Saksutgreiing til folkevalde organ

Transkript

1 Side 2 av 11 Saksutgreiing til folkevalde organ Dato: Arkivref: / /2016 / 504 Saksbehandlar: Linda Djuvik linda.djuvik@bomlo.kommune.no Sak nr i møte Utval Møtedato 143/16 Utval for areal og samferdsel /16 Kommunestyret PRIVAT DETALJREGULERINGSPLAN FOR FRITID OG NAUSTOMRÅDE KRUNENESET 64/1 M.FL. PLANID Rådmannen sitt framlegg til vedtak: 1. Kommunestyret vedtek med heimel i Plan og bygningslova 12 3 privat detaljreguleringsplan for fritidsbustader og naustområde med tilhøyrande tilkomstveg, parkeringsareal og småbåtanlegg på gnr. 64, bnr. 1 m.fl. Kruneneset på Goddo i Bømlo datert med tilhøyrande reguleringsføresegner revidert Reguleringsplan FV 18 Goddebrua Austvik vedteken i kommunestyret vert oppheva for det området som vert omfatta av ny plan. 3. Reguleringsplanen er rettsleg bindande utan stadfesting frå statleg styresmakt. Saksprotokoll i Utval for areal og samferdsel Innstilling: Utval for areal og samferdsel innstiller samrøystes overfor kommunestyret i samsvar med rådmannen sitt framlegg. Saksprotokoll i Kommunestyret Vedtak: Kommunestyret gjorde samrøystes vedtak i samsvar med rådmannen sitt framlegg. Dokument i saka: Reguleringsføresegner revidert

2 Side 3 av 11 Reguleringsplankart dato Brev frå Fylkesmannen i Hordaland dato Brev frå Barnas representant / Folkehelsekoordinator v/njærheim dato Brev frå Statens vegvesen dato Brev frå Fiskeridirektoratet dato Brev frå Hordaland Fylkeskommune dato Bakgrunn for saka: Utval for areal og samferdsel har i møte sak PS 9/16 vedteke at framlegg til detaljreguleringsplan for fritid og naustområde Kruneneset, Goddo, gnr. 64, bnr. 1 m.fl. vart utlagt til offentleg gjennomsyn. Denne reguleringsplanen har vore på høyring frå til med utsett høyringsfrist og er no klar for politisk handsaming. Gøtz AS v/vidar Vedå har på vegne av Dagfinn Hellen og Per Aanderaa laga framlegg til reguleringsplan. Frå planleggjar sin omtale tek me med: PLANSTATUS: Kommuneplan I gjeldande kommuneplan er størsteparten av området vist som område for framtidig fritidsbusetnad, naust, LNRF areal med spreidde bustader og LNRF område. Det er krav til reguleringsplan i byggjeområda for fritidsbustader. Ca. 100 meter utanfor planområdet i sjø er det avsett eit område for "Akvakultur" i kommuneplanen. Dette området var diskutert på oppstartsmøtet med kommunen, og tiltakshavar informerte om at området ikkje lenger er aktivt. Det har ikkje vore aktivitet her sidan på fleire år. Kommunen meinte området må takast ut av kommuneplanen, og viste til at det er Fiskerisjefen som har mynde til å fjerne slike område. I kommuneplanen er det også satt av eit framtidig utbyggingsområde for einebustader på motsett side av Fv18. Her ser ein føre seg at det kan kome ein stad mellom bueiningar i framtida. Reguleringsplan Delar av området er regulert i reguleringsplan med planid: (Fv. 18 Goddebrua Austvik). Denne planen omfattar eit mindre område i sør den delen av Fv. 18 som inngår i planområdet. I samråd med kommunen, har ein teke med avkøyrsla frå fylkesvegen og den delen av fyllinga for fylkesvegen som er vist i reguleringsplan for Fv18 Goddebrua Austvik som vert liggjande på austsida av planlagd ny tilkomstveg (f_v3). Dette for å unngå å dele den eksisterande reguleringsplanen i området i to. Føremål Føremålet med reguleringsplanen er å leggje til rette for etablering av 14 stk. fritidsbustader og 14 stk. naust med tilhøyrande tilkomstveg, parkeringsplassar, kaiar og småbåtanlegg. Planforslaget Forslagstiller er Per Aanderaa og Dagfinn Hellen. Planområdet er totalt ca. 9,9 daa. Av det er: 1. Bygningar og anlegg Fritidsbusetnad FB1 2,2 daa Småbåtanlegg i sjø og vassdrag, SA1 2,3 daa Naust, N1 N3 0,9 daa

