Side 2 av 11 Saksutgreiing til folkevalde organ Dato: Arkivref: 08.08.2018 2015/394 19036/2018 / 504 Saksbehandlar: Toralf Meling 53423152 toralf.meling@bomlo.kommune.no Sak nr i møte Utval Møtedato 119/18 Utval for areal og samferdsel 05.09.2018 FRAMLEGG TIL REGULERINGSPLAN FOR NAUSTOMRÅDE SLÅTTEVIK 115/2,5 MFL. ÅDNANES PLANID 201506 Rådmannen sitt framlegg til vedtak: 1. Framlegg til detaljreguleringsplan for naustområde Slåttevik gnr. 115, bnr. 2 og 5 m.fl. Ådnanes i Bømlo datert 08.08.2018 med tilhøyrande reguleringsføresegner vert i medhald av plan og bygningslova 12 10 vedteke utlagt til offentleg gjennomsyn. 2. Reguleringsplan 201401 naustområde Ådnanes vedteken i kommunestyret 28.09.2015 vert oppheva for det området som vert omfatta av ny plan. Saksprotokoll i Utval for areal og samferdsel 05.09.2018 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå Gøtz AS v/martin Gøtz dato 15.03.2016 Sak i utval for areal og samferdsel dato 13.04.2016 sak PS 53/16 Varsel om oppstart dato 31.05.2016 Brev frå Gøtz AS v/line Hatlevik med framlegg til reguleringsplankart, planomtale og reguleringsføresegner dato 08.08.2018 Bakgrunn for saka: Utval for areal og samferdsel handsama i møte 13.04.2016 sak PS 53/16 prinsippsøknad for å melde oppstart av detaljreguleringsplan for naustområde Slåttevik gnr. 115, bnr. 2 og 5 m.fl. Ådnanes. Det vart gjorde samrøystes slikt vedtak: 1. I samsvar med 12 3 i Plan og bygningslova vil rådmannen rå til at gnr.115, bnr. 2 og 5 m.fl. Ådnanes i Bømlo vert teke opp til regulering til naust med tilhøyrande småbåtanlegg, kai,
Side 3 av 11 trafikkareal og parkeringsplassar. Forslagsstillar skal melde oppstart av planarbeidet i samsvar med Plan og bygningslova 12 8. 2. Som ein del av arbeidet med detaljreguleringsplanen skal det i samsvar med sjekklistene vist i kap. 1.1. Beredskapsomsyn i kommuneplanen gjennomførast ein risiko og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. 3. Det må leggjast inn føresegner som gjev ei betre styring av utbygging av naustområdet med krav til utarbeiding av detaljert byggeplan før utbygging, jmf. rådmannen si vurdering. 4. Reguleringsplan 201401 naustområde Ådnanes vedteken i kommunestyret 28.09.2015 vert oppheva for det området som vert omfatta av ny plan. Gøtz AS v/hatlevik har på vegne av Ådnanes tomteutvikling v/lars Ådnanes sendt framlegg til privat detaljreguleringsplan for gnr. 115, bnr. 2 og 5 m.fl. PLANSTATUS: Kommuneplan I gjeldande kommuneplan er området vist som framtidig naustområde med krav til reguleringsplan. Eksisterande tilkomstveg ligg i føremål LNFR KAN (spreidd bustadbygging) og LNFR område. Føremål i sjø er vist som bruk og vern av sjø og vassdrag med tilhøyrande strandsone. Tiltaket her vil såleis vera i tråd med gjeldande kommuneplan. Reguleringsplan Området er ikkje regulert tidlegare. Deler av reguleringsplanen vil erstatta reguleringsplan 201401 naustområde Ådnanes vedteken i kommunestyret 28.09.2015. Arealføremåla i ny reguleringsplan vil vere dei same. Planforslaget Forslagsstiller er Ådnanes tomteutvikling AS v/lars Ådnanes. Planområdet er totalt ca. 8 daa. Av det er: 1. Bygningar og anlegg Småbåtanlegg i sjø og vassdrag 0,7 daa Uthus/naust/badehus 1,2 daa 2. Samferdselsanlegg og teknisk infrastruktur Køyreveg 1,6 daa Gangveg/ gangareal 0,4 daa Annan veggrunn grøntareal 2,0 daa Kai 0,2 daa Parkeringsplassar 0,4 daa 3. Grøntstruktur Friområde 0,9 daa 4. Bruk og vern av sjø og vassdrag
