Gloppen kommune. Møtebok. Utval Helse- og omsorgsutvalet Møtestad Gloppen heradshus Dato Tid Kl. 09:00-11:30. Følgjande medlemar møtte

Transkript

1 Gloppen kommune Utval Helse- og omsorgsutvalet Møtestad Gloppen heradshus Dato Tid Kl. 09:00-11:30 Møtebok Følgjande medlemar møtte Arnfinn Jørgen Brekke Vidar Sandal Per Ståle Husevåg Liv Petra Holme Anniken Rygg Frå KRF SP KRF AP H Forfall/møtte ikkje Frå Følgjande varamedlem møtte Frå Olaf Sigurd Gundersen SP Oddrun Undheim Slagstad SP Marit Straume SP Ingen Andre som møtte Anita Lothe, rådgjevar i helse- og omsorgstenesta i sak 41/18 Gunhild Gimmestad, helse- og omsorgssjef Lars Johan Sivertsen, prosjektleiar i sak 41/18 Odd Arne Kolseth, leiar av eigedomsavdelinga i sak 41/18 Møteleiar: Arnfinn Jørgen Brekke Underskrift: Arnfinn Jørgen Brekke

2 Sakliste Sak nr. Sakstittel 038/18 Godkjenning av møtebok, innkalling og sakliste 039/18 Referat og orienteringssaker 040/18 Søknad om løyve til sal av øl med rett til tilverking - Hjelle Gardsbryggeri DA 041/18 Bygging av nytt omsorgsbygg - godkjenning av kostnadsoverslag og finansiering Side 2

3 Gloppen kommune Arkiv: FE-033 JournalpostID: 18/15334 Saksbehandlar: Anvor Hauge Saksnr. Utval Møtedato 038/18 Helse- og omsorgsutvalet Godkjenning av møtebok, innkalling og sakliste Vedlegg i saka: Protokoll - Helse- og omsorgsutvalet Utvalsleiar si tilråding: 1. Helse- og omsorgsutvalet godkjenner møteboka frå sitt møte den 14. november Helse- og omsorgsutvalet godkjenner innkallinga og saklista til møtet den 5. desember Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Helse- og omsorgsutvalet Behandling HOU- 038/18 Vedtak 1. Helse- og omsorgsutvalet godkjenner møteboka frå sitt møte den 14. november Helse- og omsorgsutvalet godkjenner innkallinga og saklista til møtet den 5. desember Vedtaket var samrøystes. Side 3

4 Gloppen kommune Arkiv: FE-033 JournalpostID: 18/15817 Saksbehandlar: Jan Kåre Fure Saksnr. Utval Møtedato 039/18 Helse- og omsorgsutvalet Referat og orienteringssaker Orienteringssaker: Ordet fritt... Helse- og omsorgsutvalet Behandling Under ordet fritt: Vidar Sandal (Sp) stilte eit spørsmål retta til helse-og omsorgsjefen i forhold til at behandling av budsjettsaka i førre HOU-møte. Helse- og omsorgsjefen burde ha sagt det same i helse og omsorgsutvalet den , som rådmannen sa om vedtaket i den vidare saksbehandlinga av budsjettet (då saka gjekk vidare til formannskapet). Tilbakemeldinga fekk støtte frå Annike Rygg (H). HOU- 039/18 Vedtak Det vart ikkje gjort vedtak i saka. Side 4

