Møtebok for Kommunestyret i Radøy

Radøy kommune Møtedato: 12.03.2019 Møtested: Kommunestyresalen Møtetid: 18.00 Møtebok for Kommunestyret i Radøy Møtedeltakarar Parti Rolle Jon Askeland SP Medlem Jostein Borlaug AP Medlem Kirsti Gjetle Floen AP Medlem Morgan Taule AP Medlem Torill Helland AP Medlem Edgar Grindheim AP Varamedlem Kenneth Taule Murberg H Medlem Christel Villanger Håland H Medlem Vidar Grindheim H Medlem Roy Bø FRP Medlem Wenche Linda Kalnes Tveranger FRP Medlem Silje Namtvedt SP Medlem Dag Sætre SP Medlem Sara Hamre Sekkingstad SP Medlem Leif Gunnar Taule SP Medlem Martin Soltveit SP Medlem Laila Seilfaldet Pletten SP Medlem May Britt Vågenes Gjerde SP Medlem Johnny Ystebø SP Varamedlem Ståle Villanger V Medlem Agnes Hoshovde Bernes V Varamedlem Else Marie Skartveit Dale KRF Medlem Finn Frantzen KRF Varamedlem Forfall Parti Møtande varamedlem Ann Christin Hoen AP Edgar Grindheim - AP Anne Berit Bø Palmesen SP Johnny Ystebø - SP David Pletten Aasgard KRF Finn Frantzen - KRF Frode Hervik V Agnes Hoshovde Bernes - V Henning Haugland H - Normann Sæbø H -

Andre møtande: Rådmann Jarle Landås, kommunalsjef Olaf M. Hella, økonomisjef Sveinung Kvamme, møtesekretær Arthur Kleiveland Det møtte 23 av 25 representantar. Kenneth Taule Murberg (H) fekk permisjon etter Spørjetimen og orienteringar (kl. 19.30). Orienteringar: - Anne-Britt Hauge orienterte om kreftkoordinatoren sitt arbeid. - Kommunikasjonsrådgjevar Håvard Skutle og dagleg leiar Bjørn Berg i NGIR orienterte om nedgravne renovasjonsløysinga. Spørjetime: Det vart stilt seks skriftlege spørsmål i Spørjetimen før møtestart. Underskrifter: Jon Askeland Ordførar Arthur Kleiveland møtesekretær

Sakliste Saknr Tittel 001/2019 Meldingar og referatsaker 002/2019 Rebudsjettering varmeanlegg i Manger og Hordabø kyrkjer 003/2019 Forvaltningsrevisjon - "Offentlege anskaffingar" Radøy kommune 004/2019 Tilstandsrapport for grunnskulen i Radøy 2018 005/2019 Justering av selskapsavtale og stiftingsdokument for Bergen og Omland Havn IKS

Radøy kommune Saksframlegg Saknr Utval Type Dato 001/2019 Kommunestyret i Radøy PS 12.03.2019 Sakshandsamar Arkivsaknr.: Dokumentnr.: Arthur Kleiveland 19/435 19/2579 Meldingar og referatsaker Saksopplysingar: Det vert lagt fram følgjande meldingar og referatsaker: a. Kontrollrapport 2018 - Skatteoppkrevjaren for Lindås, Meland, Modalen, Osterøy og Radøy b. Kontrollutvalet i Radøy møteutskrift 13. februar 2019 c. Kontrollutvalet i Radøy årsmelding 2018 d. AUFERA årsrapport 2018 e. Årets kulturkommune pressemelding NOKU Hordaland f. Region Nordhordland Helsehus IKS protokoll representantskapet 7. desember 2018 g. Nordhordland Revisjon IKS møteutskrift representantskapet 7. desember 2018 h. Nordhordland utviklingsselskap IKS protokoll representantskapet 7. desember 2018 i. NGIR referat representskapsmøte 29. oktober 2018 j. Orientering frå rådmann og ordførar Rådmannen sitt framlegg til vedtak: Meldingar og referatsaker vert tekne til orientering Kommunestyret i Radøy - 001/2019 KS - handsaming: Økonomisk resultat: Økonomisjef Sveinung Kvamme orienterte om det svært gledelege resultatet for Radøy kommune i 2018. Kommunen fekk eit netto driftsresultat på 16,5 mill. kroner - eller 3,6 prosent, som er om lag 8,3 mill. betre enn budsjett. "Botnlina" viser pluss på over 21,4 mill. kroner, som er om lag 8,2 mill. betre enn budsjett. Økonomisjefen sa at grovt sett skuldast avviket i høve til budsjett auka inntektsutjamning på 1,8 mill, auka statlege tilskot på 1,2 mill, og innsparingar i drift på om lag 5 mill. Korrigert for bruk og avsetjing til bundne fond, viser den "reine" drifta eit netto driftsresultat på om lag 5,6 mill. kroner, eller 1,4 prosent av driftsinntektene. I 2017 var tilsvarande tal 6,5 mill. kroner. Brutto lånegjeld ved utgangen av 2018 var 312 mill, ein auke frå 281 mill i 2017. Netto lånegjeld er om lag kr 53.576 pr innbyggjar, mot 48 259 i 2017, og i høve til samla inntekter har gjelda auka frå 55,7 prosent til 59,7 prosent. Økonomisjefen opplyste at endeleg rekneskap for 2018 vert lagt fram for kommunestyret til godkjenning i junimøtet. Kreftkoordinator: Anne-Britt Hauge orienterte om sitt arbeid som kreftkoordinator. Nedgravde renovasjonsløysingar: Kommunikasjonsrådgjevar Håvard Skutle og dagleg leiar Bjørn Berg