Side 4 av 11 Friluftsområde 0,6 daa 5. Omsynssoner Frisikt 0,1 daa Småbåtanlegg i sjø og vassdrag Området kan nyttast som småbåtanlegg for småbåtar. Småbåtanlegga kan nyttast av nausteigarar innanfor planområdet og etter eigen avtale med grunneigar. Innanfor område BSB4 er det frå før 2 stk. flytebrygger som kan bevarast. I område BSB4 kan det i tillegg etablerast ei ny flytebrygge med maks. storleik på inntil 15 m2 og maks. breidde 2,5 m. Flytebryggene skal ikkje vere til hinder for fri ferdsel. Innanfor område BSB1 3 skal båtane ligge langs kai. Til saman kan det etablerast 14 stk. båtplassar i områda. Naust Området kan byggjast ut med naust eller sjøbu. Innanfor området BUN1 kan det førast opp til saman 8 stk. nye naust. Nausta kan anten vere frittliggjande eller førast opp i grupper på 2 einingar. Området BUN2 omfattar eksisterande nausteigedomane gnr. 115 bnr. 20, 21 og 22. Disse tomtane er ikkje utbygd med naust i dag, men det skal vere høve til å etablere 1stk. naust per eigedom her. I føresegnene har ein sett maks. tillat bruksareal per eining BRA=40m2 og maks. mønehøgd 5,0 m. Takvinkel skal vere mellom 40 45 grader. Nausta skal ha minst 1 parkeringsplass per eining. Nye naust skal plasserast på minimum kote +2,5. Køyreveg Veg SKV1 er ein eksisterande kommunal køyreveg med ei breidd på ca. 4 5 m. Vegen er asfaltert og skal liggja som i dag. Vegen har ein ÅDT på ca. 100 og vert stort sett nytta av småbilar. Den kommunale vegen har ei fartsgrense på 50km/t i dag, men vegutforming og geometri tilseier at bilar bør halde lågare fart. Svingen rett nord for planområdet har i tillegg en horisontalkurveradius på berre 15m. Dette ligg langt under minste horisontalkurveradius etter vegnormalen HB N100, som er 30m for tilkomstvegar A1, med fartsgrense 30 km/t. Vidare er det etablert fartsreduserande tiltak i form av fartshump rett vest for denne svingen. Slik situasjonen er i dag så bør og kan ein ikkje køyre fortare en 30m/t her og ein har difor regulert vegen som tilkomstveg A1, med fartsgrense 30 km/t og siktkrav i kryss på 4x20m. I samband med planarbeidet foreslår ein at vegen blir skilta ned til 30km/t. Veg SKV2 og SKV3 er eksisterande køyrevegar på omlag 3m breidd. Vegane skal liggje som i dag. Etter vegnormal HB N100 vert dette tilkomstvegar A1, med fartsgrense 30 km/t og siktkrav i kryss på 3x20m. I samband med planen ynskjer ein å oppruste veg SKV2 med ny asfalt der det er behov og etablere nokre møteplassar. Vegane er felles privatvegar som kan brukast etter nærmare avtale med grunneigar. Gangveg Gangveg SGG er ein ny felles gangveg som skal gje tilkomst til naustområdet. Denne vegen kan opparbeidast som 3 m brei grusveg. Gangvegen skal vere fri for biltrafikk og open for ålmenn ferdsel. Gangvegen skal etablerast frå planlagt parkeringsplass (sør vest for PV1166), og vil følgja bakkanten av nausta til enden av naust N8 i sør. Vidare vil gangvegen henge saman med kaiområde framfor naust 9 11 lengst sør.
