Arkivref: 2013/3556-14779/2014 Saksh.: Gudfinna Erlingsdottir Saksnr Utval Møtedato 27/14 Forvaltningsstyret 26.06.2014 DETALJREGULERING GNR/BNR 56/295 M.FL., TJØDNÅSEN - 1. GONGS HANDSAMING Framlegg til vedtak: Forvaltningsstyret vedtek i medhald av 12-10 og 12-11 i Plan og bygningslova å leggja framlegget til detaljregulering for gnr/bnr 56/295 mfl, Tjødnåsen ut til offentleg ettersyn. Saksprotokoll i Forvaltningsstyret - 26.06.2014 PS 27/14 - DETALJREGULERING GNR/BNR 56/295 M.FL., TJØDNÅSEN - 1. GONGS HANDSAMING Vedtak: Forvaltningsstyret vedtek i medhald av 12-10 og 12-11 i Plan og bygningslova å leggja framlegget til detaljregulering for gnr/bnr 56/295 mfl, Tjødnåsen ut til offentleg ettersyn. Handsaming Samrøystes vedteke.
Rådmannen, 13.06.2014 S 13.06.2014 Detaljregulering gnr/bnr 56/295 m.fl., Tjødnåsen - 1. gongs handsaming I 02.09.2013 Ingeniør Øyvind Jørgensen as Tinging av oppstartsmøte I 20.09.2013 Ingeniør Øyvind Jørgensen as Bekreftelse på møte U 23.09.2013 Ingeniør Øyvind Jørgensen as Referat frå oppstartsmøte i plansaker I 07.10.2013 Ing. Jørgensen AS Annonse for Tjødnåsen I 08.10.2013 Ingeniør Øyvind Jørgensen as Varsel om oppstart av planarbeid for "Detaljregulering for gnr 56 bnr 295 m.fl., Tjødnåsen_Planid 201307 I 14.11.2013 Kjetil Iversen Innspel til detaljregulering I 25.11.2013 Ing. Øyvind Jørgensen as Orientering om merknader som er kome til "Detaljregulering for gnr 56, bnr 295, Tjødnåasen I 24.03.2014 Ing. Øyvind Jørgensen as Førespurnad om møte vedr. Tjødnåasen I 27.03.2014 Ing. Øyvind Jørgensen as VS: 130998- Førespurnad om møte vedr. Tjødnåasen I 03.04.2014 Ing. Øyvind Jørgensen as E-post: Tilbakemelding etter møte I 03.04.2014 Ing. Øyvind Jørgensen as E-post: Tilbakemelding etter møte i henhold til planomtale I 25.04.2014 Hordaland fylkeskommune, Kultur- og idrettsavdelinga Detaljregulering Tjødnåsen - gnr 56 bnr 295 m.fl. - Stord kommune - Varsel om arkeologisk registrering U 05.05.2014 Ing. Øyvind Jørgensen as m.fl. Arkeologisk registrering - Detaljregulering gnr/bnr 56/295, Tjødnåsen I 06.05.2014 Ing. Øyvind Jørgensen as Kommentar til arkeologisk registrering I 07.05.2014 Ing. Øyvind Jørgensen as Uttale fra Hordaland Fylkekommune I 08.05.2014 Ing. Øyvind Jørgensen as Planomtale for Tjødnåsen med ROS- analyse I 08.05.2014 Ing. Øyvind Jørgensen as Føresegner og plankart I 08.05.2014 Ing. Øyvind Jørgensen as Endring av føresegn 3.1.7 - Føresegner for Tjødnåsen_ Stord kommune_ 08.05.14 I 08.05.2014 Ing. Øyvind Jørgensen as Vedleggsbrev, illustrasjon, kopi av varslingsbrev, merknader til planoppstart I 13.05.2014 Ing. Øyvind Jørgensen as Føresegner og plan i pdf format I 19.05.2014 Ing. Øyvind Jørgensen as Kart som viser strømtilførsel frå SKL I 20.05.2014 Ing. Øyvind Jørgensen as Planomtale 20.05.14 I 22.05.2014 Ing. Øyvind Jørgensen as Veg f_v2 - Lengde og tverrrsnitt 22.05.2014 I 02.06.2014 Ing. Øyvind Jørgensen as Reviderte føresegner, plan og lengdesnitt. kommune_02. 06. 14 kommune_02. 06. 14.doc 2 av 7
I 02.06.2014 Ing. Øyvind Jørgensen as Illustrasjon kommune_02. 06. 14.doc kommune_02. 06. 