Eid kommune Arkiv: FA-U01 JournalpostID: 18/17075 Saksbehandlar: Cecilie Marie Åshamar Vedtaksdato: 14.11.2018 Saksframlegg Saksnr. Utval Møtedato 043/18 Eid Eldreråd 26.11.2018 043/18 Eid ungdomsråd 26.11.2018 044/18 Råd for menneske med nedsett funksjonsevne 26.11.2018 061/18 Helse-og sosialutval 28.11.2018 051/18 Oppvekst- og kulturutvalet 28.11.2018 113/18 Teknisk-og samfunnsutval 27.11.2018 140/18 Formannskapet 29.11.2018 Avgrensa revisjon av kommuneplanen sin arealdel 2015-2027 Avgrensing av sentrumsområde for Nordfjordeid - Offentleg ettersyn Bakgrunn for saka: Forslag til avgrensing av sentrumsområde for Nordfjordeid ligg no føre og skal behandlast som ein avgrensa revisjon av kommuneplanen sin arealdel 2015-2027, for utlegging til offentleg ettersyn i samsvar med plan- og bygningslova 11-14. Avgrensinga av sentrumsområdet er gjort med utgangspunkt i temaet handel. Råda og utvala får saka til orientering, slik at dei får høve til å komme med tilråding til formannskapet. Formannskapet har vedtaksmynde i denne saka. Rådmannen sitt framlegg til vedtak: kommunedelplanen sin arealdel 2015-2027 avgrensing av sentrumsområde for Nordfjordeid» vedteke lagt ut til offentleg ettersyn slik det går fram av vurderinga under. Vedtaks som innstilling frå Teknisk-og samfunnsutval - 27.11.2018 Innstilling frå TSU: kommunedelplanen sin arealdel 2015-2027 avgrensing av sentrumsområde for Nordfjordeid» vedteke lagt ut til offentleg ettersyn slik det går fram av vurderinga under. Teknisk og samfunnsutvalet ber om at Eid Næringspark og resten av Leirongane blir inkludert i
sentrumsområdet. Dette for at ein ynskjer at lokalpolitikarane skal få vere med å vedta utvikling av sentrum, at det skal vere nok areal i minst 20-30 år framover til utvikling av handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan. Vedlegg i saka: 19.11.2018 Vurderingsgrunnlag avgr. sentrumsomr Nordfjordeid 1406177 19.11.2018 Sentrumsområde Nordfjordeid 1406175 19.11.2018 Spaserturar og møteplassar 1406176 19.11.2018 Gang og sykkel samband 1406174 19.11.2018 Illustrasjon arealbruk 1406178 09.10.2018 Revidert rapport, Handel- og sentrumsanalyse 1402029 09.10.2018 Handel- og sentrumsutviklingsanalyse, Nordfjordeid 1402028 09.10.2018 Workshop_tilbakemeldinger 1402030 07.11.2018 Sentrumssirkel Eid 1404785 07.11.2018 Innspel sentrumssirkel- Eid Industrihus KF rev.06.11.2018 1404786 Eid ungdomsråd 26.11.2018: EUR- 043/18 Vedtak: Planframlegget vert tatt til vitande. Eid Eldreråd 26.11.2018: Eldrerådet har diskutert detaljar i planen, men vart til slutt enige om å støtte rådmannen sitt framlegg EER- 043/18 Vedtak: Råd for menneske med nedsett funksjonsevne 26.11.2018: Rådet for menneske med nedsett funksjonsevne tilrår rådmannen sitt framlegg, med følgjande merknader: Rådet for menneske med nedsett funksjonsevne ønskjer å trekkje fram at for dei gruppene rådet representerer er det viktig at sentrum er konsentrert, lett tilgjengeleg og at det er lett
å ta seg fram for dei som har ulike former for nedsett funksjonsevne. Mange av dei det gjeld har ikkje bil, og det må vere lagt godt til rette for tilgjenge når det gjeld alle typar handel. Universell utforming handlar om tilrettelegging for alle funksjonar, ikkje berre fysiske hindringar. ERF- 044/18 Vedtak: Rådet for menneske med nedsett funksjonsevne ønskjer å trekkje fram at for dei gruppene rådet representerer er det viktig at sentrum er konsentrert, lett tilgjengeleg og at det er lett å ta seg fram for dei som har ulike former for nedsett funksjonsevne. Mange av dei det gjeld har ikkje bil, og det må vere lagt godt til rette for tilgjenge når det gjeld alle typar handel. Universell utforming handlar om tilrettelegging for alle funksjonar, ikkje berre fysiske hindringar. Teknisk-og samfunnsutval 27.11.2018: Framlegg frå Sylvia Hammersvik, V: Saka vert utsett. Det blir lagt fram nytt forslag til avgrensa revisjon av kommuneplanen