ETNE KOMMUNE SAKSUTGREIING Utval Møtedato Saknr Saksh. Komite Natur 17.03.2005 046/05 IVK Komite Natur 25.08.2005 098/05 OIV Kommunestyre 06.09.2005 049/05 OIV Sakshandsamar: Odd Inge Vestbø Arkiv: Reg-086 Arkivsaknr: 2004000572 2.GONGS HANDSAMING AV FRAMLEGG TIL REGULERINGSPLAN FOR ETNE CAMPING Vedlegg i saka: - Plankart dags. 12.08.2004, revidert 28.04.2005 - Reguleringsføresegner revidert 16.08.2005 - Merknad dags. 13.07.05 frå Fylkesmannen i Hordaland, Miljøvernavdelinga - Merknad dags. 08.07.05 frå NVE Region Vest - Merknad dags. 08.06.05 frå Hordaland Fylkeskommune, Kommunesamarbeid - Merknad dags. 02.06.05 frå Statens vegvesen - Landbruksfagleg uttale dags. 15.06.05 frå Fagansvarleg Landbruk i Etne kommune - Merknad dags. 01.06.05 frå Eldrerådet - Merknad dags. 24.05.05 frå Brødrene Flatebø AS v/adv. Roe Lauvås - Merknad dags. 07.05.05 frå Lars Kjetil Flesland - Liste over grunneigarar/naboar/interessentar i planområdet - Liste over offentlege styresmakter som skal ha melding om planvedtak Utrykte saksdokument: Saksdokument frå 1. gongs handsaming, Komité Natur, sak nr. 046/05 Saksgang: Komité Natur Kommunestyret Utskrift til: Grunneigarar/naboar/interessentar i planområdet etter vedlagt liste Offentlege styresmakter etter vedlagt liste med orientering om vedtak
SAKSUTGREIING: 1. Kva saka gjeld: 2. gongs handsaming av reguleringsplanframlegg for Etne Camping, dvs. handsaming av innkomne merknader i medhald av 27-2 i Plan- og bygningslova. 2. Bakgrunn for saka: I arealdelen av kommuneplan er området som det er utarbeidd reguleringsplanframlegg for lagt ut til campingplass. Reguleringsføremålet er såleis i samsvar med gjeldande kommuneplan. 3. Problemstilling: Planframlegget vart vedtatt lagt ut til offentleg ettersyn den 17.03.05, der rådmannen fekk fullmakt til å gjere nokre mindre endringar i framlegget før utlegging. Planframlegget låg ute til offentleg ettersyn fram til 30.mai 2005, men nokre instansar bad om lenger frist slik at dei siste merknadene kom inn den 13.07.05 Merknadene må kommenterast med tanke på evt. justering av planframlegget, slik at Kommunestyret kan eigengodkjenne planen. Fylkesmannen i Hordaland, Miljøvernavdelinga, sin merknad kan setjast opp slik: a) Planframlegget er i samsvar med overordna plan (arealdelen av kommuneplan) b) Det er positivt at planen ivaretek verna vassdrag ved å setje av friluftsområde som grøntbelte mot elva. Merknaden treng ingen vurdering. NVE Region Vest sin merknad kan setjast opp slik: a) Flaumsonekartet for Etne viser at planområdet ligg utsett til, og vil få overfløyming allereie ved 10 års flaum. b) Nybygg må leggast så høgt at dei unngår vesentlege skader ved 100 års flaum. Dvs. bygga må ligge høgare enn kote 9,1. Eksisterande utleigehytter synast å ligge om lag på kote 10, så nybygg må ligge minst like høgt. c) Etablering av nye bygningar langs elva bør avgrensast både for å redusere skadeomfanget og for å kunne bruke elva sitt nærområde som eit avlastningsareal ved stor flaumvassføring. a) Det er eit faktum at planområdet ligg utsett til, noko grunneigar er fullt klår over. b) Minimumsnivå på kote 9,1 må innarbeidast i reguleringsføresegnene dersom dette kravet skal få gjennomslag i praksis. c) I planen er det lagt opp til nye hytter nær dei eksisterande hyttene - på det høgaste området - men ut over dette er det ikkje lagt inn andre nybygg i nærområdet til elva. NVE sitt ønskje ser ein som stort sett oppfylt. Hordaland Fylkeskommune, Kommunesamarbeid sin merknad kan setjast opp slik: a) Det er ønskjeleg med ein buffersone mot elva