i NGIR orienterte om nedgravne renovasjonsløysingar. Årsrapport Aufera: Ordføraren trekte årsrapport for Aufera 2018 frå sak om meldingar og referatsaker. I staden vil årsmeldinga for verksemda verta lagt fram for kommunestyret i junimøtet. FInansiering Nordhordlandspakken: Roy Bø (FRP) orienterte om eit møte Alver FrP har hatt med samferdselsminister Jon Georg Dale. Her vart spørsmålet om større statleg finansiering av Nordhordlandspakken tatt opp. Roy Bø peika på at det er lagt opp til at staten berre skal inn med 20 prosent av kostnadane i bompengepakken i vår region, medan det i bompengefinansiert vegprosjekt i Os er lagt opp til 60 prosent statleg finansiering. Bø sa at han oppfatta at statsråden kan vera villig til å sjå på finansieringsopplegget i Nordhordlandspakken. Kommunestyret tok meldingar og referatsaker til orientering, med dei tillegg som vart sett fram i møtet. KS - vedtak: Meldingar og referatsaker vert tekne til orientering. Vedlegg: Kontrollrapport 2018 vedrørende skatteoppkreverfunksjonen for Lindås, Meland, M (L)(212212) Møteutskrift Kontrollutval Radøy 13_februar 2019 Årsmelding 2018 - Kontrollutval Radøy, vedteken 2019 02 13 AUFERA årsrapport 2018 Pressemelding - RADØY KOMMUNE KÅRA TIL ÅRETS KULTURKOMMUNE I HORDALAND RNHI _ møteutskrift representantskap 7_desember 2018 Nordhordland Revisjon IKS _ møteutskrift representantskapsmøte 7_desember 2018 Nordhordland Utviklingsselskap IKS _ møteutskrift representantskap 2-2018 7. desember NGIR _ møteutskrift representanskapet 29.10.18

