SAKSUTGREIING ETNE KOMMUNE Utval Møtedato Saknr Komite Forvaltning 18.10.2018 077/18 Etne kommunestyre 31.10.2018 038/18 Sakshandsamar: Arkiv: Arkivsaknr Roar Bævre PlanID - 201407, N - 504 15/2703 Detaljregulering for Austrheim II 2. gongs handsaming TILRÅDING FRÅ RÅDMANNEN: Med heimel i Plan- og bygningslova 12-12 vert framlegg til detaljregulering for Austrheim II, plan id 201407, godkjend slik det ligg føre. Plankartet er dagsett 02.05.2018 og føresegnene er dagsett 05.10.2018 Framlagt plan er i tråd med føringane i naturmangfaldslova 7, jf. 8-12. 18.10.2018 Komite Forvaltning Sjur Aakra (Sp) bad om å få vurdert habiliteten sin. Setjeleiar i handsaming av habilitet vart Tollef Rullestad (Ap) RØYSTING Samrøystes habil. Vidar H Børretzen (V) fremja følgjande tilleggsframlegg: "Drifta ved verksameda skal ikkje overstiga gjeldande tilletne støygrenser, jfr Forureiningsforskrifta." RØYSTING Tilrådinga frå rådmannen vart samrøystes vedteke. Tilleggsframlegget vart samrøyste vedteke. KF- 077/18 Vedtak: Tilråding frå Komite Forvaltning til KommunestyretTILRÅDING FRÅ RÅDMANNEN: Samrøystes Med heimel i Plan- og bygningslova 12-12 vert framlegg til detaljregulering for Austrheim II, plan id 201407, godkjend slik det ligg føre. Plankartet er dagsett 02.05.2018 og føresegnene er dagsett 05.10.2018
Framlagt plan er i tråd med føringane i naturmangfaldslova 7, jf. 8-12. Drifta ved verksameda skal ikkje overstiga gjeldande tilletne støygrenser, jfr Forureiningsforskrifta. 31.10.2018 Etne kommunestyre K- 038/18 Vedtak: Samrøystes Med heimel i Plan- og bygningslova 12-12 vert framlegg til detaljregulering for Austrheim II, plan id 201407, godkjend slik det ligg føre. Plankartet er dagsett 02.05.2018 og føresegnene er dagsett 05.10.2018 Framlagt plan er i tråd med føringane i naturmangfaldslova 7, jf. 8-12. Drifta ved verksameda skal ikkje overstiga gjeldande tilletne støygrenser, jfr Forureiningsforskrifta. SAKSUTGREIING: Innleiing (bakgrunn for saka) 2. gongs handsaming av Detaljregulering for Austrheim II. Gnr / bnr: 37/8 m.fl. Planen blei 1. gongs handsama i komité forvalting i sak 002/17 den 23.02.2017. og blei lagt ut til offentleg høyring med merknadsfrist 24.04.2017, Det har kome inn 9 merknader der 7 var frå offentlege instansar og 2 var frå private. Problemstilling I merknaden til den offentlege høyringa kom Hordaland fylkeskommune med eit ønskje om at plangrensa blir utvida. Dette skuldast at det blei funne fleire nye kulturminner sumaren 2016 der to av dei er delt av plangrensa, den siste ligg heilt innafor. For å kunne gje dispensasjon for frigjeving av lokalitetane så må dei ligge innafor plangrensa. Det blei utarbeidt eit nytt plankart som vert lagt ut på ei avgrensa administrativ høyring der berre endringa i kartert var på høyring. Merknadsfristen var 16.06.2017. Berre fylkeskommunen hadde ein merknad til endringa. Dei var nøgde med endringane og spurde om utvida frist før dei gir endeleg fråsegn. Plankartet hadde to endringar. Den eine er at plangrensa er utvida rundt dei aktuelle kulturminna. Det nye området som blei merka av på kartet som LNF3, skal fortfarande vere LNF (landbruk) som i dag, altså ikkje område for uttak av sand og grus. Den andre er eit føresegnområde (nr. 8) som gjeld den nye og utvida delen av grustaket som planen legg opp til. Det nye føresegnområdet inneber at grusressursane ikkje kan takast ut før dei aktuelle kulturminna er gravne ut og frigjeve. Fylkeskommunens endelege fråsegn inkluderte eit vedlegg frå riksantikvaren der ein frigjev dei aktuelle kulturminna på vilkår av at det blir utførd utgravingar. Fylkeskommunens