14 I 03.06.2014 Ing. Øyvind Jørgensen as Illustrasjon rev. 2- Ny utgave I 03.06.2014 Ing. Øyvind Jørgensen as Føresegner med rekkefølgjekrav I 03.06.2014 Ing. Øyvind Jørgensen as DWG fil I 11.06.2014 Ing. Øyvind Jørgensen as Illustrasjonsplan Tjødnåsen I 11.06.2014 Ing. Øyvind Jørgensen as Spørsmål om anna veggrunn Vedlegg Plankart datert 11.06.2014 Føresegner Planomtale Illustrasjonsplan datert 12.06.2014 Innleiing (bakgrunn for saka) På vegne av grunneigar av gnr/bnr 56/295 har Ing. Øyvind Jørgensen AS sendt inn forslag til detaljregulering for gnr/bnr 56/295 m.fl., Tjødnåsen. Området er ikkje utbygd. I kommuneplan for Stord kommune (2010-2021) er stor del av planområdet vist som bustadføremål i Tjødnåsen, ein del er satt av til friområde, og ved Sjøpodlen er området vist som småbåthamn. Målet med detaljreguleringa er å få ein plan som gjer det mogleg å bygge 5 nye einebustader og 5 nye naust i rekkje samstundes som ein tar vare på store delar av naturområdet i skogen innanfor planområdet. Det vart halde oppstartsmøte med planmynde i kommunen 23.09.13. Melding om oppstart vart kunngjort 07.10.13 og samtidig sendt naboar og offentlege instansar. Det kom inn 2 innspel og 5 merknader som er oppsummert og kommentert i vedlagt planomtale. Saksutgreiing (fakta, saksopplysningar) Planstatus I kommuneplan for Stord kommune er stor del av planområdet er vist som bustadføremål i Tjødnåsen, ein del er satt av til friområde, og småbåthamn i Sjøpodlen. Det er ikkje bygningar i området. Målet med detaljreguleringa er å få ein plan som gjer det mogleg å bygge 5 nye einebustader og 5 nye naust samstundes å ta vare på naturområdet i planområdet. Omtale av planområdet Området som kallast Tjødnåsen er i Sagvåg og grenser både til Nestjødna og Sjøpodlen. Det går ein bekk mellom Nestjødna og Sjøpodlen. Det er ein kommunal tilkomstveg til området kalla Podlen, og del av denne er med i planen, då delar av vegen ikkje er regulert frå før. Planområdet er ikkje opparbeidd. I planframlegget vert ein stor del regulert til grøntstruktur med omsynsone rundt bekken. Området ligg rett ved/delvis over Nestjødna, som er ein viktig naturtype med eit stort artsmangfald og fleire sjeldne artar. Planområdet omfattar eit areal på ca. 21,5 daa. 3 av 7
Omtale av planforslaget Planforslaget viser område for bustader-frittliggande -småhus, småbåtanlegg i sjø og vassdrag, uthus/naust/badehus og leikeplass. Planforslaget viser vidare tilkomstvegane til planområdet, kaiområde, område for grøntstruktur, ferdsel, naturområde i sjø og vassdrag, og omsynssoner. I område for bustader er det lagt opp 5 store tomter. Dei er fordelt på to område regulert til bustader frittliggjande småhus (BF1 og BF2). BF1 er tomt 1,2 og 3 og er ca. 3.44 daa, og BF2 er tomt 4 og 5 og er ca. 2.31 daa. Mønehøgde på bustader skal vera maks 9 m over gjennomsnitt terreng og maks gesimshøgd 7 m, med inntil 3 etasjar. Det er rekna med at det gjennomsnittleg er 4 personar i kvar hus, og blir det bustader for ca. 20 personar. Einebustadane har på kvar tomt dobbel garasje, med 2 parkeringsplassar på tomta. Det er store uteopphaldsareal på kvar tomt sin skal utformast og lokaliserast slik at det i så stor grad vera universell utforming. Det er utarbeidd illustrasjonsplan som viser felles tilkomstveg og korleis einebustadane kan plasserast med sine hage og felles leikeplass. Ved kai er det regulert inn område i sjø som skal nyttast til småbåtanlegg, og det skal vera felles for dei som eigar av kai og område for uthus/naust/badehus. Det er maks fast båtplass 5 stk. +2 plasser for gjester. I dette området kan ein gjera tilordningar i sjø slik at ein kan ha båt liggande i nærleik av nausta. Det er satt av eit areal ved Sjøpodlen til uthus/naust badehus. Det er planlagt å bygge 5 naust i rekke. Desse kan vera maks 40 m 2 i grunnflate. Det er i plan lagt opp til å opparbeide ein felles sandleikeplass, den er 0.16 daa. Minimumskrav til sandleikeplass er satt til å vera 150 m 2 i kommuneplanen. Den er