Radøy kommune Saksframlegg Saknr Utval Type Dato 002/2019 Formannskapet i Radøy PS 24.01.2019 002/2019 Kommunestyret i Radøy PS 12.03.2019 Sakshandsamar Arkivsaknr.: Dokumentnr.: Sveinung Kvamme 18/1479 19/739 Rebudsjettering varmeanlegg i Manger og Hordabø kyrkjer Saksopplysingar: Bakgrunn I investeringsbudsjettet for 2018 løyvde kommunestyret kr 5 mill til kyrkja, som skulle nyttast til nye varmekjelder for kyrkjene på Manger og Bø. I tillegg skulle løyvinga også dekka opplysing av Manger kyrkje. Planlegging av oppvarmingsløysinga har teke langt meir tid enn føresett, mellom anna som følgje av riksantikvaren sine krav til utforming. I løpet av 2018 vart det såleis berre betalt ut kr 200.000 på dette prosjektet. Radøy sokn har fått utarbeidd og kostnadsrekna endelege løysingar for begge kyrkjene, og totalkostnaden vert kr 4.903.157. Det er då lagt inn 10% til uføresette kostnader. Med frådrag av tidlegare utbetalt kr 200.000 til utgreiingsarbeid og planlegging, er det såleis trong for å rebudsjettera kr 4.700.000 i 2019. Rådmannen har full forståing for at det har teke tid å planleggja varmeanlegg i desse to kyrkjene, og ser det som rimeleg at kyrkja ber om å rebudsjettera løyvinga frå 2018. Investeringsbudsjettet for 2018 er ikkje regulert i høve til løyving til kyrkja, og det er såleis att unytta lånemidlar frå 2018 som kan nyttast til finansiering i 2019. Rådmannen rår såleis til at det i 2019 vert løyvd kr 4.700.000 til Radøy sokn til investeringar i varmeanlegg i Manger og Hordabø kyrkje. Finansiering ved bruk av unytta lånemidlar frå 2018. Rådmannen sitt framlegg til vedtak: For 2019 vert det løyvd kr 4.700.000 til Radøy sokn, til investeringar i varmeanlegg i Manger og Hordabø kyrkje. Løyvinga vert finansiert ved bruk av unytta lånemidlar frå 2018. Formannskapet i Radøy - 002/2019 FS - handsaming: Denne saka skal avgjerast i kommunestyret. Formannskapet vedtok samrøystes rådmannen sitt framlegg til vedtak. FS - vedtak: For 2019 vert det løyvd kr 4.700.000 til Radøy sokn, til investeringar i varmeanlegg i Manger og Hordabø kyrkje. Løyvinga vert finansiert ved bruk av unytta lånemidlar frå 2018. Kommunestyret i Radøy - 002/2019 KS - handsaming:

Kommunestyret vedtok formannskapet si tilråding. KS - vedtak: For 2019 vert det løyvd kr 4.700.000 til Radøy sokn, til investeringar i varmeanlegg i Manger og Hordabø kyrkje. Løyvinga vert finansiert ved bruk av unytta lånemidlar frå 2018. Vedlegg: Varmeanlegg Radøy kommune 2018

Radøy kommune Saksframlegg Saknr Utval Type Dato 003/2019 Kommunestyret i Radøy PS 12.03.2019 Sakshandsamar Arkivsaknr.: Dokumentnr.: Jarle Landås 19/499 19/3044 Forvaltningsrevisjon - "Offentlege anskaffingar" Radøy kommune Saksopplysingar: Bakgrunn Kommunestyret har vedteke følgjande plan og prioritering av forvaltningsrevisjon for denne kommunestyreperioden i sak 018/2016 (møte 03,032016): - Barnevern (er gjennomført) - Kommunen si satsing på «tidleg innsats» i oppvekstsektoren (er under arbeid) - Innkjøp/offentlege anskaffingar (dvs organisering, innkjøpsavtalar og ansvarstilhøve, kompetanse og oppdatering i høve til avtalar og lovverk m.v. (er ikkje starta opp) Kommunestyret vedtok i sak 29/2016 (møte 19/5 2016) at det i denne kommunestyreperioden skulle gjennomførast selskapskontroll med: - Sambandet Vest AS (vedteken utgår) Gjeldande planar/prioriteringar vart vedtekne før vedtak om at Radøy skal inn i Alver kommune. Kontrollutvalet har følgt opp kommunestyret sine vedtak med gjennomføring av ulike prosjekt slik det framgår av kontrollutvalet si årsmelding for 2018. Kontrollutvalet i Radøy bestilte i november 2018 ei prosjektskisse frå Nordhordland Revisjon IKS for ein forvaltningsrevisjon av «Innkjøp/offentlege anskaffingar» i Radøy kommune. Bestillinga vart gjort med bakgrunn i plan for forvaltningsrevisjon vedteke i KS-sak 06/16. Nordhordland Revisjon IKS har utarbeidd framlegg til ein prosjektplan i samsvar med dette. Revisjonen peikar på at erfaringar og funn som vil verta omtala i planlagt forvaltningsrevisjonsprosjekt, vil kunne koma til nytte i arbeidet med å få til lik praksis i heile organisasjonen for Alver kommune. Prosjektet skal etter planen starta våren 2019 og revisjonen vil leggja fram rapport for kontrollutvalet hausten 2019. I kontrollutvalet sitt møte 13. februar 2019, var utvalet i sak 06/19 invitert til å tinga oppstart av prosjektet, med skissert tidsplan for gjennomføring. Kontrollutvalet drøfta relevans og nytte av prosjektet. Utvalet konkluderte med at ein truleg i liten grad vil dra nytte av prosjektet i den nye kommunen. Kontrollutvalet gjorde følgjande samrøystes vedtak: Kontrollutvalet sender saka over til kommunestyret for endeleg avgjerd

