Saksutgreiing til folkevalde organ

Transkript

1 Side 2 av 11 Saksutgreiing til folkevalde organ Dato: Arkivref: / /2017 / 504 Saksbehandlar: Aud Gunn Løklingholm aud gunn.loklingholm@bomlo.kommune.no Sak nr i møte Utval Møtedato 5/18 Utval for areal og samferdsel /18 Kommunestyret PRIVAT DETALJREGULERINGSPLAN FRITIDSBUSTADOMRÅDE KARIHAVET 101/13 M.FL. MELING PLANID Rådmannen sitt framlegg til vedtak: 1. Kommunestyret vedtek med heimel i Plan og bygningslova 12 3 privat detaljreguleringsplan for fritidsbustadområde Karihavet gnr. 101, bnr. 13 m.fl. Meling i Bømlo datert med tilhøyrande reguleringsføresegner. 2. Reguleringsplanen er rettsleg bindande utan stadfesting frå statleg styresmakt. Saksprotokoll i Utval for areal og samferdsel Innstilling: Utval for areal og samferdsel innstiller samrøystes overfor kommunestyret i samsvar med rådmannen sitt framlegg. Saksprotokoll i Kommunestyret Vedtak: Kommunestyret gjorde samrøystes vedtak i samsvar med rådmannen sitt framlegg. Dokument i saka: Reguleringsføresegner dato

2 Side 3 av 11 Plankart dato Sak i Naturbruksutvalet sak PS 11/17 dato Brev frå Fylkesmannen i Hordaland dato Brev frå Bergens sjøfartsmuseum dato Brev frå Hordaland Fylkeskommune dato Brev frå Per Magne Meling (101/15) dato Brev frå Hordaland Fylkeskommune dato Bakgrunn for saka: Utval for areal og samferdsel har i møte sak PS 21/17 vedteke at framlegg til privat detaljreguleringsplan for fritidsbustader på Meling gnr. 101, bnr. 13 m.fl. vart utlagt til offentleg gjennomsyn. Denne reguleringsplanen har vore på høyring frå til og er no klar for politisk handsaming. Gøtz AS v/martin Gøtz har på vegne av Gunnar Meling m.fl. laga framlegg til reguleringsplan. Frå planleggjar sin omtale tek me med: PLANSTATUS: Kommuneplan I gjeldande kommuneplan er området på land vist som fritidsbustad med krav til reguleringsplan. Tiltaket her vil såleis vere i tråd med gjeldande kommuneplan. Tilkomstvegar og planlagd parkeringsplass vil ligge i LNF område. Planlagd parkeringsplass på eigedom 101/41, sør i planområdet, ligg delvis i bustadområde. Småbåtanlegg ligg delvis innanfor føremål for fritidsbustadar, men kjem ut i friområde i sjø nokre plassar. Reguleringsplan Området er ikkje regulert tidlegare. Planforslaget Forslagsstiller er Gunnar Meling m.fl. Planområdet er totalt ca. 9,8 daa. Av det er: 1. Bygningar og anlegg Fritidsbustader frittliggjande 1,3 daa Småbåtanlegg i sjø og vassdrag 0,8 daa 2. Samferdselsanlegg og teknisk infrastruktur Køyreveg 0,7 daa Gangveg/gangareal 0,7 daa Annan veggrunn grøntareal 0,4 daa Kai 0,3 daa Parkeringsplassar 0,4 daa 3. Grøntstruktur Friområde 3,6 daa 4. Bruk og vern av sjø og vassdrag, med tilhøyrande strandsone Friluftsområde i sjø og vassdrag 1,5 daa

3 Side 4 av Omsynssoner Frisikt 0,1 daa BYGNINGAR OG ANLEGG Fritidsbustadar, FF1 FF4 Området kan byggjast ut med fritidsbustadar. Område FF1 omfattar eigedomane gnr.101, bnr. 13, 78 og 155. I FF1 kan det til saman førast opp 5 stk. fritidsbustadar, kor det på eigedom 101/13 er tenkt 2 stk. frittståande fritidsbustadar, på eigedom 101/78 er tenk 1stk. frittståande fritidsbustad, og på eigedom 101/155 er tenkt to fritidsbustadar i rekkje. I FF2 som omfattar eigedomane 101/13 og 101/15 kan det til saman førast opp 3 stk. fritidsbustadar. Ein av desse einingane utgjer eit eksisterande naust og som skal bevarast slik det er i dag. I FF3 som omfattar eigedom 101/156 kan det førast opp 2 stk. fritidsbustadar