3 Side 4 av Samferdselsanlegg og teknisk infrastruktur Køyreveg, o_v1, V2 og f_v3 2,3 daa Gangveg/gangareal, f_g1 0,2 daa Annan veggrunn grøntareal 2,6 daa Kai, K1 K3, f_k4 0,4 daa Parkeringsplassar, P1 P4 0,5 daa 3. Landbruks, natur og friluftsformål og reindrift Friluftsformål, F1 F2 0,4 daa 4. Bruk og vern av sjø og vassdrag Friluftsområde i sjø og vassdrag 0,1 daa 5. Omsynssoner Frisikt, H140_1 H140_4 0,2 daa BYGNINGAR OG ANLEGG Fritidsbusetnad FB Innanfor området FK1 kan det førast opp til saman 13 stk. nye fritidsbustader, anten som frittliggjande bygningar eller i rekkje. Det er også ein eksisterande fritidsbustad innanfor området i dag som evt. kan rivast og erstattast av ein ny. Dei nye fritidsbustadane er tenkt hovudsakleg parvis med kai og flytebrygger i front. Unntaket er tomt nr. 11 og eksisterande fritidsbustad på tomt nr. 12, som vert/er frittliggjande fritidsbustader. Fritidsbustadane skal plasserast på min. kote +2,2 og skal elles byggjast i tråd med gjeldande kommuneplan. Fritidsbustadane skal ha tilgang til min. 2 parkeringsplassar, anten på eigen grunn eller på parkeringsplass i nærleiken. I samband med utbygginga må det sprengast noko i bakkant av fritidsbustadane. Overskotsmassane skal nyttast til fylling i framkant. På grunn av ynskje om minst mogleg inngrep i fjellet bak dei planlagde einingane, ynskjer ein å trekke dei litt lengre vekk frå fjellveggen. Dette medfører at kaikanten vert liggjande med litt meir enn 3,0m avstand frå kystkonturen enkelte stader, som er det kommuneplanen opnar for. Men framleis vert det liggjande innanfor arealet som er avsett til fritidsbustader i kommuneplanen. Dette er eit lite avvik frå kommuneplanen, som vi meiner bør vere akseptabelt. Småbåtanlegg i sjø og vassdrag, SA1 Innanfor området SA1 kan det etablerast flytebrygger til fritidsbustadane og utriggarar til naust og bustader/ fritidsbustader i nærleiken. Småbåtanlegga kan nyttast av fritidsbustad og nausteigarar innanfor planområdet og etter eigen avtale med grunneigar. Ein ser føre seg at dei fleste av fritidsbustadane deler flytebrygge. Maks storleik på flytebrygge er 15 m2 pluss landgang. Dersom 2 fritidsbustader deler flytebrygge, opnar ein for at desse kan ha maks storleik på 30 m2 pluss landgang. Utanfor nausttomtene 7 14 ser ein føre seg at det kan leggjast ut utriggarar slik at det vert plass til ca. 15 båtplassar. 7 av desse er meint for hus og hytteeigarar i nærleiken etter avtale med grunneigar. Det er ei eksisterande godkjend flytebrygge i tilknyting til eksisterande fritidsbustad på tomt 12. Denne skal fjernast eller leggjast om slik at ho ikkje vert liggjande i vegen for tilflot til tomt 10 og 11. Naust, N1 N3 Innanfor området N1 N3 kan det førast opp til saman 13 stk. nye enkle naust, anten som frittliggjande naust eller i rekkje. I tillegg er det eitt eksisterande naust innanfor plangrensa i dag som evt. kan rivast

4 Side 5 av 11 og erstattast med eit nytt. Dette skal stå som i dag. Nausta skal plasserast på min. kote +2,0. Ein ser hovudsakleg føre seg at nausta skal vere enkle naust som er privateigd, men nausta på tomt 13 og 14 kan førast opp som fellesnaust med boder dersom ynskjeleg/ ved behov. Enkle naust skal ha maks 40 m2 BRA og maks mønehøgd på 5,0 meter målt frå gjennomsnittleg planert terreng. Eventuelle fellesnaust skal ha maks 45m2 BRA og ha maks mønehøgd på 5,0 meter målt frå gjennomsnittleg planert terreng. Nausta er planlagd med kai og utriggarar i front. Kaien skal vere open for ålmenn ferdsle. I samband med etableringa av naust 4 6, er det planlagd at det skal fyllast ein del i sjø. Desse er plassert innerst i vika. Her er det svært grunt, og ein må difor litt lengre ut for å få tilstrekkeleg djupne for båtar. Ein vil nytte overskotsmassar frå inngrepa i bakkant av planlagde naust og fritidsbustader til fyllinga. Det er lagt opp til 1 parkeringsplass per nausteining. Nausta skal parkere på P1 og P2. Det vil bli skjering i bakkant av nausta, men bygga vil i stor grad skjerme