Gloppen kommune. Møtebok. Utval Kommunestyret Møtestad Kommunestyresalen Dato Tid Kl. 09:00-12:50

Gloppen kommune Utval Kommunestyret Møtestad Kommunestyresalen Dato 03.04.2019 Tid Kl. 09:00-12:50 Møtebok Følgjande medlemar møtte Leidulf Gloppestad Kent Øystein Hjelle Bernt Reed Olaf Sigurd Gundersen Jostein Arne Røyrvik Vidar Sandal Marit Straume Svein-Ottar Sandal Arnfinn Jørgen Brekke Venke Kollbotn Frode Fagerli Arnar Hans Kvernevik Liv Petra Holme Gunnvor Sunde Edgar Roald Kvernevik Anniken Rygg Mariel Eikeset Koren Frå SP SP SP SP SP SP SP KRF KRF KRF KRF AP AP SD SD H MDG Forfall/møtte ikkje Frå Følgjande varamedlem møtte Frå Magni Aa Berge SP Aud Kari Solheim SP Jeffrey Elliott Thomas SP Bjarne Bø SP Per Rune Vereide SP Else Lundestad Bakkelid SP Solveig Lien Gusdal SP Lillian Mary Støyva SP Leidulf Rygg Bogstad KRF Asbjørn Magne Gjengedal KRF Per Ståle Husevåg KRF Robert Nyemah KRF Audun Mundal UAH Jan Asle Rustøen H Dagfinn Nyhammer H Bjarte Gangeskar V Bjarte Heggheim UAH Hege Lothe SV Katrine Anita Heggelund SV Andre som møtte Bjørn Aurlien, avdelingsingeniør i sakene 19 og 20/19 Geir Liavåg Strand, organisasjonssjef Jan Kåre Fure, rådmann Kjell Petter Solhaug, teknisk sjef i sak 12/19 Runar Kleppe, brann- og beredskapssjef i sak 12/19

Andre: Leiar i ungdomsrådet Kristine Strøm og nestleiar i rådet Julia Jordanger Loen i sak 12/19 Politioverbetent Nils Over Roset i sak 12/19 Møteleiar: Leidulf Gloppestad Underskrift: Leidulf Gloppestad Svein-Ottar Sandal Edgar Kvernevik Sakliste Sak nr. Sakstittel 011/19 Godkjenning av møtebok, innkalling og sakliste 012/19 Referat og orienteringssaker 013/19 Bygging av nytt omsorgsbygg - ny behandling 014/19 Auka budsjettramme for modulbygg Sandane skule 015/19 Godkjenning av utsett avdragsbetaling for lån med kommunal garanti - Breimsbygda skisenter AS 016/19 Oppfølging av kommunestyret sitt vedtak om innskjerpa rutinar for økonomistyring 017/19 Frå kontrollutvalet: Felles selskapskontroll - Nordfjord Havn IKS - rapport 018/19 Melding om brannvern 2018 019/19 Detaljreguleringsplan for Dammen bustadfelt - sluttbehandling 020/19 Detaljreguleringsplan for området rundt Gloppen hotell - sluttbehandling 021/19 Eigarskapsmelding Gloppen kommune 2018 022/19 Ny organisering av kommunerevisjonen 023/19 Spørsmål til ordføraren til kommunestyremøtet den 3. april 2019 Side 2

Gloppen kommune Arkiv: FE-033 JournalpostID: 19/3761 Saksbehandlar: Anvor Hauge Saksnr. Utval Møtedato 011/19 Kommunestyret 03.04.2019 Godkjenning av møtebok, innkalling og sakliste Vedlegg i saka: 27.02.2019 Protokoll - Kommunestyret - 27.02.2019 Ordføraren si tilråding: 1. Kommunestyret godkjenner møteboka frå sitt møte den 27. februar 2019 2. Kommunestyret godkjenner innkallinga og saklista til møtet den 3. april 2019. Møteboka frå siste møtet blir lagt fram til godkjenning. Samstundes ber ordføraren om godkjenning av innkallinga og saklista til dette møtet. Kommunestyret 03.04.2019 Behandling Til å skrive under møteboka vart valde Svein-Ottar Sandal og Edgar Kvernevik. KOM- 011/19 Vedtak 1. Kommunestyret godkjenner møteboka frå sitt møte den 27. februar 2019 2. Kommunestyret godkjenner innkallinga og saklista til møtet den 3. april 2019. Vedtaket var samrøystes. Side 3

Gloppen kommune Arkiv: FE-033 JournalpostID: 19/4790 Saksbehandlar: Jan Kåre Fure Saksnr. Utval Møtedato 012/19 Kommunestyret 03.04.2019 Referat og orienteringssaker Rådmannen legg ikkje fram tilråding i saka. Referatsaker Tittel Godkjenning av budsjett 2019 og økonomiplan 2019-2022 Avsendar/mottakar Fylkesmannen i Vestland Orienteringssaker: Presentasjon og omtale av ungdomsrådet. Kommunestyret 03.04.2019 Behandling Om Gloppen ungdomsråd Leiar Kristine Strøm og nestleiar Julia Jordanger Loen orienterte om ungdomsrådet og deira arbeid. Om beredskapsarbeidet i Gloppen Politioverbetent Nils Ove Roset og brann- og beredskapssjef Runar Kleppe orienterte. Orienteringa må også sjåast i samanheng med sak 18/19 på møtet. KOM- 012/19 Vedtak Det vart ikkje gjort vedtak i saka. Side 4

Gloppen kommune Arkiv: FA-H31 JournalpostID: 19/3660 Saksbehandlar: Jan Kåre Fure Saksnr. Utval Møtedato 009/19 Helse- og omsorgsutvalet 21.03.2019 022/19 Formannskapet 21.03.2019 013/19 Kommunestyret 03.04.2019 Bygging av nytt omsorgsbygg - ny behandling Kort samandrag av saka I denne saka går rådmannen gjennom planane om bygging av nytt omsorgsbygg, og prøver å svare på dei spørsmåla som vart stilte av kommunestyret i utsettingsvedtaket på møtet den 27. februar i år. Rådmannen konkluderer med at prosjektet blir gjennomført, med ei stegvis utviding i talet på nye omsorgsplassar. Minimumskostnaden for å ta i bruk bygget vil vere i underkant av 5 mill. første driftsår. Rådmannen sitt framlegg vil koste om lag 6,8 mill. første driftsår. I dette ligg inne fire nye omsorgsplassar i høve til dagens drift. Rådmannen si tilråding 1. Kommunestyret viser til rådmannen si saksutgreiing og godkjenner oppstart av bygging av nytt omsorgsbygg med 20 plassar i tilknytning til Gloppen omsorgssenter 2. Kostnadsoverslaget er 105 millionar inkludert moms, og prosjektet er finansiert slik: - momskompensasjon, 20,9 mill - tilskot frå Husbanken, 29,8 mill - lån, 54,3 mill. 3. Rådmannen får fullmakt til å ta opp lånet, med ei låneramme som også inkluderer forskottering av tilskotet frå Husbanken i byggeperioden 4. Kommunestyret legg til grunn for oppstart av prosjektet at Husbanken gjev fullt tilskot til 20 plassar 5. Kommunestyret ber om at helse- og omsorgsutvalet og formannskapet blir haldne orienterte om gjennomføringa av byggeprosjektet. Saksutgreiing Bakgrunn for saka Til kommunestyremøtet den 27. februar i år låg denne innstillinga føre frå formannskapet i saka om bygging av nytt omsorgsbygg: 1. Kommunestyret viser til rådmannen si saksutgreiing og godkjenner oppstart av bygging av nytt omsorgsbygg med 20 plassar i tilknytning til Gloppen omsorgssenter 2. Kostnadsoverslaget er 105 millionar inkludert moms, og prosjektet er finansiert slik: - momskompensasjon, 20,9 mill - tilskot frå Husbanken, 29,8 mill - lån, 54,3 mill. 3. Rådmannen får fullmakt til å ta opp lånet, med ei låneramme som også inkluderer forskottering av tilskotet frå Husbanken i byggeperioden 4. Kommunestyret legg til grunn for oppstart av prosjektet at Husbanken gjev fullt tilskot til 20 plassar Side 5

5. Kommunestyret ber om at helse- og omsorgsutvalet og formannskapet blir haldne orienterte om gjennomføringa av byggeprosjektet. Dette vedtaket vart fatta (med 16 røyster) i sak 9/19: Med bakgrunn i den økonomiske situasjonen etter rekneskapen for 2018 vert saka utsett med endeleg handsaming seinast på juni-møtet i 2019. Fram til neste handsaming ber kommunestyret om at følgjande vert vurdert: - framtidig innsparingspotensiale for å finansiere driftskostnadene - rombehovet/arealbehovet - to eller fleire byggesteg - generalplan for heile omsorgsbyggkomplekset - evt. andre vurderingar. Saka som no blir lagt fram, tar føre seg dei punkta som kommunestyret ber om svar på. Fakta i saka Hovudspørsmålet i saka er bygging eller ikkje bygging av nytt omsorgsbygg. Skal vi bygge, blir så spørsmålet: kva skal vi bygge og korleis? Bygge eller ikkje bygge? Planarbeidet med bygget har gått føre seg i heile denne kommunestyreperioden, og bygginga er m.a. godt forankra i kommunedelplanen for helse og omsorg fram til 2030, der det står (i pkt 3.3 på side 18): «Dei siste åra har vi i periodar opplevd mangel på bustader med heildøgns bemanning. På bakgrunn av dette og med fokus på framtidig behov er ein no i gang med å planlegge 20 nye samlokaliserte bustader med heildøgnsbemanning, i nytt omsorgsbygg i tilknyting til Gloppen omsorgssenter som kan vere innflytningsklare i løpet av 2021.» Rådmannen legg til grunn at det ikkje er spørsmålet om det er behovet for plassane som er bakgrunnen for kommunestyret sitt utsettingsvedtak. Spørsmålet er: Har vi råd til det? Rådmannen oppsummerer likevel behovsspørmålet slik: Framskriving av folketal og alderssamasetting Den demografiske utviklinga viser at vi treng fleire heildøgnsbemanna bustadar. Behovet er der allereie i dag. Vi har også behov for betre eigna lokalitetar for nokre pasientgrupper. Tabellen under viser framskriven folketalsutvikling. I 2020 er det 365 i aldersgruppa 80 år og eldre, i 2025 er det 400 og i 2030 er det 500 i aldersgruppa 80 år og eldre. Dette seier oss at behovet for heildøgnsbemanna omsorgsbustader vil auke kraftig i åra som kjem. Tal personar med diagnosen demens vil også auke proposjonelt. 2019 2020 2025 2030 2035 2040 Endring 0 år 60 61 61 61 60 61 1 1-5 år 319 335 340 340 336 335 16 6-12 år 527 511 510 527 527 522-5 13-15 år 266 260 227 233 240 238-28 16-19 år 320 329 324 303 316 324 4 20-44 år 1.550 1.531 1.561 1.586 1.592 1.604 54 45-66 år 1.641 1.633 1.577 1.517 1.513 1.500-141 67-79 år 779 809 874 885 834 850 71 80-89 år 259 266 311 410 485 490 231 Side 6

90 år + 108 99 89 90 114 159 51 SUM 5.829 5.834 5.874 5.952 6.017 6.083 254 Tabell frå vedteke økonomiplan kjelde er SSB si framskriving av folketalet. Betre tilpassa lokale Det er eit stort behov for betre eigna lokalitetar for nokre pasientgrupper. Dagens bygg frå 1974 er ikkje eigna til å gje gode tenester til personar med utfordrande åtferd og kognitiv svikt (manglande evne til å tileigne seg og bruke kunnskap). Bygningsmessig er det ikkje tilrettelagt for å kunne dele opp i mindre grupper og legge til rette for at pasientane kan vandre rundt utan å bli møtte av ei stengd dør. Konsekvensane av eit dårleg tilrettelagt bygg er mange: Auka uro og utagering blant pasientane som gjer det utrygt både for medpasientar og tilsette Manglande ivaretaking av den enkelte sin integritet sidan det er vanskeleg med skjerming, pluss at dei må dele bad og toalett Dårleg matlyst, trivsel og søvn på grunn av uro i avdelinga Behov for ekstra bemanning for å møte uro og utagering Pårørande og andre som kjem inn i avdelinga kan kome rett inn i vanskelege situasjonar. Det nye omsorgsbygget er utforma på ein slik måte at desse utfordringane kan handerast og førebyggast: Større pasientrom med eigne bad der den enkelte sin integritet kan ivaretakast Høve til å dele pasientane inn i mindre grupper vil gjere det lettare å jobbe miljøteraputisk og fagleg godt. Vi kan ha tilpassa aktivitetar som vil kunne dempe og forebygge uro Vandregang som gjev pasientane høve til å gå omkring utan å møte stengde dører, i tillegg til vindauge og gode lysforhold. Dette kan førebygge uro og utagering Tryggare bu- og arbeidsmiljø både for pasientar og tilsette. I tillegg er det grunn til å rekne med at eit nytt og moderne bygg vil bidra positivt til rekruttering og vere eit viktig signal til tilsette, brukarar og pårørande om at kommunen førebur seg for å møte auka behov som følgje av fleire eldre. Konsekvensane av å ikkje bygge Det er sjølvsagt eit alternativ å ikkje bygge eller ikkje bygge no. Kva er konsekvensen av dette? For pasientane: Nokre pasientar må bu i avdelingar som er lite eigna. Dette kan medføre uro og eit fagleg uforsvarleg tenestetilbod Fleire pasientar med omfattande hjelpebehov som må bu heime trass i rett til høgre omsorgsnivå. Dette vil utfordre oss i å kunne gje fagleg forsvarlege tenester og presset på heimetenestene vil auke ytterlegare Vi vil få utfordring med å gje avlastning til pårørande som gjer ein stor innsats for å ivareta sine nære. Dette kan føre til at dei søkjer om høgre omsorgsnivå tidlegare grunna slitasje. For tilsette: Tilsette vil måtte fortsette å arbeide i lokale som ikkje er tilpassa pasientane sitt behov. Dette gjev uheldig arbeidsbelastning og kan i neste omgang føre til sjukefråvær. Bygningsmassen: Den gamle delen av bygget frå 1974 har dårlege romløysingar og små bad som to og to pasientar deler. Dette er lite eigna for nokre pasientar Fellesfunksjonar (kontor, lager, møterom og toalett) i den gamle trebygningen som er planlagt rive, er gamle og ikkje godkjende for drift (bygget er tømt og klargjort for riving) Bomberommet er i dag i bruk som garderobe. Desse må rehabiliterast om det ikkje blir bygd nytt. Både Mattilsynet og Arbeidstilsynet har kome med merknader om at Side 7

