Møtebok for Formannskapet i Radøy

Transkript

1 Radøy kommune Møtedato: Møtested: Kommunestyresalen Møtetid: Møtebok for Formannskapet i Radøy Møtedeltakarar Parti Rolle Jon Askeland SP Ordførar Jostein Borlaug AP Varaordførar Kirsti Gjetle Floen AP Medlem Else Marie Skartveit Dale KRF Medlem Silje Namtvedt SP Varamedlem Kenneth Taule Murberg H Medlem Vidar Grindheim H Varamedlem Forfall Parti Møtande varamedlem Anne Berit Bø Palmesen SP Silje Namtvedt - SP Christel Villanger Håland H Vidar Grindheim - H Andre møtande: Rådmann Jarle Landås, plansjef Kristin Nåmdal i Alver kommune, kommunalsjef Lisbeth Toppe Alvær, fungerande leiar teknisk forvaltning Silje Haukedal, møtesekretær Arthur Kleiveland I sak 05/ Kommunedelplan for Bø - avklaring framdrift, var formannskapet styringsgruppe for kommunedelplanen. I utvida styringsgruppe deltok gruppeleiar Roy Bø, FRP, Agnes Hoshovde Bernes, Venstre, leiar i hovudutvalet Christel Villanger Håland, H, og nestleiar i hovudutvalet, Leif Taule, SP. Underskrifter: Jon Askeland Ordførar Arthur Kleiveland møtesekretær

2 Sakliste Saknr Tittel 005/2019 Plansak Kommunedelplan for Bø - avklaring framdrift 006/2019 Justering av selskapsavtale og stiftingsdokument for Bergen og Omland Havn IKS 007/2019 Meldingar og referatsaker

3 Radøy kommune Saksframlegg Saknr Utval Type Dato 005/2019 Formannskapet i Radøy PS Sakshandsamar Arkivsaknr.: Dokumentnr.: Silje Haukedal 16/162 19/3849 Plansak Kommunedelplan for Bø - avklaring framdrift Saksopplysingar: Bakgrunn Det er vedteke at det skal utarbeidast ein kommunedelplan for Bø. Planen har undervegs endra karakter frå områderegulering til ein kommunedelplan (KPD). Framlegg til kommunedelplan vart utarbeidd og lagt ut til offentleg høyring og ettersyn i tida til Det kom inn mange merknader til planframlegget, i alt 33, medrekna eit samla innspel frå ei større gruppe innbyggjarar. Statens Vegvesen og Hordaland Fylkeskommune har kome med motsegn til planforslaget. Planavdelinga har vore i møte med Fylkesmannen i Hordaland og Statens Vegvesen, der utfordringane omkring planframlegget og motsegna vart diskutert. KPD Bø har vore ei prioritert oppgåve, men har vore sett på vent ein periode for å prioritere arbeid med revisjon av kommuneplanen for Radøy. Framdrift vidare På grunn av langtidsjukemeldingar på planavdelinga har Radøy fått bistand av Kristin Nåmdal i Meland kommune (Tenesteleiar for Plan og analyse i Alver kommune) for vidare arbeid med planen. Det har kome følgjande motsegn til planframlegget: Fylkeskommunen knyt motsegn opp mot kulturminne og særskild til plankrav. Dei vil ha større grad av plankrav for å sikre at undersøkingsplikta i høve til kulturminnelova 9 vert fylgt opp. Dette er ei motsegn som kommunen må innrette seg etter dersom det skal vere mogleg å få planen igjennom. Fylkeskommunen har også motsegn til at bustadområde B04 er så tett opp mot kyrkje og gravplass. Dette kan løysast ved at det arealet som ligg nærast kyrkja blir teke tilbake til LNF og heller blir erstatta ved at eit areal lenger sør-vest blir bustadareal.