denne. SAMFERDSLEANLEGG OG TEKNISK INFRASTRUKTUR Køyreveg, o_v1, V2, f_v3 Det går som nemnt ein eksisterande privat køyreveg frå Fv18 inn til den eksisterande fritidsbustaden og naustet (V2). Denne vegen er ca. 3,0m brei og er opparbeidd med asfalt. Krysset inn mot fylkesvegen vart utbetra i 2012, og er i god nok stand. Den eksisterande køyrevegen går gjennom tunet til dei eksisterande einebustadane som ligg ca. 120 m sør for utbyggingsområdet. Ein ynskjer difor å leggje om delar av denne vegen for å unngå at eigarane av dei nye einingane innanfor planen må køyre gjennom tunet (f_v3). Ein planlegg då ei avkøyring frå V2 ved ca. profil 30. Etter ca. 200 m koplar ein seg på eksisterande tilkomstveg igjen, og fører denne vidare til enden av utbyggingsområdet. F_V3 skal opparbeidast som felles, privat tilkomstveg for eigarane av einingane innanfor FK1 og N1 N3 samt dei som har båtplass innanfor SA1. Det skal etablerast eit veglag for vegen. Regulert breidde for f_v3 er 4,0m og vegen kan opparbeidast med asfalt. Etter vegnormalen blir dette ein adkomstveg A1, med fartsgrense 30 km/t og siktkrav i krysset inn mot V2 på 3x20m. Per Aanderaa er framleis usikker på når han ynskjer å starte utbygginga på sin eigedom (65/2). Det er difor inngått ein avtale mellom grunneigarane om at f_v3 først må byggjast når fritidsbustadane 1 8 skal realiserast. Dagfinn Hellen (eigar av 64/2, 64/4, 65/11 og 65/12) har vegrett på den eksisterande vegen som er der i dag, og det er inngått avtale mellom han og grunneigar av hovudbruket, Lisbet Ytrøy, at dei nye fritidsbustadane 9 11 og kan nytte eksisterande veg fram til den nye traseen kjem på plass. Når f_v3 er etablert, er tanken at denne skal nyttast av alle dei nye einingane innanfor plangrensa. Gangveg/gangareal, f_g1 Arealet f_g1 skal nyttast til felles gangveg for eigarane av fritidsbustader, naust og båtplassar i området. Gangvegen skal opparbeidast i 2,0m breidde som synt på planen. Grunneigar, Lisbet Ytrøy, vurderer å senda inn innspel til neste kommuneplan om forlenging av naustområdet i austleg retning. Gangvegen vil då kunne forlengast vidare og nyttast som tilkomstveg for evt. fleire naust i forlenginga av den naustrekka som inngår i denne planen. Anna veggrunn grøntareal Dette arealet kan nyttast til snølagring, vegutviding, avkjørsler, grøfter, skråningar og skjeringar. Kai, K1 K3, f_k4

5 Side 6 av 11 Området kan nyttast til kai og båtfeste for småbåtar. Det er lagt inn i føresegnene at kaiane kan nyttast av naust og båtplasseigarar innanfor planområdet og etter avtale med grunneigar. Kaiane er tenkt med avtrappa front i tre der dette er hensiktsmessig. Det vil så festast utriggarar til trekaien. Endeleg plassering og utforming vert fastsett av kommunen i samband med byggjemelding for tiltaket. Kaiane vil nokre stader gå litt lengre enn 3 meter ut i sjø, men ein vil likevel ligge godt innanfor føremålsgrensa for naust i kommuneplanen. Vår vurdering er at planlagt kai bør vere akseptabel ettersom det er den beste løysinga for området med tanke på tilpassing i terreng, og med tanke på at den ikkje vil vere til hinder for båttrafikk eller andre interesser i området. Det er ein del som i dag har tinglyst rett til båtopptrekk på hovudbruket. Ein har difor lagt til rette for at dette kan etablerast innanfor f_k4. Denne kaien med tilhøyrande opptrekk kan nyttast av nausteigarane og dei som har tinglyst rett til båtopptrekk i området. Også denne kaien skal vere open for ålmenta. Parkeringsplassar, P1 P4 Områda P1 P4 er private parkeringsplassar, og kan nyttast til parkering for eigarane av fritidsbustader og naust innanfor planområdet og etter avtale med grunneigar. P1 er parkeringsplass for eigarane av fritidsbustadane og eigarane av nausta 2, Desse disponerer 1 plass kvar. 2 p plassar innanfor P1 kan disponerast av dei som har båtplass utanfor K3. P2 er parkeringsplass