garderobane ikkje tilfredstiller dagens krav. Kjøkkenet fekk ny garderobe etter pålegg frå Mattilsynet Mangel på lagerplass til utstyr frå hjelpemiddelsentralen. I dag står hjelpemiddel i korridoren og vanskeleggjer drift og system for ivaretaking av desse midlane Vi vil mangle møterom, lager og kontor. Kva seier endreprenøren? Totalentreprenøren (Åsen & Øvrelid) aksepterer å utvide vedståingsfristen for sitt tilbod til 1. juli 2019, og vi unngår derfor at konkurransen må lysast ut på nytt. Dei har varsla krav om endring av kontraktsum som følgje av forseinka oppstart av prosjektet. Dette gjeld førebels prisstigning som omtala tidlegare i saka med om lag kr 80.000 per månad til kontrakta er signert. Totalentreprenøren utrykkjer som venta stor misnøye med at prosjektet blir utsett. Byggeaktivitetar som opphaveleg var planlagt fram mot hausten 2019, vil kome inn i vinterhalvåret med dei utfordringane dette kan medføre. Planlegging mot underentreprenørar og kontrahering av ressursar er utfordrande når tidspunktet for oppstart endrar seg. Konklusjon Bygging av nytt omsorgsbygg vil løyse mange av dei problemstillingane vi i dag har i pleie og omsorg. Kor gode løysingane blir, og kor fort dei kjem, er i all hovudsak eit økonomisk spørsmål. Ein del kostnader som er inkludert i eit nytt bygg, må kommunen ta uansett, som t.d. riving av gamlebygget. Vi vil ikkje løyse problemet med betaling for utskrivingsklare pasientar utan fleire plassar. På litt sikt, er det ikkje noko alternativ å ikkje bygge eit tilsvarande bygg som vi no diskuterer. Det vil vere veldig uheldig for kommuen sitt omdømme som byggherre viss prosjektet blir skrinlagt. To eller fleire byggesteg Rådmannen legg til grunn at bakgrunnen for dette punktet er at det blir svært utfordrande økonomisk å gjennomføre med ein gong den utvidinga av kapasiteten som eit bygg med 20 plassar opnar for. Kan løysinga då vere å ikkje bygge større enn det vi har råd til å drifte i første omgang? Vi har spurt totalentreprenøren om ei løysing med to byggetrinn. Dette handlar om bygging av underetasje og første etasje, der det blir lagt til rette for at andre etasje kan byggast ved eit seinare høve. Den opphavlege konstruksjonen er uendra frå underetasjen til og med dekke over første etasje, som vidare blir isolert og tekka som flatt tak. Teknisk infrastruktur og dimensjonering blir då som planlagt opp til og med første etasje. Kostnadsreduksjonen ved ei slik bygging er utrekna av entreprenør til kr 11.000.000 inkl. mva. Oppdraget med bygging av ein etasje seinare må realiserast som eige prosjekt med ny anbodskonkurranse. Riggområdet vil då vere betydeleg redusert i tillegg til at prosjektet medfører større ulemper mot drift av omsorgssenteret. Kostnader med bygging av ein ny etasje i framtida er uvist, men å dele prosjektet i to byggetrinn vil totalt sett bli dyrare. Husbanken stiller seg positive til utbetaling av tilskot for omsorgsplassar om berre første etasje blir realisert. Dei kan likevel ikkje garantere at omsorgsplassane i andre etasje vil få tilskot i framtida viss desse blir bygde ved eit seinare høve. Husbanken presiserer at det er ein risiko for at retningslinjer og reglar for utbetaling av tilskot kan endre seg i åra framover. Konklusjon Det er råd å dele prosjektet opp i to etappar. Dette gjev på kort sikt ei innsparing i byggekostanden på 11 mill. inkl. moms. Dette er mindre enn inntektsbortfallet på 10 plassar, som vil vere 14,9 mill med dagens tilskotsatsar. Å dele opp prosjektet er derfor ikkje aktuelt. Side 8

Kan vi få plass til fleire plassar? Vi har sett på ei alternativ løysing der møterom og overnattingsrom for pårørande blir flytta over til eksisterande bygning, og at dette arealet blir nytta til to nye bebuarrom i kvar etasje. Fleire bebuarrom kan gje grunnlag for meir tilskot frå Husbanken, utan vesentlege meirkostnader for prosjektet. Tilbakemeldinga frå Husbanken er at dei ikkje vil støtte ei slik planendring. Den allereie godkjende løysinga er eit kompromiss mellom talet på bueiningar i kvar gruppe og inndelinga av dei. Husbanken ønskjer ikkje fleire bueiningar i ei gruppe utan at gruppene blir fullstendig separerte med eigne kjøken, spisestover og tilkomstar. Konklusjon Det er teknisk råd å få til fleire plassar, men vi får ikkje Husbanken med på ei slik løysing. Det er ikkje føremålstenleg å arbeide vidare med spørsmålet. Kostnader Kostnadene med å bygge 20 nye plassar er gjort greie for. Samla byggekostnad er 105 mill. inkl. moms. Med dagens reglar om finansiering, blir kommunen sin del av kostnaden 54,3 mill. Årlege utgifter til renter og avdrag med denne kostnaden som må dekkast i driftsbudsjettet vil vere i underkant av 3 mill. første året, og minkande med om lag 40.000 kvart år. Desse kostnadene er driftsuavhengige, men føreset at plassane er tekne i bruk slik at tilskotet frå Husbanken blir utbetalt. Bygget vil også påføre oss kostnader til oppvarming, drift og reinhald, og i alle fall på sikt, vedlikehald. Eigedomsavdelinga har rekna med at kostnaden med drift av heile omsorgsbygget vil auke frå 5,4 mill. i 2019-budsjettet til 7,3 mill. når nybygget blir teke i bruk. Altså ein auke i utgiftene på 1,9 mill. i året. Auken blir ytterlegare rundt 700.000 i året frå 2030 med den opptrappingsplanen som er omtala nedanfor. Drift av 20 nye plassar Basert på erfaringstal er årskostnaden per plass i drift om lag 650.000 kroner i dag. Det betyr ein samla årleg kostnad for 20 plassar på 13 millionar. Plussar vi på renter og avdrag og kostnadene med drift av bygget, kjem vi opp i ein årleg kostnad som vi ikkje har i dag på i underkant av 19 mill. i 2019-kroner i 2030. Til frådrag her kjem om lag 2,9 mill. i husleige og brukarbetaling (for 20 nye plassar). Det vil ikkje vere råd å handtere ein slik kostnadsauke frå eitt år til eit anna. Opptrappinga må derfor skje gradvis, altså må vi utvide den samla kapasiteten i pleie- og omsorgstenesta steg for steg. For å få ut investeringstilskotet frå Husbanken, må alle plassane i bygget takast i bruk med ein gong. Sektoren sjølv ser føre seg slik opptrapping fram mot år 2030: - 4 nye heildøgns omsorgsplassar frå dag 1 (så snart bygget er ferdig) - ytterlegare 4 nye plassar frå 2025 og - ytterlegare 12 nye plassar fram mot 2030 Bak denne opptrappinga ligg desse tala: År/tal eldre over 80 år Auke i tal plassar som blir tekne i bruk Auka kostnader 2021-365 4 2.600.000 2025-400 aukar med 35 4 2.600.000 2030-500 aukar med 100 12 7.800.000 Total 20 13.000.000 I pleie og omsorg opplever vi i dag eit stort press på heildøgnsbemanna omsorgsbustader. Side 9

Framlegget er derfor å auke kapasiteten med 4 plassar frå 2021 (frå ferdigstilling av nybygget), og elles gjere det slik: Vi flyttar 16 pasientar frå den eldste delen av dagens omsorgssenter inn i dei nye avdelingane. Dette betyr at vi aukar kapasiteten med fire i tillegg til at vi får drift i meir eigna lokale med dei fordelane som er omtala tidlegare i saka. I dag kostar det ca 650.000 kr årleg å drifte ein heildøgnsbemanna omsorgsbustad. Dette er berre utgifter til personell, utstyr og dagleg drift i avdelinga. I tillegg kjem ugifter til drift, reinhald og på sikt vedlikehald av bygget. Kjøkkenet er per i dag dimensjonert for å kunne produsere meir mat til fleire brukarar. Ein auke på berre fire plassar vil ikkje gje stor auke i driftsbudsjettet til kjøkkenet. Vi overfører personalet frå dagens omsorgssenter og aukar bemanninga noko for å ha kapasitet til å hjelpe fire nye brukarar. Kostnaden med dette vil vere om lag 2,6 mill. kroner. Konsekvensen av å flytte 16 brukarar er at 16 rom blir ståande tomme i den eldste delen av omsorgssenteret. Rom og avdelingar som blir ståande tomme og ubrukte, kan forfalle og det bør vi unngå. Ledige rom gjev oss fleksibilitet ved tanke på t.d. overligg på sjukehus. Om dette vil auke kostnadene, vil sjølvsagt vere avhengig av om vi klarer å ta i mot pasientar utan å auke opp bemanninga. Viss vi skal unngå forfall, må vi ha ei viss drift i den delen av bygget som ikkje er i bruk. Dette er lagt inn i utrekninga til eigedomsavdelinga. Generelt kan vi seie at konsekvensen av å ikkje auke kapasiteten, er framleis overligg på sjukehus, framleis press på heimetenestene og mindre høve til å gje avlastning. Dette fører til større press på dei pårørande som har stor omsorgsbyrde, samt framleis stor belasting på tilsette grunna aukande tal pasientar som er svært sjuke. Kostnad første driftsår med dette opplegget Drift av 4 nye plassar 2,6 mill Renter og avdrag 2,9 mill Drift av bygget 1,9 mill - Husleige og brukarbetaling (av fire nye plassar) 0,6 mill Sum auka kostnader 6,8 mill. Ved å ikkje utvide kapasiteten blir auka kostnad 1. året ca. 4,8 mill. Blir vi kvitt overforbruket i sektoren med nytt omsorgsbygg? Her må det først seiast at dagens overforbruk ikkje er finansiert, og kan derfor ikkje leggast inn som finansieringsgrunnlag. Overforbruket i høve til budsjettet må stoppast uavhengig av nytt omsorgsbygg eller ikkje. Viss det ikkje er råd å redusere kostnadene i helse og omsorg, må innsparinga gjerast andre stader i drifta, slik at ramma til helse og omsorg kan aukast. Så enkelt og så vanskeleg er det. I 2018-rekneskapen er overforbruket hovudsakleg i desse einingane (i helse og omsorg): Gotatoppen Overforbruket skuldast ekstra bemanning knytt til store behov for tenester til enkelte pasientar. Dersom vi får fleire avdelingar som er tilpassa pasientar med kognitiv svikt, vil pasientane kunne fordelast på fleire avdelingar. Dette vil kunne redusere uro og behovet for ekstra bemanning. Omsorgsenteret 1.etasje Overforbruket skuldast ekstra bemanning knytt til pasientar som er urolege og utagerande, samt betaling for overligg på sjukehuset. Betre tilpassa lokalitetar vil kunne redusere uro og behovet for Side 10

ekstra bemanning. Skal vi redusere/få slutt på overligget på sjukehuset, må vi auke talet på plassar. Vi vil likevel med ein større rom-kapasitet vere meir fleksible til å ta imot fleire pasientar i periodar og kunne løyse dette rimelegare enn kostnaden med utskrivingsklare pasientar. Heimetenestene hovudsakleg for Sandane-området Overforbruket skuldast ekstra bemanning på grunn av auke i tal pasientar og kompleksiteten i bistandsbehovet. Det er no fleire pasientar i heimane der vi må gå to tilsette på grunn av pleietyngda. Pasientane som kjem heim frå sjukehuset er mykje dårlegare no enn tidlegare. Det er færre sengeplassar på sjukehusa og pasientane kjem raskare tilbake til kommunen med behov for omfattande behandling og oppfølging. Dette er svært ressurskrevjande. I Sandane heimeteneste har utviklinga frå 2016 vore slik: 2016 2017 2018 Tal brukarar Timar i direkte pasientarbeid 84 201 timar 108 366 timar 129 393 timar Overforbruket i heimetenesta Sandane vil truleg ikkje kunne løysast av nytt omsorg bygg. Ved auka kapasitet vil nokre av dei tyngste pasientane kunne få bustad på omsorgssenteret. Konklusjon Uansett løysing, vil kostnadene med nytt omsorgsbygg vere i underkant av 5 mill i året. Den mest fornuftige løysinga har ein årskostnad på om lag 6,8 mill. Ved å utnytte det høvet for auka kapasitet som nybygget gjev fullt ut, vil kostnaden vere knapt 16 mill. i året: Drift av 20 nye plassar 13 mill Auka driftskostnader med bygget 2,6 mill Renter og avdrag 3 mill - husleige og brukarbetaling 2,9 mill Sum 15,7 mill Korleis finansiere drifta av nytt omsorgsbygg? Drifta kan ikkje finansierast av overforbruket i sektoren. Det må vi slå fast med ein gong. Rådmannen vil vere ærleg på at eg i dag ikkje har svaret på korleis vi skal skaffe 6,8 mill. til renter og avdrag og til drifta av nybygget frå 2021/2022. Det er ikkje realistisk å legge til grunn at helse- og omsorgssektoren sjølve kan dekke inn denne meirkostnaden. Rammene til sektoren må derfor utvidast. Forhåpentlegvis vil vi til liks med resten av kommune-norge på sikt få statleg hjelp til å møte utfordringane i eldreomsorga. Det er eit omfattande arbeid og harde prioriteringar må til for å kutte den kommunale drifta med det som er nødvendig for å dekke kostnadene med omsorgsbygget. Vi har to år på oss å greie denne utfordringa. 6,8 mill. kan i verste fall reduserat til i underkant av 5 mill. viss vi ikkje utvidar kapasiteten i det heile. Den kan bli resultatet viss vi ikkje greier å skaffe oss handlingsrom. Konklusjon Rådmannen kan i dag ikkje svare på spørsmålet om korleis vi skal skaffe oss dei nødvendige millionane som trengst til å sette det nye omsorgsbygget i drifta. Det kan likevel ikkje vere ei uløyseleg oppgåve å omprioritere 6-7 mill. kroner innafor ei samla ramme til sektorane på 400 mill. Framtidig bruk av heile omsorgsbygget Gloppen omsorgssenter har i dag to einingar for pasientar som begge har drift i både ny og gammal bygningsmasse. Den eldste delen er bygd i 1974 og den nyaste i 1993. I første etasje er det kafé, treningssal og behandlingsrom for fysio- og ergoterapitenesta, samt frisørsalong og rom til fotbehandling. I kjellaren er det kjøkken, garderobar, vaskeri, tekniske rom, vedlikehaldsavdeling, Side 11

reinhaldssentral, lager for både hjelpemiddel og forbruksmateriell, bårerom og kapell. I kjellaren i den gamle trebygningen hadde vaktmeister kontor, arbeidsrom og grovverkstad. Her er det svært trange forhold og dårlege rommløysingingar frå tildleg på 1900-talet. Under planlegging av nytt omsorgsbygg har felles drift av heile Gloppen omsorgssenter vore fokus. Alle som tek del i drifta på ulike vis har vore involverte i planarbeidet. Dette inkluderer personell knytt til teknisk drift, kjøkken, fysio- og ergoterapitenesta og tilsette i einingane som gjev dei direkte tenestene til pasientane. Det har vore eit mål at den totale bygningsmassen skulle utformast for å gje så lave kostnader som råd med omsyn til bemanning og teknisk- og bygningsmessig drift. Omsorgssenteret er i bruk døgnet rundt, med ei vesentleg redusert bemanning om natta. Bygningane og dei tekniske anlegga skal utformast og planleggast slik at dei tilsette også om natta har god oversikt over bebuarane sin situasjon. Det har vore eit krav at alle anlegg skal vere lette å betjene for bebuarar, tilsette og driftsog vedlikehaldspersonalet. Omsorgssenteret har som sagt i dag to einingar: Oreteigen i 2. etasje som er heildøgnsbemanna omsorgsbustader og institusjon i 1. etg. Gjennom det nye omsorgsbygget, skal kvar eining utvidast med ei bugruppe med 10 bustader (til saman 20). Kvar bebuar skal dele felles fasilitetar som stove og kjøkken med dei andre i den nye bugruppa, og skal ha eige soverom og bad. Eksisterande felles administrative og medisinske funksjonar på kvar etasje skal delast av dei eksisterande og dei nye bugruppene. Dei nye bugruppene vil vere spesielt tilrettelagde for personar med demens. Det er eit krav at det skal vere råd å dele av/skjerme nokre rom innan for gruppa. Bugruppene i det nye tilbygget skal ha «vandrerute», noko som manglar i eksisterande bygg. Kvar bugruppe skal ha direkte tilgang til uteareal, anten på bakken eller ein romsleg balkong. For å drifte eit nytt omsorgsbygg med til saman 70 plassar har vi planlagt og dimensjonert behovet for garderobar, vaskeri, tekniske rom, vedlikehaldsavdeling, reinhaldssentral, lager for både hjelpemiddel og forbruksmateriell, kontor, arbeidsrom og grovverkstad. Desse støttefunksjonane/romma er plasserte i kjellaren, fordelt på eksisterande areal og nytt areal i tilbygget. I tillegg skal også fysio- og ergoterapitenesta ha kontor i kjellaren. I dag deler seks tilsette kontor og dette er ein uhaldbar arbeidssituasjon. Det utfordrar m.a. ivaretaking av teieplikta. På loftet over eksisterande bygningsmasse er det loftsrom som kan nyttast til lager og teknisk rom m.m. Det blir ikkje lager på loftet over nybygget. I første og andre etasje i nybygget er det pasientrom, fellesrom, lager og skyllerom. I tillegg er det kontor og kombinert pause- og møterom som skal betjene heile omsorgssenteret. Med så mykje aktivitet er det eit stort behov for møterom der vi kan ha både større møte og videomøte. Dette kan vere møte om pasientar, opplæring, undervisning eller personalmøte. Møteromma er plasserte sentralt for å kunne nyttast av alle tilsette på huset. Det gjev også effektiv ressursutnytting at møterommet er plassert nær avdelingane. I dag nyttar vi dels pasientstovene og møterommet i den gamle trebygningen til møte. Møte på pasientstovene er ein uhaldbar situasjon og tenkt som ei mellombels løysing fram til nytt omsorgsbygg med betre fasilitetar er på plass. Møte på pasientstovene utfordrar teieplikta og høvet til å diskutere ulike saker. I tillegg manglar sjølvsagt tekniske fasilitetar m.m. Det er også planlagt eit pårøranderom som kan nyttast av heile bygget. Dette har vore eit behov som har vore sakna, særleg i terminal fase (når døden er nær). Side 12