sin arealdel 2015-2027 der det kjem fram kva tilbod, aktivitetar og teneste eit attraktivt, livskraftig sentrumsområde bør innehalde. Handel er berre ein del av desse funksjonane. Framlegg frå Vigdis Heimdal Reksnes, SV: Nordfjordeid» vedteke lagt ut til offentleg ettersyn slik det går fram av vurderinga under, men med følgande endring av grensa: Grense for sentrumsområde mot aust, vert flytta frå riksveg 15 til Lotevegen. Framlegg frå Ove Kjøllesdal, H: Tillegg til rådmannen si tilråding: Teknisk og samfunnsutvalet ber om at Eid Næringspark og resten av Leirongane blir inkludert i sentrumsområdet. Dette for at ein ynskjer at lokalpolitikarane skal få vere med å vedta handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan. Per Tore Taklo, Frp: Tilleggspunkt til Høgre sitt framlegg: Sentrumsavgrensinga er utvida til å omfatte Øyane/Malakoff
Det vart først røysta over utsetjingsframlegget frå Venstre. Framlegget fekk to røyster og fall. Det vart røysta over framlegget til Vigdis Heimdal Reksnes. Framlegget fekk ei røyst og fall. Det vart røysta over rådmannen sitt framlegg. Dette fekk ingen røyster, og fall. Det vart røysta over Høgre sitt framlegg. Dette vart vedteke mot ei røyst, Det vart til slutt røysta over tilleggspunkt frå FRP. Framlegget fekk 4 røyster og fall. TSU- 113/18 Vedtak: Innstilling frå TSU: Teknisk og samfunnsutvalet ber om at Eid Næringspark og resten av Leirongane blir inkludert i sentrumsområdet. Dette for at ein ynskjer at lokalpolitikarane skal få vere med å vedta handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan. Helse-og sosialutval 28.11.2018: Rådmannen sitt framlegg til vedtak: Helse- og sosialutvalet, arbeiderpartiet kom med følgjande framlegg, likelydande med innstillinga i teknisk utval: Helse- og sosialutvalet ber om at Eid Næringspark og resten av Leirongane blir inkludert i sentrumsområdet. Dette for at ein ynskjer at lokalpolitikarane skal få vere med å vedta handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan. Det vart først stemt over rådmannen sitt framlegg, som fall mot 1 stemme. Framlegget frå arbeiderpartiet vart vedteke med 7 mot 1 stemme. HSO- 061/18 Vedtak: Helse- og sosialutvalet ber om at Eid Næringspark og resten av Leirongane blir inkludert i sentrumsområdet. Dette for at ein ynskjer at lokalpolitikarane skal få vere med å vedta handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan.
Oppvekst- og kulturutvalet 28.11.2018: Oppvekt- og kulturutvalet la fram eit fellesframlegg som var i samsvar det som Tekisk og samfunnsutvalet vedtok den 27.11.18 i sak 113/18. "Med heimel i plan og bygningslova 11-14 vert forslag til «avgrensa revisjon av kommunedelplanen sin arealdel 2015-2027 avgrensing av sentrumsområde for Oppvekst og kulturutvalet ber om at Eid Næringspark og resten av Leirongane blir inkludert i sentrumsområdet. Dette for at ein ynskjer at lokalpolitikarane skal få vere med å vedta handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan. Utvalet sitt fellesframlegg vart sett opp i mot rådmannen sitt framlegg og fekk 7 mot 1 stemme. OK- 051/18 Vedtak: Med heimel i plan og bygningslova 11-14 vert forslag til «avgrensa revisjon av kommunedelplanen sin arealdel 2015-2027 avgrensing av sentrumsområde for Nordfjordeid» vedteke og lagt ut til offentleg ettersyn slik det går fram av vurderinga under. Oppvekst og kulturutvalet ber om at Eid Næringspark og resten av Leirongane blir inkludert i sentrumsområdet. Dette for at ein ynskjer at lokalpolitikarane skal få vere med å vedta handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan. Vedteke med 7 mot 1 stemme Formannskapet 29.11.2018: Fellesframlegg frå Formannskapet: Følgjande formulering i vedtaket i Teknisk utval, ".. Eid Næringspark og resten av Leirongane blir inkludert i sentrumsområdet.", blir endra til: "a) Mot aust slik at Eid legesenter, Eid off. tannklinikk og Eid Næringspark vert inkludert.