b) Norm for campingplass utarbeidd av Rogaland Fylkeskommune og pkt. 6. 2 i føresegnene bør innehalde presisering om at farge og materialval skal vere mest mogeleg lik campingvogna. Det vil sei at tre som material bør sløyfast. Det må også inn eit punkt om at plattingar må fjernast utan å sette spor etter seg. c) Dersom det i samband med gravearbeid kjem fram funn eller konstruksjonar, må arbeidet straks stansast og fylkeskonservator må få melding for å gjere ei nærare gransking på staden. a) Buffersone mellom campingføremål og elva er lagt inn i planen som friluftsområde. b) Norma er delvis lagt til grunn for reguleringsføresegnene, og det som vert påpeika her, vert innarbeidd i føresegnene. c) Dette er eit sjølvsagt punkt som dei aller fleste kjenner til og det skulle ikkje vere trong for å innarbeide dette i føresegnene. Statens vegvesen, Region vest sin merknad kan setjast opp slik: a) Kryss med E134 må utformast i samsvar med vegnormalane og frisiktsonar skal minst vere 10 m x 102 m. a) Dette er allereie gjort. I tillegg er tilkomstvegen utvida til 6.0 m dei første 20 m frå kryss med E 134, i samsvar med tilbakemelding på kunngjering om oppstart. Fagansvarleg Landbruk i Etne kommune sin landbruksfaglege uttale kan setjast opp slik: a) Storparten av campingplassarealet er innarbeidd i arealdelen av kommuneplan, men manglar eit område heilt i søraust, der jordlova framleis gjeld. a) Omtalt område er så lite at det treng ingen kommentar. Det er p.g.a. tilkomstvegen at arealet er tatt inn i planområdet. Det kan framleis drivast jordbruk der. Eldrerådet i Etne kommune sin merknad kan setjast opp slik: a) Vedtaket frå Komité Natur vert tatt til etterretning. Merknaden treng ingen vurdering. Brødrene Flatebø AS v/adv. Roe Lauvås sin merknad kan setjast opp slik: a) Det er ønskjeleg å få avklart om planframlegget i reguleringsføresegnene omfattar gnr. 5 bnr. 18 eller ikkje. a) Reguleringsplanframlegget inneheld frisiktsonar som samsvarer med vegvesenet sine krav og omfattar ikkje gnr. 5 bnr. 18 på nokon annan måte enn dei krav til fri sikt som avkjørsla fekk krav om i samband med godkjenninga i si tid. Føremålet felles veg i reguleringsføresegnene gjeld berre sjølve vegføremålet. Frisiktsona framstår på vestsida som anna vegareal og på austsida jordbruk Verksemda si avkjørsle vert ikkje påverka av reguleringsplanen. Lars Kjetil Flesland sin merknad kan setjast opp slik: a) Underteikna har like stor rett til å ta ut ved som andre grunneigarar langs elva b) Uttak av ved har ikkje noko med flaumsikring å gjere. c) Ved einskilde høve har det vore mykje støy frå lavoen. Dette ønskjer vi redusert. a) Reguleringsføresegnene i pkt. 6.5 føreset at det skal drivast jamnleg hogst, og at dette er ønskjeleg. Restriksjonane på hogst/uttak av ved gjeld større
samanhengande flater. Dette vil sei at uttak av ved i spesialområde langs elva (friluftsområde) kan gå føre seg som før i form av vanleg tynning. Det vert altså presisert at snauhogst i ei større flate ikkje skal skje. Dette vil også sei at grunneigarar langs elva har same rettane til uttak av ved. b) Dette er korrekt. c) Det er reglar for støy, og det er ein føresetnad at det vert gitt melding til eigar av plassen dersom det er for mykje støy, i von om at det vert gjort noko med det. 4. Vurdering: Etter gjennomgang av innkomne merknader er det no klart for ei oppsummering av reguleringsplanen, både plankartet og reguleringsføresegnene. Merknadane fører ikkje til endring av plankartet, men reguleringsføresegnene må justerast i samsvar med innhaldet i vurderinga: - 1: Framtidige hytter i samsvar med planen (område U) må ha ei kotehøgd på minst 9,1 moh. for å unngå 100 års flaumen. Etter dette framstår planframlegget som så eintydig at det bør godkjennast av både Komité Natur (Det faste utvalet for plansaker etter Plan- og bygningslova) og Kommunestyret. TILRÅDING FRÅ RÅDMANNEN: - 1: Pkt. 2.1 får eit tillegg: Topp grunnmur på framtidige hytter må ha ei minste kotehøgde på 9,1 moh. for å unngå skader etter 100 års flaumen. Plankartet dags. 12.08.04, revidert 28.05.05 vert godkjend slik det ligg føre. 25.08.2005 KOMITE NATUR NA-098/05 TILRÅDING FRÅ KOMITE NATUR TIL ETNE KOMMUNESTYRE: (samrøystes) - 1: Pkt. 2.1 får eit tillegg: Topp grunnmur på framtidige hytter må ha ei minste kotehøgde på 9,1 moh. for å unngå skader etter 100 års flaumen.
Plankartet dags. 12.08.04, revidert 28.05.05 vert godkjend slik det ligg føre. 06.09.2005 KOMMUNESTYRE K-049/05 VEDTAK: 1 mot 20 røyster - 1: Pkt. 2.1 får eit tillegg: Topp grunnmur på framtidige hytter må ha ei minste kotehøgde på 9,1 moh. for å unngå skader etter 100 års flaumen. Plankartet dags. 12.08.04, revidert 28.05.05 vert godkjend slik det ligg føre.