Gjennom prosessen med planlegging har arbeidsgruppa vore nøktern. Erfaringar frå andre kommunar er henta inn og ligg til grunn. Funksjonane og romma som ligg i nytt omsorgsbygg er ein del av heilskapen for å kunne drifte eit effektivt og framtidsretta omsorgssenter. Konklusjon Det har vore gjort eit uvanleg grundig planarbeid i denne saka, og løysingane som er valde er gjennomarbeidde og gjennomtenkte, ikkje minst med omsyn til drift av heile bygningsmassen på omsorgssenteret. Økonomiske konsekvensar for kommunen Dette er omtala lenger framme i saka. Rådmannen si vurdering Rådmannen er i tvil i denne saka ikkje om behovet for det nye omsorgsbygget, løysinga som vi presenterer eller fornuften i å bygge men kort og godt fordi eg ikkje kan svare på hovudspørsmålet i saka: Har vi råd til dette? Rådmannen avviser problemstillinga: har vi råd til å la vere? Når vi står der med eit ferdig bygg og eit oppteke lån, kjem kostnadene av seg sjølv. Uansett kor vi snur og vender på det, blir det økonomisk sett billigare å ikkje byggje. Når rådmannen likevel kjem med ei positiv tilråding i saka, har eg vektlagt alle fordelane som nybygget vil gje oss, både på kort og lang sikt. Med ei moderat og stegvis utviding av talet på omsorgsplassar, må det vere råd å skaffe på bordet dei millionane som trengst, i første omgang i løpet av ein toårsperiode, seinare framover mot år 2030. Rådmannen er svært uroleg for kommunen si lånegjeld og den planlagde auken i denne. I løpet av nokre få år vil vi nærme oss 50 mill. i årlege driftsutgifter til renter og avdrag, med ei lånegjeld på over 750 mill. Dette gjer oss svært utsette for renteauke. For kvar % renta går opp, vil då driftsutgifter våre auke med 7,5 mill. i året, rundt rekna. Det er ei minst like stor utfordring som å drifte omsorgsbygget. Det blir derfor nødvendig også å sjå på investeringsplanane våre, ikkje berre på drifta. Rådmannen si tilråding i saka blir den same som sist. --- Dersom kommunestyret skulle kome til ein annan konklusjon, eventuelt vedta å utsette saka ytterlegare, ber rådmannen om at det blir teke stilling til kva vi skal gjere med gamlebygget. Riving av bygget er ein del av tilbodet frå Åsen & Øvrelid. Gamlebygget er klargjort for riving, og rådmannen ber kommunestyret uansett utfall av saka godkjenne riving av dette. Kostnaden med å rive bygget er prissett til 2,4 mill. pluss moms. Helse- og omsorgsutvalet 21.03.2019 Behandling Saka vart drøfta i fellesskap med formannskapet. HOU- 009/19 Vedtak Helse- og omsorgsutvalet er samd i tilrådinga. Vedtaket var samrøystes. Side 13

Formannskapet 21.03.2019 Behandling Saka vart drøfta i fellesskap med helse- og omsorgsutvalet. FOR- 022/19 Vedtak Rådmannen si tilråding vart samrøystes innstilt. Kommunestyret 03.04.2019 Behandling KOM- 013/19 Vedtak 1. Kommunestyret viser til rådmannen si saksutgreiing og godkjenner oppstart av bygging av nytt omsorgsbygg med 20 plassar i tilknytning til Gloppen omsorgssenter 2. Kostnadsoverslaget er 105 millionar inkludert moms, og prosjektet er finansiert slik: - momskompensasjon, 20,9 mill. - tilskot frå Husbanken, 29,8 mill. - lån, 54,3 mill. 3. Rådmannen får fullmakt til å ta opp lånet, med ei låneramme som også inkluderer forskottering av tilskotet frå Husbanken i byggeperioden 4. Kommunestyret legg til grunn for oppstart av prosjektet at Husbanken gjev fullt tilskot til 20 plassar 5. Kommunestyret ber om at helse- og omsorgsutvalet og formannskapet blir haldne orienterte om gjennomføringa av byggeprosjektet. Vedtaket vart gjort mot ei røyst. Side 14

Gloppen kommune Arkiv: FE-614 JournalpostID: 19/4508 Saksbehandlar: Per Arne Strand Saksnr. Utval Møtedato 014/19 Oppvekstutvalet 28.03.2019 034/19 Formannskapet 03.04.2019 014/19 Kommunestyret 03.04.2019 Auka budsjettramme for modulbygg Sandane skule Rådmannen si tilråding Kommunestyret viser til rådmannen si saksutgreiing og godkjenner at kostnadsramma for utviding av Sandane skule i 2019-budsjettet blir auka frå 3 til 5 mill, inkl. moms. Kommunestyret legg til grunn at kostnadsauken ikkje fører til at samla låneopptak i 2019 blir større enn lagt til grunn i budsjettet, og ber rådmannen vise korleis dette kan gjennomførast i framlegget til revidert investeringsplan for 2019. Saksutgreiing Bakgrunn for saka Kommunestyret har i sitt budsjettvedtak for 2019 sett av kr 3 millionar (inklusive mva) til utviding av Sandane skule. Det har fått prosjektnummer 22254 i kommunen sitt budsjett. Det som står i budsjettetdokumentet er: Sandane skule har for lite areal til å drive tilfredstillande opplæring og ha gode arbeidsvilkår for dei tilsette. Det vil gå nokre år før ei fullstendig oppgradering av skulen vil vere klar. For å kunne dekke eit kortsiktig behov ynskjer vi å setje opp eit modulbygg ved skulen. Vi har pr. i dag ein brakkerigg ståande med 6 kontorarbeidsplassar. Den betalar vi om lag kr 82.000,- for i året + mva. Den vil vi fjerne for å setje opp eit modulbygg av betre kvalitet, som også gjev rom for læringsareal, primært grupperom i tillegg til arbeidsplassar. I utgangspunktet tenkjer vi 4 grupperom og 8 kontorarbeidsplassar + garderobe (tørr). Detaljane i utforming vil vi gjere i tett samarbeid med skulen når vi evt. har eit positivt budsjettvedtak. Eit kjøpt modulbygg kan vi bruke seinare til andre føremål eller selje. Budsjettprisane på eit slikt bygg vil vere mellom 10 og 15.000 per rutemeter + mva. Dette er basert på tidlegare innhenta prisar med 3 ulike firma. I tillegg kjem grunnarbeid/sokkel, tran-sport/kraning og ulike tilkoblingar og møblering. No har vi hatt ute prosjektet på anbod og fått inn 8 ulike tilbod. Alle prisane ligg over det vi la til grunn i budsjettarbeidet. Utgangspunktet har vore å få dette på plass til skulestart i august. Dersom vi skal klare tidsfristen, må vi få behandla ei eventuell budsjettendring på kommunestyremøte 3. april. Fakta i saka Vi har fått inn pris på eit bygg som inneheld eit stort klasserom, eit grupperom, tilhøyrande elevgarderobar og toalett og seks lærararbeidsplassar med tilhøyrande garderobe og toalett. Bygget er tenkt plassert nord om skulen, der dagens brakker står (sjå markeringa på kartutsnitt under). Side 15

Nokon av tilboda føreset plassering heilt inntil eksisterande bygningskropp og andre plasserer tilbygget lenger ifrå, med tanke på brannreglar og for å unngå ekstra brannisolering. Det kom inn åtte tilbod i konkurransen, og prisen strekker seg frå rett under 4 til over 5,3 millionar, moms medrekna. Tek vi vekk det rimelegaste og det dyraste, ligg mange av tilboda rundt 4,5 millionar kroner. I tillegg til denne prisen vil det kome kostnader knytt til tilkobling av straum, vatn og avløp, samt nokre mindre riggkostnader. Inventar har vi, eller det er inkludert i tilbodet det vi treng til elevane. Til lærararbeidsplassane må vi kjøpe noko nytt. Vi har endå ikkje gått gjennom tilboda og plukka ein vinnar, det vil skje i veke 13. Situasjonen på skulen Sandane skule har eit heilt anna elevtal enn det som var lagt til grunn då skulen var bygd, og seinare utvida. Det er prekær mangel både på klasserom, grupperom og arbeidsplassar. For å dekke opp arbeidsplassar, er det no sett opp brakker. Denne situasjonen har vore omtala både i media og gjennom besøk på Sandane skule frå oppvekstutvalet. Vi har delt av store rom for å plassere klasser, og det har sjølvsagt hatt konsekvensar for innemiljø og arbeidsmiljø for både elevar og tilsette. Slik løysinga er no, må t.d. sløydaktiviteten begrensast til eit minimum for å unngå støy. Det er ikkje haldbart over tid. Alternativ til å bygge eit modulbygg er: Halde fram med dagens løysing: For skulen ikkje dette eit alternativ. Det går utover miljø og trivsel både for elvevar og tilsette. Det går utover spesialromma og bruken av dei. Det går utover bruken av dagens spesialrom, f.eks redusert sløydaktivitet på grunn av støy. Det er trangt og vanskeleg å diferensiere undervisninga, når det ikkje er tilgjengelege areal for å dele opp og spreie undervisninga. Bygge om gymsal og bruke berre Trivselshagen til kroppsøving: Ei ombygging vil vere omfattande, dei yngste elevane vil få eit dårlegare kroppsøvingstilbod og skulen vil miste ein viktig samlingsplass for heile elevgruppa. Gymsalen er også mykje brukt til andre aktivitetar. Side 16

Lokale i andre bygningar: Firda vgs, Trivselshagen og Gloppen ungdomsskule (GU) er dei nærliggande alternativa. Det vil vere vanskeleg å finne plass på Gloppen ungdomsskule dei komande åra så lenge det er 10 klasser der. Det vil vere utfordrande å finne arbeidsplassar til lærarane som skal undervise i klasserom på GU. Dei aktuelle lokala i Trivselshagen kan vere video-rommet i kulturdelen og autitoriet i idrettsbygget. Ingen av desse kan brukast av oss som ei fast ordning. Firda vgs vert ikkje vurdert som eit reelt alternativ for elevar frå Sandane skule. Det er ikkje sjekka ut om det eventuelt er ledige lokale på Firda vgs. Alternativt kan vi tenkje å ta i bruk kjøkken og/eller kunst- og handverkromma på Sandane skule og bruke tilsvarande lokale på GU. Dette var vurdert i samband med barnehage- og skulebruksplanen og forkasta då. Det vi må ha med oss er at dei romma alt i dag er tekne i bruk som vanlege klasserom eller grupperom, i tillegg til funksjonen som spesialrom. Det vil og vere uheldig å redusere på desse funksjonane på Sandane skule då rommet for å kunne tenkje alternativt i skulekvardagen vert mindre. I ei tid der praktisk arbeid vert fokusert meir på, er det viktig å ha arenaer der elevane kan få utfalde seg på ein annan måte enn i eit vanleg klasserom. Uteskule for å frigjere klasserom: Det kan tenkjast å organisere skulen slik at det vil vere klassar som til ei kvar tid er ute og har opplegg annan stad enn i eit klasserom. Det vil frå skulen si side vere lite ynskjeleg og vere krevjande å organisere dette, samt at det krev tilsette som vil jobbe på ein slik måte. Redusere arealet på modulbygget: Alternativet med å redusere arealet på det vi har spesifisert i tilbodet vil vere eit alternativ, men det er strengt teke berre grupperommet som kan fjernast frå det vi har skissert. Det vil og vere eit dårleg alternativ med tanken på det store behovet på Sandane skule for grupperom. Konsekvensen vil og vere at vi må avlyse konkurransen og gå ut med nytt tilbod. Med det tapar vi tid og får ei dårlegare løysing. Bygge eit permanent tilbygg: Det vil vere dyrare for kvar kvadratmeter og vil ta mykje lenger tid. Rådmannen vil her legge til at dersom vi no aksepterer det beste tilbodet og utvidar skulen i samsvar med dette, blir det feil å kalla utvidinga mellombels. Dette blir ei permanent løysing for skulen. Økonomiske konsekvensar for kommunen Som sagt er det sett av ei løyving i 2019-budsjettet på 3 mill. til utviding av Sandane skule. Løyvinga er eit overslag, jfr det som er sagt innleiingsvis til investeringsbudsjettet: «Ingen prosjekt som skal lysast ut er kostnadsrekna på andre måtar enn ved bruk av erfaringstal og statistikk.» For å få til ei god og akseptabel løysing for Sandane skule, er det nødvendig å auke budsjettramma frå 3 til 5 millionar, moms medrekna. Rådmannen legg til grunn at vi skal få til dette utan å utvide samla låneramme i 2019-budsjettet. Utvidinga vil då ikkje få økonomiske konsekvensar utover det vi alt har budsjettert med. Driftsutgiftene knytt til vask, straum, forsikring osv vil auke noko, men samtidig vil årleg leige for brakker falle vekk. Kostnadene her vil gå nokolunde opp i opp. Rådmannen si vurdering Alternativa til å ikkje bygge modulbygg no slik som tenkt, er ikkje gode. Vurderingane rundt det ligg i alternativa som er omtala i saka. Det er presserande å få på plass ei løysing som Sandane skule kan leve med i mange år framover. Modulbygget har levetid som eit vanleg bygg og vil stå seg i eit slikt perspektiv. Det er viktig for elevar og tilsette på Sandane skule å få på plass ei løysing som dei har sett fram til og som er med å halde hjula i gang no. Tidsperspektivet her er viktig. Side 17