plassert sentralt i bustadfeltet og i tilknyting til felles tilkomstveg i bustadfeltet, slik at det vert naturleg for alle dei 5 bustadene å nytte denne som samlingsstad. Det er ein eksisterande offentleg veg (o_v1), Podlen med liten trafikk og som skal følgje eksisterande trase. Det skal regulerast ein ny felles tilkomstveg (f_v2) for bustadfeltet som starter som eit vanleg T- kryss frå den kommunale veg Podlen. Vegen skal vera 128.7 meter lang blindveg med snuhammar på enden. Snuhammaren er i samsvar med Stord kommune sin standard for snuhammar. Reguleringsbredde på ny tilkomstveg er satt til 5 meter med vegutviding i svingane. Vegen er lagt der det vil bli minst terrengending. Vegen skal ha jamn stigning på 1/8 (12%), det er slakare i starten av vegen og i slutten av vegen, der det er 5 % stigning. Det er bratt terreng der vegen skal liggja men den er plassert der det vil bli minst fylling og skjering. Vegen har slik brattare stigning enn vegnormalen A1 (handbok 017) tilseier, men dette har si årsak i terrengtilhøva på staden. I planen er tre område under formålet grønstruktur. Område grøntstrukur (G1) er i Podlen og her er det svært bratt. Arealet kan vera tilplanta og om nødvendig kan førast vass- og avlaup anlegg. Område grøntstruktur (G2) er sør vest for planlagt område for bustader. I føresegna til plan går det fram at ein kan opparbeide ein skogsveg som kan gå heilt fram til område for kai nordvest i planområdet. I grøntområdet går det ein bekk, eit område på 1485,7 m 2, rundt denne er i tillegg regulert til omsynssone for landskapsvern. Dette området er blitt så stort for å sikre mogleg kulturminne i grøntområdet. Ein eventuell skogsveg/turveg må ikkje kome i konflikt med omsynssona. Det er regulert ei seglingslei i planområdet. Dette området er der for å sikra at det er seglingslei fram til småbåtanlegg som er regulert innanfor område for ferdsel i sjø. I planen er det to område som er regulert til naturområde i sjø og vassdrag (f_nsv1 og NSV2). Område f_nsv1 er eit området som ein tenker å gjera tiltak for prøve å gjera området meir attraktivt for sjøauren. NSV2 er areal som skal sikrast som naturområde i sjø. Dette området er også i område for omsyn landskap (H550). I planen er det regulert inn omssynssoner. Det er omsyn for frisikt (H140). Det er også regulert inn omsynssone for landskap (H550). Desse områda er omtala i planomtale. Rekkefølgjekrava i føresegnene slår elles fast at sandleikeplass, veg og teknisk/kommunalteknisk infrastruktur og anna veggrunn til bustadfeltet, må vere etablert og ferdigstilt før det kan gjevast bruksløyve/ferdigattest for bueiningar i planområdet. 4 av 7
I føresegnene er set krava til universell utforming i til gjeldande byggteknisk forskrift ved vidare detaljering av bustader og leikeplass, og krav til tilgjenge frå eigen parkeringsplass fram til inngang til bustad. Vurdering Krav om konsekvensutgreiing Planarbeidet er i samsvar med vedteken kommuneplan. Planmynde har difor lagt til grunn at planarbeidet ikkje utløyser krav om planprogram og konsekvensutgreiing. Naturmangfald Den del av planområdet som munnar ut i Nestjødna er omfatta av naturtypeområde: BN00041840, naturtype: rik kulturlandskapsjø med verdikode B. Stor del av plan har ein valt å regulere til område for grøntstruktur. Planen sikrar at den del av skogen som har høg bonitet vert regulert til område for grøntstruktur (G2 og G3). Der det kan vera svært viktige naturtypar (Biologisk mangfald) ved Nestjødna er det også omsynsområde for landskap. Området som ligg rett