b) Mot nord slik at Leirongane vert inkludert." F- 140/18 Vedtak: Området vert utvida: a) Mot aust slik at Eid legesenter, Eid off. tannklinikk og Eid Næringspark vert inkludert. b) Mot nord slik at Leirongane vert inkludert. Dette for at ein ynskjer at lokalpolitikarane skal få vere med å vedta utvikling av sentrum, at det skal vere nok areal i minst 20-30 år framover til utvikling av handel og for å sikre likebehandling av Lunden Handelspark og Eid Næringspark. Avgrensing av type handel vert ivaretatt av dagens reguleringsplan. Saksopplysningar: Denne avgrensa revisjonen av kommuneplanen sin arealdel er starta som følgje av at Sogn og Fjordane fylkeskommune har endra dei regionale føringane etter vedtak av arealdelen i 2015. Fylkeskommunen har vedteke regional planføresegn om lokalisering av handel og kjøpesenter (2017), strategi for tettstadsutvikling og senterstruktur (2018) og å starte arbeidet med revisjon av regional planføresegn om lokalisering av handel og kjøpesenter (2018). Når kommunen skal følgje opp den regionale planføresegna kan kommunen enten bruke Statistisk sentralbyrå (SSB) sin definisjon av sentrumssone eller definere sitt eige sentrumsområde. SSB sin definisjon av sentrumssone for Nordfjordeid (2017): SSB si avgrensing er bakgrunn for at kommunen sjølv ynskjer å definere sentrumsområdet
sitt. Planprogrammet for denne avgrensa revisjonen vart vedteke av formannskapet i møte 19.04.2018 (F-sak 047/18). Bakgrunn for val av avgrensing: Nordplan har vore nytta som konsulent for å vurdere avgrensing av sentrumsområdet. I vurderingsgrunnlaget frå Nordplan er det gjort greie for val av sentrumsområde. Handel har vore avgjerdande i forhold til dei vala som er gjort. Det er lagt vekt på at handel skal skje i eit område der det også er lagt til rette for gåande, syklande og uformelle møteplassar. Dette er viktig for at det å handle på Nordfjordeid skal vere noko meir enn å berre handle, ei mogelegheit til å levere ei unik oppleving. Det er og lagt vekt på at tilreisande skal kunne parkere eller gå av bussen og nå tilboda i sentrum ved å gå. Forslaget til sentrumsområde for Nordfjordeid er slik: Områda mot aust som ikkje er med i sentrumsområdet må sjåast på som randsone til sentrum. I gjeldande regional planføresegn om lokalisering av handel og kjøpesenter, står det at: «Nye handelsområde for plasskrevjande varer skal som hovudregel lokaliserast utanfor, men i nær tilknyting til dagens sentrumsområde. Områda skal plasserast slik at dei har lett tilgjenge frå hovudvegsystem, med minst mogeleg ulempe for miljøet og utan vesentleg arealbrukskonfliktar, også med omsyn til jordvern og framtidig tettstadsutvikling.» Denne avgrensinga er omtalt nærare under kapittel 1.4 i vurderingsgrunnlaget frå Nordplan. Områda som er regulert på Stokkenes og Langeland utgjer ei langsiktig avgrensing mot omkringliggande landbruk-, natur- og friluftsområde. Som det går fram av kartet under vart
dette avklart i kommuneplanen sin arealdel: Ei nyleg utarbeidd handels- og sentrumsutviklingsanalyse frå Asplan Viak er tatt med som grunnlag for vurderingane som Nordplan har gjort. I samband med denne analysen arragnerte Asplan Viak eit innspelsmøte. Analysen var lagt fram som referatsak til formannskapet 18.11.2018, men har ikkje vore realitetshandsama. Handels- og sentrumsutviklingsanalysen er difor lagt ved denne saka til orientering. For omtale av denne sjå vurderinga frå Nordplan. Vektlegginga i forhold til det å kunne nå dei ulike tilboda innan gangavstand i dette området følger opp viktige føringar i den statlege planretningslinja for samordna bustad-, areal- og transportplanlegging: «Utbyggingsmønster og transportsystem bør fremme utvikling av kompakte byer og tettsteder, redusere transportbehovet og legge til rette for klima- og miljøvennlige transportformer. I henhold til klimaforliket er det et mål at veksten i persontransporten i storbyområdene skal tas med kollektivtransport, sykkel og gange.» Vurderinga frå Nordplan er vedlagt, den er ikkje ferdigstilt, men meiningsinnhaldet i vurderinga er klart. Vurderinga er den direkte bakgrunnen for det området som no er føreslått som sentrumsområde for Nordfjordeid. Det er dette sentrumsområdet som skal flettast inn i kommuneplanen sin arealdel. Vedlagt vurdering frå Nordplan skal kvalitetssikrast før endeleg oversending. Kvalitetssikra vurdering vil bli lagt ved planforslaget ved utsending for offentleg ettersyn. Vidare oppfølging: Asplan Viak rår kommunen til å følgje opp med ein plan som legg føringar for framtidig