Det er sjølvsagt beklageleg at prisen har auka mykje samanlikna med det som er lagt til grunn i budsjettet. Rådmannen vil likevel nok ein gong minne om at budsjettsummane er kvalifisert «tenking på eit tal». Kostnaden veit vi ikkje før vi har tilboda. Sandane skule vil for 5 mill. kroner få ei løysing som vil vere teneleg i mange år framover. Rådmannen ber derfor om at kommunestyret godkjenner at budsjettramma blir auka frå 3 til 5 mill., medrekna moms. Oppvekstutvalet 28.03.2019 Behandling Løysingane som er komne inn for modulbygget vart presentert i møte. OPP- 014/19 Vedtak Oppvekstutvalet er samd i tilrådinga. Vedtaket var samrøystes. Formannskapet 03.04.2019 Behandling FOR- 034/19 Vedtak Rådmannen si tilråding vart samrøystes innstilt. Kommunestyret 03.04.2019 Behandling KOM- 014/19 Vedtak Kommunestyret viser til rådmannen si saksutgreiing og godkjenner at kostnadsramma for utviding av Sandane skule i 2019-budsjettet blir auka frå 3 til 5 mill, inkl. moms. Kommunestyret legg til grunn at kostnadsauken ikkje fører til at samla låneopptak i 2019 blir større enn lagt til grunn i budsjettet, og ber rådmannen vise korleis dette kan gjennomførast i framlegget til revidert investeringsplan for 2019. Vedtaket var samrøystes. Side 18

Gloppen kommune Arkiv: FA-D11, HIST-12/1395, HIST-12/1731 JournalpostID: 19/4592 Saksbehandlar: Jan Kåre Fure Saksnr. Utval Møtedato 033/19 Formannskapet 03.04.2019 015/19 Kommunestyret 03.04.2019 Godkjenning av utsett avdragsbetaling for lån med kommunal garanti - Breimsbygda skisenter AS Rådmannen si tilråding Kommunestyret godkjenner som garantist at Breimsbygda skisenter AS får innvilga avdragsutsetting i perioden april-desember 2019 på lånet som kommunen har garantert for, og at garantitida for lånet blir forlenga tilsvarande. Saksutgreiing Bakgrunn for saka Skisesongen på Utvikfjellet har denne vinteren vore kort, med lita driftstid for skitrekket. Dei har derfor søkt Sparebanken Sogn og Fjordane om avdragsfritak for lån for perioden april til desember i år. Lånet det er søkt om fritak for har kommunal garanti. Kommunen må derfor godkjenne fritaket. Fakta i saka Breimsbygda skitrekk AS skriv i søknaden: Bakgrunnen er den usedvanleg dårlege sesongen med lite snø på fjellet, som har medført at det berre har vore råd å halde trekket ope i nokre få veker i januar og februar. Utsiktene framover synest heller dårlege nå så langt ut i sesongen, og det er klart at det vil oppstå eit likviditetsproblem seinare på året. Sparebanken har for sin del godkjent avdragsutsettinga. Lånet Gloppen kommune har garantert for har ved årsskiftet 2018/2019 ein saldo på kr 2.057.578,- og garantien gjeld no fram til 1. mai 2036. Ei avdragsutsetting på ni månader, vi forlenge garantitida tilsvarande viss kommunen seier ja til dette. Økonomiske konsekvensar for kommunen Garantiansvaret blir forlenga med ni månader. Det økonomiske risikoen er elles uendra. Rådmannen si vurdering Både sparebanken, kommunen og Breimsbygda IL har med jamne mellomrom gjort tiltak for å betre og berge økonomien i skitrekket. Seinast i juni 2017 gjekk kommunen inn med 200.000 i ny aksjekapital i skitrekket og godgjende samstundes forlenga garantiansvar, slik det også no er søkt om. Det er i dag ikkje lukrativt å drive skitrekk på våre kantar. Inn imellom slik som i fjor kan vi vere Side 19

heldige å få ein god sesong, men vi må vere budde på at også framtidige vintrar ikkje vil gje pluss i kassa til skitrekket på Utvikfjellet. Rådmannen meiner kommunen både som «kommune» og aksjeeigar bør støtte opp om skitrekket og den innsatsen Breimsbygda IL gjer for å halde dette i drift. Den økonomiske risikoen for kommunen er i dette tilfelle til å leve godt med Formannskapet 03.04.2019 Behandling FOR- 033/19 Vedtak Rådmannen si tilråding vart samrøystes innstilt. Kommunestyret 03.04.2019 Behandling KOM- 015/19 Vedtak Kommunestyret godkjenner som garantist at Breimsbygda skisenter AS får innvilga avdragsutsetting i perioden april-desember 2019 på lånet som kommunen har garantert for, og at garantitida for lånet blir forlenga tilsvarande. Vedtaket var samrøystes. Side 20

Gloppen kommune Arkiv: FE-212, HIST-17/2878 JournalpostID: 19/3754 Saksbehandlar: Jan Kåre Fure Saksnr. Utval Møtedato 030/19 Formannskapet 21.03.2019 016/19 Kommunestyret 03.04.2019 Oppfølging av kommunestyret sitt vedtak om innskjerpa rutinar for økonomistyring Rådmannen si tilråding Kommunestyret tar saka til orientering. Saksutgreiing Bakgrunn for saka På kommunestyremøtet den 27. februar i år la rådmannen fram ei førebels orientering om rekneskapen for 2018, og følgjande vedtak vart fatta i sak 4/19: 1. Gloppen kommunestyre tek førebels orientering om rekneskap 2018 til vitande. Kommunestyret er ikkje nøgd med resultatet og meiner det er sterkt beklageleg at ein ikkje på eit tidlegare tidspunkt har blitt orientert om til dels store overskridingar på sektorane. 2. Kommunestyret vedtek følgjande rapporteringsrutinar på økonomisaker/budsjettoppfølging: a. Kommunestyre skal ha framlagt kvartalsrapportar med framlegg til eventuelle budsjettjusteringar. Rapportane skal m.a. innehalde ei oversikt over utvikling i tal stillingar/tilsette på sektornivå og institusjonsnivå/avdelingsnivå. b. Kommunestyret ber rådmannen legge ei vesentlegheitsvurdering til grunn for sine eventuelle framlegg til budsjettjusteringar. Alle budsjettavvik på over kr 500 000,- vert rekna som vesentlege og alle budsjettavvik på postnivå på meir enn 20 % vert rekna som vesentlege. Budsjettavvik på mindre enn kr 50 000,- vert ikkje rekna som vesentlege. c. Formannskapet og hovudutvala skal på alle sine ordinære møte ha som fast post under «referat og orienteringssaker» ei orientering frå administrasjonen om økonomiutvikling og budsjettoppfølging. På formannskapet sine møte skal ein også få ei orientering om pågåande større investeringsprosjekt. d. Hovudutvala skal på alle sine ordinære møte orienterast om den administrative handsaminga av vedteken stillingsstopp, samt utviklinga i tal tilsette totalt innanfor sin sektor. 3. Kommunestyret ber rådmannen på kommunestyremøtet i april rapportere tilbake på følgjande problemstillingar: a. Har rådmannen etablert eit system for jamleg tilbakemelding og driftsvurdering frå einingane, og vidare har ein system for å orientere politisk nivå i kommunen om utviklinga? b. Er einingsleiarane kjent med korleis og til kven dei rapporterer om avvik i høve driftsresultat, både positive og negative? c. Har rådmannen i sitt budsjettrundskriv bede einingsleiarane om å synleggjere moglege innsparingar på drift? I tilfelle er dette konkretisert i prosent i høve gjeldande budsjett/konsekvensjustert budsjett? d. Har ein rutinar for korleis ekstraordinære inntekter, som ikkje er knytt til refusjon, kan/skal disponerast og kven som disponerer desse? Side 21

4. Kommunestyret viser til vedtak i kommunestyresak 63/18 (budsjettsaka) og legg til grunn at det gjennom året vert ei streng budsjettoppfølging som gjer at ein held seg innafor vedteke budsjett. Vidare at ein gjennom kontinuerleg arbeid skal finne innsparingar som vil gje ei avsetning til disposisjonsfondet til Gloppen kommune på minimum 0,5 % av budsjettramma. 5. Kommunestyret ber rådmannen legge fram ei sak for formannskapet 20. mars som viser detaljert framdrift for arbeidet med budsjett 2020/økonomiplan 2020-2023. 6. Kommunestyret vil i samband med handsaming kvartalsrapport 1/19 vurdere ytterlegare behov for stillingsstopp og evt. innkjøpsstopp/investeringsstopp i Gloppen kommune. Denne tilbakemeldinga går i hovudsak på pkt 3 og 5 i vedtaket. Generelt Rådmannen legg seg sjølvsagt heilt flat for dårleg og mangelfull økonomirapportering i 2018, og vil gjere det som råd er for å gjere det betre framover. Som kommunestyret er kjend med, har vi sidan august 2018 vore utan økonomisjef, og trass i to utlysingar i vinter, har vi framleis ikkje lukkast med å tilsette i stillinga. Slik det no ser ut, er det ikkje realistisk å ha ein ny økonomisjef på plass før etter sommarferien. I praksis har vi då vore utan økonomisjef i eitt år. I tillegg har vi også hatt andre langvarige sjukmeldingar i administrasjonen. Rådmannen ber derfor om forståing for at alt ikkje har vore og heller ikkje er på stell. Ei så omfattande rapportering som kommunestyret no ber om, vil føre til at rådmannen må legge til sides ein del andre oppgåver, utan at eg i dag kan seie kva dette vil gå ut over. Pkt 3 i vedtaket a. Både ja og nei. Den økonomiske drifta av kommunen er tema på så godt som alle leiarmøte i dei to store sektorane, der einingsleiarane melder tilbake til sin sektorleiar. For tilbakemelding til politisk nivå, gjeld det som er sagt i økonomireglemetet om kvartals- og halvårsrapportar, men vi har ikkje greidd å etterleve dette godt nok i 2018, hovudsakleg på grunn av mannskapsmangel. b. Ja. Einingsleiarane rapportere til sin sektorleiar. c. Både ja og nei. Det blir ikkje sett opp rammer for kvar eining, men for kvar sektor, og sektoren sitt oppdrag er å budsjetterte innanfor fastsett ramme. For å få til dette, blir sjølvsagt alle tiltak vurderte og mange også gjennomførte. Som kommunestyret er kjend med, er det ikkje gjort noko anna samla prioriotering av sektorrammene enn den fordelinga som går fram av sist vedtekne årsbudsjett. Innsparingskravet som kvar sektor får, følgjer dette. Alle sektorane får i utgangspunket same prosentvise påslag frå fjorårsbudsjettet. d. Reglane om dette går fram av økonomireglementet, pkt 2.3. Rådmannen må innrømme at reglementet ikkje alltid blir etterlevd til punkt og prikke. Pkt 5 i vedtaket Arbeidet med budsjettet for 2020 og økonomiplanen fram til 2023 vil etter rådmannen sin plan i all hovudsak følgje opplegget frå arbeidet med 2019-budsjettet. Budsjettet rådmannen legg fram vil vere i balanse, med dei tiltak som er nødvendig for å få dette til. Forhåpentlegvis har vi ein økonomisjef som kan styre arbeidet. Så må vi hugse på at det er kommunestyreval i haust, og at det vil ta litt tid å få på plass det politiske apparatet. Planen ser slik ut, med utgangspunkt i eit revidert 2019-budsjett, vedteke på kommunestyremøtet Side 22

den 19. juni i år. Planen omfattar berre den politiske prosessen. Tidspunkt Utval Aktivitet 21. august Formannskapet Framlegg til førebelse rammer for sektorane, og framlegg til investeringsprogram 28. august Kommunestyret Fastsetting av førebelse rammer for sektorane, og vedtak av investeringsprogramet 25. september Kommunestyret Orientering til det nye kommunestyret om budsjettarbeidet 30. oktober Kommunestyret Presentasjon av rådmannen sitt framlegg til årsbudsjett og økonomiplan 20. november Formannskapet Ulegging av formannskapet sitt framlegg 11. desember Formannskapet Behandling av innkomne merknader frå høyringa og framlegg vedtak i budsjett- og økonomiplansaka 18. desember Kommunestyret Vedtak av budsjett og økonomiplan I perioden 30. oktober til 20. november er det lagt opp til behandling av budsjettet og økonomiplanen i råda og hovudutvala (i to møte). Rapporteringa i år Rådmannen vil sjølvsagt så langt det er praktisk råd følgje opp kommunestyret sitt vedtak i sak 4/19 når det gjeld rapportering. Det betyr ein økonomigjennomgang på alle hovudutvalsmøte og formannskapsmøte. Rådmannen vil lage ein mal for denne gjennomgangen, slik at det blir gjort nokolunde likt frå utval til utval. Årsmelding og rekneskap for 2018 blir lagde fram på kommunestyret sitt møte den 19. juni, med innstilling frå formannskapet 12. juni. Kontrollutvalet skal behandle rekneskapen 21. mai. Dokumenta i saka blir ferdige rundt 1. mai. Det er ikkje lagt opp til noko formell behandling av årsmelding og rekneskap i utvala. Rapporten for 1. kvartal vil vere ein rein økonomirapport, som kjem på utvalsmøta i april og til formannskapet 8. mai. Rådmannen meiner det ikkje er nødvendig å legge denne rapporten fram for kommunestyret sidan hovudpunkta i rapporten vil bli tekne med i saka om revidert budsjett. Revidert 2019-budsjett blir lagt fram for kommunestyret 19. juni, med innstilling frå formannskapet 12. juni. Viss det er praktisk råd, vil også hovudutvala få revidert budsjett til behandling. Om vi får dette til, vil m.a. vere avhengig av kva tid resultatet frå årets lønnsoppgjer er klart. Rapporten for 1. halvår blir lagt fram for kommunestyret den 28. august, med innstilling frå formannskapet 21. august. Rapporten vil ikkje bli lagt fram for hovudutvala (berre MULTEK-utvalet har møte i august). Rapporten for 3. kvartal vil vere ein rein økonomirapport, som kjem på utvalsmøta i oktober, i formannskapet 23. oktober og i kommunestyret 30. oktober. Elles er resultatet i årsrekneskapen for 2018 no kome ned i eit underskot på kr 388.303,-. Årsaka til forbetringa er i all hovudsak at avsettinga av overskotet på 2017-rekneskapen til disposisjonsfondet, er stoke. Dette følgjer av strykingsreglane, og det fører til at underskotet blir redusert med vel 3,2 mill. kroner. Resten av forbetringa kjem frå inntekter som ikkje var komne med ved første Side 23

rapportering av resultatet. Rådmannen kjem tilbake til rekneskapstala når årsmeldinga og årsrekneskapen for 2018 blir lagde fram. Formannskapet 21.03.2019 Behandling FOR- 030/19 Vedtak Rådmannen si tilråding vart samrøystes innstilt. Kommunestyret 03.04.2019 Behandling KOM- 016/19 Vedtak Kommunestyret tar saka til orientering. Vedtaket var samrøystes. Side 24

