Møteinnkalling (13/3733)

Sogndal kommune Møteinnkalling (13/3733) Utval: KOMMUNESTYRET Møtestad: Kommunestyresalen Møtedato: 14.11.2013 Tid: 13:00 Eventuelt forfall skal meldast til telefon 57 62 96 00 - Varamedlemmar møter etter nærare avtale. Forfall: Innkalla vararepresentantar: Karin Vikane (H) Einar Vatlestad Ivar Slinde (SP) Hilde Bøthun Heidi Kathrin Osland (SV) Steinar Øydvin kl.13.00-13.45: Tema: Presentasjon forvaltningsrevisjonsrapporten om ressursbruk innan pleie- og omsorgstjenestene i Sogndal kommune v/line M. Johansen Sakliste Saksnr. Arkivsaksnr. Tittel 40/13 13/602-10 Kommunestyre 14.11.2013 - Opning, konstituering, interpellasjonar, orienteringar. 41/13 13/3226-2 Fritak frå politiske verv fram til 01.01.2014. 42/13 13/771-4 Forskrift for namnsetjing, adressering og adresseforvaltning i Sogndal kommune 43/13 13/397-11 Garantiansvar Sogndal Eigedomsselskap AS Ny søknad datert 3.10.2013 44/13 13/1846-2 Oppmoding om busetjing av flyktningar i 2014-2016 45/13 13/1449-10

Forvaltningsrevisjonsrapport: Pleie og omsorg - årsaker til avvik mot budsjett og KOSTRA-tal. 46/13 13/2714-19 2. tertialrapport 2013 47/13 12/2030-262 Revisjon av arealdelen til kommuneplan. Sakene er offentleg utlagde i Tenestetorget, Sogndal bibliotek og busenteret i Fjærland. Informasjon på vår heimeside: www.sogndal.kommune.no Sogndal, 08.11.2013. Jarle Aarvoll -ordførar- Gerd Kleiven politisk sekretær

Sogndal kommune Sak 40/13 Kommunestyret Saksh.: Gerd Kleiven Arkiv: 065 Arkivsak: 13/602 Saksnr.: Utval Møtedato 33/13 Kommunestyret 05.09.2013 40/13 Kommunestyret 14.11.2013 Sak 40/13 Kommunestyre 14.11.2013 - Opning, konstituering, interpellasjonar, orienteringar. Pkt. 1 OPNING AV KOMMUNESTYREMØTE: A. Konstituering av møte. * Møtet lovleg sett med 23 representantar og 2 vararepresentant til stades. - Einar Vatlestad (H) møter som vararepresentant for Karin Vikane. - Hilde Bøthun (SP) møter for Ivar Slinde. - Steinar Øydvin (SV) møter for Heidi Kathrin Osland. * Innkalling og sakliste godkjenning. * Møteleiar: Ordførar Jarle Aarvoll. * Ope møte. * Framlegg: Representantane Eva Ramstad og Stig Ove Ølmheim vert valde til å underteikne møteprotokollen. B. Protokoll frå møte 05.09.2013. Godkjenning. Pkt. 2 Pkt. 3 Pkt. 4 Pkt. 5 Spørsmål/interpellasjonar. Open spørjetime. Skriv og meldingar. Orienteringar og drøftingar A. Orientering frå ordførar: -Statsbudsjettet. B. Drøftingar Gerd Kleiven -politisk sekr.- Side 3 av 36

Sogndal kommune Sak 41/13 Kommunestyret Saksh.: Gerd Kleiven Arkiv: 033 Arkivsak: 13/3226 Saksnr.: Utval Møtedato 54/13 Formannskapet 03.10.2013 41/13 Kommunestyret 14.11.2013 Sak 41/13 Fritak frå politiske verv fram til 01.01.2014. 1. Fram til 01.01.2014 får Kjetil Ertesvåg (FrP) fritak for følgjande verv: - Kommunestyrerepresentant. - Medlem av valstyre. - 1. vararepresentant til forvaltningsutvalet. 2. Sigurd Sætre rykker opp som fast representant for Frp i kommunestyre. Framstegspartiet får då 4 vararepresentantar som rykker opp i rekkefølgje. Rita Navarsete vert medlem i valstyre med som personleg varamedlem. Idar Kollsete rykker opp som 1. vararepresentant til forvaltningsutvalet. Vedlegg vert referert i møtet: Stadfesting frå lege. Saksutgreiing: Bakgrunn: Kjetil Ertesvåg er medlem for Frp i kommunestyre, medlem i valstyre og første vararepresentant til forvaltningsutvalet. For resten av 2013 må det veljast nye personar til desse verva. Vurdering: Sigurd Sætre rykker opp som fast representant for Frp i kommunestyre. Framstegspartiet får då 4 vararepresentantar som rykker opp i slik rekkefølgje: 1. Alfred Brusegard 2. Kristine Lie 3. Idar Kollsete 4. Kjell Fodnes. Rita Navarsete vert medlem i valstyre. Ny personleg varamedlem må veljast. Idar Kollsete rykker opp som 1. vararepresentant til forvaltningsutvalet. FrP får då 2 vararepresenatar til forvaltningsutvalet i slik rekkefølgje: 1. Idar Kollsete 2. Kari Lie 3. Rita Navarsete Jarle Aarvoll -ordførar- Gerd Kleiven -politisk sekr.- Side 4 av 36

Sogndal kommune Sak 42/13 Kommunestyret Saksh.: Eirik Røysi Arkiv: L32 Arkivsak: 13/771 Saksnr.: Utval Møtedato 56/13 Formannskapet 03.10.2013 42/13 Kommunestyret 14.11.2013 Sak 42/13 Forskrift for namnsetjing, adressering og adresseforvaltning i Sogndal kommune Formannskapet si tilråding: Forskrift for namsetjing, adressering og adresseforvaltning i Sogndal kommune vert vedteken slik en ligg føre. Tilråding frå rådmann: Forskrift for namsetjing, adressering og adresseforvaltning i Sogndal kommune vert vedteken. Handsaming i formannskapet 03.10.2013, sak 56/13: Rådmann la fram følgjande tillegg til 5: Matrikkeladressenamn/adressetilleggsnamn kan vera gardsnamn. Laura Kvamme (Sp): la fram følgjande forslag til 4, tillegg: Ein representant frå Fjærland Sogelag med personleg vara, som Fjærland Sogelag oppnemner. Framlegget vart samrøystes vedteke. Vedlegg: Brev dat 25.02.2013 frå Fylkesmannen Brevdatert 01.04.2013 frå Karverket Fortskrift korrigert 4.10.2013 Saksutgreiing: Bakgrunn: Miljøverndepartemenet har, med bakgrunn i Ot.Prp. nr.70 om lov om eigedomsregistrering og Innst.o.nr 118 (2004-2005) frå energi- og miljøkomiteen om lov om eigedomsregistrering, lagt fram tilråding om å intensivere overgangen frå matrikkeladresser til offisielle adresser i form av vegadresser. Overordna mål er eit einsarta adressesystem for heile landet innan 01.01.2015. Prosjektet er ein nasjonal dugnad leia av Kartverket, som har utarbeidd strategi og retningslinjer nedfelt i strategidokumnetet «Strategi 2010-2015». Lokal adresseforskrift Kommunane kan med heimel i forskrift til matrikkelova 59, lage utfyllande reglar om tildeling av adresser i ei lokal adresseforskrift. Føremålet med ei lokal forskrift er å regulere tilhøve i Side 5 av 36

