppmoda formannskapsmedlemene om å koma fram med tankane sine kring det føreståande arbeidet/dei føreståande prosessane. Han såg gjerne at det ikkje vart for mykje rundt grauten snakk, men at det vert lagt opp til å gjera grep og ta ein del val gjennom gode samtalar. Han minna elles om at det overordna heile tida vil vera å få opp innbyggjartalet i kommunen, herunder elevtalet. Ordføraren gjekk vidare straks rimeleg konkret til verks ved å trekkja fram følgjande forhold: - Skular Lunde skule har så lågt elevtal at skulen bør terminerast frå 2012/ Barnehagen i Lunde bør i så tilfelle flytta inn i skulen sine lokale. - Ny attraktiv barnehage på Reiso skal erstatta Myklestad-, Vågsmarka- og Stjernereiso barnehagar. - Ved at barnehagebygget i Vågsmarka vert frigjort kan det nyttast/byggjast om til PU bustader for samlokailisering av PU i Vågsmarka. - PU bustadene i Uggdal vert ombygde til ordinære omsorgsbustader. - Hovland selja der.

3 3 - Vekst utleigbare einingar er framleis mangelvare det er trong for fleire leigeobjekt og for salsobjekt. Kanskje oppretta eit selskap som har ansvaret for samtlege kommunale bygningar, samt bygging m.v. av bustader for utleige m.m. - Byggja ein mindre sjukeheim og heller styrka dei heimebaserte tenestene? - Uro ordføraren uttrykte at han har ei viss uro i seg opp mot at det ikkje vert eigen barnehage i Tysnesbygda, som er den klart tettast befolka bygda i kommunen. Men han meinte kommunen vil spara mykje med å byggja ny barnehage på Reiso her er det blant anna tilrettelagt med fjernvarme o.a. Ein slik ny totalbarnehage vil gje økonomiske innsparingar i form av personalreduksjonar og ei meir rasjonell og effektiv drift. John Martin Dale sa seg langt på veg samd med ordføraren, med atterhald om at han var programforplikta til at noverande skular skal bestå. Arne Skutlaberg var også i det vesentlege samd med det ordføraren hadde trekt fram. Han var likevel ikkje sikker på om kommunen skal stå for bygging m.v. av bustader til private kommunen skal sjølvsagt leggja til rette for bygging, men Skutlaberg meinte at det var skulen på Reiso som bør nyttast til sentralbarnehage, dette vil vera ei veldig god løysing der blant anna inneklimaet alt er på plass. Han undrast elles på kva som er behovet i høve dimensjoneringa av ein ny sjukeheim og om me kan nytta ein del av noverande bygningsmasse. Aud Kaldefoss meinte det ville vera smidigast å leggja til rette for eit oppveksttun i Lunde. Ho ville ha ny barnehage på Reiso i nytt bygg. Ho lurte elles på om alt skulle seljast på Hovland. Arne Leite var samd med ordføraren. Han peikte vidare blant anna på at ein del kommunale kaiar truleg kunne seljast. Han presiserte dette med nytt barnehagebygg på Reiso, oppretthalding av Uggdal skule og tilrettelegging av nytt næringsareal. Tore Atle Humlevik sa nei til å byggja mindre sjukeheim, og han kommenterte dette med å leggja til rette for at fleire kunne bu lengre heima som reine 17. mai talen! Han sa og nei til ny barnehage på Reiso, etter hans vurdering burde barnehagen lagt i Tysnesbygda. Humlevik var vidare innom Lunde skule og det låge elevtalet, eit oppveksttun vil gje enno færre elevar han var klar på at barnehagen i Lunde bør flytta inn i skulebygget. Han peikte elles på det Høgre alt har framheva at me kanskje som eit første trin kan ha barnehage for fleire i Lunde. Arne Skutlaberg reflekterte kring at kommunen bør selja gamlebygget på Hovland, men at det kan vera trong for å behalda eldre- og omsorgsbustadene i nokre år. Han var vidare innom at nytt næringsareal kan vera basis for tilflytting og arbeid. Det er ifølgje han ikkje kulturbaserte investeringar som får folk til å flytta til ein kommune, jf Bø i Telemark. Han såg det elles slik at kommunen bør sitja att med to skular Tysnes og Onarheim. Ordføraren synest det ville vore flott med eit oppveksttun i Lunde, men det er neppe fagleg forsvarleg. Han såg det ikkje umogleg å nytta Lunde skule som barnehage for fleire i ein overgangsfase medan me byggjer på Reiso. På Hovland meinte han det er sjølve gamleheimen som skal seljast - ikkje den øvrige bygningsmassen. På Onarheim treng me skule i og med at me ønskjer Onarheim som eit vekstområde det er likevel ein realitet at elevtalet er lågt. Trude Lande stilte spørsmål ved kva kommunen hadde tenkt å gjera med skulen på Gjerstad - som forfell.