Gloppen kommune Arkiv: FE-217 JournalpostID: 19/4468 Saksbehandlar: Jan Kåre Fure Saksnr. Utval Møtedato 017/19 Kommunestyret 03.04.2019 Frå kontrollutvalet: Felles selskapskontroll - Nordfjord Havn IKS - rapport Vedlegg i saka: 22.03.2019 Selskapskontroll med forvaltningsrevisjon i Nordfjord Havn IKS - rapport Kontrollutvalet si tilråding Kommunestyret viser til selskapskontroll med forvaltningsrevisjon i Nordfjord Havn IKS, datert 11.3.2019, og tek rapporten til orientering. Funna vert teke med i Gloppen kommune si eigarstyring med vekt på: Kvalitetssikre rutinar for møte og møtebøker Legge fram økonomiplan og årsbudsjett for hamnerådet Etiske retningslinjer og personalreglement Krevje skatteattest ved kjøp over kr 500.000. Saksutgreiing Bakgrunn for saka Dette er ei sak frå kontrollutvalet. Kontrollutvalet si behandling av saka Gloppen kontrollutval gjorde følgjande vedtak i sak 17/18 handsama 28.5.2018: 1. Kontrollutvalet tingar selskapskontroll med forvaltningsrevisjon på Nordfjord Havn IKS hjå Kommunerevisjonen i Nordfjord. 2. Kontrollutvalt ber Kommunerevisjonen i Nordfjord utarbeide prosjektplan med utgangspunkt i saksutgreiinga og opplysningar som kjem fram ved behandlinga i eigarkommunane sine kontrollutval. Prosjektplanen vart godkjent i møte 7.9.2018 sak 22/18, der fristen var sett til 1.1.2019 (seinare endra til 1.2.2019). Revisor melde 22.1.2019 frå om at rapporten ville verte forsinka, sidan Hamnedirektøren hadde gitt beskjed om at uttale ikkje ville kome før etter styrehandsaming 22.2.2019. Kommunerevisjonen i Nordfjord leverte rapporten 11.3.2019, der revisor kjem med følgjande konklusjon og tilrådingar på side 3 i rapporten: Konklusjon Selskapet har rutinar som bør gjennomgåast med tanke på kvalitetssikring. Anbefalingar I samband med selskapskontrollen vil vi anbefale at Side 25

det blir organiserast kvalitetssikring av at alle møter/saker får fortløpande nummerering det blir skrive i møtebøkene kven som får utskrift det bør vurderast å legge ut møtebøkene på nettet/ heimesida hamnerådet må få seg førelagt økonomiplan og årsbudsjett det blir vurdert å få utarbeidd etiske retningslinjer og personalreglement det må gå fram av møteboka når brev frå revisor har vore framlagt og i samband med forvaltningsrevisjonen at det blir kravd skatteattest frå norske leverandørar når kjøpet overstig 500 000. Tilråding frå SEKOM-sekretariat: Kommunestyret viser til selskapskontroll med forvaltningsrevisjon i Nordfjord Havn IKS, datert 11.3.2019, og tek rapporten til orientering. Funna vert teke med i Gloppen kommune si eigarstyring med vekt på: Kvalitetssikre rutinar for møte og møtebøker Legge fram økonomiplan og årsbudsjett for hamnerådet Etiske retningsliner og personalreglement Krevje skatteattest ved kjøp over kr 500.000 Kontrollutvalet si behandling 19.03.2019 Kommunerevisjonen i Nordfjord v/markvard Sunde møtte og gjekk gjennom rapporten. Tilrådinga vart samrøystes vedteken. Kommunestyret 03.04.2019 Behandling KOM- 017/19 Vedtak Kommunestyret viser til selskapskontroll med forvaltningsrevisjon i Nordfjord Havn IKS, datert 11.3.2019, og tek rapporten til orientering. Funna vert teke med i Gloppen kommune si eigarstyring med vekt på: Kvalitetssikre rutinar for møte og møtebøker Legge fram økonomiplan og årsbudsjett for hamnerådet Etiske retningslinjer og personalreglement Krevje skatteattest ved kjøp over kr 500.000. Vedtaket var samrøystes. Side 26

Gloppen kommune Arkiv: FA-M70, HIST-11/1481 JournalpostID: 19/1493 Saksbehandlar: Runar Kleppe Saksnr. Utval Møtedato 017/19 MULTEK-utvalet 14.03.2019 018/19 Kommunestyret 03.04.2019 Melding om brannvern 2018 Rådmannen si tilråding Kommunestyret tar meldinga om brannvern for 2018 til orientering. Saksutgreiing Bakgrunn for saka I samsvar med brannordninga for Gloppen kommune, skal det kvart år utarbeidast ei melding om brannvernet i kommunen. Dette er ei slik melding for året 2018. Fakta i saka Gloppen Brann og Redning er organisert som eit deltidsbrannvesen. I tillegg til hovudstasjonen på Sandane har vi understasjonar i Hyen og på Byrkjelo. Mannskapet som er tilknytt stasjonane frå 1. januar 2019 er fordelt slik: Sandane, 20 mann Byrkjelo, 10 mann Hyen, 10 mann. Det har vore ein del utskifting av mannskapsstyrken både på grunn av sjukdom og på grunn av oppnådd alder. Det har vore ein stabil styrke no i lenger tid. Vi ser no at fleire av dei eldste i styrken har vurdert å gje seg etter lang og tru teneste. Største utfordringa er å rekrutere nye mannskap hjå utestasjonane. På Breim er brannmesterarbeidet delt mellom Joar Flølo og Kjetil Fløtre. I Hyen er det Arne Rønnekleiv Holme som har ansvaret. Administrasjon Gloppen Brann og Redning har slik administrasjon: 100 %, Brann- og beredskapssjef 50 %, Varabrannsjef (50 % kommunalteknikk) 100 %, Feiar Ved hovudstasjon på Sandane er det etablert forskriftsmessig 4-delt befalsvakt. I påskehelga er det i tillegg 2 mannskap på vakt. I juli månad har vi i tillegg til befalsvakta 1 mannskap på vakt i helgane. Tettstadar på 3.000 innbyggarar har krav om dreiande vaktlag. Sandane er heilt på grensa til dette. Aktivitet 2017 Antall oppdrag perioden 01/01/18 30/12/18 Revidert hendelsestype GLOPPEN BRANNVESEN Heile landet Aba feil bruk 3 15801 Side 27

Aba feil plassert detektor 1 686 Aba teknisk/ukjent 5 9288 Andre oppdrag 1 4222 Avbrutt utrykning 2 11497 Bistand politi 1 964 Brann i bygning 2 3293 Brann i grass- eller innmark 3 1176 Brann i personbil 2 855 Brann i skorstein 3 1340 Brann i søppelcontainer 1 294 Brann i søppelkasse 1 407 Brannførebyggande oppdrag 1 1008 Dyreoppdrag 1 913 Heisstopp 1 508 Helseoppdrag anna 6 3680 Helseoppdrag bære/løfte 2 2108 Ikkje reell nødmelding 1 455 Test 157 31809 Trafikkulukke 10 6228 Ulukke båt eller skip 1 74 Unødig kontroll av melding 2 7382 Øvingar brannvesen 6 5531 Samla tal 213 109519 I samsvar med øvingsplan er det gjennomført 8 øvingar ved kvar stasjon. I tillegg er mannskapet delt inn to og to, eller 3 og 3, som har kvar sin månad å gå gjennom alt utstyret i stasjonen. Tabellen viser at vi har hatt 56 alarmerte utrykkingar via Alarmsentralen i tillegg til testane som vi har kvar veke (157). 4 øvingar er utalarmert frå Alarmsentralen. Dei andre øvingane er alarmerte i eigen regi. I tillegg har befalsvakta på Sandane handtert ein del mindre hendingar som teknisk vakt og mellom anna hjelp i fleire helseoppdrag. Tal på utrykkingar aukar for kvart år og nye oppgåver kjem til. Brannslokking er berre ein liten del av oppgåvene, og spesielt utgjer trafikkulykker ein stor del av brannvesenet sine oppdrag. Vakthavande brannbefal har også politiet si oppgåve på ein skadestad, når denne etaten ikkje er komen fram eller er fråverande. Dette opplever vi stadig vekk. Oppdrag Brannvesen skal vere i stand til å takle ulike oppdrag: Brann av ulike variantar Trafikkulukker Oljevern PLIVO (Pågåande livstruande vald) «Mens du venter på ambulansen» Hjertestarter Andre hjelpeoppdrag (for eksempel helse) Overflateredning på sjø/vatn og is Det har vore stilt spørsmål om heimel for brannvesen til å ta på seg oppgåver som «PLIVO». Direktoratet for samfunnssikkerhet og beredskap har utarbeidd «Forskrift om kommunal beredskapsplikt»: 1. Formål: Side 28

Forskriften skal sikre at kommunen ivaretar befolkningens sikkerhet og trygghet. Kommunen skal jobbe systematisk og helhetlig med samfunnsikkerhetsarbeid på tvers av sektorer i kommunen, med sikte på å redusere risiko for tap av liv eller skadepå helse, miljø og materielle verdier. Plikten omfatter kommunen som myndighet innafor sitt geografiske område, som virksomhet og som pådriver overfor andre aktører. Øvingar I tillegg til dei 8 interne øvingane på kvar stasjon er det krav om at røykdykkerane skal ha eit varmt dykk kvart år. Dette året vart vart det ikkje halde varm øving. Dette er uvurderlege øvingar for røykdykkerane og i tillegg mannskapet som skal vere hjelpemannskap. Ved slik øving vert alle 3 stasjonane med. Vi har no inngått ei avtale om disponering av eit gammalt hus som øvingsobjekt. Avtalen går ut på at vi får nytte huset til både kald og varm øving, for så å halde større øving og brenne ned huset innan utgangen av 2020. Den 4. juni vart det halde bordøving i regi av fylkesberedskapssjefen. Denne gangen var det beredskapsleiinga som vart øvd. Større samøving Vi har også i 2018 halde øving i lag med Sandane lufthamn. Dette var ei samøving med havaritenesta på flyplassen, brannvesen, legar og Røde Kors. Større samøving på Tine Meieri på Byrkjelo. Samøving med industrivernet, kommunalt brannvesen, politi og ambulanse. Øving på Brødrene Aa i Hyen. Industribrannvesen, kommunalt brannvesen. Utstyr Gjennom «Brannløftet» (Gjensidigestiftelsen) har vi etter søknad fått diverse utstyr. Vi la inn søknad og fekk tildelt utstyr. 3 stk røydykkerbekledningsett til kvar stasjon og ein overflateredningspakke. Denne siste pakken innheld 3 stk tørrdrakter m/utstyr, opplåsbar gummibåt, undervass kamera og tauverk. Pakken inkluderer opplæring av 2 instruktørar, som skal vidare lære opp mannskap i eige korps. For at brannmannskapet skal gjere ein best mogleg innsats, er vi avhengige av at utstyret må virke til ei kvar tid. Det er derfor viktig å stadig fornye og halde utstyret i god stand. I 2016 vart det innkjøpt ein brukt brannbil som som er stasjonert på Byrkjelo. Dette var ein akutthandel som ei midlertidig ordning og vart finansiert med bilkontoen i kommunen. Denne bilen er ein 1994-modell og må settast inn på oppgraderingslista. Det er eit sterkt behov for utskifting av bilar på alle stasjonane. Første prioritert er å skifte ut 2 veteranbilar i Hyen med ein såkalla «framskutt enhet». Alle stasjonane har frigjeringsutstyr til bruk ved bilulukker. Det same gjeld røykdykkingutstyr. Røykdykking er naudsynt med dagens slokketeknikkar. Det vert stilt spesielle krav til både mannskapet og utstyret som vert nytta til røykdykking. Vidare har brannvesenet hjertestartar plassert på alle dei 3 stasjonane. Det vert gjennomført regelmessige øvingar kvart år for å halde akuttberedskapen oppe. På Byrkjelo har mannskapet stifta Gloppen Brannvernforening. Dette er gjort på eige iniativ med Joar Flølo og Runar Stensaker Kleppe som iniativtakarar. Dei har via dugnadsarbeid skaffa ein hengar for utstyr til slokkeøvingar. Gjennom Gloppen Brann og Redning har vi kjøpt til slokkekar. Foreninga har allereie hatt slokkeøving på skulen og gjennomført øvingar ved hjelp av dette utstyret. Kjempeflott iniativ. Side 29

Oljevern Gloppen Brann og Redning er og med i Nordfjord IUA (oljevern). Havnefogden i Måløy er sekretær og har årleg møte og øvingar innafor dette området. Vi har i samband med dette fått ein del lenser og absorberingsutstyr. Dette utstyret tek stor plass og er derfor plassert på andre kommunale lager, utanfor brannstasjonen. Arbeidstilsynet Arbeidstilsynet har hatt tilsyn med Gloppen Brann og Redning. Det er sett stort fokus på kreftfaren ved arbeidet med brann og eksponering av gassar og røyk. Vi fekk i første omgang pålegg om å kartlegge og utarbeide eit handlingsprogram for tiltak. Vi har utarbeidd kartlegging og laga ein handlingsplan, både for verneutstyr og rutinar. Arbeidstilsynet ga deretter pålegg om å fylgje denne planen, som strekkjer seg til 2019. Kartlegging og utarbeiding av handlingsplan har utført med god hjelp i frå bedriftshelsetenesta vår. Kommunestyret har utsett bygginga av ny brann- og politistasjon til 2021. Det gjer at handlingsplanen må omarbeidast. Arbeidstilsynet hadde først sett eit krav til 2019 og seinare gjeve utsett frist til 1. juni 2020 for ordna forhold til garderobeforhold og rein og urein sone. Arbeidstilsynet kjem truleg på synfaring rett over påske for å sjå på stasjonane og då sett opp i mot vedtaket om utsatt byggestart på brannstasjon. Ny Brannstasjon Politiet har bekrefta at dei inngår leige i den nye «Blålysbygget», som er planlagt på Faleideflata. Vi har god tru på at dette vert ei både god og praktisk samkøyring av naudetatar. Bygget er planlagt for 10 arbeidsplassar for politiet. Det vil også verte lagt til rette for beredskapsleiinga i kommunen. Brannstasjon på Sandane Arkivbilde frå 2015. Jan Nik. Hansen. Tankbil er skifta ut Hovudbil 2009-modell Redningsbil 2003-modell Jeep 1980-modell Røykdykkar-/vaktbil (avgiftsfri bil. Vert skifta ut 2019) Båt m/påhengsmotor Hengar med oljevernutstyr og overflateredningsutstyr Side 30

Tankbilen (heilt til høgre). Denne er skifta ut med nytt chassis Volvo FM 500, 2012 modell, ved hjelp av midlar frå Vegesenet. Hovudbil og redningsbil er ok. Jeep bør skiftast ut med høgderedskap. Brannstasjon i Hyen Bilde 2019 Arne Holme Hovudbil 8 seter, 2000 l vatn, 1990 modell Dogd 1977 modell Mersedes 1982 modell Alle desse bilane burde vore utskifta. Førsteprioritet er å skifte dei to minste med ein førsteinnsatsbil. Hovudbilen er ein Volvo FL6 registrert for 8 personar og har 2000 l vatn. Denne bilen er ein god bil å køyre, men har altfor liten motor. I tillegg er dette ein 1990-modell og dårleg i forhold til utslepp. Utskifting av bilar her fører til at vi må utvide/bygge på stasjonen. Vi er i dialog med grunneigar. Brannstasjon på Byrkjelo Bilde 2019. Joar Flølo. Mersedes 1928, 1985-modell, 4000 l vanntank m/kanon Side 31