Sak 42/13 adressetildelinga som ikkje er omtala i lova eller sentrale forskrifter. Lokal forskrift kan regulere korleis adresserettleiaren skal nyttast i kommunen. Det er i regi av Sogn regionråd teke initiativ til at dette skal kunne gjennomførast etter same mal i alle regionrådskommunane. Vi har på dette grunnlaget utarbeidd utkast til lokale forskrift. Føremålet med forskrifta er at den skal organisere adresseringsarbeidet og gje køyrereglar for korleis adresseringa skal gjennomførast i kommunen på ein rasjonell og effektiv måte. Adressemyndigheita i forskrifta er lagt til rådmannen, slik at rådmannen er ansvarleg for adresseforvaltinga i kommunen med tildeling av adresser etter reglane i matrikkellova og tilhøyrande føresegner, samt har ansvar for saksførebuande arbeid knytt til fastsetjing av vegnamn og adressenamn etter reglane i lov om stadnamn. Namnemyndigheita, med ansvar for tildeling av vegnamn og fastsetjing av skrivemåte av stadnamn /adressenamn etter reglane i lov om stadnamn, og ansvar for uttale i namnesaker der kommunen ikkje har vedtaksmynde, ligg i utgangspunktet til kommunestyret, og er ved delegasjonsvedtak i k-sak 55/08 den 11.12.2008 delegert til formannskapet. Det er i forskrifta lagt opp til at formannskapet framleis skal vere namnemyndigheit. Namnenemnd: 4 i forskrifta legg opp til at det skal nedsetjast ei namnenemnd som skal vere kommunen sitt rådgjevande organ i saker etter stadnamnlova der kommunen har vedtaks/uttalerett. Nemnda skal særleg ivareta 7 i forskrifta og bør såleis i sterk grad inneha lokalhistorisk kompetanse. Det er i forskrifta førsett at namnenemnda består av 3 personar og vert samansett slik: 1. Ein representant med personleg vararepresentant som Sogndal Sogelag peikar ut. 2. Ein represenetant m/personleg vararepresentant som De Heibergske samlinger Sogn Folkemuseum peikar ut. 3. Ein person med personleg vararepresentant som rådmannen peikar ut. Høyring: I samsvar med utredningsinstruks for slike forskrifter, har kommunen sitt utkastet til forskrift vore oversend Kartverket i Bergen og Fylkesmannen i Sogn og Fjordane på høyring før forskrifta no vert framlagt for politiks handsaming. Den lokale forskrifta skal sendast inn til norsk Norsk Lovtidend for kunngjereing den dagen ho vert vedteken. Høyring hos Kartverket og Fylkesmannen er gjennomført. I brev datert 25.02.13 har fylkesmannen påpeika et ordet forskrift bør brukast i staden for ordet føresegn, som var brukt i overskrifta i høyringsutkastet. Fylkesmannen presiserer forskrifta skal kunngjerast i Norsk Lovtidend etter at vedtak er gjort. Vidare har Fylkesmannen vist til at forskrifta vil gjelde i 3 år frå vedtak/kunngjering, dersom ikkje anna er sagt i forskrifta, eller at kommunen opphevar ho på eit tidlegare tidspunkt. Fylkesmannen si forståing av spørsmålet om gyldigheit for vedtekta har vore førelagt Statens Kartverk. Ein har her fått stadfesta at tidsfristen på 3 år er ein overgangsbestemmelse som gjeld for eventuelle tidlegare forkrifter som finst i kommunen, og skal ikkje gjelde den nye forkrifta. Fylkesmannen sine påpeikingar er retta opp i forskrifta ved at ordet føresegn er endra til forskrift. Side 6 av 36

Sak 42/13 I brev datert 19.04.2013 viser kartverket til at 5 i utkastet til vedtekter ikkje kan innhalde ein annan defininsjon av offisiell adresse enn den offisielle forklaringa som står i matrikkelforskrifta. Kartverket har her kome med forslag til tekst som kan nyttast. Kartverket har vidare peika på at tilvisingsskilt ikkje er huseigar sitt ansvar og på dette grunnlag føreslege at 9.6 i høyringsutkastet vert teken bort, og at 9.1 viser at kommunen har ansvar for tilvisingsskilt. Kartverket sitt framlegg til tekst i 5 er no innarbeidd i forskrifta. Høyringsutkastet sitt forslag om at tilvisingsskilt er huseigar sitt ansvar, dels i 9.2 og i paragraf 9.6 er fjernafrå forskrifta. Jfr. 9.1 er tilvisingsskilt kommunalt ansvar. Ressursbruk/økonomi: Det er om lag 1700 adresseeiningar (bueiningar) som ikkje har offisiell gateadresse i Sogndal i dag. Kor mange adresseparsellar (gatenamn) dette omfattar kan vi ikkje vite før oppdeling av vegnettet i adresseparsellar er gjort etter reglane i vedtektene. Ut frå talet på adresseiningar, eit stipulert antal adresseparsellar, og erfaringstal for liknande prosjekt, har regionrådet for Sogndal kommune sin del lagt til grunn at den administrative delen av adresseringsarbeidet inkl. monteringsarbeid for veg- og husnummerskilt vil legge beslag på ca 2760 timeverk og har ei stipulert kostnadsramme på kr 1,6 mill. Endring i tal adresseparsellar kan gje endring både i tidsbruk og kostnader. Eit førebels eksperiment med oppdeling i adresseparsellar etter reglane i forskrifta for ein del av kommunen, gav noko høgare tal på adresseiningar enn det som var stipunlert i regionrådet sitt overslag. Det er såleis sannsynleg at både arbeidsomfanget og kostnadene med prosjektet kan bli noko meir omfattande Ein god del av det administrative arbeidet kan gjerast som eigeninnsats i kommunen sin eigen administrasjon. For desse delene av arbeidet vil kostnadene falle innanfor einingane sine eigne lønnsbudsjett, men med eit omfang på omlag 1,5-2 årsverk, vil det truleg i tillegg vere behov for innleigd hjelp i deler av prosjektet. Det vil medføre direkte utgifter. I tillegg vil kommunen med prosjektet få direkte utlegg til innkjøp av materiell til vegskilt. I fylgje kostnadsoverslaget til regionrådet er dette kalkulert til kr 461.000,-. Vurdering: Eintydige gateadresser vert eit stadig viktigare hjelpemiddel for at både offentlege og private aktørar skal orientere seg i samfunnet. Samfunnsøkonomisk vil ein ha stor gevinst i form av at naudetatar kjem raksare fram for å redde liv og verdiar og ein oppnår raskare og meir presisi levering av varer og tenester. Lokal forskrift for namnsetjing, adressering og adresseforvalning i Sogndal kommune er eit viktig verktøy for å kunne innføre eit eintydig system med gateadresser i kommunen. Jostein Aanestad rådmann Side 7 av 36