for eigarane av nausta 1 og 3. Desse disponerer 1 plass kvar på P2. P3 er parkeringsplass for eigarane av fritidsbustadane 3 8. Desse disponerer 1 plass kvar på P3. P4 er parkeringsplass for eigarane av fritidsbustadane 1 2. Desse disponerer 1 plass kvar på P4. Fritidsbustadane 9 10 skal disponere 2 parkeringsplassar på eigen grunn. Friluftsformål, F1 F2 Dette er områda utanfor byggjeområda. Områda kan nyttast til friluftsområde. Så langt som råd er skal eksisterande terrengform og vegetasjon takast vare på. Det kan leggjast til rette for vatn og avlaupssystem i friområda. Elles kan det ikkje førast opp bygg eller konstruksjonar som er til hinder for å nytta områda som friluftsområde. BRUK OG VERN AV SJØ OG VASSDRAG Friområde i sjø og vassdrag Området skal vere fritt tilgjengeleg for ålmenta og nyttas til sjø og vassdragsaktivitetar. OMSYNSSONER Frisikt, H140_1 H140_4 Innanfor frisiktsona skal det vere tilfredsstillande fri sikt i alle kryss og avkøyrsler. TEKNISKE ANLEGG Vatn og avlaup Spillvatn vil bli samla og knytt til ein felles slamavskiljar/ reinseanlegg med utslepp i sjø (trykkavlaupsanlegg). Pumpeleidning skal leggjast i veg. Det skal borast etter vatn. Overvatn Vert ført til terreng. Straum Det er straum i nærområdet i dag og det vil ikkje vere noko problem å leggje straum til området.

6 Side 7 av 11 Vurderingar: I samband med at reguleringsplanen har vore på høyring i tida til kom det inn desse merknadane. Her er eit samandrag av merknadane saman med planleggjar sine kommentarar: Fylkesmannen i Hordaland Fylkesmannen er kritisk til ovannemnde reguleringsplan. Sjølv om detaljplanen delvis er i tråd med kommuneplanen, skal ikkje dette vera grunnlag for opna opp for ein total nedbygging av strandsona med fritidsbustader og småbåtanlegg. Vi tykkjer det er uheldig at ein legg opp til ein planlegging som er i strid med dei statlege planretningslinene for differensiert forvaltning av strandsona. I desse retningslinene ligg Bømlo i kategori 3, områder kor presset på areala i strandsona er moderat. I urørte område i strandsona skal ein i tillegg vere særleg varsam med å privatisere og byggje ned, sjølv om det er i kategori 3. Sjølv om areala er synt som byggjeføremål i kommuneplanen skal ein ta tilstrekkeleg omsyn til dei statlege strandsone retningslinene. Etter vår vurdering er det ikkje høve for å opna opp for ein utvikling med ein fullstendig nedbygging av strandsona med fritidsbustader og småbåtanlegg. Ein realisering av planen vil medføre store irreversible inngrep i urørt strandsone, noko vi stiller oss særleg kritisk til. Kystog strandsone strekningane er som kjent av nasjonal interesse fordi dei er attraktive for allmenn ferdsel og friluftsliv for ålmenta, og det knyter seg ofte viktige naturverdiar, landskapsomsyn og kulturminneinteresser til desse områda. Slik utviklinga er no, har ikkje ålmenta tilgang til å ferdast korkje på land eller i sjøen utanfor. Det er særleg uheldig å plassera fritidsbustader i sjøkanten. Dei nære sjøområda bør nyttast til maritime arealføremål som kaier, småbåtanlegg, naust og liknande. Vi rår til at ein bør velje enten småbåtanlegg eller naust i planen. Vi kan ikkje sjå at det er naudsynt både med flytebryggjer og naust innanfor planområdet som lagringsplass for båt. Vi saknar i tillegg ein vurdering av planen i høve til havnivåstigning og ekstremvær. Fylkesmannen kjem ikkje til å fremja motsegn til planen, men vi ønskjer å invitera kommunen til eit dialogmøte kor vi i fellesskap kan diskutera utviklinga av arealføremåla i strandsona gjennom plan. Dette gjeld arealføremåla i eksisterande kommuneplan, men også rulleringa av kommuneplanen til neste år. Fylkesmannen vonar at Bømlo kommune har høve til å stilla på eit slikt møte. Vi vil koma attende med forslag til møtetidspunkt ved eit seinare høve. Kommentar: Fylkesmannen er kritisk til