i rekkje. I område FF4 skal eksisterande naust erstattast med 1 stk. fritidsbustad. I føresegnene har ein sett maks. tillat bruksareal per eining BRA=110m2. I tillegg kjem evt. altan og uthus. Takvinkel skal vere mellom grader. Fritidsbustadane skal ha 2 parkeringsplassar per eining, anten på eigen grunn eller på areal i nærleiken. Småbåtanlegg i sjø og vassdrag, SA1 S5 Området kan nyttast som småbåtanlegg for småbåtar. Småbåtanlegga kan nyttast av tilgrensande fritidseigedommar innanfor planområdet og etter eigen avtale med grunneigar. I planområdet kan det til saman etablerast 5 stk. flytebrygger; I område S1 kan det etablerast ei flytebrygge med 5 stk. båtplassar som skal vere felles for dei 5 fritidsbustadane lengst vest, på gnr. 101, bnr. 13, 55 og 78. Flytebrygga her skal ha ein maks. storleik på 25m² og ei maks. breidd på 2,5 m, og skal ikkje vere til hinder for fri ferdsel. I område S2 kan det etablerast 2 flytebrygger med 3 stk. båtplassar totalt. Ei flytebrygge skal vere felles for fritidsbustadane på gnr. 101, bnr. 13 og ei skal nyttast av eigaren av gnr.101, bnr.15. I område S3 kan det etablerast 1 stk. flytebrygger med to båtplassar som skal vere felles for dei to fritidsbustadane på gnr.101, bnr I område S4 kan det etablerast ei flytebrygge med plass til to båtar for fritidsbustaden på gnr. 101, bnr. 41. Flytebryggene i S2 S4 kan ha ein maks. storleik på 15m² og ei maks. breidd på 2,5m og skal ikkje vere til hinder for fri ferdsel. I området S5 skal det etablerast båtopptrekk som skal kunne nyttast av alle innanfor planområdet. Båtopptrekket skal vera open for allmenn ferdsle og det skal ikkje setjast opp gjerde eller andre stengsel som hindrar fri ferdsle i strandsona. SAMFERDSLEANLEGG OG TEKNISK INFRASTRUKTUR Køyreveg, V1 V2 Veg V1 (Strandavegen) er ein eksisterande kommunal køyreveg med ei breidd på ca. 5,0 m. Vegen er asfaltert og skal liggja som i dag. Etter vegnormal HB N100 er vegen regulert som samleveg Sa1, med fartsgrense 50 km/t og siktkrav i kryss på 4x45m. V2 er ein ny køyreveg med ei breidd på ca. 4,0 m. Vegen skal opparbeidast med asfalt. Vegen er regulert som tilkomstveg A1, med fartsgrense 30 km/t og siktkrav i kryss på 4x45m. Gangveg/gangareal, G1 G2 G1 og G2 er nye felles gangvegar som skal gje enkel tilkomst til fritidsbustadane i området. Delar av gangveg G2 (sør aust) er eksisterande skogsveg som vil verta liggjande slik den er i dag. Gangvegane

4 Side 5 av 11 elles skal opparbeidast som 3 m breie grusvegar. I nord vil gangvegane verta liggjande i bakkant av fritidsbustadane med tilknyting til parkeringsplass P1. Gangvegane skal vere opne for ålmenn ferdsel. Anna veggrunn grøntareal Langs vegane er det lagt inn areal for anna veggrunn. Dette arealet kan nyttast til snølagring, vegutviding, avkjørsler, grøfter, skråningar og skjeringar. Kai, K1 K5 Områda kan nyttast til kai og båtfeste for småbåtar. Kaiane skal vere opne for ålmenn ferdsle og det skal ikkje setjast opp gjerde eller andre stengsel som hindrar fri ferdsel i strandsona. Parkeringsplass, P1 P3 Det er sett av to område for felles parkering, P1 og P2, med til saman 20 oppstillingsplassar. Parkeringsplassane er plassert i tilknyting til eksisterande veg, fritidsbustadar og naust innan planområdet. Parkeringsplassen kan nyttast etter nærmare avtale med grunneigarar. På eigedom gnr.101 bnr.41 er det sett av ein parkeringsplass, P3, med plass til to bilar. P3 tilhøyrar