Vik kommune Planprogram Kommunedelplan helse og omsorg Tematisk kommunedelplan for helse og omsorg 2015 2019 Planprogrammet tek føre seg mandat, framdriftsplan, føringar, målsetjingar, tema, organisering og medverknad i planprosessen. 1
Innhald 1. Bakgrunn for planarbeidet... 3 1.1. Innleiing og føremål... 3 1.2. Mandat... 3 2. Føringar og føresetnader for planarbeidet... 3 2.1. Overordna føringar for planarbeidet... 4 2.1.1. Lover.... 4 2.1.2. Forskrifter m.m.... 4 2.1.3. Overordna planar / sentrale dokument... 4 2.2. Lokale føringar:... 5 2.2.1Kommuneplan for Vik kommune 2013 2024, Samfunnsdelen og handlingsplan for... 5 2.2.2. Økonomiplan 2014 2017... 5 2.2.3. Kunnskap og erfaring frå dei ulike fagmiljø, frivillig sektor og innbyggarane i kommunen. 5 3. Målsetjingar og tema i planen... 5 3.1 Målsetjingar... 5 3.1.1. Hovudmål:... 5 3.1.2. Delmål:... 5 3.2 Tema... 6 3.2.1 Tenester som blir omfatta av planen:... 6 3.2.2. Særskilde fokusområde:folkehelse... 6 4. Organisering og framdrift... 7 4.1. Organisering... 7 4.2. Medverknad... 7 4.3. Framdrift... 7 2
1. Bakgrunn for planarbeidet 1.1. Innleiing og føremål Vik kommunestyre vedtok 18.12.2012 Vik kommune sin kommuneplan, samfunnsdelen for 2013-24. I kapittel 6.1 er tenesteområde helse og omsorg omtala. Det er peika på at eit av verkemidla for å nå måla for sektoren er å utarbeida ein Helse og omsorgsplan. I handlingsplanen for 2013 2016 er utarbeiding av slik plan eit prioritert tiltak. Sak om oppnemning av politisk styringsgruppe for planarbeidet vart vedteke i kommunestyret 19.12.2013. Planprogrammet syner planen sitt føremål, hovudinnhald og verknad, i tillegg til planen sitt tilhøve til rammer og retningsliner som gjeld for området. Helse og omsorgsplan er ein kommunedelplan som skal følgja retningslinene i vedteken kommuneplan og prosessreglane i plan og bygningslova. Den skal vidare vera overordna eventuelle temaplanar/fagplanar i sektoren. Vik kommune har utarbeida ulike fagplanar / temaplanar innan helse/omsorg/nav. Det kan nemnast psykiatriplan, plan for psykososialt kriseteam, helse- og sosialplan, ruspolitisk handlingsplan, smittevernplan, plan for krisemessig beredskap. Nokre av desse er aktive og oppdatert, andre er ikkje rullert. Der det er tenleg, vil ein no søkja å samordna og kople temaplanar inn i denne kommunedelplanen. Å samarbeida på tvers av fagavdelingar og einingar vil kunna bidra til å utvikle saumlause tenester på ulike nivå. Samhandlingsreforma peikar spesielt på at det er eit føremål at pasientane skal oppleve god kommunikasjon og samarbeid mellom tenesteytarar, også mellom nivå i kommunen og i regionen. Samarbeidsavtalar som Vik kommune har med andre kommunar og med helseforetak vert difor også med på å setja føringar for denne planen. I kommuneplanen sin samfunnsdel er det også peika på at bygningar og utstyr for helse og omsorgstenester skal vera tilpassa føremålet. Mykje av eksisterande kommunal bygningsmasse, treng rehabilitering eller fornying. Dette gjeld både institusjon og kommunale bustader. Ved utarbeiding av ny helse- og omsorgsplan vil også dette området få fokus. I lys av nasjonale og regionale føringer og framskriving av helsprofilar og demografi, er det grunn til å planlegga for ei omstilling der meir av ressursinnsatsen i helse og omsorgstenesta vert dreia frå reparasjon og behandling til meir vekt på førebyggande arbeid og tidleg innsats. Ein samfunnsutvikling som styrkjer innbyggarane og lokalsamfunnet sitt høve til å ta ansvar for eiga helse, trivsel og meistring, har på kort og lang sikt stor verknad for folk si helse. Førebygging og tidlig innsats når sjukdom og skade oppstår, er i dag eit viktig prinsipp for all tjenesteutvikling, uavhengig av alder eller målgruppe. Gjennom ein aktiv folkehelsepolitikk og ein trygg og moderne helse og omsorgsteneste, kan ein legge grunnlaget for ein friskare befolkning. 1.2. Mandat Utarbeide tematisk kommunedelplan for helse og omsorg for Vik kommune 2015-2019. 2. Føringar og føresetnader for planarbeidet Både lover, forskrifter og rettleiingar frå nasjonalt hald har føringar på innhaldet i ein slik plan. I dette kapittelet vert det lista opp nokre av dei føringane som er mest aktuelle for helse og omsorgssektoren. Vik kommune sin kommuneplan er også førande dokument. Dette fortel noko om kompleksiteten i helse og omsorgs-forvaltninga i kommunen. 3