endelege fråsegn var i praksis ein beskjed om å innarbeide riksantikvarens forslag i planen. Obs: Riksantikvarens merknad har feil dato i matrisen, riktig dato er 19.09.2017. Fylkesmannen hadde motsegn til planen. Utdrag frå fylkesmannens konklusjon til motsegna: «Slik planen no ligg føre, finn Fylkesmannen det naudsynt å fremje motsegn, forankra i statlege føringar for arealforvaltninga innan temaa verna vassdrag, nasjonalt laksevassdrag og naturmangfald/ landskap samt jordvern.» Det blei helde eit dialogmøte hos fylkesmannen i forkant av at motsegna blei gjeve. Møtet var den 07.06.2017 og representantar frå fylkeskommunen i Hordaland var også med. Dei hadde også innvendingar til planen men valte å ikkje fremje motsegn. Nokre av fylkesmannens motsegnspunkt dekka også fylkeskommunens innvendingar. Det blei helde eit nytt dialogmøte hos fylkesmannen den 02.11.2017. Både representantar frå asplan viak AS, som er fagkunnige og Etne sand & pukk, som er forslagstilar var med saman med folk frå kommunen. Etter møtet utarbeida fagkunnig eit nytt planforslag og søknad om trekking av motsegn blei sendt den 11.05.2018. Motsegna mot planen blei trekt i brev frå fylkesmannen dagsett 30.08.2018. Ein kan med det gå vidare med 2 gongs handsaming og mogleg endeleg vedtak. Liste over endringar i planen sidan 1. gongs handsaming, utarbeida av fagkunnig i samband med søknad om trekking av motsegn: «1. Plankart, datert 02.05.2018. (Omsynssone for bandlegging etter plan- og bygningslova er lagt inn, pluss føresegnsområde # 10 og 11 vedrørande rekkefylgjekrav i høve istandsetting på Åsbø Sanddrift sitt delområde). 2. Planføresegner, datert 02.05.2018. (Endringar med raudt. Punkt 8.2 under omsynssone er nytt, ordlyd er lik som i kommunedelplan for ny E134. Føresegnsområde # 10-11 er lagt til. Og # 9 i LNF1, smal grøn sone langs toppen av uttaksområdet, sjå plankart). 3. Landskapsplan datert 06.02.18 («Markering» av endemorenen sør for bustadtomt på 37/31 er lagt inn etter ønskje frå Etne kommune). 4. Snitt A-E, datert 06.02.2018. (Justeringar ved endemorenen, inkl. slakare helling inn mot bustadtomt (1:4) i snitt C og D). 5. Merknadsoppsummering offentleg ettersyn, datert 06.02.18 (Om fylkesmannen sin merknad s. 4). 6. Rapport «Etne Sand og pukk støv og støy», datert 05.04.2018. (Dei siste resultata frå støvmålingane i januar og februar 2018 er ført inn).
7. Notat «Vurdering og sedimentering», datert 02.05.2018. (Det er gjort justeringar og oppdateringar basert på signal frå dialogmøtet 02.11.2017). 8. Planskildring, datert 02.05.2018:» Det er gjort endringar i kapittel 6, 7, 8 og 9. I kapittel 6 er punkt 6.5, 6.8 og 6.11 mest endra, mindre endringar i andre punkt. I kapittel 7 er det gjort endringar i punkt 7.4 til 7.7. I kapittel 8 er punkt 8.8 mest endra, mindre endringar elles. I kapittel 9 er det gjort endringar i alle kapittel. Omsynssona som er omtala under punkt 1 er bandleggingssona for framtidig ny E134 som ligg aust i planområdet. Eit viktig motsegnspunkt frå fylkesmannen var dette med avrenning frå grustaket ned i etnevassdraget. Det har blitt jobba mykje med dette for å imøtekoma dette motsegnspunktet. Resultatet er ein oppdatert rapport angåande avrenning og sedimentering. Sjå planomtalen side 77 til 82. Raud tekst og overstrykingar i føresegnene markerer endringar sidan den offentlege høyringa. Administrasjonen har lagt inn ein føresegn som står i gjeldande plan men som ikkje kom med i dei reviderte føresegnene. Denne føresegna er: «5.1.5 Det skal settas i verk nødvendige sikringstiltak for å unngå farlige situasjonar for menneskjer og dyr.» Dette står det om i konsesjonen, men administrasjonen ønskja at det også skulle stå som ein føresegn.
Det øvste kartet syner planforslaget som blei sendt ut på høyring. Det nedste syner planforslaget som no ligg føre.