fritidsbustaden, FF4, på eigedom gnr.101 bnr.41. GRØNTSTRUKTUR Friområde I området kan det ikkje førast opp bygg eller konstruksjonar som er til hinder for å nytta området som friområde. Området skal vera ålment tilgjengeleg. Så langt råd er skal eksisterande terrengform og vegetasjon ivaretakast. BRUK OG VERN AV SJØ OG VASSDRAG MED TILHØYRANDE STRANDSONE Friluftsområde i sjø og vassdrag Området kan nyttas til sjø og vassdragsaktivitetar og skal vere fritt tilgjengeleg for ålmenta. OMSYNSSONER Frisikt Innanfor denne sona må det vere tilfredsstillande sikt i kryss og avkøyrsler. TEKNISKE ANLEGG Vatn og avlaup Området vert tilknytta off. vass og avlaupsanlegg som ligg i nærleiken. Vassleidning med Ø75mm vert lagt fram til området og det vert etablert ny vasskum med stikkleidningar til alle einingar. Alle fritidsbustadar skal ha eigen privat pumpekum og koplast til felles trykkavløpsanlegg. Avlaupet vert pumpa til tilknytingspunkt med off. anlegg, som ligg nordaust for planområdet på gnr.101 bnr.15. Opplegget er også synt på overordna VA plan som er vedlagt planomtalen. Anlegget for vatn og avlaup vert privat. Overvatn Overvatn vert ført til terreng/sjø. Straum Det er straum i området i dag og det vil ikkje vere noko problem å leggje straum til nye bygg i området.

5 Side 6 av 11 Vurderingar: I samband med at reguleringsplanen har vore på høyring i tida til kom det inn desse merknadane. Her er eit samandrag av merknadane saman med planleggjar sine kommentarar: Bømlo naturbruksutval Bømlo Naturbruksutval har ingen merknader til reguleringsplan for fritidsbustadområde Karihavet på gnr.101,bnr.13 m.fl. på Meling. Kommentar: Ingen kommentar. Fylkesmannen i Hordaland Vi viser til brev av og vedtak om utlegging av reguleringsplan for Karihavet til offentleg ettersyn. I gjeldande kommuneplan er området på land vist som fritidsbustad med krav til reguleringsplan. Fylkesmannen uttala seg til melding om oppstart av planarbeid i brev av Vi var kritisk til omfanget av vegnettet og småbåtanlegg i sjø. Planen har såleis teke nokon av våre merknader til følgje. Vi tykkjer likevel det er uheldig å leggje til rette for ein 3 meter brei gangveg fram til fritidsbustadane. Breidda på vegen burde ha vorte sett til 1,5 meter i føresegna. Planforslaget viser også småbåtanlegg i sjø. Deler av dette er eksisterande forhold. Vi tykkjer likevel at desse burde ha vorte samla i eit felles anlegg. Kommentar: Fylkesmannen er kritisk til planforslaget. Dei tykkje det er uheldig at ein legg til rette for ein 3 meter brei gangveg inn til fritidsbustadane og at småbåtanlegg i sjø burde ha vorte samla i eit felles anlegg. Det er forsøkt å imøtekoma merknad ved å samla flest mogleg båtar i felles småbåtanlegg. Ein ynskjer å oppretthalda breidde på gangveg som tilkomsveg for brannbil. Gangveg skal normalt ikkje vera open for køyretøy. Reguleringsplanen er i tråd med gjeldande kommuneplan. Føremål fritidsbustader er i samsvar med gjeldande kommuneplan. Tilgjenge til strandsona vert ivareteke jf. føresegner 2.5, (S5), 4.2.3, Parkeringsplass er flytta litt lenger vekk frå strandsona, nærare Strandavegen i sør. Talet parkeringsplassar er redusert med 2 stk som følgje av at ein har teke vekk 1 stk fritidsbustad i planområdet. Fylkesmannen har ikkje motsegn til planforslaget slik det føreligg. Bergens sjøfartsmuseum Saka har tidligare vore til behandling ved Bergens Sjøfartsmuseum på oppstartsnivå. Vi hadde følgande kommentar i e post send 2. november 2016: «Museet kjenner ikkje til kulturminne ved Karihavet gbnr. 101/13 m.fl., i Bømlo kommune som kan bli direkte råka av reguleringa. Me har heller ingen indikasjonar på at området har vore nytta som ankringsstad eller hamn i eldre tid. Museet har derfor ingen merknader til reguleringsarbeidet.