5 Gloppen kommune Arkiv: FA-U62 JournalpostID: 18/14301 Saksbehandlar: Geir Liavåg Strand Saksnr. Utval Møtedato 040/18 Helse- og omsorgsutvalet /18 Formannskapet Søknad om løyve til sal av øl med rett til tilverking - Hjelle Gardsbryggeri DA Rådmannen si tilråding Formannskapet gir Hjelle Gardsbryggeri DA salsløyve for alkoholhaldig drikke som inneheld inntil 4,7 volumprosent alkohol frå eige gardsutsal. Løyvet gjeld sal over disk. Løyvet omfattar også rett til tilverking. Løyvet er gitt i samsvar med sentrale lover og forskrifter og Gloppen kommune sin Rusmiddelpolitiske handlingsplan for perioden Aktuelle tidsrom for sal av alkoholhaldig drikk er kvardagar klokka 09:00 til klokka 20:00. Laurdagar og dagar før helgedagar klokka 09:00 til klokka 18:00. Saksutgreiing Bakgrunn for saka Hjelle Gardsbryggeri DA søkjer om sals- og tilverkingsløyve for øl. Ølet skal tilverkast på garden og skal seljast frå utsal same stad. Målet er å produsere 200 liter i veka. Styrar er Siw Ingunn Hjelle Eide med varastyrar Per-Erik Hjelle Eide. Begge har avlagt kunnskapsprøva. Fakta i saka Den som søkjer om sals-løyve kan samstundes søkje om løyve til tilverking av øl. Helsedirektoratet skriv: «Tilvirkning av alkoholholdig drikk, det vil si produksjon av drikk som inneholder mer enn 2,5 volumprosent alkohol, krever bevilling, jf. alkoholloven 6-1.» Vidare skriv Helsedirektoratet at for å starte produksjon av alkoholhaldig drikk må du ha statleg løyve for engros-sal, kommunalt skjenkeløyve med rett til tilverking, eller kommunalt salsløyve med rett til tilverking. For å kunne starte utsal av eigne produkt direkte til forbrukar må det søkjast om kommunalt salsløyve. Politiet har ingen merknader til søknaden. Økonomiske konsekvensar for kommunen Ingen. Rådmannen si vurdering I kommunen sin «Rusmiddelpolitisk handlingsplan» står det at «Gloppen kommune tillet sal av øl og rusbrus i butikk. Føresetnadane for tildeling av salsløyve er at utsalsstadene er godkjende av Mattilsynet, og at salsstyrar og varastyrar har greidd kunnskapsprøva etter alkohollova.». Det står vidare at det kan gjevast salsløyve for eigenprodusert øl i samsvar med reglane i alkohollova. Side 5

6 Det går fram av søknaden at verksemda har tett dialog med Mattilsynet om godkjenning av produksjons-arealet. Det er ein føresetnad at denne godkjenninga er på plass før det kan produserast øl for sal på garden. Det går vidare fram av handlingsplanen at det ikkje skal gjevast salsløyve dersom salsstaden ligg i eller ved typiske bustadområde. Utsalsstaden det her vert søkt om ligg på Hjelle i eit LNF-område. LNF-områda vert ikkje rekna som typiske bustadområde og rådmannen konkluderer med at plasseringa av utsalsstaden ikkje hindrar kommunen å gje salsløyve. Styrar og varastyrar har begge levert politiattest og dei har begge bestått kunnskapsprøva om alkohollova. Basert på desse vurderingane vil rådmannen tilrå at det vert gitt sals- og tilverkingsløyve for Hjelle Gardsbryggeri AS. Helse- og omsorgsutvalet Behandling KrF vil gå for Rådmannen si tilråding, men vi byter ut ordet "alkoholholdig" med "eigenprodusert" i første setning.., framlegg frå Per Ståle Husevåg, Kristeleg Folkeparti Formannskapet gir Hjelle Gardsbryggeri DA salsløyve for eigenprodusert drikke som inneheld inntil 4,7 volumprosent alkohol frå eige gardsutsal.... Per Ståle Husevåg endra sitt framlegg til berre og sette inn ordet "eigenprodusert" framfor alkoholhaldeg drikke i rådmannen si tilråding, første avsnitt. Det vart røysta alternativt mellom - rådannen si tilråding, som tre røyster og - framlegget til Per Ståle Husevåg som også fekk tre røyster. Framlegget til Per Ståle Husevåg vart vedteke med leiar sin dobbelrøyst. HOU- 040/18 Vedtak Helse og omsorgsutvalet tilrår formannskapet å gjere slikt vedtak: Formannskapet gir Hjelle Gardsbryggeri DA salsløyve for eigenprodusert aloholhaldig drikke som inneheld inntil 4,7 volumprosent alkohol frå eige gardsutsal. Løyvet gjeld sal over disk. Løyvet omfattar også rett til tilverking. Løyvet er gitt i samsvar med sentrale lover og forskrifter og Gloppen kommune sin Rusmiddelpolitiske handlingsplan for perioden Aktuelle tidsrom for sal av alkoholhaldig drikk er kvardagar klokka 09:00 til klokka 20:00. Laurdagar og dagar før helgedagar klokka 09:00 til klokka 18:00. Vedtaket blei gjort med leiar si dobbelrøyst. Side 6