4 Statens Vegvesen vil ha strengare rekkefølgjekrav i høve til trygg skuleveg frå nye bustadområde. Dei har også motsegn knytt opp mot byggjegrense langs fylkesvegen, dei krev at denne skal vere 30 m. Her må arbeidet vidare vurdere om dette er noko som kan forhandlast vekk. Det er kome inn mange private innspel frå innbyggjarar og grunneigarar i området. Dette viser stort engasjement for utvikling av planområdet. Akstadneset fellesskap har mange merknader og er ei stor gruppe som ynskjer at eit større område skal inn i planen. På grunn av motsegna må det gjerast ein del endringar for at det skal vere mogleg å få planen godkjent. Endringane som må gjerast går i stor grad på å utvide områda med plankrav. Dette inneber at planen i liten grad vil heimle direkte utbygging, men vil vere eit overordna styringsverktøy for vidare planlegging på lik linje med kommuneplanen. Ein får dermed i stor grad ikkje noko meir enn det kommuneplanen vil gje. I samband med at kommuneplanen for Radøy er til revidering vil det vere mogleg å inkorporere planforslaget i kommuneplanen, der det blir tatt omsyn til dei motsegna som allereie ligg. Ved å velje denne løysinga vil Radøy få ein overordna arealplan som dekker heile kommunen. I eit planfagleg perspektiv er dette den beste løysinga. Rådmannen ber om avklaring på korleis ein skal halde fram med arbeidet med kommunedelplanen på Bø. Rådmannen sitt framlegg til vedtak: Saka vert lagt fram for formannskapet som styringsgruppe for kommunedelplan for Bø. Formannskapet i Radøy - 005/2019 FS - handsaming: Styringsgruppemøte kommunedelplan Bø Formannskapet er styringsgruppe for kommunedelplan for Bø. Denne gongen var styringsgruppa utvida med leiar og nestleiar i hovudutvalet, og gruppeleiar/representant frå Venstre og FRP. Kristin Nåmdal frå Meland kommune, som er ny plansjef i Alver kommune, har på grunn av kapasitetsutfordringar på plansida bistått Radøy og presenterte status og mogleg vidare framdrift med kommunedelplanen. Planprosessen har vore lang, og har endra karakter frå områderegulering til kommunedelplan. Kommunedelplanen har vore ute på høyring og 1. gongs ettersyn og det er kome inn mange merknader og motsegn til planframlegget. Nåmdal peika på at ein kommunedelplan ikkje er så detaljert som ein reguleringsplan, og vil t.d. ikkje heimla direkte utbygging. Det vil vera reguleringsplankrav i kommunedelplan, og ein må dermed detaljregulera før ein kan byggja. Det må ikkje gjennomførast kulturminne-undersøkinga ved kommunedelplan. Statens vegvesen og Hordaland fylkeskommune har kome med motsegn mot planen. Motsegnene er av ulik karakter, t.d. krav frå STV og 30 meters veggrense og fylkeskommunen si kulturminnemotsegn mot at planen opnar for bygging for nær kyrkja. Nåmdal var tydeleg på at motsegnene mot kulturminne må løysast, for ein kan ikkje rekna med at planen kan godkjennast i Radøy

5 kommunestyre dersom kommunen må i motsegnsdrøftingar. Motsegnene frå fylkeskommunen gjeld kulturminne og vil gå til Riksantikvaren dersom det ikkje vert oppnådd semje. Nåmdal peika på at vil vera krevjande å halda planlagt framdrift, på grunn av ei rekke usikkerheitsfaktorar og på grunn av stort press på konsulentbransjen og redusert bemanning i planavdelinga. Nåmdal stilte difor spørsmål om noko av utfordringa kan løysast i planområdet i temarevisjon av kommuneplanen, som no har vore ute på høyring. Dersom kommunen ønskjer å detaljregulera nokre av områda i kommunedelplanen, kan dette takast med som framlegg til prioriterte planar i planstrategi for Alver kommune. Rådmann Jarle Landås peika på at det utfrå dagens situasjon vil vera lite å oppnå ved å gjera ferdig ein kommunedelplan, sett i samanheng med det ein kan løysa i kommuneplan-revisjonen. Endringar i føresegner i kommuneplanen vil gjera det mogleg å imøtekoma ein del av behova som er skissert i kommunedelplanen. Det var ei grundig drøfting i styringsgruppa om kva som vil vera den beste løysinga i den vidare planprosessen. Det vart frå fleire peika på behovet for å opna for meir samanhengande bustadbygging, for at det skal bli attraktivt nok for ein utbyggar å setja igang. For ein del av desse områda har fylkesmannen varsla motsegn. Leif Taule (SP) understreka at det innanfor kommuneplanen er viktig å få løyst flest mogleg tiltak på Bø. Han oppfattar at endringar i føresegnene i kommuneplanen opnar for nettopp det. Taule var også tydeleg på at kommunen er forplikta til ikkje å sleppa taket i vidare planarbeidet på Bø, som ein del av planprosessane i Alver kommune anten i form av kommunedelplan eller områdeplan. Kenneth Taule Murberg (H) gav uttrykk for frustrasjon over planprosessen. Han meiner det utfrå dagens situasjon vil vera rett å overføra så mange tiltak som mogleg frå kommunedelplanen over i revisjonen av kommuneplanen. Styringsgruppa for kommunedelplanen konkluderte med at administrasjonen tar med seg arbeidet som er gjort i kommunedelplan for Bø inn i arbeidet med revisjon av arealdelen i kommuneplanen. Ettersom Bø i intensjonsavtalen for ny kommune er eit lokalsenter som skal utviklast vidare, skal det sendast signal til felles styringsgruppe for planarbeid for Radøy, Meland og Lindås om at området på Bø er ønskt tatt inn i planstrategien for prioritert vidare regulering FS - vedtak: Det vart ikkje gjort vedtak i saka.