utvikling i si handels- og sentrumsutviklingsanalyse. Nordplan har i sitt vurderingsgrunnlag lagt vekt på kva verdiar som er viktig å sikre ved vidare utvikling og utbygging av sentrumsområdet. Dette er moment som er viktige å ta med i vidare planarbeid for sentrumsområdet. Dette vil på eit seinare tidspunkt bli følgt opp og drøfta nærare i eit planprogram for ein slik plan, når det vert aktuelt. Gjeldande føringar for handel: Eit omdiskutert tema i denne saka har vore kva som gjeld av føringar for handel i og utanfor sentrumsområde i dag og kva som vil gjelde i framtida. I dag er det den regionale planføresegna om lokalisering av handel og kjøpesenter som legg føringar for kommunen. Fylkeskommunen arbeider no med revisjon av planføresegna. I følgje planprogrammet vil utfallet av revisjonen kunne ende med ei uendra føresegn, ei meir liberal føresegn eller ei strengare føresegn. Dette vil bli avklart i løpet av hausten 2019. Så inntil vidare må kommunen følgje opp gjeldande planføresegn. Kort fortalt vil det vere regulerignsplanar som opnar for ulike former for handel. I tråd med gjeldande regionale planføresegn kan kommunen fritt opne for detaljhandel innanfor sentrumsområdet. Utanfor sentrumsområdet er det sett ei grense for detaljhandel på inntil 3000 m2. Kommunen kan opne for kjøpesenter på inntil 11 000 m2 innanfor sentrumsområdet. Kommunen sitt ansvar i forhold til regionale planføresegner: I følgje forarbeidet til plan- og bygningslova, Ot.prp.nr.32 (2007 2008) Om lov om planlegging og byggesaksbehandling (plan- og bygningsloven) (plandelen), skal ei regional planføresegn følgje opp regionale planar og sikre at det ikkje «foretas arealbruksendringer, som er i strid med planens retningslinjer». Vidare står det at: «Retningslinjene i en regional plan skal legges til grunn for regional virksomhet og for kommunal og statlig planlegging og virksomhet i regionen, også uten en regional planbestemmelse». Kommunen har eit ansvar for å følgje opp regionale føringar. Kommunen har ikkje mynde til å planlegge i strid med innhaldet i dei regionale føresegnene, men kan påverke fylkeskommunen når dei skal vedta regionale planføresegner. Her er det også vert å nemne at det er fylkesdelplan for arealbruk som er førande for innhaldet i den regionale planføresegna og at kommunen også har høve til å påverke vedtak av regionale planar gjennom tilsvarande planprosessar. I kommunen si planlegging må altså dei regionale
planføresegnene leggast til grunn. Kommunen har mynde til å sjølv bestemme sitt sentrumsområde, så lenge avgrensinga av dette er i tråd med nasjonale og regionale føringar. Det er ei slik avgrensing som no er gjort. Forslaget til sentrumsområde for Nordfjordeid skal flettast inn i kommuneplanen sin arealdel. Det er gjort nærare greie for korleis i vurderinga under. Vurdering: Vurderinga frå Nordplan dannar grunnlaget for forslaget til sentrumsområde for Nordfjordeid, som no skal leggast ut til offentleg ettersyn. Dette er ein avgrensa revisjon, der kommunen sjølv definerer sitt sentrumsområde, eit område som vil ha betyding ved praktisering av den regionale føresegna om handel og kjøpesenter. Forslaget til sentrumsområde for Nordfjordeid skal flettast inn i kommuneplanen sin arealdel slik: 1. Planomtalen skal oppdaterast med eit nytt kapittel som beskriver kva som ligg til grunn for avgrensing av sentrumsområde og korleis dette er følgt opp med vedlegg og i føresegnene. Vurderinga som ligg til grunn for avgrensing av sentrumsområdet vil bli lagt ved som vedlegg 4. Kart som syner avgrensing av sentrumsområdet vil bli lagt ved som vedlegg 5. 2. Føresegnene skal oppdaterast med ei ny føresegn slik: «Når regional planføresegn om lokalisering av handel og kjøpesenter skal tolkast skal definert sentrumsområde for Nordfjordeid, vedlegg 5 i planomtalen, leggast til grunn.» Offentleg ettersyn skal sikre at offentlege organ, interesseorganisasjonar og andre får høve til å uttale seg om planforslaget før endeleg vedtak. Når høyringsfristen er ute vil rådmannen vurdere planforslaget på nytt med utgangspunkt i innkomne uttaler. Økonomiske konsekvensar: Vedtaket om å legge denne planen ut til offentleg ettersyn medfører ikkje økonomiske konsekvensar for kommunen.