7 Gloppen kommune Arkiv: JournalpostID: 18/15306 Saksbehandlar: Gunhild Gimmestad Saksnr. Utval Møtedato 041/18 Helse- og omsorgsutvalet Formannskapet Kommunestyret Bygging av nytt omsorgsbygg - godkjenning av kostnadsoverslag og finansiering Rådmannen si tilråding 1. Kommunestyret viser til rådmannen si saksutgreiing og godkjenner oppstart av bygging av nytt omsorgsbygg med 20 plassar i tilknytning til Gloppen omsorgssenter 2. Kostnadsoverslaget er 105 millionar medrekna moms, og prosjektet blir finansiert slik som vist i rådmannen si saksframstilling 3. Nødvendig låneopptak blir gjort i samband med årsbudsjetta for 2019 og eventuelt Arbeidet skal ikkje startast opp før Husbanken har gjeve bindande tilsegn om tilskot til prosjektet. Kommunestyret føreset at kommunen får maksimalt tilskot 5. Kommunestyret ber om at helse- og omsorgsutvalet og formannskapet blir haldne orienterte om gjennomføringa av byggeprosjektet. Saksutgreiing Bakgrunn for saka Helse- og omsorgsutvalet gjorde m.a. følgande vedtak i sak 12/16: «Helse- og omsorgsutvalet ber om at området ved Gloppen omsorgssenter vert prosjektert for utbygging av nytt omsorgsbygg.» Det vart orientert om framdrift i saka til helse- og omsorgsutvalet og i same møte gjort vedtak om å prosjektere 20 nye omsorgsbustader. Formannskapet gjorde , vedtak om å lyse ut nytt omsorgsbygg som totalentreprise. Saka er no komen så langt at endeleg kostnadsoverslag må godkjennast og det må fattast vedtak om oppstart. Fakta i saka Arbeidsgruppa har vurdert tilbod frå tre tilbydarar, kor den eine har blitt avvist grunna manglande dokumentkrav. I skrivande stund vert det arbeidd med tildeling av oppdraget. Kven som får oppdraget og til kva for ein pris, er førebels unnateke innsyn, men vil bli offentleg så snart tildelinga er gjort. I helse- og omsorgsutvalet sitt møte, vil rådmannen legge fram og gå gjennom den løysinga som er valt. Tilboda er i tråd med kravspesifikasjonen som låg til grunn for utlysinga. I arbeidet med å planlegge nytt omsorgsbygg er det bestemt at den gamle trebygningen skal rivast og erstattast med nytt Side 7