Side 5 av 11 Annan veggrunn grøntareal Langs vegane er det lagt inn areal for anna veggrunn. Dette arealet kan nyttast til snølagring, vegutviding, avkøyrsler, grøfter, skråningar og skjeringar. Kai Områda kan nyttast til kai og båtfeste for småbåtar. Kaiane skal vere opne for ålmenn ferdsle og det skal ikkje setjast opp gjerde eller andre stengsel som hindrar fri ferdsel i strandsona. Parkeringsplassar Det er sett av eitt område for felles parkering med til saman 14 oppstillingsplassar. Parkeringsplassen er plassert i tilknyting til eksisterande veg og vil vere felles for nausta innanfor planområdet. Parkeringsplassen kan nyttast etter nærmare avtale med Friområde I området kan det ikkje førast opp bygg eller konstruksjonar som er til hinder for å nytta området som friområde. Det kan leggjast til rette for vatn og avlaupssystem i friområda Området skal vere ålment tilgjengeleg. Så langt råd er skal eksisterande terrengform og vegetasjon ivaretakast. Friluftsområde Området kan nyttast til sjø og vassdragsaktivitetar og skal vere fritt tilgjengeleg for ålmenta. Frisikt Innanfor denne sona må det vere tilfredsstillande sikt i kryss og avkøyrsler. Vatn og avlaup Området vert tilknytt off. vassanlegg som ligg i nærleiken. Vassleidning med Ø63mm vert lagt fram til området og det vert etablert ny vasskum med stikkleidningar til alle einingar. Spillvatn vert knytt til slamavskiljar/ reinseanlegg (felles elles separat anlegg) med utslepp i sjø. Opplegget er også synt på overordna VA plan som er vedlagt planomtalen. Anlegget for vatn og avlaup vert privat. Overvatn Overvatn vert ført til terreng/sjø. Straum Det er straum i nærområdet i dag og det vil ikkje vere noko problem å leggje straum til naustområdet. Vurderingar: Innkomne merknader til melding om oppstart. Me tek med samandrag av innkomne merknader og Gøtz AS sine kommentarar til dei. 1. Fylkesmannen i Hordaland, 01.06.2016 Fylkesmannen seier at dei stiller seg kritisk til planforslaget. Dei viser til ein mengde av slike og liknande saker som vert sendt til dei for uttale, og skriv at det er viktig å sikre dei attverande strandsoneverdiane, sjølv i avsette naustområde, jf. Statlege planretningslinjer for forvaltning av strandsona. Dei skriv at planforslaget vil medføra omfattande irreversible inngrep i bratte skrentar i bakkant av nausta, utfylling i sjø, og total nedbygging av strandsona. Dei legg til grunn at naustområde er avgrensa i sjølinja. I kommuneplanen er området i sjø sett av til FFNF. Småbåtanlegg/båtplassar i framkant av nausta er
Side 6 av 11 såleis i strid med overordna plan. Dei tykkjer det er uheldig å leggja til rette for både naust og småbåtanlegg/båtplassar i framkant av nausta. Kommuneplanen opnar berre for naust og ikkje andre føremål. Vidare skriv dei at parkeringsplass i tilknyting til naustområde generelt bør haldast utanfor 100 metersbeltet mot sjø. Vegtilkomst i eit slik vanskeleg terreng som det her er snakk om, må ein unngå. Tilkomst til naustområde må eventuelt ta utgangspunkt i eksisterande tilkomst til naust på eigedomane gnr. 115, bnr. 20 og gnr. 115, bnr. 21. Avsluttande skriv dei at deira tilrådingar vert gjort i tråd med statlege planretningslinjer for differensiert forvaltning av strandsona. Planforslag i strid med desse retningslinjene kan gje grunnlag for motsegn. Utbygging av naust vil vere i tråd med gjeldande kommuneplan. Det vil seie at område tidlegare er blitt vurdert av kommunen til å passe som framtidig naustområde. Ådnanes har mykje urørt strandlinje som er regulert til LNF, med friområde som er langt meir verdifulle og attraktive som natur og friluftsområde, enn planområde. I område kor ein ynskjer å byggja naust er det i dag berre ein bratt, utilgjengeleg fjellskrent. Slåttevika er frå før utbygd med naust og