Sogndal kommune Sak 43/13 Kommunestyret Saksh.: Osvald Lykkebø Arkiv: 256 D11 Arkivsak: 13/397 Saksnr.: Utval Møtedato 8/13 Formannskapet 31.01.2013 6/13 Kommunestyret 14.02.2013 59/13 Formannskapet 24.10.2013 43/13 Kommunestyret 14.11.2013 Sak 43/13 Garantiansvar Sogndal Eigedomsselskap AS Ny søknad datert 3.10.2013 Sogndal kommune garanterer med sjølvskyldnargaranti for lån på kr. 8 000 000,- som Sogndal Eigedomselskap AS tar opp til ombygging av Kulturhuset. Garantien gjeld for inntil kr. 8 000 000,- med tillegg av eventuelle renter og omkostningar. Garantiansvaret vil bli redusert i takt med nedbetalinga av lånet og opphøyrer etter 20 år med tillegg av inntil 2 år, jf. Garantiforskrifta 3. Handsaming i Formannskapet 24.10.2013, Sak: 59/13: Ettersendt: Teikningar av 1. etasje. Eva Ramstad (V) er styremedlem i Sogndal eigedomsselskap og sa seg ugild i saka. Formannskapet slutta seg til dette. Ikkje møtande vararepresentant. Samrøystes tilråding: Sogndal kommune garanterer med sjølvskyldnargaranti for lån på kr. 8 000 000,- som Sogndal Eigedomselskap AS tar opp til ombygging av Kulturhuset. Garantien gjeld for inntil kr. 8 000 000,- med tillegg av eventuelle renter og omkostningar. Garantiansvaret vil bli redusert i takt med nedbetalinga av lånet og opphøyrer etter 20 år med tillegg av inntil 2 år, jf. Garantiforskrifta 3. Vedlegg 1. Søknad frå Sogndal eigedomselskap inkl. - Byggjerekneskap 2. og 3. etasje frå byggjeleiar Kjell Tokvam - Likviditetsbudsjett 2014-17 Sogndal Eigedomselskap - kopi av utskrift frå styremøte i Eigedomselskapet 27.9.13 2. A38 Notat med kostnadsoverslag for ombygging 1. etasje Saksutgreiing Sogndal Eigedomsselskap AS er eit heileigd selskap av Sogndal kommune. Selskapet har eit eksisterande lån i Kommunalbanken med kommunal garanti. Sogndal Eigedomsselskap AS tok opp eit obligasjonslån i 1991 på kr. 60 000 000 i Den Norske Bank. Kommunen garanterte då som sjølvskyldnargarantist. Lånet har ei nedbetalingstid på 30 år. I 2001 vart lånet overført til Kommunalbanken og vart refinansiert i 2006. Lånesaldo på eksisterande lån er kr.20 500 000. Ein kommunal garanti kan ikkje strekke seg lenger enn 40 år og til finansiering av investeringar kan ikkje garantien strekka seg lenger enn til investeringsobjektet si levetid, jf. garantiforskrifta 3. Side 8 av 36

Sak 43/13 Garantien frå Sogndal kommune gjeld til 2021. Sogndal Eigedomselskap søkte også om kommunal garanti for lån på kr. 20 000 000,- 21. januar 2013. I denne søknaden var ikkje 1. etasje medrekna. Kommunestyret handsama saka i møte 14.2.2013 sak 6/13, og gjorde slikt vedtak: Sogndal kommune garanterer med sjølvskyldnargaranti for lån på kr. 20 000 000,- som Sogndal Eigedomsselskap AS tar opp til ombygging av Kulturhuset. Garantien gjeld for inntil kr. 20 000 000,- med tillegg av eventuelle renter og omkostningar. Garantiansvaret vil bli redusert i takt med nedbetalinga av lånet og opphøyrer etter 20 år med tillegg av inntil 2 år, jf. garantiforskrifta 3. Kommunen kan ikkje nytte seg av gamle garantiar, men må oppretta ny garanti ved nytt låneopptak av Sogndal Eigedomsselskap AS. Garantibestemmelsar for kommunar er regulert i kommuneloven 51, og i forskrift om kommunale og fylkeskommunale garantiar (garantiforskrifta). Vedtak om å stilla garanti skal godkjennast av Kommunal og regionaldepartementet dersom maksimumsansvaret er over kr. 500 000. Dette er delegert til Fylkesmannen. Kommunalbanken krev enten simpel kausjon eller sjølvskyldnarkausjon som sikkerheit for lån. Simpel kausjon betyr at kreditor først må gå til verksemda som det garanterast for, og der kommunen sitt ansvar er begrensa til det som ikkje kan inndrivast her. Sjølvskyldnerkausjon betyr at kreditoren ved misleghald kan gå direkte på garantisten utan først å søkja dekning hjå låntakar. Ved å benytta seg av sjølvskyldnargaranti vil rentevilkåra vera betre. For tida er det 1 % betre rente med sjølvkyldnergaranti enn simpel kausjon. Den totale ombygginga av Sogndal kulturhus er i dag korrigert til 34 millionar eks. moms. Dette inkluderer del av utearealet bak kulturhuset Den budsjetterte kostnadsauken skuldast blant anna oppgradering av teknisk anlegg, krav frå arbeidstilsynet og løysingar kring sambrukslokale. Kostnadsoverslaget for 1. etasje er 9,1 mill. eks. mva. Jf. vedlagt notat med kostnadsoverslag frå Arkitektkontoret A38. Ombygginga til kulturføremål i 1. etasje er søkt finansiert ved spelemidlar (inntil 50 %) med kommunal forskotering. Det er lagt inn 2,7 mill. kroner til dette i budsjettet for 2013. For å halde leigenivået for norskundervisninga på eit nivå som vi klarar innafor inntektene frå denne aktiviteten, bør delar av ombygginga til norskundervisninga finansierast med anleggsbidrag frå kommunen. Vi har midlar på norskopplæringsfondet til å dekke dette. Fondet er ved inngangen til 2013 på om lag 6 mill. kroner. Dette er eit bunde fond som rådmann har fullmakt til å disponere. Rådmann vil nytte denne fullmakta for å dekke delar av kostnadene ved tilrettelegging av lokale for norskundervisninga i Kulturhuset. Storleiken på anleggsbidrag vil bli nærare avklart når avtale om bruk mellom Kulturhuset AS og kommunen ligg føre. Sogndal 25.10.13 Jostein Aanestad rådmann Side 9 av 36

Sogndal kommune Sak 44/13 Kommunestyret Saksh.: Inger Pedersen Arkiv: F30 Arkivsak: 13/1846 Saksnr.: Utval Møtedato 52/13 Formannskapet 03.10.2013 44/13 Kommunestyret 14.11.2013 Sak 44/13 Oppmoding om busetjing av flyktningar i 2014-2016 Sogndal kommune er innstilt på å busetja 30 flykningar i året i perioden 2014-2016. Familiesameining kjem i tillegg. Kommunen ønskjer å prioritere personar frå Sogndal statlege mottak og personar som aktivt ønskjer seg hit, jf. samarbeidsavtalen med IMDI. Handsaming i Formannskapet 03.10.2013 - Sak: 52/13: Rita Navarseter (FrP) la fram følgjande framlegg til vedtak: Sogndal kommune er innstilt på å busetja 5 flykningar i året i perioden 2014-2016. Familiesameining kjem i tillegg. Kommunen ønskjer å prioritere personar frå Sogndal statlege mottak og personar som aktivt ønskjer seg hit, jf. samarbeidsavtalen med IMDI. Framlegget frå Rita Navarsete (FrP) fekk 1 røyst (FrP). Tilrådinga fekk 8 røyster (3 Ap, Sp, Sv, V, H, KrF). Vedlegg: Brev frå IMDI dagsett 3.5.13 Saksutgreiing: Bakgrunn: IMDI ber i brev dagsett 3.5.13 kommunen busetje 30 personar i året i 2014, 2015 og 2016. Familieinnvandring kjem i tillegg. Måltala for dei ulike kommunane er framkome i samarbeid med KS. Status busetjing Sogndal kommune har gjort positive busetjingsvedtak over mange år og har sidan 2008 og fram til første kvartal i år busett 122 personar av desse har 37 personar kome i samband med familieinnvandring. Etter oppmoding frå IMDI vart det i 2011 gjort vedtak om å busetje 25 flyktningar + familieinnvandring. Ved utgangen av året hadde vi busett 21 personar og 9 personar i samband med familieinnvandring. Vi hadde då med nokre få unnatak busett dei personane som IMDI fortløpande hadde bedt oss om å busetje. For 2012 vart vi oppmoda om å busetje 20 personar, og kommunen gjorde slikt vedtak i samband med handsaming av økonomiplanen 2012 2015: Sogndal kommune er innstilt på å Side 10 av 36