6 Side 7 av 11 Det er likevel mogleg at det ligg kulturminne i det aktuelle området. Me gjer derfor merksam på at tiltakshavaren pliktar å gje melding til museet dersom ein under arbeid i sjøområda finn skipsvrak, keramikk eller andre marine kulturminne. Dersom kulturminne på sjøbotnen kan bli råka av tiltaket, må arbeidet under vatn straks stoppast. Verksemda må i så fall ikkje takast opp att før museet har undersøkt og eventuelt frigjeve området. Eventuelle brot på desse vilkåra vil være i strid med føresegnene i Lov av 9. juni 1978 nr. 50 om kulturminne.» Vår kommentar har komme inn i planføresegnene 2.3 Tiltak i sjø, og vi har ingen merknad til planen som den no er framlagt. Kommentar: Ingen kommentar. Hordaland Fylkeskommune Vurdering Strandsone Føremålet med reguleringsplanen som ligg føre er å leggje tilrette for utbygging av 11 fritidsbustader og 1 naust i strandsona. Gjennom planarbeidet er det også lag opp til etablering småbåtanlegg. Innanfor planområdet ligg det i dag 4 naust og ei sjøbu. Gjennom reguleringsplanen vert 4 av dei eksisterande nausta regulert til fritidsbustad, medan eit naust vidareførast som naust. Hordaland fylkeskommune viser til det pågåande arbeidet med Regional kystsoneplan for Sunnhordaland og ytre Hardanger. Vi legg vekt på at ein forvaltar strandsona på ein slik måte at den kjem flest mogeleg tilgode. Vi minnar om at vurderinga av nye tiltak i strandsona skal vurderast opp mot omsynet til natur og kulturmiljø, friluftsliv, landskap og andre allmenne interesser. Hordaland fylkeskommune er generelt kritisk til planlegging av nye fritidsbustader plassert heilt i strandkanten. Dersom ein likevel skal opne opp for dette er det viktig at det vert sikra gode løysingar som sikrar allmentas tilgjenge til areala ved sjøen. Vi har følgjande merknader til nokre av dei løysingane som det vert lagt opp til i reguleringsplanen som ligg føre: Gjennom føresegnene vert det gjeve at det innanfor FF1 kan førast opp 6 fritidsbustader i rekkje. I plankartet er plasseringa av desse synt i grupper med to, tre og eitt naust. Det er positivt at ein legg opp til ein utbygging i mindre klynger, men vi set spørsmål til tettleiken på fritidsbustadene innanfor FF1. Ut frå det vi kan sjå vert det ikkje sikra tilstrekkeleg rom mellom klyngene av fritidsbustader. Vi rår til at ein reduserer utnyttinga innanfor FF1 slik at det vert sikra opne passasjer mellom fritidsbustadene. Slik fritidsbustadene er plassert i plankartet er vi kritisk til om der er tilstrekkeleg rom til at allmenta kjenner seg velkommen til å bevege seg i området mellom G1, K1 og FF1. Gjennom planen vert det lagt opp til at kvar fritidsbustad skal ha tilgjenge til 2 p plassar. Sjølv om dette er i tråd med kommuneplanen ber vi kommunen om å vurdere å setje av eit mindre areal til parkering og dermed redusere terrenginngrepa i LNF området. Vi ser også spørsmål til bredda på gangvegane i området. Slik dei ligg føre i planen vert dei dimensjonert med 3 meters bredde. Vi kan ikkje sjå at det er naudsynt med 3 meters bredde på gangvegane og meiner dette eit uhensiktsmessig stort inngrep i friområda.