4 4 Landbruk og teknisk sjef svara at ei oppgradering av Tysnes skule vil liggja på mill kr. Dersom ein også skal utvida skulen, kan me straks nærma oss 30 mill kr. Oppvekstsjefen opplyste om at eit oppveksttun i Lunde ville få 13 elevar. Skulane i Lunde og på Onarheim vil, etter det me veit i dag, begge koma ut med 19 elevar frå skulestart til hausten. Rådmannen framheva at skulebruksplanen framleis ligg utan at kommunestyret har føreteke ei realitetshandsaming. Stjerne Reiso er ei mellombels barnehageløysing. Me bør rydda bort alle mellombelse løysingar og få fram klare og eintydige styringssignal. Arne Leite spurde kva rådmannen tykte om å bruka Uggdal skule til barnehage. Rådmannen ved oppvekstsjefen svara at det er svært mykje bra ved bygget som gjer det veleigna til barnehage. Ordføraren gjekk no inn i vedlagde strateginotat på side 18, og han nemnde blant anna OU prosjektet på rådhuset. Han var her inne på at den største utgifta til kommunen er dei tilsette i verksemda; og at me samla sett over tid må verta færre tilsette. Rådmannen gjekk på oppmoding inn i kva som skil dei to modellane, etats- og to-nivå modellen. Han var og innom at det i 2012/2013 vil verta ein del naturlege avganger på rådhuset. Formannskapet synest å vera positive til det som går fram på side 18 om tilsetjingsstopp i alle resultateiningar, og dei var vidare positive til at rådmannen ser nærare på to-nivåmodellen. Ordføraren drog drøftingane vidare til side 19 og interkommunal legevaktordning. Helse- og sosialsjefen gjekk ein del inn i både historikk og korleis me har det i dag. Formannskapet ønkte ikkje å gå inn i andre legevaktmodellar. Dei meinte me har ei god og trygg ordning. Punktet om endring i den kommunale fysioterapitenesta vart også drøfta. Under denne drøftinga bad ordføraren om høve til å lukka møtet med tilvising til fvl. 13 og offl. 13 i høve informasjon om ei sannsynleg føreståande, men enno ikkje kjent/avklart bedriftsetablering. Formannskapet vedtok samrøystes med tilvising til nemnde heimlar å lukka møtet for nokre minutt. Helse- og sosialsjefen gav ein del opplysningar om tilskotsordningane til fysioterapeutane. Det vart konkludert med at rådmannen bør sjå nærare på det som er nemnt i notatet om den kommunale fysioterapitenesta. Ordføraren viste til side 20 i notatet og sa at formannskapet slutta seg til det som er sagt om landbruk/teknisk der.