Mersedes 1226, Hovudbil Øvingshengar m/sløkkjekar Bilen til venstre er tidlegare flyplassbrannbil som kommunen overtok når Avinor fekk ny brannbil. Denne bilen har skumtank, 4000 l vatn og vasskanone på taket. Bilen er har høgbygde skap som ikkje er godt plassere eller ta ut og inn utstyr. Mannskapet ser for seg bilen skifta ut med vanntankvogn, men prioritet 1 er hovudbilen. Dette var ein bil som Lom og Sjåk brannvesen skifte ut til fordel for ny. Det var eit akuttkjøp då det var vanskar med eksisterande materiell. Bilen er ein 1994-modell og er godt utstyrt, men har for liten motor og alderen gjer at denne må settast på lista for utskifting. Vi har hatt ein del vanskar med luft og batteriproblematikk som er avgjerande for å få bilen i gang når alarmen går. Spesiellt er motorkrafta for liten når det er hendingar på Utvikfjellet. Tilsyn 13 (Særskilte brannobjekt) Gloppen kommune har ca 60 bygg som er registrerte som særskilte brannobjekt etter 13 i brannlova. Med den bemanning vi har i brann- og redning, er det ikkje mogleg å utføre dei lovpålagde tilsyna i alle desse bygga. Etter ny justert forskrift er det endringar som gjer at bygga må vurderast på nytt. No er det meir basert på ei risikovurdering. Dette er vi i gang med. Det har likevel vore teke kontakt med fleire av desse objekta og informert om brannvern. Det har også i år vore arbeidd mykje med samlokalisering med politiet og ein plan for ei samlokalisering av naudetatar. Førebyggande Førebyggande arbeid er ei prioritert oppgåve for brannvesenet. Dette omfattar feiing og tilsyn i bustadhus og tilsyn i særskilte brannobjekt (t.d. skular, barnehagar, overnattingsverksemder og større arbeidsplassar). Dette utløyser ein del tiltak, også i bygg som kommunen eig. At tiltaka har verdi, syner brannstatestikken som viser at det svært skjeldan er brann i desse tilsynsobjekta. Feiaren er rundt i alle husstandane i kommunen og har kontroll på behovsprøvd feiing og tilsyn med fyringsanlegg. Denne tenesta er eit sjølvkostområdet og feieavgifta skal dekke dei reelle utgiftene med feiing av piper og tilsyn i bustadhus, utført av feiaren. Brannvesenet deltek på lokale brannøvingar i kommunen. Saman med ambulanse og politi har vi m. a. vore med på prosjektet «Open brannstasjon»på alle 3 stasjonane og «Redningsdag» saman med Redningsselskapet ved småbåtkaia på Sandane. Vi har kvart år undervisning med alle 6. klassingane i kommunen. Dette er i samarbeid med E-Trygg. Brannvesenet deltek på det årlege russetreffet på Fjordhestgarden. Utfordringar i framtida Oppgåvene til det kommunale brannvesenet aukar stadig, samtidig som kravet til utdanning og dokumentasjon vert auka. Gloppen Brann og Redning har grunna geografien og store avstandar 3 brannstasjonar med til saman 40 mannskap. Dette krev utstyr og kunnskap for å oppretthalde den sikringa for folk og verdiar som vert kravd frå direktoratet. Brannvesenet vert og trekt meir med i den sivile beredskapen. Dette vil og føre til at oppfølging av mannskap er særs viktig, både for å halde oppe motivasjonen og for å sikre rekruttering av mannskap. Utdanning I 2018 hadde vi 3 mannskap på grunnkurs for brannkonstablar. Dette kurset vart arrangert lokalt av Sogn og Fjordane Brannbefalslag og har ein kostnad på ca 60-70.000,- pr. konstabel. For 2019 er det påmeldt 2 stk på utrykningleiarkurs og 3 stk på kurs for å køyre med blålys (160 kode). Kursa er lovpålagde. Feieteneste Side 32

Gloppen har 3.300 piper og praktiserer behovsprøvd feiing. Feiaren har og tilsyn i bustadhus. I 2018 var det feia 1.200 piper og det var teke 820 tilsyn i bustadhus. Ny feiar vart tilsett frå august 2018, og fullførte feiesesongen med litt innleigd hjelp frå feiaren på Jølster. Det vart ei bratt lærekurve, men utført på ein glimrande måte. Den nye feiaren har god utdanning innafor brann, men må likevel fullføre feiarutdanning. Dette startar han på slutten av året med kurs på Brannskulen i Tjelsund. Økonomiske konsekvensar for kommunen Økonomiske konsekvensar er avhengig av kva hendingar som skjer gjennom året. Rådmannen si vurdering Øvingar der alle i redningsapparatet deltek, har vist seg å vere svært nyttig lærdom. Samhandling i kritiske situasjonar er ofte avgjerande for ein god handlingsmåte. Dei store øvingane har vore veldig vellykka, ikkje minst for beredskapsleiinga som fekk føle på trykket som oppstår ved slike hendingar. Spesiellt øvinga 4. april 2016 på Tystad (trafikkulykke med buss og personbil) saman med alle etatar og med folkehøgskulen som markørar og øvinga 4. april 2017 på Anda ferjekai (knivdrama i buss) med markørar frå Firda vidaregåande skule. Øvinga vart vellukka fordi øvingsleiinga var breitt samansett frå ulike etatar og at det vart lagt opp til at alle etatar skulle få øve på sitt område i samhandling. Brannvesenet kan få store utfordringar, som til dømes brannen i heradshuset på Sandane. Her vart det gjort ein stor innsats av mannskapet som klarte å avgrense brannen. Det viser og at for å takle slike senarie, må det øving til og ikkje minst må vi ha det utstyret som trengs for å takle ulike senarie. Det er derfor viktig at vi har fokus på oppgradering av utstyr og ikkje minst, rett utstyr, og at det vert sett av tilstrekkeleg med investeringsmidlar til dette. Arbeidet med planlegging av ny brannstasjon er ei svært viktig sak for fleire forhold. Her kan det vert mogleg å samle redningsetatane, det kan løyse mangel på garderobe ved stasjonen og det kan vere nyttig for sentrumsutvikling. Prosjektet med «Blålysbygget» er truleg litt av årsaka til at det er planlagt 10 arbeidsplassar for politiet i kommunen. Arbeidstilsynet har sett krav til 01.06.2020 på dei avvika som er sette til mellom anna rein og urein sone. Desse oppgåvene er ikkje mogleg å få til før vi får ny stasjon og med den utsettinga som er gjort klarar vi heller ikkje å oppfylle handlingsplan som arbeidstilsynet har godkjent. «Blålysbygget» har fleire viktige funsjonar. Bygget er ikkje berre for mannskapet på Sandane. Brannsjefen ynskjer å bygge ein relasjon og teambygging/samkøyring med mannskapet på Byrkjelo og Hyen, både med øvingar og som eit sosial møteplass. MULTEK-utvalet 14.03.2019 Behandling KULT- 017/19 Vedtak Rådmannen si tilråding vart samrøystes innstilt. Kommunestyret 03.04.2019 Behandling Brann- og beredskapssjef Runar Kleppe orienterte om brannvernet innleiingsvis i møtet i sak 12/19. --- Side 33

Mariel Eikeset Koren etterlyste informasjon i meldinga om likestilling og kva som blir gjort for å rekruttere kvinner til brannvesenet. Ho etterlyste også oversikt over tilfluktsrom i kommunen. KOM- 018/19 Vedtak Kommunestyret tar meldinga om brannvern for 2018 til orientering. Vedtaket var samrøystes. Side 34

Gloppen kommune Arkiv: FA-L13, PLANID- 201603, PLANNAVN- Dammen bustadfelt, HIST-16/1351 JournalpostID: 19/2128 Saksbehandlar: Bjørn Aurlien Saksnr. Utval Møtedato 022/19 MULTEK-utvalet 14.03.2019 019/19 Kommunestyret 03.04.2019 Detaljreguleringsplan for Dammen bustadfelt - sluttbehandling Vedlegg i saka: 05.11.2018 Plankart datert 22.10.2018 05.11.2018 Planomtale Dammen bustadfelt 05.11.2018 Planføresegner Dammen bustadfelt 08.08.2018 ROS-analyse 08.08.2018 Skredfare og flaumvurdering Dammen 08.08.2018 Sol-skyggestudie Kort samandrag av saka Rådmannen tilrår, med nokre mindre justeringar, å vedta detaljreguleringsplan for Dammen bustadfelt på Sandane. Rådmannen si tilråding Gloppen kommunestyre vedtek med heimel i plan- og bygningslova 12-12 detaljreguleringsplan for Dammen bustadfelt med dei endringane som er oppsummerte under rådmannen si vurdering. Saksutgreiing Bakgrunn for saka Norgeshus AS har på vegne av Knut Myklebust, Olav Hjelmeset og Andor Hovden fremja eit forslag til reguleringsplan for eit område i Valborgkleiva. Området omfattar den gamle vassverksdammen og eit areal sør for denne, totalt om lag 15 dekar, og blir foreslått regulert til bustadformål. Planforslaget har vore utlagt til offentleg gjennomsyn, og er no klart for sluttbehandling. Fakta i saka Olav Hjelmeset AS og Gloppen kommune underteikna i juni 2016 ein opsjonsavtale knytt til den gamle vassverksdammen i Valborgkleiva. Avtalen er basert på følgjande vedtak i kommunestyret: 1. Gloppen kommunestyre er positive til at Olav Hjelmeset AS får ein opsjon på å kjøpe gnr. 77 bnr. 113 og 114 med tanke på å utarbeide ein privat reguleringsplan. Arbeidet med reguleringsplan må starte omgåande og skal vere sluttført innan to år, så sant det ikkje er forhold som er utanfor søkjar sin kontroll 2. Pris 30 kr/m2, og i tillegg dekker kjøpar alle kostnader til eventuell oppmåling, tinglysning, dokumentavgifter. Rådmannen får fullmakt til å inngå avtale om sal av det omsøkte arealet 3. Byggefristen er på to år etter stadfesta reguleringsplan. Gloppen kommune skal ha gjenkjøpsrett viss byggefristen og avtalen ikkje blir etterlevd 4. Kommunestyret ber om at det i avtalen med Olav Hjelmeseth AS blir medteke refusjon etter plan- og bygningslova Side 35

5. Kommunestyret oppmodar søkjar til å utvide området med fortetta bustader, men då minimum tre tomtar 6. Kommunestyret set krav om at den gamle muren til dammen skal bli ståande som eit kulturminne. Det var fleire grunneigarar/interessantar som «meldte seg på» for å få vurdert eit nytt bustadområde, og i oppstartmøtet i november 2016 vart planområdet fastsett til rett under grensa for krav om konsekvensutgreiing (15 dekar). Planarbeidet har av ulike årsakar teke lengre tid enn forventa, og opsjonsavtalen med Hjelmeset vart i juli 2018 forlenga til 01.07.2019. Planframlegget har 10 einebustadtomter, to tomter for konsentrert utbygging og tilhøyrande infrastruktur i form av vegar, leikeplass og friareal. Det er utarbeidd ras- og flaumanalyse som del av planarbeidet. Det blir planlagt å legge to eksisterande bekkeløp i kulvert gjennom feltet, og det er i tillegg lagt inn krav om tilrettelegging av flaumveg på overflata, med tanke på at kulvert i ekstreme tilfelle ikkje tek unna overflatevatnet. Ungdomsrådet hadde saka oppe til behandling same dagen som MULTEK-utvalet vedtok å legge planen ut på høyring. Ungdomsrådet er opptekne av tilhøve for barn og unge, og er nøgd med at leikeplassen er plassert i sentrum av boligfeltet. Dei peikar på at ungar gjerne tek kortaste vegen til skule og naboer, og sakna ein snarveg ned til eksisterande byggefelt/ naturleg skuleveg. Dei gjorde slik vedtak: Ungdomsrådet ber om at utbyggjar legg til rette for ein hensiktsmessig sti/gangveg/snarveg ned til eksisterende byggefelt og skuleveg. Elles ingen merknader til planen. Rådmannen sin kommentar: I nord er mogleg snarveg oppå grøftetrase vidareført som friområde. Rett sør for bustadfeltet går ein gamal skogsveg som i dag fungerer som turveg. Det er lagt til rette for kryssing der denne går over hovudvegen i Valborgkleiva. Tilkomstvegen i Dammen bustadfelt vil ende ved denne turvegen, men det vil gjerne vere behov for tilrettelegging for å sikre overgangen frå køyreveg til turveg. Rådmannen vil tilrå at det blir sett krav om slik tilrettelegging i føresegnene. Kommunen har motteke fire merknader i utleggingsperioden. Nedanfor følgjer eit samandrag av merknadene, med rådmannen sin kommentar: NVE: NVE prioriterer å gi innspel og uttalar til overordna planar og rettleiing/opplæring til kommunar med store utfordringar innanfor deira saksområde. I tillegg prioriterer dei å gi uttalar til reguleringsplanar der det vert bede om fagleg hjelp til konkrete problemstillingar. Sidan kommunen i denne saka ikkje har bedt særskilt om hjelp eller råd, har dei ikkje gitt konkret fråsegn i denne saka, men vist til generell informasjons- og rettleiingsmateriell på NVE si heimeside. Kommentar: Merknaden er teken til orientering. Rådmannen meiner NVE sitt fagområde er tilstrekkeleg teke i vare. Staffan Hjolman Kommunen bør ha ein avtale med utbyggjar som sikrar at ikkje området blir nytta som massedeponi i mange år, med ulemper frå tungtrafikk, støy og støv. Feltet grensar til eksisterande bustadar, og er parkering/utgangspunkt til populært turområde. Han stiller spørsmål ved om reguleringsføresegnene er strenge nok på dette punktet. Det bør stillast krav om at turveg forbi feltet blir halden open i heile anleggsperioden. Det bør vere reglar som sikrar ei god landskapstilpassing, ikkje berre av bustadane, men også av Side 36

terrenget i heile feltet. Det bør vere avgrensing for kor høge skjæringar og murar som kan tillatast. Det har vore utfordringar med overvatn lenger nede i Valborgkleiva. Normal vassføring i bekken som er ei avgreining frå Leirelva er vesentleg større enn den har vore dei siste åra, og han oppmodar om at ein i dimensjonering av kulvert gjennom feltet tek høgde for at dette kan endre seg igjen. Kommentar: Rådmannen er samd i ønskjet om å avgrense anleggstida, og vil tru at dette ønskjet også ligg i punkt 3 i kommunestyret sitt vedtak (byggefrist på 2 år). Rådmannen vil følgje opp dette i endeleg avtale med Hjelmeset, der byggefrist i utgangspunktet vil bli tolka som krav til ferdigstilling av felles infrastruktur i feltet. Som signalisert i samband med utlegging av planforslaget vil også rådmannen tilrå at rekkefølgjekrav i føresegnene 5.2 og 5.3 blir knytt til byggeløyve på den enkelte tomta i staden for til bruksløyve/ferdigattest. Dette vil også bidra til god framdrift i utbygginga. Turveg(ar) ligg utafor plangrensa, og skal difor i liten grad bli påverka av utbygging. Det ligg krav om terrengtilpassing i den kommunale planen for Nedre Valborgkleiva, som i praksis ikkje har vorte følgt særleg godt opp, verken administrativt eller politisk. Rådmannen vil ikkje krevje at det blir lagt inn denne typen terrengkrav i Dammen bustadfelt med mindre det kjem klare politiske føringar på at ein ønskjer dette, og på korleis det skal følgjast opp i praksis. Potensiell flaumvassføring er berekna og vil bli teke høgde for. Fylkesmannen Dei kommenterer at planen ikkje inneheld ei klar grunngjeving for kvifor ein er komen til at det ikkje er behov for konsekvensutgreiing. Føresegnene 2.1 som gjeld støy i anleggsfasen bør utvidast til også å gjelde helgedagar. Fylkesmannen har kommentert 2.4 Uteoppholdsarealer, og det kan sjå ut som dei hadde ønskt noko meir beskriving av formålet med desse areala. 4.2 og 5.5 i føresegnene bør konkretiserast slik at krava til dimensjonering av kulvertar og flaumvegar kjem tydlegare fram. Krav om etablering av flaumvegar må inn som rekkefølgjekrav. Kommentar: Grunngjevinga for fritak for konsekvensutgreiing er gitt i arealgrensa i forskrift om konsekvensutgreiing, som då dette planarbeidet starta opp var sett på 15 dekar nytt utbyggingsareal. Arealgrensa er fjerna i revidert forskrift, men dette skal ikkje ha tilbakevirkande kraft. Rådmannen er samd i at føresegnene 2.1 er for svake, og vil tilrå følgjande tillegg: Det skal ikkje pågå anleggsarbeid på søndagar og andre heilagdagar. TEK17 har krav til uteopphaldsareal som ivaretek fylkesmannen sine ønskje. Det er difor ikkje behov for å ta dette opp att i føresegnene. Rådmannen meiner planen er tydeleg nok når det gjeld krav til flaumsikring. Rekkefølgjekrava ligg i 5.2 Teknisk infrastruktur. Fylkeskommunen Dei oppmodar om at ein liten del av leikeplassen blir gjort flat og tilrettelagt for balleik, og at dette blir sikra i føresegnene. Dei viser elles til regional plan for vassforvalting og vassforskrifta 4, som ikkje tillet at ny arealbruk Side 37