ved/delvis over Nestjødna som er ein viktig naturtype med eit stort artsmangfald og fleire sjeldne artar. Det renn ein bekk rett gjennom området. Området er dekka av omsynssona for landskap (H_550). Kulturminne Det er undersøkt i kartdatabasen arealis om det er registrerte kulturminne i planområdet Ut frå arealis er det ikkje registret noko kulturminne i planområde. Det er ein gamal natursteinsmur nede ved bekken, og i eit område som ein ikkje skal gjera inngrep da det er i område for omsyn (H_550). Sjå merknad frå Hordaland fylkeskommune i planomtale. Landskap og terreng Det er lagt opp til utbygging i den del av planområdet som har best utsikt og har skog med låg bonitet. Stor del av landskapet er tatt vare på, ved at ein har regulert store områder for grøntområde og landskap. I område for bustader har ein valt å sprenge seg ned i terrenget. Dette er på grunn av at bustadene då vil framstå meir stadstilpassa. Det er også nødvendig for å få gode utområdet som ikkje krev utvendige trapper. Terrenget i planområdet er i hovudsak vendt mot sørvest, og har gode kvalitetar med gode lys- og soltilhøve. Det er flott utsikt i nord mot Vasspodlen, og i nord vest til Sjøpodlen, og i retning møt sør til Nestjødna. I planområdet er det skrått terreng. Terrenget variere frå kote 0 til +44 meter over havet. Barn og unge Bustadfeltet i Podlen er eit eldre bustadfelt der borna har blitt vaksne. Eksisterande leikeplass i Podlen bær preg av at dette er eit område som ikkje har hatt aktivt vellag for å vedlikehalde leikeplassen. I skogen er det ikkje teikn etter aktivitet frå born, området kan vera nytta til leik. Det er i plan lagt opp til å opparbeide ein felles sandkasseleikeplass, i planen er denne vist som f_leik. Den er 0.16 daa. Minimumskrav til sandkasseleikeplass er satt til å vera 150 m 2 i kommuneplanen. Den er plassert sentralt i bustadfeltet og i tilknyting til felles tilkomstveg i bustadfeltet, slik at det vert naturleg for alle dei 5 bustadene å nytte denne som samlingsstad. Nærmaste grendeleikeplass er ved Tjødnalio skule. Det er ca. 650 meter til grendelekeplassen ved Tjødnalio barneskule. Der er det mellom anna større ballplass. Bustadane vil verta godt eigna for barnefamiliar. Universell utforming Det kan bli universell utforming på store uteareal på bustadtomtene. Det er lagt opp til at det skal vera universell utforming på bustadene på den etasjen som er på det plan som innkjøring og parkeringsplass er. Den nye vegen (f_v2) har jamn stigning på 1/8 så det er ikkje universell utforming på denne, men reguleringsbredde på den nye tilkomstvegen er satt til 5 meter med vegutviding i svingane. Vegen er frå konsulent søkt optimalisert i høve terrenget. For leikeplassen er det satt krav til: minst 100 m 2 av de 160 m 2 skal ha universell utforming. For nærare omtale vert det vist til i føresegner. Friluftsliv/grøne interesser Det er ikkje kjent at området er nytta til friluftsliv. Planen vil medføre at det kan bli opparbeida ein privat skogsveg som vil gjera at området vert meir tilgjengeleg for allmenn ferdsel. 5 av 7