reguleringsplanen. Dei meiner den ikkje skal vera grunnlag for å opne opp for ei total nedbygging av strandsona med fritidsbustader og småbåtanlegg. Dei tykkje det er uheldig at ein legg opp til ei planlegging som er i strid med dei statlege planretningslinene for differensiert forvaltning av strandsona. Reguleringsplanen er i tråd med gjeldande kommuneplan. Fylkesmannen ynskjer dialogmøte med kommunen der dei ynskjer å diskutere utviklinga av arealføremåla i strandsona gjennom plan. Føremål fritidsbustader og naust er i samsvar med gjeldande kommuneplan. Tilgjenge til strandsona vert ivareteke jf. føresegner 4.2.3, og Gangveg (f_g1) er forlengja slik at den no ligg mellom nausta 9 og 10, og mellom 11 og 12. Fylkesmannen har ikkje motsegn til planforslaget slik det føreligg.

7 Side 8 av 11 Barnas representant/folkehelsekoordinator v/njærheim Folkehelsekoordinator/Barnas representant i Bømlo kommune kjem med følgjande uttale: Det er positivt at tilkomstveg vert lagt utanom tun til eksisterande bustader. Vegen bør leggast til rette med fortau/gangveg, då det er 26 einingar ein planlegg i område. I statleg og regional folkehelsestrategi er hovudmålsetting å auke kvardagsaktiviteten til både barn og vaksne. Planlegginga skal vere helsefremjande jamfør plan og bygningslova. For å kunne gå/sykle må det vere lagt til rette for det. Denne merknaden var framført i førre høyring og ein vel å oppretthalde den for å sikre omsyn til mjuke trafikantar. Folkehelsekoordinator/barnas representant har merka seg følgjande: Planen legg til rette for at område skal kunne nyttast i samband med ulike fritidsaktivitetar og at tilrettelegginga vil gjere området meir attraktivt og tilgjengeleg for fleire brukargrupper i politisk saksførelegg. Det er ein samd i. Utøving av sjørelaterte aktivitetar som t.d. bading, fisking og aktivitetar i båt, er med på å auke kvardagsaktiviteten, og at det derfor må leggast til rette for at område ikkje framstår som eit privatisert sjøområde Tilgjengeleg strandsone er definert som areal tilgjengeleg i eit friluftsperspektiv. Tilkomst til sjø er eit gode og tiltak i strandsona skal komme ålmenta og fellesskapet til gode. Eit inngrep treng ikkje vere til hinder for ferdsel i strandsona. Inngrepa kan i staden bidra til at strandsona vert betre tilgjengeleg og meir attraktiv i samband med friluftsliv. Folkehelsekoordinator/barnas representant har merka seg at planframlegget har eige punkt om folkehelse og barn og unge sine interesse. Det er positivt. Kommentar: Allmenn tilgjenge til strandsona vert ivareteke jf. føresegner 4.2.3, og Gangveg (f_g1) er forlengja slik at den no ligg mellom nausta 9 og 10, og mellom 11 og 12. Det er ikkje krav til fortau/gangveg i tilknyting til planen. Statens vegvesen Statens vegvesen har ingen merknader til planarbeidet slik det føreligg. Fiskeridirektoratet Havforskningsinstituttet har registrert eit lokalt viktig gyteområde for torsk i fjorden utafor planområdet. I 2.4 Tiltak i sjø står det at tiltak i sjø ikkje skal gjennomførast i gyte og oppvekstperioden. Fiskeridirektoratet region vest tykkjer det er positivt at tiltakshavar ikkje skal gjennomføre tiltak i sjø i gyteperioden til torsken. Kommentar: Ingen Hordaland Fylkeskommune Strandsone, friluftsliv og landskap Strandsona er ein avgrensa ressurs der det er viktig at omsynet til ålmenn tilgjenge vektleggast sterkt. Dette kjem fram av både plan og bygningslova 1 8, dei nasjonale retningslinjene for forvaltning av strandsona og dei arealpolitiske retningslinjene i fylkesplan for Hordaland. Ved oppstart av planarbeidet bad vi om at det vart teke omsyn til strandsona slik at ein sikra verdiane i strandsona og allmentas ferdsle. Vi bad om at planarbeidet viste korleis tiltaka i planen har verknad på strandsona, friluftslivet og tilgjenga til allmenta, og at det vart sett tydelege byggjegrenser mot sjøen.