gjer tilstanden i elver, bekkar, grunnvatn og kystvatn dårlegare enn han er i dag. Miljømålet bør sikrast gjennom reguleringsføresegnene. Kommentar: Leikeplassen i feltet er ein nærleikelpass der det er naturleg å legge til rette først og fremst for dei minste borna. Det er ballplass i eksisterande felt om lag 200 m unna. Rådmannen ser ikkje behov for å gi ytterlegare krav til leikearealet. Etter rådmannen si vurdering er det lite som skulle tilseie at denne feltutbygginga skulle endre den økologiske eller kjemiske tilstanden i bekkene som renn gjennom planområdet. Rådmannen er i utgangspunktet mot at forhold som er regulert direkte gjennom lover og forskrifter skal takast opp att i føresegnene til ein reguleringsplan. Økonomiske konsekvensar for kommunen Ingen direkte konsekvensar av planarbeidet. Rådmannen si vurdering Oppsummering av endringsforslag: 1. Tillegg til føresegnene 3.2.1: I plangrensa mot sør skal det sikrast god overgang mellom veg f_skv1 og turvegen rett sør for planområdet. 2. Rekkefølgjekrava i 5.2 og 5.3 skal knytast til byggeløyve på den enkelte tomta i staden for til bruksløyve/ferdigattset. Dette skal endrast både i tekstdel og føresegner. 3. Tillegg til føresegnene 2.1: Det skal ikkje pågå anleggsarbeid på søndagar og andre heilagdagar. I tillegg må det gjerast endringar for at punkt 6 i kommunestyret sitt vedtak skal bli fanga opp i detaljplanen. Rådmannen vil tilrå følgjande endring for å ivareta vern av vassverksdammen: 4. Muren til den gamle vassverksdammen må omtalast i planomtalen under pkt. 5.20 Verneverdiar/kulturminne. 5. På plankartet skal det leggjast inn ei omsynssone for bevaring av kulturmiljø rundt muren på område BFS1. 6. Det må inn ein ny 4.3 Bevaring av kulturmiljø i føresegnene: Muren til den gamle vassverksdammen skal takast vare på som eit kulturminne/kulturmiljø. Muren vil vere støttemur for tomt 1, 2 og 3, men skal ikkje senkast eller hevast i samband med byggearbeid på tomtene. Det kan settast opp sikringsgjerde på toppen av muren og informasjonstavle på høveleg stad på nedsida. Sikringsgjerdet skal ha lik utforming langs heile muren. MULTEK-utvalet 14.03.2019 Behandling MULTEK-utvalet vedtok samrøystes at Audun Mundal er inhabil saka. Heimelen for dette er 6,1e i fovaltningslova. Avd.ing. Bjørn Aurlien var til stades under behandling av saka. KULT- 022/19 Vedtak Rådmannen si tilråding vart samrøystes innstilt. Kommunestyret 03.04.2019 Behandling Avd. ing. Bjørn Aurlien var til stades under behandling av saka. Side 38

KOM- 019/19 Vedtak Gloppen kommunestyre vedtek med heimel i plan- og bygningslova 12-12 detaljreguleringsplan for Dammen bustadfelt med dei endringane som er oppsummerte under rådmannen si vurdering. Vedtaket var samrøystes. Side 39

Gloppen kommune Arkiv: FA-L13, PLANID- 201701, PLANNAVN- Området rundt Gloppen hotell, HIST- 16/1453 JournalpostID: 18/16572 Saksbehandlar: Bjørn Aurlien Saksnr. Utval Møtedato 023/19 MULTEK-utvalet 14.03.2019 020/19 Kommunestyret 03.04.2019 Detaljreguleringsplan for området rundt Gloppen hotell - sluttbehandling Vedlegg i saka: 08.10.2018 Føresegner - Området rundt Gloppen hotell 08.10.2018 Plankart - Vertikalnivå 1 under grunnen 08.10.2018 Plankart - Vertikalnivå 2 på grunnen 08.10.2018 Planomtale - Området rundt Gloppen hotell 05.10.18 25.03.2019 Sol-skygge-diagram Kort samandrag av saka Denne detaljreguleringsplanen inneber at det blir opna for konsentrert bustadbygging på nokre tomter rundt Gloppen hotell. Deler av utbygginga er tenkt som utleigebygg administrert gjennom hotellet. Etter høyring av planen ligg det føre ein del merknader som i hovudsak går på for tett utnytting og for store brot med eksisterande bustadstruktur. Rådmannen tilrår, med små unntak, at planframlegget som vart lagt ut til offentleg gjennomsyn blir vedteke. Rådmannen si tilråding Gloppen kommunestyre vedtek med heimel i plan- og bygningslova 12-12 detaljreguleringsplan for område rundt Gloppen hotell. Følgjande endringar skal innarbeidast etter høyringa: 1. Tekstdelen pkt. 6.6.1 skal endrast slik at det blir vist til krav i plan- og bygningslova og gjeldande byggeforskrifter. 2. Tillegg til føresegnene pkt. 7.1: e) Alle tiltak i/langs Holvikelva skal avklarast med NVE etter vassressurslova og Fylkesmannen etter lov om laksefisk og innlandsfisk. 3. Tillegg til føresegnene pkt. 8.5 c: Etter at flaum- og erosjonssikring av Holvikelva er utført, skal 5 m frå topp flaumsikring haldast fri for bygningstekniske anlegg, slik at tilkomst til framtidig vedlikehald er sikra. Dette skal også markerast med byggegrense i plankartet. Grøntområde G2 utgår av planen. Saksutgreiing Bakgrunn for saka MULTEK-utvalet vedtok på møtet 18. oktober å legge forslag til detaljreguleringsplan for eit område rundt Gloppen hotell ut til offentleg gjennomsyn. Merknadsfrist for høyringa vart sett til 7. desember. Det er kome fem merknader i høyringsperioden. Frå før ligg det nokre merknader til områdereguleringsplanen for Sandane sentrum som er naturleg å samordne med denne saka. Side 40

Fakta i saka Nordplan AS har på vegne av Sørstrandsvegen Prosjekt AS fremja detaljreguleringsplan for området rundt Gloppen hotell. Planområdet omfattar Gloppen hotell sin eigedom, og nokre eigedomar rundt som i gjeldande reguleringsplan anten er regulert til frittliggande einebustader eller hotell. Planforslaget bygger på forslag til områdereguleringsplan for Sandane sentrum, med identisk løysing for Sørstrandsvegen, Teina og vegen sør for hotellet. Byggehøgd er som i forslaget til områdereguleringsplan. Utnyttingsgrad for byggeområda rundt hotellet er sett noko lågare enn i områdereguleringsplanen, men vesentleg høgare enn i dag. At den er sett lågare enn i forslaget til områdeplan, skuldast i hovudsak at parkeringa er foreslått samla i to etasjar rett bak hotellet, på areal som i gjeldande plan og forslag til områdereguleringsplan er regulert til hotell. Dermed er det ikkje behov for å ta omsyn til parkering/garasje innafor kvar tomt. Parkeringsarealet får tilkomst både frå vegen sør for hotellet og frå ny veg nordaust for hotellet. Den nye vegen ligg på areal som i hovudsak er brukt til trafikkareal/varelevering i dag. I planforslaget er denne vegen, samt ny gangveg med bru over elva, foreslått som offentleg vegareal, medan øvrige vegar er privat/felles. Planen inneheld rekkefølgjekrav for å sikre at tiltaka blir gjennomført i samsvar med intensjonen. Det er ikkje sett av leikeareal på plankartet, men det er sett krav om at dette skal etablerast innafor byggeområda. Ei mogleg utnytting av byggeområda BAA1 og BKS1 er omtalt og skissert i tekstdelen til planforslaget. Det er då vist 9 små einebustader innafor kvart område, med utleigeleilegheit i 1. etg. og hovudleilegheit over to plan i 2. og 3. etg. Merknader til planframlegget: Sogn og Fjordane fylkeskommune Dei viser til gjennomført arkeologisk registrering, der det er avdekka eit automatisk freda kulturminne i form av eit dyrkingslag. Kulturminnet er av låg verdi, og er tilstrekkeleg undersøkt av fylkeskommunen si kulturavdeling. Arealet er markert i plankartet som bestemmelsesområde, med tilhøyrande føresegner i samsvar med deira krav. Dei har ikkje ytterlegare merknader til planforslaget. Naboar til planområdet (74/129 Joachim Sivertsen, 74/100 Aud Sivertsen, 74/22 Kåre Holvik, 75/27 Bjørg Øen, 75/25 Sigitas Jankunas og 75/11 Eirik Kleppe Silden Merknaden er mykje forkorta, og for alle nyansane i synspunkta blir det vist til originalmerknaden. Merknaden gjeld i hovudsak unyttinga av gbnr. 75/10 og 45. Dei eig 6 eigedomar og 7 bustadhus som blir strerkt påverka av ei eventuell utbygging som skissert i planen. Dei viser til at vedteken reguleringsplan for området er planen frå 1998, der området er avsett til frittliggande småhusbebyggelse med maks gesimshøgd 6,3 m og utnyttingsgrad BYA=20%. Som dei spelte inn i samband med oppstart av planarbeidet meiner dei utbygginga ikkje passar inn i eit etablert einebustadområde. Utnyttingsgraden og byggehøgda er for høg, og vil rasere eksisterande bumiljø og føre til verdireduksjon på deira eigedomar. Dei meiner det kan gi grunnlag for erstatningskrav jfr. pbl. 15-3. Arbeidet med denne detaljreguleringsplanen bør innstillast til den nye områdereguleringsplanen for Sandane sentrum er vedteken. Dei meiner dette er fornuftig sidan det i områdeplanen blir drøfta løysingar med fortetting/leilegheiter i sentrum som kan gjere det mogleg å få til ei utvikling med leilegheitsbygg utan å rasere eit eksisterande buområde. Dei ønskjer synfaring i samband med behandling av planen. Dersom ein vel å gå vidare med planen nå, meiner dei rammene i gjeldande plan må vidareførast. Det einaste dei i praksis er nøgd med, er at tilkomsten til området blir via vegen ved hotellet. Joachim Sivertsen og Aud Sivertsen har også merknad til områdereguleringsplanen for Sandane sentrum. Merknaden går i stor grad inn i dei same problemstillingane: for høg utnyttingsgrad og byggehøgd med tilhøyrande ulemper for eksisterande eigedomar. Dei kan ikkje heilt sjå korleis ein Side 41

kan få til ei god løysing på parkering, trafikkareal, uteområde, opphaldsplassar, leikeareal for born, høveleg grøntareal, tiltak mot støy med aukande trafikk i og rundt heile kvartalet o.s.v. utan å måtte «karre» til seg meir av omkringliggande areal. Dei er ikkje positive til at gbnr 74/109 som er eigd av Aud Sivertsen skal brukast til felles parkering for leiligheitene, sidan dei meiner samla utbygging forringar verdien på deira eigedomar. KOMMENTAR: Det er gjennom heile prosessen frå oppstart av arbeid med områdereguleringsplanen i 2012 sagt at utnyttingsgraden innafor planområde Sandane sentrum skal revurderast. Gjennom sentrumsanalyse og parallelloppdrag er området rundt Gloppen hotell særleg peika på som eit område der det er rom for vesentleg høgare utnytting, og forslag til områdereguleringsplan legg opp til det, også for eigedomane til dei som har kome med denne merknaden. Rådmannen er samd i at skissert utbygging vil bety ei stor endring for området. Dersom ein ønskjer at dette framleis skal vere eit område med einebustader på store tomter, er denne planen heilt feil. Rådmannen har forståing for at dei som bur her i dag kan ha eit slik ønskje, men meiner at for utviklinga av Sandane som tettstad og som oppfølging av prosessen som har vore vil det vere feil konklusjon. Normalt vil auka utnyttingsgrad bli oppfatta som verdiauke for ein eigedom, og ikkje ein verdireduksjon, men det kjem sjølvsagt an på kva slags verdibegrep ein legg til grunn. MULTEK-utvalet har vedteke at det var greitt å sette i gang privat planarbeid for dette området sjølv om ikkje rammene var fastlagt gjennom ny områdereguleringsplan. Rådmannen meiner difor det ikkje vil vere rett å stoppe dette planarbeidet no. Rådmannen meiner det er ei god løysing å samle parkering i eit fellesanlegg sentralt i området. Helga Holmøy Ryssdal og Jørgen Kristian Andersen Dei ser at hotellet kan ha behov for å ekspandere med fleire rom og leilegheiter for personale. Men ekspansjonen må skje på ein måte som ikkje verkar skjemmande for miljøet og forringar opplevinga av det "gamle Sandane" både for fastbuende, gjester av hotellet og andre som besøker Sandane. I detaljreguleringsplanen som er på høyring er det skissert ei utbygging dei meiner er altfor tett. Dei meiner også at design, arkitektur og høgde på dei skisserte bustadene bryt totalt med andre bygningar i området. Dei meiner difor utbygging i samsvar med planforslaget vil virke sterkt skjemmande for heile Øynaområdet. Dei oppmodar til ein total redesign av planen for området. Dei meiner også det er uheldig at detaljreguleringsplanen som bryt så mykje med eksisterande bygningsmiljø blir fremma før områdereguleringsplanen er godkjent, og meiner kommunen bør prioritere områdereguleringsplanen først. Dei hadde også merknad til områdereguleringsplanen for Sandane sentrum. Følgjande er relevant for denne plansaka: Dei ønskjer at dei tre eigedomane som er foreslått regulert til hotell/bustad i områdereguleringsplanen framleis bør vere regulert berre til bustad. Dersom tanken er at hotellet med sine store bygningar skal breie seg ytterlegere ut mot Øyna og oppover mot Holvikelva, vil miljøet i området lett bli vesentleg redusert. Som det står i planen er Øyna unik og saman med elva som no blir opna opp, utgjer den ein idyll og "smykke" for sentrum. Dette må reflekterast i reguleringsplanen. Teina kan regulerast til gangveg, men med kjøreadgang til eigedomane. KOMMENTAR: Det er gjennom heile prosessen frå oppstart av arbeid med områdereguleringsplanen i 2012 sagt at utnyttingsgraden innafor planområdet skal revurderast. Gjennom sentrumsanalyse og parallelloppdrag er området rundt Gloppen hotell særleg peika på som eit område der det er rom for vesentleg høgare utnytting. I dette planframlegget, som i forslag til områdereguleringsplan, er det sagt at byggeprosjekt innafor området skal ta omsyn til arkitekturen til Gloppen hotell, slik at nye bygg ikkje i for stor grad bryt med dette. Rådmannen meiner bygga som er skissert i detaljplanen bryt Side 42