båtslipp. Nausta som ein ynskjer å etablere vil passe godt inn med eksisterande utbygging, og ein ser det som positivt at ein vil få meir marin aktivitet i område. Nausta som skal etablerast vil fungere som «bruksnaust» ihht. Bømlo kommune sine retningslinjer for naust. Ein har forsøkt å imøtekoma Fylkesmannen ved å redusere tal naust frå 15 stk. til 11 stk., samt å redusere utstrekning av naustområdet. I område kor ein legg opp til etablering av naust, vi det også verta behov for båtplassar. Utan båtplassar mister naust mykje av sin meining og verdi. Fylkesmannen viser til prinsippskissa som vart sendt med oppstartsmeldinga, og skriv at flytebryggene ligg innanfor FFNF område, område for ferdsel, fiske, natur og friluftsområde. Ein har no valt å ta vekk alle planlagde flytebrygger på eigedom gnr.115 bnr.2, slik at dette ikkje lenger vert tilfelle. Dei to eksisterande flytebrygger i sør ynskjer ein å behalde og etablere ei ny flytebrygge til, slik at det totalt vert 3 flytebrygge i tilknyting til eksisterande nausteigedomar på gnr.115 bnr.20 22. Tal båtplassar er redusert frå 25 stk. til 14 stk. Når det gjeld parkering, så er det i føresegnene til Bømlo kommune krav om at kvar nausteining skal ha minst ein parkeringsplass i nær omkrins. Det er allereie ein parkeringsplass i Slåttevika, og dersom naustprosjektet vert realisert vil det i praksis verta utviding av denne. Område som er tenkt til parkering har relativt flatt terreng, slik at ein slepp store terrenginngrep. Felles parkeringsplass vil verta liggjande i tilknyting til eksisterande veg samt planlagt gangveg bak nausta. Etter oppstartsmelding er tal parkeringsplassar redusert frå 18 stk. til 11 stk. nye oppstillingsplassar (etter tal på nye naust). Gangvegen vil vere ein føresetnad for utbygging av nausta i området, og skal tilpassast terreng best mogeleg for å unngå store terrenginngrep. Fylkesmannen skriv at ein i staden for å etablere ny gangveg bør nytta stien som i dag går frå Slettastrandvegen (PV1261) til bryggene på 115/20, 115/21 eller 115/22. Denne stien ligg i bratt terreng med stor stein, kor det er vanskeleg å ta seg fram. Dersom ein skal få god tilkomstveg med parkering frå Slettastrandvegen, vil det her verta store terrenginngrep samanlikna med planforslaget. Ein ser det difor som meir aktuelt å følgja planforslaget med tilkomst frå Ådnanesvegen (PV1166) i Slåttevika. 2. Kystverket vest, 13.06.2016 Kystverket opplyser om at det aktuelle sjøområdet som inngår i planen ikkje omfattar registrert farlei, ei heller nyttetrafikk. Dei minner om at tiltak i sjø så som bygging av kai, utlegg av bryggjer og utlegg av
Side 7 av 11 leidningar og røyr i sjø likevel krev løyve etter Havne og farvannslova 27. Opplysningar om dette bør innarbeidast i reguleringsføresegnene. Kystverket har på noverande stadium ingen merknadar utover dette, men avventar den endelege planen når den føreligg. Det er teke omsyn til merknadane i planarbeidet. 3. Hordaland fylkeskommune, 23.06.2016 Dei påpeikar at nærleik, tilkomst og utsikt til sjø er eit gode og ein attraksjon ved å bu på Bømlo, og at dette må forvaltast nennsamt slik at verdien vert oppretthaldt og kjem flest mogleg til gode. I praksis vil det sei detaljert planlegging der verdiar i strandsona vert ivareteke og der tiltak i strandsona kjem ålmenta og fellesskapet til gode. Hordaland fylkeskommune skriv vidare at målsetnaden om god balanse mellom bruk og vern for strandsona i plandelen bør følgja innførte reglar av Plan og bygningslova ( 1 8). Dei viser spesielt til byggjeforbodet i 100 metersbeltet som er nedfelt i 1 8, og som er innskjerpa etter tidlegare lov, og gjeld så lenge det ikkje er fastsett anna byggegrense. Lova stiller som krav at det skal takast særskilt omsyn til natur kulturmiljø, friluftsliv, landskap