Kontrollutvalet si innstilling til kommunestyret: Kontrollutvalet sender saka over til kommunestyret for endeleg avgjerd. Kommunestyret i Radøy - 003/2019 KS - handsaming: Ordførar Jon Askeland orienterte om bakgrunnen for saka. Han peika mellom anna på at rapporten frå forvaltningsrevisjonen neppe vil vera klar før Alver kommune er etablert, og det er vurdert at revisjonsrapporten vil ha relativt liten overføringsverdi inn i Alver kommune. Ordføraren sette fram følgjande framlegg: Forvaltningsrevisjon innkjøp/offentlege anskaffingar i Radøy kommune vert teken ut av prosjektplanen for kontrollutvalet. Kommunestyret vedtok framlegg til vedtak, sett fram i møtet. KS - vedtak: Forvaltningsrevisjon innkjøp/offentlege anskaffingar i Radøy kommune vert teken ut av prosjektplanen for kontrollutvalet. Vedlegg: Prosjektplan forvaltningsrevisjon - offentlege anskaffingar Radøy kommun.._ 2019 02 13 Særutskrift kontrollutvalet Radøy - forvaltningsrevisjon, KUsak 06-19

Radøy kommune Saksframlegg Saknr Utval Type Dato 003/2019 Formannskapet i Radøy PS 24.01.2019 004/2019 Kommunestyret i Radøy PS 12.03.2019 Sakshandsamar Arkivsaknr.: Dokumentnr.: Arthur Kleiveland 14/755 19/769 Tilstandsrapport for grunnskulen i Radøy 2018 Saksopplysingar: Det er fastsett i opplæringslova og privatskulelova at skuleeigarar pliktar å utarbeide ein årleg rapport om tilstanden i opplæringa. I Stortingsmelding nr. 31 (2007-2008) går det fram at det er viktig at styringsorgana i kommunar og fylkeskommunar har eit bevisst og kunnskapsbasert forhold til kvaliteten på grunnopplæringa. Dette er nødvendig for å følgje opp utviklinga av sektoren på ein god måte. Rapporten om tilstanden i opplæringa skal omhandle læringsresultat, fråfall og læringsmiljø. Den årlege rapporten skal drøftast av skuleeigaren, dvs. kommunestyret, fylkestinget og den øvste leiinga ved dei private grunnskulane (jf. opplæringslova 13-10 andre ledd). Tilstandsrapporten for grunnskulen i Radøy må sjåast på som ei løypemelding inn mot det utviklingsarbeidet som kommunen har sett i gang. Tilstandsrapporten ligg vedlagt. Rådmannen sitt framlegg til vedtak: Formannskapet tek tilstandsrapporten for grunnskulen i Radøy 2018 til orientering. Formannskapet i Radøy - 003/2019 FS - handsaming: Kommunalsjef Olaf M. Hella gav ei grundig innføring i tilstandsrapporten for grunnskulen i Radøy, og svara på spørsmål. Han sa at resultata som kjem fram i rapporten viser at grunnskulen i Radøy er på rett veg og at ressursar som er sett på bestemte felt har gitt resultat. Mellom anna peika han på svært gode resultat i arbeidet mot mobbing, noko som også dannar eit godt grunnlag for læring. Kommunalsjefen sa at han er trygg på at det arbeidet som er starta vil gje ytterlegare positive resultat. Formannskapet rosa administrasjonen for arbeidet med den framlagde tilstandsrapporten. Radøyskulane har meir bruk av spesialundervisning enn landsgjennomsnittet, og det vart drøfta om kva tiltak som kan vera aktuelle for å få omfanget av spesialundervisninga ned. Ordførar Jon Askeland sette fram følgjande endringsframlegg: Formannskapet tek tilstandsrapporten for grunnskulen i Radøy 2018 til orientering. Kommunestyret rosar arbeidet og utviklinga i Radøyskulen, og gjev honnør til elevar, tilsette og heimane. Ordføraren sitt endringsframlegg vart sett opp mot rådmannen sitt framlegg til vedtak. Ordføraren sitt framlegg fekk 7 røyster mot 0, og vart vedteke.