2.1. Overordna føringar for planarbeidet I juni 2009 la regjeringa fram St.meld nr. 47 ( 2008 2009); samhandlingsreforma rett behandling på rett stad - til rett tid. Regjeringa fremja fem hovudgrep for å møta dagens og framtida sine utfordringar: 1. klarare pasientrolle 2. Ny kommunerolle 3. Etablering av økonomiske insentiv 4. Spesialisthelsetenesta skal utviklast slik at den i større grad kan bruke si spesialiserte kompetanse 5. Legge til rette for tydelige prioriteringar. I tillegg er det sentralt å styrkje ei meir aktiv brukarrolle, auke fokus på førebygging og tidleg innsats og å arbeide mot heilskaplege og samanhengande helse og omsorgstenester. Stortingsmeldinga vart følgt opp av to nye lover som vart gjort gjeldane frå 01.01.2012; Lov om komunale helse og omsorgstenester og Lov om folkehelsearbeid. Samhandlingsreforma har medført endra oppgåve fordeling mellom kommune og sjukehus. Det krev omstilling i alle avdelingar og på alle nivå for å møte dei nye krava. 2.1.1. Lover. - Lov om planlegging og byggesaksbehandling - Lov om kommunale helse og omsorgstenester - Lov om folkehelsearbeid - Lov om pasient og brukarrettigheter - Lov om helsepersonell - Lov om etablering og gjennomføring av psykisk helsevern - Forvaltningslova - Lov om helsemessig og sosial beredskap - Lov om sosiale tenester i NAV - Lov om helsemessig beredskap - Lov om smittevern - Arbeidsmiljølova 2.1.2. Forskrifter m.m. - Forskrift om habilitering og rehabilitering, individuell plan og koordrinator - Forskrift om verdig eldreomsorg - Forskrift om fastlegeordningen i kommunane - Forskrift om sjukeheim og buform med heildøgns pleie og omsorg - Forskrift om pasientjournal - Forskrift om internkontroll i sosial og helse- tenesta - Forskrift om kvalitet i pleie og omsorgstenesta - Forskrift om legemiddelhandtering 2.1.3. Overordna planar / sentrale dokument - Kommuneplan for Vik kommune - samfunnsdelen - Økonomiplan for perioden 2014-2017. Planen vert rullert kvart år. - St.meld 47 ( 2008 2009) Samhandlingsreforma 4
- St.meld 29 ( 2012 2013) Morgondagens omsorg - St. meld nr 16 ( 2011 2015) Nasjonal helse og omsorgsplan - St.meld 25 ( 2005 2006) Mestring, mulighet og meining o Omsorgsplan 2015 o Demensplan 2015 «den gode dagen» 2.2. Lokale føringar: 2.2.1Kommuneplan for Vik kommune 2013 2024, Samfunnsdelen og handlingsplan for 2013 2016. Denne peikar på at det å laga ein temaplan for helse og omsorg vil vera eit viktig styringsverktøy for åra som kjem. Planen omhandlar status og utfordringar som kommunen har og er ei rettesnor og grunnlag for dette planarbeidet. 2.2.2. Økonomiplan 2014 2017 Legg rammer for kva som kan planleggast for i perioden 2.2.3. Kunnskap og erfaring frå dei ulike fagmiljø, frivillig sektor og innbyggarane i kommunen. Det er samla mykje erfaringskunnskap i alle avdelingar der ein yter tenester. Denne må nyttast systematisk slik at ein får fram godt grunnlag for å planlegge for framtida. Erfaring kopla opp mot overordna planar og fokus på innovasjon i teneste- planlegginga vil gje eit breidt kunnskapsnivå å ta avgjerder på. Med frivillig sektor meiner ein her brukar- organisasjonar, ideelle organisasjonar, pårørande. I desse gruppene er det mykje kunnskap og erfaring. I tillegg finn ein engasjement for lokalsamfunnet, mange aktørar har eigeninteresse av å delta i utvikling av tenestene. Innbyggarane får, gjennom planprosessen, høve til å påverke og delta i planarbeidet. 3. Målsetjingar og tema i planen 3.1 Målsetjingar Gjennom planarbeidet skal ein søkja å nå dei mål for sektoren som er vedteken i den overordna kommuneplanen: 3.1.1. Hovudmål: Vik kommune sine tenester innan helse og omsorg skal fremja trygleik, helse og trivsel, og gje behandling, hjelp og støtte tilpassa individuelle behov. Alle som ynskjer det skal ha høve til å bu heime så lenge som ein kan gje eit forsvarleg tilbod der (samfunnsdelen av vedteken kommuneplan). 3.1.2. Delmål: Tilbod om pleie og omsorg skal gjevast i eigen heim så lenge som mogeleg Tilbod om rehabilitering etter skade eller lyte skal gjevast så nær eigen heim som mogeleg. Bygge opp tenester til personar som treng dette i staden for eller etter sjukehusinnlegging Bygningar skal tilpassast nye behov, særskilt gjeld dette VBS Bustadtilbod til menneske med nedsatt funksjonsevne skal betrast / fornyast Tilbodet til menneske med demens skal styrkjast Utvikle gjensidig samarbeid med spesialisthelsetenesta 5