og andre ålmenne interesser. Vurdering av nye tiltak skal alltid vegast opp mot desse ålmenne omsyna. Dette inneber at det skal leggjast større vekt på desse omsyna i strandsona enn andre stader. Fylkeskommunen viser til Den regionale kystsoneplanen for Sunnhordland og ytre Hardanger som låg på høyring i 2015. Byggegrenser mot sjø skal koma tydeleg fram i planframlegget og planen må syna korleis ålment tilgjenge til strandsona og friluftsliv vert sikra. Fylkeskonservatoren i Hordaland fylkeskommune har vurdert saka som regional sektorstyresmakt innan kulturminnevern. Dei kjenner ikkje til automatisk freda kulturminne eller andre verneverdige kulturminne i det aktuelle planområde. Arealet er også vurdert til å ha lågt potensiale for funn av uregistrerte kulturminne i marka, og det er ut i frå dette ingen avgjerande merknader på noverande stadium i planprosessen. Det er teke omsyn til merknadane i planarbeidet. Strandsona er vurdert under Kap. 8.10 strandsone. 4. Folkehelsekoordinator / barnas representant, 31.05.2016 Folkehelsekoordinatoren skriv at det er ei hovudmålsetting at barn og unge skal ha ein sikker skuleveg. Høve til å gå til skulen gjev god folkehelse gjennom auka fysisk aktivitet, og det er anbefalt at barn skal vere aktive i min. 1 time kvar dag. Dei skriv at det å kunne gå eller sykle til skule bidreg til betre helse og at det difor bør leggjast til rette for dette. Til tross for at planen legg opp til naust, ynskjer Folkehelsekoordinatoren at planen legg til rette for å gå sykle til Gilje skule, slik at berre 1. klasse elevar treng skyss. Folkehelsekoordinatoren meiner med dette at reguleringsplanen bør omfatte kommunal veg frå fylkesvegen og ned til avkøyrsel til naustområdet. Folkehelsekoordinatoren skriv at det er ei utfordring med stegvis utbygging av områder som kvar for seg ikkje medfører krav om t.d. sykkel og gangveg som eit helsefremjande sikringstiltak, jf. Plan og bygningslova. Med planlagde 15 naust og 20 25 båtplassar vil det vere vanskeleg å rå til ei utbygging tilknytt eksisterande kommunal veg, når det frå før i område er spreidd bustadbygging og i framtida er planlagt fleire bustader. Eksisterande kommunal veg er i tillegg smal og lite tilrettelagt for ferdsel av mjuke trafikantar, og dette vil medføre auka trafikk på god vær dagar då aktivitet mot sjø ofte er høg. Vidare meiner folkehelsekoordinatoren at sikt i utkøyrsel til kommunal veg ikkje er tilfredsstillande, og at eit tiltak med å «berre» senke farten til 30 km/t ikkje er godt nok. Det er ei anna utkøyrsle i nærleiken,
Side 8 av 11 og her meiner folkehelsekoordinatoren at uheldige trafikksituasjonar kan oppstå på grunn av dårleg sikt i dei to utkøyrslane samla. Det vert såleis råda til siktutbetring i tillegg til å senke fartsgrensa. Folkehelsekoordinator ynskjer elles at tiltak i strandsona bør koma ålmenta og fellesskapet til gode. Planen bør med andre hindre privatisering av strandsona. Ein kan ikkje sjå at tilrettelegging av skuleveg for born og unge har relevans med naustprosjektet i Slåttevika. Slåttevika har berre ein einebustad pr. i dag. Lengre vest på neset så er det regulert til spreidd bustadutbygging, og krav til sykkel og gangveg for born og unge bør eventuelt koma i samband med utbygging der, kor born og unge faktisk skal bu. Tal båtplassar er dessutan blitt vesentleg redusert etter oppstartsmelding, frå 25 stk. til 14 stk. Såleis vil også trafikken i område verta vesentleg mindre enn først tenkt. I tillegg, så tenker ein i samband med planen å opprusta vegen mellom Ådnanesvegen KV1166 og planlagt naustområde i Slåttevik (Ådnanesvegen PV1166), med ny asfalt der det trengst og 3 møteplassar. Dette vil være ein stor fordel for å sikre betre tilkomst til Slåttevika for alle partar. Når det gjeld kryss ut mot KV1166, så er det i etterkant av oppstartsmeldinga utført fartsreduserande tiltak i form av fartsdempar på den kommunale vegen. Elles tilseier kurvatur og breidde på vegen at ein bør halda låg fart. Trafikkmengda vil verta lite endra i høve til i dag, og ein kan ikkje sjå at dette skal verta eit problem. 