5 5 Økonomisjefen gjekk gjennom gjeldande finansreglement, og ulike forhold vart drøfta, som kor stor prosent av låneportefølgjen som bør vera på fastrente og kor stor prosent som bør vera på flytande rente, avdragstid på låna m.v., m.v. Formannskapet la inn følgjande formulering som grunnlag for framtidig regulering av finansreglementet: Rådmann og økonomisjef får fullmakt til å auka med inntil 10 % fastrentelåndelen i kommunen sin låneportefølgje. Utover det som alt er gjeve signal på i det ovanståande, trekte ordføraren til slutt opp følgjande retning/signal til rådmannen: - Rådmannen skal straks initiera ein prosess som har til hensikt å avslutta drifta ved Lunde skule frå 2012/ Lokalisering av ny barnehage på Reiso. - Flytting av Pu frå Uggdal til Våge. - Sal av gamleheimen på Hovland. - Omorganisering av rådhuset i samsvar med rådmannen sine angivelser. - Tilsetjingsstopp i heile verksemda. Formannskapet var i det vesentlege samde med ordføraren, likevel med visse modifikasjonar, slik det går fram av det som alt er referert. Tore Atle Humlevik kommenterte til slutt at han tykte ordføraren kanskje trekte konklusjonane litt langt han hadde blant anna visse problem med barnehage på Reiso og han var usikker på flytting av PU den eine eller den andre vegen. Formannskapet vil seinare koma attende til meir presise og endelege føringar/vedtak kring dei ulike utfordringane.

6 6 MØTEBOK Tysnes kommune Utval Møtedato FORMANNSKAPET Arkivsak : Arkivkode: 12/ Sakshandsamar: Audun Hovland Handsamingar: Utval Møtedato Saksnummer FORMANNSKAPET PS 2/12 KOLLEKTIVTRANSPORT I DISTRIKTA SAKSUTGREIING: Tilskotsordninga for kollektivtransport i distrikta den såkalla KID ordninga starta opp i Føremålet med denne ordninga er å prøva ut ulike løysingar for å leggja til rette eit kostnadseffektivt, fleksibelt og godt kollektivtilbod i distrikta, samt erfaringsutveksling mellom fylkeskommunane. Hordaland fylkeskommunae har vore med i ordninga frå KID midlar vert tildelte for eitt år om gongen, og dei ulike prosjekta kan maksimalt få tilskot i 3 år. Tysnes kommune kom etter søknad frå formannskapet med i ordninga frå hausten I 2010 fekk Hordaland fylkeskommune tildelt midlar til å driva tingingsruter i Eidfjord, Sund og Tysnes. I Eidfjord og Sund har målgruppa vore eldre og andre personar som har problem med å nytta offentleg transport altså eit dør-til-dør tilbod. I Tysnes har ruta vore eit dagleg tilbod til personar som treng korrespondanse til snøggbåten mellom Rosendal Malkenes og Bergen. Målsetjinga med ordninga her i kommunen har vore å gjera denne hurtigbåtruta mest mogleg tilgjengeleg for dei som bur på strekningen Malkenes Våge. Tysnes kommune kom med i ordninga frå ca oktober Då me for rundt eitt år sidan vart inviterte til å koma med innspel for 2011, gav formannskapet i sak 130/10 slik uttale: Formannskapet vil søkja om KID midlar for å betra kollektivtransporten i slik prioritert rekkjefølgje: 1. Vidareføring av tingingsordninga med drosje/minibuss på strekninga Våge Malkenes. 2. Drosje-/bussopplegg til/frå Reksteren. 3. Fleire direkte bussruter på strekningen Tysnes Bergen. Fylkeskommunen ved samferdselsavdelinga gav i mai i fjor tilbakemelding om at tingingsruta med å prøva ut drosje/minibuss på strekningen Våge Malkenes ville verta vidareført i 2011.

7 7 Samferdselsavdelinga i fylkeskommunen har ved ekspedisjon 21. desember 2011 bede om innspel til aktuelle prosjekt innan 20. d.m. For Tysnes kommune er det vel lite realistisk å kunna oppnå tilskot til fleire prosjekt. Frå rådmannen si side vert det følgjeleg lagt opp til ei vidareføring av tingingsruta Våge Malkenes i Hillesvik Transport opplyste på førespurnad 11. d.m. at ruta er nytta i noko variabel grad. Det vart mellom anna nemnt at ruta med fordel kunne vore utvida til strekninga Uggdal Malkenes. INNSTILLING FRÅ RÅDMANNEN: Tysnes formannskap søkjer om KID midlar for 2012 for vidareføring av tingingsordninga med drosje/minibuss på strekninga Våge Malkenes. VEDTAK I FORMANNSKAPET : I samsvar med innstilling.