Øvst. Dette er ein av dei store endringane i plankartet sidan høyringa. Deler av planområdet blei utvida nordover for å inkludere to kulturminner, samt at det blei lagt til ein bue som aukar avstanden frå den endelege stuff kanten fram til tomta til gnr/bnr 37/31 som tilhøyrar Gunnar Selland som har merknader til planen. Nedst. Flyfoto frå 2009 frå det same området. Huset som er nærmast er no borte og er om lag der stuff kanten ligg i dag. Den raude streken markerer omtrentleg den endelege stuff kanten slik som den er i det siste plankartet.
Over: Dette er eit utdrag frå planomtalen side 59 som syner ein etappeplan for tilbakeføring av grustaket til landbruk. Plankartet har nummererte føresegnsområder som ein finner igjen i føresegnene under 9. I planomtalen på side 69 står det meir om korleis ein ser for seg at det blir etter at drifta av sandtaket blir avslutta. Det følgjer og med ein landskapsplan som er eit vedlegg til føresegnene ved namn LO001 (vedlagt denne saka). Frå s. 6 i planomtalen: Samandrag. «Alternativ 1 inneber at eksisterande uttaksområde, jamfør gjeldande reguleringsplanar, vert utvida mot nord med om lag 30 daa. Utvidinga er grovt rekna til å utgjere om lag 1,1 1,3 millionar m3. Om lag 200 000 m3 av desse massane er planlagt tatt ut frå Åsbø Sanddrift AS sitt uttak, medan resten er planlagt tatt ut frå Etne Sand og Pukk AS sitt uttak. Utvidinga inneber at drifta til Etne Sand og Pukk AS kan forlengast med 10-15 år, tilsvarande vil Åsbø
Sanddrift AS kunne forlenge drifta med ca. 8-10 år. Utvidinga inneber ikkje endra årleg uttaksmengd eller driftsform. Hovudutfordringane knytt til konsekvensane av framlegg til plan er forureining (støy, støv og utlaup til vatn / elv), kulturminner og landskap. Konsekvenskapittelet viser at forslag til plan, samla sett, har liten konsekvens for miljøinteresser i høve til alternativ 0. Når det gjeld (forureining) avrenning til freda vassdrag vil det vera viktig å planlegge reinsetiltak / sedimentasjonsbasseng med tilstrekkeleg sedimentasjonskapasitet i forhold vassmengd. Drift- og vedlikehald av sedimentasjonsbasseng er eit anna viktig punkt saman med overvaking av resipient og forskriftsmessig disponering av slam. Støvnedfallsmålingar og målingar knytt til støy viser verdiar innanfor regelverk. I høve til landskap er det positivt at forslag til plan sikrar ei heilskapleg istandsetting av landskapet etter avslutta sanddrift. Forslag til plan gjev også eit avklart tilhøve til kulturminna på Stødleterrassen, der heilskapleg istandsettingsplan på sikt vil redusere dei negative visuelle konsekvensane som ligg i influensområde til fredingsområdet. Forslag til plan har positive samfunnsmessige konsekvensar i høve til at ressurstilgangen for sanddrifta i Etne vert sikra for ein lengre periode, noko som også har positiv konsekvens for anna næringsliv.» Konsekvensar av framlagt plan er omtalt i kapittel 9, s. 61-86 i planskildringa. Vi limar inn frå s. 85: «9.17 Oppsummering av konsekvenser Punkt 9,1 9,16 ovanfor viser at forslag til plan, samla sett, har liten konsekvens for miljøinteresser. Når det gjeld (forureining) avrenning til freda vassdrag vil det vera viktig å planlegge reinsetiltak / sedimentasjonsbasseng med tilstrekkeleg sedimentasjonskapasitet i forhold vassmengd. Drift- og vedlikehald av sedimentasjonsbasseng er eit anna viktig punkt saman med overvaking av resipient og forskriftsmessig disponering av slam. Støvnedfallsmålingar og målingar knytt til støy viser verdiar innanfor regelverk. I høve til landskap er det positivt at forslag til plan sikrar ei heilskapleg istandsetting av landskapet etter avslutta sanddrift. Forslag til plan gjev også eit avklart tilhøve til kulturminna på Stødleterrassen, der heilskapleg istandsettingsplan på sikt vil redusere dei negative visuelle konsekvensane som ligg i influensområde til fredingsområdet. Forslag til plan har positive samfunnsmessige konsekvensar i høve til at ressurstilgangen for sanddrifta i Etne vert sikra for ein lengre periode, noko