6 Radøy kommune Saksframlegg Saknr Utval Type Dato 006/2019 Formannskapet i Radøy PS /2019 Kommunestyret i Radøy PS Sakshandsamar Arkivsaknr.: Dokumentnr.: 16/ /3730 Justering av selskapsavtale og stiftingsdokument for Bergen og Omland Havn IKS Saksopplysingar: Bakgrunn Kommunestyret i Radøy handsama i møte 26. oktober 2017 sak om etablering av interkommunalt selskap (IKS) for den lovpålagde delen av hamneverksemda. Kommunestyret gjorde følgjande vedtak i sak 049/2017 pkt 1: Radøy kommune godkjenner at det vert etablert eit interkommunalt selskap, Bergen og Omland Havn IKS (BOH IKS), for å ivareta kommunen sine lovpålagte myndigheitsoppgåver, jf. hamne- og farvassloven 10, saman med dei andre kommunane i hamnesamarbeidet i dagens BOH og BOH AS. I påvente av nødvendige avklaringar, mellom anna knytt til fordeling av hamne- og bykassekapitalen i Bergen kommune, har overføring av hamneverksemda frå BOH til Bergen og Omland Havn AS (BOH AS) og BOH IKS så langt vore sett på vent. No har bystyret i Bergen i sak 29/19 mellom anna gjort følgjande vedtak: «1. Bergen kommune gir sin tilslutning til havnerådets vedtak fra om overføring av havnevirksomheten fra BOH til BOH AS. Dette er for øvrig i overensstemmelse med byrådets anbefaling og nærmere vurderinger i saken.» I forkant av stiftingsmøtet for BOH IKS har leiinga i dagens BOH mellom anna gjort framlegg om å endra namnet på dette IKS-et til «Bergen og Omland Farvannsforvaltning IKS» (BOF IKS). Dette er gjort for å markera eit meir tydeleg skilje mellom det selskapet som skal ivareta samarbeidskommunane sine lovpålagde myndigheitsoppgåver knytt til hamne- og farvannslova, og den øvrige hamneverksemda som skal overførast til BOH AS. Det vart vidare gjort framlegg om å justera formålsparagrafen, samt gje det nye IKS-et lov til å ta opp lån for å finansiera eventuelle anleggsmidlar knytt til den operative delen av farvanns-forvaltninga. Bakgrunnen for ovannemnde endringsforslag er nærmare omtalt i vedlagte notat frå BOH, datert I nemnde møte vart deltakarane einige om å ikkje gjennomføra den formelle stiftinga av selskapet før det er gjennomført ei ny politisk behandling av oppdatert selskapsavtale og stiftingsdokument for BOF IKS (tidligere BOH IKS), først og fremst med bakgrunn i den nye 10, nemleg tilgang for selskapet til å kunne ta opp lån.