Sak 44/13 busetje inntil 20 personar, men slik at familiesameining det første busetjingsåret skal vere ein del av kvoten på 20 personar. I 2012 vart det busett 23 personar, av desse 7 i samband med familiesameining. I 2013 vart det gjort følgjande vedtak: «Sogndal kommune er ein kommune som ønskjer folk velkomne. Sogndal kommune er innstilt på å busette 35 flyktningar i 2013 under føresetnad at vi klarer å skaffe bustad til og integrere dei som skal busetjast. Omfanget av busetjing av primærflyktningar kan bli redusert, dersom det skal busetjast mange familieinnvandrarar før utgangen av 2013. Kommunen ønskjer å prioritere personar frå Sogndal statlege mottak og personar som aktivt ønskjer seg hit, jf. samarbeidsavtalen med IMDI.» Så langt i år har vi busett 29 flyktningar, av desse 10 i samband med familiesameining. Kommunale oppgåver i samband med busetjing av flyktningar Dei viktigaste kommunale oppgåvene er: Syte for den første bustaden (medrekna inventar). Flyktningane betalar sjølv vanleg husleige. Leggje til rette for deltaking i introduksjonsprogrammet (norskopplæring, språkpraksis- og arbeidspraksis). Avklaringssamtalar med NAV før ein går ut av introduksjonsprogrammet. Barnehageplass. Barnehageplass vil ofte vere naudsynt for at begge foreldra kan delta i introduksjonsprogrammet. Helsehjelp. Økonomisk rettleiing, introduksjonsløn eventuelt kombinert med økonomisk sosialhjelp. Generell rettleiing og informasjon i samband med integrering. Utover dette har flyktningane rett til dei same kommunale tenestene som andre innbyggjarar. Alle som har rett til det, får tilbod om norskopplæring innan 3 månader etter at det er søkt om det. Språkpraksisplass er ein del av introduksjonsprogrammet og er viktig med tanke på språkutvikling, integrering og sosialisering. Det skal òg gje lokale arbeidsgjevarar høve til å sjå kva for ressursar flyktningane har. Vi ser ofte at ein språkpraksisplass kan føre til betalt sommarjobb eller til og med fast jobb. Flyktningtenesta klarer stort sett å skaffe språkpraksisplass til alle. Det er NAV som har ansvaret for arbeidspraksisplassar og skaffe flyktningane jobb. Her har det til tider vore kapasitetsproblem hjå NAV. Dei fleste klarer å skaffe seg sommarjobb/deltidsjobb medan dei er i introduksjonsprogrammet anten på eiga hand eller som eit resultat av språkpraksisplass. Det er sett i gang eit eige samarbeidsprosjekt mellom norskundervisninga, flykningetenesta og NAV med titelen arbeidsretta introduksjonsprogram, for å styrka samordninga mellom desse tenestene og auke sysselsetjingsgraden blant flykningar. Generell rettleiing og informasjon i samband med integrering skjer individuelt etter behov og i grupper. Det er utarbeidd ein kommunal strategi for busetjing, kvalifisering og integrering av flykningar. Strategien skal sikre brei medverknad i kommunen og lokalsamfunnet når det gjeld busetjing, Side 11 av 36

Sak 44/13 kvalifisering og integrering, og motivere flyktningane til aktiv deltaking og ta eit medansvar for arbeidet med integrering. Det er òg utarbeidd ein kommunal strategi for arbeidet med minoritetsspråklege barn i barnehagen. Kommunen har bygd opp ei god flyktningteneste og eit regionalt norskopplæringstilbod, og vi får gode tilbakemeldingar frå IMDI på det arbeidet vi gjer. Samarbeidsavtale mellom IMDI Vest og Sogndal kommune om busetjing av flyktningar Avtalen vart godkjend av kommunestyret den 14. juni 2012. Målet med avtalen er å sikre eit tett samarbeid mellom kommunane og IMDI på felt som busetjing, kvalifisering og integrering. I dette samarbeidet vil òg Husbanken og andre statlege aktørar vere sentrale partar. Gjennom avtalen får kommunen fagleg rettleiing frå IMDI, tettare samarbeid med Husbanken og tilgang til utviklingsmidlar. Tilgang til bustader Manglande tilgang på bustader er den største utfordringa i samband med busetjing av flykningar. Dei fleste i asylmottak er einslege, og etter avtale med IMDI nyttar vi i stor grad hybelhus/bufellesskap som første bustad. Då er det fleire som deler kjøken og bad. Utfordringa er å skaffe den neste bustaden, slik at vi får sirkulasjon i bruken av hybelbustadene. Den andre utfordringa har vore at relativt mange av dei vi har busett, har status «asyl», og såleis har rette til å søkje om familiesameining innan eitt år innan han eller ho vert busett. Då kan resten av familien kome på relativt kort varsel. Denne delen kan vi til ein viss grad styre sidan vi no skal kunne kartlegge på førehand dei flyktningane vi skal busetje. Men noko familieinnvandring vil vi alltid måtte rekne med, og tilgangen på familiebustader er relativt avgrensa i kommunen. Men samla sett er det positivt å kunne busetje familiar og ikkje berre enkeltpersonar. Kommunen kjøpte i 2012 Leighgota 4, 6 og 8 for bruk til dette føremålet og har i 2013 kjøpt Kongabergvegen 52. Alle kjøp vert finansiert ved bruk av støtte frå Husbanken, der resternade finans- og driftskostnader vert dekka av husleiga. Pr sep. 2013 (Kongabergvegen 52 ikkje rekna med) nyttar flykningetensta 57 overnattingsrom (i bufelleskap og leilegheiter) i kommunal eige og 29 overnattingsrom i den private leigemarknaden. Økonomi Kommunen får statstilskot for dei flyktningane vi busett i 5 år. Satsane vert fastsett kvart år i samband med statsbudsjettet. Tilskotet skal dekke drift av flyktningtenesta, kostnader i samband med busetjing, introduksjonsløn til deltakarane i introduksjonsprogrammet (2 år) og eventuelt økonomisk sosialhjelp dei neste 3 åra. Tilskotet dekker ikkje fullt ut desse kostnadene i 5 år. Det er difor viktig at flyktningane vert kvalifisert for arbeid og får arbeid så raskt som mogleg etter at dei har fullført introduksjonsprogrammet. Ikkje nytta statstilskot vert sett av på disposisjonsfond (flyktningfondet). Det er eiga tilskotsordning for norskopplæringa. I tillegg er det nokre mindre tilskot til barn i barnehage/skule det første året. Vurdering Samla sett er det positivt for kommunen å ta imot flykningar. Flykningar representerer ein del av folkeveksten i kommunen, og er viktig for dekking av arbeidskraftbehovet i regionen i framtida. Flyktningtenesta og norskopplæringa har kapasitet til årleg å ta imot 30 flyktningar. Vi er avhengig av å ha omlag dette nivået på busetjinga, for å kunne ha økonomi til å oppretthalde nivået på flyktningtenesta og norskopplæringa. Utfordringa er tilgang på bustader. IMDI er klar over bustadsituasjonen i kommunen. Side 12 av 36