som også har positiv konsekvens for anna næringsliv.» Vurdering Punkt 3 i lista over endringar, som gjeld markering av endemorene, heng og litt saman med kommentaren til merknaden frå grunneigar Gunnar Selland (sjå vedlegg, merknadshandsaminga). I plankartet som låg ute til høyring så var kanten av framtidig grustak teikna inn berre 6 meter ifrå eigedomsgrensa. Selland protesterte i sin merknad kraftig på dette, og elles dei ulempene som utvidinga medfører. Administrasjonen har som nemnt under punkt 3 bedt om at ein lager ein avrunda ende på endemorenen på kanten av grustaket. Dette er for å tydeleggjere den som eit landskapselement og spare litt meir av det
som er igjen av den. Da den blei skapt gjekk morenen over til bustadfeltet ved Rygg der noko av den fins fortfarande. Morenen blei i si tid skapt da brefronten låg stabilt over tid og morenen er som eit avtrykk av brefronten slik den låg. Det har seg slik at Gunnar Selland sin eigedom ligg oppe på denne moreneryggen. Denne endringa i planen medfører at det no blir 20 meter frå eigedomsgrensa til kanten av grustaket i dette området. Sjå planomtalen side 66 og 67 for kartutsnitt og fleire detaljar angåande tilhøvet til naboar, samt føresegner vedrørande avbøtande tiltak og sikring mm.. Denne planen får strengare føresegner for m.a. avbøtande tiltak og istandsettingsplan enn gjeldande planar. Ny plan har også hatt mykje strengare krav til konsekvensutgreiing og dokumentasjon enn tidlegare. Planframlegget representerer viktige næringsinteresser. Som ressurs er massane er rekna å ha regional verdi. Meir om lokal og regional verdiskaping, arbeidsplassar og ringverknadar s. 84-85 i planomtalen. Konklusjon. Dette har vore ein stor og komplisert sak med mykje dokumentasjon. I eit masseuttak er det ofte ein konflikt mellom viktige interesser. Uttak av grus som er ein viktig ressurs for samfunnet, er ofte i sterk strid med interesser som miljøomsyn, kulturminnevern og landskapsomsyn. Dette grustaket er ikkje noko unntak, der omsynet til etnevassdraget som er eit verna vassdrag, samt nasjonalt laksevassdrag har stått sentralt. Knust stein kan ikkje fullt ut erstatte grus som er laga av naturen. Dette er fordi knust stein har eigenskapar som gjer det ueigna i mange produkt og føremål. Alt dette har vore med på å komplisere og forlenge sakshandsaminga. Dette planarbeidet har resultert i ei plan med færre konfliktar enn den gamle. Det er teke omsyn til miljøet i form av ein betre handtering av overvatn. Kulturminner er også avklara. Administrasjonen vurderer at det i saka totalt sett er overvekt av positive verkandar i høve dei negative. Mellomanna så sikrar planframlegget både arbeidsplassar lokalt og grusressursar til dei mange som treng det. Ein ser for seg 10 15 år drift med den nye planen, mot om lag 4 år i gjeldande plan. Sjå i planomtalen, punkt 9.15 på side 84 for fleire detaljar rundt dette. Tilhøvet til krava i naturmangfaldslova 7, jf. 8-12 er omtalt s. 74-76 i planomtalen. Krava til 8-12 er kommentert einskildvis, høvesvis om kunnskapsgrunnlaget, føre-var-prinsippet, økosystemtilnærming/samla påverknad, kostnadar ved miljøskade og miljøforsvarlege teknikkar/driftsmetodar. Vegetasjon, dyreliv og andre naturtilhøve er omtalt s. 71-74. Konsekvensar for nasjonalt laksevassdrag er vurdert særskilt i eigen fagrapport (Rådgivende Biologer AS). Rådmannen meiner krava i naturmangfaldslova er oppfylt i saka. Fylkesmannen har godkjent planframlegget/trekt motsegna. Innkomne merknader er handsama, og planframlegget er justert i tråd med dei fleste merknadspunkta. Det kan no gjerast endeleg vedtak for detaljregulering for Austrheim II. Vedlegg i saka:
Dok.dato Tittel Dok.ID 08.10.2018 Austrheim II - føresegner 05.10.2018 1402893 08.10.2018 Austrheim II - planskildring 1402894 08.10.2018 LO001 1402895 08.10.2018 LS001 1402896 08.10.2018 Merknadsskjema - offentleg ettersyn 1402897 08.10.2018 Plankart-Austrheim II 02.05.2018 1402898 Saksgang: Komite forvaltning Kommunestyret Utskrift til: Sakshandsamar