8 tilbygg. Tilbygget er i utgangspunktet tenkt i tre etasjar. 1. og 2. etasje er tenkt til omsorgsbustader med tilhøyrande fellesrom og andre nødvendige funksjonar som lager, skyllerom, kontor og møterom. Underetasjen skal nyttast til ulike lager, garderobar, kontor og tekniske rom. I tillegg vert det loftsrom som kan nyttast til lager og teknisk rom m.m. Omsorgsbustadane skal planleggast slik at bruken gjev fleksibilitet i forhold til ulike pasientgrupper. Det er behov for eit framtidsretta og fleksibelt omsorgsbygg. Det må også planleggast for eventuell vidare utbygging i framtida. Ei lokal arbeidsgruppe har vore med i planleggingsprosessen. Dette er tilsette som har erfaringar med tilsvarande prosessar og som representerer einingar som har funksjonar i dagens bygg og som vert berørte av ombygging og nybygg. I tillegg har verneombod, vaktmeister, helse- og omsorgssjef og einingsleiar eigedom vore med i arbeidsgruppa. Innhald og funksjonar som vi vil ha i det nye bygget er omtala så nøyaktig som råd. Dette er også sett i samanheng med funksjonar i eksisterande bygg og planlagt med tanke på å skulle driftast effektivt og forsvarleg i lag med dagens einingar. Tekniske rådgjevarar har vore med å utarbeide kravspesifikasjon på det tekniske fagområdet. Behov og funksjon på ulike tekniske fagområde er kartlagt og omtala. Dette omfattar el.kraft, høgspent anlegg, lavspent anlegg, nødstraumsanlegg, tele- og automatiseringsanlegg, telefon, brannvarslingsanlegg, adgangskontroll, TV/radio/AV utstyr, sjukesignalanlegg, heisanlegg, sanitærteknisk anlegg, varmeanlegg, ventilasjonsanlegg, kjøleanlegg og sprinkleranlegg. Rådgjevarane har også kartlagt og omtala eksisterande anlegg, og vurdert behov for fornying. Ei eiga tverrfagleg arbeidsgruppe har vurdert behovet for velferdsteknologi i det nye omsorgsbygget. Vi har kartlagt behov for teknologi med utgangspunkt i kvalitet på tenestene for brukarane, effektiv og trygg drift både med tanke på dei tilsette og brukarane. Konsulentar med spesiell kompetanse på området har også delteke i dette arbeidet. Totalentreprenør skal stå for design av heile bygget inkludert tekniske anlegg. Parkering og tilkomst både under byggeperioden og etter ferdigstilling er vurdert og planlagt som ein del av prosjektet. Det er behov for areal for tilkomst til området i byggeperioden og etter ferdigstilling. Vi planlegg ordinær drift på omsorgssenteret i byggeperioden. Dette innebær å etablere ein del funksjonar i underetasjen i dagens bygg for å oppretthalde drifta. Det er planlagt drift i nytt omsorgsbygg frå juli Økonomiske konsekvensar for kommunen Det er lagt til grann at det skal byggast omsorgsbustader med bemanning gjennom heile døgnet med investeringstilskot frå Husbanken. Maksimalt tilskot er i dag (i 2018) kroner per bustad. Vi har så langt ikkje fått opplyst om tilskotet blir justert i 2019, men reknar med at dette skjer. Det er oppretta kontakt med Husbanken og informasjon om planar om nytt omsorgsbygg er sendt inn. Byggekostnader og finansiering Oppdatert kostnadsoverslag for bygget er no 83,5 millionar, pluss moms. Dette beløpet inkluderer i tillegg til totalentreprisen, nødvendige opsjonar på , kostnader vi har brukt så langt til førebuings- og planarbeidet 2,1 mill., «byggherrekostnader» på vel 16,3 mill. Hovudpostane her er inventar (3,8 mill), byggeleiing (0,9 mill), ekstra nattevakt i byggeperioden etter pålegg frå brannsjefen (0,75 mill.) og uforutsett (9,0 mill). Inkludert moms er kostnadsoverslaget 105 mill. Finansieringa blir då slik (med dagens tilskotsats frå Husbanken): Sum kostnad 105,0 mill Momskompensasjon 20,9 mill Tilskot frå 29,0 mill Husbanken Lån 55,1 mill Side 8