7 Følgjande paragrafar i selskapsavtalen og stiftingsdokumentet blir føreslege endra, jf. også vedlagte utkast: 1 Firmanavn Frå: «Selskapets firmanavn er Bergen og Omland Havn IKS («Selskapet»)» Til: «Selskapets firmanavn er Bergen og Omland Farvannsforvaltning IKS («Selskapet»)» 3 Selskapets virksomhet Frå: «Selskapet skal på grunnlag av delegasjon fra kommuner som er deltakere ivareta og samordne de havneoppgavene som gjelder offentlig myndighetsutøvelse i deltaker-kommunenes havnefarvann.» Til: «Selskapet skal på grunnlag av delegasjon fra deltakerkommunene ivareta og samordne de lovpålagte oppgavene, og utøve kommunenes myndighet etter havne- og farvannsloven og bestemmelser gitt i medhold av denne.» 10 - Lån Ny paragraf: «Selskapet kan ta opp lån. Grensen for samlet låneopptak er NOK 15 millioner.» Vurdering: Rådmannen ser endringsforslaga i selskapsavtalen og stiftingsdokumentet for BOH IKS/BOF IKS som formålstenlege. Endringane vil bl.a. tydeleggjera selskapet si oppgåveportefølje sett opp mot den øvrige hamneverksemda, som skal utførast gjennom BOH AS. Saka vert lagt fram til politisk handsaming av oppdatert selskapsavtale og stiftingsdokument for BOH IKS/BOF IKS, i samsvar med avgjerd som vart gjort på stiftingsmøtet. Rådmannen sitt framlegg til vedtak: Kommunestyret vedtek dei føreslegne endringane i selskapsavtalen og stiftingsdokumentet 1, 3 og 10, herunder at namnet på BOH IKS blir endra til Bergen og Omland Farvannsforvaltning IKS (BOF IKS), og at selskapet får høve til å ta opp lån på inntil 15 mill. kroner. Formannskapet i Radøy - 006/2019 FS - handsaming: Ordførar Jon Askeland sette fram følgjande fellesframlegg: Radøy kommune ber det nye selskapet om å ikkje nytta forkorting som kan forvekslast med Bergen og Omland friluftsråd. Fellesframlegg sett fram i møtet vart vedteke. FS - vedtak: Kommunestyret vedtek dei føreslegne endringane i selskapsavtalen og stiftingsdokumentet 1, 3 og 10, herunder at namnet på BOH IKS blir endra til Bergen og Omland Farvannsforvaltning IKS, og at selskapet får høve til å ta opp lån på inntil 15 mill. kroner. Radøy kommune ber det nye selskapet om å ikkje nytta forkorting som kan forvekslast med Bergen og Omland friluftsråd (BOF). Vedlegg: Selskapsavtale for Bergen og Omland Farvannsforvaltning IKS Stiftelsesdokument for Bergen og Omland Farvannsforvaltning IKS

8 Radøy kommune Saksframlegg Saknr Utval Type Dato 007/2019 Formannskapet i Radøy PS Sakshandsamar Arkivsaknr.: Dokumentnr.: Arthur Kleiveland 19/507 19/3128 Meldingar og referatsaker Saksopplysingar: Det vert lagt fram følgjande meldingar og referatsaker: a. Pasient- og brukarombodet i Hordaland årsmelding 2018 b. Regionrådet Nordhordland protokoll møte 25. januar c. Skjønnsmidlar til fornyings- og innovasjonsprosjekt i kommunane presentasjon regionrådet d. Equinor og nye energiløysingar presentasjon i regionrådet e. Bortfall av fritak for nullutslepps-køyretøy - presentasjon i regionrådet f. Høyring forslag til ny forskrift med miljøkrav til drosjenæringa i Hordaland Hordaland fylkeskommune g. Miljøkrav til drosjenæringa i Hordaland - utgreiing og forslag til ny forskrift h. NGIR - inndriving av ikkje betalt renovasjonsavgift i. NGIR møteutskrift styremøte j. Orientering ved rådmann og ordførar Rådmannen sitt framlegg til vedtak: Meldingar og referatsaker vert tekne til orientering Formannskapet i Radøy - 007/2019 FS - handsaming: Formannskapet tok meldingar og referatsaker til orientering. FS - vedtak: Meldingar og referatsaker vert tekne til orientering. Vedlegg: Årsmelding pasient- og brukarombodet HO 2018 Protokoll Regionrådet , 25. januar Skjønnsmidlar til fornyings-og innovasjonsprosjekt i kommunane - presentasjon regionrådet Equinor og nye energiløysingar - presentasjon i regionrådet Bortfall av fritak for nullutsleppskøyretøy Nordhordlandspakken - presentasjon regionrådet Høyring - forslag til ny forskrift med miljøkrav til drosjenær (L)(280587) Miljøkrav til drosjenæringa i Hordaland (L)(280588) NGIR _ inndriving av ikkje betalt renovasjonsavgift NGIR_ Møteutskrift styremøte signert Fellesnemnd møtebok