med eksisterande lav einebustadbebyggelse, men i mindre grad med Gloppen hotell sin arkitektur. Skissene er ikkje ein byggesøknad, og vil dersom dei blir fremja som byggesøknad måtte vurderast nærare opp mot nemnte føresegner. Øyna har ei naturleg avgrensing av gangvegen gjennom området, og vil etter rådmannen sitt syn tåle større bygg bak mot elva godt. MULTEK-utvalet har vedteke at det var greitt å sette i gang privat planarbeid for dette området sjølv om ikkje rammene var fastlagt gjennom ny områdereguleringsplan. Det er difor ikkje rett å stoppe dette planarbeidet no. Fylkesmannen Dei har ikkje avgjerande merknader til arealdisponeringa. Når det gjeld tiltak i/langs Holvikelva må det presiserast i planføresegnene at dette må avklarast med NVE etter vassressurslova og Fylkesmannen etter lov om laksefisk og innlandsfisk. Dei stiller spørsmål ved at ROS-analysen konkluderer med at det ikkje er fare for kvikkleire i planområdet. NVE skal kome med fråsegn om dette. Av ROS-analysen går det fram at NVE rår til at det blir sett av eit minst 5 m breitt belte langs elva utan ny utbygging, for å sikre framtidig tilkomst for vedlikehald av elvesikringa. Dei kan ikkje sjå at dette er følgt opp i planen. Dei registrerer at MULTEK-utvalet i utleggingsvedtaket har peika særskilt på barn og unge sine behov/interesser. Det er stilt krav i føresegnene om at det skal etablerast område for leik og opphald innanfor felt BKS1 og BAA1. Kvart av områda skal vera minimum 150 m2. Dei viser til runskriv T-2/08 Om barn og planlegging som anbefalar at nærleikeplassar ikkje skal vere mindre enn 200 m2, og tilrår at dette blir endra i planen. Dei meiner vidare at universell utforming ikkje er tilstrekkeleg ivareteke i planforslaget. Pkt. 6.6.1 i planomtalen er i liten grad følgt opp i føresegnene. Føresegnene må ha krav som sikrar at byggverk, uteområde og vegareal blir utforma slik at dei kan brukast av alle. Kommunen må forsikre seg om at planføresegnene tek tilstrekkeleg støyomsyn. KOMMENTAR: Rådmannen vil tilrå at presiseringa om tiltak i elva blir imøtekome gjennom tillegg til føresegnene pkt. 7.1, sjølv om flaumsikringsarbeidet her langt på veg er avslutta før planen blir vedteken. NVE har varsla motsegn mot områdereguleringsplanen for Sandane sentrum på grunn av manglande vurdering av fare for kvikkleireskred. Merknad frå NVE er kommentert nedanfor. Rådmannen er samd i vurderingane som ligg i ROS-analysen. Dette er også basert på tidlegare grunnundersøkingar på Sandane, sist i samband med NVE si prosjektering av flaumsikring langs Holvikelva. Det er ingen klar nasjonal minstestandard for nærleikeplassar. Rådmannen meiner innhald og utforming kan vere like viktig som sjølve arealkravet, og meiner interessene til born og unge er godt ivaretekne, både innafor planområdet og med nærleik til skule-, idretts- og turområde i nærleiken. Rådmannen er usikker på kva som låg i MULTEK-utvalet si presisering, og oppmodar om at utvalet då sjølv vurderer eventuelle behov for endring. Rådmannen er ikkje samd med Fylkesmannen i at føresegnene må ha krav som sikrar universell utforming. Etter rådmannen sitt syn er det berre i dei tilfelle ein ønskjer å sikre tilgjenge utover dei generelle krava i teknisk forskrift at dette må spesifiserast i reguleringsføresegnene. I tekstdelen til planen kan det sjå ut som om tiltakshavar legg opp til slik auka kvalitet, og det er slik sett ikkje samsvar mellom tekstdel og føresegner. I samråd med Nordplan foreslår rådmannen at ambisjonsnivået i tekstdelen blir tona ned, og at ein legg opp til at utbygginga følgjer ordinære krav i TEK17. Side 43

NVE Dei viser til sitt innspel, og er nøgd med dei elementa som er tekne inn i planen. Dei nemnte også behov for eit minst 5 m breitt belte utan bygningar på toppen av flaumsikringsanlegget for å sikre tilkomst til framtidig vedlikehald. Dei tilrår at denne sona blir lagt inn som grøntområde, alternativt som byggegrense. NVE meiner ROS-analysen si vurdering av fare for kvikkleireskred er mangelfull. Dei rår sterkt til at Gloppen kommune syter for at prosedyren i kap. 4.5 i NVE-rettleiar 7/2014 Sikkerhet mot kvikkleireskred blir nytta så langt som naudsynt for å avklare skredfaren før planen blir sluttbehandla. KOMMENTAR: Rådmannen er samd i vurderinga av utbygging langs elva, og har teke dette opp med Nordplan. Dei har feiltolka innspelet frå NVE, slik at det i planforslaget var langt inn eit grøntområde langs gangvegen fram til elva. Denne ønskjer dei no å ta ut, og i staden legge inn 5 m byggegrense mot elva. Rådmannen har ingen innvendingar mot denne endringa. Rådmannen er ikkje samd i NVE si vurdering av fare for kvikkleireskred. Det har gjennom ei rekkje grunnundersøkjingar gjennom mange år aldri vore påvist kvikkleire i Sandane sentrum. Dette er formelt teke opp med NVE i samband med sentrumsplanen, men NVE har førebels halde fast på motsegna si mot planen. Kommunen har også peika på at NVE sjølv ikkje har plassert eit einaste borpunkt innafor planområdet for sentrumsplanen, når dei nå skal gjennomføre grovkartlegging av faren for store kvikkleireskred. På bakgrunn av denne henvendinga har NVE nå plassert eit borpunkt på Roar Henden sitt parkerings-/næringsareal sør for Sandane senter. Bortsett frå at planområdet ligg under marin grense er det altså ingen indikasjonar på at grunnforholda er slik at planlagt utbygging inneber risiko for eit større område. Rådmannen meiner difor at det ikkje er rett å pålegge tiltakshavar omfattande kostnader med grunnundersøking på dette stadiet. I samband med detaljprosjektering av utbygginga vil det truleg vere behov for å undersøke grunnforholda nærare, for å unngå setningsskader på bygga. Gregers Kondrot og Grete Nilsen (eigar av gbnr. 74/128) Merknaden er innkomen til områdereguleringsplanen. Merknaden gjeld utbygging bak Gloppen hotell. Dei er innforstått med at dette er tomt tiltenkt bustadformål, men reagerer på at det i tillegg er tenkt næringsformål. Dei håper regelverket blir overholdt med omsyn til byggehøgd og kor nær det er lov å bygge mot nabo. Sjølv om det er bra for sentrum med fleire bustadhus, bør det ikkje gå ut over trivselen til naboane rundt. Dei håpar at planar for grøntareal/uteareal blir ivareteke. Dei undrar på korleis ein løyser problematikken rundt parkering, og viser til at utkøyrslene ut på hovudvegen i dag er ganske uoversiktlege med tanke på gang-/sykkelveg. KOMMENTAR: Næringsformålet er i detaljplanen noko nedtona, i og med at det er snakk om bustadbygg med utleigedel, der delar av bygga kan bli disponert av hotellet. Når det gjeld byggehøgd legg planen opp til ei endring der ein tek meir omsyn til Gloppen hotell enn til eksisterande einebustader. Det er ikkje lagt inn byggegrenser som fråvik frå 4 m-grensa i plan- og bygningslova. Parkering er løyst i felles parkeringshus. Utkøyrslene til hovudvegen er foreslått utbetra. Dette vil også innebere etablering av siktsoner. Planen inneheld rekkjefølgjekrav for å sikre at desse utbetringstiltaka blir gjennomført i samband med utbygging. Økonomiske konsekvensar for kommunen Ingen direkte konsekvensar av planen. Dersom veg/gangveg skal vere kommunale slik det er Side 44

foreslått, vil det gjerne innebere moderat auke i drifts- og vedlikehaldskostnader. Rådmannen si vurdering Rådmannen si vurdering går i stor grad fram av kommentar til den enkelte merknaden. I praksis inneber det at rådmannen har lagt sterkare vekt på utbyggingsinteressene enn på omsynet til eksisterande einebustadstruktur. Det har ikkje vore råd å finne gode kompromiss som sameiner begge desse motstridande interessene. På sikt meiner rådmannen at utviklinga ein her legg opp til vil vere bra for Sandane som tettstad. Sørstrandsvegen Prosjekt/Nordplan er samd i endringane som blir tilrådd. MULTEK-utvalet 14.03.2019 Behandling Endring av føresegner, framlegg frå Mariel Eikeset Koren, Miljøpartiet dei Grøne For BKS1 og BAA1 skal det etablerast 2 sykkelparkeringsplassar pr. leilighet innanfor området Det var synfaring i saka. Avd.ing. Bjørn Aurlien var til stades under behandling av saka. Framlegget frå Mariel Eikeset Koren vart samrøystes vedteke. Framlegg frå Solveig Lien Gusdal (Sp): Plankartet og føresegnene blir endra slik at planen viser byggegrenser mot veg og elv. Utover dette skal dei generelle reglane i plan- og bygningslova knytt til byggehøgde gjelde. Fralegget vart vedteke mot i røyst. KULT- 023/19 Vedtak Rådmannen si tilråding vart samrøystes innstilt med desse endringane: For BKS1 og BAA1 skal det etablerast 2 sykkelparkeringsplassar pr. leilighet innanfor området Plankartet og føresegnene blir endra slik at planen viser byggegrenser mot veg og elv. Utover dette skal dei generelle reglane i plan- og bygningslova knytt til byggehøgde gjelde. MULTEK-utvalet ber om at det blir utarbeidd sol-/skuggediagram før endeleg behandling i kommunestyret. Kommunestyret 03.04.2019 Behandling Nytt punkt forslag frå SD, framlegg frå Gunnvor Sunde, Samfunnsdemokratane I framlegg til reguleringsføresegner er det i punkt 4.1.c oppgjett at maks gesimshøgd skal vere 9 meter og mønehøgd 11 meter. Desse verdiane må endrast til å samsvare med gjeldande føresegner med gesimshøgd 6,3 meter målt på høgste punkt. Sol- og skuggediagram er no utarbeidd og ligg ved saka. Avd. ing. Bjørn Aurlien var til stades under behandling av saka. --- Det vart først gjort ei prøverøysting over framlegget frå Gunnvor Sunde, som fekk to røyster. Ved endeleg avrøysting fekk framlegget også to røyster. Side 45

KOM- 020/19 Vedtak Gloppen kommunestyre vedtek med heimel i plan- og bygningslova 12-12 detaljreguleringsplan for område rundt Gloppen hotell. Følgjande endringar skal innarbeidast etter høyringa: 1. Tekstdelen pkt. 6.6.1 skal endrast slik at det blir vist til krav i plan- og bygningslova og gjeldande byggeforskrifter 2. Tillegg til føresegnene pkt. 7.1: e) Alle tiltak i/langs Holvikelva skal avklarast med NVE etter vassressurslova og Fylkesmannen etter lov om laksefisk og innlandsfisk 3. Tillegg til føresegnene pkt. 8.5 c: Etter at flaum- og erosjonssikring av Holvikelva er utført, skal 5 m frå topp flaumsikring haldast fri for bygningstekniske anlegg, slik at tilkomst til framtidig vedlikehald er sikra. Dette skal også markerast med byggegrense i plankartet. Grøntområde G2 utgår av planen. I tillegg gjeld: For BKS1 og BAA1 skal det etablerast 2 sykkelparkeringsplassar per leilegheit innanfor området Plankartet og føresegnene blir endra slik at planen viser byggegrenser mot veg og elv. Utover dette skal dei generelle reglane i plan- og bygningslova knytt til byggehøgde gjelde. Vedtaket var samrøystes. Side 46

Gloppen kommune Arkiv: FE-037, HIST-16/1075 JournalpostID: 19/2054 Saksbehandlar: Geir Liavåg Strand Saksnr. Utval Møtedato 027/19 Formannskapet 21.03.2019 021/19 Kommunestyret 03.04.2019 Eigarskapsmelding Gloppen kommune 2018 Vedlegg i saka: 05.02.2019 Gloppen kommune som eigar 2018 Rådmannen si tilråding Kommunestyret vedtek eigarskapsmeldinga for 2018 slik den ligg føre. Saksutgreiing Bakgrunn for saka Kommunestyret har vedteke at det skal leggjast fram ei eigarskapsmelding i mars/april kvart år. Dette er meldinga for 2018. Fakta i saka Fakta i saka går fram av eigarskapsmeldinga. I 2018 har kommunestyret vedteke ny strategi for forvalting av næringseigedomar. Denne nye strategien går fram av punkt 1.6.9 i eigarskapsmeldinga. Rådmannen har i sitt framlegg til eigarskapsmelding endra strategien når det gjeld aksjane i Firda Billag AS. Rådmannen tilrår no at kommunen ikkje sel aksjane, jfr eiga sak til formannskapet om dette. Økonomiske konsekvensar for kommunen Sal av aksjepostar eller eigedomar kan gje kommunen inntekter. Der kommunestyret gjennom eigarskapsmeldinga opnar for sal av eigedomar eller aksjar, vil rådmannen fremje desse sakene til politisk behandling. Rådmannen si vurdering Rådmannen sine vurderingar går fram av sjølve eigarskapsmeldinga. Eventuelle endringar som vert vedtekne må difor leggast inn som endringar i meldinga. I 2018 vart det kjøpt aksjar for 1.000.000 kr i Nordfjordbrua og det er kjøpt og montert to bustadmodular. Meldinga er oppdatert med nye styremedlemar og årsresultat for dei ulike selskapa. Rådmannen vurderer at det ikkje er behov for andre endringar i eigarstrategien enn dei som kommunestyret har vedteke når det gjeld forvalting av næringseigedomar, jf punkt 1.6.9. Rådmannen tilrår at kommunestyret vedtek eigarskapsmeldinga for 2018 slik den ligg føre. Formannskapet 21.03.2019 Behandling Side 47

Organisasjonssjef Geir Liavåg Strand var til stades under behandling av saka. FOR- 027/19 Vedtak Rådmannen si tilråding vart samrøystes innstilt. Kommunestyret 03.04.2019 Behandling Rådmannen gjorde merksam på kommunen sin representant i styret for Breimsbygda Skisenter AS - Arvid Føleide Gimmestad, med Vigdis Henden som vara - ikkje har kome med i meldinga. Dette vil bli retta opp. KOM- 021/19 Vedtak Kommunestyret vedtek eigarskapsmeldinga for 2018 slik den ligg føre, med den rettinga som rådmannen gjorde merkasam på i møtet. Vedtaket var samrøystes. Side 48

Gloppen kommune Arkiv: FE-034, HIST-16/1363 JournalpostID: 19/3441 Saksbehandlar: Geir Liavåg Strand Saksnr. Utval Møtedato 028/19 Formannskapet 21.03.2019 022/19 Kommunestyret 03.04.2019 Ny organisering av kommunerevisjonen Vedlegg i saka: 28.02.2019 Samarbeidsavtale for Vestland Revisjon 28.02.2019 Møtebok frå samstyret for Kommunerevisjonen i Nordfjord - sak 4/2019 Rådmannen si tilråding 1. Gloppen kommune vil delta i etableringa av Vestland Revisjon Kommunale Oppgåvefellesskap saman med 15 andre kommunar frå 01.01.2020, slik det går fram av samarbeidsavtalen 2. Kommunen er samd i at dagens interkommunale revisjonssamarbeid blir avvikla frå og med 31.12.2019, men slik at årsrekneskapane for driftsåret 2019 blir revidert 3. Framlegg til samarbeidsavtale vert godkjend slik den ligg føre 4. Ved etableringa vert budsjett for 2020 basert på dei vedtekne årsbudsjetta for 2019 for dagens tre revisjonseiningar, med sterkt fokus på rasjonalisering, effektivisering og naturlege avgangar i ei omstillingsperiode 5. Representantskapet evaluerer drifta og m.a. fordelingsnøkkelen innafor ei omstillingsperiode på 4 år 6. Interimsstyret har fullmakt til å planlegge og gjennomføre samarbeidsdanninga i samsvar med kommunestyra sine vedtak. Dette inneber: Gjennomføring av drøftingar med fagorganisasjonane/dei tilsette i samsvar med avtaleverket Tilsetting av personale i tråd med arbeidsmiljølova sine bestemmelsar om verksemdoverdraging (AML Kap. 16). Eventuell ekstern utlysing om det vert nødvendig Gjere andre vedtak/disposisjonar som er nødvendig for å kunne stifte oppgåvefellesskapet slik at dette er etablert og operativt frå 01.01.2020 7. Det nye kommunestyret i deltakarkommunane føretek val av 1 representant og 1 vararepresentant til representantskapet på første/konstituerande møte etter kommunevalet hausten 2019. Lova sin frist for dette er innan 01.11.2019 8. Side 49