9 Om lag 1,5 mill. av lånet er teke opp for å finansiere plan- og førebuingsarbeidet t.o.m Drifts- og finansieringskostnader Basert på driftskostnadene på Oreteigen vil full drift av 20 plassar koste om lag 12 millionar i året. Som sagt i ulike samanhengar, vil rådmannen kome tilbake med ein plan om korleis vi skal starte opp bruken av bygget og korleis vi skal finansiere kostnaden med dette. Eit sentralt punkt her blir sjølvsagt kor mykje ressursar dei som skal flytte inn i bygget tar med seg frå dagens drift. Det er derfor uråd i dag å seie kor mykje helse og omsorgssektoren må ha i ekstra ressurar for å drifte bygget. Renter og avdrag på investeringa er derimot lettare å seie noko sikkert om. Det usikre her er utviklinga av renta. 55,1 mill. gjev følgjande renter og avdrag: Renter Avdrag Sum I tabellen er det ikkje rekna med renter på lånet i Rådmannen kan ikkje gå god for at vi greier å unngå dette i eit så stort byggeprosjekt. Det kan vise seg at vi må ta opp lånet så tidleg at vi får rentekostnader allereie neste år. Avdragstida er sett til 35 år og 2,5 % rente er lagt til grunn. Rådmannen si vurdering Rådmannen er sjølvsagt uroleg for kostnaden med dette prosjektet. Vi har brukt mykje tid på planlegging, og rekna svært grundig på kostnadene. Rådmannen trur ikkje vi tidlegare har gjort eit så grundig forarbeid på noko investeringsprosjekt. Eg er derfor no nokså trygg på at kostandsoverslaget vil halde. Behovet for fleire omsorgsbustader med bemanning gjennom heile døgnet er allereie stort i dag. Vi har for få plassar og i tillegg ser vi den demografiske utviklinga som heilt tydeleg viser at det vil bli fleire som treng denne typen bustad og tenester i åra framover. Slik rådmannen ser det, har vi ikkje noko anna val enn å setje prosjektet i gang. Rådmannen legg likevel til grunn at vi har eit bindande tilsegn frå Husbanken om maksimalt tilskot før arbeidet startar opp. Rådmannen tillet seg å peike på at staten v/husbanken nok har eit urealistisk bilete av kva det kostar å bygge sjukeheimsplassar og omsorsbustader. Husbanken seier at deira tilskot utgjer 45 % av byggekostnaden, og på stader som ikkje er såkalla pressområde utgjer altså dette kroner per plass. I vårt reknestykkje blir Husbanktilskotet i underkant av 35 %. Her er det noko som ikkje stemmer. Helse- og omsorgsutvalet Behandling Til stades under behanding av saka var rådgjevar Anita Lothe, leiar for eigedomsavdelinga Odd Arne Kolset og prosjektleiar Lars Johan Sivertsen. Framlegg frå Arnfinn Brekke (krf): Helse- og omsorgsutvalet viser til ny informasjon i møtet og vil utrykkje uro for framdrifta og kostnadane med nytt omsorgsbygg. Helse- og omsorgsutvalet kan ikkje tilrå kommunestyret å godkjenne oppstart av bygging av nytt omsorgsbygg før planane er godkjende av Husbanken og nytt kostnadsoverslag med finaniseringsplan er presentert for utvalet. Helse-og omsorgsutvalet ber rådmannen gå gjennom proskjetet med omsyn til moglege innsparingstiltak. Helse- og omsorgsutvaletber om at rådmannen gjev arbeidet med nytt omsorgsbygg, basert å gjenomført anbodsrunde, høg prioritet. Side 9

10 Framlegget vart samrøystes vedteke. HOU- 041/18 Vedtak Helse- og omsorgsutvalet viser til ny informasjon i møtet og vil utrykkje uro for framdrifta og kostnadane med nytt omsorgsbygg. Helse- og omsorgsutvalet kan ikkje tilrå kommunestyret å godkjenne oppstart av bygging av nytt omsorgsbygg før planane er godkjende av Husbanken og nytt kostnadsoverslag med finaniseringsplan er presentert for utvalet. Helse-og omsorgsutvalet ber rådmannen gå gjennom proskjetet med omsyn til moglege innsparingstiltak. Helse- og omsorgsutvaletber om at rådmannen gjev arbeidet med nytt omsorgsbygg, basert å gjenomført anbodsrunde, høg prioritet. Vedtaket var samrøystes. Side 10