FS - vedtak: Tilstandsrapporten for grunnskulen i Radøy 2018 vert teke til orientering. Kommunestyret rosar arbeidet og utviklinga i Radøyskulen, og gjev honnør til elevar, tilsette og heimane. Kommunestyret i Radøy - 004/2019 KS - handsaming: Kommunalsjef Olaf M. Hella sa at arbeidet med trygge og gode læringsmiljø er viktig, og at auka fokus på dette vil vera ein viktig føresetnad for vidare læringsarbeid på skulane. Han slo fast at kommunen må sjå arbeidet med born og unge i ein heilskap, der både kultur, musikk og idrett er viktige område. Han sa at rapporten gir gode signal om at det vert jobba godt i skulane. Læringsmiljøet er blitt betre, og han viste til oppløftande resultat i arbeidet mot mobbing på alle skulane. I tilstandsrapporten er det lagt inn mål - i denne presentasjonen er det også tatt med eit punkt om at "Ingen elevar skal oppleva å verta krenka over tid på skulen". Det er eit mål at utviklinga på nasjonale prøvar for 5.-8. trinn skal følgja nasjonalt snitt, og at 5. trinn i 2020 skal ha mål om 50 poeng på nasjonale prøvar. Utvikling på nasjonale prøvar frå 8.-9. trinn skal vera på fire poeng. Innan 2022 skal resultatet for grunnskulepoeng løftast til 40 poeng i snitt for gutane. Kommunalsjefen er bekymra over det store spriket mellom gutar og jenter i grunnskulepoeng, noko som er ei utfordring både lokalt og nasjonalt. Han ser behovet for å setja inn tiltak for at gutane skal koma på eit høgare nivå. Tilstandsrapporten legg også opp til tidleg innsats og tiltak for å stimulera språk og leseutvikling frå barnehage ut grunnskule. Tilstandsrapporten og utviklinga i Radøy-skulane vekte begeistring i kommunestyret, som omtalte dette som ein informativ løyperapport. Sara Sekkingstad (SP) gav uttrykk for glede over at skulane ser ut til å lukkast godt med læringsmiljøarbeidet. Ho berømma dei tilsette i skulane for det gode arbeidet som vert gjort. Ho er framleis noko uroa over lesekompetansen og slo eit slag for å bruka biblioteket og få opp lesegleda. Ordførar Jon Askeland sa i ei oppsummering at Radøy-skulane no er på eit nivå som kommunestyret som skuleeigar kan vera stolt av. Kommunestyret vedtok formannskapet si tilråding. KS - vedtak: Kommunestyret tek tilstandsrapporten for grunnskulen i Radøy 2018 til orientering. Kommunestyret rosar arbeidet og utviklinga i Radøyskulen, og gjev honnør til elevar, tilsette og heimane. Vedlegg: Tilstandsrapport for grunnskulen i Radøy 2018

Radøy kommune Saksframlegg Saknr Utval Type Dato 006/2019 Formannskapet i Radøy PS 12.03.2019 005/2019 Kommunestyret i Radøy PS 12.03.2019 Sakshandsamar Arkivsaknr.: Dokumentnr.: 16/2147 19/3730 Justering av selskapsavtale og stiftingsdokument for Bergen og Omland Havn IKS Saksopplysingar: Bakgrunn Kommunestyret i Radøy handsama i møte 26. oktober 2017 sak om etablering av interkommunalt selskap (IKS) for den lovpålagde delen av hamneverksemda. Kommunestyret gjorde følgjande vedtak i sak 049/2017 pkt 1: Radøy kommune godkjenner at det vert etablert eit interkommunalt selskap, Bergen og Omland Havn IKS (BOH IKS), for å ivareta kommunen sine lovpålagte myndigheitsoppgåver, jf. hamne- og farvassloven 10, saman med dei andre kommunane i hamnesamarbeidet i dagens BOH og BOH AS. I påvente av nødvendige avklaringar, mellom anna knytt til fordeling av hamne- og bykassekapitalen i Bergen kommune, har overføring av hamneverksemda frå BOH til Bergen og Omland Havn AS (BOH AS) og BOH IKS så langt vore sett på vent. No har bystyret i Bergen i sak 29/19 mellom anna gjort følgjande vedtak: «1. Bergen kommune gir sin tilslutning til havnerådets vedtak fra 7.12.2018 om overføring av havnevirksomheten fra BOH til BOH AS. Dette er for øvrig i overensstemmelse med byrådets anbefaling og nærmere vurderinger i saken.» I forkant av stiftingsmøtet for BOH IKS har leiinga i dagens BOH mellom anna gjort framlegg om å endra namnet på dette IKS-et til «Bergen og Omland Farvannsforvaltning IKS» (BOF IKS). Dette er gjort for å markera eit meir tydeleg skilje mellom det selskapet som skal ivareta samarbeidskommunane sine lovpålagde myndigheitsoppgåver knytt til hamne- og farvannslova, og den øvrige hamneverksemda som skal overførast til BOH AS. Det vart vidare gjort framlegg om å justera formålsparagrafen, samt gje det nye IKS-et lov til å ta opp lån for å finansiera eventuelle anleggsmidlar knytt til den operative delen av farvanns-forvaltninga. Bakgrunnen for ovannemnde endringsforslag er nærmare omtalt i vedlagte notat frå BOH, datert 21.02.2019. I nemnde møte vart deltakarane einige om å ikkje gjennomføra den formelle stiftinga av selskapet før det er gjennomført ei ny politisk behandling av oppdatert selskapsavtale og stiftingsdokument for BOF IKS (tidligere BOH IKS), først og fremst med bakgrunn i den nye 10, nemleg tilgang for selskapet til å kunne ta opp lån.