Sak 44/13 Rådmannen rå til at kommunen gjer vedtak om busetjing av flyktningar i samsvar med oppmodinga frå IMDI. Sogndal, 03.10.13 Jostein Aanestad rådmann Side 13 av 36

Sogndal kommune Sak 45/13 Kommunestyret Saksh.: Jostein Aanestad Arkiv: 216 Arkivsak: 13/1449 Saksnr.: Utval Møtedato 20/13 Kommunestyret 25.04.2013 45/13 Kommunestyret 14.11.2013 Sak 45/13 Forvaltningsrevisjonsrapport: Pleie og omsorg - årsaker til avvik mot budsjett og KOSTRA-tal. 1. Kommunestyret i Sogndal vedtek at tilrådingane i forvaltningsrevisjonsrapporten frå Deloitte vert følgt opp og vurdert nærare i det vidare arbeidet med økonomistyringa av pleie og omsorgstenesta i kommunen. 2. Kommunestyret vil oversende sluttrapport til Kontrollutvalet hausten 2014. Vedlegg: 1. Oversendingsbrev dagsett 25.10.2013 frå Kontrollutvalet i Sogndal kommune. 2. Møtebok sak 16/13 i kontrollutvalet. 3. Saksframlegg til sak 16/13. 4. Oversendingsbrev dagsett 01.10.2013. 5. Forvaltningsrevosjonsrapport frå Deloitte. Oktober 2013. Saksutgreiing: Kontrollutvalet handsama saka den 14.10.2013. Det vert vist til ovannemnde vedlegg. Saksframlegget går fram av vedlegg 3. Saka går direkte til kommunestyre for handsaming. Jostein Aanestad -rådmann- Side 14 av 36

Sogndal kommune Sak 46/13 Kommunestyret Saksh.: Inger Pedersen Arkiv: Arkivsak: 13/2714 Saksnr.: Utval Møtedato 61/13 Formannskapet 07.11.2013 46/13 Kommunestyret 14.11.2013 Sak 46/13 2. tertialrapport 2013 1. Kommunestyre godkjenner den framlagde tertialrapporten. 2. Kommunestyret vedtek følgjande budsjettendringar: A. Investeringsbudsjettet: Kjøp og tilpassing av Kongabergvegen 52 3 810 000,- Finanisert med overføring frå fylkningefondet - 3 810 000,- Mundal sentrum, utvida kaifront 525 000,- Finansiert med overføring frå drift - 525 000,- Inntekter frikjøpsordninga parkeringsplassar - 1 067 000,- Avsetting fond frikjøp p-plassar 1 067 000,- Sum endringar investeringsbudsjett 0,- B. Overføring av investeringsmidlar Kommunestyret vedtek å ta ned investeringsbudsjettet i 2013 med tilhøyrande finansiering og overføre dette til investeringsbudsjettet for 2014 med tilsvarande beløp for følgje prosjekt som er budsjetterte i 2013: - Standsoneprosjektet/Fjordsti 16 000 000 - VVA-anlegg Hodlekve hyttefelt 25 000 000 - VVA-anlegg Kjørnes bustadfelt 6 000 000 C. Driftsbudsjettet: Auka inntekter ressurskrevja brukarar - 2 714 000,- Auka inntekter eigedomsskatt - 390 647,- Auka avsetting fond Sogn regionråd 845 647,- Overføring investeringsrekneskapen 525 000,- Auka løyving private barnehagar 1 110 000,- Ikkje budsjetterte stillingar i skulen 424 000,- Auka utbytte kraftfond II - 1 200 000,- Auka avsetting Kraftfond II 1 200 000,- Restaurering av runesteinen på Stedje 200 000,- Sum endringar driftsbudsjett 0,- Side 15 av 36

Sak 46/13 Rådmannen si tilråding: 1. Kommunestyre godkjenner den framlagde tertialrapporten. 2. Kommunestyret vedtek følgjande budsjettendringar: D. Investeringsbudsjettet: Kjøp og tilpassing av Kongabergvegen 52 3 810 000,- Finanisert med overføring frå fylkningefondet - 3 810 000,- Mundal sentrum, utvida kaifront 525 000,- Finansiert med overføring frå drift - 525 000,- Inntekter frikjøpsordninga parkeringsplassar - 1 067 000,- Avsetting fond frikjøp p-plassar 1 067 000,- Sum endringar investeringsbudsjett 0,- E. Overføring av investeringsmidlar Kommunestyret vedtek å ta ned investeringsbudsjettet i 2013 med tilhøyrande finansiering og overføre dette til investeringsbudsjettet for 2014 med tilsvarande beløp for følgje prosjekt som er budsjetterte i 2013: - Standsoneprosjektet/Fjordsti 17 000 000 - VVA-anlegg Hodlekve hyttefelt 25 000 000 - VVA-anlegg Kjørnes bustadfelt 6 000 000 F. Driftsbudsjettet: Auka inntekter ressurskrevja brukarar - 2 714 000,- Auka inntekter eigedomsskatt - 390 647,- Auka avsetting fond Sogn regionråd 845 647,- Overføring investeringsrekneskapen 525 000,- Auka løyving private barnehagar 1 110 000,- Ikkje budsjetterte stillingar i skulen 424 000,- Restaurering av runesteinen på Stedje 200 000,- Sum endringar driftsbudsjett 0,- Handsaming i formannskapet 07.11. 2013, sak 61/13: Rådmann la inn følgjande endring/tillegg til tilrådinga. - Standsoneprosjektet/Fjordsti 16 000 000 Driftsbudsjettet: Auka utbytte kraftfond II 1 200 000 Auka avsetting Kraftfond II 1 200 000 Vedlegg: 1. Tertialrapport 2/2013 (eige hefte) 2. Avkasting plassering i kraftfond II Saksutgreiing Side 16 av 36