7 Side 8 av 11 Vi viser til fråsegn frå Fylkesmannen i Hordaland ved oppstart av planarbeidet om etablering av småbåtanlegg i området. Arkitektur og estetikk Hordaland fylkeskommune ber om at det vert teke særleg omsyn til arkitektur og estetikk i det vidare planarbeidet. Det er viktig at det vert sikra samspel og heilskap mellom eksisterande bygningar og ny utbygging. Det hadde vore positivt dersom ein kunne sikra god arkitektur og kvalitet i materialbruk gjennom føresegnene. Universell utforming Vi minner om at universell utforming skal liggje til grunn i all planlegging. Vi saknar generelle føresegner som sikrar dette. Kulturminne og kulturmiljø Fylkeskonservatoren i Hordaland fylkeskommune har vurdert saka som regional sektorstyresmakt innan kulturminnevern. Arkeologi Ut frå våre arkiv har vi ikkje kjennskap til automatisk freda kulturminne i det aktuelle planområdet. Arealet blir vurdert til å ha lågt potensiale for funn av uregistrerte kulturminne i marka. Saka har også blitt vurdert av Bergens Sjøfartsmuseum. I høve e post datert , kjenner dei ikkje til marine kulturminne som kan bli råka av reguleringa, og har ingen indikasjonar på at området har vore nytta som ankringsstad eller hamn i eldre tid. Bergens Sjøfartsmuseum har ingen merknader til reguleringsplanen. Elles gjer vi merksam på meldeplikta etter kulturminnelova 8, 2. ledd. Dersom automatisk freda kulturminne som gjenstandsfunn, bergkunst, flekkar med trekol eller konstruksjonar blir avdekt under gjennomføring av tiltaket, må dette straks meldast til Fylkeskonservatoren i Hordaland fylkeskommune, og alt arbeid stansast til rette forvaltningstyresmakt har vurdert funnet. Slik gransking vil bli utført mindre enn tre dagar etter at vi har fått melding om mogelege funn. Meldeplikta gjeld også dersom ein under arbeid i sjøområda finn skipsvrak, keramikk eller andre marine kulturminne. Nyare tids kulturminne Det er innafor planområdet registret fleire Sefrak registrerte bygg som er meldepliktig ved riving. I fråsegna til oppstartsmeldinga vart det vist til at dokumentasjon av kulturminne skal gjerast på eit tidleg stadium i all arealplanlegging, og at det er viktig i omtalen av kulturminneinteressene at kvart kulturminne må ha vurdering av verneverdi. Dette gjeld ikkje berre for bygningar men og gamle strukturar knytt til landskap og veg, tekniske kulturminne m.m. Vi kan ikkje sjå at planarbeidet tek innover seg kulturminneverdiane i området. Vi kan ikkje sjå at det ligg føre slik dokumentasjon for nyare tids kulturminne. Vi ber difor om meir utfylgjande dokumentasjon på dei omsøkte tiltaka, og ber om at ein kontaktar bygningsvernkonsulent Bjørn Arve Lunde ved Sunnhordland folkemuseum for ei synfaring av området. Konklusjon Hordaland fylkeskommune har merknader til planforslaget når det gjeld strandsone, arkitektur og estetikk, universell utforming, kulturminne og kulturmiljø. Vi ber om at desse merknadene vert teke omsyn til i prosessen vidare. Hordaland Fylkeskommune dato