Følgjande paragrafar i selskapsavtalen og stiftingsdokumentet blir føreslege endra, jf. også vedlagte utkast: 1 Firmanavn Frå: «Selskapets firmanavn er Bergen og Omland Havn IKS («Selskapet»)» Til: «Selskapets firmanavn er Bergen og Omland Farvannsforvaltning IKS («Selskapet»)» 3 Selskapets virksomhet Frå: «Selskapet skal på grunnlag av delegasjon fra kommuner som er deltakere ivareta og samordne de havneoppgavene som gjelder offentlig myndighetsutøvelse i deltaker-kommunenes havnefarvann.» Til: «Selskapet skal på grunnlag av delegasjon fra deltakerkommunene ivareta og samordne de lovpålagte oppgavene, og utøve kommunenes myndighet etter havne- og farvannsloven og bestemmelser gitt i medhold av denne.» 10 - Lån Ny paragraf: «Selskapet kan ta opp lån. Grensen for samlet låneopptak er NOK 15 millioner.» Vurdering: Rådmannen ser endringsforslaga i selskapsavtalen og stiftingsdokumentet for BOH IKS/BOF IKS som formålstenlege. Endringane vil bl.a. tydeleggjera selskapet si oppgåveportefølje sett opp mot den øvrige hamneverksemda, som skal utførast gjennom BOH AS. Saka vert lagt fram til politisk handsaming av oppdatert selskapsavtale og stiftingsdokument for BOH IKS/BOF IKS, i samsvar med avgjerd som vart gjort på stiftingsmøtet. Rådmannen sitt framlegg til vedtak: Kommunestyret vedtek dei føreslegne endringane i selskapsavtalen og stiftingsdokumentet 1, 3 og 10, herunder at namnet på BOH IKS blir endra til Bergen og Omland Farvannsforvaltning IKS (BOF IKS), og at selskapet får høve til å ta opp lån på inntil 15 mill. kroner. Kommunestyret i Radøy - 005/2019 KS - handsaming: Formannskapet handsama saka i møte tidlegare same dag. Ordføraren refererte formannskapet si tilråding: Kommunestyret vedtek dei føreslegne endringane i selskapsavtalen og stiftingsdokumentet 1, 3 og 10, herunder at namnet på BOH IKS blir endra til Bergen og Omland Farvannsforvaltning IKS, og at selskapet får høve til å ta opp lån på inntil 15 mill. kroner. Radøy kommune ber det nye selskapet om å ikkje nytta forkorting som kan forvekslast med Bergen og Omland friluftsråd (BOF). Kommunestyret vedtok formannskapet si tilråding.

KS - vedtak: Kommunestyret vedtek dei føreslegne endringane i selskapsavtalen og stiftingsdokumentet 1, 3 og 10, herunder at namnet på BOH IKS blir endra til Bergen og Omland Farvannsforvaltning IKS, og at selskapet får høve til å ta opp lån på inntil 15 mill. kroner. Radøy kommune ber det nye selskapet om å ikkje nytta forkorting som kan forvekslast med Bergen og Omland friluftsråd (BOF). Vedlegg: Selskapsavtale for Bergen og Omland Farvannsforvaltning IKS Stiftelsesdokument for Bergen og Omland Farvannsforvaltning IKS