Sak 46/13 Tertialrapporten omtalar status på dei 10 høgaste prioriterte tiltaka i 2013, økonomisk avvik på hovudtal drift og økonomisk avvik driftsrekneskapen pr. tenesteeining. Formannskapet har handsama nokre investeringar der rådmann er bedt om å kome tilbake til budsjettendringar i samband med tertialrapporten. Dette gjeld kjøp av Kongabergvegen 52 til flykningetenesta og påling av kai-front i Mundal sentrum på utsida av privat eigedom. Kommunen har fått ikkje-budsjetterte inntekter frå frikjøp p-plassar på kr. 1 067 000. Desse skal etter gjeldande vedtekter avsetjast til ubunde investeringsfond for frikjøp av p-plassar. Etter regelverket skal investeringsprosjekt ha årlege budsjett, sjølv om prosjekta går over fleire år. Dersom eit prosjekt nyttar vesentleg mindre midlar enn det som er sett av i investeringsbudsjettet eit år skal budsjettet takast ned for det året og overførast til seinare år. For investeringsprosjekta Fjordstien og VVA-anlegg Hodlekve hyttefelt og Kjørnes bustadfelt vert det nytta vesentleg mindre midlar i 2013 enn budsjettert. Desse vert å overføre til 2014. I tertialrapport 1/13 vart det peika på at det i 2013 kunne verte behov for å gjere budsjettendringar, m.a. auke ramma for overføring til dei ikkje kommunale barnehagane og budsjettering av stillingar innan skule. Det vart tilrådd at desse budsjettendringane vart vurdert i samband med 2. tertialrapport, då vi m.a. ville ha betre kunnskap om resultatet av barnehageopptaket ved 2. tertial. Ved ein feil vart det ikkje lagd inn i budsjettet lønskostnader til 50 % pedagogisk konsulent og 33 % kommunelogoped. 20 % av stillinga som pedagogisk konsulent er vakant. Kostnadene til desse to stillingane utgjer kr. 424 000 på årsbasis. Driftstilskotet til dei ikkje kommunale barnehagane er underbudsjettert med kr. 1 110 000, jf tertialrapporten. Runesteinen på Stedje Formannskapet vedtok i sak 46/13 å garantere for inntil kr. 200 000 til arbeidet med å reparere skadane på runesteinen og bad om at finansiering av arbeidet med restaurering og permanent verneoverbygnad vart lagt inn i tertialrapport 2/13. Arbeidet med restaurering vart gjennomført i september/oktober i år, medan permanent verneoverbygnad ført vert gjennomført i 2014. Kostnadene til denne delen er lagt inn i framlegg til økonomiplan 2014 2017. Mva-kompensasjon Sogn regionråd Sogn regionråd har gjort følgjande vedtak: Sogn regionråd vedtek at følgjande setning går ut i avtalen med Sogndal kommune: «Meirverdiavgiftkompensasjon som er ført på Sogn regionråd sitt ansvar går til Sogndal kommune». Sogn regionråd ber Sogndal kommune tilbakeføra innbetalt meirverdiavgiftkompensasjon for perioden 2007-2012 med kr 845 647,-. Bakgrunnen for vedtaket er at den praksis som vart innført mellom Sogndal kommune og Sogn regionråd då ordninga med momskompensasjon vart innført, og som var tufta på at Sogndal kommune ikkje skulle verta skadelidande av trekk i rammeoverføringa som følgje av innføring av momskompensasjonsordninga, burde vore endra i 2007 då trekket i rammeoverføringa vart fasa ut. Dette er først oppdaga no. Verknaden er at rekneskapsresultata til Sogndal kommune i perioden 2007 til 2012 er kr. 845 647,- betre enn den skulle vera. Rådmannen rår til at desse midla vert tilbakeført til Sogn regionråd. Istandsetjing av kaia på Kaupanger Kaupanger ferjekai vart øydelagt i samband med uveret i desember 2011, og Amlabukti Grendalag melde skaden til politiet den 03.02.2012. For å få kaia i brukbar og farefri stand til Side 17 av 36

Sak 46/13 turistsesongen tok grendelaget på seg ansvaret for å få reparert skadane. Dei søkte om at kommunen forskotterte utgiftene med kr. 64 000. Dette vart innvilga under føresetnad av at beløpet vart attendebetalt når utbetalinga frå Naturskadefondet låg føre. I ettertid har vi fått melding om at søknaden om erstatning frå Naturskadefondet vart avslegen. Amlabukti Grendalag opplyste at dei ikkje hadde økonomi til å dekke denne kostnaden, og har fått forskoteringa omgjort til tilskot. I samband med heimekampen mot Strømsgodset den 27.09.13 vart alle i kommunen invitert på fotballkamp. Dette var eit samarbeidsprosjekt mellom Sogndal Fotball og kommunen, der kommunen sine kostnader var kr. 15 000. Rådmannen vil rå til at summen sett av til resttildeling kulturmidlar, vert nytta til dette. Her står det att kr. 12 000,-. Sogndal 8..11.13 Jostein Aanestad rådmann Side 18 av 36

Sogndal kommune Sak 47/13 Kommunestyret Saksh.: Markus Mohn Werner Arkiv: 142 Arkivsak: 12/2030 Saksnr.: Utval Møtedato 43/12 Formannskapet 07.06.2012 30/12 Kommunestyret 14.06.2012 75/12 Formannskapet 18.10.2012 51/12 Kommunestyret 18.10.2012 96/12 Formannskapet 29.11.2012 12/13 Formannskapet 31.01.2013 27/13 Formannskapet 21.03.2013 29/13 Formannskapet 18.04.2013 34/13 Formannskapet 06.06.2013 26/13 Kommunestyret 13.06.2013 63/13 Formannskapet 07.11.2013 47/13 Kommunestyret 14.11.2013 Sak 47/13 Revisjon av arealdelen til kommuneplan. 2.gangs handsaming. Kommunestyret vedtek arealdel til kommuneplanen, sist endra 8.11.2013, i tråd med plan- og bygningslova 11-15. Handsaming i formannskapet 7.11.2013, sak 63/13: Følgjande dokument vart sendt ut til medlemmane i møte: E-post frå Frode Hågvar dagsett 7.11.2013. Brev frå Norconsult på vegne av Magne og Lilliand Bruland Selseng dagsett 6.11.2013. Jarle Aarvoll (Ap) la fram følgjande framlegg når det gjeld Hovland: 1. Området sett av til bustadføremål på Hovland vert avgrensa til eit område for inntil 4 til 8 bueiningar. 2. Formannskapet ber rådmann avklare med fylkesmannen om motsegna fell ved ei slik løysing, ev. kva prosess som ei slik løysing vil innebere for rettsverknad for resten av kommuneplanen. Framlegget vart samrøystes vedteke. Sigurd Sætre (FrP) la fram følgjande framlegg: Innspel 68 vert teken til følgje med krav om reguleringsplan. Framlegget fekk 2 røyster (FrP, H). Føresegne punkt 2.2 a 2: minimum 2 bueiningar pr. dekar. Framlegget fekk 2 røyster (FrP, H). Føresegne punkt 2.2 b 3 og 4 maksimal 120 m2 BYA.under skoggrensa: Maks 120 BYA totalt inkl. utjus. Framlegget fekk 3 røyster (FrP, H, V). Side 19 av 36

Sak 47/13 Arvid Stenehjem (Ap) la fram følgjande framlegg til endring av føresegnene punkt 2-2 f, punkt 2 og 3: 2. Innanfor område sett av til næring vert det ikkje tillate med bustader, forretningar og handel. Det kan etablerast arealkrevjande handel med behov for utomhus lagring som t.d. byggjevare, bilsal, maskinutleige, gartneri og liknande. 3. Større kjøpesenter som vil vera i strid med overordna / nasjonale retningslinjer er ikkje tillate. Framlegget vart samrøystes vedteke. Laura Kvamme (Sp) la fram følgjande framlegg til endring av retningslinjene punkt 1.1: 4 og 5 byte plass. Framlegget vart samrøystes vedteke. Vedlegg: 1 Føresegner og retningslinjer til planen, sist revidert 8.11.2013 2 Planomtale med vedlegg (uprenta) 3 KU og ROS 4 Merknader frå Fylkesmannen og Sogn og Fjordane fylkeskommune 5 Vurdering av andre merknader 6 Alle merknader (uprenta) 7 Plankart del I for føremål (vert ettersendt) 8 Plankart del II for omsynssoner (vert ettersendt) 9 Plankart del III Temakart faresoner flaum og skred (vert ettersendt) 10 Uttale frå fylkeskommunen for avgrensa høyring Stølaholmen 11 Innkomne merknader i samband med politisk handsaming FSK (uprenta) Saksutgreiing: Bakgrunn: Kommunestyret har gjennom kommunal planstrategi vedteke at arealdelen til kommuneplan skal reviderast. Kommunestyret vedtok i møte 14.6.2012 å melde oppstart på arbeidet med revisjon av arealdelen og la planprogrammet ut til høyring og offentleg ettersyn i perioden 23. juni til 21. september 2012. Planprogrammet vart vedteke av kommunestyret 18.10.2012, sak 51/12. I perioden 18.10.2012-6.6.2013 vart planframlegg for ny arealdel utarbeida. Kommunestyret vedtok i møte den 13.6.2013, sak 26/13 å leggje planen ut til offentleg ettersyn og høyring. I høyringsperioden kom det totalt 31 merknader. Handsaming og vurdering av desse er gjort i dette saksframlegget for merknader frå offentlege instansar og interessentar og i vedlegg 5 for andre merknader. Under høyringsperioden vart det halde eit folkemøte den 29.8.2013. Det var ikkje like bra oppmøte på dette møtet, som på dei som vart halde i oppstartsfasen i august/september 2012. Dette kan tyde på at kommunen har lukkast i å engasjere innbyggjarane i ein tidleg fase slik planprogrammet la opp til. Dette er også tydeleg i talet på innspel til oppstart som var på 125 innspel medan det kom inn 31 merknader i høyringsperioden. Etter at høyringsfristen gjekk ut har det vore eit administrativt møte med fylkesmannen og det er planlagd eit møte med fylkeskommunen den 8. november, jamfør orientering i formannskapet Side 20 av 36