8 Side 9 av 11 Vi viser til brev frå Hordaland fylkeskommune datert om høyring av forslag til detaljregulering for fritidsbustadområde Karihavet gnr. 101, brn. 13 m.fl. Bømlo kommune. Hovudføremålet i planen er fritidsbustader og småbåtanlegg med tilhøyrande infrastruktur. Saka gjeld Vi viser til at i vårt fråsegn til planen der vi etterspurte dokumentasjon av kulturminne og vi ba difor om at ein kontakta bygningsvernkonsulent Bjørn Arve Lunde ved Sunnhordland Museum for ei synfaring av området. Det vart avtalt og utført ei synfaring og i etterkant av synfaringa vart det laga ein rapport. Det er frå dykkar side ynskje om å få oversendt informasjon om kulturminne i området som er omtala i rapporten. Den kjem her: «Måndag den 21 juni var bygningsvernkonsulent Bjørn Arve Lunde på synfaring til «Karihavet» på Bømlo i saman med Line Hatlevik frå Gøtz a/s, Stord. Synfaringa kom til i samband med utarbeidinga av reguleringsplanen for området Karihavet, 101,13. der underteikna skulle laga ein enkel kultuminnefagleg rapport over området. Etter oppmoding frå sakshandsamar H.K. Vie, planavdelinga Hordaland Fylkeskommune Vågen som «Karihavet»t er ein del av ligg malerisk til i ly av storhavet på vestsida av Bømlo. Kulturlandskapet, som blir nytta til beiteland for gardsbruka i området går like i flomålet og den rike vegetasjonen er slåande. Sjøhusa som omkransar vågen ligg spreidt og er beskjedne i storleik. Det er luft mellom kvart av sjøhusa som både ligg med gavlasida og langsida mot sjøen. Fråvær av naust Det er i dag ingen naust som er med i planen men fire sjøhus som er i ulik stand. Sett i lys av at vågen er knytt opp mot fiskarbonden sine aktiviteter der båten har ein vesentleg plass, er det merkeleg at me ikkje finn fleire naust i Karihavet enn kva tilfellet er. Det næraste me kjem naust er ei tuft og plankerester etter eit slikt bygg. sjå foto under Underteikna kjenner ikkje til at det har vore gjeve rivingsløyve på dette kulturminnet. Det inste sjøhuset i vågen, det er søkt om å få riva på, er/har vore i bindingsverk og er på det næraste rive. Foto talar mykje godt for seg sjølv då det er på grensa til at dette kan kallast eit bygg. Det neste sjøhuset har begrensa kulturminne verdi då det nyleger ombygd. Nytt reisvek/sperr, kledning, vindauge og kurrugerte ståplater på taket. Det er bygd ny brygge framom sjøhuset. Det tredje sjøhuset er det ikkje søkt om riving for. Underteikna vonar sjøhuset kan restaurerast slik at verdigheten i bygget kan koma til syne att Det fjerdet bygget som er med i planen er eit mindre sjøhus i betongstein med puss. Dette er også eit nytt bygg som har begrensa kulturminneverdi. Oppsummering Underteikna tykkjer det er underleg at kulturminner vert fjerna samstundes som planarbeidet er i gong. Kultuminneverdien på dei omsøkte sjøhusa er beskjeden. Bygga er av nyare dato. Ombygde, rive og delvis rive. Den planlagde utnyttingsgraden av området er høg og planen er ikkje inspirert av den rådande bygnaden i vågen der me finn luft mellom bygga som både ligg med gavlasida og langsida mot sjøen I desse utromma hus imellom finn dei sjøhusrelaterte aktivitettane stad som sløying av fisk,