8 Side 9 av 11 Fritidsbustader Hordaland fylkeskommune er generelt kritisk til bygginga av fritidsbustader i strandsona. I planen som ligg føre vert det lagt opp til utbygging av 14 nye fritidsbustader i sjøkanten. Planen opnar opp for at fritidsbustadene kan byggjast ut med 110m2 BRA i tråd med føresegna for fritidsbustader i kommuneplanen for Bømlo. Hordaland fylkeskommune har merknader til planen når det gjeld utnyttingsgrad og plassering av fritidsbustadene. Planen opnar opp for ei høg utnytting innafor areal sett av til fritidsbustader. Byggjegrenser i plankartet syner at fritidsbustadene er tenkt bygd parvis. Dette vert ikkje følgt opp i føresegnene der det i vert opna opp for at dei 14 nye fritidsbustadene kan byggjast i rekkje. Hordaland fylkeskommune meiner planen er uklar når det gjeld plassering av fritidsbustader og er kritisk til at planen opnar opp for at fritidsbustadene kan byggast i rekkjer med opptil 14 einingar. Hordaland fylkeskommune rår til at planen sikrar at fritidsbustadene ikkje vert bygd i rekker, men vert plassert i klynger med tilstrekkeleg rom mellom einingane. Naust Naustområde har ein meir offentleg karakter enn fritidsbustadområde. I naustområde er det viktig med god tilkomst slik at ålmenta føler seg velkommen til å vandre i strandsona mellom nausta. I planen som ligg føre vert lagt til rette for 14 naustbygg med 40m2 BRA i tråd med kommuneplanen i Bømlo. Hordaland fylkeskommune er positiv til at to naust vert sett av som fellesnaust med bodar, men merknader til naustområda når det gjeld utnyttingsgrad, plassering av nausta og allmentas tilgjenge til strandsona. For naustområda er det sett byggjegrenser i plankart som sikrar at nausta vert bygd i klyngar med to eller tre einingar. Utbygginga av nausta i klynger vert ikkje følgt opp i føresegnene der opnar opp for utbygging av naust i rekkjer. Hordaland fylkeskommune er kritisk til ei naustutbygging som ikkje sikrar tilstrekkeleg mellomrom mellom einingane. Dette fører til ei privatisert strandsone. Vi ber kommunen redusere utnyttinga innafor naustområdet og at det vert sikra gode rom mellom einingane slik at allmenta føler seg velkommen til å vandre i strandsona mellom nausta. Vi er positiv til at planen legg opp til ein gangveg i naustområdet. Gangvegen bør leggje til rette for at ålmenta kan ferdast i strandsona og den bør derfor ikkje berre leggjast i bakkanta av dei private nausta. Det bør leggjast vekt på ein variert utforming av gangvegen som skapar ein attraktiv vandringsveg. Gangvegen kan svinge seg mellom og føre nausta, knyttas saman med kaiområdet, møte strandsona på ulike måtar og leggje til rette for stader å stoppe opp. Hordaland fylkeskommune rår frå planen slik den ligg føre. Vi ber kommunen redusere utnyttinga innafor naustområda og sikre at det vert sett av tilstrekkeleg rom mellom nausta sikra god tilrettelegging for at allmenta kan vandre i strandsona. Kulturminne og kulturmiljø Fylkeskonservatoren i Hordaland fylkeskommune har vurdert saka som regional sektorstyresmakt innan kulturminnevern. Ut frå våre arkiv har vi ikkje kjennskap til automatisk freda kulturminne eller andre verneverdige kulturminne i det aktuelle planområdet. Aktuelle delar av terrenget blei undersøkt i samband med reguleringsplan for Goddebrua Austvik i 2010, og resterande areal blir vurdert til å ha lågt potensiale for funn av uregistrerte kulturminne i marka. Vi har difor ingen avgjerande merknader i saka, utover at ein under opparbeiding av arealet søkjer å unngå inngrep i/skade på eventuelle kulturlandskapstrekk som steingardar, eldre vegar/stiar, bakkemurar, ruinar/tufter m.m. Elles gjer vi merksam på meldeplikta etter kulturminnelova 8, 2. ledd. Dersom automatisk freda kulturminne som gjenstandsfunn, flekkar med trekol eller konstruksjonar blir