Sak 47/13 den 3.10.2013, sak 48/13 punkt G, H og I. Fylkesmannen kom med seks motsegn til planen og fleire framlegg til endringar, medan fylkeskommunen kom med ei motsegn. Motsegna frå fylkesmannen vart grundig diskutert i administrativt møte den 23. oktober, og vi kom fram til løysingar fylkesmannen kan gå med på. Kommunestyret må vurdere om den semja som er oppnådd med fylkesmannen er tilfredsstillande for kommunen. Tilrådingane til rådmannen i saksutgreiinga er i tråd med drøftingar frå dette møtet. Ei avklaring om kva reglar som gjeld for motsegn til kommuneplanen. Det er kommunestyret som er vedtaksmynde for kommuneplanen, jamfør plan- og bygningslova 11-15. Regionale og statlege sektormynde har etter pbl. 5-4 mynde til å fremje motsegn (innsigelse) mot planframlegg «i spørsmål som er av nasjonal eller vesentlig regional betydning, eller som av andre grunner er av vesentlig betydning for vedkommende organs saksområde». Vidare «Dersom planforslaget er i strid med bestemmelser i loven, forskrift, statlig planretningslinje, statlig eller regional planbestemmelse, eller overordnet plan, kan det fremmes innsigelse.» Motsegn skal vere grunngjeve og fremja innan høyringsfristen. Det kan ikkje fremjast ny motsegn mot tilhøve fastsett i føremål eller føresegn som det tidlegare har vore fremja motsegn mot, og som har vorte avgjord dei ti siste åra, jamfør 5-5. Dei ulike sektormynda har høve til å ta atterhald om retten til fortsett å kunne fremje motsegn mot reguleringsplan, med grunngjeving i detaljeringsnivået på arealbruksendringa/planen. Dersom kommunestyret ikkje tek omsyn til ei motsegn, skal det etter 5-6 ordinært verte mekla mellom partane. Om ein ikkje vert einige, treff kommunen planvedtak og sender planen med motsegn til departementet for avgjersle, jamfør 11-16. Slike prosessar kan ta lang tid, ikkje sjeldan over eit år. Kommunestyret har høve til å vedta at delar av planen skal ha rettsverknad, dersom motsegna er knytt til klart avgrensa delar av planen. Den varsla motsegna som framleis er gjeldande for Hovland er knytt opp til strategien for bustadforsyning på Kaupanger og vert vurdert til ikkje å vere ein klart avgrensa del av planen. Vurdering: I føresegnene til kommuneplan, sist revidert 1.11.2013, er det gjort nokre endringar etter høyringsperioden. Desse endringane er merka raudt i vedlegg 1. Omskrivingar og rettingar er ikkje merka raudt då desse ikkje har juridisk verknad, men berre tydeleggjer teksten. Likeins vil det verte gjort nokre tekniske endringar i plankartet etter vedtak i formannskapet, og før vedtak i kommunestyret. Alle justeringar av areal som er tilrådd gjort i plankartet vert vist til i saksutgreiinga, medan tekniske justeringar som til dømes feltnamn vil verte gjort i etterkant av vedtak. Administrasjonen har gått grundig gjennom alle delar av planen i høyringsperioden. Vi ser behov for å gjere nokre endringar for å unngå utilsikta verknader og for å få ein plan som gjer sakshandsaminga enklare framover. Nedanfor følgjer nokre framlegg til endringar administrasjonen har kome med. Dette er altså ikkje noko vi har fått merknad på, men eigne vurderingar. Føresegn 1-1 Plankrav Plankravet til alle områder sett av til bygninger og anlegg etter 11-7 nr. 1 var i høyringsutkastet noko strengt. Slik den låg føre ville ingen tiltak etter pbl. 20-1 kunne iverksetjast i uregulert område utan reguleringsplan først. Rådmannen tilrår difor at første ledd av føresegna vert endra som følgjande: 1.1 Nye område sett av til bygningar og anlegg etter 11-7 nr. 1 skal inngå i reguleringsplan etter 12-1. Side 21 av 36

Sak 47/13 Føresegn 2-1 Unntak frå plankrav Som følgje av endringa i føresegn 1-1 ser vi ikkje lenger behov for unntaka i føresegn 2-1 og tilrår at føresegna vert fjerna. Punkt 4 første punktum «Kravet om områderegulering for sentrumsføremål gjeld ikkje for areal til sentrumsføremål på Kaupanger.» vert tilrådd flytt til føresegn 1-1 andre ledd. Vi ser likevel eit behov for felles planlegging av nokre uregulerte eksisterande bustadområde og tilrår at dette vert sett som omsynssone med krav om felles planlegging under føresegn 4-5. I komande planperiode kan det kome fleire område det er ønskjeleg med felles planlegging for, men då har vi framleis moglegheit til å gje mellombels forbod mot tiltak etter pbl. 13-1 for å sikre heilskapleg planlegging. 4-5 Bustadområde Kaupangsvegen Løypet Amla For uregulerte eksisterande bustadområde Kaupangsvegen, Løypet og Amla skal det utarbeidast samla reguleringsplan, jf. 12-1, jf. 11-9 nr. 1. Føresegn 2-4 Grønstruktur For føresegn 2-4 om grønstruktur er det også føreslege ein endring. Rådmannen tilrår at retningslinja vert teken vekk, og at det vert sett krav om at «plan for oppfølging og utbygging av gangvegar/stiar og grøntkorridorar i Sogndal sentrum, 2010» skal leggjast til grunn for sakshandsaminga: 1. Plan for oppfølging og utbygging av gangvegar/stiar og grøntkorridorar i Sogndal sentrum, 2010, skal leggjast til grunn for sakshandsaminga. Større område for grønstruktur som er offentleg eller inngår i samanhengande grøntdrag er vist på plankartet. Føresegn 3-1 a) Landbruksområde Rådmannen tilrår at punkt 1 og 2 vert teken ut av føresegnene. Det er ikkje naudsynt å ha det i føresegnene då dette er sikra i jordlova for punkt 1 og føresegn 1-7 a) om ROS for punkt 2. Føresegn 3-1 b) Spreidd bustadbygging Rådmann tilrår at punkt 4: «det bør ikkje frådelast eller byggjast for nært driftsbygning i drift (som kan gje lukt eller støyplager) enn 100 m eller i område som aukar trafikk gjennom gardstun» vert gjort om til ei retningslinje. Føresegn 3-1 Matjord Vi visar til vedtak i møte i formannskapet 19.4.2010 der det vart vedteke retningslinjer for handtering og bruk av matjord ved utbygging. Desse retningslinjene er no tilrådd sett inn som retningslinje under føresegn 3-1 som følgjande: Retningslinjer for handtering og bruk av matjord ved utbygging. 1. I samband med utbygging av areal med eit lag matjord, skal matjorda takast av og lagrast på ein slik måte at matjorda seinare kan nyttast som vekstmedium. 2. Før det vert gjeve løyve til oppstart skal det føreliggje ein plan for korleis matjorda vert teke vare på. Matjorda kan mellomlagrast på utbyggjar sin grunn. 3. Matjorda skal nyttast som vekstmedium så snart som råd er og kan straks plasserast permanent på område. 4. Kostnaden med transport til, og mellomlagring på lagerstad skal dekkast avutbyggjar. 5. Det kan i særlege høve gjerast unntak frå desse reglane. Skredvurdering Etter vedtak i formannskapet den 18.4.2013, sak 29/13, tilrår rådmannen at det vert teken inn ein føresegn som sikrar ny skredvurdering på felt B3 og B4 på Barsnes før utbygging. Dette er tilrådd lagt inn i føresegn 4-1 b) punkt 4: Før utbygging i felt B3 og B4 på Barsnes skal det gjerast ny skredvurdering for området. Side 22 av 36