5. Norges vassdrags og energidirektorat (NVE), 10.06.2016 Dei viser til sin nettstad https://www.nve.no/flaum og.skred/arealplanlegging/ for arealplanlegging kor ein mellom anna finn sjekkliste for vurdering av tema innanfor NVE sine forvaltningsområde. NVE har elles ingen innspel til planarbeidet. Det er teke omsyn til merknaden i planarbeidet. 6. Bergens sjøfartsmuseum, 17.06.2016 Sjøfartsmuseet skriv at dei ikkje kjenner til kulturminne ved Slåttevik som kan verta direkte råka av tiltaket. Museet har følgjande ingen merknadar til planen. Dei gjer merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne. Planen skal ikkje ha noko negativ konsekvens for kjende kulturminne og det er i føresegnene teke med at tiltakshavar har aktsemd og meldeplikt, jfr. lov om kulturminne av 1976, 8, som seier at arbeidet skal stoppast og kulturvernmyndigheitene varslast dersom tiltakshavar under arbeidet oppdagar gjenstandar eller andre spor etter tidlegare menneskeleg aktivitet. 7. Bømlo vatn og avløpsselskap, 15.06.2016 Bømlo vatn og avløp (BVA) minner om at VA plan skal godkjennast av dei før anleggsstart. BVA har vassleidningar i området, og dersom dei skulle koma i konflikt med arbeidet, så må dei flyttast. Dei gjer merksam på at kostnadar av dette samt framlegging, utbygging og tilkopling av VA leidningar til offentleg nett må takast av utbyggjar.
Side 9 av 11 Det er teke omsyn til merknaden i planarbeidet. 8. Bømlo kystlag, 12.07.2016 Kystlaget skriv at fleire av deira medlemmar brukar slippen på Ådnanes, som grensar til reguleringsplanen. For dei er det viktig at slippen kan drivast vidare som før, og at ein ivaretek tilhøyrande båtutslepp. Fleire av dei har store båtar, og dei er avhengige av å ha ein stad for å sleppsetja desse. Dei har blitt kjent med at det er ein annan slipp som skal leggjast ned, og det vert såleis stadig færre tilbod for slikt. Det er difor ekstra viktig at ein tek vare på dei få som er att. Deira merknad går på at dei ikkje ynskjer ei utbygging som hemmar drift og utvikling av Ådnanes slipp. Slik dei ser det så er det ikkje plass til føreslått utbygging, utan at det kjemi konflikt med område i sjø som vert nytta av slippen. Slik ein tolkar det, så ynskjer Bømlo Båtlag i hovudsak at ein unngår flytebryggjer/ småbåtanlegg i sjø som kan koma i konflikt med båttrafikk til slippen samt tilhøyrande båtutslepp innerst i vika. I planskissa som var sendt ut i samband med oppstartsmeldinga, var det teikna inn fleire nye flytebrygger. Desse er no teke ut av planen for å imøtekoma kystlaget sine interesser og sikre god passasje i område. Med dette er tal nye båtplassar redusert frå 25 stk. til 14 stk. I tillegg til dette ynskjer tiltakshavar at planen skal koma slippen til gode ved å føreta ei grensejustering. I dag nyttar slippen parkeringsplassar som ligg på tiltakshavar sin eigedom (115/2), og i tillegg ligg nesten heile vinsjen som driv slippen her. Forslagsstillaren foreslår å justere grensa mellom 115/2 og 115/13 slik at huset med vinsjen til slippen og parkeringsplassen som slippen i dag bruker kjem på slippen (115/13) sin eigedom. 