Skule og barnehage Det er kort veg til Tjødnalio barneskule og barnehage. Det er også ein barneskule som har kapasitet til å få fleire elevar. Klima og energi Det er ikkje spesielt værutsatt på nokon måte, men det er noko meir vind på toppen enn lenger nede mot sjø. Det er hald møte med SKL, og det er laga forslag frå SKL til korleis ein kan få straumtilførsel til naust og bustader. Det er satt følgjande krav til bustadene når det gjelder energiløysing, der ved søknad om tiltak skal det dokumenterast at gjeldande byggteknisk forskrift sine krav til energiforsyning er oppfylt. Det skal leggjast til rette for alternativ energiforsyning og aktuelle alternativ for å tilfredstilla kravet er solfangar, varmepumpe, pelletskamin, vedomn, biokjel, biogass etc. Veg, vatn og avlaup I Podlen er det liten trafikk og det er låg fartsgrense. Vegen er har tilfredstillande vegbredde, kurvatur og sikt. Det er ikkje satt som krav å få fortau i Podlen p.g.a. dette. I ROS vurdering går det fram at det ikkje er stor fare for ulykker ved å tilrettelegge for 5 nye bustader. Det er satt krav til at ein i plan skal søke om løyve for vatn og avlaup. Det er opning for at ein kan leggje private leidningar over bustadtomter og grøntstuktur (G2) slik at ein kan før overflatevatn ned til bekk. Plass for oppstilling av bossdunkar vil bli utarbeidd i samråd med SIM. Trafikk og trafikktryggleik Podlen er ein kommunal tilkomstveg (o_v1) for bustadar med liten trafikk, då det er få bustader som er tilknytt denne. Det er av den grunn liten trafikk i Podlen. Podlen har eit oversiktleg kryss til Sagvågsvegen. I Sagvågsvegen er relativt stor trafikk. Det er ikkje gitt nokon oversikt over kor stor trafikken er ved denne vegen. Fartsgrense i Sagvågsvegen er 60 km/t og 30 km/t i Podlen. Fartsgrensene på vegane er tilfredstillande i forhold til sikt, trafikk og bruk. Ny tilkomstveg (f_v2) for bustadfeltet starter som eit vanleg T-kryss frå den kommunale veg Podlen. For å få sikker veg med god tilgjenge er det regulert ein veg med stigning 1/8 (12%). Det er bratt terreng der vegen skal gå men den er plassert der det vil bli minst fylling og skjering. I ein ideell situasjon kan ein ha er veg som er maks 8 % stigning. Det regulert breiare veg med bredde utviding i svingane for at ein kan sikra at ein kjem opp med ein brannbil. Det er regulert inn frisiktsoner ved kurvatur basert på møtesikt lik 30m. Dette er avvik frå vegnormal for tilkomstveg A1 (jf. handbok 017) som tilseier møtesikt 50m. Utslaga i terrenget vert svært store ein legg 50m møtesikt til grunn. Det er venta at kommunalt vegmynde og Statens vegvesen vil uttale seg til dette i samband med offentleg ettersyn. Det er ikkje regulert inn fortau eller gang- og sykkelveg då både ny veg og eksisterande veg er med liten trafikk og låg fartsgrense. For nærare omtale vert det vist til i føresegner og i planomtalen. Risiko- og sårbarheit (ROS) Det er utarbeidd risiko- og sårbarheitsanalyse som ligg som del av planomtalen. Då dette er ein stor plan med liten utbygging i forhold til areal som vil bli tilknytt eit fredeleg bustadområde (Podlen) med liten trafikk, er dette ein plan utan stor risiko som krev spesielle omsyn. Ut frå ROS- vurderinga har ein kome til at det er det eksisterande terrenget mot nord som gir den største fare for helse, miljø og tryggleik. Dette sidan det er stup. Ein må gjera tiltak for at stupet ikkje skal vera eit sikkerheitsproblem når ein får nye bustader. Dette er sikra i plan og føresegner. Elles så er omsyn til kulturminne og natur tatt i vare ved omsynsoner. For nærare omtale av planområdet, planforslaget, konsekvensar og risiko- og sårbarheitsanalyse vert det vist i planomtalen. Rekkefølgjekrav Det er sett krav om at leikeplass og andre fellesareal til bustadfeltet, veg og teknisk/kommunalteknisk infrastruktur skal vere ferdig opparbeida og ferdigstilt før innflytting i bustadane. 6 av 7
Konklusjon Rådmannen rår til at forvaltningsstyret vedtek å leggja planforslaget ut til offentleg ettersyn. 7 av 7