Sak 47/13 Vidare i saksutgreiinga følgjer ein vurdering av merknader frå offentlege instansar og interessentar. Vår vurdering og tilråding ligg under kvar merknad. Fylkesmannen i Sogn og Fjordane Fylkesmannen i Sogn og Fjordane har gjeve ein fyldig merknad til kommuneplanen. Oppsummering av merknaden frå fylkesmannen er ikkje gjort i saksutgreiinga, men merknaden frå Fylkesmannen ligg i vedlegg 4. Dei har kome med seks motsegn. Onsdag 23. oktober var det halde eit administrativt møte med fylkesmannen. Motsegna og framlegg til endringar vart drøfta i møtet. På bakgrunn av dette tilrår rådmannen at føresegnene og plankartet vert endra som følgjande i tilrådingane nedanfor: 1 Det er eit krav (motsegn) frå Fylkesmannen at byggjeområde BFR1 vert trekt vesentleg attende frå Gunvordalselva i den vestlege del av BFR1, dvs. i område der det ikkje i dag går veg. Vår vurdering: Når det gjeld behovet for hytter, syner vi til strategi for hyttebygging med Hodlekve som hovudområde for hytter. Framtidig område for hyttar på Vatnasete i gjeldande plan er 50 dekar, og har ikkje vorte utbygd i denne planperioden. Ut i frå tal bygde hytter i eksisterande hytteområde på Vatnasete, kan vi ikkje sjå behov for utlegging av nye areal her. Rådmannen tilrår at grensa for hytteområdet vert endra og ført lenger vekk frå elva. Ny avgrensing er lagt på nordsida av haug mot riksvegen for å skjule nye hyttar frå elva. Grensa går vidare til myrtjørn og aust til eigedomsgrensar for 23/173, og følgjer vidare høyringsavgrensinga langs eksisterande tilkomstveg. Avgrensing i høyringsutgåva er teikna med tynn rosa line i illustrasjonen. Etter vår vurdering vil denne endringa skjule nye hytter frå elva i tilstrekkeleg grad til at verdien for landskapsbilete, naturvern, friluftsliv m.m. ikkje vert redusert, jf. RPR for verna vassdrag 3 a). Rådmannen tilrår at avgrensing av BFR1 på Vatnasete vert endra, sjå utsnitt frå plankartet: Vatnasete BFR1 før: Side 23 av 36

Sak 47/13 Vatnasete BFR1 etter: 2 Det er eit krav (motsegn) at det skal gå fram av føresegnene til planen at det skal utarbeidast reguleringsplan for småbåthamnene. Vår vurdering: Det er allereie sett krav om reguleringsplan til småbåthamner. I dei generelle føresegnene for bruk og vern av sjø og vassdrag, 3-2 pkt. 1, er dette kravet sett: «Tiltak som inneber arealbruksendringar i områder avsett til bruk og vern av sjø og vassdrag med tilhøyrande strandsone kan ikkje utførast før området inngår i reguleringsplan.» Underpunktet a) Småbåthamner er slik sett omfatta av dette kravet. Ingen endring. 3 Fylkesmannen fremjar motsegn med krav om å ta området for småbåthamn i Stølaholmen (VS1) ut av planen. Vår vurdering: Innspel 71 om småbåthamn i Stølaholmen frå bygdautvalet, føreslår at dette vert nytta av «jølstringar og busette i Fjærland som ikkje har naustrett/båtplass». Eksisterande naust er teikna inn i kartet som «Andre typar bygningar og anlegg» 1500. I tråd med motsegna mot utlegging til småbåthamn (og merknad 133 og 144), tilrår vi at det vert teikna inn eit avgrensa areal som småbåtanlegg i sørleg del av området, med føresegner som tek omsyn til eksisterande naustmiljø, naturmiljø og friluftsliv. Denne endringa er sendt på høyring til grunneigar og fylkeskommunen. Tilbakemelding frå desse vert lagt fram i møte i formannskapet. Vi har gjort andre vurderingar enn FM i tolkinga av rettleiaren til kartforskrifta under utarbeiding av plankartet. Framlegget frå FM om å setje av områda til småbåtanlegg med kode 1587 eller 1588 gjeld etter vår vurdering berre for reguleringsplanar, og vil verte nytta i Side 24 av 36

Sak 47/13 framlegg til reguleringsplan (jf. vedlegg 1 til kart og planforskrifta). Rettleiaren presiserer at det berre skal nyttast kp-koder på kommuneplannivå, og vi meiner soleis at kode 1500 (Andre typar bygningar og anlegg) er det riktige i kommuneplankartet, slik det er gjort for m.a. naust. Då småbåthamn ligg i sjø, var vi av oppfatninga at dette måtte setjast av etter 11-7 nr. 6 om bruk av vern av sjø og vassdrag. Skiljet mellom småbåthamn og småbåtanlegg er vesentleg for utforming av planen, då desse skil mellom anlegg av høvesvis allmenn karakter og nærare fastsette eigedomar. Sidan vi ikkje kan nytte kode for småbåtanlegg (1587/1588) i kommuneplan har vi valt å nytte kode for småbåthamn (6230), men definere kva område som skal vere småbåtanlegg og kva område som skal vere småbåthamn i føresegnene til planen. For småbåtanlegg VS4 Ylvisåker har vi lagt inn ein liten del av føremål småbåthamn (6230) på land, sjå framlegg i kartutsnitt. Avgrensinga går langs eksisterande traktorspor. Dette er en oppretting av innspelet om småbåtanlegg på Ylvisåker. Området for småbåthamn i Stølaholmen får ei mindre avgrensing, og for VS4 Ylvisåker vert ein liten del av føremål for småbåtanlegg lagt på land, sjå utsnitt frå plankartet: Stølaholmen før: Stølaholmen etter: VS4 Ylvisåker etter: Side 25 av 36