9. Fiskarlaget vest, 28.06.0216 Fiskarlaget Vest viser til at sakspapira kor det framgår at omsøkt småbåtanlegg, som kjem utanfor område regulert til naust, ikkje er i samsvar med kommuneplanen, men ligg i FFNF område. Dei gjer merksam på at det i sakspapira ikkje er søkt om dispensasjon frå kommuneplanen, noko dei meiner må gjerast i slike saker. Vidare har dei fått opplyst frå lokallaget Ådnanes slipp, som er ein av få stadar på Bømlo der ein kan utøve sliping/ vedlikehald av fiskebåtar, ligg like ved omsøkt reguleringsområde. Fiskarlaget Vest går i mot planen dersom omsøkt plan, og eventuelle framtidige planar for omsøkt område, under noko omstende kan kome i konflikt med dagens eller framtidig drift av Ådnanes slipp. Viser til kommentar under merknad 8. Bømlo kystlag. 10. Ådnanes slipp v/einar Ådnanes, 12.07.2016 Meiner at planlagd tiltak vil koma i konflikt med slippen sine interesser i området. Tiltakshavar ynskjer ikkje at utbyggingsplanane skal kome i konflikt med slippen og ein har difor teke ut alle planlagde flytebrygger. Utbyggingsplanane er også redusert i storleik og tal på einingar. Viser elles til kommentar under merknad 8. Bømlo kystlag. 11. Ivar Ådnanes ( 115/5), 06.07.2016
Side 10 av 11 Minner om at rettigheitar og plikter til Slåttevikvegen er nedfelt i utskriftsprotokollen frå ca. 1922 over Ådnanes. Han er ikkje kjend med andre dokument som gjeld denne vegen. For å sikre ei god løysing for framtidig arbeid/ vedlikehald på vegen må jordskifteretten ta saka opp på ny. Dette er ein privatrettsleg sak, som bør avklarast med alle aktuelle partar i område før utbygging. Tiltakshavar ser for seg at det kan etablerast et veglag og vedtekter som regulerer bruk og vedlikehald av vegen. 12. Astrid Ådnanes (115/13), 13.07.2016 Syner til oppstartsmelding som seier at flytebryggjer og festeankre ikkje skal verta til hinder for tilkomst og drift av slippen i Slåttevika. Då varsla planområde omfattar ein betydeleg del av sjøarealet i Slåttevika ber dei om at nemnde omsyn vert dokumentert i planen. Arealbehov for båtar inkl. manøvreringsareal må framkome. Med utbygd anlegg vil det i periodar verte stor trafikk i tilkomstvegen til Slåttevika. Dagens veg er smal og reguleringsplanen må sikre etablering av vegutvidelse, evt,. møteplassar, seinast når anlegget vert teke i bruk. Det er teke omsyn til merknaden i planarbeidet. Utbyggingsplanane vart redusert for å ikkje kome i konflikt med slippen. Det er teke med i føresegnene at møteplassar skal vere ferdig opparbeid før bygningar kan takast i bruk. Viser elles til kommentar under merknad 8. Bømlo kystlag. Rådmannen sluttar seg til planleggjar sine vurderingar av innkomne merknader og rår til at framlegg til privat detaljreguleringsplan for naustområde på Ådnanes gnr. 115, bnr. 2 og 5 m.fl. vert utlagt til offentleg gjennomsyn. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige viltområder eller naturtypar i området. Planarbeidet er vurdert ut frå kunnskapsgrunnlaget ein har om naturvern i området og søknaden er ikkje i strid med 8 12 i naturmangfaldslova. Deler av området ligg i omsynssone H310_ 22 ras og skredfare. Gjennomføring av eventuelle tiltak innanfor dette området er sikra i plankart med omsynssone og i føresegner. Beredskap og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. ingen tiltak er naudsynt. Tiltak i gult felt er vurdert og er sikra i føresegner og plankart. Folkehelse: Det vert sett på som positivt for born og unge at det vert betre tilrettelagd for tilkomst til sjø og maritim rekreasjon. Planen legg til rette for at området skal kunne nyttast i samband med ulike fritidsaktivitetar. Tilrettelegginga vil gjere området meir attraktivt og tilgjengeleg, slik at fleire brukargrupper kan nytte seg av området enn tidlegare. Auka friluftsaktivitetar er generelt positivt for folkehelsa.
Side 11 av 11 Oppsummering og konklusjon: Det ligg ikkje føre vesentlege merknader i samband med oppstart av planarbeidet. Rådmannen viser til vurderingane som går fram av saka og rår til at framlegg til detaljreguleringsplan Ådnanes på gnr. 115, bnr. 2 og 5 m.fl. vert utlagt til offentleg gjennomsyn.