9 Side 10 av 11 tørking av nøter, o.s.b. Desse viktige arkitektoniske kvalitetstrekka bør vidareførast i den planlagde bygnaden. Sjå foto under. Stord den 29 juni 2017, Bjørn Arve Lunde,Bygningsvernkonsulent Sunnhordland Museum» Hordaland fylkeskommune har vurdert saka i høve kulturminne og kulturmiljø og støtter opp om den vurderinga som kjem fram i rapporten frå bygningsvernkonsulenten over. Vi vonar det i den vidare planprosesen vert teke omsyn til den. Konklusjon Hordaland fylkeskommune hadde mellom anna merknader til planforslaget for «Karihavet» Meling, gnr 101 bnr 13m.fl. i Bømlo kommune vedkommande manglande dokumentasjon av kulturminne og kulturmiljø. Den vart i etterkant utført av bygningsvernkonsulent Bjørn Arve Lunde. Vi ber om at desse merknadene vert teke omsyn til i planarbeidet. Kommentar: Ein har så langt det let seg gjere forsøkt å imøtekome merknaden med tilgjengeleg strandsone, ålmenn interesse og høg utnyttingsgrad. Ein har teke vekk ein fritidsbustad frå planen for å sikre fleire passasjar og for å opne opp i mellom bygga. I samband med dette har ein også redusert storleik på parkeringsarealet og teke ut ein båtplass. Ein har sett på den regulerte gangvegen, men kan ikkje sjå at 3 m grusa gangveg vil verta til ulempe. Gangvegen skal normalt ikkje vera open for køyretøy, men vil med denne breidda kunne nyttast i samband med anleggsarbeid og som tilkomstveg for brannbil. Per Magne Meling (101/15) I nær framtid (2 kvartal 2017) vil sak REM JSTO Meling ved Haugaland og Sunnhordland jordskifterett finne stad. Sak gjeld nytt utløp av dreneringskanal i sjøen ved «Garvika». Med sprengning gjennom eit fjellparti, vil det gje best mogleg fritt løp for vatnet. Denne skjeringa vil gje plass for vatnog avløpsrøyr for tilkopling til dei komande fritidsbustadane i området slik som vedlagt skisse viser. Kommentar: Traseval vil verta avklara i samband med detaljprosjektering seinare. Det er ikkje fremja motsegn til reguleringsplanen frå nokre offentlege instansar og Bømlo kommune kan eigengodkjenne planen. Rådmannen viser til kommentarar og vurderingar som er gjort i saksframlegget og vil rå til at detaljreguleringsplan for fritidsbustadområde Karihavet gnr. 101, bnr. 13 m.fl. vert godkjent slik han no ligg føre. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i området. Planområdet grensar til omsynssone H720_3 Karihavet naturreservat for sjøfugl. Det er registrert SEFRAK bygg på gnr. 101, bnr. 156 naust bygd på slutten av 1800 talet.

10 Side 11 av 11 Beredskap og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. ingen tiltak er naudsynt. Folkehelse: Planen legg til rette for at området skal kunne nyttast i samband med ulike fritidsaktivitetar. Tilrettelegginga vil gjere området meir attraktivt og tilgjengeleg, slik at fleire brukargrupper kan nytte seg av området enn tidlegare. Auka friluftsaktivitetar er generelt positivt for folkehelsa. Oppsummering og konklusjon: Gøtz AS v/martin Gøtz har på vegne av Gunnar Meling m.fl. laga framlegg til reguleringsplan for fritidsbustadområde på gnr.101,bnr.13 m.fl. Karihavet på Meling. I reguleringsplanen er det sett av areal til 11 nye fritidsbustader. Rådmannen viser til kommentarar og vurderingar som er gjort i saksframlegget og vil rå til at privat detaljreguleringsplan for fritidsbustadområde på gnr. 101, bnr. 13 m.fl. Karihavet, Meling vert godkjent slik han no ligg føre. Det ligg ikkje føre motsegn frå offentlege instansar slik at vilkåra for eigengodkjenning av detaljreguleringsplanen no ligg føre.