Stimulere til samhandling med andre kommunar om tenester Søke å vera del av ei interkommunal legevakt Gjennom ulike tiltak satse på førebygging av skade / sjukdom Folkehelseperspektivet skal stå sentralt i all planlegging Søkje samarbeid med frivillig sektor For å sikre tilstrekkeleg kompetent personell skal ein ha fokus på kompetanseheving, nyrekruttering og å beholde kvalifisert arbeidskraft. Arbeide for eit godt og inkluderande arbeidsmiljø.. 3.2 Tema Kommunedelplanen skal vera eit heilskapleg, overordna styringsdokument som har som formål å klargjera og konkretisera de utfordringar kommunen står overfor, og gi retning for vidareutvikling av helse og omsorgsfeltet. På bakgrunn av nasjonale føringar, mål og strategiar i kommuneplan 2013-2024, samt dei utfordringar Vik står overfor, så kan det synast å vera trong for ei omstilling. Kan ein dreia meir av ressursinnsatsen i helse og omsorgstenesta frå reparasjon og behandling til meir vekt på forebyggande arbeid og tidleg innsats? 3.2.1 Tenester som blir omfatta av planen: Pleie- og omsorgstenester for eldre 67 år + Pleie- og omsorgstenester for mennesker under 67 år Helsestasjons- og skulehelseteneste og jordmorteneste Forebyggande arbeid Miljøretta helsevern Diagnose, behandling, legetenester Akuttmedisin, legevakt, akuttplassar i institusjon Rehabilitering, fysioterapi. Psykiske helsetenester/rustenester, fengselshelsetenester Administrasjon, sakshandsaming Servicetenester, kjøkken, vaskeri 3.2.2. Særskilde fokusområde:folkehelse Folkehelse Helsefremjande/ forebyggande arbeid, frisklivssentral Partnerskap med familie og lokalsamfunn Interkommunal legevakt Demensomsorg dag og døgntilbod Rus og psykiatri Akuttsenger, intermediærsenger Dimensjonering institusjon heimetenester Velferdsteknologi Aktivitet / dagtilbod Personell, rekruttering, kompetanse Butilbod/ bygningsmasse Organisering/ kontor/ møteplassar Teknologi Innovasjon i omsorg 6
Ved å utarbeide ein heilskapeleg helse og omsorgsplan kan dei ulike tenestene bli sett i ein større samanheng. I samsvar med samhandlingsreforma sin intensjon er siktemålet å få til ei betre samhandling innad i kommunen, mellom kommunar og mellom kommunen og spesialisthelsetenesta. 4. Organisering og framdrift 4.1. Organisering Planarbeidet vert organisert med kommunestyret som prosjekteigar (PE) og politisk styringsgruppe valt av Formannskapet (SG). Rådmann står som prosjektansvarleg (PA). Omsorgsjefen er peika ut av rådmannen som prosjektleiar (PL). Rådmannen set ned ei administrativ prosjektgruppe som vil verta leia av prosjektleiaren. Prosjektgruppa vil ha hovudansvaret for framdrifta i planprosessen. Denne vil ha høve til å knyte til seg ekstern prosesshjelp. Dei tilsette skal sikrast medverknad i prosessen i samsvar med reglane i Hovudavtalen. I tillegg til fag / prosjektgruppa, kan det vera aktuelt å bruka referansegrupper for å sikre brei medverknad i prosessen. 4.2. Medverknad For at planen skal vera forankra i heile organisasjonen skal alle partar ha høve til å bli høyrde. Det vil vera naturleg å engasjere fagforbund, tilsette, brukarorganisasjonar, eldreråd og råd for funksjonshema og samarbeidspartar i prosessen og sikre at alle desse vert høyrde. Planprogrammet vert sendt på høyring samstundes med varsling om start av planarbeidet. 4.3. Framdrift Planarbeidet vil verta styrt av planprosessane i plan og bygningslova. Oppstart og framlegg til planrogram, jfr pl.bl. 4.1, vert kunngjort i lokalavisa og på kommunen si heimeside med oppmoding om å koma med innspel. Utkast til planprogram vil verta lagt ut til offentleg ettersyn i 6 veker. Arbeidet med sjølve kommunedelplanen vil starta etter at planprogrammet er vedteke Ferdig framlegg til kommunedelplan skal så leggast ut til offentleg ettersyn i 6 veker. Målsetjinga er at det skal vera politisk slutthandsaming av kommunedelplanen i november / desember 2014. 7