9 Side 10 av 11 avdekt under gjennomføring av tiltaket, må dette straks meldast til Fylkeskonservatoren i Hordaland fylkeskommune, og alt arbeid stansast til rette forvaltningstyresmakt har vurdert funnet. Slik gransking vil bli utført mindre enn tre dagar etter at vi har fått melding om mogelege funn. Konklusjon Hordaland fylkeskommune rår i frå forslag til reguleringsplan ut i frå omsynet til strandsone. Vi ber om at det vert sikra tilstrekkeleg rom mellom einingane i areal sett av til naustområde slik at det vert sikra god tilkomst for allmenta i strandsona. Kommentar: Allmenn tilgjenge til strandsona vert ivareteke jf. føresegner 4.2.3, og Gangveg (f_g1) er forlengja slik at den no ligg mellom nausta 9 og 10, og mellom 11 og 12. Det er ikkje krav til fortau/gangveg i tilknyting til planen. Det er lagt inn byggjegrenser i plankart som sikrar at fritidsbustader ikkje kan byggjast i rekkje. Evt. funn av kulturminne er sikra gjennom føresegner 2.6. Plankartet er endra litt i høve plankart som har vore ute til offentleg gjennomsyn. Allmenn tilgjenge til strandsona er ivareteke ved at ein har lagt inn gangveg mellom nausta. Ein har opna opp føremål småbåtanlegg i sjø og lagt inn friområde i sjø (bruk og vern av sjø og vassdrag med tilhøyrande strandsone). Dette er små justeringar og får ikkje noko innverknad på plan. Endringane ligg innanfor opphaveleg planavgrensing. Det er ikkje fremja motsegn til reguleringsplanen frå nokre offentlege instansar og Bømlo kommune kan eigengodkjenne planen. Rådmannen viser til kommentarar og vurderingar som er gjort i saksframlegget og vil rå til at privat detaljreguleringsplan for fritidsbustader og naustområde Kruneneset gnr. 64, bnr. 1 m.fl. Goddo vert godkjent slik han no ligg føre. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige naturtypar i planområdet. Området er heller ikkje avsett til viktig viltområde. Det er registrert eit gyteområde for torsk eit lite stykke utanfor planområdet. Ein har lagt inn i føresegner at tiltak i sjø ikkje skal gjennomførast i gyte og oppvekstperioden. Beredskap og samfunnstryggleik: Fagkunnig har gjennomført ROS analyse. Det er ingen tiltak i raudt felt, dvs. ingen tiltak er naudsynt. Folkehelse: Planen legg til rette for at området skal kunne nyttast i samband med ulike fritidsaktivitetar. Tilrettelegginga vil gjere området meir attraktivt og tilgjengeleg, slik at fleire brukargrupper kan nytte seg av området enn tidlegare. Auka friluftsaktivitetar er generelt positivt for folkehelsa. Det er lagt inn i føresegner at kaiane, gangveg og friområde i sjø skal vera opne for ålmenn ferdsel jf , og

10 Side 11 av 11 Oppsummering og konklusjon: Rådmannen viser til kommentarar og vurderingar som er gjort i saksframlegget og vil rå til at privat detaljreguleringsplan for fritidsbustader og naustområde på gnr. 64, bnr. 1 m.fl. Kruneneset vert godkjent slik han no ligg føre. Det ligg ikkje føre motsegn frå offentlege instansar slik at vilkåra for eigengodkjenning av detaljreguleringsplanen no ligg føre.